Connect with us

ಪ್ರಚಲಿತ ವಿದ್ಯಮಾನ

ದರ್ಶನ್ ಸ್ನೇಹಿತ ಅನಿಲ್ ಇನ್ನಿಲ್ಲ…

Published

on

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಸಹಪಾಠಿ ಗೆಳೆಯ ಅನಿಲ್ ಅವರ ಅನಾರೋಗ್ಯದ ಬಗ್ಗೆ ಸಿನಿಬಜ್ ಸುದ್ದಿ ಮಾಡಿತ್ತು. ದರ್ಶನ್ ಸೇರಿದಂತೆ ನಾನಾ ದಿಕ್ಕಿನಿಂದ ಹರಿದು ಬಂದಿದ್ದ ನೆರವಿನಿಂದಾಗಿ ಅನಿಲ್ ಅವರಿಗೆ ಸರಾಗವಾಗಿಯೇ ಚಿಕಿತ್ಸೆಯೂ ನಡೆಯುತ್ತಿತ್ತು. ತುಸು ಚೇತರಿಕೆ ಕಂಡಿದ್ದ ಅನಿಲ್ ಮತ್ತೆ ಮೊದಲಿನಂತಾಗುತ್ತಾರೆಂಬ ನಂಬಿಕೆಯೂ ಮೊಳೆತುಕೊಂಡಿತ್ತು. ಆದರೀಗ ಪರಿಸ್ಥಿತಿ ಕೈ ಮೀರಿ ಅನಿಲ್ ಉಸಿರು ನಿಲ್ಲಿಸಿದ್ದಾರೆ.

ಅನಿಲ್ ಅನಾರೋಗ್ಯಕ್ಕೀಡಾಗಿ ದಾಖಲಾದ ಕ್ಷಣದಿಂದಲೂ ವೈದ್ಯರು ನಿರಂತರವಾಗಿ ಚಿಕಿತ್ಸೆ ನೀಡುತ್ತಿದ್ದರು. ಆದರೆ ಇದೀಗ ಅದೆಲ್ಲವನ್ನೂ ಮೀರಿ ಅನಿಲ್ ಅನಾರೋಗ್ಯ ಉಲ್ಬಣಿಸಿದೆ. ಇನ್ನು ಏನೂ ಮಾಡಲು ಸಾಧ್ಯವಿಲ್ಲ ಅಂತ ಕೈ ಚೆಲ್ಲಿರೋ ವೈದ್ಯರು ವೆಂಟಿಲೇಟರ್ ಅನ್ನೂ ತೆಗೆದಿದ್ದಾರೆ. ಆದರೂ ಕೂಡಾ ಅನಿಲ್ ತುಸುವೇ ಉಸಿರು ಹಿಡಿದುಕೊಂಡಿದ್ದರಂತೆ. ಆದರೀಗ ಅವರು ಮೃತಪಟ್ಟಿದ್ದಾರೆ.
ಇದೀಗ ಆಸ್ಪತ್ರೆಯಿಂದ ಅನಿಲ್ ಅವರ ಪಾರ್ಥೀವ ಶರೀರವನ್ನು ಹೆಬ್ಬಾಳದಲ್ಲಿರೋ ಅವರ ಮನೆಗೆ ಕೊಂಡೊಯ್ಯಲಾಗುತ್ತದೆ. ಅಲ್ಲಿ ಕುಟುಂಬಿಕರು, ಸಾರ್ವಜನಿಕರ ದರ್ಶನಕ್ಕಿಟ್ಟು ನಂತರ ಅವರ ಊರಾದ ತಿಪಟೂರಿಗೆ ಕೊಂಡೊಯ್ಯಲಾಗುತ್ತದೆ.
ರಂಗಭೂಮಿ ಮತ್ತು ಕಿರುತೆರೆಯಲ್ಲಿ ಖ್ಯಾತರಾಗಿದ್ದ ಅನಿಲ್ ಏಕಾಏಕಿ ಅನಾರೋಗ್ಯಕ್ಕೀಡಾಗಿದ್ದರು. ಆದರೆ ಸ್ನೇಹಮಯಿಯಾಗಿದ್ದ ಅನಿಲ್ ಅವರಿಗೆ ಚಾಲೆಂಜಿಂಗ್ ಸ್ಟಾರ್ ದರ್ಶಲನ್ ಸೇರಿದಂತೆ ಅನೇಕರು ಚಿಕಿತ್ಸೆಗೆ ಸಹಾಯವನ್ನೂ ಮಾಡಿದ್ದರು. ಆದರೀಗ ಇಂಥಾ ಸಹಾರ, ಹರಕೆ ಹಾರೈಕೆಗಳೆಲ್ಲವನ್ನು ಮೀರಿ ಸಾವು ಅನಿಲ್ ಅವರನ್ನು ಸೆಳೆದೊಯ್ದಿದೆ.

ಪ್ರಚಲಿತ ವಿದ್ಯಮಾನ

ಕಮಾರ್ ಫಿಲಂ ಫ್ಯಾಕ್ಟರಿ ಪ್ರಸ್ತುತಿಯಲ್ಲಿ ಎಫ್ ಟಿ.ವಿ.ಯ ಮೊಟ್ಟ ಮೊದಲ ಫ್ಯಾಷನ್ ಕ್ಯಾಲೆಂಡರ್ ಲಾಂಚ್

Published

on

 ಬೆಂಗಳೂರು,15 ಎಪ್ರಿಲ್, 2019: ಕಮಾರ್ ಫಿಲಂ ಫ್ಯಾಕ್ಟರಿ ಎಫ್.ಟಿ.ವಿ.ಯ ಫ್ಯಾಷನ್ ಕ್ಯಾಲೆಂಡರನ್ನು ನಗರದಲ್ಲಿ ಸೋಮವಾರ ಏರ್ಪಡಿಸಿದ್ದ ಅದ್ಧೂರಿ ಕಾರ್ಯಕ್ರಮದಲ್ಲಿ ಲಾಂಚ್ ಮಾಡಿತು.

ಎಫ್.ಟಿ.ವಿ.ಯ ಫ್ಯಾಷನ್ ಕ್ಯಾಲೆಂಡರ್ ಲಾಂಚ್ ಕಾರ್ಯಕ್ರಮವು ಬೆಂಗಳೂರಿನ ವಸಂತನಗರದಲ್ಲಿರುವ ಶ್ಯಾಂಘ್ರಿಲಾ ಹೋಟೆಲ್‍ನಲ್ಲಿ ಅದ್ಧೂರಿಯಾಗಿ ಜರುಗಿತು. ಇತ್ತೀಚೆಗಷ್ಟೇ ಹೈದರಾಬಾದ್‍ನಲ್ಲಿ ಲಾಂಚ್ ಮಾಡಿದ್ದು ಈಗ ಬೆಂಗಳೂರಿನಲ್ಲಿ ಆಯೋಜಿಸಿದ್ದ ಈ ಕಾರ್ಯಕ್ರಮಕ್ಕೆ ಫ್ಯಾಷನ್ ಮತ್ತು ಬೆಳ್ಳಿತೆರೆಯ ಪ್ರಮುಖರು ಉಪಸ್ಥಿತರಿದ್ದರು.

ಈ ಕಾರ್ಯಕ್ರಮದಲ್ಲಿ ಬೆಂಗಳೂರಿನ ಮಾಡೆಲ್‍ಗಳಿಂದ ಫ್ಯಾಷನ್ ಷೋ ಕೂಡಾ ನಡೆಸಲಾಯಿತು.

ಫ್ಯಾಷನ್ ಟಿ.ವಿ.ಯ ಭಾರತದ ಮಾಲೀಕ ಕಮಾರ್ ಹೇಳುವಂತೆ, “ಅಂತರಾಷ್ಟ್ರೀಯ ಮಟ್ಟದ ಫ್ಯಾಷನ್‍ನ್ನು ಭಾರತೀಯರಿಗೆ ತಲುಪಿಸುವ ಕಾರ್ಯಕ್ಕೆ ಮುಂದಾಗಿದ್ದೇವೆ. ಇದು ಎಲ್ಲಾ ಮೆಟ್ರೋ ಸಿಟಿಗಳಿಗೂ ಮುಂದುವರೆಯುವ ಪ್ರಯಾಣವಾಗಿದೆ. ಭಾರತೀಯ ಫ್ಯಾಷನ್ ಕ್ಷೇತ್ರದ ಆಯ್ಕೆ ಫ್ಯಾಷನ್ ಮತ್ತು ಶೈಲಿಗಳ ಸಮ್ಮಿಲನವಾಗಿದೆ. ಇದು ಭಾರತದಲ್ಲಿ ಶುರುವಾದ ಒಂದು ಬಗೆಯ ಪಯಣ.”

ಎಫ್ ಟಿವಿ ಬಗ್ಗೆ::

1997ರಲ್ಲಿ ಪ್ರಾರಂಭವಾದಾಗಿನಿಂದಲೂ ಎಫ್.ಟಿ.ವಿ ಫ್ಯಾಷನ್ ಮತ್ತು ಲೈಫ್ ಸ್ಟೈಲ್ ಗಳಲ್ಲಿ ಅತ್ತುತ್ತಮ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡಿ ಅದನ್ನು ಅತ್ಯುನ್ನತ ಮಟ್ಟಕ್ಕೆ ತೆಗೆದುಕೊಂಡ ಹೆಗ್ಗಳಿಕೆಯನ್ನು ಸೃಷ್ಟಿಸಿದೆ. ಬೇರೆ ಯಾವ ಜಾಲತಾಣಗಳಲ್ಲೂ ದೊರೆಯದ ಫ್ಯಾಷನ್ ಕುರಿತ ಮಾಹಿತಿಯನ್ನು ವಸ್ತುನಿಷ್ಠವಾಗಿ ನೀಡುವ ಏಕೈಕ ವಾಹಿನಿಯಾಗಿದ್ದು  ಫ್ಯಾಷನ್ ಜಗತ್ತಿನ ಅತ್ಯದ್ಭುತ ಚಿತ್ರಗಳು ಮತ್ತು ಅದರ ಕುರಿತ ಪ್ರತ್ಯೇಕ ಮಾಹಿತಿಗಳೊಂದಿಗೆ ತಿಳುವಳಿಕೆ ಮೂಡಿಸಿ ವಿಶ್ವಮಟ್ಟದ ಬ್ರಾಂಡ್‍ಗಳನ್ನು ತನ್ನತ್ತ ಸೆಳೆಯುತ್ತಿರುವ ವಾಹಿನಿ ಎಫ್.ಟಿ.ವಿ. ಆಗಿದೆ.

Continue Reading

ಪ್ರಚಲಿತ ವಿದ್ಯಮಾನ

ಕರ್ನಾಟಕ ರಿಗ್ ಮಾಲೀಕರ ಸಂಘದ ನೂತನ ಉಪಾಧ್ಯಕ್ಷರಾಗಿ ಎಸ್.ಆರ್.ಅನಿಲ್ ಕುಮಾರ್ ಅವಿರೋಧ ಆಯ್ಕೆ

Published

on

ಕರ್ನಾಟಕ ರಿಗ್ ಮಾಲೀಕರ ಸಂಘದ ನೂತನ ಉಪಾಧ್ಯಕ್ಷರಾಗಿ ಎಸ್.ಆರ್.ಅನಿಲ್ ಕುಮಾರ್ ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ. ಬೋರ್ ವೆಲ್ ಮಾಲೀಕರ  ಶ್ರೇಯೋಭಿವೃದ್ಧಿಗೆ 2004ರಲ್ಲಿ ಸಂಘವನ್ನು ಪ್ರಾರಂಭಿಸಲಾಗಿತ್ತು. ಆಂತರಿಕ ಆಡಳಿತ ಸಭೆಯಲ್ಲಿ ರಾಜೀನಾಮೆಯಿಂದ  ತೆರವಾದ ಉಪಾಧ್ಯಕ್ಷ ಸ್ಥಾನಕ್ಕೆ ರಾಯಲ್ ಬೋರ್ ವೆಲ್ಸ್ ಮಾಲೀಕರಾದ ಶ್ರೀ ಎಸ್ ಆರ್ ಅನಿಲ್ ಕುಮಾರ್ ಅವರನ್ನು ನೇಮಕ ಮಾಡಲಾಗಿದೆ. ನೂತನ ಉಪಾಧ್ಯಕ್ಷರಿಗೆ ರಿಗ್ ಮಾಲೀಕರ ಸಂಘದ ಪ್ರಧಾನ ಕಾರ್ಯದರ್ಶಿಗಳಾದ ನಾಗೇಶ್ ಮತ್ತು ಅಧ್ಯಕ್ಷರಾದ ಟಿ.ಎನ್.ಅರಸು ಮತ್ತು ನಿರ್ದೇಶಕರುಗಳಾದ ಕೃಷ್ಣಪ್ಪ, ಚನ್ನಪ್ಪ, ರಾಜಣ್ಣ, ಸತೀಶ್, ಜಗನ್ನಾಥ್, ನಾಗರಾಜ್, ಪ್ರಕಾಶ್, ಶಂಭುಲಿಂಗಯ್ಯ, ಮಂಜುನಾಥ್ ನಾಯ್ಡು, ಕುಮಾರ್, ರವಿ, ಶ್ರೀಧರ್, ಬಾಬು, ಸುಕುಮಾರ್ ಅವರು ಶುಭ ಕೋರಿದ್ದಾರೆ.

ಕರ್ನಾಟಕದಲ್ಲಿ ಬೋರ್‌ ವೆಲ್ ಸಂಸ್ಥೆ ನಡೆಸುತ್ತಿರುವ ಮಾಲೀಕರು ಸಾಕಷ್ಟು ಸಮಸ್ಯೆಗಳನ್ನೂ ಅನುಭವಿಸುತ್ತಲೇ ಬಂದಿದ್ದಾರೆ. ಇಂಧನ ಬೆಲೆ ಏರಿಕೆ, ಹೆಚ್ಚುತ್ತಿರುವ ವಾಹನ, ಯಂತ್ರೋಪಕರಣಗಳ ಮೌಲ್ಯ, ಕಾರ್ಮಿಕರ ಸಮಸ್ಯೆ, ಸರ್ಕಾರದ ಶುಲ್ಕನೀತಿ ಸೇರಿದಂತೆ ನಾನಾ ರೀತಿಯಲ್ಲಿ ಕಷ್ಟಗಳನ್ನು ಎದುರಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಬೋರ್‌ ವೆಲ್ ಮಾಲೀಕರ ಸರ್ವಾಂಗೀಣ ಪ್ರಗತಿಗಾಗಿ ಸಂಘಟಿತ ಹೋರಾಟ ಮಾಡಬೇಕಾದ ಅನಿವಾರ್ಯತೆ ಇದ್ದೇ ಇದೆ.  ಎಸ್.ಆರ್. ಅನಿಲ್ ಕುಮಾರ್ ಅವರು ಈಗಾಗಲೇ ತುಮಕೂರು ಜಿಲ್ಲೆಯ ಕುಣಿಗಲ್ ಮತ್ತು ಬೆಂಗಳೂರಿನ ನಾಗರಬಾವಿ ಸೇರಿದಂತೆ ಅನೇಕ ಸ್ಥಳಗಳಲ್ಲಿ ಸಾಮಾಜಿಕ ಮುಖಂಡರಾಗಿ ಗುರುತಿಸಿಕೊಂಡಿದ್ದಾರೆ. ರಿಗ್ ಮಾಲೀಕರ ಸಂಕಷ್ಟಗಳಿಗೆ ಮಿಡಿದಿದ್ದಾರೆ. ಡೀಸೆಲ್ ಬೆಲೆ ಹೆಚ್ಚಳವಾದಾಗ ಬೋರ್‌ ವೆಲ್ ಕೊರೆಯುವ ಲಾರಿಗಳು ಮತ್ತು ರಿಗ್ ಮಾಲೀಕರನ್ನು ಒಂದೆಡೆ ಸೇರಿಸಿ ದೊಡ್ಡ ಮಟ್ಟದಲ್ಲಿ ಪ್ರತಿಭಟನಾ ಧರಣಿ ನಡೆಸಿದ್ದರಲ್ಲಿ ಎಸ್.ಆರ್. ಅನಿಲ್ ಕುಮಾರ್ ಅವರ ಪಾತ್ರ ಹಿರಿದು. ಸದ್ಯ ಅನಿಲ್ ಕುಮಾರ್ ಅವರು ಕರ್ನಾಟಕ ರಾಜ್ಯ ರಿಗ್ ಮಾಲೀಕರ ಸಂಘದ ನೂತನ ಉಪಾಧ್ಯಕ್ಷರಾಗಿ ನೇಮಕಗೊಂಡಿರುವುದು ಸಂಘಕ್ಕೆ ದೊಡ್ಡ ಬಲ ಬಂದಂತಾಗಿದೆ.

Continue Reading

ಪ್ರಚಲಿತ ವಿದ್ಯಮಾನ

ಚಾಮರಾಜಪೇಟೆಯಲ್ಲಿ ಶುರುವಾಯ್ತು ಶ್ರೀ ರಾಮನವಮಿ ಸಂಗೀತದ ಹಬ್ಬ…

Published

on

ಶ್ರೀ ರಾಮಸೇವಾ ಮಂಡಳಿ ಈ ಎಂಭತ್ತು ವರ್ಷಗಳ ಕಾಲವೂ ಸಂಗೀತ ಕಾರ್ಯಕ್ರಮವನ್ನು ವ್ರತದಂತೆಯೇ ಮಾಡಿಕೊಂಡು ಬಂದಿದೆ. ಈ ಬಾರಿಯೂ ಏಪ್ರಿಲ್ 6 ರಂದು ಶುರುವಾಗಿರುವ ಈ ಸಂಗೀತ ಕಾರ್ಯಕ್ರಮ ಮೇ ತಿಂಗಳ 6ನೇ ತಾರೀಖಿನವರೆಗೂ ಅವ್ಯಾಹತವಾಗಿ ನಡೆಯಲಿದೆ. ಏಪ್ರಿಲ್ 6 ರಂದು ಸಂಜೆ ಆರು ಘಂಟೆಗೆ ಎಂಬತ್ತೊಂದನೇ ಶ್ರೀ ರಾಮನವಮಿ ಸಂಗೀತೋತ್ಸವಕ್ಕೆ ಚಾಲನೆ ಸಿಗುತ್ತಿದೆ. ಇಂದು ಬಾಂಬೆ ಜಯಶ್ರೀಯವರ ಗಾಯನ ಕಾರ್ಯಕ್ರಮದ ಮೂಲಕ ಸಂಗೀತದ ಹಬ್ಬಕ್ಕೆ ಶುಭಾರಂಭ ನೀಡಲಾಗುತ್ತಿದೆ. ಇದಾದ ನಂತರ ಪ್ರತೀ ಸಂಜೆಯೂ ಸಂಗೀತದ ಹಬ್ಬ ಮೇಳೈಸಲಿದೆ.


ಏಪ್ರಿಲ್ ಇಪ್ಪತ್ತೊಂದರ ಭಾನುವಾರದಂದು ಸಂಜೆ ಆರು ನಲವತೈದರ ಹೊತ್ತಿಗೆಲ್ಲ ವಿಶೇಷ ಸಂಗೀತ ಲೋಕವೊಂದು ಜನಮಾನಸದ ಮುಂದೆ ಅನಾವರಣಗೊಳ್ಳಲಿದೆ. ಆ ದಿನ ಎಸ್.ಪಿ ಬಾಲಸುಬ್ರಹ್ಮಣ್ಯಂ ಅವರ ವಿಶೇಷ ಸಂಗೀತ ಕಾರ್ಯಕ್ರಮ ನಡೆಯಲಿದೆ. ಈ ಕಾರ್ಯಕ್ರಮ ರಾತ್ರಿ ಹತ್ತು ಘಂಟೆಯ ವರೆಗೂ ನೆರವೇರಲಿದೆ. ಇದು ಎಂಬತ್ತೊಂದನೇ ಶ್ರೀರಾಮನವಮಿ ಸಂಗೀತೋತ್ಸವದ ಪ್ರಧಾನ ಆಕರ್ಷಣೆಯಂಥಾ ಕಾರ್ಯಕ್ರಮ. ಇನ್ನುಳಿದಂತೆ ಪ್ರವೀಣ್ ಗೋಡ್ಕಿಂಡಿ, ಚಂದನಾ ಬಾಲಕಲ್ಯಾಣ್, ವಿದ್ಯಾಭೂಷಣ, ಸೇರಿದಂತೆ ಅನೇಕ ಸಂಗೀತ ಲೋಕದ ದಿಗ್ಗಜರು ಸಂಗೀತ ಕಾರ್ಯಕ್ರಮ ನೀಡಲಿದ್ದಾರೆ. ಏಪ್ರಿಲ್ ಆರರಿಂದ ಮೇ ಆರರ ವರೆಗೆ ಈ ಮೂಲಕ ಸಂಗೀತಮಯ ವಾತಾವರಣವೊಂದು ಬೆಂಗಳೂರಿನ ವಾತಾವರಣಕ್ಕೆ ರಂಗು ತುಂಬಲಿವೆ. ಇಂಥಾದ್ದೊಂದು ಅದ್ಭುತ ಸಂಗೀತ ಕಾರ್ಯಕ್ರಮವನ್ನು ಅಖಂಡ ಎಂಭತ್ತು ವರ್ಷಗಳಿಂದ ಅಚ್ಚುಕಟ್ಟಾಗಿ ನಡೆಸಿಕೊಂಡು ಬರುತ್ತಿರೋದು ಶ್ರೀರಾಮ ಸೇವಾ ಮಂಡಳಿ. ಈ ಮಂಡಳಿಯದ ಇತಿಹಾಸ ಕೂಡಾ ಇಂಥಾ ಅಚ್ಚುಕಟ್ಟಾದ ವಿಚಾರಗಳನ್ನೇ ತಳಹದಿಯಾಗಿಸಿಕೊಂಡಿದೆ.


ಚಾಮರಾಜಪೇಟೆಯ ಕೋಟೆ ಶಾಲಾ ಮೈದಾನದಲ್ಲಿ ಅದು ಬೆಂಗಳೂರಿನ ಚಾಮರಾಜಪೇಟೆಯಲ್ಲಿ ಸಣ್ಣದಾಗಿ ಶುರುವಾದ ಶ್ರೀ ರಾಮನವಮಿ ಸಂಗೀತ ಕಾರ್ಯಕ್ರಮ. 1939ನೇ ಇಸವಿಯಲ್ಲಿ ಎಸ್.ವಿ. ನಾರಾಯಣಸ್ವಾಮಿ ರಾವ್ ಅವರಿಂದ ಸ್ಥಾಪಿತಗೊಂಡ ಶ್ರೀ ರಾಮಸೇವಾಮಂಡಲಿ ಆನಂತರ ಬೆಳೆದು ನಿಂತ ಬಗೆ ಇದೆಯಲ್ಲಾ? ಅದು ನಿಜಕ್ಕೂ ಬೆರಗು ಹುಟ್ಟಿಸುವ ಸಂಗತಿ. ಬೆಂಗಳೂರಿನ ಅತಿ ಪುರಾತನ ಸಂಸ್ಥೆಗಳಲ್ಲಿ ಕಡಲೇಕಾಯಿ ಪರಿಶೆ ಬಿಟ್ಟರೆ ಎರಡನೇ ಜನಪ್ರಿಯ ಸಂಸ್ಥೆಯಾಗಿ ಶ್ರೀ ರಾಮಸೇವಾ ಮಂಡಲಿ ಗುರುತಿಸಿಕೊಂಡಿದೆ. ಇಂತಹ ಸಂಸ್ಥೆಯನ್ನು ಎಸ್.ವಿ.ನಾರಾಯಣಸ್ವಾಮಿ ರಾವ್ ಅವರು ತಮ್ಮ ಹದಿನಾಲ್ಕನೇ ವಯಸ್ಸಿನಲ್ಲಿ ಆರಂಭಿಸಿದ್ದು. ಇಸವಿ 2000ರಲ್ಲಿ ಅವರು ದೈವಾದೀನರಾಗುವವರೆಗೆ ಅವರೇ ಸಂಸ್ಥಾಪಕ ಕಾರ್ಯದರ್ಶಿಗಳಾಗಿ ಕಾರ್ಯ ನಿರ್ವಹಿಸಿದ್ದರು. ಆನಂತರ ಎಸ್.ಎನ್. ವರದರಾಜ್ ಅವರು ಮಂಡಳಿಯ ಪ್ರಧಾನ ಕಾರ್ಯದರ್ಶಿ ಜವಾಬ್ದಾರಿಯನ್ನು ವಹಿಸಿಕೊಂಡು ಯಶಸ್ವಿಯಾಗಿ ಮುಂದುವರೆಸಿಕೊಂಡು ಬರುತ್ತಿದ್ದಾರೆ.


ಭಾರತೀಯ ಸಂಗೀತ ಕ್ಷೇತ್ರದಲ್ಲಿ ಮೈಲಿಗಲ್ಲು ಸೃಷ್ಟಿಸಿದ ಬಹುತೇಕ ಎಲ್ಲ ಸಂಗೀತ ವಿದ್ವಾಂಸರೂ ಶ್ರೀ ರಾಮಸೇವಾ ಮಂಡಳಿಯ ರಾಮೋತ್ಸವ ಕಾರ್ಯಕ್ರಮದಲ್ಲಿ ಸಂಗೀತ ಕಛೇರಿಗಳನ್ನು ನೀಡಿರುವುದು ಈ ನಾಡಿನ ಹೆಮ್ಮೆ. ಎಂ.ಎಸ್. ಸುಬ್ಬುಲಕ್ಷ್ಮಿ, ಭೀಮಸೇನ ಜೋಷಿ, ಟಿ. ಚೌಡಯ್ಯ, ಚೆಂಬೈ ವೈದ್ಯನಾಥ ಭಾಗವತರ್, ಉಸ್ತಾದ್ ಬಿಸ್ಮಿಲ್ಲಾ ಖಾನ್, ಬಡೇ ಗುಲಾಮ್ ಆಲಿ ಖಾನ್, ಎಂ.ಎಲ್. ವಸಂತ ಕುಮಾರಿ, ಡಿ.ಕೆ. ಪಟ್ಟಮ್ಮಾಳ್, ಎಂ. ಬಾಲಮುರಳೀ ಕೃಷ್ಣ, ಕೆ.ಜೆ. ಏಸುದಾಸ್, ಪಿಟೀಲು ಮಾಂತ್ರಿಕ ಕುನ್ನಕುಡಿ ಆರ್. ವೈದ್ಯನಾಥನ್, ಸುಧಾರಘುನಾಥನ್, ಮ್ಯಾಂಡೋಲಿನ್ ವಾದಕ ಯು ಶ್ರೀನಿವಾಸ್, ಸ್ಯಾಕ್ಸ್ ಫೋನ್ ವಾದಕ ಕದ್ರಿ ಗೋಪಾಲನಾಥ್ ಆದಿಯಾಗಿ ಕರ್ನಾಟಕ ಮತ್ತು ಹಿಂದೂಸ್ಥಾನಿ ಸಂಗೀತ ಲೋಕದ ದಿಗ್ಗಜರೆಲ್ಲಾ ಕೋಟೆ ಪ್ರೌಢಶಾಲೆ ಆವರಣದಲ್ಲಿ ನಡೆಯುವ ಶ್ರೀ ರಾಮನವಮಿ ಸಂಗೀತೋತ್ಸವದಲ್ಲಿ ಕಾರ್ಯಕ್ರಮಗಳನ್ನು ನೀಡಿದ್ದಾರೆ.


ಎಂ.ಎಸ್. ಸುಬ್ಬುಲಕ್ಮಿಅವರು ಸತತ 34 ವರ್ಷಗಳ ಕಾಲ ಇದೇ ಸಂಗೀತೋತ್ಸವದಲ್ಲಿ ಸತತವಾಗಿ ಕಛೇರಿ ನಡೆಸಿಕೊಟ್ಟಿದ್ದಾರೆ ಎಂದರೆ ಶ್ರೀ ರಾಮಸೇವಾ ಮಂಡಳಿಯ ಹಿರಿಮೆ ಎಂಥದ್ದು ಅನ್ನೋದನ್ನು ಊಹಿಸಿ. ಈ ಸಂಸ್ಥೆಯಲ್ಲಿ ಕಾರ್ಯಕ್ರಮ ನೀಡೋದೇ ಸಂಗೀತ ವಿದ್ವಾಂಸರ ಪಾಲಿಗೆ ಒಂದು ರೀತಿಯ ಪ್ರತಿಷ್ಠೆಯ ಸಂಕೇತವಾಗಿದೆ. ಸಂಗೀತ ಕ್ಷೇತ್ರದಲ್ಲಿ ಸಂಸ್ಥೆಯ ಅವಿರತ ಸೇವೆಯನ್ನು ಗುರುತಿಸಿ ರಾಜ್ಯ ಸರ್ಕಾರ 2001ರಲ್ಲಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಪುರಸ್ಕರಿಸಿತ್ತು. ಶ್ರೀ ರಾಮ ಸೇವಾ ಮಂಡಳಿಯ ಕಛೇರಿ ಇದ್ದ ರಸ್ತೆಗೆ ಬೆಂಗಳೂರು ಮಹಾನಗರ ಪಾಲಿಕೆ `ಎಸ್.ವಿ. ನಾರಾಯಣಸ್ವಾಮಿ ರಾವ್ ಮಾರ್ಗ’ ಎಂಬ ಹೆಸನ್ನಿಟ್ಟು ಗೌರವಿಸಿತು.


ಜಯಚಾಮರಾಜೇಂದ್ರ ಒಡೆಯರ್, ಡಾ. ಅಬ್ದುಲ್ ಕಲಾಂ ಆದಿಯಾಗಿ ಈ ದೇಶದ ರಾಷ್ಟ್ರಪತಿಗಳು, ಪ್ರಧಾನಮಂತ್ರಿಗಳು, ಮುಖ್ಯಮಂತ್ರಿ, ರಾಜ್ಯಪಾಲರುಗಳೆಲ್ಲಾ ಶ್ರೀ ರಾಮಸೇವಾ ಮಂಡಳಿ ನಡೆಸುವ ವಾರ್ಷಿಕ ಸಂಗೀತೋತ್ಸವದಲ್ಲಿ ಪಾಲ್ಗೊಳ್ಳುತ್ತಾ ಬಂದಿದ್ದಾರೆ. ಎಸ್.ಎಂ. ಕೃಷ್ಣರಂತಾ ರಾಜಕೀಯ ಧುರೀಣರು ಕೂಡಾ ತಮ್ಮ ಕೆಲಸದೊತ್ತಡ ಎಷ್ಟೇ ಇದ್ದರೂ ರಾಮನವಮಿ ಸಂಗೀತ ಕಾರ್ಯಕ್ರಮಗಳಿಗೆ ಆಗಮಿಸಿ ಸಂಗೀತ ಆಲಿಸುವುದನ್ನು ವರ್ಷಾಂತರಗಳಿಂದ ರೂಢಿಸಿಕೊಂಡು ಬಂದಿದ್ದಾರೆ. ಶಿಕ್ಷಣ ತಜ್ಞರಾಗಿದ್ದ ಪದ್ಮಭೂಷಣ ಡಾ. ಹೆಚ್. ನರಸಿಂಹಯ್ಯನವರು ರಾಮನವಮಿ ತಿಂಗಳಿಗೂ ಮೀರಿ ನಡೆಯುವ ಸಂಗೀತೋತ್ಸವದಲ್ಲಿ ಬಿಡದೆ ಹಾಜರಾತಿ ನೀಡುತ್ತಿದ್ದರು. ನಾಡಿನ ಶ್ರೇಷ್ಠ ವ್ಯಕ್ತಿಗಳು, ಪ್ರಖ್ಯಾತರೆಲ್ಲಾ ತಮ್ಮ ಪಂಥ ಬೇಧಗಳನ್ನೆಲ್ಲಾ ಬದಿಗಿಟ್ಟು ಪಾಲ್ಗೊಳ್ಳುವ ಏಕೈಕ ತಾಣ ಇದಾಗಿದೆ. ಇದೇ ಹಾದಿಯಲ್ಲಿ ಶ್ರೀರಾಮ ಸೇವಾ ಮಂಡಳಿ ಇಂದಿಗೂ ಕಾರ್ಯ ನಿರ್ವಹಿಸುತ್ತಿದೆ. ಅದರ ಫಲವಾಗಿಯೇ ಎಂಭತ್ತೊಂದನೇ ವರ್ಷದ ಶ್ರೀರಾಮ ನವಮಿ ಸಂಗೀತೋತ್ಸವವನ್ನೂ ಕೂಡಾ ಅಷ್ಟೇ ಅಚ್ಚುಕಟ್ಟಾಗಿ ನಡೆಸಲು ತಯಾರಿ ಮಾಡಿಕೊಳ್ಳಲಾಗಿದೆ.

Continue Reading

Trending

Copyright © 2018 Cinibuzz