Connect with us

ಪೆಟ್ಟಿ ಅಂಗಡಿ

ಉದಯ ಟಿವಿಯಲ್ಲಿಹೊಸ ಧಾರಾವಾಹಿ “ಜೈ ಹನುಮಾನ”

Published

on

ಅಕ್ಟೋಬರ್ ೮ರಿಂದ ರಾತ್ರಿ ೭.೩೦ಕ್ಕೆ
ಮನರಂಜನಾಕ್ಷೇತ್ರದ ಬದಲಾದ ಸನ್ನಿವೇಶದಲ್ಲಿಕಿರುತೆರೆಯೂ ಹಿರಿತೆರೆಯಷ್ಟು ಶ್ರೀಮಂತವಾಗಿದೆ. ವಿನೂತನಕಥೆ, ನಿರೂಪಣೆಗಳ ಜತೆಗೆಅದ್ಧೂರಿ ನಿರ್ಮಾಣಕ್ಕೂ ಹೆಚ್ಚಿನಒತ್ತು ನೀಡಲಾಗುತ್ತಿದೆ. ಈ ದಿಸೆಯಲ್ಲಿಕನ್ನಡ ಮನರಂಜನಾ ವಾಹಿನಿಗಳ ಹಿರಿಯಣ್ಣ ಉದಯ ಟಿವಿ ‘ಜೈ ಹನುಮಾನ್’ ಎಂಬ ಅದ್ಧೂರಿಧಾರಾವಾಹಿಯನ್ನುಕನ್ನಡದ ವೀಕ್ಷಕರಿಗೆ ನೀಡಲು ಸಿದ್ಧತೆ ನಡೆಸಿದೆ.


ಅಕ್ಟೋಬರ್೮ ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರತೀ ದಿನ ರಾತ್ರಿ ೭.೩೦ಕ್ಕೆ ಜೈ ಹನುಮಾನ್‌ಉದಯ ಟಿವಿಯಲ್ಲಿಪ್ರಸಾರವಾಗಲಿದೆ. ಈಗಾಗಲೇ ಪ್ರೋಮೋಗಳು ಪ್ರೇಕ್ಷಕರ ಮನಸೂರೆಗೊಂಡಿದ್ದು, ಸೋಶಿಯಲ್ ಮೀಡಿಯಾಗಳಲ್ಲೂ ಹವಾ ಸೃಷ್ಟಿಸಿದೆ. ಎಲ್ಲ ವಯೋಮಾನದ ವೀಕ್ಷಕರಿಗೂಇಷ್ಟವಾಗುವಂಥಕಥೆ, ನಿರೂಪಣೆ ಹಾಗೂ ಕಣ್ಮನ ಸೆಳೆಯುವ ನಿರ್ಮಾಣ ಈ ಧಾರಾವಾಹಿಯ ವಿಶೇಷವಾಗಿದೆ.
ಮುಂಬೈ ಮೂಲದ ಪ್ರಸಿದ್ಧ ನಿರ್ಮಾಣ ಸಂಸ್ಥೆ ಕಾಂಟಿಲೋ ಈ ಧಾರಾವಾಹಿಯನ್ನು ನಿರ್‍ಮಾಣ ಮಾಡುತ್ತಿದೆ. ಈಗಾಗಲೇ ಐವತ್ತಕ್ಕೂ ಹೆಚ್ಚಿನ ಸಂಚಿಕೆಗಳ ಚಿತ್ರೀಕರಣ ಪೂರೈಸಿದ್ದು, ಪ್ರತೀ ಪ್ರೇಂನಲ್ಲೂ ಸಿನಿಮಾದಗುಣಮಟ್ಟವನ್ನು ಕಾಯ್ದುಕೊಳ್ಳಲಾಗಿದೆ. ರೋಚಕ ಸನ್ನಿವೇಷಗಳನ್ನು ಹೆಣೆಯಲಾಗಿದ್ದು ಬಿಗಿಯಾದಚಿತ್ರಕಥೆ ಹಾಗೂ ಸತ್ವಯುತ ಸಂಭಾಷಣೆಳು ಈ ಧಾರಾವಾಹಿಯಇನ್ನಷ್ಟು ವಿಶೇಷಗಳಾಗಿವೆ ಎನ್ನುತ್ತಾರೆ ನಿರ್ಮಾಣ ಸಂಸ್ಥೆಯವರು.
ಹದಿನಾಲ್ಕು ಲೋಕಗಳನ್ನೂ ತನ್ನತೆಕ್ಕೆಗೆತೆಗೆದುಕೊಂಡು, ಅಜರಾಮರನಾಗುವ ವರ ಪಡೆದುಕೊಂಡಿದ್ದರಾವಣತನ್ನಅಧಿಕಾರ ಲಾಲಸೆಯಿಂದಇತರ ಜೀವಿಗಳ ಮೇಲೆ ಕ್ರೌರ್ಯಎಸಗುತ್ತಿದ್ದ. ಅವನನ್ನು ಸದೆಬಡಿಯಲು ಹನುಮಂತಜನ್ಮ ತಳೆಯುತ್ತಾನೆ. ಅವನ ಹುಟ್ಟಿನ ಹಿನ್ನೆಲೆ. ಮುಂದೆ ಸಾಗುವ ದಾರಿ, ಆತ ಹೇಗೆ ರಾಮನನ್ನು ಸಂಧಿಸುತ್ತಾನೆ? ರಾವಣನ ಸಂಹಾರಕ್ಕೆ ಹೇಗೆ ಸಾಥ್ ನೀಡುತ್ತಾನೆಇತ್ಯಾದಿ ಕುತೂಹಲಗಳಿಗೆ ಉತ್ತರ ನೀಡುತ್ತದೆಜೈ ಹನುಮಾನ್.


ಅದ್ಧೂರಿ ಸೆಟ್‌ಜತೆಗೆ ಪೂರಕವಾದ ಗ್ರಾಫಿಕ್ಸ್‌ಗಳು ಗತವೈಭವವನ್ನು ಮತ್ತೆತೆರೆಯ ಮೇಲೆ ತಂದರೆ, ಕಲಾವಿದರ ಪ್ರೌಢ ನಟನೆಇಡೀಧಾರಾವಾಹಿಯನ್ನು ಮತ್ತೊಂದುಎತ್ತರಕ್ಕೇಕೊಂಡೊಯುತ್ತದೆ. ಅದರಲ್ಲೂಇಲ್ಲಿನ ವೇಷ ಭೂಷಣಗಳು, ಚಿತ್ರ ವಿಚಿತ್ರ ಹೆಸರುಗಳು ಎಲ್ಲ ವರ್ಗಗಳ ವೀಕ್ಷಕರನ್ನೂ, ಮಕ್ಕಳನ್ನೂ ಹಿಡಿದಿಟ್ಟುಕೊಳ್ಳುತ್ತವೆ ಎನ್ನುತ್ತಾರೆ ನಿರ್ದೇಶಕ ವಾಸು.
ಈ ಧಾರಾವಾಹಿಯನ್ನು ನಿರ್ದೇಶಿಸುತ್ತಿರುವವರು ಖ್ಯಾತ ನಿರ್ದೇಶಕ ಬುಕ್ಕಾಪಟ್ಟಣ ವಾಸು. ಕಿರುತೆರೆಯ ನುರಿತ ನರ್ದೇಶಕ, ಬರಹಗಾರ ಬ. ಲ. ಸುರೇಶ್ ‘ಜೈ ಹನುಮಾನ್’ ಗೆ ಸಂಭಾಷಣೆ ಬರೆಯುತ್ತಿದ್ದಾರೆ. ಚಿತ್ರಕಥೆ ನೀರಜ್ ಮತ್ತುತಂಡ ಮಾಡುತ್ತಿದ್ದರೆ, ನಿಷಿನ್ ಚಂದ್ರಡಿಓಪಿ ಆಗಿದ್ದಾರೆ. ಸಂತೋಷ್ ಸಂಕಲನದಜವಾಬ್ಧಾರಿ ಹೊತ್ತಿದ್ದಾರೆ. ಕಾಂಟಿಲೋ ಪ್ರೊಡಕ್ಷನ್ಸ್‌ನ ಮುಖ್ಯಸ್ಥಅಭಿಮನ್ಯು ಸಿಂಗ್ ಜತೆ ಯಶಸ್ವಿ ಹಿಂದಿ ಧಾರಾವಾಹಿಗಳಲ್ಲಿ ಕೆಲಸ ಮಾಡಿರುವ ಹಿಮಾನಿ, ಗೌತಮ್, ಮನಿಷ್ ಪೋಪಟ್ ಮುಂತಾದವರತಂಡಇದೆ.
ತಾರಾಗಣದಲ್ಲಿ ಬಾಲಕ ಹನುಮಾನ್ ಪಾತ್ರವನ್ನು ಪ್ರದ್ಯುಮ್ನ ನಿರ್ವಹಿಸುತ್ತಿದ್ದಾನೆ. ಅಂಜನಾ ಪಾತ್ರವನ್ನು ಪ್ರಿಯಾಂಕಾ ಚಿಂಚೋಳಿ, ಕೇಸರಿಯಾಗಿ ಪ್ರಸನ್ನ, ಶಿವನಾಗಿ ಮಧು, ರಾವಣನಾಗಿ ವಿನಯ್‌ಗೌಡ, ಕೈಕಸಿಯಾಗಿ ರಂಜಿತಾ ಸೂರ್ಯವಂಶಿ, ಪಾರ್ವತಿಯಾಗಿ ನಾಗಶ್ರಿ ವೀಕ್ಷಕರನ್ನುರಂಜಿಸಲಿದ್ದಾರೆ.
ದುಷ್ಟರ ಸಂಹಾರಕ್ಕಾಗಿಅವತರಿಸಿದ ಜೈ ಹನುಮಾನ ಇದೇಅಕ್ಟೋಬರ್ ೮ರಿಂದ ಸೋಮವಾರದಿಂದ ಶುಕ್ರವಾರರಾತ್ರಿ೭.೩೦ ಕ್ಕೆ ಉದಯ ಟಿವಿಯಲ್ಲಿ ಪ್ರಸಾರವಾಗಲಿದೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಪೆಟ್ಟಿ ಅಂಗಡಿ

ಇದು ನ್ಯಾಷನಲ್ ಕ್ವಾಲಿಟಿಯ ಕನ್ನಡ ಧಾರಾವಾಹಿ!

Published

on

ಸೀರಿಯಲ್, ರಿಯಾಲಿಟಿ ಶೋಗಳು ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನ ಮತ್ತು ಸ್ವಂತಿಕೆ ಕಾಯ್ದುಕೊಂಡು ಬಂದಿರೋ ವಾಹಿನಿ ಝೀ ಕನ್ನಡ. ರಾಘವೇಂದ್ರ ಹುಣಸೂರು ಎಂಬ ಕನಸುಗಾರ ಬ್ಯುಸಿನೆಸ್ ಹೆಡ್ ಆಗಿ ಬಂದ ಮೇಲಂತೂ ಈ ವಾಹಿನಿಯ ಕಾರ್ಯಕ್ರಮಗಳಿಗೆ ಬೇರೆಯದ್ದೇ ರಂಗು ಬಂದಿದೆ. ರಾಘವೇಂದ್ರ ಹುಣಸೂರರ ಕನಸು ಮತ್ತು ಒಂದಿಡೀ ತಂಡದ ಅಖಂಡ ಒಂದು ವರ್ಷಗಳ ತಪಸ್ಸಿನ ಫಲವೆಂಬಂತೆ ಈಗ ಈ ವಾಹಿನಿಯಲ್ಲಿ ವಿಷ್ಣುವಿನ ಪ್ರೇಮಕಾವ್ಯದಂಥಾ ‘ವಿಷ್ಣು ದಶಾವತಾರ’ ಧಾರಾವಾಹಿ ಶುರುವಾಗಿದೆ.

ಈ ಧಾರಾವಾಹಿಯ ಪತ್ರಿಕಾಗೋಷ್ಟಿ ನಡೆದ ರೀತಿಯೇ ಅದು ಹೇಗೆ ಭಿನ್ನವಾಗಿ ಮೂಡಿ ಬಂದಿದೆ ಎಂಬುದರ ಸುಳಿವು ನೀಡುತ್ತಿತ್ತು. ಅದೇ ರೀತಿ ಈಗಷ್ಟೇ ಶುರುವಾಗಿರುವ ಶ್ರೀ ವಿಷ್ಣು ದಶಾವತಾರವೂ ಪ್ರೇಕ್ಷಕರನ್ನು ಮೊದಲ ದಿನದಿಂದಲೇ ಹಿಡಿದಿಟ್ಟುಕೊಂಡಿದೆ. ಈ ಪತ್ರಿಕಾ ಗೋಷ್ಠಿಯಲ್ಲಿ ರಾಘವೇಂದ್ರ ಹುಣಸೂರು ಹೇಳಿರೋ ಪ್ರತಿಯೊಂದು ಮಾತುಗಳಿಗೂ ಪೂರಕವಾದ ರೀತಿಯಲ್ಲಿಯೇ ಈ ಧಾರಾವಾಹಿ ಕಿರುತೆರೆಯಲ್ಲೊಂದು ಸಂಚಲನವನ್ನೂ ಸೃಷ್ಟಿಸಿದೆ.

ಕನ್ನಡದಲ್ಲಿ ಪೌರಾಣಿಕ ಕಥಾ ಹಂದರ ಹೊಂದಿರೋ ಸೀರಿಯಲ್ಲುಗಳು ಈ ಹಿಂದೆಯೂ ಬಂದಿವೆ. ಇತ್ತೀಚೆಗೆ ಅದ್ದೂರಿತನದ ಸ್ಪರ್ಶದೊಂದಿಗೆ ಅಂಥಾದ್ದೊಂದು ಟ್ರೆಂಡ್ ಹುಟ್ಟಿಕೊಂಡಿದೆ. ಬಹುತೇಕ ಎಲ್ಲ ವಾಹಿನಿಗಳಲ್ಲಿಯೂ ಈ ಕೆಟಗರಿಯ ಧಾರಾವಾಹಿಗಳದ್ದೇ ಮೇಲುಗೈ. ಆದರೆ ಅದರಲ್ಲಿ ಬಹುತೇಕವುಗಳು ಹಿಂದಿ ಸೇರಿದಂತೆ ಬೇರೆ ಭಾಷೆಗಳಿಂದ ಡಬ್ ಆದವುಗಳು. ಅದೇ ತಂತ್ರಜ್ಞರು, ತಂತ್ರಜ್ಞಾನವನ್ನಿಟ್ಟುಕೊಂಡು ಕಲಾವಿದರನ್ನಷ್ಟೇ ಬದಲಾಯಿಸಿ ಇಂಥಾ ಅನೇಕ ಧಾರಾವಾಹಿಗಳು ಮೂಡಿ ಬರುತ್ತಿವೆ. ಆದರೆ ತಮ್ಮ ಕನಸಿನ ವಿಷ್ಣು ದಶಾವತಾರ ಧಾರಾವಾಹಿ ನೂರಕ್ಕೆ ನೂರರಷ್ಟು ಸ್ವಮೇಕ್ ಆಗಿರಬೇಕು, ಭಿನ್ನವಾಗಿರಬೇಕು ಎಂಬ ಹಂಬಲದೊಂದಿಗೇ ಈ ಪ್ರಾಜೆಕ್ಟನ್ನು ರಾಘವೇಂದ್ರ ಹುಣಸೂರು ಸಾರಥ್ಯದಲ್ಲಿ ಆರಂಭಿಸಲಾಗಿತ್ತು. ಬಹುಶಃ ಅಂಥಾದ್ದೊಂದು ಗುರಿ ಇಲ್ಲದೇ ಹೋಗಿದ್ದರೆ ಈ ಧಾರಾವಾಹಿಗಾಗಿ ಇಡೀ ತಂಡ ಒಂದು ವರ್ಷಕ್ಕೂ ಹೆಚ್ಚು ಕಾಲ ಶ್ರಮ ಪಡುವ ಸನ್ನಿವೇಶವೇ ಬರುತ್ತಿರಲಿಲ್ಲವೇನೋ…

ರಾಘವೇಂದ್ರ ಹುಣಸೂರರ ಮಾತಿನ ಪ್ರಕಾರವಾಗಿಯೇ ಹೇಳೋದಾದರೆ, ಈ ಧಾರಾವಾಹಿಯನ್ನು ಯಾರೂ ಸಲೀಸಾಗಿ ತೆಗೆದುಕೊಳ್ಳಲು ಹಿಂಜರಿಯೋವಂಥಾ ಸವಾಲು ಸ್ವೀಕರಿಸಿಯೇ ರೂಪಿಸಲಾಗಿದೆ. ಸಾಮಾನ್ಯವಾಗಿ ದೇವರ ಕಥನಗಳನ್ನು ಬರೀ ಭಕ್ತಿಯ ಚಹರೆಯನ್ನೇ ಮುಖ್ಯವಾಗಿಸಿ ಕಟ್ಟಿಕೊಡಲಾಗುತ್ತದೆ. ಆದರೆ ವಿಷ್ಣು ದಶಾವತಾರವನ್ನು ಅಪ್ಪಟ ಪ್ರೇಮಕಾವ್ಯದಂತೆ ಕಟ್ಟಿ ಕೊಡಲಾಗಿದೆ. ಹಾಗಂತ ಪ್ರೇಮಕಾವ್ಯ ಸೃಷ್ಟಿಸಲೋಸ್ಕರ ವಿಷ್ಣುವಿನ ಕಥೆಗೆ ಮಸಾಲೆ ಬೆರೆಸಿದ್ದಾರೆಂದು ತಪ್ಪು ತಿಳಿಯುವ ಅಗತ್ಯವಿಲ್ಲ. ವಿಷ್ಣುವಿನ ಪೌರಾಣಿಕ ಕಥನಗಳನ್ನು ಒಂದು ಸುಸಜ್ಜಿತವಾದ ತಂಡ ವರ್ಷಾಂತರಗಳ ಕಾಲ ರಿಸರ್ಚ್ ನಡೆಸಿದೆ. ಅದರ ಫಲವಾಗಿಯೇ ಬರೀ ದೇವರಾಗಿಯೇ ಬಿಂಬಿತನಾಗಿರೋ ವಿಷ್ಣುವಿನ ಗಾಢ ಪ್ರೇಮದ ಕಥನವೊಂದನ್ನು ಹೆಕ್ಕಿ ತೆಗೆಯಲಾಗಿದೆ!

ಸಾಮಾನ್ಯವಾಗಿ ಭಕ್ತಿ ಭಾವ ಹೊಂದಿರುವವರಿಗೂ ಕೂಡಾ ವಿಷ್ಣುವಿನ ಬಿಡಿ ಬಿಡಿ ಕಥೆಗಳು ಗೊತ್ತಿರುತ್ತವೆ. ಅಣ್ಣಾವ್ರ ಭಕ್ತ ಪ್ರಹ್ಲಾದ ನೋಡಿ, ವಿದ್ವಾಂಸರ ಪ್ರವಚನಗಳನ್ನು ಕೇಳಿ ಒಂದಷ್ಟು ಕಥನಗಳು ಪರಿಚಯವಾಗಿರುತ್ತವೆ. ಆದರೆ ದಶಾವತಾರ ಧಾರವಾಹಿಗಾಗಿ ಕೆಲಸ ನಿರ್ವಹಿಸುತ್ತಿರುವ ತಂಡ ಯಾರಿಗೂ ಹೆಚ್ಚಾಗಿ ಗೊತ್ತಿರದ ವಿಷ್ಣುವಿನ ಕಥನಗಳನ್ನು ಹೆಕ್ಕಿ ತೆಗೆದಿದ್ದಾರೆ. ಆಗ ರಾಘವೇಂದ್ರ ಹುಣಸೂರರ ಇಂಗಿತಕ್ಕೆ ಪೂರಕವಾದಂಥಾ ವಿಷ್ಣು ಪರಮಾತ್ಮನ ಪ್ರೇಮದ ಮುಖ ತೆರೆದುಕೊಂಡಿದೆ. ಇಲ್ಲಿ ನಾರಾಯಣ ಮತ್ತು ಶ್ರೀ ಲಕ್ಷ್ಮಿಯ ಪ್ರೇಮವೇ ಪ್ರಧಾನ. ಇದರಲ್ಲಿ ರಾಮಾಯಣ ಮಹಾಭಾರತಗಳ ಸಮಾಗಮವೂ ನಡೆಯುತ್ತದೆ. ಆರಂಭದಲ್ಲಿ ಮೊದಲ ನೋಟದಲ್ಲಿಯೇ ವಿಷ್ಣುವಿಗೆ ಲಕ್ಷ್ಮಿ ದೇವಿಯ ಮೇಲೆ ಹುಟ್ಟಿಕೊಳ್ಳುತ್ತೆ. ಆದರೆ ಲಕ್ಷ್ಮೀ ದೇವಿ ಅದನ್ನು ನಿರಾಕರಿಸುತ್ತಾಳೆ. ಆ ಕ್ಷಣದಲ್ಲಿ ಮಹಾ ವಿಷ್ಣು ಕೂಡಾ ನರಮನುಷ್ಯನಂತೆಯೇ ಒದ್ದಾಡುತ್ತಾನೆ. ವಿರಹಿಯಾಗುತ್ತಾನೆ. ಅಸೂಯೆಯಿಂದ ತಲ್ಲಣಿಸುತ್ತಾನೆ. ದೇವರಲ್ಲಿಯೂ ಮನುಷ್ಯಸಹಜ ಭಾವನೆಗಳಿರೋದಕ್ಕೆ ಪ್ರತೀಕವಾಗಿ ಕಂಪಿಸುತ್ತಾನೆ. ಇದರಿಂದಾಗಿಯೇ ವಿಷ್ಣುವಿನದ್ದು ಅಸಲೀ ಪ್ರೇಮ ಕಾವ್ಯ.

ಇದೇ ವಿಷ್ಣು ಮತ್ತು ಲಕ್ಷ್ಮೀ ದೇವಿ ರಾಮ ಸೀತೆಯರಾಗಿ ಅವತರಿಸುತ್ತಾರೆ. ಕೃಷ್ಣ ರುಕ್ಮಿಣಿಯರಾಗಿ ಕಂಗೊಳಿಸುತ್ತಾರೆ. ಯುಗಗಳಾಚೆಗೂ ಪ್ರೇಮಿಗಳಾಗಿಯೇ ಉಳಿದ ವಿಷ್ಣು ಮತ್ತು ಲಕ್ಷ್ಮೀ ದೇವಿಯ ಪ್ರೀತಿಗೇ ಭೂ ಮಂಡಲದ ಉಗಮಕ್ಕೂ ನಾಂದಿ ಹಾಡುತ್ತದೆ. ಹಲವಾರು ಪಲ್ಲಟಗಳಿಗೆ ಮೂಲವಾಗುತ್ತದೆ. ಅಂಥಾ ಅಚ್ಚರಿಗಳು ಪ್ರತೀ ಎಪಿಸೋಡುಗಳಲ್ಲಿಯೂ ಪ್ರೇಕ್ಷಕರನ್ನು ಚಕಿತಗೊಳಿಸಲಿವೆ.

ರಾಘವೇಂದ್ರ ಹುಣಸೂರರ ವಿಷ್ಣು ದಶಾವತಾರ ಧಾರಾವಾಹಿಗೆ ಸಾಥ್ ನೀಡಿರುವವರು ಧೀರಜ್ ಜೀ. ಹಿಂದಿ ಧಾರಾವಾಹಿಗಳ ಜನಪ್ರಿಯ ನಟರೂ ಆಗಿರುವ ಧೀರಜ್, ಕ್ರಿಯೇಟಿವ್ ಐ ಸಂಸ್ಥೆಯ ಸಂಸ್ಥಾಪಕರೂ ಹೌದು. ಆ ಸಂಸ್ಥೆಯ ಮೂಲಕವೇ ವಿಷ್ಣು ದಶಾವತಾರ ಧಾರಾವಾಹಿಯ ಗ್ರಾಫಿಕ್ಸ್‌ಗಳು ರೂಪುಗೊಂಡಿವೆ. ಈ ಧಾರಾವಾಹಿ ಆರಂಭವಾದಂದಿನಿಂದ ಸಾಕಷ್ಟು ಅಡೆತಡೆಗಳು ಎದುರಾಗಿದ್ದವು. ಆದರೆ ಭಗವಂತ ತನಗೆ ಬೇಕಾದುದನ್ನು ತೆಗೆದುಕೊಂಡ. ನಾವೂ ಕೂಡಾ ಇದನ್ನೊಂದು ದೇವರ ಸೇವೆ ಎಂದೇ ಕಾರ್ಯನಿರ್ವಹಿಸಿದೆವು ಎಂಬ ಅರ್ಪಣಾ ಭಾವ ಮತ್ತು ತೃಪ್ತಿ ರಾಘವೇಂದ್ರ ಹುಣಸೂರರದ್ದು.

ಮುನ್ನೂರ ಐವತ್ತ ಕಂತುಗಳಲ್ಲಿ ವಿಷ್ಣು ದಶಾವತಾರವನ್ನು ಪ್ರೇಮಪೂರ್ಣವಾಗಿ ತೋರಿಸೋ ಉದ್ದೇಶ ಈ ಧಾರಾವಾಹಿಯದ್ದು. ಇದರ ಹಿಂದೆ ನೂರಾರು ಜನರದ್ದೊಂದು ತಂಡದ ಶ್ರಮವಿದೆ. ಅಮಿತ್ ಕಷ್ಯಪ್ ವಿಷ್ಣುವಾಗಿ ನಟಿಸಿದ್ದರೆ, ನಿಶಾ ಲಕ್ಷ್ಮಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಧಾರಾವಾಹಿ ಝೀ ಕನ್ನಡದ ಹೊಸತನಕ್ಕೆ ಮತ್ತೊಂದು ಗರಿಯಾಗಿ, ಪೌರಾಣಿಕ ಧಾರಾವಾಹಿಗಳಲ್ಲಿಯೇ ಅತ್ಯಂತ ವಿಶಿಷ್ಟವಾಗಿ ಮೂಡಿ ಬರಲಿರೋ ಸೂಚನೆ ಮೊದಲ ಕಂತಿನಲ್ಲಿಯೇ ಸಿಕ್ಕಿದೆ.

Continue Reading

ಪೆಟ್ಟಿ ಅಂಗಡಿ

ಟಕ್ಕರ್ ಹುಡುಗಿ ರಂಜನಿ ಮುಂದಿನ ಟಾರ್ಗೆಟ್ ಚಿತ್ರರಂಗ!

Published

on

ಕನ್ನಡ ಧಾರಾವಾಹಿ ಜಗತ್ತಿನಲ್ಲಿ ವರ್ಷಾಂತರಗಳ ಕಾಲ ಪ್ರೇಕ್ಷಕರನ್ನು ಹಿಡಿದಿಟ್ಟಿದ್ದ ಧಾರಾವಾಹಿಗಳದ್ದೊಂದು ಪರ್ವವಿದೆ. ಅದರಲ್ಲಿ ದಾಖಲಾಗೋ ಎಲ್ಲ ದಾಖಲೆಗಳನ್ನೂ ಮಾಡಿರುವ ಇತ್ತೀಚಿನ ಧಾರಾವಾಹಿ ಪುಟ್ ಗೌರಿ ಮದುವೆ. ವಿನಾ ಕಾರಣ ಎಳೆದಾಡುತ್ತಿದ್ದಾರೆಂಬ ಅಸಹನೆ, ಮತ್ತೇನೋ ಕ್ರಿಯೇಟ್ ಮಾಡಿ ಕುತೂಹಲ ಕಾಯ್ದಿಟ್ಟುಕೊಂಡ ಜಾಣ್ಮೆ… ಇಂಥಾದ್ದರ ನಡುವೆ ಈ ಧಾರಾವಾಹಿ ಪೂರೈಸಿದ್ದ ಬರೋಬ್ಬರಿ ಐದು ವರ್ಷಗಳನ್ನು. ಪ್ರತೀ ದಿನ ರಾತ್ರಿ ಏಳು ಘಂಟೆಯಾಗುತ್ತಲೇ ಪುಟ್ ಗೌರಿಯನ್ನು ಕಣ್ತುಂಬಿಕೊಳ್ಳಲು ಟಿವಿ ಮುಂದೆ ಪ್ರತಿಷ್ಠಾಪಿತರಾಗುತ್ತಿದ್ದ ಲಕ್ಷಾಂತರ ಜನರಿಗೆ ಆ ಭಾಗ್ಯ ಸಿಗೋದು ಇನ್ನೆರಡು ವಾರ ಮಾತ್ರ!

ರಂಜಿನಿ ರಾಘವನ್ ಪುಟ್ ಗೌರಿಯೆಂದೇ ಫೇಮಸ್ಸಾಗಿದ್ದ ಈ ಧಾರಾವಾಹಿಯನ್ನು ಇನ್ನೊಂದಷ್ಟು ದಿನಗಳಲ್ಲಿ ಸಮಾಪ್ತಿಗೊಳಿಸಲು ತಂಡದ ಮಂದಿ ನಿರ್ಧರಿಸಿದ್ದಾರಂತೆ. ಅದೇನೇ ತಕರಾರುಗಳಿದ್ದರೂ ಜನರನ್ನು ವ್ಯಾಪಕವಾಗಿ ನೋಡಿಸಿಕೊಂಡಿದ್ದ ಈ ಧಾರಾವಾಹಿಯಲ್ಲಿ ಪುಟ್ ಗೌರಿ ಪಾತ್ರ ಮಾತ್ರ ಭಾರೀ ಜನಪ್ರಿಯತೆ ಗಳಿಸಿಕೊಂಡಿತ್ತು. ಈ ಮೂಲಕ ರಂಜಿನಿ ರಾಘವನ್ ಕರ್ನಾಟಕದ ತುಂಬಾ ಮನೆ ಮಗಳಂತಾಗಿ ಹೋಗಿದ್ದರು. ಅಖಂಡ ಐದು ವರ್ಷಗಳ ಕಾಲ ಈ ಪಾತ್ರವನ್ನೇ ಧ್ಯಾನಿಸುತ್ತಾ ಬದುಕಿದ ಅವರಿಗೂ ಕೂಡ ಈ ಪಾತ್ರದಿಂದ ಬಿಡುಗಡೆ ಸಿಗುವ ಕ್ಷಣಗಳು ಹತ್ತಿರಾಗಿವೆ.

ಹಾಗಂತ ಏಕಾಏಕಿ ಪುಟ್ ಗೌರಿ ಮದುವೆ ಧಾರಾವಾಹಿಯನ್ನು ನಿಲ್ಲಿಸೋ ನಿರ್ಧಾರಕ್ಕೆ ಬಂದಿದ್ದರ ಹಿಂದೆ ಟಿಆರ್‌ಪಿ ಮ್ಯಾಟರ್ ಇದೆ ಅಂದುಕೊಳ್ಳಬೇಕಿಲ್ಲ. ಈ ಕ್ಷಣಕ್ಕೂ ಪುಟ್‌ಗೌರಿಯನ್ನು ಟಿಆರ್‌ಪಿ ವಿಚಾರದಲ್ಲಿ ಹಿಂದಿಕ್ಕುವವರಿಲ್ಲ ಎಂಬಂಥಾ ವಾತಾವರಣವೇ ಇದೆ. ಈ ವಿಚಾರದಲ್ಲಿ ಪುಟ್ ಗೌರಿಯೇ ನಂಬರ್ ಒನ್. ಆದರೂ ಕೂಡಾ ಕೆಲವಾರು ಸಿಲ್ಲಿ ಸಂಗತಿಗಳ ವಿಚಾರದಲ್ಲಿ ಈ ಧಾರಾವಾಹಿ ಟ್ರೋಲ್‌ಗೂ ತುತ್ತಾಗಿತ್ತು. ಅದರಲ್ಲಿನ ಸೀನುಗಳು ಸಾಮಾಜಿಕ ಜಾಲತಾಣಗಳಲ್ಲಿ ತಮಾಷೆಯ ವಸ್ತುವೂ ಆಗಿತ್ತು. ಆದರೆ ಪ್ರೇಕ್ಷಕರ ವಿಚಾರಕ್ಕೆ ಬಂದರೆ ಒಂಚೂರು ಡಲ್ಲು ಹೊಡೆಯಿತೆಂಬ ಭಾವನೆ ಕಾಡುವ ಹೊತ್ತಿಗೆಲ್ಲ ಮತ್ತೋನೋ ತಿರುವು ನೀಡಿ, ಕ್ಯೂರಿಯಾಸಿಟಿ ಕಾಯ್ದುಕೊಂಡಿದ್ದ ಚಿತ್ರತಂಡ ಅದನ್ನು ಐದು ವರ್ಷಗಳ ಕಾಲ ಕಾಪಾಡಿಕೊಂಡು ಬಂದಿತ್ತು.

ಆದರೆ ಪ್ರೇಕ್ಷಕರಿಗೇ ವಿನಾ ಕಾರಣ ಎಳೆಯಲಾಗುತ್ತಿದೆ ಎಂಬ ಅಸಹನೆ ಕಾಡುವ ಮುನ್ನವೇ, ಯಶಸ್ಸಿನ ಉತ್ತುಂಗದಲ್ಲಿರುವಾಗಲೇ ಈ ಧಾರಾವಾಹಿಯನ್ನು ನಿಲ್ಲಿಸಿ ಹೆಸರುಳಿಸಿಕೊಳ್ಳಬೇಕೆಂಬ ನಿರ್ಧಾರಕ್ಕೆ ಈ ಸೀರಿಯಲ್ ತಂಡ ಬಂದಿದೆ. ಬೇರೆಲ್ಲ ಸೆಂಟಿಮೆಂಟುಗಳೇನೇ ಇದ್ದರೂ ಪುಟ್ ಗೌರಿ ರಂಜಿನಿ ರಾಘವನ್ ಅವರಿಗೂ ಸದ್ಯಕ್ಕೆ ಇಂಥಾದ್ದೊಂದು ಬದಲಾವಣೆ ಬೇಕಿರೋದು ಸುಳ್ಳೇನಲ್ಲ!

ಪುಟ್ ಗೌರಿಯಾಗಿ ಮಿಂಚುತ್ತಲೇ ರಾಜಹಂಸ ಚಿತ್ರದ ನಾಯಕಿಯಾಗಿ ಚಿತ್ರ ರಂಗಕ್ಕೆ ಪ್ರವೇಶ ಪಡೆದಿದ್ದವರು ರಂಜನಿ. ಇದೀಗ ಅವರು ದರ್ಶನ್ ಅವರ ಅಳಿಯ ಮನೋಜ್ ನಾಯಕರಾಗಿ ನಟಿಸುತ್ತಿರೋ ಟಕ್ಕರ್ ಚಿತ್ರದ ನಾಯಕಿಯಾಗಿದ್ದಾರೆ. ಈ ಮೂಲಕವೇ ಚಿತ್ರರಂಗದಲ್ಲಿಯೂ ರಂಜಿನಿಗೆ ಅವಕಾಶಗಳ ಹೆಬ್ಬಾಗಿಲು ತೆರೆದುಕೊಂಡಿದೆ. ಆದರೆ ಅದೆಲ್ಲವನ್ನೂ ಈ ಸೀರಿಯಲ್ಲಿನ ಜೊತೆಗೇ ಮ್ಯಾನೇಜು ಮಾಡೋದು ಕಷ್ಟದ ವಿಚಾರ. ಹೀಗಿರೋದರಿಂದ ರಂಜನಿ ಕೂಡಾ ಧಾರಾವಾಹಿ ತಂಡದ ಈ ನಿರ್ಧಾರಕ್ಕೆ ಸಹಮತ ಹೊಂದಿದ್ದಾರೆಂದೂ ಹೇಳಲಾಗುತ್ತಿದೆ.

ಓರ್ವ ಸಾಮಾನ್ಯ ಹುಡುಗಿಯಾಗಿದ್ದ ರಂಜನಿ ರಾಘವನ್ ಅವರಿಗೆ ನಟಿಯಾಗಿ ಸ್ಟಾರ್‌ಡಮ್ ತಂಡುಕೊಂಟ್ಟಿದ್ದ ಪುಟ್ ಗೌರಿ ಪಾತ್ರ. ಬಹುಶಃ ಜನ ಮುಂದೆಯೂ ಅವರನ್ನು ಆ ಪಾತ್ರದ ಮೂಲಕವೇ ನೆನಪಿಟ್ಟುಕೊಳ್ಳುತ್ತಾರೆ. ಆದರೆ ರಂಜನಿ ಮುಂದಿನ ದಿನಗಳಲ್ಲಿ ಚಿತ್ರರಂಗದಲ್ಲಿಯೇ ಸಕ್ರಿಯರಾಗಿ ತೊಡಗಿಸಿಕೊಳ್ಳೋ ಸೂಚನೆಗಳಿವೆ.

Continue Reading

ಪೆಟ್ಟಿ ಅಂಗಡಿ

ಜೀ ವಾಹಿನಿಯಲ್ಲಿ ಯಾರಿಗುಂಟು ಯಾರಿಗಿಲ್ಲ

Published

on

ಕನ್ನಡ ದೃಶ್ಯಮಾಧ್ಯಮದಲ್ಲಿ ತನ್ನದೇ ಆದಂಥ ಸ್ಥಾನವನ್ನು ಪಡೆದುಕೊಂಡಿರುವ ಜೀ ಕನ್ನಡ ವಾಹಿನಿ ಇಲ್ಲಿಯವರೆಗೂ ಪ್ರೇಕ್ಷಕರಿಗೆ ಇಷ್ಟವಾದ ಕಾರ್ಯಕ್ರಮಗಳನ್ನೇ ಕೊಡಲು ಹಗಲಿರುಳು ಶ್ರಮಿಸುತ್ತಲಿದೆ. ಮನೋರಂಜನೆಗೆ ಮತ್ತೊಂದು ಹೆಸರಾಗಿ ಈ ವಾಹಿನಿ ಮೂಡಿಬರುತ್ತಲಿದೆ. ತನ್ನ ವಿಭಿನ್ನ ಪ್ರಯತ್ನಗಳ ಮೂಲಕ ಹೊಸ ಹೊಸ ಮೈಲಿಗಲ್ಲುಗಳನ್ನು ಸೃಷ್ಟಿಸುತ್ತಾ, ಸಾಮಾಜಿಕ ಬದ್ದತೆಯನ್ನು ಏಕಕಾಲಕ್ಕೆ ಉಳಿಸಿಕೊಳ್ಳುವತ್ತ ಇದು ಹೆಜ್ಜೆ ಹಾಕುತ್ತಿದೆ.
ಈಗಾಗಲೇ ಜನಪ್ರಿಯ ರಿಯಾಲಿಟಿ ಶೋಗಳು ಹಾಗೂ ಧಾರಾವಾಹಿಗಳ ಮೂಲಕ ಕರ್ನಾಟಕದಲ್ಲಿ ಮನೆಮಾತಾಗಿರುವ ಜೀ ಕನ್ನಡ ಈಗ ತನ್ನ ಜನಪ್ರಿಯ ಶೋಗಳಲ್ಲಿ ಒಂದಾದ ಯಾರಿಗುಂಟು ಯಾರಿಗಿಲ್ಲ ಕಾರ್ಯಕ್ರಮವನ್ನು ಹೊಸ ರೂಪದೊಂದಿಗೆ ವೀPಕರ ಮುಂದೆ ಮತ್ತೆ ತರಲು ಸಿದ್ದವಾಗಿದೆ. ಕಳೆದ ೨೦೦೭ರಲ್ಲಿ ತನ್ನ ಮೊದಲ ಸರಣಿಯನ್ನು ಶುರುಮಾಡಿದ್ದ ಯಾರಿಗುಂಟು ಯಾರಿಗಿಲ್ಲ ಕಾರ್ಯಕ್ರಮ ದಶಕದಾಚೆಗೂ ಕನ್ನಡಿಗರ ಮನೆ ಮನದಲ್ಲಿ ವಿಶೇಷ ಮನೋರಂಜನೆಯ ಕುರುಹಾಗಿ ನೆಲೆನಿಂತಿದೆ. ಅಂಥಾ ವಿನೂತನ ಕಾರ್ಯಕ್ರಮ ಇದೀಗ ಮತ್ತೊಮ್ಮೆ ಮೂಡಿಬರಲು ಸಿದ್ದವಾಗಿರುವುದು, ವೀಕ್ಷಕರಲ್ಲಿ ಅನೇಕಾನೇಕ ಕುತೂಹಲಗಳನ್ನು ಕೂಡ ಹುಟ್ಟಿಸಿದೆ.


ಈಗ ಇನ್ನೊಂದಷ್ಟು ಹೊಸ ಯೋಜನೆ, ಯೋಚನೆಗಳೊಂದಿಗೆ ಮೂಡಿಬರಲು ಸಿದ್ದವಾಗುತ್ತಿರುವ ಈ ಕಾರ್ಯಕ್ರಮ ಹೆಸರಾಂತ ತಾರೆಯರೊಂದಿಗೆ ತನ್ನ ಸರಣಿಯನ್ನು ಆರಂಭಿಸುತ್ತಿದೆ. ತನ್ನ ಪ್ರೇಕ್ಷಕರಿಗೆ ಹೊಸ ರೂಪದೊಂದಿಗೆ ಮನೋರಂಜನೆಯ ರಸದೌತಣವನ್ನು ನೀಡಲು ಇದೇ ಆಗಸ್ಟ್ ೪ರಿಂದ ಯಾರಿಗುಂಟು ಯಾರಿಗಿಲ್ಲ ತನ್ನ ಪ್ರಸಾರವನ್ನು ಆರಂಭಿಸುತ್ತಿದೆ. ಜೀ ಕನ್ನಡ ಪರಿವಾರದ ನಾಗಿಣಿ, ಕಮಲಿ, ಬ್ರಹ್ಮಗಂಟು, ಯಾರೇ ನೀ ಮೋಹಿನಿ, ಗಂಗಾ, ಜೋಡಿ ಹಕ್ಕಿ, ಮಹಾದೇವಿ, ಕಾಮಿಡಿ ಕಿಲಾಡಿಗಳು, ಸರಿಗಮಪ ಶೋಗಳ ಕಲಾವಿದರು ಪ್ರತ್ಯೇಕ ತಂಡಗಳಾಗಿ ಪಾಲ್ಗೊಂಡು ಪ್ರೇಕ್ಷಕರನ್ನು ರಂಜಿಸಲಿzರೆ.
ಯಾರಿಗುಂಟು ಯಾರಿಗಿಲ್ಲ ಕಾರ್ಯಕ್ರಮದ ಪ್ರತಿ ಸಂಚಿಕೆಯಲ್ಲಿ ಒಟ್ಟು ೬ ಜನ ತಾರೆಯರಿರುತ್ತಾರೆ, ೪ ಸುತ್ತುಗಳಿರುತ್ತವೆ. ಒಂದೊಂದು ಸುತ್ತಿನಲ್ಲೂ ಮನ ತುಂಬುವಂಥ ಮನೋರಂಜನೆಯೊಂದಿಗೆ ವಾರಂತ್ಯಕ್ಕೆ ಜೀ ವಾಹಿನಿಯ ಕೊಡುಗೆಯಾಗಿ ಯಾರಿಗುಂಟು ಯಾರಿಗಿಲ್ಲ ವೀಕ್ಷಕರ ಮುಂದೆ ಬರಲಿದೆ.
ಹೊಸ ನೋಟ, ಹೊಸ ಆಟದ ಜೊತೆ ಕಾಮಿಡಿ ಕಿಲಾಡಿ ಸೀಸನ್ ೨ ಖ್ಯಾತಿಯ ಅಪ್ಪಣ್ಣ ಹಾಗೂ ಸೂರಜ್ ಈ ಕಾರ್ಯಕ್ರಮದ ನಿರೂಪಣೆಯನ್ನು ಮಾಡಲಿzರೆ. ತಮ್ಮ ನೈಜವಾದ ನಿರೂಪಣೆ ಹಾಗೂ ಚುರುಕಾದ ಮಾತುಗಳ ಮೂಲಕ ಕಾರ್ಯಕ್ರಮಕ್ಕೆ ಹೊಸ ಸ್ಪರ್ಶವನ್ನು ನೀಡಲಿzರೆ. ಯಾರಿಗುಂಟು ಯಾರಿಗಿಲ್ಲ ಕಾರ್ಯಕ್ರಮವು ಆಗಸ್ಟ್ ೪ರಿಂದ ಪ್ರತಿ ಶನಿವಾರ ಹಾಗೂ ಭಾನುವಾರ ಸಂಜೆ ೬:೩೦ಕ್ಕೆ ಪ್ರಸಾರವಾಗಲಿದೆ.

Continue Reading

Trending

Copyright © 2018 Cinibuzz