Connect with us

ಕಲರ್ ಸ್ಟ್ರೀಟ್

ಬಿಚ್ಚುಗತ್ತಿ: ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡಲಿದ್ದಾರೆ ದರ್ಶನ್!

Published

on


ರಾಜವರ್ಧನ್ ಬಿಚ್ಚುಗತ್ತಿ ಭರಮಣ್ಣನ ಪಾತ್ರದಲ್ಲಿ ನಟಿಸುತ್ತಿರೋದು, ಅದಕ್ಕಾಗಿ ಅವರು ಮಾಡಿಕೊಂಡಿರೋ ಭರಪೂರ ತಯಾರಿಗಳ ಬಗ್ಗೆ ಈಗಾಗಲೇ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿದೆ. ಇದೀಗ ಈ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆಗೆ ದಿನಾಂಕ ನಿಗಧಿಯಾಗಿದೆ. ವಿಶೇಷವೆಂದರೆ ಈ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬಿಡುಗಡೆಗೊಳಿಸಲಿದ್ದಾರೆ.

ಇದೇ ಹದಿನೈದನೇ ತಾರೀಕಿನಂದು ಬೆಳಗ್ಗೆ ಒಂಬತ್ತು ಘಂಟೆಗೆ ಸರಿಯಾಗಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕಡೆಯಿಂದ ಈ ಪೋಸ್ಟರ್ ಅನಾವರಣಗೊಳ್ಳಲಿದೆ. ಬಿಚ್ಚುಗತ್ತಿ ದಳವಾಯಿ ದಂಗೆಯ ರೋಚಕ ಕಥೆ ಮತ್ತು ವೀರ ಸೇನಾನಿ ಭರಮಣ್ಣ ನಾಯಕನ ಕುರಿತಾದ ಚಿತ್ರ. ಇದನ್ನು ಯುವ ನಿರ್ದೇಶಕ ಹರಿ ಸಂತು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದ ಮೂಲಕ ಡಿಂಗ್ರಿ ನಾಗರಾಜ್ ಪುತ್ರ ರಾಜವರ್ಧನ್ ಹೊಸಾ ಅವತಾರದಲ್ಲಿ, ಎಲ್ಲರೂ ಅಚ್ಚರಿಗೊಳ್ಳುವಂತೆ ಪ್ರೇಕ್ಷಕರ ಮುಂದೆ ಬರಲು ತಯಾರಿ ನಡೆಸಿದ್ದಾರೆ.

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಪ್ರೇಮಿಗಳಿಗೆಂದೇ ಬಂತು ಪಡ್ಡೆಹುಲಿಯ ಭಾವನಾತ್ಮಕ ಹಾಡು!

Published

on


ಪ್ರೇಮಕವಿ ಬಿ.ಆರ್ ಲಕ್ಷ್ಮಣರಾಯರು ಬರೆದ ಹೇಳಿ ಹೋಗು ಕಾರಣ ಎಂಬ ಭಾವಗೀತೆ ಒಂದು ತಲೆಮಾರಿನ ಪ್ರೇಮ ಯಾತನೆಗೆ ಮದ್ದಾಗಿದೆ. ಸಿ ಅಶ್ವತ್ಥ್ ಅವರ ಕಂಠದಲ್ಲಿ ಪ್ರಸಿದ್ಧಿ ಪಡೆದಿದ್ದ ಈ ಹಾಡು ಪ್ರೇಮದ ಎಲ್ಲ ಭಾವಗಳನ್ನೂ ಉದ್ದೀಪಿಸಿದೆ, ನೋವುಗಳನ್ನ ಹಿವಾಗಿ ಸವರಿ ಸಂತೈಸಿದೆ. ಇದೇ ಭಾವಗೀತೆಯೀಗ ಅಜನೀಶ್ ಲೋಕನಾಥ್ ಮಾಂತ್ರಿಕ ಸಂಗೀತ ಸ್ಪರ್ಶದೊಂದಿಗೆ ಹೊಸ ತಲೆಮಾರನ್ನೂ ತಲುಪಿಕೊಂಡಿದೆ!

ಅಜನೀಶ್ ಲೋಕನಾಥ್ ಪಡ್ಡೆಹುಲಿ ಚಿತ್ರಕ್ಕಾಗಿ ಹೇಳಿ ಹೋಗು ಕಾರಣ ಗೀತೆಗೆ ಹೊಸಾ ಹುಟ್ಟು ನೀಡಿದ್ದಾರೆ. ಈ ವರೆಗೂ ಪಡ್ಡೆಹುಲಿಯ ಒಂದಷ್ಟು ಹಾಡುಗಳು ಹೊರ ಬಂದಿವೆ. ಅವೆಲ್ಲವೂ ಹಿಟ್ ಕೂಡಾ ಆಗಿವೆ. ಪ್ರತಿಯೊಂದು ಹಾಡಿನಲ್ಲಿಯೂ ಒಂದೊಂದು ವಿಶೇಷತೆಗಳೊಂದಿಗೇ ಪ್ರೇಕ್ಷಕರನ್ನ ತಲುಪಬೇಕೆಂಬುದು ಗುರುದೇಶಪಾಂಡೆ ಅವರ ಅಭಿಲಾಶೆ. ಅದರನ್ವಯವೇ ಈ ಹಾಡೀಗ ಹೊರ ಬಂದು ಎಲ್ಲೆಡೆ ಹರಿದಾಡುತ್ತಿದೆ.

ಈ ಹಾಡನ್ನು ಸಿದ್ಧಾರ್ಥ್ ಮಹಾದೇವನ್ ಮತ್ತು ಗುಬ್ಬಿ ಹಾಡಿದ್ದಾರೆ. ಬಿ ಆರ್ ಲಕ್ಷ್ಮಣರಾಯರು ಬರೆದ ಈ ಹಾಡು ಸಿ ಅಶ್ವತ್ಥ್ ಧ್ವನಿಯಲ್ಲಿ ಮಂದ್ರ ಸಂಗೀತದೊಂದಿಗೆ ಜನರನ್ನ ಆವರೆಇಸಿಕೊಂಡಿತ್ತು. ಅದಕ್ಕೀಗ ಇಂದಿನ ತಲೆಮಾರಿನ ಆವೇಗಗಳನ್ನ ಹೊಂದಿರುವ ರ‍್ಯಾಪ್ ಶೈಲಿಯನ್ನು ಹದವಾಗಿ ಬೆರೆಸಿ ಅಜನೀಶ್ ಹೊಸಾ ಟ್ರೆಂಡ್ ಹುಟ್ಟು ಹಾಕಿದ್ದಾರೆ.

ಈ ಹಾಡಿನ ಮೂಲಕವೇ ಶ್ರೇಯಸ್ ಅಭಿನಯದ ಪಡ್ಡೆಹುಲಿ ಚಿರತ್ರ ಮತ್ತಷ್ಟು ನಿರೀಕ್ಷೆ ಮೂಡಿಸಿದೆ

Continue Reading

ಕಲರ್ ಸ್ಟ್ರೀಟ್

ಭರ್ಜರಿಯಾಗಿ ನಗಿಸ್ತಾನೆ ಕೆಮಿಸ್ಟ್ರಿ ಕರಿಯಪ್ಪ!

Published

on

ತನ್ನ ವಿಶಿಷ್ಟವಾದ ಶೀರ್ಷಿಕೆ, ಬಾಲಿವುಡ್ ಮಟ್ಟದಲ್ಲಿಯೂ ಟಾಕ್ ಕ್ರಿಯೇಟ್ ಮಾಡಿದ್ದ ಸಿನಿಮಾ ಕೆಮಿಸ್ಟ್ರಿ ಆಫ್ ಕರಿಯಪ್ಪ. ಇದು ಯಾವ ಜಾನರಿನ ಸಿನಿಮಾ, ಕಥೆ ಎಂಥಾದ್ದೆಂಬುದೂ ಸೇರಿದಂತೆ ಕರಿಯಪ್ಪನ ಕೆಮಿಸ್ಟ್ರಿ ಹೇಗಿದ್ದಿರ ಬಹುದೆಂಬ ಕುತೂಹಲ ಎಲ್ಲೆಡೆ ಮಿರುಗುಟ್ಟಿತ್ತು. ಇಂಥಾದ್ದರಿಂದ ಅಪಾರ ನಿರೀಕ್ಷಿಯಿಟ್ಟುಕೊಂಡು ಥೇಟರಿಗೆ ಬಂದವರು ಮನಸಾರೆ ನಕ್ಕು, ಒಂದರೆಕ್ಷಣ ಭಾವುಕರಾಗಿ, ಕೆಲ ತಿರುವುಗಳಲ್ಲಿ ಬೆರಗಾಗುತ್ತಲೇ ವಿಶಿಷ್ಟವಾದೊಂದು ಸಿನಿಮಾ ನೋಡಿದ ಖುಷಿಯ ಕೈ ಹಿಡಿದೇ ಮನೆ ಸೇರಿಕೊಳ್ಳೋದು ಗ್ಯಾರೆಂಟಿ. ಇದು ಕರಿಯಪ್ಪನ ಕೆಮಿಸ್ಟ್ರಿಯ ನಿಜವಾದ ವಿಶೇಷತೆ ಅನ್ನಲಡ್ಡಿಯಿಲ್ಲ.

ಡಾ. ಡಿ.ಎಸ್ ಮಂಜುನಾಥ್ ನಿರ್ಮಾಣ ಮಾಡಿರುವ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಭಿನ್ನ ಬಗೆಯ ಕಾಮಿಡಿ ಜಾನರಿನ ಚಿತ್ರ. ಇಡೀ ಹೂರಣವನ್ನ ನೋಡಿದರೆ ಇದನ್ನು ಬರೀ ಕಾಮಿಡಿಗೆ ಕಟ್ಟು ಹಾಕಲು ಖಂಡಿತಾ ಸಾಧ್ಯವಾಗೋದಿಲ್ಲ. ಒಂದು ಸರಳವಾದ ಕಥೆಯನ್ನು ಸಣ್ಣಪುಟ್ಟ ವಿಚಾರಗಳಲ್ಲಿಯೂ ಗಮನವಿಟ್ಟು ಶೃಂಗರಿಸಿರುವ ನಿರ್ದೇಶಕ ಕುಮಾರ್ ಅವರ ಕಸುಬುದಾರಿಕೆ ಬೆರಗಾಗಿಸುವಂತಿದೆ. ಮಧ್ಯಮ ವರ್ಗದ ಕಥೆಯಾದರೂ ಎಲ್ಲರಿಗೂ ಕನೆಕ್ಟ್ ಆಗುವಂಥಾ ಕಥೆ, ಕಾಮಿಡಿ ಮತ್ತು ಗಾಢವಾದ ಭಾವುಕ ಸನ್ನಿವೇಶಗಳೊಂದಿಗೆ ಕರಿಯಪ್ಪನ ಕೆಮಿಸ್ಟ್ರಿ ಮೋಡಿ ಮಾಡಿದೆ.

ಅದು ಅಪ್ಪ ಅಮ್ಮ ಮತ್ತು ಮಗನ ಪುಟ್ಟ ಸಂಸಾರ. ಕರಿಯಪ್ಪ ಆ ಸಂಸಾರದ ಯಜಮಾನ. ಈತನ ಮಗ ಉತ್ತರ ಕುಮಾರ. ತನ್ನ ಮಗನಿಗೊಂದು ಮದುವೆ ಮಾಡಿ ಆತ ನೆಲೆ ಕಂಡುಕೊಳ್ಳಬೇಕೆಂಬುದೇ ಕರಿಯಪ್ಪನ ಆಸೆ ಮತ್ತು ಉದ್ದೇಶ. ಆದರೆ ನೂರಾರು ಹುಡುಗೀರನ್ನು ನೋಡಿದರೂ ಒಂದೇ ಒಂದು ಸಂಬಂಧವೂ ಉತ್ತರ ಕುಮಾರನಿಗೆ ಕೂಡಿ ಬರೋದಿಲ್ಲ. ಈ ಬಗ್ಗೆ ಕರಿಯಪ್ಪ ಮಂಡೆಬಿಸಿ ಮಾಡಿಕೊಂಡು ಕೂತಿರುವಾಗಲೇ ಪುತ್ರ ಉತ್ತರ ಕುಮಾರ ಚೆಲುವೆಯೊಬ್ಬಳಿಗೆ ಬಲೆ ಬೀಸಿ ಬಿಟ್ಟಿರುತ್ತಾನೆ. ಆಮೇಲೆ ಮದುವೆ. ಆದರೆ ಉತ್ತರ ಕುಮಾರನಿಗೆ ಫಸ್ಟ್ ನೈಟಲ್ಲಿಯೇ ಘೋರ ಆಘಾತವೊಂದು ಎದುರಾಗುತ್ತೆ. ಅದಕ್ಕೆ ಕಾರಣವೇನು. ಅಂಥಾದ್ದೇನಾಗುತ್ತೆ ಅನ್ನೋ ಕುತೂಹಲದ ಸುತ್ತಾ ಎಲ್ಲಿಯೂ ಬೋರು ಹೊಡೆಸದಂತೆ ಈ ಚಿತ್ರ ಮುಂದುವರೆಯುತ್ತದೆ.

ಮಗನ ಜೀವನದಲ್ಲಾಗೋ ಯಡವಟ್ಟುಗಳನ್ನು ಸರಿಪಡಿಸಲು ಪಡಿ ಪಾಟಲು ಪಡೋ ತಂದೆಯಾಗಿ ಕರಿಯಪ್ಪನ ಪಾತ್ರಕ್ಕೆ ತಬಲಾ ನಾಣಿ ಜೀವ ತುಂಬಿದ್ದಾರೆ. ಇದರಲ್ಲವರು ಈ ವರೆಗಿನ ಪಾತ್ರಗಳಿಗಿಂತಲೂ ಭಿನ್ನವಾಗಿ ಕಾಣಿಸುತ್ತಾರೆ. ನಾಯಕ ಚಂಣದನ್ ಆಚಾರ್ಯ ಮತ್ತು ನಾಯಕಿ ಸಂಜನಾ ಆನಂದ್ ಕೂಡಾ ಮುದ್ದಾಗಿ ನಟಿಸಿದ್ದಾರೆ. ಎಲ್ಲ ಪಾತ್ರ ವರ್ಗವೂ ಪ್ರೇಕ್ಷಕರನ್ನು ನೇರವಾಗಿ ತಟ್ಟುವಂತಿದೆ. ಖುದ್ದು ನಿರ್ಮಾಪಕ ಮಂಜುನಾಥ್ ಅವರೇ ಪಾತ್ರವೊಂದರ ಮೂಲಕ ಪ್ರೇಕ್ಷಕರಿಗೆ ಆಪ್ತವಾಗುತ್ತಾರೆ.

ಒಟ್ಟಾರೆ ಚಿತ್ರದಲ್ಲಿ ಗಂಭೀರವಾದ ಅಂಶಗಳಿವೆ, ಭಾವನಾತ್ಮಕ ಸನ್ನಿವೇಶಗಳಿವೆ. ಆದರೆ ಅದರ ಬೆನ್ನಿಗೇ ನಗು ಅರಳಿಕೊಳ್ಳುತ್ತೆ. ಕೆಮಿಸ್ಟ್ರಿ ಆಫ್ ಕರಿಯಪ್ಪ ಸ್ಪೆಷಲ್ಲು ಅನ್ನಿಸೋದೇ ಈ ಕಾರಣದಿಂದ. ನೀವೂ ಒಮ್ಮೆ ನೋಡಿ. ಕರಿಯಪ್ಪನ ಕೆಮಿಸ್ಟ್ರಿ ಖಂಡಿತಾ ಇಷ್ಟವಾಗುತ್ತೆ!

cinibuzz ರೇಟಿಂಗ್ : ****/*****

Continue Reading

ಕಲರ್ ಸ್ಟ್ರೀಟ್

ಬೆಲ್ ಬಾಟಮ್: ರೆಟ್ರೋ ಲೋಕದೊಳಗೆ ಎಣಿಸಲಾರದ ಅದ್ಭುತಗಳಿದ್ದಾವೆ!

Published

on

ಜಯತೀರ್ಥ ನಿರ್ದೇಶನದ ಬೆಲ್ ಬಾಟಮ್ ರೆಟ್ರೋ ಜಮಾನವನ್ನ ಕ್ರಿಯೇಟಿವ್ ಆಗಿ ಪರಿಚಯಿಸುತ್ತಲೇ ಕ್ರೇಜ್ ಸೃಷ್ಟಿಸಿದ್ದ ಚಿತ್ರ. ಪ್ರತಿಯೊಂದರಲ್ಲಿಯೂ ಹಳತಿಗೆ ಹೊಸಾ ಹೊಳಪು ನೀಡೋ ಪ್ರಯತ್ನದಿಂದಲೇ ಎಲ್ಲಾ ವರ್ಗದ ಪ್ರೇಕ್ಷಕರನ್ನೂ ಆವರಿಸಿಕೊಂಡಿದ್ದ ಈ ಸಿನಿಮಾವೀಗ ಥೇಟರುಗಳಿಗೆ ಅಡಿಯಿರಿಸಿದೆ. ಈ ಕಾಲಮಾನಕ್ಕೆ ಹೊಸತೆನ್ನಿಸುವಂಥಾ ಅಪ್ಪಟ ಪತ್ತೇದಾರಿ ಕಥನವೊಂದು ಭರ್ಜರಿ ಕಾಮಿಡಿ ಝಲಕ್ಕುಗಳ ಜೊತೆಗೆ ನೋಡುಗರನ್ನು ಮುದಗೊಳಿಸಿದೆ.

ಟಿ.ಕೆ ದಯಾನಂದ್ ಬರೆದಿರೋ ಥ್ರಿಲ್ಲಿಂಗ್ ಕಥೆಗೆ ಜಯತೀರ್ಥ ಚಿತ್ರಕಥೆ ಮತ್ತು ರಘು ನಿಡುವಳ್ಳಿ ಸಂಭಾಷಣೆ ಬರೆದಿರೋ ಸಿನಿಮಾ ಬೆಲ್ ಬಾಟಮ್. ವರ್ಷಾಂತರಗಳ ಹಿಂದೆ ಕೋಲಾರ ಸೀಮೆಯಲ್ಲಿ ನಡೆದಿದ್ದ ಸತ್ಯ ಘಟನೆಯೊಂದರ ಎಳೆಯೊಂದಿಗೇ ಹೊಸೆದಿರೋ ರೋಚಕ ಕಥನವನ್ನ ಈ ಚಿತ್ರ ಒಳಗೊಂಡಿದೆ. ಬೆಲ್ ಬಾಟಮ್ ಅನ್ನು ಜನ ಯಾವ ನಿರೀಕ್ಷೆಯಿಟ್ಟುಕೊಂಡು ನೋಡಿದರೂ ಅದನ್ನು ತಣಿಸಿ ಬೇರೆಯದ್ದೇ ಜಗತ್ತಿನೊಂದಿಗೆ ವಿಹರಿಸುವಂತೆ ಮಾಡುವಲ್ಲಿ ಬೆಲ್ ಬಾಟಮ್ ಗೆದ್ದಿದೆ.

ರಿಷಬ್ ಶೆಟ್ಟಿ ಡಿಟಕ್ಟಿವ್ ದಿವಾಕರನಾಯಿ ತಮ್ಮ ಪ್ರತಿಭೆಯ ಮತ್ತೊಂದು ಮಜಲನ್ನು ಸಮರ್ಥವಾಗಿಯೇ ಅನಾವರಣಗೊಳಿಸಿದ್ದಾರೆ. ಈ ದಿವಾಕರನಿಗೆ ಸಣ್ಣ ವಯಸಿನಿಂದಲೇ ಪತ್ತೇದಾರಿ ಕಥೆಗಳನ್ನು ಓದೋ ಹವ್ಯಾಸ. ಆ ಸ್ಫೂರ್ತಿಯಿಂದ ತಾನು ಡಿಟೆಕ್ಟಿವ್ ಆಗಬೇಕೆಂಬ ಏಕ ಮಾತ್ರ ಉದ್ದೇಶದೊಂದಿಗೆ ಮುಂದುವರೆದ ಆತನನ್ನು ಬದುಕು ಪೊಲೀಸ್ ಕಾನ್ಸ್‌ಟೇಬಲ್ ವೃತ್ತಿಗೆ ಕಟ್ಟಿ ನಿಲ್ಲಿಸುತ್ತದೆ. ಹೀಗೆ ಅನಿವಾರ್ಯವಾಗಿ ಪೊಲೀಸು ವೃತ್ತಿಗಿಳಿದರೂ ದಿವಾಕರನೊಳಗಿನ ಪತ್ತೇದಾರಿಕೆಯ ಬುದ್ಧಿ ಮಾತ್ರ ಮರೆಯಾಗಿರೋದಿಲ್ಲ. ಹೀಗಿರುವಾಗಲೇ ಪೊಲೀಸಲ್ ಇಲಾಖೆಯನ್ನೇ ಮುಜುಗರಕ್ಕೆ ತಳ್ಳುವಂಥಾ ವಿದ್ಯಮಾನವೊಂದು ಘಟಿಸುತ್ತೆ. ಅದರ ಸುತ್ತಾ ಇಡೀ ಕಥೆ ಮಜವಾಗಿ ತೆರೆದುಕೊಳ್ಳುತ್ತಾ ಸಾಗುತ್ತದೆ.

ಬೆಲ್ ಬಾಟಮ್ ಚಿತ್ರದಲ್ಲೊಂದು ರೆಟ್ರೋ ಜಗತ್ತನ್ನೇ ಸೃಷ್ಟಿಸಿರೋ ನಿರ್ದೇಶಕ ಜಯತೀರ್ಥ ಇಡೀ ಕ್ಯಾನ್ವಾಸಿನ ಬಣ್ಣಗಳನ್ನು ಎಲ್ಲಿಯೂ ಚೆದುರದಂತೆ, ಎಲ್ಲರಿಗೂ ಆಪ್ತವಾಗುವಂತೆ ಕಟ್ಟಿ ಕೊಟ್ಟಿದ್ದಾರೆ. ಇಡೀ ಚಿತ್ರದ ಅಸಲೀ ಶಕ್ತಿಯೇ ಇದುವರೆಗೆ ಕಂಡು ಕೇಳರಿಯದಂಥಾ ವಿಚಿತ್ರ, ವಿಲಕ್ಷಣ ಪಾತ್ರಗಳು. ಸೆಗಣಿ ಪಿಂಟೋ, ಮರಕುಟುಕ ಎಂಬ ಸ್ಯಾಂಪಲ್ಲು ಕೇಳಿದರೇನೇ ಇದರ ವಿಶೇಷತೆ ಏನೆಂದು ಎಲ್ಲರಿಗೂ ಅರ್ಥವಾಗುತ್ತದೆ. ಹೀಗೆ ಪ್ರತಿಯೊಂದು ಪಾತ್ರಗಳನ್ನೂ ಕೂಡಾ ಕಾಡುವಂತೆ ಸೃಷ್ಟಿಸಲಾಗಿದೆ. ಮರಕುಟುಕನ ಪಾತ್ರಧಾರಿ ಯೋಗರಾಜ ಭಟ್ ಸೇರಿದಂತೆ ಸಮಸ್ತರೂ ಆಯಾ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿ ಪ್ರೇಕ್ಷಕರ ಮನಸಿನಾಳಕ್ಕಿಳಿದಿದ್ದಾರೆ. ಅಷ್ಟಕ್ಕೂ ಟಿ ಕೆ ದಯಾನಂದ್ ಅವರ ಕಥೆಯ ಸೊಗಸೇ ಅಂಥಾದ್ದಿದೆ!

ಜಯತೀರ್ಥ ಚಿತ್ರಗಳೆಂದ ಮೇಲೆ ಹೊಸತನ ಖಾಯಂ. ಅದು ಬೆಲ್ ಬಾಟಮ್ ಮೂಲಕವೂ ಮುಂದುವರೆದಿದೆ. ಹರಿಪ್ರಿಯಾ ಮತ್ತು ರಿಷಬ್ ಸೇರಿದಂತೆ ಎಲ್ಲರೂ ಸ್ಪರ್ಧೆಗೆ ಬಿದ್ದವರಂತೆ ನಟಿಸಿದ್ದಾರೆ. ಒಟ್ಟಾರೆಯಾಗಿ ಎಂಭತ್ತರ ದಶಕದ ಪತ್ತೇದಾರಿ ಚಿತ್ರಗಳ ಜಗತ್ತಿಗೆ ಬೆಲ್ ಬಾಟಮ್ ಮೂಲಕ ಎಲ್ಲರಿಗೂ ಪ್ರವೇಶ ಸಿಗುತ್ತದೆ. ಅಲ್ಲಿ ಭರ್ಜರಿ ಮನೋರಂಜನೆ, ಅದ್ಭುತ ಪತ್ತೇದಾರಿಕೆಯ ಗಮ್ಮತ್ತು… ಹೀಗೆ ಎಲ್ಲವೂ ಸಿಗುತ್ತದೆ. ಕೊನೇಯದಾಗಿ ಎಲ್ಲ ವರ್ಗದ ಪ್ರೇಕ್ಷಕರೂ ಮಿಸ್ ಮಾಡಿಕೊಳ್ಳದೆ ನೋಡಲೇ ಬೇಕಾದ ಚಿತ್ರ ಬೆಲ್ ಬಾಟಮ್!

cinibuzz ರೇಟಿಂಗ್ ****/*****

Continue Reading
Advertisement
f2f 300 x 600
drive 300 x 600

Trending

Copyright © 2018 Cinibuzz