One N Only Exclusive Cine Portal

ಪೊರಕೆ ಹಿಡಿಯಲಿದ್ದಾನೆ ಅನಿಲ್ ಕಪೂರ್!

ಹಿಂದಿ ಚಿತ್ರರಂಗದಲ್ಲಿ ಈಗ ಹೊಸ ಟ್ರೆಂಡ್ ಆರಂಭವಾಗಿದೆ. ಪ್ರಧಾನಿಗೆ ಜೈ ಹೋ ಎನ್ನುವುದು. ಆ ಮೂಲಕ ಮೋದಿಯ ಅಂತಃಪುರ ಪ್ರವೇಶಿಸಿ ಪದ್ಮಶ್ರೀ, ಪದ್ಮಭೂಷಣಗಳನ್ನು ಮುಡಿಗೇರಿಸಿಕೊಳ್ಳುವುದು. ಇದಕ್ಕೆ ಅತ್ತ ಪ್ರಿಯಾಂಕ ಚೋಪ್ರಾ ಇಂದು ಇತ್ತ ಕಾಜೋಲ್ ತನಕ ಹಲವು ಉದಾಹರಣೆಗಳು ಗೋಚರಿಸುತ್ತವೆ.

ಕೇವಲ ನಟಿ ಮಣಿಗಳು ಮಾತ್ರವಲ್ಲದೆ ನಟರು ಕೂಡ ಮೋದಿಗೆ ಮಸ್ಕಾ ಹೊಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಅಮೀರ್‌ಖಾನ್ ಈ ಪಟ್ಟಿಗೆ ಸೇರಿ ವರ್ಷಗಳೇ ಆಯಿತು. ಸ್ವಚ್ಛಭಾರತ ಅಭಿ’ನಯ’ ಮಾಡಿ ಸಾಕಷ್ಟು ಕಮಾಯಿಸಿದ್ದ. ಆ ಸುದ್ದಿಯೆಲ್ಲಾ ಹಳತಾಯಿತು. ತಾಜಾ ಸೇರ್ಪಡೆ ಎಂದರೆ ಅನಿಲ್‌ಕಪೂರ್! ಈತ ಸ್ವಚ್ಛಭಾರತ್ ಮಿಷನ್, ಸ್ವಚ್ಛ ಭಾರತ್ ಸರ್ವೇಕ್ಷಣ ಮಿಷನ್ ೨೦೧೮ರ ರಾಯಭಾರಿಯಾಗಿದ್ದಾರೆ. ಇದರಿಂದ ನೇರ ನೇರವಾಗಿ ಮೋದಿಯ ಅಂತಃಪುರಕ್ಕೆ ಪ್ರವೇಶ ದೊರೆಯದು. ಏಕೆಂದರೆ ಜಾಗತಿಕ ಸಂಸ್ಥೆಯೊಂದು ಅನಿಲ್‌ಗೆ ಆಹ್ವಾನ ನೀಡಿದೆ. ಈ ಆಮಂತ್ರಣದ ‘ಜಾಡು’ ಹಿಡಿದಿದ್ದಾರೆ!

ಈಗಾಗಲೇ ಹಸಿ ತ್ಯಾಜ್ಯ , ಒಣ ತ್ಯಾಜ್ಯ ಬೇರ್ಪಡಿಸಿ ನೀಡಿ, ಸ್ವಚ್ಛತೆ ಕಾಪಾಡಿ… ಉತ್ತಮ ಆರೋಗ್ಯಕ್ಕೆ ಸ್ವಚ್ಚಪರಿಸರ ಇರಲಿ… ಅದೇ ರಾಗ ಅದೇ ಹಾಡು ಹಾಡುತ್ತಿದ್ದಾರೆ. ಇಂಗ್ಲೀಷ್ ಪತ್ರಿಕೆಯೊಂದರ ವೆಬ್‌ಸೈಟ್ ಇದರ ಪೌರೋಹಿತ್ಯವಹಿಸಿದ್ದು, ಅನಿಲ್‌ಕಪೂರ್‌ಗೆ ಭರ್ಜರಿ ಪ್ರಚಾರ ನೀಡಿದೆ. ಈ ಎಲ್ಲವುಗಳಿಂದ ಅನಿಲ್ ಇನ್ನು ಕೆಲವೇ ದಿನಗಳಲ್ಲಿ ಪೊರಕೆ ಸಹ ಹಿಡಿದು ‘ಸ್ವಚ್ಛಭಾರತದ ಅಭಿಯಾನ’ ವೆಂಬ ಅಭಿನಯದಲ್ಲಿ ಉತ್ತಮವಾಗಿ ಅಭಿನಯಿಸುವುದು ಖಚಿತವಾಗಿದೆ.
ಅಭಿಯಾನ’ ವೆಂಬ ಅಭಿನಯದಲ್ಲಿ ಉತ್ತಮವಾಗಿ ಅಭಿನಯಿಸುವುದು ಖಚಿತವಾಗಿದೆ.

Leave a Reply

Your email address will not be published. Required fields are marked *


CAPTCHA Image
Reload Image