Connect with us

ಪ್ರಚಲಿತ ವಿದ್ಯಮಾನ

ಕೊಪ್ಪಳದಲ್ಲಿ ನೀನಾಸಂ ಸತೀಶ್ ವಿಜಯೋತ್ಸವ!

Published

on

ಪರಭಾಷಾ ಮೋಹದ ಒಂದಷ್ಟು ಅಡೆತಡೆಗಳನ್ನು ಅಯೋಗ್ಯ ಚಿತ್ರ ದಾಟಿಕೊಂಡಿದೆ. ನೀನಾಸಂ ಸತೀಶ್ ಅಭಿನಯದ ಈ ಚಿತ್ರ ಯಶಸ್ವಿಯಾಗಿ ಮೂರನೇ ವಾರವನ್ನು ಪೂರೈಸಿಕೊಂಡಿದೆ. ಈ ಸಂಭ್ರಮವನ್ನು ನೀನಾಸಂ ಸತೀಶ್ ಕೊಪ್ಪಳದ ಅಭಿಮಾನಿಗಳೊಂದಿಗೆ ವಿಜಯೋತ್ಸವ ಆಚರಿಸಿಕೊಂಡಿದ್ದಾರೆ.

ನೀನಾಸಂ ಸತೀಶ್ ಕೊಪ್ಪಳಕ್ಕೆ ಭೇಟಿ ಕೊಟ್ಟಿದ್ದಾರೆ. ಈ ಭಾಗದಲ್ಲಿ ಅಯೋಗ್ಯ ಸಿನಿಮಾ ಬಿಡುಗಡೆಯಾದಂದಿನಿಂದಲೂ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಅಭಿಮಾನಿಗಳೆಲ್ಲ ನೀನಾಸಂ ಸತೀಶ್ ಅವರನ್ನು ಸಂಭ್ರಮದಿಂದ ಸ್ವಾಗತಿಸಿ ಕುಣಿದಾಡಿದ್ದಾರೆ.

ಮೂರನೇ ವಾರ ದಾಟಿಕೊಂಡ ನಂತರವೂ ಅಯೋಗ್ಯ ಚಿತ್ರ ಅತೀ ಹೆಚ್ಚು ಚಿತ್ರ ಮಂದಿರಗಳಲ್ಲಿ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಈ ಮೂಲಕವೇ ನೀನಾಸಂ ಸತೀಶ್ ಮತ್ತು ರಚಿತಾ ರಾಮ್ ಜೋಡಿ ಪ್ರೇಕ್ಷಕರ ಮನಗೆದ್ದಿದೆ. ಹಾಡುಗಳಿಂದಲೇ ಶುರುವಾಗಿದ್ದ ಅಯೋಗ್ಯನ ಅಬ್ಬರ ಇದೀಗ ಥೇಟರುಗಳಲ್ಲಿಯೂ ಅದೇ ರೀತಿಯಾಗಿ ಮುಂದುವರೆದಿದೆ. ಈ ಸಿನಿಮಾ ಕಲೆಕ್ಷನ್ನಿನಲ್ಲಿಯೂ ದಾಖಲೆ ಬರೆಯುತ್ತಿದೆ. ಒಟ್ಟಾರೆಯಾಗಿ ಇಡೀ ಕರ್ನಾಟಕದ ತುಂಬಾ ಅಯೋಗ್ಯ ಯಶಸ್ವಿಯಾಗಿರೋದರಿಂದ ನೀನಾಸಂ ಸತೀಶ್ ಭರಪೂರವಾದ ಗೆಲುವು ಸಿಕ್ಕಿದ ಖುಷಿಯಲ್ಲಿದ್ದಾರೆ.

ಪ್ರಚಲಿತ ವಿದ್ಯಮಾನ

ಆವತ್ತೇ ಮೀಟಬಹುದಿತ್ತಲ್ಲಾ ತಾಯಿ!

Published

on

ಈಗ ದೇಶಾದಂತ ಮೀಟೂ ಅಭಿಯಾನವೊಂದು ನಡೆಯುತ್ತಿದೆ. ಹೆಣ್ಣುಮಕ್ಕಳನ್ನು ಕಾಮದ ಸರಕಿನಂತೆ ನಡೆಸಿಕೊಳ್ಳೋ ದುಷ್ಟರ ವಿರುದ್ಧ ಗುರಿಯಿಟ್ಟಿರೋ ಈ ಹೋರಾಟ ಗೌರವಿಸುವಂಥಾದದ್ದೇ. ಆದರೆ ಇದೀಗ ಈ ಅಭಿಯಾನ ಕಹಳತಪ್ಪಿದ ಎಲ್ಲ ಲಕ್ಷಣಗಳೂ ಕಾಣಿಸುತ್ತಿವೆ. ಕೆಲ ನಟಿಯರು ಮೀಟೂ ಆರೋಪ ಮಾಡೋ ಮೂಲಕ ಯಾರದ್ದೋ ಮಾನ ಹರಾಜು ಹಾಕಿ ತಾವು ಪ್ರಚಾರ ಗಿಟ್ಟಿಸಿಕೊಳ್ಳುವ ಖಯಾಲಿ ಆರಂಭಿಸಿದ್ದಾರೆ. ಈ ಕಾಯಿಲೆ ಬಾಲಿವುಡ್‌ನಲ್ಲಿಯೂ ಇದೆ. ಈಗ ಸ್ಯಾಂಡಲ್‌ವುಡ್ಡಿಗೂ ಅಮರಿಕೊಂಡಿದೆ!

ಈ ಕಾಯಿಲೆ ಸ್ಯಾಂಡಲ್‌ವುಡ್ಡಿಗೂ ಕಾಲಿಟ್ಟಿದ್ದರ ಸೂಚನೆ ಎಂಬಂತೆ ನಟಿ ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾ ಮೇಲೆ ಮೀಟೂ ಆರೋಪ ಮಾಡಿದ್ದಾಳೆ. ಚಿತ್ರರಂಗದಲ್ಲಿ ಘನತೆ ಗೌರವ ಹೊಂದಿರೋ ಅರ್ಜುನ್ ಸರ್ಜಾ ಮೇಲೆ ಇಂಥಾದ್ದೊಂದು ಆರೋಪ ಮಾಡಿರೋ ಶ್ರುತಿ ವಿರುದ್ಧ ಸಾಮಾಜಿಕ ಜಾಲತಾಣಗಳ ತುಂಬಾ ಆಕ್ರೋಶ ವ್ಯಕ್ತವಾಗುತ್ತಿದೆ. ಜನ ಆಕೆಯ ಅಸಲೀಯತ್ತನ್ನೇ ನೇರವಾಗಿ ಪ್ರಶ್ನೆ ಮಾಡಲಾರಂಭಿಸಿದ್ದಾರೆ. ಪ್ರಚಾರಕ್ಕಾಗಿ ಯಾಕಿಂಥಾ ಕೀಳು ಮಟ್ಟದ ಹಾದಿ ಹಿಡಿದಿದ್ದೀರಿ ಅಂತ ಶ್ರುತಿಯನ್ನು ತರಾಟೆಗೆ ತೆಗೆದುಕೊಳ್ಳಲಾರಂಭಿಸಿದ್ದಾರೆ!

ಈ ಹಿಂದೆ ರಾಷ್ಟ್ರೀಯ ವಾಹಿನಿಯೊಂದರ ಸಮಾರಂಭದಲ್ಲಿ ಕನ್ನಡದಲ್ಲಿಯೂ ಕಾಸ್ಟಿಂಗ್ ಕೌಚ್ ಕಾಟ ಇದೆ ಅಂತ ಮಾತಾಡಿದ್ದಳಲ್ಲಾ ಶ್ರುತಿ? ಆವಾಗಲೇ ಈಕೆಯ ಪ್ರಚಾರದ ಹಪಾಹಪಿ ಎಲ್ಲರಿಗೂ ಅರ್ಥವಾಗಿತ್ತು. ಇದೀಗ ಸರ್ಜಾ ವಿಚಾರದಲ್ಲದು ಮತ್ತೊಮ್ಮೆ ಸಾಬೀತಾಗಿದೆ. ವರ್ಷಾಂತರಗಳ ಹಿಂದೆ ಅರ್ಜುನ್ ಸರ್ಜಾಗೆ ವಿಸ್ಮಯ ಅಂತೊಂದು ಚಿತ್ರದಲ್ಲಿ ಶ್ರುತಿ ಹರಿಹರನ್ ನಾಯಕಿಯಾಗಿದ್ದಳು. ಆ ಚಿತ್ರದ ಚಿತ್ರೀಕರಣದ ರೊಮ್ಯಾನ್ಸ್ ಸೀನುಗಳ ರಿಹರ್ಸಲ್ ಸಮಯದಲ್ಲಿ ಸರ್ಜಾ ತನ್ನನ್ನು ತಬ್ಬಿಕೊಂಡಿದ್ದರು. ಡಿನ್ನರ್‌ಗೆ ಬರುವಂತೆ ಪದೇ ಪದೆ ಕಾಟ ಕೊಟ್ಟಿದ್ದರು. ಅದರಿಂದಾಗಿ ತಾನು ವಿಪರೀತ ಮಾನಸಿಕ ಹಿಂಸೆ ಅನುಭವಿಸಿದ್ದೆ ಎಂಬುದು ಶ್ರುತಿಯ ರೋಧನೆ.

ಒಂದು ವೇಳೆ ಅಂಥಾ ಅನುಭವ ಆಗಿದ್ದೇ ನಿಜವಾಗಿದ್ದರೆ ಸೀದಾ ಆ ಚಿತ್ರದಿಂದ ಹೊರ ಬಂದು ಆವತ್ತೇ ಮೀಟ ಬಹುದಿತ್ತಲ್ಲಾ? ಈವತ್ತು ಈ ಪಾಟಿ ಆವೇಗದಿಂದ ಅರ್ಜುನ್ ಸರ್ಜಾ ವಿರುದ್ಧ ಆರೋಪ ಮಾಡೋ ಈಕೆಗೆ ಆವತ್ತು ಯಾವ ತೊಡಕಿತ್ತು? ಅಷ್ಟಕ್ಕೂ ಈವರೆಗೆ ಕನ್ನಡವೂ ಸೇರಿದಂತೆ ಅರ್ಜುನ್ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದಾರೆ. ಎಂತೆಂಥಾ ನಟಿಯರು ಅವರಿಗೆ ನಾಯಕಿಯರಾಗಿದ್ದಾರೆ. ಆದರೆ ಯಾರೊಬ್ಬರೂ ಸರ್ಜಾ ಮೇಲೆ ಇಂಥಾದದ್ದೊಂದು ಆರೋಪ ಮಾಡಿಲ್ಲ. ಅರ್ಜುನ್ ಸರ್ಜಾ ಘನತೆಗೆ ಕುಂದುಂಟಾಗುವಂತೆ ನಡೆದುಕೊಂಡೂ ಇಲ್ಲ. ಆದರೆ ಈ ಶ್ರುತಿ ಎಂಬಾಕೆ ಯಾಕೆ ಇಂಥಾ ಕೆಲಸ ಮಾಡುತ್ತಿದ್ದಾಳೆಂಬ ಪ್ರಶ್ನೆಗೆ ಪ್ರಚಾರದ ಹಪಾಹಪಿ ಎಂಬುದನ್ನು ಬಿಟ್ಟು ಬೇರ್‍ಯಾವ ಉತ್ತರಗಳೂ ಸಿಕ್ಕೋದಿಲ್ಲ.

ಅಷ್ಟಕ್ಕೂ ಈಕೆಯನ್ನು ನಟಿಯಾಗಿ ನೆಲೆ ನಿಲ್ಲುವಂತೆ ಮಾಡಿದ್ದೇ ಕನ್ನಡ ಚಿತ್ರರಂಗ. ಆ ನಂತರ ಇಲ್ಲಿ ನಟಿಯಾಗಿ ಒಂದಷ್ಟು ಅವಕಾಶವನ್ನು ಪಡೆಯುತ್ತಲೇ ಆಕಾಶದಲ್ಲಿ ತೇಲಾಡಲಾರಂಭಿಸಿದ್ದ ಶ್ರುತಿ ನಖರಾ ಆರಂಭಿಸಿದ್ದಳೆಂಬ ಆರೋಪ ಯಾವತ್ತಿನಿಂದಲೂ ಕೇಳಿ ಬರುತ್ತಿದೆ. ಈಗ ಆಕೆಯ ಬಳಿ ಯಾವ ಅವಕಾಶಗಳೂ ಇಲ್ಲ. ಬೇರೆ ಭಾಷೆಗಳಲ್ಲಿಯೂ ಇದೇ ಕಥೆ. ಹೀಗಿರುವಾಗ ಒಂದಷ್ಟು ಪ್ರಚಾರ ಗಿಟ್ಟಿಸಿ ಅದೇ ಪ್ರಭೆಯಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳುವ ಇರಾದೆಯಿಂದಲೇ ಶ್ರುತಿ ಅರ್ಜುನ್ ಸರ್ಜಾ ವಿರುದ್ಧ ಆರೋಪ ಮಾಡಿದ್ದಾಳೆಂಬುದು ಸಾರ್ವತ್ರಿಕ ಅಭಿಪ್ರಾಯ.

ಈ ಬಗ್ಗೆ ಹಿರಿಯ ನಟ ಹಾಗೂ ಅರ್ಜುನ್ ಸರ್ಜಾ ಮಾವ ರಾಜೇಶ್ ಅವರೂ ಕೂಡಾ ಶ್ರುತಿ ಮೇಲೆ ಹರಿ ಹಾಯ್ದಿದ್ದಾರೆ. ಅದೆಷ್ಟೋ ವರ್ಷಗಳ ಹಿಂದಾಗಿದೆ ಎನ್ನಲಾದ ಕಿರುಕುಳವನ್ನು ಈಗ ಕೆದಕೋ ಮೀಟೂ ಅನ್ನೋದೊಂದು ಕಾಯಿಲೆ. ಈಗ ಅದು ಶ್ರುತಿ ಎಂಬ ನಟಿಗೂ ಅಂಟಿಕೊಂಡಿದೆ. ಅರ್ಜುನ್ ಸರ್ಜಾ ವ್ಯಕ್ತಿತ್ವ ಎಲ್ಲರಿಗೂ ಗೊತ್ತಿದೆ. ಅವರ ಮೇಲೆ ಶ್ರುತಿ ಮಾಡುತ್ತಿರೋ ಆರೋಪ ಪ್ರಚಾರದ ಉದ್ದೇಶವನ್ನು ಮಾತ್ರವೇ ಹೊಂದಿದೆ. ಶ್ರುತಿಯಂಥಾ ನಟಿಯರ ವಿರುದ್ಧವೂ ಕ್ರಮ ಕೈಗೊಳ್ಳಬೇಕೆಂಬ ಅಭಿಪ್ರಾಯವನ್ನು ರಾಜೇಶ್ ವ್ಯಕ್ತಪಡಿಸಿದ್ದಾರೆ.

ಅಸಲಿಗೆ ಶೃತಿ ತೀರಾ ಮಡಿವಂತ ಹೆಣ್ಣುಮಗಳೇನಲ್ಲ. ಸೆಕ್ಸ್ ಕುರಿತು ರೇಡಿಯೋ ಕಾರ್ಯಕ್ರಮದಲ್ಲಿ ಈಕೆಯ ಮಾತು ಕೇಳಿದವರು ನಿಜಕ್ಕೂ ಬೆಚ್ಚಿಬಿದ್ದಿದ್ದಿದೆ. ಸಿನಿಮಾ ಶೂಟಿಂಗುಗಳಿಗೆ ಹೋದಾಗ ಈಕೆ ಮತ್ತು ಈಕೆಯ ತಾಯಿ ಕಂಠಮಟ್ಟ ಕುಡಿದು ಚಿತ್ತಾಗುತ್ತಾರೆ ಅನ್ನೋ ಅರೋಪ ಕೂಡಾ ಇದೆ. ಇದೆಲ್ಲಾ ಕೆದಕುತ್ತಾ ಹೋದರೆ ನಂಬಲಸಾಧ್ಯ ಮಾಹಿತಿಗಳೇ ಹೊರಬೀಳುತ್ತವೆ. ಇಷ್ಟಕ್ಕೂ ಇಮ್ರಾನ್ ಸರ್ದಾರಿಯಾ ಡ್ಯಾನ್ಸ್ ಟ್ರೂಪಿನಲ್ಲಿ ಯಕಃಶ್ಚಿತ್ ಡ್ಯಾನ್ಸರ್ ಆಗಿದ್ದ ಶೃತಿ ಹರಿಹರನ್ ಸಿನಿಮಾ ನಟಿಯಾಗಿ ಛಾನ್ಸು ಗಿಟ್ಟಿಸಿಕೊಳ್ಳಲು ತನ್ನ ಪ್ರತಿಭೆಯ ಹೊರತಾಗಿ ಮಾಡಿದ ಸರ್ಕಸ್ಸುಗಳ ಕುರಿತು ದಂತಕತೆಗಳಿವೆ. ಅದನ್ನೆಲ್ಲಾ ಬಯಲಿಗೆಳೆಯದ ಶೃತಿ ಯಾಕೆ ಅರ್ಜುನ್ ಸರ್ಜಾ ಬಗ್ಗೆ ಮಾತ್ರ ಮಾತಾಡುತ್ತಿದ್ದಾಳೆ ಅನ್ನೋದೆಲ್ಲಾ ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದೆ.

ಶ್ರುತಿ ಹರಿಹರನ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆಯಲ್ಲಾ ಆಕ್ರೋಶದ ಕಮೆಂಟುಗಳು? ಅದೇ ಎಲ್ಲವನ್ನೂ ಹೇಳುತ್ತಿವೆ.

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood

Continue Reading

ಪ್ರಚಲಿತ ವಿದ್ಯಮಾನ

ಅಯ್ಯಪ್ಪ ಮಾಲೆ ಧರಿಸಿ ಮಾದಕ ಪೋಸು!

Published

on

ಸುಪ್ರೀಂ ಕೋರ್ಟ್ ಅಯ್ಯಪ್ಪ ಸ್ವಾಮಿ ದೇವಳದ ಬಗ್ಗೆ ನೀಡಿರೋ ತೀರ್ಪೊಂದು ಈಗ ವಿವಾದದ ಕೇಂದ್ರರ ಬಿಂದುವಾಗಿದೆ. ಒಂದು ವಲಯದ ಮಂದಿಯನ್ನು, ಸಂಘಟನೆಗಳನ್ನು ಕೆರಳಿಸಿದೆ. ದೇವಳದೊಳಗೆ ಮಹಿಳೆಯರೇನಾದರೂ ಪ್ರವೇಶ ಮಾಡಿದರೆ ಎಲ್ಲ ಧಾರ್ಮಿಕ ವಿಧಿ ವಿಧಾನದಿಂದ ದೂರವಿರೋದಾಗಿ ಪಂದಳ ಮನೆತನದ ಮಂದಿಯೂ ಎಚ್ಚರಿಕೆ ನೀಡಿದ್ದಾರೆ. ಇಷ್ಟೆಲ್ಲದರ ನಡುವೆಯೂ ಅಯ್ಯಪ್ಪನ ಮಾಲೆ ಧರಿಸಿ ಪೊಲೀಸ್ ಭದ್ರತೆಯೊಂದಿಗೆ ದೇವಸ್ಥಾನಕ್ಕೆ ಪ್ರವೇಶ ಮಾಡದವಳು ರೆಹಾನಾ ಫಾತಿಮಾ!

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood/?fbclid=IwAR2Y-mLeHQy5S4BVSEErCUaOzCJf6y9DFpJUAkQqrVIX0NhgN75gxHQcQ_0

ಈಕೆ ವರ್ಷಾಂತಗಳ ಹಿಂದೆ ಕೇರಳದಲ್ಲಿ ಕಿಸ್ ಆಫ್ ಲವ್ ಮೂಲಕ ವಿವಾದ ಎಬ್ಬಿಸಿದ್ದವಳು. ಅಯ್ಯಪ್ಪನ ದರ್ಶನ ಮಾಡಿ ಮಾಲೆ ಧರಿಸಿಕೊಂಡ ಮಾದಕ ಪೋಜಿನ ಫೋಟೋ ಒಂದನ್ನೀಕೆ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿಕೊಂಡಿದ್ದಾಳೆ. ಇದಕ್ಕೆ ಟ್ವಿಟರ್ ಮೂಲಕ ಪ್ರತಿಕ್ರಿಯಿಸಿರೋ ಜಗ್ಗೇಶ್ ವಿನಾಶ ಕಾಲೇ ವಿಪರೀತ ಬುದ್ಧಿ ಅಂದಿದ್ದಾರೆ.

`ಅನ್ಯಧರ್ಮಿಯಳು ಈ ಅವತಾರದಲ್ಲಿ ಪೊಲೀಸರ ಬೆಂಗಾವಲಿನಲ್ಲಿ ಅಯ್ಯಪ್ಪನ ದರ್ಶನ ಸಾಧಿಸಿ ಬಣ್ಣದ ವೇಶ ತೊಟ್ಟು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ ಫೋಟೋ ಇದು… ಇದು ನಮ್ಮ ಸಂಪ್ರದಾಯಕ್ಕೆ ಕೊಡಲಿ ಪೆಟ್ಟಲ್ಲವೇ. ವಿನಾಶ ಕಾಲೇ ವಿಪರೀತ ಬುದ್ಧಿ. ಇಂಥವರ ಸಂತೈಸಿ ವಿಕೃತ ಆನಂದ ಪಡೆಯುತ್ತಿರುವ ಕೇರಳ ಸರ್ಕಾರ. ಬ್ರಿಷೀಷರು ಮತ್ತು ಮೊಘಲ್‌ಗಳಿಗೆ ಬಗ್ಗದ ಹಿಂದೂ ಧರ್ಮ ಇಂಥವರಿಗಾ? ಜೈ ಹಿಂದ್…’ ಅಂತ ರೆಹಾನಾ ಫಾತಿಮಾ ವಿರುದ್ಧ ಜಗ್ಗಣ್ಣ ಸಮರ ಸಾರಿದ್ದಾರೆ.

ರೆಹಾನಾ ಫಾತಿಮಾ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿಕೊಂಡಿರೋ ಫೋಟೋ ಬಗ್ಗೆಯಂತೂ ವ್ಯಾಪಕ ಖಂಡನೆ ವ್ಯಕ್ತವಾಗುತ್ತಿದೆ. ಅಯ್ಯಪ್ಪ ಮಾಲೆ ಧರಿಸಿ, ಕಪ್ಪು ಲುಂಗಿಯನ್ನು ಆದಷ್ಟು ಮೇಲಕ್ಕೆ ಸರಿಸಿ ಫಾತಿಮಾ ಫೋಟೋ ತೆಗೆಸಿಕೊಂಡಿದ್ದಾಳೆ. ಸುಪ್ರೀಂ ಕೋರ್ಟು ಮಹಿಳೆಯರಿಗೆ ದೇವಳ ಪ್ರವೇಶ ಮಾಡುವಂತೆ ತೀರ್ಪು ನೀಡಿದ್ದಿರ ಬಹುದು. ಆದರೆ ಕಾಲಾಂತರಗಳಿಂದ ನಡೆಸಿಕೊಂಡು ಬಂದ ನಂಬಿಕೆ, ಸಂಪ್ರದಾಯಗಳನ್ನು ಧಿಕ್ಕರಿಸಿ ಅಂತ ಹೇಳಿಲ್ಲ. ಫಾತಿಮಾಳ ಅವತಾರ ಅಂಥಾ ನಂಬಿಕೆಗಳನ್ನೇ ಅಣಕಿಸುವಂತಿವೆ ಅಂತ ಎಲ್ಲರೂ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood/?fbclid=IwAR2Y-mLeHQy5S4BVSEErCUaOzCJf6y9DFpJUAkQqrVIX0NhgN75gxHQcQ_0

Continue Reading

ಪ್ರಚಲಿತ ವಿದ್ಯಮಾನ

ಆಕ್ಷನ್ ಪ್ರಿನ್ಸ್ ವಿರುದ್ಧ ದಾಖಲಾಯ್ತು ಕೇಸ್!

Published

on

ಬೆಂಗಳೂರಿನಲ್ಲಿ ಫ್ಲೆಕ್ಸ್ ಹಾಗೂ ಬ್ಯಾನರ್ ಹಾಕುವಂತಿಲ್ಲ ಎಂಬ ಬಗ್ಗೆ ಹೈಕೋರ್ಟ್ ತಪರಾಕಿ ನೀಡಿದ್ದರಿಂದ ಬಿಬಿಎಂಪಿ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ. ಈ ಸಂಬಂಧವಾಗಿ ಕಟೌಟ್, ಫ್ಲೆಕ್ಸ್‌ಗಳನ್ನು ಕೂಡಾ ಬಿಬಿಎಂಪಿ ಬೆಂಗಳೂರು ವ್ಯಾಪ್ತಿಯಲ್ಲಿ ಬ್ಯಾನ್ ಮಾಡಿದೆ. ಆದರೆ ಹುಟ್ಟುಹಬ್ಬದ ಸಂದರ್ಭದಲ್ಲಿ ಇದನ್ನು ಉಲ್ಲಂಘಿಸಿದ ಆರೋಪದಡಿಯಲ್ಲಿ ದ್ರುವ ಸರ್ಜಾ ವಿರುದ್ಧ ಬನಶಂಕರಿ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ!

ಬೆಂಗಳೂರು ಮಹಾನಗರ ಪಾಲಿಕೆಯ ಬನಶಂಕರಿ ಉಪ ವಿಭಾಗದಲ್ಲಿ ಎಆರ್‌ಓ ಆಗಿರುವ ತಾರಕಾನಾಥ್ ಧ್ರುವ ವಿರುದ್ಧ ದೂರು ದಾಖಲಿಸಿದ್ದಾರೆ. ಇತ್ತೀಚೆಗೆ ಮೂವತ್ತನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರಲ್ಲಾ ಧ್ರುವ? ಆ ಸಂದರ್ಭದಲ್ಲಿ ಕೆಆರ್ ರಸ್ತೆಯ ಶಾಸ್ತ್ರಿ ನಗರ ಸುತ್ತಮುತ್ತ ಅಭಿಮಾನಿಗಳು ಆಳೆತ್ತರದ ಕಟೌಟ್ ಹಾಕಿದ್ದರು. ಈ ರಸ್ತೆಯ ತುಂಬಾ ಧ್ರುವ ಸರ್ಜಾರ ಕಟೌಟ್, ಬ್ಯಾನರ್ ಹಾಕಿ ಶುಭ ಕೋರಿದ್ದರು. ಇದು ಕಾನೂನು ಉಲ್ಲಂಘನೆ ಅಂತ ಆರೋಪಿಸಿ ತಾರಕಾನಾಥ್ ಬನಶಂಕರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಸಂಬಂಧವಾಗಿ ದ್ರುವ ವಿರುದ್ಧ ಎಫ್‌ಐಆರ್ ಕೂಡಾ ದಾಖಲಾಗಿದೆ.

ಬಿಬಿಎಂಪಿ ವ್ಯಾಪ್ತಿಯಲ್ಲಿ ಯಾವುದೇ ಅನಧಿಕೃತ ಜಾಹೀರಾತು, ಹೋರ್ಡಿಂಗ್ಸ್ ಮತ್ತು ಬ್ಯಾನರ್ ಅಳವಡಿಸದಂತೆ ಆಗಸ್ಟ್ ೧೨ರಂದೇ ಕಟ್ಟುನಿಟ್ಟಿನ ಆದೇಶ ರವಾನೆ ಮಾಡಲಾಗಿತ್ತು. ಇದರ ಅರಿವಿದ್ದೋ ಇಲ್ಲದೆಯೋ ಧ್ರುವ ಅಭಿಮಾನಿಗಳು ಈ ಕಾನೂನು ಉಲ್ಲಂಘಿಸಿದ್ದಾರೆ. ಇದರ ಪರಿಣಾಮವಾಗಿ ಇದೀಗ ಧ್ರವಾ ಸರ್ಜಾಜೆ ಹೊಸಾ ತಲೆನೋವು ಶುರುವಾಗಿದೆ. ದ್ರುವ ಇದೀಗ ತಮ್ಮ ಮೇಲೆ ಕಾನೂನು ಕ್ರಮ ಜರುಗುವ ಭೀತಿ ಎದುರಿಸುತ್ತಿದ್ದಾರೆ.

Continue Reading

Trending

Copyright © 2018 Cinibuzz