ಸದ್ಯ ಸೂಪರ್ 30 ಸಿನಿಮಾದಲ್ಲಿ ನಟ ಹೃತಿಕ್ ಮಿಂಚುತ್ತಿದ್ದು, ಈಗಾಗಲೇ ಚಿತ್ರದ ಟ್ರೇಲರ್ ರಿಲೀಸ್ ಆಗಿ ನೋಡುಗರನ್ನು ಗಮನಸೆಳೆದಿದೆ. ಅಲ್ಲದೇ ಚಿತ್ರದ ಮೇಲೆ ಮತ್ತಷ್ಟು ನಿರೀಕ್ಷೆ ಹುಟ್ಟುವಂತೆಯೂ ಮಾಡಿದೆ. ಸೂಪರ್ 30ಯ ನಂತರ ಹೃತಿಕ್ ಯಾವ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಬಿ ಟೌನ್ ನಲ್ಲಿ ಹರಿದಾಡುತ್ತಿದೆ.
ಹೌದು ಸೂಪರ್ 30 ಯ ಬೆನ್ನಲೇ ಹೃತಿಕ್ ಫೈಟರ್ ಎನ್ನುವ ಸಿನಿಮಾದಲ್ಲಿ ನಟಿಸಲಿದ್ದಾರಂತೆ. ಅಲ್ಲದೇ ಆ ಸಿನಿಮಾಕ್ಕೆ ಹೃತಿಕ್ ರೋಷನ್ ಬರೋಬ್ಬರಿ 45 ಕೋಟಿ ರುಪಾಯಿ ಸಂಭಾವನೆಯನ್ನು ಪಡೆದಿದ್ದಾರೆ ಎನ್ನಲಾಗುತ್ತಿದೆ. ಬಿ ಟೌನ್ ನಲ್ಲಿ ಈ ಸುದ್ದಿ ಬಿಸಿ ಬಿಸಿ ಚರ್ಚೆಯನ್ನುಂಟು ಮಾಡಿದೆ. ಇನ್ನು ಹೃತಿಕ್ ರೋಷನ್ ಗೆ ಫೈಟರ್ ನಲ್ಲಿ ಜಾಕಿ ಶ್ರಾಫ್ ಕೂಡ ಸಾಥ್ ನೀಡಲಿದ್ದಾರಂತೆ. ಆದರೆ ಅವರು ಯಾವ ಪಾತ್ರ ಮಾಡಲಿದ್ದಾರೆಂಬುದು ಸದ್ಯಕ್ಕೆ ತಿಳಿದುಬಂದಿಲ್ಲ. ಫೈಟರ್ ಸಿನಿಮಾವನ್ನು ಸಿದ್ಧಾರ್ಥ ಆನಂದ್ ನಿರ್ದೇಶನ ಮಾಡುತ್ತಿದ್ದು, ಆದಿತ್ಯ ಚೋಪ್ರಾ ಬಂಡವಾಳ ಹೂಡುತ್ತಿದ್ದಾರೆ. ಹೃತಿಕ್ ಸಂಭಾವನೆ ವಿಚಾರವಾಗಿ ಹರಿದಾಡುತ್ತಿರುವ ಸುದ್ದಿ ನಿಜವೇ ಆಗಿದ್ದರೆ ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ನಟನಾಗಿ ಹೃತಿಕ್ ರೋಷನ್ ಹೊರಹೊಮ್ಮಲಿದ್ದಾರೆ.
No Comment! Be the first one.