Connect with us

ಪ್ರೆಸ್ ಮೀಟ್

ಇದು ಹಾರರ್ ಚಿತ್ರವಲ್ಲ ಆದರೆ ಬೆಚ್ಚಿ ಬೀಳಿಸುತ್ತೆ!

Published

on

ದುನಿಯಾ ರಶ್ಮಿ ಹೊಸಾ ಸ್ವರೂಪದಲ್ಲಿ ಮತ್ತೆ ವಾಪಾಸಾಗಿರುವ ಚಿತ್ರ ಕಾರ್ನಿ. ಈಗಾಗಲೇ ಬಿಡುಗಡೆಯಾಗಿ ಟ್ರೈಲರ್ ಮೂಲಕವೇ ನಿಗೂಢವಾದುದೇನನ್ನೋ ಪ್ರೇಕ್ಷಕರತ್ತ ದಾಟಿಸಿರೋ ಈ ಚಿತ್ರ ಈ ವಾರವೇ ತೆರೆ ಕಾಣುತ್ತಿದೆ. ಬೇರೇನನ್ನೂ ಯೋಚಿಸಲೇ ಸಾಧ್ಯವಾಗದಂತೆ ಪ್ರೇಕ್ಷಕರನ್ನು ಆರಂಭದಿಂದ ಮುಕ್ತಾಯದವರೆಗೂ ಹಿಡಿದಿಡುವಂಥಾ ಚಿತ್ರ ರೂಪಿಸಬೇಕೆಂಬ ಹಂಬಲದೊಂದಿಗೇ ಈ ಚಿತ್ರ ತಯಾರಾಗಿದೆ. ಕಾಡು, ಕತ್ತಲು ಮತ್ತು ಅದರ ಗರ್ಭದಲ್ಲಿ ತೆರೆದುಕೊಳ್ಳೋ ಸೈಕಾಲಾಜಿಕಲ್ ಥ್ರಿಲ್ಲರ್ ಕಥಾನಕ… ಇದನ್ನೆಲ್ಲ ಅಂತರಾಳವಾಗಿಸಿಕೊಂಡಿರೋ ಈ ಚಿತ್ರ ತೆರೆ ಕಾಣಲು ದಿನವಷ್ಟೇ ಬಾಕಿ ಉಳಿದಿದೆ.

ಐವರು ಹುಡಿಗಿಯರು ಮಲೆನಾಡ ಸೀಮೆಯ ಕಾಡಿನಲ್ಲಿ ನಾಪತ್ತೆಯಾಗುತ್ತಾರೆ. ಅವರೆಲ್ಲರ ಹಿಂದೆಯೂ ಒಂದೊಂದು ಕಥೆ. ಅವರೆಲ್ಲ ಯಾಕೆ ಹಾಗೆ ಏಕಾಏಕಿ ನಾಪತ್ತೆಯಾಗುತ್ತಾರೆ? ಅದರಿಂದ ಹೇಗೆ ಪಾರಾಗುತ್ತಾರೆಂಬುದರ ಸುತ್ತ ಕಥೆ ಸಾಗುತ್ತೆ. ಈ ಐವರು ಹುಡುಗೀರಲ್ಲಿ ಒಬ್ಬರಾಗಿ ಮುಖ್ಯವಾದ ಪಾತ್ರದಲ್ಲಿ ರಶ್ಮಿ ನಡಿಸಿದ್ದಾರೆ.

ಈ ಚಿತ್ರವನ್ನು ಗೋವಿಂದರಾಜ್ ನಿರ್ಮಾಣ ಮಾಡಿದ್ದಾರೆ. ನಿರ್ದೇಶನ ಮಾಡಿರುವವರು ವಿನೋದ್ ಕುಮಾರ್. ನಿರ್ದೇಶನದ ಕನಸು ಹೊತ್ತು ಚಿತ್ರರಂಗಕ್ಕೆ ಬಂದಿದ್ದ ವಿನೋದ್ ಒಂದಷ್ಟು ಚಿತ್ರಗಳಲ್ಲಿ ನಿರ್ದೇಶನ ವಿಭಾಗದಲ್ಲಿಯೂ ಕಾರ್ಯ ನಿರ್ವಹಿಸಿದ್ದಾರೆ. ಆ ಬಳಿಕ ಸಂಕಲನಕಾರರಾಗಿಯೂ ಕೆಲಸ ಮಾಡಿದ್ದಾರೆ. ವಿಷ್ಣುವರ್ಧನ್ ಅಭಿನಯದ ಆಪ್ತರಕ್ಷಕ ಚಿತ್ರದ ಟ್ರೈಲರ್ ಎಡಿಟಿಂಗ್ ಮಾಡಿದ್ದವರೂ ಇದೇ ವಿನೋದ್.

ವಿನೋದ್ ಅವರಿಗೆ ಹಾಲಿವುಡ್ ಶೈಲಿಯದ್ದೊಂದು ಚಿತ್ರ ಮಾಡಬೇಕೆಂಬುದು ಬಹು ದಿನದ ಕನಸಾಗಿತ್ತು. ಹಾಡು ಮುಂತಾದ ಸಿದ್ಧಸೂತ್ರಗಳ ಗೊಡವೆಯಿಲ್ಲದೆ ಕಥೆಯೇ ಮುಖ್ಯವಾಗಿರೋ ಕಾರ್ನಿ ಚಿತ್ರವನ್ನು ಅವರು ಕಡೆಗೂ ನಿರ್ದೇಶನ ಮಾಡಿದ್ದಾರೆ. ವಿಶೇಷವೆಂದರೆ ಈ ಚಿತ್ರದಲ್ಲಿ ಹಾಡುಗಳಿಲ್ಲ. ಬಿಲ್ಡಪ್ಪುಗಳೂ ಇಲ್ಲ. ಆದರೆ ಅದ್ಯಾವುದೂ ನೆನಪೇ ಆಗದ ಹಾಗೆ ಕಥೆಯನ್ನು ರೂಪಿಸಲಾಗಿದೆ ಎಂಬುದು ನಿರ್ದೇಶಕರ ಭರವಸೆ.

ಈ ಚಿತ್ರದ ಕಥೆ ರೆಡಿ ಮಾಡಿಕೊಂಡ ಘಳಿಗೆಯಲ್ಲಿ ವಿನೋದ್ ಕುಮಾರ್ ಅವರನ್ನು ನಾಯಕಿ ಪಾತ್ರಕ್ಕೆ ಯಾರನ್ನು ಆಯ್ಕೆ ಮಾಡಿಕೊಳ್ಳೋದೆಂಬ ಪ್ರಶ್ನೆ ಕಾಡಿತ್ತು. ಇದಕ್ಕೆ ನಟನೆಯ ಕಸುವು ಹೊಂದಿರೋ ನಟಿಯೇ ಬೇಕಾಗಿತ್ತು. ಆಗ ವಿನೋದ್ ಕುಮಾರ್ ಅವರಿಗೆ ನೆನಪಾದದ್ದು ರಶ್ಮಿ. ಇದುವರೆಗೂ ಪಕ್ಕದ ಮನೆ ಹುಡುಗಿಯಂಥಾ ಕ್ಯಾರೆಕ್ಟರುಗಳಲ್ಲಿಯೇ ಹೆಚ್ಚಾಗಿ ಕಾಣಿಸಿಕೊಂಡಿದ್ದ ರಶ್ಮಿ ಈ ಚಿತ್ರದಲ್ಲಿ ಬದಲಾದ ಲುಕ್ಕಿನಲ್ಲಿ ಕಾಣಿಸಿಕೊಂಡಿದ್ದಾರೆ, ಇಲ್ಲಿನ ಪಾತ್ರವೂ ಅಷ್ಟೇ ಭಿನ್ನವಾಗಿದೆಯಂತೆ.

ಇದೊಂದು ಮಹಿಳಾ ಪ್ರಧಾನ ಚಿತ್ರ ಎಂಬಂಥಾ ಮಾತೂ ಕೇಳಿ ಬರುತ್ತಿದೆ. ಆದರೆ ಇದು ಪಕ್ಕಾ ಸೈಕಲಾಜಿಕಲ್ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ. ಕಾರ್ನಿ ಅಂದರೆ ದುರ್ಗಾ ಮಾತೆಯ ಕೈಲಿರೋ ದುಷ್ಟ ಸಂಹಾರದ ಅಸ್ತ್ರ. ಈ ಕಥನವೂ ಅಂಥಾದ್ದೇ ಹೂರಣ ಹೊಂದಿರೋದರಿಂದ ಆ ಟೈಟಲ್ ಅನ್ನೇ ಇಡಲಾಗಿದೆಯಂತೆ. ಇನ್ನು ಕಾರ್ನಿ ಹಾರರ್ ಚಿತ್ರ ಎಂಬಂತೆಯೂ ಸುದ್ದಿ ಹರಿದಾಡುತ್ತಿದೆ. ಆದರಿದು ಹಾರರ್ ಚಿತ್ರವಲ್ಲ. ಆದರೆ ಇಲ್ಲಿ ಅದನ್ನೇ ಮೀರಿಸುವಂಥಾ ಬೆಚ್ಚಿ ಬೀಳಿಸುವಂಥಾ ವಿಚಾರಗಳಿವೆ.

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಯಾರಿಗೆ ಯಾರುಂಟು ಟ್ರೈಲರ್: ಮಗ್ಧನೊಬ್ಬನ ಮೂರು ದೋಣಿಯ ಪಯಣ!

Published

on


ಕಿರಣ್ ಗೋವಿ ನಿರ್ದೇಶನದ ಯಾರಿಗೆ ಯಾರುಂಟು ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದೆ. ಈಗಾಗಲೇ ಟೀಸರ್, ಲಿರಿಕಲ್ ವೀಡಿಯೋ ಸಾಂಗ್ ಮೂಲಕ ಈ ಚಿತ್ರದ ಕಥಾನಕದ ಬಗ್ಗೆ ಪ್ರೇಕ್ಷಕರಿಗೊಂದು ಅಂದಾಜು ಸಿಕ್ಕಿತ್ತು. ಆದರೆ ಈ ಟ್ರೈಲರ್ ಮೂಲಕ ಅದೆಲ್ಲವೂ ಉಲ್ಟಾ ಹೊಡೆದಿದೆ.

ಒರಟ ಪ್ರಶಾಂತ್ ಈ ಸಿನಿಮಾದಲ್ಲಿ ಡಾಕ್ಟರ್ ಪಾತ್ರ ನಿರ್ವಹಿಸಿದ್ದಾರೆ ಮತ್ತು ಅವರು ಮೂವರು ಹುಡುಗೀರೊಂದಿಗೆ ಲವ್ವಲ್ಲಿ ಬೀಳುತ್ತಾರೆ ಎಂದೇ ಪ್ರೇಕ್ಷಕರೆಲ್ಲ ಅಂದುಕೊಂಡಿದ್ದರು. ಆದರೆ ಈ ಟ್ರೈಲರಿನಲ್ಲಿ ಬೇರೆಯದ್ದೇ ಸೂಚನೆ ಸಿಕ್ಕಿದೆ. ಜೊತೆಗೆ ನಾಯಕ ಯಾಕೆ ಮೂವರು ಹುಡುಗೀರ ಜೊತೆ ಡ್ಯುಯೆಟ್ ಹಾಡ್ತಾನೆ, ಯಾಕೆ ಸುತರ್‍ತಲಿನವರೆಲ್ಲ ಆತನಿಗೇ ಸಪೋರ್ಟು ಮಾಡುತ್ತಾರೆ ಅನ್ನೋ ಕ್ಯೂರಿಯಾಸಿಟಿಯ ಜೊತೆಗೇ, ಆನಿಮೇಟೆಡ್ ರಂಗಣ್ಣ ಮತ್ತೊಂದುಯ ಬಾಂಬನ್ನೂ ಹಾಕಿದ್ದಾನೆ!

ಆ ಪ್ರಕಾರ ಹೇಳೋದಾದ್ರೆ, ಈ ಸಿನಿಮಾದಲ್ಲಿ ಡಾಕ್ಟರ್ ಪೋಷಾಕು ತೊಟ್ಟಿರೋ ನಾಯಕ ಅಸಲಿಗೆ ಡಾಕ್ಟರೇ ಅಲ್ಲವಂತೆ. ಟೀಸರ್ ಅನ್ನು ನಿರೂಪಣೆ ಮಾಡಿ ಮನ ಗೆದ್ದಿದ್ದ ಕಾರ್ಟೂನ್ ರಂಗಣ್ಣ ಎಂಬ ಕ್ಯಾರೆಕ್ಟರಿನ ಮೂಲಕವೇ ನಿರ್ದೇಶಕರು ಈ ಟ್ರೈಲರ್ ಅಂತರಾಳವನ್ನೂ ಬಿಚ್ಚಿಟ್ಟಿದ್ದಾರೆ. ಅಂತೂ ಈ ಮೂಲಕವೇ ಯಾರಿಗೆ ಯಾರುಂಟು ಚಿತ್ರದ ಬಗ್ಗೆ ಅಗಾಧ ನಿರೀಕ್ಷೆಗಳು ಹುಟ್ಟಿಕೊಂಡಿವೆ.

Continue Reading

ಕಲರ್ ಸ್ಟ್ರೀಟ್

ಬೆಲ್‌ಬಾಟಮ್: ಬಿಡುಗಡೆಯಾಯ್ತು ರೆಟ್ರೋ ಹಬ್ಬದ ಟ್ರೈಲರ್!

Published

on


ನಿರ್ದೇಶಕ ಜಯತೀರ್ಥ ಇದುವರೆಗೂ ವಿಶಿಷ್ಟವಾದ ಕಥೆಗಳಿಗೇ ದೃಷ್ಯ ಸ್ಪರ್ಶ ನೀಡುತ್ತಾ ಬಂದಿದ್ದಾರೆ. ಪ್ರತೀ ಸಿನಿಮಾವೂ ಒಂದಕ್ಕಿಂತ ಒಂದು ಭಿನ್ನವಾಗಿರ ಬೇಕೆಂಬ ಅಭಿಲಾಶೆ ಹೊಂದಿರೋ ಜಯತೀರ್ಥ ಪಾಲಿಗೆ ಬೆಲ್ ಬಾಟಮ್ ಎಂಬುದು ಹೊಸಾ ಅನುಭವ ಕೊಟ್ಟಿದೆ. ಪಕ್ಕಾ ಆಧುನಿಕ ಜಗತ್ತಿನಲ್ಲಿ ನಿಂತು ರೆಟ್ರೋ ಲೋಕವೊಂದನ್ನು ಮರು ಸೃಷ್ಟಿ ಮಾಡೋದೇನು ಸಾಮಾನ್ಯ ಸಂಗತಿಯಲ್ಲ. ಬೆಲ್ ಬಾಟಮ್ ಚಿತ್ರತಂಡ ಅದನ್ನು ಎಲ್ಲರೂ ತಲೆದೂಗುವಂತೆ ಮಾಡಿದೆ.
ಈ ಹಿಂದೆ ಬಿಡುಗಡೆಯಾಗಿದ್ದ ಏತಕೆ… ಎಂಬ ಹಾಡು ರೆಟ್ರೋ ಸ್ಟೈಲಿನಲ್ಲಿಯೇ ಎಲ್ಲರ ಮನ ಗೆದ್ದಿತ್ತು. ಇದೀಗ ಬೆಲ್ ಬಾಟಮ್‌ನ ಟ್ರೈಲರ್ ಬಿಡುಗಡೆಯಾಗಿದೆ. ಇದು ಹೊರ ಬಂದು ಕೆಲವೇ ಘಂಟೆ ಕಳೆಯೋದರೊಳಗೆ ವ್ಯಾಪಕವಾಗಿ ಹರಿದಾಡುತ್ತಾ ಎಲ್ಲರ ಪ್ರಶಂಸೆಗೂ ಪಾತ್ರವಾಗಿದೆ. ಈ ಟ್ರೈಲರ್ ಬೆಲ್ ಬಾಟಮ್‌ನಲ್ಲಿ ಎಲ್ಲರನ್ನೂ ಖುಷಿಗೊಳಿಸುವ ರೆಟ್ರೋ ಹಬ್ಬವೇ ಇದೆ ಎಂಬುದನ್ನು ಸ್ಪಷ್ಟೀಕರಿಸಿದೆ.

ಈ ಕಾಲದಲ್ಲಿ ನಿಂತು ಎಂಭತ್ತರ ದಶಕದ ಕಥೆಗೆ ದೃಷ್ಯ ಕಟ್ಟುವಾಗ ಸೂಕ್ಷ್ಮ ವಿಚಾರಗಳಿಗೂ ಆಧ್ಯತೆ ಕೊಡ ಬೇಕಾಗುತ್ತದೆ. ಒಂದೇ ಒಂದು ಸಣ್ಣ ವಿಚಾರದೆಲ್ಲಿ ಎಚ್ಚರ ತಪ್ಪಿದರೂ ಎಡವಟ್ಟಾಗುತ್ತೆ. ಆದರೆ ಬೆಲ್ ಬಾಟಮ್ ಚಿತ್ರತಂಡ ಚಿತ್ರೀಕರಣ ಆರಂಭವಾಗೋದಕ್ಕೂ ಮುಂಚೆಯೇ ಇದಕ್ಕೆ ಸಾಕಷ್ಟು ತಯಾರಿ ಮಾಡಿಕೊಂಡಿದೆ. ಬೆಲ್ ಬಾಟಮ್ ಕಾಲದಲ್ಲಿ ಬರುತ್ತಿದ್ದ ಪತ್ರಿಕಾ ಜಾಹೀರಾತಿಂದ ಮೊದಲ್ಗೊಂಡು ಎಲ್ಲವನ್ನೂ ಇಲ್ಲಿ ನೈಜವಾಗಿಯೇ ಮರು ಸೃಷ್ಟಿಸಲಾಗಿದೆಯಂತೆ.

ನಿರ್ದೇಶಕ ಜಯತೀರ್ಥ ಅವರೇ ಹೇಳೋ ಪ್ರಕಾರ ಹೀಗೆ ರೆಟ್ರೋ ಕಾಲದ ಪ್ರತೀ ಸೂಕ್ಷ್ಮಗಳನ್ನು ಹೆಕ್ಕಿದವರು ಈ ಸಿನಿಮಾ ಕಥೆಗಾರರೂ ಆಗಿರುವ ಟಿ.ಕೆ ದಯಾನಂದ್. ಈಗ ಪೋಸ್ಟರುಗಳಲ್ಲಿ ಎಲ್ಲರನ್ನೂ ಸೆಳೆದಿರೋ ಇಯಾಮಿ, ಲವಂಗದೆಣ್ಣೆ ಮುಂತಾದ ಈ ತಲೆಮಾರಿಗೆ ಅಪರಿಚಿತವಾದ ಜಾಹೀರಾತುಗಳ ಹಿಂದೆ ದಯಾನಂದ್ ಅವರ ಶ್ರಮವಿದೆ. ಕಾಸ್ಟ್ಯೂಮಿನಿಂದ ಮೊದಲ್ಗೊಂಡು ಎಲ್ಲ ಪರಿಕರಗಳ ವರೆಗೂ ಇಲ್ಲಿ ರೆಟ್ರೋ ಜಾತ್ರೆಯೇ ನೆರೆದಿದೆ. ಅದಕ್ಕೆ ಈಗ ಬಿಡುಗಡೆಯಾಗಿರೋ ಟ್ರೈಲರ್ ಸಾಕ್ಷಿಯಾಗಿದೆ.

Continue Reading

ಕಲರ್ ಸ್ಟ್ರೀಟ್

ಯಾರಿಗೆ ಯಾರುಂಟು: ಆಶ್ಚರ್ಯದ ಹಾಡಿಗೆ ಸಿಕ್ಕಿತು ಅಚ್ಚರಿಯ ಗೆಲುವು!

Published

on


ಕಿರಣ್ ಗೋವಿ ನಿರ್ದೇಶನದ ಯಾರಿಗೆ ಯಾರುಂಟು ಚಿತ್ರದ ಹಾಡುಗಳು ಮಾಧುರ್ಯದಿಂದ ಪ್ರೇಕ್ಷಕರ ಮನಸು ತಾಕುತ್ತಲೇ ಇವೆ. ಒಂದಕ್ಕಿಂತ ಒಂದು ಭಿನ್ನವಾದ ಹಾಡುಗಳು ಬಿ.ಜೆ ಭರತ್ ಸಂಗೀತ ಸ್ಪರ್ಶದೊಂದಿಗೆ ಮೂಡಿ ಬಂದಿವೆ. ಇದೀಗ ಕೃತಿಕಾ ರವೀಂದ್ರ ಮತ್ತು ಪ್ರಶಾಂತ್ ಕಾಂಬಿನೇಷನ್ನಿನ ವೀಡಿಯೋ ಸಾಂಗ್ ಒಂದನ್ನು ಚಿತ್ರತಂಡ ಬಿಡುಗಡೆಗೊಳಿಸಿದೆ. ಇದಕ್ಕೆ ಪ್ರೇಕ್ಷಕರ ಕಡೆಯಿಂದ ಸಿಕ್ಕಿರೋದು ಅಚ್ಚರಿದಾಯಕ ಸ್ಪಂದನೆ!

ಎಂಥಾ ಆಶ್ಚರ್ಯ ಕಂಡೆ ನೀನೇ ಅವಳು, ರಾಣಿ ಸೆರಗನ್ನು ಹೊದ್ದ ಬೆಳದಿಂಗಳು… ಎಂಬ ಈ ಹಾಡನ್ನು ಕೆ ಕಲ್ಯಾಣ್ ಬರೆದಿದ್ದಾರೆ. ಬಿ ಜೆ ಭರತ್ ಹೊಸಾ ಸೌಂಡಿಂಗ್‌ನೊಂದಿಗೆ ಸೃಷ್ಟಿಸಿರೋ ಈ ಹಾಡಿನ ದೃಷ್ಯ ವೈಭವ ಕೂಡಾ ಬೆರಗಾಗಿಸುವಂತಿದೆ. ಕೃತಿಕಾ ರವೀಂದ್ರ ಮತ್ತು ಪ್ರಶಾಂತ್ ರಾಜ್ ಈ ಹಾಡಿನಲ್ಲಿ ರೊಮ್ಯಾಂಟಿಕ್ ಮೂಡಿನಲ್ಲಿ ಪ್ರೇಕ್ಷಕರ ಮನ ಗೆದ್ದಿದ್ದಾರೆ.

ರಾಜಸ್ಥಾನದ ಮರುಭೂಮಿಯಲ್ಲಿ ಈ ಹಾಡನ್ನು ಚಿತ್ರೀಕರಿಸಲಾಗಿದೆ. ಈ ದೃಷ್ಯಾವಳಿಗಳನ್ನು ಸೆರೆ ಹಿಡಿಯಲಾಗಿರೋ ಕಲಾತ್ಮಕ ಕೈಚಳಕದ ಬಗ್ಗೆ ಶರಣ್ ಸೇರಿದಂತೆ ಅನೇಕರು ಮೆಚ್ಚುಗೆ ಸೂಚಿಸಿದ್ದಾರೆ. ಇಂಥಾ ಎಲ್ಲ ಕಾರಣಗಳಿಂದ ಈ ಹಾಡು ಹೊಸಾ ಟ್ರೆಂಡ್ ಅನ್ನೇ ಸೃಷ್ಟಿಸಿದೆ. ಈ ಮೂಲಕ ಕಿರಣ್ ಗೋವಿಯವರ ಯಶಸ್ವೀ ಗೀತೆಗಳ ಯಾನ ಅಡೆತಡೆಯಿಲ್ಲದೆ ಮುಂದುವರೆದಿದೆ. ಅದುವೇ ಗೆಲುವಾಗಿ ಚಿತ್ರವನ್ನು ಕೈ ಹಿಡಿಯೋ ಸೂಚನೆಗಳೂ ದಟ್ಟವಾಗಿವೆ.

Continue Reading

Trending

Copyright © 2018 Cinibuzz