Connect with us

ಪ್ರೆಸ್ ಮೀಟ್

ಇವನು ಪಾರ್ವತಮ್ಮನ ಮಗ!

Published

on

ಎರಡು ವರ್ಷಗಳ ಹಿಂದೆ ನಾಗರಹಾವು ಚಿತ್ರ ಭಾರೀ ಅಬ್ಬರದೊಂದಿಗೆ ತೆರೆ ಕಂಡಿತ್ತಲ್ಲಾ? ಆ ಚಿತ್ರದ ನಿರ್ಮಾಣ ವಿಭಾಗದಲ್ಲಿ ನಿರ್ಣಾಯಕವಾಗಿ ಕಾರ್ಯ ನಿರ್ವಹಿಸಿದ್ದ ಎಂ ಯೋಗೇಶ್ ಪೂರ್ಣಪ್ರಮಾಣದ ನಿರ್ಮಾಪಕರಾಗಿದ್ದಾರೆ. ಇವರು ನಿರ್ಮಾಪಕರಾಗಿರೋ ಭರಣಿ ಚಿತ್ರದ ಮುಹೂರ್ತ ಇಂದು ನೆರವೇರಿದೆ.

ಇದರ ಮೋಷನ್ ಪೋಸ್ಟರ್ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿ ದಿನ ಕಳೆಯುವಷ್ಟರಲ್ಲಿ ಭಾರೀ ಜನಪ್ರಿಯತೆ ಪಡೆದುಕೊಂಡಿದೆ. ಭರಣಿ ಚಿತ್ರಕ್ಕೆ ಪಾರ್ವತಮ್ಮನ ಮಗ ಎಂಬ ಟ್ಯಾಗ್ ಲೈನ್ ಕೂಡಾ ಇದೆ. ರಾಜ್ ಕುಮಾರ್ ಅವರ ಸಿನಿಮಾಗಳನ್ನೇ ನೆನಪಿಸುವಂಥಾ ಹಳ್ಳಿ ಘಮ ಬೀರುವಂತಿರೋ ಈ ಮೋಷನ್ ಪೋಸ್ಟರ್ ನಿಜಕ್ಕೂ ಅದ್ಭುತವಾಗಿಯೇ ಮೂಡಿ ಬಂದಿದೆ.

ಅಂದಹಾಗೆ ಈ ಚಿತ್ರದ ಮೂಲಕ ಮಾಧವ ಎಂಬ ಹೊಸಾ ಹುಡುಗ ನಾಯಕನಾಗಿ ಎಂಟ್ರಿ ಕೊಡುತ್ತಿದ್ದಾನೆ. ಸ್ವಾತಿ ಈ ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸಲಿದ್ದಾರೆ. ಈ ಹಿಂದೆ ರಮ್ಯಾ ನಾಯಕಿಯಾಗಿ ನಟಿಸಿದ್ದ ನಾಗರಹಾವು ಚಿತ್ರದ ನಿರ್ಮಾಪಕ ಸಾಜಿದ್ ಖುರೇಷಿಯವರ ಆಪ್ತ ವಲಯದಲ್ಲಿದ್ದವರು ಯೋಗೇಶ್. ಕನ್ನಡ ಚಿತ್ರರಂಗಕ್ಕೆ ಅದ್ದೂರಿಯಾದ, ಒಳ್ಳೆ ಹೂರಣ ಹೊಂದಿರೋ ಚಿತ್ರ ಕೊಡಬೇಕೆಂಬ ಆಸೆ ಹೊಂದಿರುವವರು ಸಾಜಿದ್ ಖುರೇಶಿ. ಅವರ ಗರಡಿಯಲ್ಲಿ ಪಳಗಿಕೊಂಡಿದ್ದ ಯೋಗೇಶ್ ಇದೀಗ ಭರಣಿ ಚಿತ್ರವನ್ನು ನಿರ್ಮಾಣ ಮಾಡಲು ಮುಂದಾಗಿದ್ದಾರೆ.

ಗ್ರಾಫಿಕ್ಸ್‌ನಲ್ಲಿಯೇ ವಿಷ್ಣುವರ್ಧನ್ ಅವರನ್ನು ಮರು ಸೃಷ್ಟಿ ಮಾಡೋ ಮೂಲಕ ಗಮನ ಸೆಳೆದಿದ್ದ ನಾಗರಹಾವು ಚಿತ್ರವನ್ನು ಸಾಜಿದ್ ಅದ್ದೂರಿಯಾಗಿ ನಿರ್ಮಾಣ ಮಾಡಿದ್ದರು. ಇದೀಗ ಯೋಗೇಶ್ ನಿರ್ಮಾಣ ಮಾಡುತ್ತಿರೋ ಈ ಚಿತ್ರದ ಮೋಷನ್ ಪೋಸ್ಟರ್ ಕೂಡಾ ಅಂತಾದ್ದೇ ಅದ್ದೂರತಿತನದ ಸೂಚನೆ ನೀಡುವಂತಿದೆ. ದೊಡ್ಡ ಗಣೇಶ ದೇವಸ್ಥಾನದಲ್ಲಿಂದು ಪೂಜೆ ನಡೆಸುವ ಮೂಲಕ ಚನಾನಿರಾಜ ನಿರ್ದೇಶನದ ‘ಭರಣಿಯ’ ಚಿತ್ರೀಕರಣ ಆರಂಭವಾಗಿದೆ.

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಕೆಮಿಸ್ಟ್ರಿ ಆಫ್ ಕರಿಯಪ್ಪನ ಸುಪ್ರಬಾತದ ಹಾಡು!

Published

on


ವಿಶಿಷ್ಟವಾದ ಟೈಟಲ್, ಪೋಸ್ಟರ್ ಸೇರಿದಂತೆ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಚಿತ್ರ ಪ್ರೇಕ್ಷಕರ ಗಮನ ಸೆಳೆದಿರೋದಕ್ಕೆ ಕಾರಣ ಹಲವಾರಿದೆ. ಇದೀಗ ಹಾಡುಗಳೂ ಕೂಡಾ ಆ ಪಟ್ಟಿ ಸೇರಿಕೊಂಡಿವೆ. ಈ ಹಿಂದೆ ಬಿಡುಗಡೆಯಾಗಿದ್ದ ಊರ್ವಶಿ ಅವಳು ಎಂಬ ಹಾಡಂತೂ ಸೂಪರ್ ಹಿಟ್ಟಾಗಿದೆ. ಇದೀಗ ಮತ್ತೊಂದು ವೀಡಿಯೋ ಸಾಂಗ್ ಪ್ರೇಕ್ಷಕರನ್ನೆಲ್ಲ ಮೆಲುವಾಗಿ ಕಾಡಲಾರಂಭಿಸಿದೆ.

ಸುಪ್ರಭಾತ ಮರೆತೋಯ್ತು ಅಂತ ಶುರುವಾಗೋ ಈ ಮೆಲೋಡಿ ಸಾಂಗಿನಲ್ಲಿ ಚಂದನ್ ಆಚಾರ್ಯ ಮತ್ತು ಸಂಜನಾ ಆನಂದ್ ಜೋಡಿ ಮೋಹಕವಾಗಿ ನಟಿಸಿದೆ. ಆರವ್ ಸಂಗೀತ ನೀಡಿರೋ ಈ ಹಾಡು ಕಡಿಮೆ ಅವಧಿಯಲ್ಲಿಯೇ ಹೆಚ್ಚಿನ ವೀಕ್ಷಣೆ ಪಡೆಯುತ್ತಾ, ಸಾಮಾಜಿಕ ಜಾಲತಾಣಗಳಲ್ಲಿಯೂ ಒಳ್ಳೆ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.

ಆರವ್ ರಿಶಿಕ್ ಕೆಮಿಸ್ಟ್ರಿ ಆಫ್ ಕರಿಯಪ್ಪನ ಹಾಡುಗಳ ಮೂಲಕ ಹೊಸಾ ಅಲೆಯನ್ನೆ ಸೃಷ್ಟಿಸಿದ್ದಾರೆ. ನಿರ್ದೇಶಕ ಕುಮಾರ್ ಅವರ ಕಥಾ ಕಲ್ಪನೆಗೆ ತಕ್ಕುದಾಗಿ ಹಾಡುಗಳನ್ನ ರೂಪಿಸಿದ್ದಾರೆ. ಈ ಸುಪ್ರಭಾತ ಮರೆತೋಯ್ತು ಹಾಡನ್ನೂ ಕೂಡಾ ಆರವ್ ಅದರಂತೆಯೇ ರೂಪಿಸಿದ್ದಾರೆ. ವಾಸುಕಿ ವೈಭವ್ ಮತ್ತು ಸಂಗೀತಾ ರವೀಂದ್ರನಾಥ್ ಹಾಡಿರೋ ಈ ಹಾಡಿಗೆ ಕುಮಾಶರ್ ಅವರೇ ಸಾಹಿತ್ಯ ಒದಗಿಸಿದ್ದಾರೆ.

https://www.youtube.com/watch?v=XjMmHUJnaow&feature=youtu.be

Continue Reading

ಅಪ್‌ಡೇಟ್ಸ್

ಚಂಬಲ್: ಜನಸಾಮಾನ್ಯರ ಆಕ್ರೋಶದ ಕಿಡಿಯೇ ಕಥೆಯಾಯ್ತಾ? ಟ್ರೈಲರಿನಲ್ಲಿ ಕಂಡ ನೀನಾಸಂ ಸತೀಶ್ ಮೊದಲಿನಂತಿಲ್ಲ!

Published

on

ಎಲ್ಲರೂ ಕಾತರದಿಂದ ಕಾಯುತ್ತಿದ್ದ ಚಂಬಲ್ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ. ಜೇಕಬ್ ವರ್ಗೀಸ್ ನಿರ್ದೇಶನದಲ್ಲಿ ನೀನಾಸಂ ಸತೀಶ್ ಸವಾರಿ ಬೇರೆಯದ್ದೇ ದಾರಿಯತ್ತ ಹೊರಳಿಕೊಂಡಿರೋದೂ ಕೂಡಾ ಸ್ಪಷ್ಟವಾಗಿದೆ. ಅಯೋಗ್ಯ ಚಿತ್ರಕ್ಕೆ ಸಿಕ್ಕ ಅಗಾಧ ಗೆಲುವಿನ ಖುಷಿ ಚಂಬಲ್ ಮೂಲಕ ಸತೀಶ್ ಪಾಲಿಗೆ ಮತ್ತೆ ಎದುರಾಗಲಿರೋ ಲಕ್ಷಣವೂ ದಟ್ಟವಾಗಿಯೇ ಗೋಚರಿಸಿದೆ!

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಬಿಡುಗಡೆ ಮಾಡಿರೋ ಚಂಬಲ್ ಟ್ರೈಲರ್ ನಿಜಕ್ಕೂ ಪವರ್ ಫುಲ್ಲಾಗಿದೆ. ಭ್ರಷ್ಟಾಚಾರದ ವಿರುದ್ಧ ಎದೆಯೊಡ್ಡಿ ನಿಲ್ಲೋ ಖಡಕ್ ಅಧಿಕಾರಿಯೊಬ್ಬನ ರೋಚಕ ಕಥನವನ್ನ ಈ ಸಿನಿಮಾ ಒಳಗೊಂಡಿದೆ ಎಂಬ ವಿಚಾರವನ್ನ ಈ ಟ್ರೈಲರ್ ರವಾನಿಸಿದೆ.
ಪೊಲೀಸರಿಗೆ ದೂರು ಕೊಡೋಕೆ ಭಯವಾದ್ರೆ ನನಗೆ ಹೇಳಿ ಅನ್ನೋವಷ್ಟು ಖದರ್ ಹೊಂದಿರೋಫ ನಾಯಕನ ಪಾತ್ರದಲ್ಲಿ ನೀನಾಸಂ ಸತೀಶ್ ಮಿಂಚಿದ್ದಾರೆ.ಸವಾರಿಯಿಂದ ಆರಂಭವಾಗ ಪ್ರಥ್ವಿ ವರೆಗೆ ನಿರ್ದೇಶಕ ಜೇಕಬ್ ವರ್ಗೀಸ್ ಅವರದ್ದು ಭಿನ್ನವಾದ ಹಾದಿ. ಪೃಥ್ವಿ ಚಿತ್ರದಲ್ಲಂತೂ ಒಂದು ಮಾಫಿಯಾ ಮೇಲೇ ಅವರು ಬೆಳಕು ಚೆಲ್ಲಿದ್ದರು.

ಈಗ ಬಿಡುಗಡೆಯಾಗಿರೋ ಟ್ರೈಲರ್ ಚಂಬಲ್‌ನಲ್ಲಿಯೂ ಅಂಥಾದ್ದೇ ಸತ್ಯ ಘಟನೆಯಾಧಾರಿತವಾದ ಕತೆ ಇದೆ ಎಂಬುದರ ಸುಳಿವು ನೀಡಿದೆ. ಅದು ನಿಜವೋ ಅಲ್ಲವೋ ಎಂಬುದು ಚಿತ್ರ ಬಿಡುಗಡೆಯಾದನಂತರವೇ ಗೊತ್ತಾಗಬೇಕಿದೆ. ಆದರೆ ಚಂಬಲ್ ಎಂಬುದು ಈ ನೆಲದ ಜನಸಾಮಾನ್ಯರ ಆಕ್ರೋಶದ ಕಿಡಿಯಂತಿರೋ ಕಥನ ಹೊಂದಿದೆ ಎಂಬುದಂತೂ ಸತ್ಯ. ಭ್ರಷ್ಟಾಚಾರದಿಂದ ಕಂಗಾಲಾಗಿ ನಿಂತವರ ಮನಸಿಂದ ಹಾರಿದ ಕಿಡಿಯೊಂದಕ್ಕೆ ಜೀವ ಬಂದಂಥಾ ಪಾತ್ರದಲ್ಲಿ ನೀನಾಸಂ ಸತೀಶ್ ನಟಿಸಿದ್ದಾರೆ. ಆರಂಭದಿಂದಲೂ ಕೂಡಾ ಸತೀಶ್ ಈ ಚಿತ್ರದಲ್ಲಿ ಇದುವರೆಗಿನ ಚಿತ್ರಗಳಿಗಿಂತ ಬೇರೆಯದ್ದೇ ಥರದ ಪಾತ್ರದಲ್ಲಿ ನಟಿಸಿದ್ದಾರೆಂಬ ಬಗ್ಗೆ ಸುದ್ದಿಯಾಗಿತ್ತು. ಇದೀಗ ಅವರ ಅಸಲೀ ಲುಕ್ಕು ಅನಾವರಣಗೊಂಡಿದೆ. ಈ ಟ್ರೈಲರ್ ಎಲ್ಲ ವರ್ಗದ ಪ್ರೇಕ್ಷಕರನ್ನೂ ಆವರಿಸಿಕೊಳ್ಳುವಂತಿದೆ.

https://www.facebook.com/ActorSathish/videos/789191601429177/

Continue Reading

ಅಪ್‌ಡೇಟ್ಸ್

ಕಡೆಗೂ ಕವಚ ಬಿಡುಗಡೆಗೆ ಮಹೂರ್ತ ಫಿಕ್ಸಾಯ್ತು!

Published

on


ಅದ್ಯಾಕೋ ಶಿವರಾಜ್ ಕುಮಾರ್ ಅಭಿನಯದ ಕವಚ ಚಿತ್ರದ ಬಿಡುಗಡೆಗೆ ಪದೇ ಪದೆ ವಿಘ್ನಗಳೇ ಎದುರಾಗುತ್ತಿವೆ. ಕಳೆದ ವರ್ಷದ ಕಡೇಯ ಹೊತ್ತಿಗೆಲ್ಲ ಕವಚ ಬಿಡುಗಡೆಯಾಗಬೇಕಿತ್ತು. ಆದರದು ಮುಂದಕ್ಕೆ ಹೋಗಿ, ಜನವರಿಯಲ್ಲಿ ಡೇಟು ಫಿಕ್ಸಾಗಿ ಅಲ್ಲಿಯೂ ಅಡ್ಡಗಾಲಾಗಿತ್ತು. ಆದರೀಗ ಬಿಡುಗಡೆಗೆ ಪಕ್ಕಾ ಡೇಟ್ರ ಫಿಕ್ಸಾಗಿದೆ.

ಈಗ ಹೊರ ಬಿದ್ದಿರೋ ಮಾಹಿತಿಯ ಪ್ರಕಾರ ಹೇಳೇದಾದರೆ ಫೆಬ್ರವರಿ ೨೮ರಂದು ರಾಜ್ಯಾಧ್ಯಂತ ಕವಚ ಬಿಡುಗಡೆಯಾಗಲಿದೆ. ಈ ಸಿನಿಮಾಕ್ಕಾಗಿ ಅಭಿಮಾನಿಗಳೆಲ್ಲ ಕಾದು ಕೂತಿದ್ದಾರೆ. ಆದರೆ ಅವರಿಗೆ ಪದೇ ಪದೆ ನಿರಾಸೆಯಾಗುತ್ತಿದೆ. ಈ ಬಗ್ಗೆ ಶಿವಣ್ಣನಿಗೂ ಬೇಸರವಿದೆ. ಈ ಬಾರಿ ಅಭಿಮಾನಿಗಳಿಗೆ ಯಾವ ಕಾರಣಕ್ಕೂ ನಿರಾಸೆ ಮಾಡಬಾರದೆಂಬ ಉದ್ದೇಶದಿಂದಲೇ ಬಿಡುಗಡೆಗೆ ಹೊಸಾ ಮುಹೂರ್ತ ನಿಗಧಿ ಮಾಡಲಾಗಿದೆ.


ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಸಿನಿಮಾ ಯಾನದಲ್ಲಿ ಮೈಲಿಗಲ್ಲಾಗಬಹುದಾದ ಸಾಧ್ಯತೆಗಳನ್ನೂ ಹೊಂದಿರೋ ಚಿತ್ರ ಕವಚ. ಈ ಸಿನಿಮಾ ಪ್ರತೀ ಪಲ್ಲಟಗಳೂ ಪ್ರೇಕ್ಷಕರನ್ನು ಸೆಳೆದುಕೊಂಡಿವೆ. ಅಭಿಮಾನದಾಚೆಗೆ ಎಲ್ಲರೂ ಈ ಚಿತ್ರವನ್ನು ನೋಡಲು ಕಾತರರಾಗಿದ್ದಾರೆ. ಕವಚ ಅದಕ್ಕೆ ತಕ್ಕುದಾದ ನಾನಾ ವಿಶೇಷತೆಗಳನ್ನೂ ಹೊಂದಿದೆ. ಕವಚ ಮಲೆಯಾಳಂನಲ್ಲಿ ಮೋಹನ್ ಲಾಲ್ ನಟಿಸಿದ್ದ ಸೂಪರ್ ಹಿಟ್ ಆಗಿದ್ದ ಒಪ್ಪಂನಿಂದ ಸ್ಫೂರ್ತಿ ಪಡೆದು ರಚಿಸಲ್ಪಟ್ಟಿರೋ ಕಥಾ ಹಂದರ ಹೊಂದಿರುವ ಚಿತ್ರ. ನಮ್ಮದೇ ನೆಲದ ಘಮಲು ಹೊತ್ತು ಸಿದ್ಧಗೊಂಡಿರೋ ಈ ಚಿತ್ರ ಈ ವಾರ ತೆರೆ ಕಾಣಲಿದೆ.
ಮನ ಮಿಡಿಯುವ ಕಥಾ ಹಂದರ ಹೊಂದಿರೋ ಕವಚದಲ್ಲಿ ಶಿವಣ್ಣ ಅಂಧನಾಗಿಯೂ ಮನೋಜ್ಞವಾಗಿ ನಟಿಸಿದ್ದಾರಂತೆ. ಈ ಮೂಲಕ ಕವಚ ಶಿವಣ್ಣ ಇಷ್ಟೂ ವರ್ಷಗಳ ಸಿನಿಮಾ ಯಾನದಲ್ಲಿ ಮಹತ್ವದ ಮೈಲಿಗಲ್ಲಾಗಿ ದಾಖಲಾಗುತ್ತದೆಂಬ ನಿರೀಕ್ಷೆಗಳೂ ಇವೆ. ಎಂ. ವಿ ಸತ್ಯನಾರಾಯಣ ಮತ್ತು ಎ.ಸಂಪತ್ ಜಂಟಿಯಾಗಿ ನಿರ್ಮಾಣ ಮಾಡಿರೋ ಕವಚವನ್ನು ಜಿವಿಆರ್ ವಾಸು ನಿರ್ದೇಶನ ಮಾಡಿದ್ದಾರೆ. ಇಶಾ ಕೊಪ್ಪೀಕರ್ ಶಿವಣ್ಣನಿಗೆ ಜೋಡಿಯಾಗಿ ನಟಿಸಿದ್ದಾರೆ. ಇನ್ನುಳಿದಂತೆ ಬೇಬಿ ಮೀನಾಕ್ಷಿ, ಕೃತಿಕಾ ಜಯರಾಮ್, ತಬಲಾ ನಾಣಿ, ರವಿ ಕಾಳೆ, ವಸಿಷ್ಠ ಸಿಂಹ ಮುಂತಾದವ ತಾರಾಗಣವೂ ಇದೆ. ಕ್ರೈಂ ಬೇಸಿನ ಈ ಕಥಾನಕ ಎಂಥವರನ್ನೂ ಕಾಡಬಲ್ಲಂಥಾ ಅಂಶಗಳನ್ನು ಅಡಕವಾಗಿಸಿಕೊಂಡಿದೆ, ಈಗಾಗಲೇ ಅರ್ಜುನ್ ಜನ್ಯಾ ಸಂಗೀತ ನೀಡಿರೋ ಹಾಡುಗಳೂ ಕೂಡಾ ಜನಮನ ಸೆಳೆದುಕೊಂಡಿವೆ.

Continue Reading
Advertisement
f2f 300 x 600
drive 300 x 600

Trending

Copyright © 2018 Cinibuzz