One N Only Exclusive Cine Portal

ಮದರಂಗಿ ಕೃಷ್ಣನ ಮಾರ್ಜಾಲ ಬುದ್ಧಿ!

👇 ನಮ್ಮ ಪುಟ ಲೈಕ್ 👍 ಮಾಡಿ 👇👇

👆ನಮ್ಮ ಪೇಜ್ ಲೈಕ್ 👍 ಮಾಡಲು ಮರಿಬೇಡಿ ಫ್ರೆಂಡ್ಸ್ 👆

ಕಾರಂಜಿ ಶ್ರೀಧರ್ ನಿರ್ದೇಶನದ ಜಾಲಿಬಾರು ಮತ್ತು ಪೋಲಿ ಹುಡುಗರು ಚಿತ್ರ ತೆರೆಕಾಣುವ ಮುಹೂರ್ತ ಹತ್ತಿರ ಬಂದಿದೆ. ಕೊಂಚ ತಡವಾದರೂ ಪಕ್ಕಾ ಖದರಿನಿಂದಲೇ ಎಂಟ್ರಿ ಕೊಡುತ್ತಿರೋ ಈ ಚಿತ್ರ ಅಖಂಡ ನೂರೈವತ್ತಕ್ಕೂ ಹೆಚ್ಚು ಚಿತ್ರ ಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಆದರೆ, ನಾನಾ ಸವಾಲುಗಳನ್ನೆದುರಿಸಿ ಈ ಚಿತ್ರವನ್ನು ಬಿಡುಗಡೆಯ ಹಂತಕ್ಕೆ ತಂದಿರೋ ನಿರ್ದೇಶಕರ ಪಾಲಿಗೆ ಮಾರ್ಜಾಲ ಬುದ್ಧಿ ಪ್ರದರ್ಶಿಸುತ್ತಿರೋ ನಾಯಕನಟ ಮದರಂಗಿ ಕೃಷ್ಣನೇ ತಲೆ ನೋವಾಗಿ ಪರಿಣಮಿಸಿದ್ದಾನೆ!
ಅಷ್ಟಕ್ಕೂ ಈ ಚಿತ್ರ ಹತ್ತಿರತ್ತಿರ ಇನ್ನೂರು ಚಿತ್ರ ಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿರೋದೇ ಮದರಂಗಿ ಕೃಷ್ಣನ ಮಹಾ ಯೋಗ. ಇಂಥಾದ್ದೊಂದು ಯೋಗ ಆತನ ಪಾಲಿಗೆ ಬಂದೊದಗುವಂತೆ ಮಾಡಿದ್ದು ನಿರ್ದೇಶಕ ಕಾರಂಜಿ ಶ್ರೀಧರ್ ಅವರ ಶ್ರಮದಿಂದ. ಈ ಚಿತ್ರದ ವಿಚಾರವಾಗಿ ಕೊಂಚ ತಡವಾಗಿದ್ದು ನಿಜ. ಆದರೆ ಅದಕ್ಕೆ ಕಾರಣ ನಿರ್ದೇಶಕರಿಗೆದುರಾಗಿದ್ದ ಅಡೆತಡೆಗಳು. ಈ ನಡುವೆ ಶ್ರೀಧರ್ ಅವರಿಗೆ ಅನಾರೋಗ್ಯವೂ ಕಾಡಿತ್ತು. ಆದರೆ ಅದ್ಯಾವುದಕ್ಕೂ ಕುಗ್ಗದೆ ಕಡೆಗೂ ಈ ಚಿತ್ರವನ್ನು ಅದ್ದೂರಿಯಾಗಿಯೇ ತೆರೆಗಾಣಿಸಲು ತಯಾರಾಗಿದ್ದಾರೆ.
ಆದರೆ, ಏಕಾಏಕಿ ತಿಮಿರು ತೋರಿಸಲಾರಂಭಿಸಿರೋ ಮದರಂಗಿ ಕೃಷ್ಣ ಮಾತ್ರ ತನ್ನದೇ ಚಿತ್ರದ ಪ್ರಚಾರಕ್ಕೆ ಬಾರದೆ ಸತಾಯಿಸುತ್ತಿದ್ದಾನಂತೆ. ಮನುಷ್ಯತ್ವ ಇರೋ ಯಾರೇ ಆಗಿದ್ದರೂ ಅನಾರೋಗ್ಯದ ನಡುವೆಯೂ ಎದ್ದು ಓಡಾಡುತ್ತಿರೋ ನಿರ್ದೇಶಕರ ನೆರವಿಗೆ ನಿಲ್ಲುತ್ತಿದ್ದರು. ಕೃಷ್ಣನಿಗೆ ಆ ಔದಾರ್ಯವಿಲ್ಲ. ಆದರೆ ಇದೀಗ ಚಿತ್ರದ ಪ್ರಚಾರಕ್ಕೂ ಬಾರದಿರೋದರ ಬಗ್ಗೆ ಇಡೀ ಚಿತ್ರ ತಂಡವೇ ಅಸಹನೆಗೀಡಾಗಿದೆ. ಇದು ಮದರಂಗಿ ಕೃಷ್ಣನ ಮುಂದಿನ ನಡೆಗೂ ಮುಳ್ಳಾಗೋದು ಗ್ಯಾರೆಂಟಿ.
ಅಷ್ಟಕ್ಕೂ ಈ ಮದರಂಗಿ ಕೃಷ್ಣನನ್ನು ನಾಯಕ ನಟನಾಗಿ ಈ ವರೆಗೂ ಪ್ರೇಕ್ಷಕರ‍್ಯಾರೂ ಒಪ್ಪಿಕೊಂಡಿಲ್ಲ. ಈ ಹೊತ್ತಿನಲ್ಲಿಯೇ ಇಂಥಾ ತಿಮಿರು ತೋರಿಸುತ್ತಿರೋ ಕೃಷ್ಣ ಯಾಮಾರಿ ಹೀರೋ ಆಗಿ ನೆಲೆ ನಿಂತರೆ ಇನ್ನೇನೇನು ಕಾಟ ಕೊಡಬಹುದೆಂಬುದನ್ನು ಯಾರಾದರೂ ಊಹಿಸಬಹುದು. ಆತ ಸಣ್ಣತನಗಳನ್ನು ಬದಿಗಿಟ್ಟು ಇನ್ನಾದರೂ ಪ್ರಚಾರ ಕಾರ್ಯದಲ್ಲಿ ಪಾಲ್ಗೊಂಡರೆ ಅದು ಆತನ ಬೆಳವಣಿಗೆಗೇ ಸಹಕಾರಿಯಾದೀತೇನೋ…

 

copying or reproducing the above content in any format without approval is criminal offence and will be prosecuted in Bengaluru court © CINIBUZZ

👇 ನಮ್ಮ ಪುಟ ಲೈಕ್ 👍 ಮಾಡಿ 👇👇

👆ನಮ್ಮ ಪೇಜ್ ಲೈಕ್ 👍 ಮಾಡಲು ಮರಿಬೇಡಿ ಫ್ರೆಂಡ್ಸ್ 👆

Leave a Reply

Your email address will not be published. Required fields are marked *


CAPTCHA Image
Reload Image