Connect with us

ಕಲರ್ ಸ್ಟ್ರೀಟ್

ಧನಂಜಯ್ ಅತ್ರೆ ನಡೆದುಬಂದ ದಾರಿ…

Published

on

ಇನ್ನೇನು ಬಿಡುಗಡೆಗೆ ಸಂಪೂರ್ಣ ತಯಾರಿ ಮುಗಿಸಿಕೊಂಡು ನಿಂತಿರೋ ಚಿತ್ರ ಕರ್ಷಣಂ. ಪ್ರತೀ ಚಿತ್ರದ ಹಿಂದೆಯೂ ಒಂದೊಂದು ಸಾಹಸಗಾಥೆಯಿರುತ್ತೆ. ಏನೇ ಬಂದರೂ ಗುರಿ ಮುಟ್ಟುವ ಛಲದ ಕಹಾನಿಯೂ ಇರುತ್ತೆ. ಅಷ್ಟಿಲ್ಲದೇ ಹೋದರೆ ಒಂದು ಚಿತ್ರ ನಿರ್ಮಾಣವಾಗೋದಿಲ್ಲ. ನಿರ್ಮಾಣವಾದರೂ ಪ್ರೇಕ್ಷಕರನ್ನು ತಟ್ಟೋದಿಲ್ಲ. ಕರ್ಷಣಂ ಚಿತ್ರವನ್ನು ಸ್ವತಃ ನಿರ್ಮಾಣ ಮಾಡಿ ನಾಯಕನಾಗಿಯೂ ನಟಿಸಿರೋ ಧನಂಜಯ್ ಅತ್ರೆ ಅವರದ್ದೂ ಕೂಡಾ ಪಕ್ಕಾ ಛಲದ ಹಾದಿ!

ಈವತ್ತಿಗೆ ಕಿರುತೆರೆಯ ಖ್ಯಾತ ನಿರ್ದೇಶಕ ಶರವಣ ನಿರ್ದೇಶಿಸಿರುವ ಕರ್ಷಣಂ ಚಿತ್ರ ಟ್ರೈಲರ್, ಹಾಡು ಮುಂತಾದವುಗಳ ಮೂಲಕ ಜನ ಮನ ಸೆಳೆದುಕೊಂಡಿದೆ. ಪ್ರೇಕ್ಷಕರು ಈ ಚಿತ್ರದ ಬಗ್ಗೆ ಬಹಳಷ್ಟು ಭರವಸೆಯನ್ನೂ ಹೊಂದಿದ್ದಾರೆ. ಆದರೆ ಈ ಚಿತ್ರವೀಗ ಬಿಡುಗಡೆಯ ಹೊಸ್ತಿಲಲ್ಲಿರೋದರ ಹಿಂದೆ ದಶಕಗಳಷ್ಟು ಸುದೀರ್ಘ ಕಾಲದ ತಪಸ್ಸಿನಂಥಾ ಕನಸಿನ ಪಾಲಿದೆ. ಈ ಹಾದಿಯ ತುಂಬಾ ಧನಂಜಯ್ ಅತ್ರೆಯವರ ಶ್ರಮದ ಗುರುತುಗಳೂ ಇವೆ.

ಕೊಡಗಿನ ಭಾಗಮಂಡಲ ಮೂಲದವರಾದ ಧನಂಜಯ್ ಅತ್ರೆ ಹುಟ್ಟಿ ಬೆಳೆದಿದ್ದೆಲ್ಲ ಬೆಂಗಳೂರಿನಲ್ಲಿಯೇ. ದಯಾನಂದಸಾಗರ್ ಕಾಲೇಜಿನಲ್ಲಿ ಮೆಕ್ಯಾನಿಕಲ್ ಇಂಜಿನೀರಿಂಗ್ ಪದವಿ ಪಡೆದುಕೊಂಡಿದ್ದ ಅವರ ಪಾಲಿಗೆ ಬಣ್ಣದ ಕನಸು ಅರಳಿಕೊಂಡಿದ್ದು ರ್‍ಯಾಂಪ್ ಮೇಲೆ. ಯಾಕೆಂದರೆ ಧನಂಜಯ್ ಕಾಲೇಜು ದಿನಗಳಲ್ಲಿಯೇ ಮಾಡೆಲಿಂಗ್‌ನತ್ತ ಆಸಕ್ತಿ ಹೊಂದಿದ್ದರು. ಆ ಕಾಲದಲ್ಲಿಯೇ ಇಂಥಾ ಕನಸು ಹೊಂದಿದ್ದ ಧನಂಜಯ್ ಅವರನ್ನು ಕಾಲೇಜು ವ್ಯಾಸಂಗ ಮುಗಿದಾದ ನಂತರವೂ ಕೈ ಹಿಡಿದದ್ದು ಮಾಡೆಲಿಂಗ್ ಕ್ಷೇತ್ರವೇ. ಅಲ್ಲಿಯೂ ಕೂಡಾ ಗಮನಾರ್ಹ ಅವಕಾಶಗಳನ್ನವರು ತಮ್ಮದಾಗಿಸಿಕೊಂಡಿದ್ದರು. ಕಿಂಗ್‌ಫಿಷರ್ ಡರ್ಬಿ ಮತ್ತು ರೇಮಂಡ್ ಸ್ಟಿಲ್ ಮಾಡೆಲಿಂಗಿನಲ್ಲಿಯೂ ಅವರು ಮಿಂಚಿದ್ದರು.

ಹೀಗಿರುವಾಗಲೇ ನಟನಾಗಬೇಕೆಂಬ ಕನಸಿನ ಬೆಂಬಿದ್ದು ಅದನ್ನು ಸಾಕಾರಗೊಳಿಸಿಕೊಳ್ಳುವ ಪ್ರಯತ್ನದಲ್ಲಿದ್ದ ಧನಂಜಯ್‌ಗೆ ೨೦೦೭ರಲ್ಲಿ ಉಪೇಂದ್ರ ಅಭಿನಯದ ಬುದ್ಧಿವಂತ ಚಿತ್ರದಲ್ಲೊಂದು ಪುಟ್ಟ ಪಾತ್ರ ಸಿಕ್ಕಿತ್ತು. ಅದು ಅವರ ಮೊದಲ ಚಿತ್ರ. ಆ ಬಳಿಕ ಬೊಂಬಾಟ್, ದೇವ್ರು, ಯೋಧ, ವೀರಪ್ಪನ್ ಅಟ್ಟಹಾಸ ಮುಂತಾದ ಚಿತ್ರಗಳಲ್ಲಿಯೂ ಧನಂಜಯ್ ಅಭಿನಯಿಸಿದ್ದರು. ಅಂದಹಾಗೆ ಮಾಡೆಲಿಂಗ್ ಕ್ಷೇತ್ರದಲ್ಲಿದ್ದ ಇವರೊಳಗಿನ ನಟನಾಗೋ ಕನಸಿಗೆ ನೀರೆರೆದು ಪೋಶಿಸಿದ್ದವರು ಖ್ಯಾತ ನಿರ್ಮಾಪಕ ರಾಕ್‌ಲೈನ್ ವೆಂಕಟೇಶ್. ಈ ಭೇಟಿ ಸಂಭವಿಸಿದ್ದೇ ಒಂದು ಅನಿರೀಕ್ಷಿತ ಸಂದರ್ಭದಲ್ಲಿ. ರಾಕ್‌ಲೈನ್ ಧನಂಜಯ್ ಅವರ ಉತ್ಸಾಹ ಕಂಡು ನಟನಾಗೋ ಕನಸಿಗೆ ಮತ್ತಷ್ಟು ಶಕ್ತಿ ತುಂಬಿದ್ದರು. ಅದರ ಫಲವಾಗಿಯೇ ಬುದ್ಧಿವಂತ ಚಿತ್ರದ ಮೂಲಕ ಅವರ ಸಿನಿಯಾನ ಆರಂಭವಾಗಿತ್ತು. ಇದಾದ ನಂತರ ಧನಂಜಯ್ ಹೊರಳಿಕೊಂಡಿದ್ದದ್ದು ಸೀರಿಯಲ್ಲಿನತ್ತ. ಮುಂಜಾವು ಎಂಬ ಸೀರಿಯಲ್ಲಿನಲ್ಲಿ ವಿಲನ್ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದ ಅವರಿಗೆ ಕಿರುತೆರೆಯಲ್ಲಿ ದೊಡ್ಡ ಹೆಸರು ತಂದುಕೊಟ್ಟಿದ್ದು ಈ ಟಿವಿಯಲ್ಲಿ ಪ್ರಸಾರವಾದ ಚಿತ್ರಲೇಖಾ ಧಾರಾವಾಹಿ. ಇದರಲ್ಲಿ ನಾಯಕನ್ದ್ದು ಧನಂಜಯ್ ಮುನ್ನೂರು ಎಪಿಸೋಡುಗಳಲ್ಲಿ ನಟಿಸಿದ್ದರು.

ಈ ಧಾರಾವಾಹಿ ಮುಗಿಯುತ್ತಲೇ ಸುದೀರ್ಘವಾದೊಂದು ವಿರಾಮ ತೆಗೆದುಕೊಂಡಿದ್ದ ಧನಂಜಯ್ ಆ ಅವಧಿಯ ತುಂಬಾ ಭ್ಯುಸಿನೆಸ್‌ನತ್ತ ಗಮನ ಹರಿಸಿದ್ದರು. ಅದನ್ನು ಶ್ರಮ ವಹಿಸಿ ಕಟ್ಟಿ ನಿಲ್ಲಿಸುತ್ತಲೇ ಒಂದು ಚಿತ್ರ ನಿರ್ಮಾಣ ಮಾಡಿ ನಾಯಕನಾಗೋ ಕನಸಿನೊಂದಿಗೆ ಕೆಲಸ ಆರಂಭಿಸಿದ್ದ ಧನಂಜಯ್ ಅವರಿಗೆ ಸಾಥ್ ನೀಡಿದ್ದು ಅವರ ಮಡದಿ ಗೌರಿ ಅತ್ರೆ. ಅವರೇ ಈ ಚಿತ್ರಕ್ಕೆ ಕಥೆ ರೆಡಿ ಮಾಡಿದ್ದರು. ಇಬ್ಬರೂ ಸೇರಿಕೊಂಡು ವರ್ಷಗಟ್ಟಲೆ ಕಥೆಗೊಂದು ಅಂತಿಮ ರೂಪ ಕೊಟ್ಟು ಅದಕ್ಕೆ ಕರ್ಷಣಂ ಅಂತ ಹೆಸರಿಟ್ಟ ಬಳಿಕ ಎದುರಾದದ್ದು ನಿರ್ದೇಶಕರ್‍ಯಾರೆಂಬ ಪ್ರಶ್ನೆ. ಆಗ ಪರಿಚಯವಾದ ಶರವಣ ಧನಂಜಯ್ ಅವರ ಕನಸಿನಂತೆಯೇ ಈ ಚಿತ್ರವನ್ನು ರೂಪಿಸಿದ್ದಾರೆ.

ಇನ್ನುಳಿದಂತೆ ಫಿಟ್ನೆಸ್ ಅನ್ನು ಬದುಕಿನ ಭಾಗವಾಗಿಸಿಕೊಂಡಿರೋ ಧನಂಜಯ್ ಅದಕ್ಕಾಗಿಯೇ ದಿನದ ಒಂದಷ್ಟು ಸಮಯವನ್ನು ಮೀಸಲಿಡುತ್ತಾ ಬಂದಿದ್ದಾರೆ. ಇದೀಗ ಕಟೆದಿಟ್ಟಂಥಾ ದೇಹವನ್ನು ರೂಪಿಸಿಕೊಂಡಿರೋದರ ಹಿಂದೆ ಸರಿಸುಮಾರು ಹದಿನೆಂಟು ವರ್ಷಗಳ ನಿರಂತರವಾದ ಪರಿಶ್ರಮವಿದೆಯಂತೆ. ಈ ಫಿಟ್ನೆಸ್ ಧಯ ಕರ್ಷಣಂ ಚಿತ್ರದಲ್ಲಿನ ಪಾತ್ರ ಪೋಷಣೆ ಮಾಡಲೂ ಸಹಕಾರಿಯಾಗಿದೆ. ಈ ಚಿತ್ರದಲ್ಲಿ ಸ್ಲಂ ಹುಡುಗನಾಗಿರೋ ನಾಯಕನ ಪಾತ್ರವನ್ನು ಸಂಭಾಳಿಸುವಲ್ಲಿ ಇರ್ಷ್ಟಗಳ ಕಾಲ ಪರಿಪಾಲಿಸಿಕೊಂಡು ಬಂದಿದ್ದ ಫಿಟ್ನೆಸ್ ಕೂಡಾ ಸಹಕಾರಿಯಾಗಿದೆಯಂತೆ.

ಇಷ್ಟೊಂದು ಸುದೀರ್ಘ ಶ್ರಮದ ಫಲವಾಗಿ ಮೂಡಿ ಬಂದಿರೋ ಕರ್ಷಣಂ ಚಿತ್ರ ಬಿಡುಗಡೆಯ ಹೊಸ್ತಿಲಲ್ಲಿದೆ. ಈ ಮೂಲಕ ನಾಯಕನಾಗಿ ನೆಲೆ ನಿಲ್ಲುವ ಕನಸು ಧನಂಜಯ್ ಅವರದ್ದು.

Continue Reading
Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ಇರುವುದೆಲ್ಲವ ಬಿಟ್ಟು ನಿರ್ದೇಶಕನ ಅಸಲೀ ಕಥೆ!

Published

on

ಮೊದಲ ಚಿತ್ರ ಜಲ್ಸಾ ಮೂಲಕವೇ ಭರವಸೆ ಹುಟ್ಟಿಸಿದ್ದ ಯುವ ನಿರ್ದೇಶಕ ಕಾಂತ ಕನ್ನಲ್ಲಿ. ಇವರು ನಿರ್ದೇಶನ ಮಾಡಿರುವ ಎರಡನೇ ಚಿತ್ರ ಇರುವುದೆಲ್ಲವ ಬಿಟ್ಟು… ಬಣ್ಣದ ಲೋಕದ ಕನಸುಗಳನ್ನು ಪುಟ್ಟ ಹಳ್ಳಿಯೊಂದರಲ್ಲಿ ಕಣ್ತುಂಬಿಕೊಂಡಿದ್ದ ಕಾಂತ ಚಿತ್ರರಂಗದ ಬಗ್ಗೆ ನಿರ್ಧಿಷ್ಟವಾಗಿ ಕನಸು ಕಾಣಲೂ ಸಾಧ್ಯವಾಗದಂಥಾ ಹಳ್ಳಿಯಿಂದ ಬಂದವರು. ಆದರೆ ಮನೆಯೊಳಗಿನ ಕಲೆಯ ವಾತಾವರಣದಿಂದ ಆ ನಂಟನ್ನು ಪೊರೆದುಕೊಂಡು ಬಂದಿದ್ದ ಕಾಂತ ಕನ್ನಲ್ಲಿ ನಿರ್ದೇಶಕನಾಗಿ ಹೊರ ಹೊಮ್ಮಿದ್ದರ ಹಿಂದೆ ಬಹು ದೂರದ ಪ್ರಯಾಣವೊಂದಿದೆ!

ಬೆಂಗಳೂರಿಗೆ ಹತ್ತಿರದಲ್ಲೇ ಇದ್ದಾರೂ ಹಳ್ಳಿಗಾಡಿನ ಸ್ವರೂಪವನ್ನೂ ಇನ್ನೂ ಇಟ್ಟುಕೊಂಡಿರೋ ಮಾಗಡಿ ಸಮೀಪದ ಕನ್ನಲ್ಲಿ ಕಾಂತಾರ ಊರು. ತಂದೆ ಶಿವಣ್ಣ ಹರಿಕಥೆಯಲ್ಲಿ ಪ್ರಸಿದ್ಧರಾಗಿದ್ದವರು. ನಾಟಕಗಳಲ್ಲಿಯೂ ಅಭಿನಯಿಸುತ್ತಿದ್ದ ತಂದೆಯ ಪ್ರಭಾವ ಬಾಲ್ಯದಿಂದಲೇ ಕಾಂತಾರ ಮೇಲಾಗಿತ್ತು. ತಂದೆಯ ಜೊತೆ ಹರಿಕಥೆಗಳಿಗೆ ಹಾರ್ಮೋನಿಯಂ ನುಡಿಸಲು ಹೋಗುತ್ತಿದ್ದ ಕಾಂತಾರ ಪಾಲಿಗೆ ಅದುವೇ ಕಲಾ ಜಗತ್ತಿನ ಮೊದಲ ಹೆಜ್ಜೆ.

ಕಾಂತಾ ಅವರಿಗೆ ಆರಂಭದಿಂದಲೂ ಸಿನಿಮಾ ಹಾಡುಗಳೆಂದರೆ ವಿಪರೀತ ಇಷ್ಟ. ಶಾಲಾ ದಿನಗಳಲ್ಲಿಯೇ ಸಿಗುತ್ತಿದ್ದ ಚಿಲ್ಲರೆ ಕಾಸನ್ನು ಕೂಡಿಟ್ಟು ಹೊಸಾ ಕ್ಯಾಸೆಟ್ಟುಗಳು ಬಿಡುಗಡೆಯಾದೇಟಿಗೆ ಖರೀದಿಸಿ ಕೇಳೋ ಕ್ರೇಜ಼ು ಕಾಂತಾಗಿತ್ತು. ಹೀಗೆ ಸಿನಿಮಾ ಹಾಡು ಕೇಳುತ್ತಲೇ ತಾನಾ ಹಾಡು ಬರೆಯಬೇಕೆಂದುಕೊಳ್ಳುತ್ತಿದ್ದ ಕಾಂತಾ ಕಾಲೇಜು ದಿನಗಳಲ್ಲಿ ಪ್ರಸಿದ್ಧ ಹಾಡಿಗೆ ತಾವೇ ಪರ್ಯಾಯ ಸಾಹಿತ್ಯ ಬರೆಯುವ ಹವ್ಯಾಸವನ್ನೂ ಬೆಳೆಸಿಕೊಂಡಿದ್ದರು. ಕಾಲೇಜಿನಲ್ಲಿ ಸ್ನೇಹಿತರನ್ನು ರೇಗಿಸಲು ಅಚಿಟಿಸಿಕೊಂಡಿದ್ದ ಈ ಗುಂಗು ಕ್ರಮೇಣ ಗೀತರಚನೆಗಾರನಾಗಬೆಂಕೆಂಬ ಕನಸು ಕಾಣಲೂ ಪ್ರೇರೇಪಿಸಿತ್ತು.

ಈ ನಡುವೆಯೇ ಓದು ಮುಗಿಸಿಕೊಂಡು ಖಾಸಗಿ ಕಂಪೆನಿಯಲ್ಲಿ ಕೆಲಸ ಮಾಡಲಾರಂಭಿಸಿದ್ದ ಕಾಂತಾ ಅವರಿಗೆ ಹೇಗಾದರೂ ಸಿನಿಮಾ ಜಗತ್ತಿಗೆ ಎಂಟ್ರಿ ಕೊಡಬೇಕೆಂಬ ವಾಂಛೆ ತೀವ್ರವಾಗಿತ್ತು. ಅದೇನೇ ಕೆಲಸವಿದ್ದರೂ ಪ್ರತೀ ಶುಕ್ರವಾರ ಸಿನಿಮಾ ನೋಡಿಯೇ ತೀರುತ್ತಿದ್ದ ಕಾಂತಾ ಹೊಸಬರಿಗೆ ಅವಕಾಶವಿದೆ ಎಂಬ ಸಿನಿಮಾ ಜಾಹೀರಾತೊಂದು ಪತ್ರಿಕೆಯಲ್ಲಿ ಕಣ್ಣಿಗೆ ಬಿದ್ದಾಕ್ಷಣವೇ ಸಿಈದಾ ಗಾಂಧಿನಗರಕ್ಕೆ ತೆರಳಿದರಾದರೂ ಅದರಿಂದ ಯಾವ ಪ್ರಯೋಜನವೂ ಆಗಿರಲಿಲ್ಲ.

ನಂತರ ಕಾಂತಾ ಅವೆನ್ಯೂ ರಸ್ತೆಯ ಜ಼ೆರಾಕ್ಸ್ ಅಂಗಡಿಯೊಂದರಲ್ಲಿ ಕೆಲಸ ಶುರು ಮಾಡಿಕೊಂಡು ಆ ಕಾಲದಲ್ಲಿಯೂ ಸಿನಿಮಾ ಎಂಟ್ರಿಗಾಗಿ ಪ್ರಯತ್ನಿಸುತ್ತಲೇ ಇದ್ದರು. ಈ ಜ಼ೆರಾಕ್ಸ್ ಅಂಗಡಿ ಕೆಲಸದ ಸಂದರ್ಭದಲ್ಲಿಯೇ ತಾನು ಎಸ್ ನಾರಾಯಣ್ ಅವರಿಗೆ ತುಂಬಾ ಕ್ಲೋಸು, ಅವರ ಬಳಿಯೇ ಕೆಲಸಕ್ಕೆ ಸೇರಿಸುತ್ತೇನೆ ಅಂತೆಲ್ಲ ಒಬ್ಬ ಆಸಾಮಿ ಆಸೆ ಹುಟ್ಟಿಸಿದ್ದನಂತೆ. ಆದರೆ ಅದೂ ಕೂಡಾ ಫಲಿಸಲಿಲ್ಲ. ಹೀಗೆ ಒಂದಷ್ಟು ವರ್ಷ ಕಳೆದ ಮೇಲೆ ಸಿಕ್ಕ ಫ್ಯಾಮಿಲಿ ಫ್ರೆಂಡ್ ಒಬ್ಬರು ಕಡೆಗೂ ಕಾಂತಾರನ್ನು ನಿರ್ದೇಶಕ ಶರಣ್ ಕಬ್ಬೂರ್ ಅವರ ಬಳಿ ಕರೆದುಕೊಂಡು ಹೋಗಿದ್ದರು. ಕಾಂತಾ ಪಾಲಿಗೆ ಅವರ ಕನಸಿನ ಬಾಗಿಲು ತೆರೆದುಕೊಂಡಿದ್ದು ಆ ಘಳಿಗೆಯಿಂದಲೇ.

ಕುಳ್ಳರ ಲೋಕ ಎಂಬ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದ ಶರಣ್ ಆ ನಂತರ ಡಾ ಬಿ ಆರ್ ಅಂಬೇಡ್ಕರ್ ಬಗೆಗಿನ ಚಿತ್ರ ಆರಂಭಿಸಿದ್ದರು. ಅದರಲ್ಲಿ ಅಸಿಸ್ಟೆಂಟ್ ಆಗಿರೋ ಅವಕಾಶವನ್ನು ಕಾಂತಾ ಅವರಿಗೆ ಕೊಟ್ಟಿದ್ದರು. ಇದಕ್ಕೆ ಪ್ರೊಡ್ಯೂಸರ್ ಆಗಿದ್ದವರು ಕಾಂತಾ ಅವರ ತಂದೆಯ ಸ್ನೇಹಿತ. ಅವರೂ ಕೂಡಾ ಚಿತ್ರರಂಗದ ಬಗ್ಗೆ ನೊಂದುಕೊಂಡು ಈ ಸಹವಾಸವೇ ಬೇಡ ಅಂತ ಕಾಂತಾರನ್ನು ಬೇರೆ ಕೆಲಸದತ್ತ ಕಳಿಸಿದ್ದರಂತೆ. ಆ ಹಂತದಲ್ಲಿ ಮತ್ತೆ ಬೇರೆ ಬ್ಯುಸಿನೆಸ್ ಶುರು ಮಾಡಿಕೊಂಡ ಕಾಂತಾ ನಿರ್ದೇಶಕನಾಗೋ ಕನಸನ್ನು ಹತ್ತಿಕ್ಕಲಾರದೆ ಹೇಗೋ ನಿರ್ದೇಶಕ ಎಂ ಡಿ ಶ್ರೀಧರ್ ಅವರ ಗರಡಿ ಸೇರಿಕೊಂಡಿದ್ದರು. ಅವರ ಬದುಕಿನ ಅಸಲೀ ಅಧ್ಯಾಯ ಶುರುವಾಗಿದ್ದು ಆವಾಗಿನಿಂದಲೇ.

ಎಂ ಡಿ ಶ್ರೀಧರ್ ಅವರ ಜೊತೆ ಜಾಲಿಡೇಸ್, ಪೊರ್ಕಿ ಮುಂತಾದ ಚಿತ್ರಗಳಿಗೆ ಕೆಲಸ ಮಾಡೋ ಮೂಲಕ ಕಾಂತಾ ನಿರ್ದೇಶನದ ಪಟ್ಟುಗಳನ್ನು ಅರಿತುಕೊಳ್ಳುವಂತಾಗಿತ್ತು. ಒಂದು ಅಚ್ಚುಕಟ್ಟಾದ ಚಿತ್ರ ರೂಪಿಸಲು ಏನೇನು ಬೇಕೆಂಬ ವಿಚಾರವೂ ಕಾಂತಾಗೆ ಪಕ್ಕಾ ಆಗಿತ್ತು. ಆ ನಂತರದಲ್ಲಿ ಗೀತರಚನೆ ಮಾಡೋ ಹಳೇ ಕನಸಿಗೆ ಪಾಲೀಶು ಹಾಕಿಕೊಂಡ ಕಾಂತಾ ಇಂದ್ರಜಿತ್ ಲಂಕೇಶ್ ನಿರ್ದೇಶನದ ಹುಡುಗ ಹುಡುಗಿ ಚಿತ್ರಕ್ಕೆ ಎರಡು ಹಾಡು ಬರೆದಿದ್ದರು. ನಂತರ ಬುಲೆಟ್ ಪ್ರಕಾಶ್ ಐತಲಕ್ಕಡಿ ಚಿತ್ರದಲ್ಲೊಂದು ಹಾಡು ಬರೆಯಲು ಸಾಧು ಕೋಕಿಲಾ ಅವಕಾಶ ಮಾಡಿಕೊಟ್ಟಿದ್ದರು. ಇದಾದ ನಂತರ ಶಶಾಂಕ್ ಅವರ ಜೊತೆ ಬಚ್ಚನ್, ಕೃಷ್ಣ ಲೀಲಾ ಚಿತ್ರಗಳಿಗೂ ಕೆಲಸ ಮಾಡಿದ ಕಾಂತಾಗೆ ತಾನು ಮಾಡಿದರೆ ನಿರ್ದೇಶನವನ್ನೇ ಮಾಡಬೇಕೆಂಬುದರ ಸಾಕ್ಷಾತ್ಕಾರವೂ ಆಗಿತ್ತು.

ಕಾಂತಾ ಅವರು ಮುಂಗಾರುಮಳೆ೨ ಚಿತ್ರಕ್ಕೆ ಕೋ ಡೈರೆಕ್ಟರ್ ಆಗಿದ್ದ ಕಾಲದಲ್ಲಿಯೇ ಪರಿಚಿತರಾದವರೊಬ್ಬರು ನೀವೇ ಸಿನಿಮಾ ನಿರ್ದೇಶನ ಮಾಡಿ ಅಂತ ಹೇಳಿದ್ದಲ್ಲದೇ ಹಣ ಹೂಡಲೂ ತಯಾರಾಗಿ ನಿಂತಿದ್ದರಂತೆ. ಅದರ ಫಲವಾಗಿ ಶುರುವಾದದ್ದು ಜಲ್ಸಾ. ಇದೀಗ ಕಾಂತಾ ಇರುವುದೆಲ್ಲವ ಬಿಟ್ಟು ಚಿತ್ರದ ಮೂಲಕ ಮತ್ತೆ ನಿರೀಕ್ಷೆ ಹುಟ್ಟಿಸಿದ್ದಾರೆ. ಹಣ ಹೂಡೋ ನಿರ್ಮಾಪಕರಿಗೆ ಚೂರೂ ತೊಂದರೆಯಾಗಕೂಡದೆಂಬ ಮನಸ್ಥಿತಿಯ ಕಾಂತಾಗೆ ಸಿನಿಮಾ ಬಿಟ್ಟರೆ ಬೇರೆ ಪ್ರಪಂಚವೇ ಇಲ್ಲ. ಅಂಥಾ ಗಾಢವಾದ ಸಿನಿಮಾ ವ್ಯಾಮೋಹದಿಂದಲೇ ಅವರು ರೂಪಿಸಿರುವ ಇರುವುದೆಲ್ಲವ ಬಿಟ್ಟು ಚಿತ್ರವೀಗ ತೆರೆ ಕಾಣಲು ತಯಾರಾಗಿದೆ.

Continue Reading

ಕಲರ್ ಸ್ಟ್ರೀಟ್

ಶ್ರೀ ಭರತ ಬಾಹುಬಲಿಯಲ್ಲಿ ಅಣ್ಣಾವ್ರ ಕಾರು!

Published

on

ರಾಕಿಂಗ್ ಸ್ಟಾರ್ ಯಶ್ ಅವರ ಅಭಿನಯದ “ಮಾಸ್ಟರ್ ಪೀಸ್” ನಿರ್ದೇಶಿಸಿದ್ದವರು ಮಂಜು ಮಾಂಡವ್ಯ. ಅದಕ್ಕೂ ಮುಂಚೆ ಸಾಕಷ್ಟು ಸೂಪರ್ ಸ್ಟಾರ್ ಸಿನಿಮಾಗಳಿಗೆ ಸಂಭಾಷಣೆ ಬರೆದಿದ್ದ ಮಂಜು ಮಾಂಡವ್ಯ ಹೀರೋ ಆಗಿ ಎಂಟ್ರಿ ಕೊಡುತ್ತಿದ್ದಾರೆ. `ಶ್ರೀ ಭರತ ಬಾಹುಬಲಿ’ ಸಿನಿಮಾದ ಮೂಲಕ ಮಂಜು ಮಾಂಡವ್ಯ ನಾಯಕನಟನಾಗುವ ಪ್ರಯತ್ನ ಮಾಡುತ್ತಿದ್ದಾರೆ.

ಇತ್ತೀಚೆಗೆ ಚಿತ್ರದ ಒಂದು ಪ್ರಮುಖ ದೃಶ್ಯವೊಂದರ ಚಿತ್ರೀಕರಣ ನಡೆಯುತ್ತಿತ್ತು. ಆ ದೃಶ್ಯದಲ್ಲಿ ಆ ಕಾಲದಲ್ಲಿ ಅಣ್ಣಾವ್ರ ಕ್ರೇಜ್ ಎಷ್ಟು ದೊಡ್ಡದು ಎಂದು ತೋರಿಸುವ ಸನ್ನಿವೇಶ ಇತ್ತು. ಆ ದೃಶ್ಯಕ್ಕೆ ಚಿತ್ರತಂಡ ಕಾಂಟೆಸ್ಸಾ ಕಾರ್ ಒಂದನ್ನು ಬುಕ್ ಮಾಡಿತ್ತು. ಅನಿರೀಕ್ಷಿತವಾಗಿ ಬರಬೇಕಾಗಿದ್ದ ಕಾಂಟೆಸ್ಸಾ ಕಾರು ಬರದೇ ಕೈ ಕೊಟ್ಟಿತು. ಆಗ ಬೇರೊಂದು ಮೂಲದಿಂದ ಪ್ರಯತ್ನಿಸಿದಾಗ ಚಿತ್ರತಂಡಕ್ಕೆ ಅಣ್ಣಾವ್ರು ಬಳಸಿದ್ದ ಅಂಬಾಸಡರ್ ಕಾರು ಸಿಕ್ಕಿಬಿಟ್ಟಿತ್ತು ಈ ಬೆಳವಣಿಗೆಯಿಂದ ವಿಪರೀತ ಥ್ರಿಲ್ಲಾದ ಚಿತ್ರತಂಡ ಅಣ್ಣಾವ್ರ ದೃಶ್ಯಕ್ಕೆ ಅಣ್ಣಾವ್ರ ಕಾರೇ ಬಂದಿದ್ದು ನೋಡಿ ಇದು ಅಣ್ಣಾವ್ರ ಆಶೀರ್ವಾದವೇ ಸರಿ ಎಂದು ಭಾವಿಸಿತಂತೆ.

ಮಾನವ ಜೀವನದಲ್ಲಿ ತ್ಯಾಗ ಎಷ್ಟು ಮುಖ್ಯವಾದದ್ದು ಎಂದು ತೋರಿಸುವ ಕಥೆಗೆ ವಿಶೇಷವಾದ ಮಂಜು ಮಾಂಡವ್ಯ ಬ್ರ್ಯಾಂಡ್‌ನ ಹಾಸ್ಯದ ಲೇಪನವಿರುವ ಶ್ರೀ ಭರತ ಬಾಹುಬಲಿ ಕನ್ನಡ ಚಿತ್ರರಸಿಕರಿಗೆ ಹೊಸ ಅನುಭವ ನೀಡಿ ರಂಜಿಸುವುದು ಗ್ಯಾರಂಟಿ.

Continue Reading

ಕಲರ್ ಸ್ಟ್ರೀಟ್

ಸುಗುಣ ಸಂಸಾರಸ್ಥರಾದ ರಘು ಭಟ್!

Published

on

ಸರ್ವಸ್ವ ಚಿತ್ರದ ಮೂಲಕ ನಾಯಕನಟನಾಗಿದ್ದ ರಘು ಭಟ್ ವೈವಾಹಿಕ ಜೀವನಕ್ಕೆ ಅಡಿಯಿರಿಸಿದ್ದಾರೆ. ಬಹು ಕಾಲದಿಂದ ಪ್ರೀತಿಸಿದ್ದ ಸುಗುಣ ಅವರನ್ನು ಕೈ ಹಿಡಿದಿರುವ ರಘು ಅವರ ಆರತಕ್ಷತೆ ಕಾರ್ಯಕ್ರಮ ಅರಮನೆ ಮೈದಾನದಲ್ಲಿ ನೆರವೇರಿದೆ. ಸಿಎಂ ಕುಮಾರಸ್ವಾಮಿ ಸೇರಿದಂತೆ, ಸಿನಿಮಾ, ಧಾರಾವಾಹಿ ಮತ್ತು ಮಾಧ್ಯಮ ತಾರೆಯರ ಸಮ್ಮುಖದಲ್ಲಿ ಆರತಕ್ಷತೆ ಕಾರ್ಯಕ್ರಮವೂ ಅದ್ದೂರಿಯಾಗಿ ನಡೆದಿದೆ.

ನೆಲಮಂಗಲದ ಸುಗುಣ ಬಿ.ಸಿ ಮತ್ತು ರಾಘವೇಂದ್ರ.ಎ ಅವರ ಮೊದಲ ಭೇಟಿ ನಡೆದದ್ದು ಕಾರ್ಯಕ್ರಮವೊಂದರಲ್ಲಿ. ಅಲ್ಲಿಂದ ಪರಿಚಯವಾಗಿ, ಅದು ಪ್ರೀತಿಯಾಗಿ ಇತ್ತೀಚೆಗೆ ಇವರಿಬ್ಬರ ನಿಶ್ಚಿತಾರ್ಥ ಕೂಡಾ ನಡೆದಿತ್ತು. ಕಳೆದ ತಿಂಗಳ ಮೂವತ್ತರಂದು ಮದುವೆಯಾಗಿದ್ದ ರಘು ಭಟ್, ನೆನ್ನೆ ಅರಮನೆ ಮೈದಾನದಲ್ಲಿ ಆರತಕ್ಷತೆ ಕಾರ್ಯಕ್ರಮವನ್ನು ಆಯೋಜಿಸಿದ್ದರು.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಕೃಷ್ಣಲೀಲೆ ಚಿತ್ರದಲ್ಲಿ ಬಾಲನಟನಾಗಿ ಅಭಿನಯಿಸೋ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದವರು ರಘು ಭಟ್. ಆ ನಂತರದಲ್ಲಿ ಹಲವಾರು ಚಿತ್ರಗಳಲ್ಲಿ ನಾನಾ ಪಾತ್ರಗಳನ್ನು ಮಾಡಿದ್ದ ಅವರು ರಾಮಕೃಷ್ಣ ಗೋವಿಂದ ಚಿತ್ರದ ಮೂಲಕ ನಾಯಕ ನಟನಾಗಿ ಅನಾವರಣಗೊಂಡಿದ್ದರು. ದಾದಾ ಈಸ್ ಬ್ಯಾಕ್, ಅನ್ವೇಷಿ, ಕರ್ವ, ರಘುವೀರ, ಬಕಾಸುರ, ಡ್ರೀಮ್ ಗರ್ಲ್ ಮುಂತಾದ ಚಿತ್ರಗಳಲ್ಲಿ ನಟಿಸಿರುವ ಇದೀಗ ನಾಯಕ ನಟನಾಗಿಯೂ ನೆಲೆ ನಿಲ್ಲುತ್ತಿದ್ದಾರೆ.

ಇದರ ಜೊತೆಗೇ ಈಗ ರಘು ಭಟ್ ಪ್ರೀತಿಸಿದ್ದ ಹುಡುಗಿಯ ಜೊತೆಗೇ ದಾಂಪತ್ಯ ಜೀವನಕ್ಕೆ ಅಡಿಯಿರಿಸಿದ್ದಾರೆ. ನಾಯಕ ನಟನಾಗಿ ಹಲವಾರು ಅವಕಾಶಗಳನ್ನೂ ಹೊಂದಿರುವ ರಘು ಭಟ್ ಅವರ ವೈವಾಹಿಕ ಜೀವನಕ್ಕೆ ಶುಭ ಹಾರೈಸೋಣ…

Continue Reading

Trending

Copyright © 2018 Cinibuzz