One N Only Exclusive Cine Portal

ಶೋಷಿತ ಮಹಿಳೆಯರ ಪ್ರತಿನಿಧಿ ಹನ್ಸಿಕಾ!

ಸಿನಿಮಾ ನಿರ್ದೇಶನ ಮಾಡುವವರಿಗೆ ಮೊದಲು ವೇದಿಕೆಯಾಗೋದು ಹಾಗೂ ತಮ್ಮ ಪ್ರತಿಭೆಯನ್ನು ತೋರಿಸಲು ಅವಕಾಶ ಸಿಗೋದು ಕಿರುಚಿತ್ರಗಳಿಂದ ಮಾತ್ರ. ಅಂಥವರ ಸಾಲಿಗೆ  ಡಾ.ಪ್ರಶಾಂತ್.ಜಿ. ಮಾಲೂರು  ಕೂಡ ಸೇರಿದ್ದಾರೆ.   ಅವರು  15  ನಿಮಿಷಗಳ  ’ಹನ್ಸಿಕಾ’ ಎಂಬ ಕಿರುಚಿತ್ರಕ್ಕೆ ಕತೆ, ಚಿತ್ರಕತೆ, ಸಂಭಾಷಣೆ ಬರೆದು  ನಿರ್ದೇಶನ ಮಾಡಿದ್ದಾರೆ. ಕೇವಲ ಎರಡೇ ಪಾತ್ರಗಳ ಮೂಲಕ ನಡೆಯುವ ಈ ಕಥೆಯಲ್ಲಿ ಪ್ರಶಾಂತ್ ಅವರೇ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಪ್ರಶಾಂತ್ ಅವರ ಜೊತೆ ಭರತ್ ಜೈನ್  ಸೇರಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.  ಒಮ್ಮೆ ರಸ್ತೆಯಲ್ಲಿ ಹೋಗುತ್ತಿರುವ ಸಂದರ್ಭದಲ್ಲಿ   ಕ್ರೂರಿ ಮನುಷ್ಯನೊಬ್ಬನು  ವೇಶ್ಯೆಯನ್ನು  ಥಳಿಸುತ್ತಿರುತ್ತಾನೆ.  ಇದನ್ನು ನೋಡಿದ ನಿರ್ದೇಶಕರಿಗೆ ಇವರನ್ನೇ ಕುರಿತಂತೆ ಏಕೆ ಸಿನಿಮಾ ಮಾಡಬಾರದು ಎನಿಸಿ,  ಅವರ ಬಗ್ಗೆ ಸಂಶೋಧನೆ ನಡೆಸುತ್ತಾರೆ. ನಂತರ ಇಂಥಾ ವೃತ್ತಿಯಲ್ಲಿ ತೊಡಗಿರುವ ೪೦ ಜನರನ್ನು ಭೇಟಿ ಮಾಡಿ ಎಲ್ಲಾ  ಮಾಹಿತಿಗಳನ್ನು ಕಲೆ ಹಾಕಿದ್ದಾರೆ,.
 ಅವರು ಹೇಳಿದ ಮಾತುಗಳೇ ಈ ಚಿತ್ರದ ಡೈಲಾಗ್ ರೂಪದಲ್ಲಿ ಮೂಡಿ ಬಂದಿದೆ. ಮುಂದೆ ಕಲಾವಿದರನ್ನು ಆಯ್ಕೆ ಮಾಡಲು 80 ಜನರನ್ನು ಅಡಿಷನ್ ಮಾಡಿದಾಗ ಎಲ್ಲರೂ ಮೊದಲ ಚಿತ್ರದಲ್ಲೇ ಇಂತಹ ಪಾತ್ರ ಮಾಡುವುದಿಲ್ಲವೆಂದು ತಿರಸ್ಕರಿಸಿದ್ದಾರೆ. ಕೊನೆಗೆ ಫೇಸ್‌ಬುಕ್‌ನಲ್ಲಿ  ಸೀಮಾ ಮಂಜಪ್ಪ ಎಂಬುವವರನ್ನು  ಪರಿಚಯ  ಮಾಡಿಕೊಂಡು ಒಪ್ಪಿಸುವಲ್ಲಿ  ನಿರ್ದೇಶಕ ಪ್ರಶಾಂತ್ ಸಪಲರಾಗಿದ್ದಾರೆ.
ನಿರ್ದೇಶಕನೊಬ್ಬ ವೇಶ್ಯೆಯೊಬ್ಬಳನ್ನು ಭೇಟಿ ಮಾಡಿ ನಾನೊಂದು ಚಿತ್ರ ಮಾಡುತ್ತಿದೇನೆ. ಚಿತ್ರದಲ್ಲಿ ಒಂದು ಪಾತ್ರ ಮಾಡಲು ಹೇಳಿದಾಗ ಇಬ್ಬರ ನಡುವಿನ ಸಂಭಾಷಣೆಗಳು  ಬರಲಿದ್ದು, ಕ್ಲೈಮಾಕ್ಸ್‌ನಲ್ಲಿ ಆಕೆ ನಟಿಸಲು ಒಪ್ಪುವುದಿಲ್ಲವೆಂದು ಹೇಳುತ್ತಾಳೆ. ನೀವು ಒಪ್ಪದೆ ಇದ್ದರೂ ಮುಂದಿನ ಭೇಟಿಯಲ್ಲಿ ನಿಮ್ಮನ್ನು  ಕ್ಯಾಮೆರಾ ಮುಂದೆ ನಿಲ್ಲಿಸುತ್ತೇನೆ ಎಂದು ಆ ನಿರ್ದೇಶಕ ಹೇಳುತ್ತಾನೆ. ಈ ಹದಿನೈದು ನಿಮಿಷಗಳ  ಕಥೆಯಲ್ಲಿ ಆಕೆಯು ಹೇಳುವ ಪ್ರತಿಯೊಂದು ಡೈಲಾಗ್‌ಗಳು  ವೇಶ್ಯೆಯ  ಮನಸ್ಥಿತಿ ಹೇಗಿರುತ್ತದೆ ಎಂಬುದನ್ನು ವಿವರಿಸುತ್ತದೆ.
 ಈ  ಚಿತ್ರವನ್ನು  ವೀಕ್ಷಿಸಿದ ಉದ್ಯಮಿ, ನಿರ್ಮಾಪಕ ಮಹೇಂದ್ರ ಮನ್ನೋತ್ ಮಾತನಾಡಿ ಸಮಾಜದಲ್ಲಿ  ಹೆಣ್ಣುಮಕ್ಕಳನ್ನು  ತಾಯಿ, ಅಕ್ಕ, ತಂಗಿಯ ರೂಪದಲ್ಲಿ ಕಾಣುತ್ತಾರೆ. ಕೆಲವರು ಅವರನ್ನು ಹೇಗೆ  ಶೋಷಣೆಗೆ ಒಳಪಡಿಸುತ್ತಾರೆ  ಎಂಬುದನ್ನು  ಹನ್ಸಿಕಾ ಚಿತ್ರದಲ್ಲಿ ಚೆನ್ನಾಗಿ ತೋರಿಸಿದ್ದಾರೆ ಎಂದು ಹೇಳಿದರು.  ಅತ್ಯಾಚಾರಕ್ಕೊಳಗಾದ ಇಂಥ ಸಂತ್ರಸ್ತೆಯರಿಗೆ  ನೆರವು ನೀಡಲೆಂದೇ  ಎನ್‌ಜಿಓ ನಡೆಸುತ್ತಿರುವುದಾಗಿ   ಸಮಾಜ ಸೇವಕಿ  ಪೂರ್ಣಿಮಾ ವರ್ಷಿತ ದಾಸ್ ಅವರು  ಹೇಳಿದರು.

Leave a Reply

Your email address will not be published. Required fields are marked *


CAPTCHA Image
Reload Image