Connect with us

ಅಪ್‌ಡೇಟ್ಸ್

ದುನಿಯಾ ವಿಜಿಗೆ ನಾಯಕಿಯಾದಳು ನಾಗಕನ್ನಿಕೆ!

Published

on

ರಾಘು ಶಿವಮೊಗ್ಗ ಮತ್ತು ದುನಿಯಾ ವಿಜಯ್ ಕಾಂಬಿನೇಷನ್ನಿನ ಮೊದಲ ಚಿತ್ರ ಕುಸ್ತಿ. ಈ ಹಿಂದೆ ಬಿಡುಗಡೆಯಾಗಿದ್ದ ಟೀಸರ್ ಮೂಲಕವೇ ಈ ಚಿತ್ರ ಹುಟ್ಟಿಸಿರೋ ಕ್ರೇಜ್ ಸಣ್ಣದ್ದೇನಲ್ಲ. ಇದನ್ನು ತಮ್ಮ ವೃತ್ತಿ ಬದುಕಿನ ಮಹತ್ವಪೂರ್ಣ ಚಿತ್ರವಾಗಿ ಪರಿಗಣಿಸಿರುವ ವಿಜಿ ಈ ಪಾತ್ರಕ್ಕಾಗಿ ಭಾರೀ ತಯಾರಿ ಮಾಡುತ್ತಿದ್ದಾರೆ. ಇದೀಗ ಈ ಚಿತ್ರಕ್ಕೆ ನಾಯಕಿಯಾಗಿ ಅದಿತಿ ಪ್ರಭುದೇವ್ ಆಯ್ಕೆಯಾಗಿದ್ದಾರೆ!

ನಾಗಕನ್ನಿಕೆ ಧಾರಾವಾಹಿಯ ಮೂಲಕ ಕಿರುತೆರೆಯಲ್ಲಿ ಭಾರೀ ಅಭಿಮಾನಿ ಬಳಗವನ್ನು ಹೊಂದಿರುವವರು ಅದಿತಿ. ಆ ಬಳಿಕ ಶಿವತೇಜಸ್ ನಿರ್ದೇಶನದ ಧೈರ್ಯ ಚಿತ್ರದಲ್ಲಿ ಅಜೇಯ್ ರಾವ್‌ಗೆ ನಾಯಕಿಯಾಗೋ ಮೂಲಕ ಚಿತ್ರರಂಗಕ್ಕೂ ಎಂಟ್ರಿ ಕೊಟ್ಟಿದ್ದರು. ಇದೀಗ ಸಿಂಪಲ್ ಸುನಿ ನಿರ್ದೇಶನದ ಬಜಾರ್ ಚಿತ್ರದಲ್ಲಿಯೂ ನಟಿಸಿರೋ ಆದಿತಿ ಆ ಚಿತ್ರ ಬಿಡುಗಡೆಯ ಹೊಸ್ತಿಲಲ್ಲಿರುವಾಗಲೇ ಕುಸ್ತಿಗೆ ಸಜ್ಜಾಗಿದ್ದಾರೆ.

ಅದಿತಿ ನಟನೆಗಿಳಿದಿದ್ದೇ ಆಕಸ್ಮಿಕವಾಗಿ. ಅವರಿಗೆ ಮೊದಲಿನಿಂದಲೂ ನಟಿಯಾಗಬೇಕು ಎನ್ನುವ ಕನಸಿತ್ತು. ಎಂ.ಬಿ.ಎ. ಓದಿ ಮುಗಿಸಿದ ನಂತರ ಆ ಬಯಕೆ ಮತ್ತಷ್ಟು ಹೆಚ್ಚಾಗಿತ್ತು. ದಾವಣಗೆರೆಯಲ್ಲಿ ಎಂ.ಬಿ.ಎ. ಮುಗಿದ ನಂತರ ಇಂಟರ್‍ನ್‌ಶಿಪ್‌ಗಾಗಿ ಬೆಂಗಳೂರಿಗೆ ಬಂದಿದ್ದರಲ್ಲಾ ಅದೇ ಹೊತ್ತಿಗೆ `ಗುಂಡ್ಯಾನ ಹೆಂಡ್ತಿ? ಧಾರಾವಾಹಿಗಾಗಿ ಆಡಿಷನ್ ಕರೆದಿದ್ದರು. ಅದಿತಿ ಕೂಡಾ ಹೋಗಿ ಅಟೆಂಡ್ ಮಾಡಿದ್ದರು. ಅದರಲ್ಲಿ ಪಾಸ್ ಆದ ಕಾರಣದಿಂದ ಗುಂಡ್ಯಾನ್ ಹೆಂಡ್ತಿ ಸೀರಿಯಲ್ಲಿನಲ್ಲಿ ಲೀಡ್ ಕ್ಯಾರೆಕ್ಟರ್ ಸಿಕ್ಕಿತ್ತು. ಆದರೆ ಅದು ಪಕ್ಕಾ ಹಳ್ಳಿ ಹುಡುಗಿಯ ಪಾತ್ರ ಮತ್ತು ಡೀಗ್ಲಾಮರಸ್ ರೋಲ್ ಆಗಿತ್ತು. ಆ ಪಾತ್ರ ಅದಿತಿಗೆ ಅಪಾರ ಜನಪ್ರಿಯತೆ ಮತ್ತು ನಟಿಸಬಹುದು ಎನ್ನುವ ಕಾನ್ಫಿಡೆನ್ಸ್ ಅನ್ನು ಹೆಚ್ಚು ಮಾಡಿತ್ತು.

ಆ ಬಳಿಕ ಕಿರುತೆರೆಯಲ್ಲಿ ನಾಗ ಕನ್ನಿಕೆಯಾಗಿ ಅಬ್ಬರಿಸಿದ್ದ ಅದಿತಿ ಈಗ ಕುಸ್ತಿ ಚಿತ್ರಕ್ಕೆ ನಾಯಕಿಯಾಗುದ ದೊಡ್ಡ ಅವಕಾಶವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಕುಸ್ತಿಯ ನಾಯಕಿ ಪಾತ್ರಕ್ಕಾಗಿ ಬಹು ಹಿಂದಿನಿಂದಲೂ ಹುಡುಕಾಟ ನಡೆಯುತ್ತಿತ್ತು. ಆದರೆ ಅದಕ್ಕೆ ಯಾರೂ ಸೂಟ್ ಆಗಿರಲಿಲ್ಲ. ಕಡೆಗೂ ಈಗ ಅದಿತಿ ಆ ಪಾತ್ರವನ್ನು ತನ್ನದಾಗಿಸಿಕೊಂಡಿದ್ದಾರೆ.

#

Advertisement
Click to comment

Leave a Reply

Your email address will not be published. Required fields are marked *

ಅಪ್‌ಡೇಟ್ಸ್

ಚಂಬಲ್: ಜನಸಾಮಾನ್ಯರ ಆಕ್ರೋಶದ ಕಿಡಿಯೇ ಕಥೆಯಾಯ್ತಾ? ಟ್ರೈಲರಿನಲ್ಲಿ ಕಂಡ ನೀನಾಸಂ ಸತೀಶ್ ಮೊದಲಿನಂತಿಲ್ಲ!

Published

on

ಎಲ್ಲರೂ ಕಾತರದಿಂದ ಕಾಯುತ್ತಿದ್ದ ಚಂಬಲ್ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ. ಜೇಕಬ್ ವರ್ಗೀಸ್ ನಿರ್ದೇಶನದಲ್ಲಿ ನೀನಾಸಂ ಸತೀಶ್ ಸವಾರಿ ಬೇರೆಯದ್ದೇ ದಾರಿಯತ್ತ ಹೊರಳಿಕೊಂಡಿರೋದೂ ಕೂಡಾ ಸ್ಪಷ್ಟವಾಗಿದೆ. ಅಯೋಗ್ಯ ಚಿತ್ರಕ್ಕೆ ಸಿಕ್ಕ ಅಗಾಧ ಗೆಲುವಿನ ಖುಷಿ ಚಂಬಲ್ ಮೂಲಕ ಸತೀಶ್ ಪಾಲಿಗೆ ಮತ್ತೆ ಎದುರಾಗಲಿರೋ ಲಕ್ಷಣವೂ ದಟ್ಟವಾಗಿಯೇ ಗೋಚರಿಸಿದೆ!

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಬಿಡುಗಡೆ ಮಾಡಿರೋ ಚಂಬಲ್ ಟ್ರೈಲರ್ ನಿಜಕ್ಕೂ ಪವರ್ ಫುಲ್ಲಾಗಿದೆ. ಭ್ರಷ್ಟಾಚಾರದ ವಿರುದ್ಧ ಎದೆಯೊಡ್ಡಿ ನಿಲ್ಲೋ ಖಡಕ್ ಅಧಿಕಾರಿಯೊಬ್ಬನ ರೋಚಕ ಕಥನವನ್ನ ಈ ಸಿನಿಮಾ ಒಳಗೊಂಡಿದೆ ಎಂಬ ವಿಚಾರವನ್ನ ಈ ಟ್ರೈಲರ್ ರವಾನಿಸಿದೆ.
ಪೊಲೀಸರಿಗೆ ದೂರು ಕೊಡೋಕೆ ಭಯವಾದ್ರೆ ನನಗೆ ಹೇಳಿ ಅನ್ನೋವಷ್ಟು ಖದರ್ ಹೊಂದಿರೋಫ ನಾಯಕನ ಪಾತ್ರದಲ್ಲಿ ನೀನಾಸಂ ಸತೀಶ್ ಮಿಂಚಿದ್ದಾರೆ.ಸವಾರಿಯಿಂದ ಆರಂಭವಾಗ ಪ್ರಥ್ವಿ ವರೆಗೆ ನಿರ್ದೇಶಕ ಜೇಕಬ್ ವರ್ಗೀಸ್ ಅವರದ್ದು ಭಿನ್ನವಾದ ಹಾದಿ. ಪೃಥ್ವಿ ಚಿತ್ರದಲ್ಲಂತೂ ಒಂದು ಮಾಫಿಯಾ ಮೇಲೇ ಅವರು ಬೆಳಕು ಚೆಲ್ಲಿದ್ದರು.

ಈಗ ಬಿಡುಗಡೆಯಾಗಿರೋ ಟ್ರೈಲರ್ ಚಂಬಲ್‌ನಲ್ಲಿಯೂ ಅಂಥಾದ್ದೇ ಸತ್ಯ ಘಟನೆಯಾಧಾರಿತವಾದ ಕತೆ ಇದೆ ಎಂಬುದರ ಸುಳಿವು ನೀಡಿದೆ. ಅದು ನಿಜವೋ ಅಲ್ಲವೋ ಎಂಬುದು ಚಿತ್ರ ಬಿಡುಗಡೆಯಾದನಂತರವೇ ಗೊತ್ತಾಗಬೇಕಿದೆ. ಆದರೆ ಚಂಬಲ್ ಎಂಬುದು ಈ ನೆಲದ ಜನಸಾಮಾನ್ಯರ ಆಕ್ರೋಶದ ಕಿಡಿಯಂತಿರೋ ಕಥನ ಹೊಂದಿದೆ ಎಂಬುದಂತೂ ಸತ್ಯ. ಭ್ರಷ್ಟಾಚಾರದಿಂದ ಕಂಗಾಲಾಗಿ ನಿಂತವರ ಮನಸಿಂದ ಹಾರಿದ ಕಿಡಿಯೊಂದಕ್ಕೆ ಜೀವ ಬಂದಂಥಾ ಪಾತ್ರದಲ್ಲಿ ನೀನಾಸಂ ಸತೀಶ್ ನಟಿಸಿದ್ದಾರೆ. ಆರಂಭದಿಂದಲೂ ಕೂಡಾ ಸತೀಶ್ ಈ ಚಿತ್ರದಲ್ಲಿ ಇದುವರೆಗಿನ ಚಿತ್ರಗಳಿಗಿಂತ ಬೇರೆಯದ್ದೇ ಥರದ ಪಾತ್ರದಲ್ಲಿ ನಟಿಸಿದ್ದಾರೆಂಬ ಬಗ್ಗೆ ಸುದ್ದಿಯಾಗಿತ್ತು. ಇದೀಗ ಅವರ ಅಸಲೀ ಲುಕ್ಕು ಅನಾವರಣಗೊಂಡಿದೆ. ಈ ಟ್ರೈಲರ್ ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಆವರಿಸಿಕೊಳ್ಳುವಂತಿದೆ.

https://www.facebook.com/ActorSathish/videos/789191601429177/ #

Continue Reading

ಅಪ್‌ಡೇಟ್ಸ್

ಕಡೆಗೂ ಕವಚ ಬಿಡುಗಡೆಗೆ ಮಹೂರ್ತ ಫಿಕ್ಸಾಯ್ತು!

Published

on


ಅದ್ಯಾಕೋ ಶಿವರಾಜ್ ಕುಮಾರ್ ಅಭಿನಯದ ಕವಚ ಚಿತ್ರದ ಬಿಡುಗಡೆಗೆ ಪದೇ ಪದೆ ವಿಘ್ನಗಳೇ ಎದುರಾಗುತ್ತಿವೆ. ಕಳೆದ ವರ್ಷದ ಕಡೇಯ ಹೊತ್ತಿಗೆಲ್ಲ ಕವಚ ಬಿಡುಗಡೆಯಾಗಬೇಕಿತ್ತು. ಆದರದು ಮುಂದಕ್ಕೆ ಹೋಗಿ, ಜನವರಿಯಲ್ಲಿ ಡೇಟು ಫಿಕ್ಸಾಗಿ ಅಲ್ಲಿಯೂ ಅಡ್ಡಗಾಲಾಗಿತ್ತು. ಆದರೀಗ ಬಿಡುಗಡೆಗೆ ಪಕ್ಕಾ ಡೇಟ್ರ ಫಿಕ್ಸಾಗಿದೆ.

ಈಗ ಹೊರ ಬಿದ್ದಿರೋ ಮಾಹಿತಿಯ ಪ್ರಕಾರ ಹೇಳೇದಾದರೆ ಫೆಬ್ರವರಿ ೨೮ರಂದು ರಾಜ್ಯಾಧ್ಯಂತ ಕವಚ ಬಿಡುಗಡೆಯಾಗಲಿದೆ. ಈ ಸಿನಿಮಾಕ್ಕಾಗಿ ಅಭಿಮಾನಿಗಳೆಲ್ಲ ಕಾದು ಕೂತಿದ್ದಾರೆ. ಆದರೆ ಅವರಿಗೆ ಪದೇ ಪದೆ ನಿರಾಸೆಯಾಗುತ್ತಿದೆ. ಈ ಬಗ್ಗೆ ಶಿವಣ್ಣನಿಗೂ ಬೇಸರವಿದೆ. ಈ ಬಾರಿ ಅಭಿಮಾನಿಗಳಿಗೆ ಯಾವ ಕಾರಣಕ್ಕೂ ನಿರಾಸೆ ಮಾಡಬಾರದೆಂಬ ಉದ್ದೇಶದಿಂದಲೇ ಬಿಡುಗಡೆಗೆ ಹೊಸಾ ಮುಹೂರ್ತ ನಿಗಧಿ ಮಾಡಲಾಗಿದೆ.


ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಸಿನಿಮಾ ಯಾನದಲ್ಲಿ ಮೈಲಿಗಲ್ಲಾಗಬಹುದಾದ ಸಾಧ್ಯತೆಗಳನ್ನೂ ಹೊಂದಿರೋ ಚಿತ್ರ ಕವಚ. ಈ ಸಿನಿಮಾ ಪ್ರತೀ ಪಲ್ಲಟಗಳೂ ಪ್ರೇಕ್ಷಕರನ್ನು ಸೆಳೆದುಕೊಂಡಿವೆ. ಅಭಿಮಾನದಾಚೆಗೆ ಎಲ್ಲರೂ ಈ ಚಿತ್ರವನ್ನು ನೋಡಲು ಕಾತರರಾಗಿದ್ದಾರೆ. ಕವಚ ಅದಕ್ಕೆ ತಕ್ಕುದಾದ ನಾನಾ ವಿಶೇಷತೆಗಳನ್ನೂ ಹೊಂದಿದೆ. ಕವಚ ಮಲೆಯಾಳಂನಲ್ಲಿ ಮೋಹನ್ ಲಾಲ್ ನಟಿಸಿದ್ದ ಸೂಪರ್ ಹಿಟ್ ಆಗಿದ್ದ ಒಪ್ಪಂನಿಂದ ಸ್ಫೂರ್ತಿ ಪಡೆದು ರಚಿಸಲ್ಪಟ್ಟಿರೋ ಕಥಾ ಹಂದರ ಹೊಂದಿರುವ ಚಿತ್ರ. ನಮ್ಮದೇ ನೆಲದ ಘಮಲು ಹೊತ್ತು ಸಿದ್ಧಗೊಂಡಿರೋ ಈ ಚಿತ್ರ ಈ ವಾರ ತೆರೆ ಕಾಣಲಿದೆ.
ಮನ ಮಿಡಿಯುವ ಕಥಾ ಹಂದರ ಹೊಂದಿರೋ ಕವಚದಲ್ಲಿ ಶಿವಣ್ಣ ಅಂಧನಾಗಿಯೂ ಮನೋಜ್ಞವಾಗಿ ನಟಿಸಿದ್ದಾರಂತೆ. ಈ ಮೂಲಕ ಕವಚ ಶಿವಣ್ಣ ಇಷ್ಟೂ ವರ್ಷಗಳ ಸಿನಿಮಾ ಯಾನದಲ್ಲಿ ಮಹತ್ವದ ಮೈಲಿಗಲ್ಲಾಗಿ ದಾಖಲಾಗುತ್ತದೆಂಬ ನಿರೀಕ್ಷೆಗಳೂ ಇವೆ. ಎಂ. ವಿ ಸತ್ಯನಾರಾಯಣ ಮತ್ತು ಎ.ಸಂಪತ್ ಜಂಟಿಯಾಗಿ ನಿರ್ಮಾಣ ಮಾಡಿರೋ ಕವಚವನ್ನು ಜಿವಿಆರ್ ವಾಸು ನಿರ್ದೇಶನ ಮಾಡಿದ್ದಾರೆ. ಇಶಾ ಕೊಪ್ಪೀಕರ್ ಶಿವಣ್ಣನಿಗೆ ಜೋಡಿಯಾಗಿ ನಟಿಸಿದ್ದಾರೆ. ಇನ್ನುಳಿದಂತೆ ಬೇಬಿ ಮೀನಾಕ್ಷಿ, ಕೃತಿಕಾ ಜಯರಾಮ್, ತಬಲಾ ನಾಣಿ, ರವಿ ಕಾಳೆ, ವಸಿಷ್ಠ ಸಿಂಹ ಮುಂತಾದವ ತಾರಾಗಣವೂ ಇದೆ. ಕ್ರೈಂ ಬೇಸಿನ ಈ ಕಥಾನಕ ಎಂಥವರನ್ನೂ ಕಾಡಬಲ್ಲಂಥಾ ಅಂಶಗಳನ್ನು ಅಡಕವಾಗಿಸಿಕೊಂಡಿದೆ, ಈಗಾಗಲೇ ಅರ್ಜುನ್ ಜನ್ಯಾ ಸಂಗೀತ ನೀಡಿರೋ ಹಾಡುಗಳೂ ಕೂಡಾ ಜನಮನ ಸೆಳೆದುಕೊಂಡಿವೆ.

#

Continue Reading

ಅಪ್‌ಡೇಟ್ಸ್

ಬೆಳದಿಂಗಳ ಬಾಲೆ ಸುಮನ್ ನಗರ್ ಕರ್ ಈಗ ಬ್ರಾಹ್ಮಿ!

Published

on

ಹೊಸ ಅಲೆಗಳನ್ನು ಮೂಡಿಸುತ್ತಿರುವ ಕನ್ನಡ ಚಿತ್ರರಂಗವು ಇತ್ತೀಚಿನ ದಿನಗಳಲ್ಲಿ ಬಹುತೇಕ ಪ್ರಯೋಗಾತ್ಮಕ ಚಿತ್ರಗಳನ್ನು ನಿರ್ಮಾಣ ಮಾಡಿ ಚಿತ್ರರಸಿಕರ ಮನಗೆದ್ದಿದೆ ಎಂದರೆ ತಪ್ಪಾಗಲಾರದು. ಇಂತಹದೊಂದು ಹೊಸ ಅಲೆಯ ಚಿತ್ರವನ್ನು ಖ್ಯಾತ ನಟಿ, ಬೆಳದಿಂಗಳ ಬಾಲೆ ಸುಮನ್ ನಗರ್ ಕರ್ ಅವರು ತಮ್ಮ ಹೊಸ ನಿರ್ಮಾಣ ಸಂಸ್ಥೆ ಸುಮನ್ ನಗರ್ ಕರ್ ಪ್ರೊಡಕ್ಷನ್ಸ್ ಅಡಿಯಲ್ಲಿ ನಿರ್ಮಾಣ ಮಾಡಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಈ ಚಿತ್ರದ ಹೆಸರು “ಬ್ರಾಹ್ಮಿ” . ಚಿತ್ರ ನಿರ್ಮಾಣದ ಜೊತೆಗೆ ಸುಮನ್ ಅವರು ಈ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿಯೂ ಕಾಣಿಸಿಕೊಂಡಿದ್ದಾರೆ.

ಬ್ರಾಹ್ಮಿ ಅಂದರೆ ಸರಸ್ವತಿ, ವಿದ್ಯೆ ಮತ್ತು ಕಲೆಯ ಆರಾಧ್ಯ ದೇವತೆ. ಅದರಂತೆಯೇ ಈ ಚಿತ್ರವು ಆದ್ಯ ಎನ್ನುವ ಸಂಗೀತಗಾರ್ತಿಯ ಕಥೆ. ಸಂಗೀತವೇ ಸರ್ವಸ್ವ ಎಂದು ನಂಬಿದ್ದ ಆದ್ಯಾಳ ಬಾಳಿನಲ್ಲಿ ಬಿರುಗಾಳಿ ಬೀಸಿ ಸಂಗೀತವೇ ಅವಳಿಂದ ದೂರವಾಗುತ್ತದೆ. ಆದ್ಯಾಳ ಬಾಳಿನಲ್ಲಿ ಮತ್ತೆ ಸಂಗೀತ ವಾಪಸ್ಸಾಗುತ್ತದೆಯೇ ಎನ್ನುವುದೇ ಈ ಚಿತ್ರದ ಕಥಾವಸ್ತು. ಆದ್ಯಾಳ ಪಾತ್ರದಲ್ಲಿ ಸುಮನ್ ನಗರ್ ಕರ್ ಕಾಣಿಸಿಕೊಳ್ಳಲಿದ್ದಾರೆ. ಇನ್ನೊಂದು ಮುಖ್ಯ ಪಾತ್ರದಲ್ಲಿ, ಆದ್ಯಾಳ ಮ್ಯಾನೇಜರ್ ಅಚ್ಚಪ್ಪನಾಗಿ ಖ್ಯಾತ ನಟ ರಮೇಶ್ ಭಟ್ ಅವರು ಅಭಿನಯಿಸಿದ್ದಾರೆ. ಬಹಳ ವರ್ಷಗಳ ನಂತರ ಈ ಇಬ್ಬರು ಕಲಾವಿದರು ತೆರೆಯ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವುದು ಈ ಚಿತ್ರದ ವಿಶೇಷ. ಮತ್ತೊಂದು ಮುಖ್ಯ ಪಾತ್ರದಲ್ಲಿ ನಟಿ ಅನೂಷಾ ಕ್ರಷ್ಣ ಅಭಿನಯಿಸಿದ್ದಾರೆ. ಸತ್ಯ ಬಿ.ಜಿ ಒಂದು ವಿಭಿನ್ನ ಪಾತ್ರದಲ್ಲಿದ್ದಾರೆ.

ಈ ಚಿತ್ರದ ಕಥೆ ಪ್ರದೀಪ್ ವರ್ಮ ಅವರದ್ದು. ಚಿತ್ರಕಥೆ ಹಾಗೂ ಸಂಭಾಷಣೆ ರಂಗಭೂಮಿ ಹಿನ್ನೆಲೆಯುಳ್ಳ ಅಭಿಷೇಕ್ ಅಯ್ಯಂಗಾರ್ ಅವರದ್ದು. ಚಿತ್ರೀಕರಣ ನಿರ್ದೇಶನ ಪ್ರದೀಪ್ ವರ್ಮ ಹಾಗೂ co director ವಿಶ್ವನಾಥ್ ಪೆಡ್ನೇಕರ್ ಅವರದ್ದು . Post production ನಿರ್ವಹಿಸುತ್ತಿರುವವರು ವಿಶ್ವನಾಥ್ ಪೆಡ್ನೇಕರ್. ಛಾಯಾಗ್ರಹಣ ಗುರುಪ್ರಸಾದ್ ನಾರ್ನಾಡ್, ಸಂಕಲನ ಕೆಂಪರಾಜ್. ಚಿತ್ರದ ಸಂಗೀತ ನಿರ್ದೇಶಕರು ಬಿಂದುಮಾಲಿನಿ. ಸಾಹಿತ್ಯ – ಕಿರಣ್ ಕಾವೇರಪ್ಪ . ಚಿತ್ರದ ಕಾರ್ಯಕಾರಿ ನಿರ್ಮಾಪಕರು ಗುರುದೇವ್ ನಾಗರಾಜ.

#

Continue Reading

Trending