One N Only Exclusive Cine Portal

ದಿವಾಕರ್‌ಗೆ ಕ್ರೇಜ಼ಿ ಪುತ್ರನ ಜೊತೆ ನಟಿಸೋ ಅವಕಾಶ!

ಬಿಗ್‌ಬಾಸ್ ಸೀಝನ್ ಐದರ ರನ್ನರ್ ಅಪ್ಪ ಆಗಿ ಹೊರ ಬಂದಾತ ದಿವಾಕರ್. ಕಾಮನ್ ಮ್ಯಾನ್ ಕೋಟಾದಲ್ಲಿ ಬಿಗ್‌ಬಾಸ್ ಮನೆ ಸೇರಿದ್ದ ದಿವಾಕರ್ ಆ ನಂತರ ಪ್ರೇಕ್ಷಕರ ಮನ ಗೆದ್ದು ಈ ಶೋನಲ್ಲಿ ಕಡೇ ತನಕ ಉಳಿದುಕೊಂಡಿದ್ದ. ಆದರೆ ಓರ್ವ ಸೇಲ್ಸ್‌ಮ್ಯಾನ್ ಆಗಿದ್ದ ದಿವಾಕರ್ ಈಗ ಬದುಕಿಗೇನು ಮಾಡುತ್ತಿದ್ದಾನೆಂಬ ಪ್ರಶ್ನೆ ಒಂದಷ್ಟು ಮಂದಿಯನ್ನಾದರೂ ಕಾಡಿರಬಹುದು.

ದಿವಾಕರ್ ಬಿಗ್‌ಬಾಸ್ ಮನೆ ಸೇರುವ ಹೊತ್ತಿಗೆ ಸೇಲ್ಸ್ ಮ್ಯಾನ್ ಅವತಾರದಲ್ಲಿ ಹೋಗಿದ್ದರೂ ಆತನಿಗೆ ಸಿನಿಮಾಗಳಲ್ಲಿ ನಟಿಸುವ ಹುಚ್ಚಿತ್ತು. ಬಹುಶಃ ಅಂಥಾದ್ದೊಂದು ಗೀಳಿಲ್ಲದೇ ಹೋಗಿದ್ದರೆ ಆತ ಬಿಗ್‌ಬಾಸ್ ಮನೆಯತ್ತ ಸುಳಿಯುವುದೂ ಸಾಧ್ಯವಿರುತ್ತಿರಲಿಲ್ಲವೇನೋ…

ಅದಕ್ಕೆ ಸರಿಯಾಗಿ ಬಿಗ್‌ಬಾಸ್ ಶೋ ಮುಗಿಯುತ್ತಲೇ ದಿವಾಕರ್‌ಗೆ ಸಿನಿಮಾದಲ್ಲಿ ನಟಿಸಲು ಸಾಲು ಸಾಲಾಗಿ ಆಫರ್‌ಗಳು ಬಂದಿದ್ದವಂತೆ. ಅದರಲ್ಲಿ ರವಿಚಂದ್ರನ್ ಪುತ್ರ ಮನೋರಂಜನ್ ಜೊತೆ ಬಹು ಮುಖ್ಯವಾದ ಪಾತ್ರವೊಂದರಲ್ಲಿ ನಟಿಸೋ ಅವಕಾಶವನ್ನು ದಿವಾಕರ್ ಗಿಟ್ಟಿಸಿಕೊಂಡಿದ್ದಾನೆ. ಅಂದಹಾಗೆ ಮನೋರಂಜನ್ ನಾಯಕನಾಗಿರುವ ಚಿಲ್ಲಂ ಚಿತ್ರದಲ್ಲಿ ದಿವಾಕರ್ ನಾಯಕನ ಸ್ನೇಹಿತನ ಪಾತ್ರದಲ್ಲಿ ಅಭಿನಯಿಸಲಿದ್ದಾನೆ.

ದಿವಾಕರ್ ಜಿಗುಟು ಬುದ್ಧಿಯನ್ನು ಬದಿಗಿಟ್ಟು, ಮೊಂಡು ವಾದಗಳನ್ನು ಕೊಂಚ ಕಂಟ್ರೋಲಿಗೆ ತಂದುಕೊಂಡರೆ ಆತ ಓರ್ವ ನಟನಾಗಿ ನೆಲೆ ನಿಲ್ಲಬಹುದೆಂಬುದು ಚಿತ್ರರಂಗದವ ಅಭಿಪ್ರಾಯ. ಯಾಕೆಂದರೆ ಬಿಗ್‌ಬಾಸ್ ಶೋನಲ್ಲಿಯೇ ಆತ ತನ್ನೊಳಗಿನ ಂತಿeಭೆಯನ್ನು ಅನಾವರಣಗೊಳಿಸಿದ್ದ. ಅಂತೂ ಬಿಗ್‌ಬಾಸ್ ಶೋ ಮೂಲಕ ಮತ್ತೋರ್ವ ನಟ ಹುಟ್ಟಿಕೊಳ್ಳೋ ಸಾಧ್ಯತೆಗಳಿದ್ದಾವೆ.

Leave a Reply

Your email address will not be published. Required fields are marked *


CAPTCHA Image
Reload Image