One N Only Exclusive Cine Portal

ಸಸ್ಪೆನ್ಸ್ ಥ್ರಿಲ್ಲರ್ ವುಮೆನ್ಸ್ ಡೇ ತೆರೆಗೆ ಬರುತ್ತಿದೆ!

ವುಮೆನ್ಸ್ ಡೇ ಎಂಬ ಶೀರ್ಷಿಕೆ ಮತ್ತು ಅದಕ್ಕೆ ತಕ್ಕುದಾಗಿ ಐವರು ಹುಡುಗೀರ ಮುಖ್ಯಭೂಮಿಕೆ… ಹಾಗಾದರೆ ಈ ಚಿತ್ರಕ್ಕೂ ವಿಶ್ವ ಮಹಿಳಾ ದಿನಕ್ಕೂ ಏನಾದರೂ ಕನೆಕ್ಷನ್ನಿರಬಹುದಾ ಎಂಬಂಥಾ ಪ್ರಶ್ನೆ. ಇದೆಲ್ಲದರ ಜೊತೆಜೊತೆಗೇ ಬಿಡುಗಡೆಯಾಗಿ ಮನ ಸೆಳೆದ ಹಾಡುಗಳು… ಇಂಥಾ ವಿದ್ಯಮಾನಗಳ ನಡುವೆಯೇ ಪ್ರೇಕ್ಷಕರಲ್ಲೊಂದು ಕೌತುಕ ಹುಟ್ಟು ಹಾಕಿರೋ ಈ ಚಿತ್ರವೀಗ ತೆರೆಗಾಣುವ ಕ್ಷಣಗಳು ಹತ್ತಿರ ಬಂದಿವೆ!
ಆರ್.ಜಿ ಗೌಡ ನಿರ್ಮಾಣದ, ಈಶ ನಿರ್ದೇಶನದ ಈ ಚಿತ್ರದ ಕಥೆಗೂ ಮಹಿಳಾ ದಿನಾಚರಣೆಗೂ ಸಂಬಂಧವಿಲ್ಲ ಅನ್ನುತ್ತಲೇ ಈ ಚಿತ್ರ ರೋಚಕವಾದ ಕಥಾ ಹಂದರ ಹೊಂದಿರೋ ಸುಳಿವನ್ನಷ್ಟೇ ಚಿತ್ರ ತಂಡ ಈ ವರೆಗೂ ಬಿಟ್ಟುಕೊಟ್ಟಿದೆ. ಸನಿಹ, ಸುಹಾನಾ, ಮೋನಿಕಾ, ಅಕ್ಷರ ಮತ್ತು ಸ್ನೇಹಾ ಎಂಬ ಐವರು ಹುಡುಗೀರು ವುಮೆನ್ಸ್ ಡೇ ಚಿತ್ರದ ಕೇಂದ್ರ ಬಿಂದುಗಳು. ಪ್ರಧಾನವಾದ ಪಾತ್ರದಲ್ಲಿ ಡೈಲಾಗ್ ಕಿಂಗ್ ಸಾಯಿ ಕುಮಾರ್ ಅಭಿನಯಿಸಿರೋದು ಮತ್ತೊಂದು ವಿಶೇಷ.
ಈ ಚಿತ್ರದ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿರೋ ಐವರು ಹುಡುಗೀರು ಸಂಭ್ರಮಾಚರಣೆಗೆಂದು ದೂರದ ಕಾಡು ಪ್ರದೇಶವೊಂದಕ್ಕೆ ಹೋದಾಗ ಎದುರಾಗೋ ರೋಚಕ ಘಟನಾವಳಿಗಳು ಚಿತ್ರದ ಪ್ರಮುಖ ಆಕರ್ಷಣೆ. ಅಂದಹಾಗೆ ಈ ಚಿತ್ರದ ಕಥೆ ಪುನರ್ಜನ್ಮದ ಎಳೆಯನ್ನೂ ಹೊಂದಿದೆಯಂತೆ. ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನ ಅಪ್ಪಟ ಮಲೆನಾಡು ಏರಿಯಾದಲ್ಲೇ ಚಿತ್ರೀಕರಣ ನಡೆದಿರೋದರಿಂದ ಪ್ರೇಕ್ಷಕರ ಕಣ್ಣುಗಳು ತಂಪಾಗೋವಂಥಾ ದೃಷ್ಯಗಳ ಸಾಲೇ ಈ ಚಿತ್ರದಲ್ಲಿವೆಯಂತೆ!
ಅಪ್ಪಟ ಸಸ್ಪೆನ್ಸ್ ಮತ್ತು ಥ್ರಿಲ್ಲರ್ ಮಾದರಿಯಲ್ಲಿ ಇಡೀ ಚಿತ್ರವನ್ನು ಕಟ್ಟಿಕೊಟ್ಟಿರೋ ಖುಷಿ, ಅದೆಲ್ಲವೂ ಪ್ರೇಕ್ಷಕರನ್ನು ಆವರಿಸಿಕೊಳ್ಳಲಿವೆ ಎಂಬ ಭರವಸೆ ಚಿತ್ರತಂಡದ್ದು. ಅದು ಎಷ್ಟರ ಮಟ್ಟಿಗೆ ನಿಜವಾಗಬಹುದೆಂಬುದಕ್ಕೆ ಇಷ್ಟರಲ್ಲೇ ಉತ್ತರ ಸಿಗಲಿದೆ!

Leave a Reply

Your email address will not be published. Required fields are marked *


CAPTCHA Image
Reload Image