ಧನಂಜಯ್ ಅತ್ರೆ ನಿರ್ಮಾಣ ಮಾಡಿ ನಾಯಕನಾಗಿ ನಟಿಸಿರೋ ಚಿತ್ರ ಕರ್ಷಣಂ. ವಿಭಿನ್ನವಾದ ಶೀರ್ಷಿಕೆಯಿಂದಲೇ ಪ್ರೇಕ್ಷಕರ ಚಿತ್ರವನ್ನು ತನ್ನತ್ತ ಸೆಳೆದುಕೊಂಡಿರೋ ಈ ಚಿತ್ರದ ಹಾಡುಗಳ ಬಿಡುಗಡೆಗೆ ಮುಹೂರ್ತ ಫಿಕ್ಸಾಗಿದೆ!

ಇದೇ ತಿಂಗಳ ೨೭ರಂದು ಈ ಚಿತ್ರದ ಹಾಡುಗಳನ್ನು ನಿರ್ಮಾಪಕ ರಾಕ್‌ಲೈನ್ ವೆಂಕಟೇಶ್ ಬಿಡುಗಡೆ ಮಾಡಲಿದ್ದಾರೆ. ಈ ಮೂಲಕ ಕರ್ಷಣಂ ಚಿತ್ರದ ಬಿಡುಗಡೆಯ ಕ್ಷಣಗಳೂ ಹತ್ತಿರಾಗಿವೆ.

ಶರವಣ ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶನ ಮಾಡಿರುವ ಕರ್ಷಣಂ ಚಿತ್ರ ಗೌರಿ ಅತ್ರೆ ಅವರ ಕಥೆಯನ್ನು ಹೊಂದಿದೆ. ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಹೊಂದಿರೋ ಈ ಚಿತ್ರದಲ್ಲಿ ಧನಂಜಯ ಅತ್ರೆ ಎರಡ್ಮೂರು ಶೇಡುಗಳಿರೋ ಸವಾಲಿನ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ನಾಯಕ ಎಲೆಕ್ಟ್ರಿಕಲ್ ಇಂಜಿನಿಯರ್. ಆತನಿಗೆ ಸ್ಲಂ ಬೇಸಿನ ಹಿನ್ನೆಲೆಯೂ ಇರೋದರಿಂದ ನಿಜವಾದ ಸ್ಲಂನಲ್ಲಿಯೇ ಶ್ರಮ ವಹಿಸಿ ಚಿತ್ರೀಕರಣ ಮಾಡಲಾಗಿದೆ.

ವಸಂತ ರಾವ್ ಎಂ ಕುಲಕರ್ಣಿ ಕಲಾ ನಿರ್ದೇಶನ, ಮೋಹನ್ ಎಂ ಮುಗುಡೇಶ್ವರ್ ಛಾಯಾಗ್ರಹಣ, ಗೌರಿ ಅತ್ರೆ ಕಥೆ, ವೆಂಕಟೇಶ್ ಸಂಕಲನ, ಎಸ್. ಎಸ್ ಅರ್ಜುನ್ ಸಹ ನಿರ್ದೇಶನ, ಅಶೋಕ್ , ಸತೀಶ್ ಬ್ರಹ್ಮಾವರ್ ಸಾಹಸವಿರೋ ಈ ಚಿತ್ರಕ್ಕೆ ಅನುಷಾ ರಾವ್ ನಾಯಕಿಯಾಗಿದ್ದಾರೆ. ಈ ಚಿತ್ರವನ್ನು ಯಾವುದಕ್ಕೂ ಕೊರತೆಯಾಗದಂತೆ ನಿರ್ಮಾಪಕನಾಗಿಯೂ ಜವಾಬ್ದಾರಿಯಿಂದ ಪೊರೆದಿರುವ ಧನಂಜಯ್ ಅತ್ರೆ, ನಾಯಕನಾಗಿಯೂ ಪಾದಾರ್ಪಣೆ ಮಾಡಿದ್ದಾರೆ. ಇದೇ ಇಪ್ಪತ್ತೇಳರಂದು ಆಡಿಯೋ ರಿಲೀಸಾದ ನಂತರ ಬಿಡುಗಡೆಯ ದಿನಾಂಕವೂ ಘೋಷಣೆಯಾಗಲಿದೆ.

#

Arun Kumar

ಇಂದಿನಿಂದ ಥೇಟರುಗಳ ತುಂಬಾ ಒಂಥರಾ ಬಣ್ಣಗಳು!

Previous article

AYOGYA REVIEW : MYSURU PAK SATISH-RACHITA ROCK

Next article

You may also like

Comments

Leave a reply

Your email address will not be published. Required fields are marked *