Connect with us

ಬ್ರೇಕಿಂಗ್ ನ್ಯೂಸ್

ಎಂಟೂವರೆ ಲಕ್ಷ ವಂಚನೆಯ ಸುತ್ತಾ ಗುಮಾನಿಗಳ ಹುತ್ತ!

Published

on

ಆಡಬಾರದ ಆಟವಾಡಿ ಕಡೆಗೆ ಎಲ್ಲ ಕುತ್ತಿಗೆಗೆ ಬಂದಾಕ್ಷಣ ದೂರು ಕೊಡೋ ಕಾಯಿಲೆ ಒಂದಷ್ಟು ನಟಿಯರಿಗೆ ಅಂಟಿಕೊಂಡಿದೆ. ಇದೀಗ ಮಂಜಿನಹನಿ ಚಿತ್ರದಲ್ಲಿ ನಟಿಸಿದ್ದ ಚೇತನಾ ಎಂಬಾಕೆ ಕೊಟ್ಟಿರೋ ದೂರಿನಲ್ಲಿಯೂ ಅಂಥಾದ್ದೇ ಖಾಯಿಲೆ ಇದೆಯಾ? ಎಂಬ ಗುಮಾನಿ ಬಹುತೇಕರನ್ನು ಕಾಡುತ್ತಿದೆ. ತಾನೇ ಅದ್ಯಾರೋ ಸಹ ನಿರ್ಮಾಪಕ ನಾಗೇಶನ ಮೇಲೆ ದೂರು ಕೊಟ್ಟು ಆ ಬಗ್ಗೆ ವಿವರ ಕೊಡದೆ ಕೆಕರುಮಕರಾಗೋ ಚೇತನಾಳ ವರಸೆ ಒಂದು ಪ್ರಕರಣದ ಮತ್ತೊಂದು ಮುಖವನ್ನೂ ಜಾಹೀರು ಮಾಡುವಂತಿದೆ!

ಮಂಜಿನಹನಿ ಚಿತ್ರದಲ್ಲಿ ರವಿಚಂದ್ರನ್ ಅವರ ತಂಗಿಯ ಪಾತ್ರ ಮಾಡಿದ್ದಳೆನ್ನಲಾಗಿರೋ ಚೇತನಾ ಈ ಸುದ್ದಿಯ ಕೇಂದ್ರಬಿಂದು. ಈಕೆ ತನ್ನನ್ನು ವಂಚಿಸಿ ಎಂಟೂವರೆ ಲಕ್ಷಕ್ಕೂ ಹೆಚ್ಚು ಕಾಸು ಪೀಕಿದ್ದಾನೆಂದು ಸಹ ನಿರ್ಮಾಪಕ ನಾಗೇಶನ ಮೇಲೆ ಆರೋಪ ಹೊರಿಸಿದ್ದಾಳೆ. ಈ ಬಗ್ಗೆ ನಾಗೇಶನ ವಿರುದ್ಧ ಬೆಂಗಳೂರಿನ ಗಿರಿನಗರ ಪೊಲೀಸ್ ಠಾಣೆಯಲ್ಲೊಂದು ದೂರನ್ನೂ ದಾಖಲಿಸಿದ್ದಾಳೆ.

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ಕನಸಿನಂಥಾ ಮಂಜಿನಹನಿ ಚಿತ್ರಕ್ಕೆ ಆರಂಭದಲ್ಲಿ ನಿರ್ಮಾಪಕರಾಗಿದ್ದವರು ಸಂದೇಶ್ ನಾಗರಾಜ್. ೨೦೧೩ರಲ್ಲಿ ಸೆಟ್ಟೇರಿದ್ದ ಈ ಚಿತ್ರಕ್ಕೆ ಹೆಜ್ಜೆ ಹೆಜ್ಜೆಗೂ ಕಂಟಕಗಳೇ ಕಾಡಿದ್ದವು. ಆರ್ಥಿಕ ಸಂಕಷ್ಟದಿಂದ ಟೇಕಾಫ್ ಆಗದೇ ನಿಂತು ಹೋಗಿತ್ತು. ೨೦೧೫ರಲ್ಲಿ ಸಂದೇಶ್ ನಾಗರಾಜ್ ಅವರಿಂದ ಹಕ್ಕು ಪಡೆದು ರವಿಚಂದ್ರನ್ ಮತ್ತೆ ಮಂಜಿನಹನಿಯನ್ನು ಆರಂಭಿಸಿದ್ದರಲ್ಲಾ? ಆಗ ಈ ಚಿತ್ರಕ್ಕೆ ಸಹ ನಿರ್ದೇಶಕನಾಗಿ ಬಂದವನು ಹೊಸಕೋಟೆ ಮೂಲದ ನಾಗೇಶ.

ಸಹ ನಿರ್ಮಾಪಕನಾಗಿ ಬಂದ ನಾಗೇಶ ಈ ಚೇತನಾಗೆ ಬಲು ಕಾಳಜಿಯಿಂದಲೇ ನಾಯಕನ ತಂಗಿಯ ಪಾತ್ರವನ್ನೂ ಕೊಡಿಸಿದ್ದ. ಆದರೆ ಮಂಜಿನ ಹನಿ ಚಿತ್ರೀಕರಣ ಮಾತ್ರ ಕೆಲವೇ ದಿನಗಳಲ್ಲಿ ನಿಂತು ಹೋಗಿತ್ತು. ಆ ನಂತರದಲ್ಲಿ ಮನು ಎಂಬ ಹೆಸರಿನಿಂದ ತನ್ನ ವಾಟ್ಸಪ್ ನಂಬರಿಗೆ ಮೆಸೇಜು ಬಿಡಲಾರಂಭಿಸಿದ್ದ ನಾಗೇಶ ಮಸಲತ್ತು ನಡೆಸಲಾರಂಭಿಸಿದ್ದ ಎಂಬುದು ಚೇತನ ನೀಡಿದ ದೂರಿನ ಪ್ರಧಾನ ಅಂಶ!

ಹೀಗೆ ಮೆಸೇಜು ಮಾಡಲಾರಂಭಿಸಿದ ನಾಗೇಶ ಚಿತ್ರರಂಗದಲ್ಲಿ ಎತ್ತರಕ್ಕೇರುವ ಕನಸನ್ನೆಲ್ಲ ತುಂಬಿ ನಿನಗೆ ಆ ಆಸೆ ಇದ್ದರೆ ಗೌರಿ ಎಂಬಾಕೆಯನ್ನು ಸಂಪರ್ಕಿಸು ಅಂತ ನಂಬರು ನಕಳಿಸಿದ್ದನಂತೆ. ಸಿನಿಮಾ ರಂಗದಲ್ಲಿ ಎತ್ತರಕ್ಕೇರಿ ಕುಣಿದಾಡೋ ಉಮೇದಿನೊಂದಿಗೇ ಚೇತನ ಕರೆ ಮಾಡಿದೇಟಿಗೆ ಗೌರಿ ಪೂಜೆ ಪುನಸ್ಕಾರದ ಗೇರು ಹಾಕಿದ್ದಾಳೆ. ಇದಲ್ಲದೇ ಚೇತನಾಗೇನೋ ದೋಷವಿರೋದಾಗಿ ಹೇಳಿ ಅದನ್ನು ಪರಿಹರಿಸಿ ಒಂದು ಮಗುವನ್ನು ಬಲಿ ಕೊಟ್ಟರೆ ಭಾರೀ ಎತ್ತರಕ್ಕೇರುತ್ತಿ ಅಂತೂ ಗೌರಿ ಹೇಳಿದ್ದಳಂತೆ. ಬಳಿಕ ನಾಗೇಶನೂ ಮೆಸೇಜು ಮಾಡಿ ಗೌರಿ ಹೇಳಿದಂತೆ ನಡೆದುಕೊ ಅಂತ ಪುಸಲಾಯಿಸಿದ್ದನಂತೆ.

ಹೀಗೆ ಪೂಜೆ ಅಂತೆಲ್ಲ ಪದೇ ಪದೆ ಬೇರೆ ಬೇರೆ ಅಕೌಂಟಿಗೆ ಲಕ್ಷ ಲಕ್ಷವನ್ನು ನಾಗೇಶ ಚೇತನಾಳಿಂದ ಹಾಕಿಸಿಕೊಂಡಿದ್ದನಂತೆ. ಇದೇ ಆಗಸ್ಟ್ ತಿಂಗಳಲ್ಲಿಯೂ ವೀಣಾ ಎಂಬಾಕೆಯ ಖಾತೆಗೆ ಮತ್ತೆ ಐವತ್ತು ಸಾವಿರ ಹಾಕಿಸಿಕೊಂಡಿದ್ದಾನೆ ಎಂಬುದು ಚೇತನಾ ಮಾಡಿರೋ ಆರೋಪಗಳ ಸರಮಾಲೆ.

ಆದರೆ ಇಂಥಾದ್ದೊಂದು ದೂರು ಕೊಟ್ಟ ಚೇತನಾ ಮಾಧ್ಯಮದವರು ಸಂಪರ್ಕಿಸಿದರೂ ಸರಿಯಾದ ಮಾಹಿತಿ ನೀಡದೆ ದೌಲತ್ತು ತೋರಿಸುತ್ತಾಳೆ. ಈಕೆಯ ಈ ವರ್ತನೆಯಲ್ಲಿ ಮತ್ತು ಕೊಟ್ಟಿರೋ ದೂರಿನಲ್ಲಿಯೇ ಖಂಡಿತವಾಗಿಯೂ ಯಾವುದೋ ಮಸಲತ್ತಿನ ವಾಸನೆ ಹೊಡೆಯುತ್ತಿರೋದು ನಿಜ. ಚಿತ್ರರಂಗದಲ್ಲಿ ಮೇಲೇರಿದವರೆಲ್ಲ ಹೋಮ ಹವನ, ಪೂಜೆ ಮಾಡಿ ಮಗು ಬಲಿಕೊಟ್ಟಿಲ್ಲ ಎಂಬ ಕಾಮನ್ ಸೆನ್ಸ್ ಕೂಡಾ ಈಕೆಗಿರಲಿಲ್ಲವೇ? ಈಕೆ ಸಾಚಾ ಆಗಿದ್ದರೆ ಗೌರಿ ಎಂಬಾಕೆ ಮಗು ಬಲಿ ಕೊಡುವ ಪ್ರಸ್ತಾಪ ಮಾಡಿದಾಗ ಯಾಕೆ ಇವಳು ದೂರು ಕೊಡಲಿಲ್ಲ? ನಾಗೇಶ ಮನು ಎಂಬ ಹೆಸರಿನಿಂದ ಆಟವಾಡಿದ ಅಂತಲೇ ಇಟ್ಟುಕೊಳ್ಳೋಣ. ಆ ಮನು ಇವಳ ಸಂಬಂಧಿಕನಾ? ಓರ್ವ ಅಪರಿಚಿತ ಹೇಳಿದ್ದಕ್ಕೆಲ್ಲ ತಲೆಯಾಡಿಸಿ ಕೇಳಿದಾಗೆಲ್ಲ ಕಾಸು ಹಾಕಲು ಇವಳಿಗೇನು ತಲೆ ಕೆಟ್ಟಿತ್ತಾ? ಇಷ್ಟಕ್ಕೂ ನಾಗೇಶ ಕೇಳಿದಾಗಲೆಲ್ಲಾ ಅನಾಮತ್ತಾಗಿ ಎತ್ತೆತ್ತಿಕೊಡಲು ಈಕೆಗೆ ದುಡ್ಡಾದರೂ ಎಲ್ಲಿಂದ ಬರುತ್ತಿತ್ತು?

ಇಂಥಾ ನಾನಾ ಪ್ರಶ್ನೆಗಳಿವೆ. ಗಿರಿನಗರ ಪೊಲೀಸ್ ಇನ್ಸ್‌ಪೆಕ್ಟರ್ ಕೊಟ್ರೇಶ್ ಸಾಹೇಬ್ರು ಮೊದಲು ಈಕೆಯನ್ನೇ ಒಂದು ರೌಂಡು ತನಿಖೆಗೊಳಪಡಿಸಿದರೆ ಮಾತ್ರ ಅಸಲೀ ಸತ್ಯ ಹೊರಬರ ಬಹುದು. ಮಗು ಬಲಿಕೊಡಬೇಕು ಅನ್ನೋ ನೀಚಾತಿನೀಚ ಉದ್ದೇಶವನ್ನು ನಾಗೇಶ ವ್ಯಕ್ತಪಡಿಸಿದ ಮೇಲೂ ಈಕೆ ಆತನಿಗೆ ಹಣ ನೀಡಿದ್ದಾಳೆಂದಮೇಲೆ ಈಕೆ ಕೂಡಾ ಅಪರಾಧದಲ್ಲಿ ಭಾಗಿಯಾಗಿದ್ದಾಳೆ ಅಂತಾ ತಾನೆ ಅರ್ಥ? ಒಟ್ಟಾರೆ ನಾಗೇಶ ಎಂಬಾತ ವಂಚಕ ಅಂತಿಟ್ಟುಕೊಂಡರೂ ಇಡೀ ಪ್ರಕರಣದಲ್ಲಿ ಚೇತನಾ ಎಂಬಾಕೆಯ ಮೇಲೆಯೇ ಅನುಮಾನ ಹುಟ್ಟಿಸುವ ಸಾಕಷ್ಟು ಅಂಶಗಳಿವೆ. ಅದೇನೆಂಬುದನ್ನು ಜಾಹೀರು ಮಾಡೋ ಛಾತಿ ಇರೋದು ಪೊಲೀಸರ ತನಿಖೆಗೆ ಮಾತ್ರ!

Continue Reading
Advertisement
Click to comment

Leave a Reply

Your email address will not be published. Required fields are marked *

ಬ್ರೇಕಿಂಗ್ ನ್ಯೂಸ್

ಅಂಬಿ ಇಲ್ಲದ ಚಿತ್ರರಂಗ ತಬ್ಬಲಿ ಹೆಬ್ಬುಲಿ ನಿರ್ಮಾಪಕ ರಘುನಾಥ್ ಶ್ರದ್ಧಾಂಜಲಿ

Published

on

ಸುದೀಪ್ ನಟಿಸಿದ್ದ ಹೆಬ್ಬುಲಿಯಂಥಾ ಚಿತ್ರವನ್ನು ನಿರ್ಮಾಣ ಮಾಡಿದ್ದ ಎಸ್ ಆರ್ ವಿ ಪ್ರೊಡಕ್ಷನ್ಸ್ ಮಾಲೀಕ ರಘುನಾಥ್ ಅಂಬರೀಶ್ ಗೆ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.
ಕನ್ನಡಿಗರ ಪ್ರೀತಿಯ ರೆಬೆಲ್ ಸ್ಟಾರ್ ಅಂಬರೀಶ್ ಅವರು ನಮ್ಮನ್ನೆಲ್ಲ ಅಗಲಿರುವುದು ವಿಷಾಧದ ಸಂಗತಿ. ಅವರು ನಮ್ಮ ಚಿತ್ರರಂಗದ ಯಜಮಾನನಂತಿದ್ದರು. ಅವರ ಅಗಲಿಕೆಯಿಂದ ಕನ್ನಡ ಚಿತ್ರರಂಗ ಮತ್ತು ನಾವೆಲ್ಲರೂ ತಬ್ಬಲಿಗಳಂತಾಗಿದ್ದೆವೆ. ಅವರ ಸ್ಫೂರ್ತಿಯಿಂದಲೇ ನಾನು ಚಿತ್ರರಂಗಕ್ಕೆ ನಿರ್ಮಾಪಕನಾಗಿ ಬಂದು ಹೆಬ್ಬುಲಿಯಂಥಾ ಸಿನಿಮಾ ಮೂಲಕ ನಿರ್ಮಾಪಕನಾಗಿದ್ದೇನೆ.

ಇಂದು ಆರಾಧ್ಯ ದೈವದಂತಾ ನಾಯಕನನ್ನು ಕಲೆದುಕೊಂಡು ದುಃಖಿತನಾಗಿದ್ದೇನೆ. ಭಗವಂತ ಅವರ ಆತ್ಮಕ್ಕೆ ಚಿರಶಾಂತಿಯನ್ನು ನೀಡಲಿ. ಅವರ ಕುಟುಂಬಕ್ಕೆ ಈ ದುಃಖವನ್ನು ಭರಿಸಿಕೊಳ್ಳುವ ಶಕ್ತಿ ನೀಡಲಿ ಎಂದು ಪ್ರಾರ್ಥಿಸುತ್ತೇನೆ ಅನ್ನುವ ಮೂಲಕ ರಘುನಾಥ್ ತಾವು ಬಹುವಾಗಿ ಆರಾಧಿಸುತ್ತಿದ್ದ ಅಂಬರೀಶ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

Continue Reading

ಬ್ರೇಕಿಂಗ್ ನ್ಯೂಸ್

ಅಂಬಿಗೆ ಸುಧೀಂದ್ರ ವೆಂಕಟೇಶ್ ಸಹೋದರರ ಶ್ರದ್ಧಾಂಜಲಿ, ಸುಧೀಂದ್ರರನ್ನು ನಿಮಾಪಕರನ್ನಾಗಿಸಿದ್ದ ಕರ್ಣ!

Published

on


ಕಲಿಯುಗದ ಕರ್ಣ ಎಂದೇ ಖ್ಯಾತರಾಗಿದ್ದ ಅಂಬರೀಶ್ ಅವರ ಋಣ ಒಂದಲ್ಲಾ ಒಂದು ರೀತಿಯಲ್ಲಿ ಚಿತ್ರರಂಗದ ಎಲ್ಲರ ಮೇಲೂ ಇದೆ. ಯಾರಿಗೇ ಆದರೂ ಸಹಾಯಕ್ಕಾಗಿ ಸದಾ ಮುಂದಿರುತ್ತಿದ್ದ ಅಂಬಿ ಅನೇಕರ ಗೆಲುವಿಗೆ ಪ್ರೇರಕ ಶಕ್ತಿಯಾಗಿದ್ದವರು. ಕನ್ನಡ ಚಿತ್ರರಂಗದ ಖ್ಯಾತ ಪ್ರಚಾರಕರ್ತರಾಗಿದ್ದ ಡಿ.ವಿ ಸುಧೀಂದ್ರ ಅವರನ್ನು ‘ಒಲವಿನ ಉಡುಗೊರೆ’ ಚಿತ್ರದ ಮೂಲಕ ನಿರ್ಮಾಪಕರನ್ನಾಗಿಸಿದ್ದೂ ಕೂಡಾ ಅಂಬರೀಶ್ ಅವರೇ!

ಅಂಬಿ ನಿರ್ಗಮಿಸಿದ ದುಃಖದಲ್ಲಿರುವ ಪ್ರಚಾರಕರ್ತ ಸುಧೀಂದ್ರ ವೆಂಕಟೇಶ್ ಅದನ್ನು ನೆನಪಿಸಿಕೊಂಡೇ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ. ರಾಘವೇಂದ್ರ ಚಿತ್ರವಾಣಿಯ ಜನಕ ಡಿ.ವಿ ಸುಧೀಂದ್ರ ರವರ ನಿರ್ಮಾಣದ ‘ಒಲವಿನ ಉಡುಗೊರೆ’ ಚಿತ್ರದ ಮೂಲಕ ಸುಧೀಂದ್ರ ರವರನ್ನು ನಿರ್ಮಾಪಕನ ಪಟ್ಟಕ್ಕೆ ಕೂರಿಸಿದ ಕಲಿಯುಗದ ಕರ್ಣ ಕನ್ನಡ ಚಿತ್ರರಂಗದ ಹಿರಿಯಣ್ಣ ರೆಬಲ್ ಸ್ಟಾರ್ ಅಂಬರೀಶ್ ರವರ ಅಗಲಿಕೆಯಿಂದ ನಮ್ಮ ಕುಟುಂಬದ ಹಾಗೂ ನಮ್ಮೆಲ್ಲರ ಮನಸ್ಸು ಆಘಾತದಿಂದ ದುಃಖಿತವಾಗಿದೆ ಎಂದು ರಾಘವೇಂದ್ರ ಚಿತ್ರವಾಣಿ ಸಂಸ್ಥೆಯ ಪರವಾಗಿ ಸುಧೀಂದ್ರ ವೆಂಕಟೇಶ್, ವಾಸು ಮತ್ತು ಸನೀಲ್ ಸಹೋದರರು ಅಂಬರೀಶ್ ಅವರಿಗೆ ಭಕ್ತಿ ಪೂರ್ವಕ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

ಡಿ.ವಿ ಸುಧೀಂದ್ರ ಅಂಬರೀಶ್ ಅವರಿಗೆ ಆಪ್ತರಾಗಿದ್ದವರು. ಅವರು ನಿಧನ ಹೊಂದಿದ ನಂತರ ರಾಘವೇಂದ್ರ ಚಿತ್ರವಾಣಿ ಸಂಸ್ಥೆಯ ಸಾರಥ್ಯ ವಹಿಸಿಕೊಂಡಿದ್ದವರು ಸುಧೀಂದ್ರ ವೆಂಕಟೇಶ್. ಅವರೂ ಕೂಡಾ ಅಂಬರೀಶ್‌ರೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದವರು. ಸುಧೀಂದ್ರ ಪಾಲಿಗೂ ಅಂಬಿ ಮಾರ್ಗದರ್ಶಕರಾಗಿದ್ದರು. ರಾಘವೇಂದ್ರ ಚಿತ್ರವಾಣಿಒ ಎಂಬ ಸುಧೀಮದ್ರ ಅವರ ಕನಸನ್ನು ಸಮರ್ಥವಾಗಿ ಮುಂದುವರೆಸುತ್ತಿರೋ ವೆಂಕಟೇಶ್ ಅವರ ಬಗ್ಗೆ ಅಂಬಿ ಮೆಚ್ಚುಗೆಯನ್ನೂ ಹೊಂದಿದ್ದರು.

 

Continue Reading

ಬ್ರೇಕಿಂಗ್ ನ್ಯೂಸ್

ಅಂಬಿ ಸಾವಲ್ಲೂ ದ್ವೇಷ ಸಾಧಿಸಿದಳೇ ರಮ್ಯಾ? ಅಂತಃಕರಣದ ಕರ್ಣನಿಗೆ ಇದೆಂಥಾ ಅವಮಾನ?

Published

on

ಕಲಿಯುಗದ ಕಣ್ಣ ಅಂಬರೀಶ್ ಸಾವಿಗೆ ಇಂಡಿಯಾದ ಅಷ್ಟ ದಿಕ್ಕುಗಳಿಂದಲೂ ಸಂತಾಪ ಸೂಚಿಸಲಾಗುತ್ತಿದೆ. ಯಾವ್ಯಾವುದೋ ಮೂಲೆಯಲ್ಲಿದ್ದವರೂ ಕೂಡ ಓಡೋಡಿ ಬಂದು ಅಂಬರೀಶ್ ಅವರ ಅಂತಿಮ ದರ್ಶನ ಪಡೆದಿದ್ದಾರೆ. ಅಷ್ಟು ದೂರದ ಸ್ವೀಡನ್ ದೇಶದಲ್ಲಿದ್ದ ದರ್ಶನ್ ಕೂಡಾ ತರಾತುರಿಯಿಂದ ಮರಳಿದ್ದಾರೆ. ಇದೆಲ್ಲದಕ್ಕೆ ಕಾರಣವಾಗಿರೋದು ಅಂಬಿಯ ವ್ಯಕ್ತಿತ್ವದಲ್ಲಿದ್ದ ಸ್ನೇಹಶೀಲತೆ ಮತ್ತು ಹೃದಯ ವಂತಿಕೆ.

ಆದರೆ, ಮಾಜಿ ನಟಿ ಮತ್ತು ಹಾಲಿ ರಾಜಕಾರಣಿ ರಮ್ಯಾ ಮಾತ್ರ ಇದಕ್ಕೆ ತದ್ವಿರುದ್ಧ. ಅಂಬಿ ಸಾವಿನ ಸುದ್ದಿ ತಿಳಿದು ಅದೆಷ್ಟೋ ಕಾಲವಾದ ನಂತರ ಟ್ವಿಟರ್ ಮೂಲಕವೇ ಇಂಗ್ಲಿಷಿನಲ್ಲಿ ಸಂತಾಪದಂಥಾದ್ದನ್ನು ಸೂಚಿಸಿದ ರಮ್ಯಾ ದೆಹಲಿಯಲ್ಲೋ, ಇನ್ನೆಲ್ಲೋ ಕಳೆದು ಹೋಗಿದ್ದಾಳೆ. ಇದೀಗ ಮಂಡ್ಯದ ಜನ ಈ ಜಂಭದ ಕೋಳಿಗೆ ಮಕ ಮಕ ಉಗಿದು ಆಕ್ರೋಶ ವ್ಯಕ್ತಪಡಿಸುತ್ತಿರೋದು ಈ ಕಾರಣಕ್ಕಾಗಿಯೇ!

ಸಿನಿಮಾ ನಟಿಯಾಗಿದ್ದ ಈಕೆ ರಾಠಜಕಾರಣಿಯಾಗಿ ಕಾಂಗ್ರೆಸ್‌ನ ಅಂತಃಪುರ ಸೇರಿಕೊಂಡಿದ್ದಾಳಲ್ಲಾ? ಅದಕ್ಕೆ ನಿಜವಾಗಿಯೂ ಕಾರಣವಾಗಿರೋದು ರೆಬೆಲ್ ಸ್ಟಾರ್ ಅಂಬರೀಶ್. ಈಕೆ ಮಂಡ್ಯ ಕ್ಷೇತ್ರದಿಂದ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಿದ್ದಾಗ ಜನ ಓಟು ಹಾಕಿ ಗೆಲ್ಲಿಸಿದ್ದೂ ಕೂಡಾ ಅಂಬರೀಷಣ್ಣನ ಮುಖ ನೋಡಿಯೇ. ಆದರೆ ಈಕೆ ಹಾಗೆ ಗೆದ್ದು ದೆಹಲಿ ಸೇರಿಕೊಂಡವಳೇ ಅಂಬಿಗೇ ಉಲ್ಟಾ ಹೊಡೆದದ್ದು, ಎರಡನೇ ಸಲ ಸ್ಪರ್ಧಿಸಿ ಗೋತಾ ಹೊಡೆದದ್ದೆಲ್ಲವೂ ಈಗ ಇತಿಹಾಸ.

ಈ ರಾಜಕೀಯ ಕಾರಣಗಳಿಂದಾಗಿ ಅಂಬಿಯನ್ನು ಎದುರು ಹಾಕಿಕೊಂಡಿದ್ದ ರಮ್ಯಾ ಅವರು ನಿಧನರಾದಾಗಲೂ ಹಳೇ ದ್ವೇಷವನ್ನೇ ಮುಂದುವರೆಸಿದ್ದಾಳೆ. ಆಕೆಗೇನಾದರೂ ಮನುಷ್ಯತ್ವ ಇದ್ದಿದ್ದರೆ ಮಂಡ್ಯಕ್ಕೆ ಬರುತ್ತಿದ್ದಳು. ಅಂಬರೀಶ್ ಅವರ ಪಾರ್ಥಿವ ದೇಹದ ದರ್ಶನದ ದೇಖಾರೇಖಿ ನೋಡಿಕೊಳ್ಳುತ್ತಿದ್ದಳು. ಆದರೆ ರಮ್ಯಾ ಮಾತ್ರ ಅದಕ್ಕೂ ತನಗೂ ಸಂಬಂಧವೇ ಇಲ್ಲದಂತೆ ಸುಮ್ಮನಿದ್ದರೆ ಮಂಡ್ಯ ಜನರಿಗೆ ರೋಷ ಉಕ್ಕದಿರುತ್ತದಾ?

ಅಷ್ಟಕ್ಕೂ ಅಂಬರೀಶ್ ಅವರದ್ದು ಯಾರ ವಿರುದ್ಧವೂ ಮಸಲತ್ತು ನಡೆಸೋ ಜಾಯಮಾನವಲ್ಲ. ಎಂಥಾ ಕಲಿಗಳು ರಾಜಕೀಯದ ಅಖಾಡದಲ್ಲಿ ಎದುರಾದಾಗಲೂ ಒಂಟಿಸಲಗದಂತೆಯೇ ಎದುರುಗೊಂಡವರು ಅಂಬಿ. ಷಡ್ಯಂತ್ರ, ಕುತಂತ್ರದ ಮೂಲಕ ಗೆಲ್ಲೋದು ಅವರ ವ್ಯಕ್ತಿತ್ವದಲ್ಲೇ ಇರಲಿಲ್ಲ. ಇಂಥಾ ಅಂಬರೀಶ್ ರಮ್ಯಾಳ ಊಸರವಳ್ಳಿ ಬುದ್ಧಿಯನ್ನೂ ಕೂಡಾ ಆ ನೇರವಂತಿಕೆಯಿಂದಲೇ ದಿಟ್ಟಿಸಿ ಮರೆತೂ ಬಿಟ್ಟಿದ್ದರು. ಬಹುಶಃ ಮುಂದಿನ ಚುನಾವಣೆಯಲ್ಲೇನಾದರೂ ಅವರು ಬದುಕಿದ್ದಿದ್ದರೆ, ರಮ್ಯಾ ಬಂದು ಅಂಕಲ್… ಅಂತ ನಾಕು ಒಳ್ಳೆ ಮಾತಾಡಿದ್ದರೂ ಕರಗಿ ಯಾವ ಕಿಸುರೂ ಇಲ್ಲದೆ ಬೆನ್ನಿಗೆ ನಿಲ್ಲುವ ಅಂತಃಕರಣ ಹೊಂದಿದ್ದ ಜೀವ ಅಂಬರೀಶ್ ಅವರದ್ದು. ಆದರೆ ಹೈಫೈ ಗುಂಗಿನ ಪುಟಗೋಸಿ ತಿಮಿರು ತುಂಬಿಕೊಂಡಿರೋ ರಮ್ಯಾಗೆ ಇದೆಲ್ಲ ಅದು ಹೇಗೆ ಅರ್ಥವಾದೀತು?

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz