One N Only Exclusive Cine Portal

ನೀವು ಕಂಡುಹಿಡಿಯೋದು ಕಷ್ಟ!

ಈ ಹುಡುಗ ಧೃವಾ ಸರ್ಜಾನ ಸಿನಿಮಾ ಪ್ರೀತಿ, ಪಾತ್ರಗಳಿಗಾಗಿನ ಡೆಡಿಕೇಷನ್ನು, ಸವಾಲುಗಳನ್ನು ಸ್ವೀಕರಿಸುವ ಪರಿ ನಿಜಕ್ಕೂ ಕುತೂಹಲಕರ. ನಂದಕಿಶೋರ್ ನಿರ್ದೇಶನದಲ್ಲಿ ಪೊಗರು ಅಂತೊಂದು ಸಿನಿಮಾ ಸೆಟ್ಟೇರುತ್ತಿದೆಯಲ್ಲಾ, ಆ ಚಿತ್ರದ ಪಾತ್ರಕ್ಕೆ ಧೃವಾ ತಯಾರಾಗುತ್ತಿರೋ ರೀತಿಯನ್ನು ನೋಡಿದರೆ ಎಂಥವರಿಗಾದರೂ ಆಶ್ಚರ್ಯವಾಗುತ್ತದೆ.


ಪೊಗರು ಸಿನಿಮಾದಲ್ಲಿ ಆರಂಭದ ಹದಿನೈದು ನಿಮಿಷದ ಎಪಿಸೋಡಿನಲ್ಲಿ ಧೃವಾ ಸರ್ಜಾ ಏಳನೇ ಕ್ಲಾಸು ಹುಡುಗಾನಾಗಿ ಪಾತ್ರ ನಿರ್ವಹಿಸಲಿದ್ದಾರೆ. ಸಿನಿಮಾಗಳಲ್ಲಿ ಬರುವ ಫ್ಲಾಷ್ ಬ್ಯಾಕ್ ಎಪಿಸೋಡುಗಳಿಗೆ ಬಾಲಕಲಾವಿದರನ್ನು ಬಳಸೋದು ವಾಡಿಕೆ. ಹಾಗೆ ಮಾಡಿದರೆ ಫೀಲ್ ಸಿಗೋದಿಲ್ಲ ಅನ್ನೋ ಕಾರಣಕ್ಕೆ ಸ್ವತಃ ಧೃವಾ ಬರೋಬ್ಬರಿ ಮೂವತ್ತು ಕೆಜಿ ತೂಕ ಇಳಿಸಿಕೊಂಡು ಎಳೇ ಹುಡುಗನಂತಾಗಿದ್ದಾರೆ. ಸ್ವತಃ ನಿರ್ದೇಶಕ ನಂದಕಿಶೋರ್ ಹೇಳೋಪ್ರಕಾರ ಈ ಅವತಾರದಲ್ಲಿ ಧೃವಾ ಸರ್ಜಾ ಎದುರೇ ಓಡಾಡಿಕೊಂಡಿದ್ದರೂ ಯಾರೂ ಕಂಡುಹಿಡಿಯಲು ಸಾಧ್ಯವಿಲ್ಲವಂತೆ.


ಇನ್ನೂ ವಿಶೇಷವೆಂದರೆ ಪೊಗರು ಸಿನಿಮಾದಲ್ಲಿ ಪ್ರತೀ ಹದಿನೈದು ನಿಮಿಷಕ್ಕೊಮ್ಮೆ ಊಹಿಸಲು ಸಾಧ್ಯವಾಗದಂಥ ಟ್ವಿಸ್ಟುಗಳು ಘಟಿಸುತ್ತವಂತೆ. ಮೊದಲ ಹದಿನೈದು ನಿಮಿಷಗಳಿಗಾಗಿ ಮೂವತ್ತು ಕೇಜಿ ಇಳಿಸಿಕೊಂಡಿರೋ ಧೃವಾ ಪೂರ್ತಿ ಸಿನಿಮಾಕ್ಕಾಗಿ ಏನೆಲ್ಲಾ ಕಸರತ್ತು ನಡೆಸಬಹುದು ಅನ್ನೋದು ನಿಮ್ಮ ಕಲ್ಪನೆಗೆ ಬಿಟ್ಟಿದ್ದು.


ಈ ಹಿಂದೆ ತಮಿಳಿನಲ್ಲಿ ನಟರಾದ ಸೂರ್ಯ ಮತ್ತು ಧನುಷ್ ಇಂಥದ್ದೇ ತೂಕ ಇಳಿಸಿಕೊಳ್ಳೋ ಪ್ರಯತ್ನ ಮಾಡಿದ್ದರು. ನಾಲ್ಕೈದು ವರ್ಷಗಳ ಹಿಂದೆ ಕನ್ನಡದಲ್ಲೇ ತಯಾರಾಗಿದ್ದ ಆರ್ ಚಂದ್ರು ನಿರ್ದೇಶನದ ಚಾರ್ ಮಿನಾರ್ ಚಿತ್ರಕ್ಕಾಗಿ ದೇಹ ದಂಡಿಸಿದ್ದ ನೆನಪಿರಲಿ ಪ್ರೇಮ್ ಹೈಸ್ಕೂಲ್ ಹುಡುಗನ ಪಾತ್ರದಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದರು.


ಈಗ ಧೃವಾ ಸರ್ಜಾ ಪೊಗರು ಚಿತ್ರಕ್ಕಾಗಿ ಏಳನೇ ಕ್ಲಾಸು ಹುಡುನ ಪಾತ್ರದಲ್ಲಿ ಕಾಣಿಸಿಕೊಳ್ಳೋ ತಯಾರಿಯಲ್ಲಿದ್ದಾರೆ. ಈ ಹುಡುಗನ ಪಾತ್ರ ಜನಮನ ಗೆಲ್ಲುವಂತಾಗಲಿ…

Leave a Reply

Your email address will not be published. Required fields are marked *


CAPTCHA Image
Reload Image