One N Only Exclusive Cine Portal

‘ಇಲ್ಲ’ ಚಿತ್ರ ತೆರೆಗೆ ಬರುವಮುನ್ನ…

ಶೀರ್ಷಿಕೆಯಿಂದಲೇ ಸಾಕಷ್ಟು ಸದ್ದು ಮಾಡಿ ಕುತೂಹಲ ಹುಟ್ಟಿಸಿರೋ ಚಿತ್ರ ಇಲ್ಲ. ಹೆಸರೇ ಇಲ್ಲ ಅಂತಿದ್ದರೂ ಏನೋ ಇದೆ ಎಂಬ ಭಾವವನ್ನು ಪ್ರೇಕ್ಷಕರಲ್ಲಿ ಉಂಟು ಮಾಡಿರೋ ಈ ಚಿತ್ರ ಈ ವಾರ ತೆರೆ ಕಾಣಲಿದೆ. ಈ ಬಗ್ಗೆ ವಿವರ ಹಂಚಿಕೊಳ್ಳಲು ಚಿತ್ರ ತಂಡ ಪತ್ರಿಕಾಗೋಷ್ಟಿ ಕರೆದಿತ್ತು.
ರಾಜ್ ಪ್ರಭು ಕಥೆ ಚಿತ್ರ ಕಥೆ ಬರೆದು ನಿರ್ದೇಶನ ಮಾಡಿ ನಾಯಕನಾಗಿ ನಟಿಸಿರುವ ಈ ಚಿತ್ರ ಪ್ರಯೋಗಾತ್ಮಕವಾದ ಭಿನ್ನವಾದ ಅಂಶಗಳನ್ನು ಒಳಗೊಂಡಿದೆಯಂತೆ. ಓರ್ವ ಮಾನಸಿಕವಾಗಿ ಅಸಹಜ ಲಕ್ಷಣಗಳನ್ನು ಹೊಂದಿರೋ ವ್ಯಕ್ತಿ ಕಾಡಿಗೆ ಹೋಗಿ ಅಲ್ಲಿನ ಬ್ಲ್ಯಾಕ್ ಮ್ಯಾಜಿಕ್‌ನಿಂದ ಸರಿಯಾಗಿ ಮನೆಗೆ ಮರಳುತ್ತಾನೆ. ಆ ವ್ಯಕ್ತಿ ಈ ನಡುವೆ ಯಾವೆಲ್ಲ ಅವತಾರಗಳಲ್ಲಿ ಕಾಣಿಸಿಕೊಂಡು ಏನೇನೆಲ್ಲಾ ಅನುಭವಿಸುತ್ತಾನೆಂಬುದು ಕಥಾ ಎಳೆ. ಇದನ್ನು ಅಚ್ಚುಕಟ್ಟಾಗಿ ನಿರ್ವಹಿಸಿದ ಖುಷಿ ಚಿತ್ರತಂಡದಲ್ಲಿದೆ.
ರಂಗಿತರಂಗ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಕೆಲಸ ಮಾಡಿ, ತೆಲುಗು, ತಮಿಳು ಚಿತ್ರಗಳಲ್ಲಿ ಸಣ್ಣ ಪಾತ್ರಕ್ಕೆ ಬಣ್ಣ ಹಚ್ಚಿ, ಈಗ ಪೂರ್ಣ ಪ್ರಮಾಣದ ನಾಯಕನಾಗಿ ರಾಜ್‌ಪ್ರಭು ಅವತರಿಸಿದ್ದಾರೆ. ಬೆಂಗಳೂರು, ಶಿವಮೊಗ್ಗ ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಗ್ರಾಮೀಣ ಸೊಗಡಿನ ಇಂಗ್ಲೀಷ್ ಪದಗಳ ಒಂದು ಗೀತೆಗೆ ದಿವಂಗತ ಎಲ್.ಎನ್.ಶಾಸ್ತ್ರಿ ಧ್ವನಿಯಾಗಿದ್ದಾರೆ. ಸಾಲೋಮನ್ ಸಂಕಲನ, ಶರತ್ ಹಿನ್ನಲೆ ಸಂಗೀತ ಈ ಚಿತ್ರಕ್ಕಿದೆ. ಟೆಂಟ್ ಹೌಸ್ ನಡೆಸುತ್ತಿರುವ ಶಂಕರ್.ಎನ್. ನಿರ್ಮಾಪರಾಗಿ ಮೊದಲ ಸಲ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ವಿತರಕ ನವರತ್ನ ಪ್ರಸಾದ್ ಮೂಲಕ ರಾಜ್ಯಾಧ್ಯಂತ ಈ ಚಿತ್ರ ತೆರೆ ಕಾಣಲಿದೆ.

Leave a Reply

Your email address will not be published. Required fields are marked *


CAPTCHA Image
Reload Image