Connect with us

cbn

‘ಕಿಡಿ’ಯ ಮೂಲಕ ನೆಲೆ ಕಂಡುಕೊಳ್ಳುತ್ತಾರಾ ಭುವನ್ ಚಂದ್ರ?

Published

on

ವಿಷ್ಣು ಅಂಕಲ್ ತೀರಿಕೊಂಡಾಗ ನನಗೆ ಆದ ಆಘಾತ ಅಷ್ಟಿಷ್ಟಲ್ಲ. ಸಿರಿವಂತ ಸಿನಿಮಾದಲ್ಲಿ ನಾನು ಅವರ ಮಗನ ಪಾತ್ರದಲ್ಲಿ ನಟಿಸಿದ್ದೆ. `ನಿನ್ನ ಮಗನಾಗಿ ಹುಟ್ಟೋದಕ್ಕಿಂತ ಎಂಜಲು ಕೈಯಲ್ಲಿ ಕಾಗೆ ಹೊಡೆಯೋನ ಮಗನಾಗಿ ಹುಟ್ಟಿದ್ದಿದ್ರೂ ಚನ್ನಾಗಿರ್ತಿತ್ತು…’ ಎನ್ನುವಂತಾ ಡೈಲಾಗ್ ಹೇಳಬೇಕಿತ್ತು. ಎಸ್. ನಾರಾಯಣ್ ಸರ್ ಎಷ್ಟೇ ಹೇಳಿಕೊಟ್ಟರೂ ಆ ಮಾತು ನನ್ನ ಬಾಯಿಂದ ಬರ್‍ತಾನೇ ಇರಲಿಲ್ಲ. ಆಗ ಸ್ವತಃ ವಿಷ್ಣು ಅಂಕಲ್ `ನೋಡು ಮರೀ ಇದು ಸಿನಿಮಾ. ನಾವಿಬ್ಬರೂ ಇಲ್ಲಿ ನಟರಷ್ಟೇ. ನೀನು ಧೈರ್ಯವಾಗಿ ಹೇಳು…” ಎಂದು ಹುರಿದುಂಬಿಸಿದ್ದರಂತೆ. ಆನಂತರ ಮೂವತ್ತು ದಿನಗಳ ಕಾಲ ಸರಾಗವಾಗಿ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದರಂತೆ ಭುವನ್. ಭುವನ್ ಈಗ ಪೂರ್ಣಪ್ರಮಾಣದ ನಾಯಕನಾಗಿ ಲಾಂಚ್ ಆಗುತ್ತಿದ್ದಾರೆ. ಈ ಹೊತ್ತಿನಲ್ಲಿ ವಿಷ್ಣು ಅಂಕಲ್ ಇದ್ದಿದ್ರೆ ಅದೆಷ್ಟು ಖುಷಿ ಪಡುತ್ತಿದ್ದರೋ ಎನ್ನುವಾಗ ವಿಷ್ಣುವರ್ಧನ್ ಮೇಲೆ ಭುವನ್ ಅವರಿಗಿರುವ ಪ್ರೀತಿ ಎದ್ದುಕಾಣುತ್ತದೆ…

ಕಿಡಿ ಚಿತ್ರದ ಮೂಲಕ ತಮ್ಮ ವೃತ್ತಿ ಬದುಕಿಗೆ ಮಹತ್ತರವಾರ ತಿರುವು ಸಿಗುತ್ತದೆ ಎಂಬ ಭರವಸೆ, ನಿರೀಕ್ಷೆ ಇಡೀ ತಂಡದಲ್ಲಿ ತುಂಬಿದೆ. ಅದರಲ್ಲಿಯೂ ವಿಶೇಷವಾಗಿ ಈ ಚಿತ್ರದ ನಾಯಕ ಭುವನ್ ಚಂದ್ರರಿಗೆ ಅಂಥಾದ್ದೊಂದು ಗೆಲುವು ಸಿಗಲೇಬಾಕಾದ ಅನಿವಾರ್ಯತೆಯೂ ಇದೆ. ಯಾಕೆಂದರೆ, ಚಿತ್ರರಂಗದಲ್ಲಿ ಅಖಂಡ ಹತ್ತು ವರ್ಷಗಳಿಂದ ಸಕ್ರಿಯರಾಗಿದ್ದುಕೊಂಡು ಅವರು ಸಾಗಿ ಬಂದಿರೋ ಹಾದಿಯೇ ಅಂಥಾದ್ದಿದೆ!
ಸಾಹಸಸಿಂಹ ವಿಷ್ಣವರ್ಧನ್ ಅಭಿನಯದ ಸಿರಿವಂತ ಚಿತ್ರದಲ್ಲಿ ಮಗನ ಪಾತ್ರ ಮಾಡಿದ್ದ ಸ್ಫುರದ್ರೂಪಿ ಯುವಕ ಭುವನ್ ಚಂದ್ರ ಆ ಮೂಲಕವೇ ಎಲ್ಲರ ಗಮನ ಸೆಳೆದಿದ್ದರು. ಈ ಚಿತ್ರದಲ್ಲಿ ಅವರ ಅಭಿನಯ ಗಮನಿಸಿದ ಬಹುತೇಕರು ಈ ಹುಡುಗ ನಾಯಕನಟನಾಗಿ ನೆಲೆ ನಿಲ್ಲೋದು ಗ್ಯಾರಂಟಿ ಎಂದೂ ಮಾತಾಡಿಕೊಂಡಿದ್ದರು. ಆದರೆ, ಆ ಹಾದಿಯಲ್ಲಿ ಬಹಳಷ್ಟು ಶ್ರಮ ಹಾಕಿದರೂ ಸಂಪೂರ್ಣವಾಗಿ ಹೀರೋ ಆಗಲು ಇಷ್ಟು ವರ್ಷ ಪಡಿಪಾಟಲು ಪಡಲೇಬೇಕಾಗಿ ಬಂದಿತ್ತು. ಇದೀಗ ಅವರು ಕಿಡಿ ಚಿತ್ರದ ಮೂಲಕ ಪೂರ್ಣಪ್ರಮಾಣದ ನಾಯಕರಾಗಿ ಹೊರ ಹೊಮ್ಮಿದ್ದಾರೆ.
ಮೂಲತಃ ಡ್ಯಾನ್ಸರ್ ಆಗಿರುವ ಭುವನ್ ಚಂದ್ರರಿಗೆ ಈ ಹಿಂದೆಯೇ ಹೀರೋ ಆಗುವ ಅವಕಾಶ ಕೂಡಿ ಬಂದಿತ್ತು. ಸಂಭವ ಎಂಬ ಚಿತ್ರದಲ್ಲಿ ಅವರು ನಾಯಕರಾಗಿ ನಟಿಸಿದ್ದರು. ಆ ಚಿತ್ರ ಪೂರ್ಣಗೊಂಡಿತ್ತು. ಆದರೆ ಹಣಕಾಸೂ ಸೇರಿದಂತೆ ನಾನಾ ಸಮಸ್ಯೆಗಳಿಂದ ಇನ್ನೂ ಆ ಚಿತ್ರಕ್ಕೆ ಬಿಡುಗಡೆಯ ಭಾಗ್ಯವೇ ಸಿಕ್ಕಿಲ್ಲ. ಆದ್ದರಿಂದ ಭುವನ್ ಪಾಲಿಗೀಗ ಕಿಡಿಯೇ ಪ್ರಥಮ ಚಿತ್ರ. ಅವರೀಗ ಬಿಡುಗಡೆಯ ಹೊಸ್ತಿಲಿಗೆ ಬಂದು ನಿಂತಿರುವ ಈ ಚಿತ್ರದ ಬಗ್ಗೆ ಭಾರೀ ಆತ್ಮಸ್ಥೈರ್ಯದಿಂದಲೇ ಭರವಸೆ ಹೊಂದಿದ್ದಾರೆ. ತಾವು ಮೈಮೇಲೆಳೆದುಕೊಂಡ ನಾನಾ ಜವಾಬ್ದಾರಿ, ಪಟ್ಟು ಹಿಡಿದು ಮಾಡಿದ ಕೆಲಸ ಸಾರ್ಥಕವಾಗುತ್ತದೆ ಎಂಬ ನಂಬಿಕೆಯಿಂದಿದ್ದಾರೆ.
ಸಾಮಾನ್ಯವಾಗಿ ಭಾರೀ ಶ್ರಮ ವಹಿಸಿ, ಕನಸು ಕಂಡು ಒಂದು ಚಿತ್ರದಲ್ಲಿ ನಾಯಕನಾಗಿಯೂ ನಟಿಸಿ ಅದು ಬಿಡುಗಡೆಯಾಗದೇ ಹೋದರೆ ಎಂಥವರೂ ಅಧೀರರಾಗುತ್ತಾರೆ. ಆದರೆ ಅಂಥಾದ್ದೊಂದು ಆಘಾತವನ್ನೂ ಚಾಲೆಂಜಿಂಗ್ ಆಗಿ ತೆಗೆದುಕೊಂಡ ಭುವನ್ ಆ ನಿರಾಸೆಯನ್ನೆಲ್ಲ ಈ ಚಿತ್ರದ ಮೂಲಕ ನೀಗಿಕೊಳ್ಳುವ ಭರವಸೆ ಹೊಂದಿದ್ದಾರೆ. ಕಿಡಿ ಚಿತ್ರ ಆರಂಭವಾದಾಗ ನಿರ್ಮಾಪಕರಾದ ನಾಗರಾಜ್. ಟಿ ಎಲ್ಲಾ ಜವಾಬ್ದಾರಿಯನ್ನೂ ಭುವನ್ ಚಂದ್ರರಿಗೇ ಬಿಟ್ಟಿದ್ದರಂತೆ. ಒಂದು ಸಮರ್ಥ ಟೀಮು ಕಟ್ಟೋದರಿಂದ ಹಿಡಿದು ಪ್ರೊಡಕ್ಷನ್ ದೇಖಾರೇಖಿಯವರೆಗೂ ಆ ಜವಾಬ್ದಾರಿ ವಿಸ್ತರಿಸಿತ್ತು. ಅದಕ್ಕಾಗಿ ಭುವನ್ ಪ್ರೊಡಕ್ಷನ್ ಮ್ಯಾನೇಜರ್ ಆಗಿದ್ದವರೊಬ್ಬರೊಂದಿಗೆ ಆರು ತಿಂಗಳ ಕಾಲ ಇದ್ದು ಅದರ ಒಳಹೊರಗನ್ನು ಅರಿತುಕೊಂಡೇ ಅಖಾಡಕ್ಕಿಳಿದಿದ್ದರು.
ಬಹುಶಃ ಸಿನಿಮಾವನ್ನೇ ಉಸಿರೆಂದುಕೊಳ್ಳದೇ ಇದ್ದಿದ್ದರೆ ಭುವನ್ ಇಷ್ಟು ಸುದೀರ್ಘವಾದ ಹಾದಿಯನ್ನು ದಾಟಿಕೊಳ್ಳಲು ಸಾಧ್ಯವೇ ಇರುತ್ತಿರಲಿಲ್ಲವೇನೋ. ಅಂಥಾ ಆತ್ಮಶಕ್ತಿ ಇಲ್ಲದಿದ್ದರೆ ಕಿಡಿ ಚಿತ್ರದಲ್ಲಿಯೇ ಜವಾಬ್ದಾರಿ ನಿಭಾಯಿಸಲೂ ಕಷ್ಟವಾಗುತ್ತಿತ್ತು. ಆದರೆ ನಿರ್ಮಾಪಕರು ತಮ್ಮ ಮೇಲೆ ಜವಾಬ್ದಾರಿ ಹಾಕುತ್ತಲೇ ಭುವನ್ ಅಖಾಡಕ್ಕಿಳಿದಿದ್ದರು. ಆರಂಭದಲ್ಲಿ ಒಂದಷ್ಟು ಕಥೆ ಕೇಳಿಸಿದರಾದರೂ ಅದು ನಿರ್ಮಾಪಕರಿಗೆ ಇಷ್ಟವಾಗಲಿಲ್ಲ. ನಂತರ ಹಿಟ್ ಆದ ಚಿತ್ರಗಳನ್ನು ನೋಡುವ ಕಾರ್ಯಕ್ರಮ ಇಟ್ಟುಕೊಂಡ ಭುವನ್ ಆರು ತಿಂಗಳ ಕಾಲ ಇನ್ನೂರೈವತ್ತಕ್ಕೂ ಹೆಚ್ಚು ಚಿತ್ರಗಳನ್ನು ವೀಕ್ಷಿಸಿದ್ದರು. ಅದೆಲ್ಲದರಲ್ಲಿ ಇಷ್ಟವಾಗಿದ್ದು ಮಲೆಯಾಳಂನ ಹಿಟ್ ಮೂವಿ ಕಲಿ.
ಇದಾದ ನಂತರದಲ್ಲಿ ಒಂದೊಳ್ಳೆ ಟೀಮ್ ಕಟ್ಟುವ ಜವಾಬ್ದಾರಿಯೂ ಸಿಕ್ಕಾಗ ಹೊಸಾ ತಂಡ ಕಟ್ಟುವ ಛಲದಿಂದ ಕೆಲಸ ಆರಂಭಿಸಿದವರು ಭುವನ್. ಈ ಹಿಂದೆ ಜೊತೆಯಲ್ಲಿ ಕೆಲಸ ಮಾಡಿದ್ದ ಕನಕರಾಜು ಅವರನ್ನೇ ಕ್ಯಾಮೆರಾಮನ್ ಆಗಿ ಫಿಕ್ಸ್ ಮಾಡಿದ್ದರು. ಈ ಚಿತ್ರದಲ್ಲಿ ಕ್ಯಾಮೆರಾ ಕೆಲಸವೇ ಮುಖ್ಯ. ಈ ಕನಕರಾಜು ಕ್ವಾಲಿಟಿಗಾಗಿ ತಮ್ಮ ಕೈಯಿಂದಲೇ ಕಾಸು ಹಾಕಿಯಾದರೂ ಪರಿಕರಗಳನ್ನು ಹೊಂಚಿಕೊಳ್ಳುವಷ್ಟು ಮಟ್ಟಿಗೆ ವೃತ್ತಿಪರರು. ಆದ್ದರಿಂದಲೇ ಭುವನ್ ಅವರನ್ನು ಫೈನಲ್ ಮಾಡಿದ್ದರು. ನಂತರ ರಘು ಮಾಸ್ಟರ್ ಅವರನ್ನು ನಿರ್ದೇಶಕರಾಗಿಯೂ ನಿಕ್ಕಿ ಮಾಡಿದ್ದರು. ಇವರ ಪರಿಚಿತರಾದ ಬಾಲಸುಬ್ರಹ್ಮಣ್ಯಂ ಎಂಬವರು ಮೊಬೈಲ್ ಅಂಗಡಿಯೊಂದಿಗೆ ಪಿಯಾನೋ ಮುಂತಾದ ಸಂಗೀತ ಪರಿಕರಗಳನ್ನು ನುಡಿಸುತ್ತಾ ಸಂಗೀತದ ಬಗ್ಗೆ ಭಾರೀ ಒಲವು ಹೊಂದಿದ್ದರು. ಅವರಿಗೂ ಕೂಡಾ ಅಸ್ಸ್ಟೆಂಟ್ ಆಗಿ ಅವಕಾಶ ಕೊಡುವ ಮೂಲಕ ಭುವನ್ ಸಮರ್ಥವಾದೊಂದು ಹೊಸಾ ತಂಡ ಕಟ್ಟುವಲ್ಲಿ ಯಶ ಕಂಡಿದ್ದಾರೆ.
ರಾಮಚಂದ್ರ ಮತ್ತು ಸರೋಜಾ ದಂಪತಿಯ ಮೂವರು ಮಕ್ಕಳ ಪೈಕಿ ಹಿರೀ ಮಗನಾದ ಭುವನ್ ಅವರಿಗೆ ಯಾವುದೇ ಸಿನಿಮಾ ಹಿನ್ನೆಯೂ ಇಲ್ಲ. ಆದರೂ ಅವರು ಸ್ವಂತ ಶ್ರಮದಿಂದಲೇ ಹಂತ ಹಂತವಾಗಿ ಮೇಲೇರಿ ಬಂದಿದ್ದಾರೆ. ಆದರೆ ಈ ಹಾದಿಯಲ್ಲಿ ನಿರಾಸೆಗಳಾದಾಗಲೂ ಧೈರ್ಯ ತುಂಬಿ, ಭುವನ್ ಪ್ರತಿಭೆ ಬೆಳಕಿಗೆ ಬರಲು ಕಾರಣವಾದವರು ಅವರ ತಮ್ಮ ಧನಂಜಯ್. ಖಾಸಗಿ ಕಂಪೆನಿ ಒಂದರಲ್ಲಿ ಮ್ಯಾನೇಜರ್ ಆಗಿರುವ ಧನಂಜಯ್‌ಗೆ ಆರಂಭದಿಂದಲೂ ಅಣ್ಣನ ಪ್ರತಿಭೆಯ ಮೇಲೆ ಬಲು ಪ್ರೀತಿ. ಅವರೇ ಭುವನ್‌ರ ಪ್ರತೀ ಹೆಜ್ಜೆಗಳಿಗೂ ಸಾಥ್ ನೀಡುತ್ತಾ ಬಂದಿದ್ದಾರೆ. ಇನ್ನೋರ್ವ ಸಹೋದರ ನರೇಂದ್ರ ಅಪ್ಪನ ವ್ಯವಹಾರ ಮುಂದುವರೆಸುತ್ತಿದ್ದಾರೆ.
ಭುವನ್ ಚಂದ್ರ ಒಂದು ಹೊಸಬರ ತಂಡ ಕಟ್ಟಿದಾಗ ಹೆಜ್ಜೆ ಹೆಜ್ಜೆಗೂ ನೆಗೆಟಿವ್ ಮಾತುಗಳು ಕೇಳಿ ಬಂದಿದ್ದವಂತೆ. ಬ್ಯಾನರ್ ರಿಜಿಸ್ಟರ್ ಮಾಡಿಸಲು ಹೋದಾಗ ಎದುರಾದ ಹಿರಿಯ ನಿರ್ಮಾಪಕರೊಬ್ಬರು ಕಿಡಿ ಚಿತ್ರದ ನಿರ್ಮಾಪಕ ನಾಗರಾಜ್ ಅವರಿಗೆ `ಹೊಸಬರನ್ನ ಹಾಕಿಕೊಂಡು ಯಾಕೆ ರಿಸ್ಕ್ ತಗೋತೀರಿ ಅಂತೆಲ್ಲ ಉತ್ಸಾಹ ಕುಂದಿಸೋ ಮಾತಾಡಿದ್ದರಂತೆ. ಆದರೆ ನಾಗರಾಜ್ ಸಿನಿಮಾ ರಂಗದಲ್ಲಿ ಹವಾ ಸೃಷ್ಟಿಸಿದ್ದೇ ಹೊಸಬರು ಅಂತ ಖಡಕ್ ಉತ್ತರ ನೀಡಿ ಮುಂದೆ ಸಾಗಿದ್ದರಂತೆ. ನಿರ್ಮಾಪಕರು ತಮ್ಮ ತಂಡದ ಮೇಲಿಟ್ಟ ನಂಬಿಕೆಯನ್ನು ಉಳಿಸಿಕೊಂಡಿರುವ ಭರವಸೆ ಭುವನ್ ಚಂದ್ರ ಅವರದ್ದು.
ಇದೀಗ ಅಂಥಾ ಜವಾಬ್ದಾರಿ, ಶ್ರಮವೆಲ್ಲವೂ ಸಾರ್ಥಕವಾದ ಖುಷಿ ಭುವನ್ ಚಂದ್ರರದ್ದಾಗಿದೆ. ಹ್ಯಾಂಡ್‌ಸಮ್ ಆಗಿದ್ದರೆ ಮಾತ್ರ ಸಾಲದು, ಪ್ರತಿಭೆಯೇ ಅಲ್ಟಿಮೇಟ್ ಅಂತ ನಂಬಿರುವ ಭುವನ್ ಹೀರೋ ಆಗಲು ಬೇಕಿರುವ ಸಕಲ ಕಸರತ್ತುಗಳನ್ನೂ ಕರಗತ ಮಾಡಿಕೊಂಡವರು. ತಮ್ಮ ಹತ್ತು ವರ್ಷಗಳ ಏಳು ಬೀಳು, ಆದ ಅನುಭವಗಳೆಲ್ಲವನ್ನೂ ವಿನಿಯೋಗಿಸಿ ಅವರು ಕಿಡಿ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಇತರೇ ಕೆಲಸ ಕಾರ್ಯಗಳನ್ನೂ ನೋಡಿಕೊಂಡಿದ್ದಾರೆ. ಇಡೀ ಚಿತ್ರ ತಯಾರಾಗುವವ ಅವಧಿಯಲ್ಲಿ ಸಂಪೂರ್ಣ ಸಹಕಾರ ನೀಡಿದ ನಿರ್ಮಾಪಕರು, ನಿರ್ದೇಶಕರು ಮತ್ತು ಇಡೀ ಚಿತ್ರ ತಂಡವನ್ನು ವಿಧೇಯತೆಯಿಂದ ಸ್ಮರಿಸಿಕೊಳ್ಳುವ ಭುವನ್ ಈ ಚಿತ್ರದ ಮೂಲಕ ನಾಯಕ ನಟನಾಗಿ ನೆಲೆ ಕಾಣಲಿ ಅಂತ ಹಾರೈಸೋಣ…

cbn

ಜೀ ಕನ್ನಡದಲ್ಲಿ ಹಾರರ್ ಆತ್ಮಬಂಧನ

Published

on

ಕಳೆದ ಹಲವು ವರ್ಷಗಳಿಂದಲೂ ಜೀ ಕನ್ನಡ ವಾಹಿನಿ ಸದಾ ತನ್ನ ಕಾರ್ಯಕ್ರಮ ಕಟ್ಟಿಕೊಡುವಲ್ಲಿ ಹೊಸತನವನ್ನು ಮೈಗೂಡಿಸಿಕೊಳ್ಳುವ ಮೂಲಕ ವೀಕ್ಷಕರಿಗೆ ಹೆಚ್ಚು ಹೆಚ್ಚು ಹತ್ತಿರವಾಗುತ್ತಿದೆ. ಜೋಡಿ ಹಕ್ಕಿ, ಸುಬ್ಬಲಕ್ಷ್ಮಿಸಂಸಾರ, ಕಮಲಿ, ಯಾರೆ ನೀ ಮೋಹಿನಿ, ವಿಷ್ಣು ದಶಾವತಾರ, ಮಹಾದೇವಿ, ನಾಗಿಣಿ, ಪಾರು, ಬ್ರಹ್ಮಗಂಟು ಮೊದಲಾದ ಧಾರಾವಾಹಿಗಳು ಹೊಸ ಇತಿಹಾಸ ಬರೆದಿವೆ. ವಾರಾಂತ್ಯ ಧಾರಾವಾಹಿ ಉಘೇ ಉಘೇ ಮಾದೇಶ್ವರ, ಅಲ್ಲದೆ ಸರಿಗಮಪ, ಡ್ರಾಮಾದಂಥ ರಿಯಾಲಿಟಿ ಷೊಗಳು ಕನ್ನಡಿಗರ ಮನೆಮಾತಾಗಿವೆ.

ಇದೀಗ ಜೀ ಕನ್ನಡ ವಾಹಿನಿಯಲ್ಲಿ ಆತ್ಮಬಂಧನ ಎಂಬ ಮತ್ತೊಂದು ಹಾರರ್ ಧಾರಾವಾಹಿ ಮೂಡಿಬರಲಿದೆ. ಜನನ ಮತ್ತು ಮರಣದ ಸಾಕ್ಷಿ ಆತ್ಮ. ಮರಣಾ ನಂತರವೂ ಆತ್ಮ ತನ್ನ ಪ್ರೀತಿ ಮತ್ತು ದ್ವೇಷವನ್ನು ಬಿಡುವುದಿಲ್ಲ ಎಂಬುದು ಸಾಮಾನ್ಯ ನಂಬಿಕೆ. ಈ ಎಳೆಯನ್ನು ಇಟ್ಟುಕೊಂಡು ತಾಯಿ ಮತ್ತು ಪುಟ್ಟ ಮಗನ ನಡುವಿನ ಬಾಂಧವ್ಯದ ಹಿನ್ನೆಲೆಯಲ್ಲಿ ಆತ್ಮಬಂಧನ ಧಾರಾವಾಹಿಯನ್ನು ನಿರೂಪಿಸಲಾಗುತ್ತಿದೆ. ದುರಂತದಲ್ಲಿ ಮರಣವನ್ನಪ್ಪುವ ಮಗನ ಆತ್ಮ ತನ್ನ ಅಮ್ಮನ ಪ್ರೀತಿಗಾಗಿ ಹಂಬಲಿಸಿ ಬರುವ ಮತ್ತು ಆ ಪ್ರೀತಿಗೆ ಅಡ್ಡ ಬರುವವರನ್ನು ಶಿಕ್ಷಿಸುವ ಕಥಾಹಂದರ ಇದರಲ್ಲಿದೆ. ಈ ಹಿನ್ನೆಲೆಯಲ್ಲಿ ಕೌಟುಂಬಿಕ ಪ್ರೀತಿ-ದ್ವೇಷಗಳು ಹಾಗೂ ಪತಿ-ಪತ್ನಿಯರ ಸಂಬಂಧದ ನಡುವೆ ಏಳುವ ಬಿರುಗಾಳಿ ಹೊಸ ಬಗೆಯಲ್ಲಿ ನಿರೂಪಿತವಾಗಿದೆ. ಈ ಧಾರಾವಾಹಿಯನ್ನು ನಿರ್ದೇಶಕ ಜಿ.ಕೆ. ಸತೀಶ್ ಕೃಷ್ಣನ್ ನಿರ್ದೇಶಿಸುತ್ತಿದ್ದಾರೆ. ದ್ವಿಜ ಕ್ರಿಯೇಷನ್ಸ್ ಅಡಿಯಲ್ಲಿ ಮಹೇಶ್ ಗೌಡ, ಡಾ| ಸುಮಾ ಈ ಧಾರಾವಾಹಿಯನ್ನು ನಿರ್ಮಿಸುತ್ತಿದ್ದಾರೆ. ಇದರ ಕಥಾವಿಸ್ತರಣೆ, ಚಿತ್ರಕತೆಯನ್ನು ಎಸ್. ಸೆಲ್ವಂ ಮತ್ತು ಗಿರೀಶ್ ತಂಡ ನಿರ್ವಹಿಸಿದೆ. ರತ್ನಗಿರಿ ಅವರ ಸಂಭಾಷಣೆ, ವಿನಯ್ ಅವರ ಸಂಗೀತ, ಹರ್ಷಪ್ರಿಯ ಅವರ ಶೀರ್ಷಿಕೆ ಸಾಹಿತ್ಯ ಇದಕ್ಕಿದೆ. ಎದೆಯಲ್ಲಿ ಕಂಪನ ಹುಟ್ಟಿಸುವ ಗ್ರಾಫಿಕ್ಸ್ ಪ್ರತಿ ಸಂಚಿಕೆಯಲ್ಲೂ ವೀಕ್ಷಕರಿಗೆ ಹೊಸ ಅನುಭವ ನೀಡಲಿದೆ.

ಆತ್ಮಬಂಧನ ವೀಕ್ಷಕರಿಗೆ ಮನರಂಜನೆಯ ಹೊಸ ಬಾಗಿಲು ತೆರೆಯಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸುತ್ತಾರೆ ಜೀ ಕನ್ನಡ ವಾಹಿನಿಯ ಬಿಸ್ನೆಸ್ ಹೆಡ್ ರಾಘವೇಂದ್ರ ಹುಣಸೂರು. ಎಲ್ಲ ವಯೋಮಾನದವರನ್ನೂ ಗಮನದಲ್ಲಿರಿಸಿಕೊಂಡು ಕುಟುಂಬ ಸಮೇತ ನೋಡುವಂತೆ ಈ ಹಾರರ್ ಧಾರಾವಾಹಿ ರೂಪಿಸಿದ್ದೇವೆ ಎನ್ನುತ್ತಾರೆ ನಿರ್ದೇಶಕ ಜಿ.ಕೆ. ಸತೀಶ್ ಕೃಷ್ಣನ್. ತಾರಾಗಣದಲ್ಲಿ ರಜನಿ, ಪ್ರಶಾಂತ್, ಬಾಲನಟ ಆಲಾಪ್, ಶಿವಾನಿ, ಲಕ್ಷ್ಮೀಗೌಡ, ರಾಮಮೂರ್ತಿ, ರಾಜೇಶ್, ನೇತ್ರಾ ಸಿಂಧ್ಯಾ, ಸುನೇತ್ರ ಪಂಡಿತ್ ಮುಂತಾದವರಿದ್ದಾರೆ. ಜೀ ಕನ್ನಡ ವಾಹಿನಿಯಲ್ಲಿ ಡಿಸೆಂಬರ್ ೧೭ ರಿಂದ ಸೋಮ-ಶುಕ್ರವಾರ ರಾತ್ರಿ ೧೦:೩೦ಕ್ಕೆ ಆತ್ಮಬಂಧನ ಪ್ರಸಾರವಾಗಲಿದೆ.

Continue Reading

cbn

ದರ್ಶನ್ ಮ್ಯಾನೇಜರ್ ಮಹಾದ್ರೋಹಿ ಮಲ್ಲಿ ಎಲ್ಲಿದ್ದಾನೆ ಗೊತ್ತಾ?

Published

on


ನಂಬಿದರೆ ಸರ್ವಸ್ವವನ್ನೂ ಧಾರೆಯೆರೆದುಬಿಡುವ ‘ಯಜಮಾನ’, ತಮ್ಮ ಕೈಕೆಳಗೆ ಕೆಲಸ ಮಾಡುವವರನ್ನೂ ಸ್ನೇಹಿತರಂತೆ ಪೊರೆಯುವ ‘ಒಡೆಯ’ ದರ್ಶನ್ ಅವರಿಗೆ ಮಲ್ಲಿಕಾರ್ಜುನ ಎನ್ನುವ ಮ್ಯಾನೇಜರ್ ಮಹಾದ್ರೋಹವೆಸಗಿ ಗಾಯಬ್ ಆದನಲ್ಲಾ? ಆತ ಎಲ್ಲಿದ್ದಾನೆ ಅನ್ನೋದರ ಸಣ್ಣ ಸುಳಿವೊಂದು ಸಿಕ್ಕಿದೆ!
ಮ್ಯಾನೇಜರ್ ಮಲ್ಲಿ ಅನ್ನೋ ಮಹಾನುಭಾವ ದರ್ಶನ್ ಮತ್ತವರ ತಂಡಕ್ಕೆ ಕೈಕೊಟ್ಟು ಊರುಬಿಟ್ಟಿದ್ದಾನೆ ಅನ್ನೋ ಸುದ್ದಿಯನ್ನು ಮೊಟ್ಟ ಮೊದಲ ಬಾರಿಗೆ ಸ್ಫೋಟಿಸಿದ್ದು ಸಿನಿಬಜ್. ನಾವು ಸುದ್ದಿ ನೀಡಿದ ಮೇಲೂ ಎಷ್ಟೋ ಜನ ‘ಹೌದಾ? ನಿಜಾನಾ? ಅದು ಹೇಗೆ ಸಾಧ್ಯ?’ ಅಂತೆಲ್ಲಾ ಪ್ರಶ್ನಿಸಿದ್ದರು. ಯಾರೆಂದರೆ ಯಾರೂ ನಂಬಲೂ ಸಾಧ್ಯವಾಗದ ನಿಜಾಂಶವನ್ನು ಸಿನಿಬಜ಼್ ಬಯಲಿಗೆಳೆದಿತ್ತು. ನಂತರ ನಮ್ಮ ವರದಿಯ ಸತ್ಯಾಸತ್ಯತೆ ಜಗತ್ತಿಗೂ ಗೊತ್ತಾಯಿತು. ಇರಲಿ, ವಿಷಯ ಅದಲ್ಲ!

ಊರುಬಿಡುವ ಮುಂಚೆ ಪಕ್ಕಾ ಪ್ಲಾನು ಮಾಡಿಕೊಂಡು, ಬೆಂಗಳೂರಿನಲ್ಲಿದ್ದ ಮನೆಯನ್ನು ಖಾಲಿ ಮಾಡಿ ಹೆಂಡತಿ ಮಕ್ಕಳನ್ನೆಲ್ಲಾ ತನ್ನ ಹುಟ್ಟೂರಿಗೆ ಬಿಟ್ಟುಬಂದಿದ್ದ ಈತ ಒಮ್ಮೆಲೇ ಗಾಯಬ್ ಆಗಿದ್ದ. ಮಲ್ಲಿ ಓಡಿಹೋದ, ದರ್ಶನ್ ಮತ್ತವರ ಸುತ್ತಲಿನವರಿಗೆ ವಂಚಿಸಿ ಕಾಲುಕಿತ್ತಿದ್ದಾನೆ ಅನ್ನೋದು ಬಿಟ್ಟರೆ ಬೇರಾವ ಸುಳಿವೂ ಈವರೆಗೆ ಸಿಕ್ಕಿರಲಿಲ್ಲ.

ಏಕಾಏಕಿ ಯಾವ ಸೂಚನೆಯನ್ನೂ ನೀಡದೆ ಊರುಬಿಟ್ಟು ಎಸ್ಕೇಪ್ ಆದ ಮಲ್ಲಿ ಈಗೆಲ್ಲಿದ್ದಾನೆ? ಅನ್ನೋದರ ಸಣ್ಣ ಸುಳಿವೊಂದು ನಮಗೆ ದೊರೆತಿದೆ.  ಅದರ ಪ್ರಕಾರ ಹೇಳೋದಾದರೆ ಮಲ್ಲಿ ಈಗ ಕೆನಡಾದಲ್ಲಿ ಸೆಟಲ್ ಆಗಿ ಅಲ್ಲೊಂದು ಫ್ಲಾಟು ಖರೀದಿಸಿ ಕೂಲಾಗಿ ಜೀವನ ನಡೆಸುತ್ತಿದ್ದಾನಂತೆ. ಅದು ಎಷ್ಟರ ಮಟ್ಟಿಗೆ ನಿಜ ಅನ್ನೋದು ಆಧಾರ ಸಮೇತ ಸಿಕ್ಕನಂತರವಷ್ಟೇ ಪಕ್ಕಾ ಆಗಲಿದೆ. ಇಷ್ಟಕ್ಕೂ ಮಲ್ಲಿ ಯಾಮಾರಿಸಿ ತೆಗೆದುಕೊಂಡು ಹೋದ ಹಣವನ್ನು ಏನು ಮಾಡಿದ್ದಾನೆ? ನಂಬಿದವರನ್ನು ವಂಚಿಸುವ ದರ್ದಾದರೂ ಈತನಿಗೇನಿತ್ತು? ಇವೆಲ್ಲ ವಿವರಗಳು ಇಷ್ಟರಲ್ಲೇ ಬಯಲಾಗಲಿದೆ… ಕಾದು ನೋಡಿ!

 

Continue Reading

cbn

ಇದು ಅಣ್ಣಾವ್ರ ಕಡೆಯ ಸಿನಿಮಾ ಆಗಬೇಕಿತ್ತು!

Published

on

`ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ ತುಡಿವುದೆ ಜೀವನ…’ ಹಾಡಿನ ಮೊದಲ ಸಾಲು ಈಗ ಸಿನಿಮಾ ಆಗಿ ಬಿಡುಗಡೆಗೊಂಡಿದೆ. ಕಾಂತ ಕನ್ನಲ್ಲಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಸಿನಿಮಾ ನೋಡಿದ ಎಲ್ಲರನ್ನೂ ಸೆಳೆಯುತ್ತಿದೆ. ಸಿನಿಮಾ ನೋಡಿ ಹೊರಬಂದ ಪ್ರತಿಯೊಬ್ಬರ ಮುಖದಲ್ಲೂ ಮಂದಹಾಸ ಮೂಡಿಸುವ ಸಿನಿಮಾ ಇದು.

ಅಂದಹಾಗೆ ಇದೇ `ಇರುವುದೆಲ್ಲವ ಬಿಟ್ಟು’ ಶೀರ್ಷಿಕೆ ವರನಟ ಡಾ. ರಾಜ್ ಕುಮಾರ್ ಅವರ ನಟನೆಯ ಕೊನೆಯ ಸಿನಿಮಾ ಆಗಬೇಕಿತ್ತು ಅನ್ನೋ ವಿಚಾರವೊಂದು ಹೊರಬಿದ್ದಿದೆ. ಮೊನ್ನೆದಿನ ಈ ಸಿನಿಮಾವನ್ನು ನೋಡಿದ ಕೆ.ಎಂ.ಎಫ್‌ನ ಮಾಜಿ ವ್ಯವಸ್ಥಾಪಕ ನಿರ್ದೇಶಕ ಎ.ಎಸ್. ಪ್ರೇಮನಾಥ್ ಖುದ್ದು ನಿರ್ದೇಶಕರ ಬಳಿ ಈ ವಿಷಯವನ್ನು ಹೇಳಿದರಂತೆ. ಪ್ರೇಮ್‌ನಾಥ್ ಡಾ.ರಾಜ್ ಕುಟುಂಬದ ಜೊತೆ ತೀರಾ ನಿಕಟ ಸಂಪರ್ಕ ಹೊಂದಿರುವವರು. ಹೀಗಾಗಿ ಅಣ್ಣಾವ್ರ ಕುರಿತ ಸಾಕಷ್ಟು ಇಂಟರೆಸ್ಟಿಂಗ್ ವಿಚಾರಗಳು ಪ್ರೇಮನಾಥ್ ಅವರಿಗೆ ಸಹಜವಾಗೇ ಗೊತ್ತಿರುತ್ತದೆ.

ಡಾ. ರಾಜ್‌ಕುಮಾರ್ ನಟಿಸಬೇಕಿದ್ದ ಆ ಸಿನಿಮಾಗೆ ಖ್ಯಾತ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಕಥೆಯನ್ನೂ ಹೇಳಿದ್ದರಂತೆ. `ಇರುವುದೆಲ್ಲವ ಬಿಟ್ಟು’ ಅನ್ನೋ ಶೀರ್ಷಿಕೆಯನ್ನು ರಾಜಣ್ಣ ಬಹುವಾಗಿ ಇಷ್ಟಪಟ್ಟಿದ್ದರಂತೆ. ಅವರ ಅನಾರೋಗ್ಯ ಮತ್ತಿತರ ಕಾರಣಗಳಿಗೆ ಆ ಸಿನಿಮಾ ಸೆಟ್ಟೇರಿರಲಿಲ್ಲ. ಒಂದು ವೇಳೆ ಅಣ್ಣಾವ್ರು ಈಗಲೂ ಇರುವಂತಾಗಿ, ಅದೇ ಶೀರ್ಷಿಕೆಯೊಂದಿಗೆ ಇಷ್ಟು ಮುದ್ದಾದ ಸಿನಿಮಾ ಮೂಡಿಬಂದಿರೋದನ್ನು ನೋಡಿದ್ದಿದ್ದರೆ ಅದೆಷ್ಟು ಖುಷಿಪಡುತ್ತದ್ದರೋ…?

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz