Connect with us

ಅಪ್‌ಡೇಟ್ಸ್

ಕೇಡಿ ನಂ ಒನ್ ಚಿತ್ರಕ್ಕಾಗಿ ನಡೆಯಲಿದೆ ಆಡಿಷನ್!

Published

on

ಅನೀಶ್ ತೇಜೇಶ್ವರ್ ನಟನೆಯ ಕೇಡಿ ನಂ ೧ ಚಿತ್ರಕ್ಕೀಗ ಬಿರುಸಿನ ತಯಾರಿಗಳು ಆರಂಭವಾಗಿವೆ. ಸಂಭಾಷಣೆಕಾರ ಪ್ರಶಾಂತ್ ರಾಜಪ್ಪ ಚೊಚ್ಚಲ ನಿರ್ದೇಶನದ ಈ ಚಿತ್ರದ ತಾರಾಗಣದ ಆಯ್ಕೆ ಕಾರ್ಯವೀಗ ಬಿರುಸಿನಿಂದ ನಡೆಯುತ್ತಿದೆ. ಅದರಲ್ಲಿಯೂ ಈ ಚಿತ್ರದ ನಾಯಕಿಯ ಆಐಕೆ ವಿಚಾರದಲ್ಲಿ ಹೊಸ ಪ್ರತಿಭೆಗಳಿಗೆ ವೇದಿಕೆ ಕಲ್ಪಿಸಲು ಚಿತ್ರತಂಡ ತೀರ್ಮಾನಿಸಿಯದೆ.

ನಾಯಕಿಯ ಆಯ್ಕೆಗಾಗಿಯೇ ಆಡಿಷನ್ ಒಂದನ್ನು ಆಯೋಜಿಸಲಾಗಿದೆ. ಹದಿನೆಂಟರಿಂದ ಇಪ್ಪತೈದು ವರ್ಷದೊಳಗಿನ ಯುವತಿಯರು ತಮ್ಮ ಭಾವ ಚಿತ್ರದೊಂದಿಗೆ winkwhistleauditions@gmail.com ವಿವರಗಳನ್ನು ಕಳಿಸುವ ಮೂಲಕ ಈ ಆಡಿಷನ್ನಿಗೆ ಪ್ರವೇಶ ಪಡೆಯ ಬಹುದಾಗಿದೆ. ಇದೇ ಸಂದರ್ಭದಲ್ಲಿ ಕೆಲ ಪೋಷಕ ಪಾತ್ರಗಳಿಗೂ ಕೂಡಾ ಆಡಿಷನ್ ಮೂಲಕವೇ ನಟ ನಟಿಯರನ್ನು ಆಯ್ಕೆ ಮಾಡಲೂ ಯೋಜಿಸಲಾಗಿದೆ.

ಪ್ರಶಾಂತ್ ರಾಜಪ್ಪ ಸ್ವತಂತ್ರ ನಿರ್ದೇಶಕರಾಗುತ್ತಿದ್ದಾರೆಂಬ ಸುದ್ದಿ ಹೊರ ಬಿದ್ದ ಬಳಿಕ ಈ ಚಿತ್ರದ ಟೈಟಲ್ ಲಾಂಚ್ ಆದಂದಿನಿಂದಲೂ ಈ ಚಿತ್ರ ಸುದ್ದಿ ಕೇಂದ್ರದಲ್ಲಿದೆ. ಆದ್ದರಿಂದಲೇ ಈ ಚಿತ್ರಕ್ಕೆ ನಾಯಕಿ ಯಾರಾಗುತ್ತಾರೆಂಬ ಬಗ್ಗೆಯೂ ಕುತೂಹಲವಿತ್ತು. ಕನ್ನಡ ಚಿತ್ರರಂಗದ ಸ್ಟಾರ್ ನಟಿಯರ ಹೆಸರೂ ಈ ಸಾಲಿನಲ್ಲಿ ವ್ಯಾಪಕವಾಗಿಯೇ ಕೇಳಿ ಬಂದಿತ್ತು. ಆದರೆ ಕೇಡಿಗೆ ಹೊಸಾ ಹುಡುಗಿಯನ್ನೇ ಜೋಡಿ ಮಾಡಲು ಪ್ರಶಾಂತ್ ರಾಜಪ್ಪ ನಿರ್ಧರಿಸಿದ್ದಾರೆ.

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಚಿತ್ರದ ಮೂಲಕ ಒಂದಸು ಮಟ್ಟದ ಗೆಲುವು ಪಡೆದಿದ್ದ ಅನೀಶ್ ತೇಜೇಶ್ವರ್ ಈ ಚಿತ್ರದಲ್ಲಿ ಪಕ್ಕಾ ಹಳ್ಳಿ ಗೆಟಪ್ಪಿನಲ್ಲಿ ಕಾಣಿಸಿಕೊಳದ್ಳಲಿರೋ ಖುಷಿಯಲ್ಲಿದ್ದಾರೆ. ಇದುವರೆಗೂ ಸ್ಟೈಲಿಶ್ ಲುಕ್ಕಿನಲ್ಲಿಯೇ ನಟಿಸುತ್ತಾ ಬಂದಿದ್ದ ಅನೀಶ್ ಹಳ್ಳಿ ಹೈದನಾಗಿ ಹೇಗೆ ಕಾಣಿಸಲಿದ್ದಾರೆಂಬುದನ್ನು ನೋಡಲು ಬಗ್ಗೆ ಅವರ ಅಭಿಮಾನಿ ಬಳಗ ಕಾತರದಿಂದ ಕಾಯಲಾರಂಭಿಸಿದೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಅಪ್‌ಡೇಟ್ಸ್

ಮಡಿಕೇರಿ ಕಾಡೊಳಗೆ ಕ್ಲೈಮ್ಯಾಕ್ಸ್ ಉದ್ಘರ್ಷ!

Published

on

ಸುನೀಲ್ ಕುಮಾರ್ ದೇಸಾಯಿ… ಹೀಗೊಂದು ಹೆಸರು ಕೇಳುತ್ತಲೇ ಒಂದೊಳ್ಳೆ ಚಿತ್ರಗಳ ಸಾಲೇ ಕಣ್ಮುಂದೆ ಬರುತ್ತೆ. ತಾವು ನಿರ್ದೇಶಕನಾಗಿ ಬಂದ ನಂತರ ಜನರೇಷನ್ನೇ ಬದಲಾಗಿದ್ದರೂ ಅದಕ್ಕನುಗುಣವಾಗಿ ಅಪ್‌ಡೇಟ್ ಆಗಿರೋ ದೇಸಾಯಿ ಇದೀಗ `ಉದ್ಘರ್ಷ’ ಚಿತ್ರದ ಮೂಲಕ ಮೈಕೊಡವಿಕೊಂಡಿದ್ದಾರೆ. ಮಡಿಕೇರಿಯಲ್ಲಿ ನಡೆಯುತ್ತಿರೋ ಈ ಚಿತ್ರದ ಕ್ಲೈಮ್ಯಾಕ್ಸ್ ಚಿತ್ರೀಕರಣದ ರೀತಿ ನೋಡಿದರೆ ಸುನೀಲ್ ಕುಮಾರ್ ದೇಸಾಯಿ ಹಳೇ ಖದರ್ರಿನೊಂದಿಗೆ ಎದ್ದು ನಿಲ್ಲೋ ಎಲ್ಲ ಲಕ್ಷಣಗಳೂ ಕಾಣಿಸುತ್ತಿವೆ!


ಇದೀಗ ಮಡಿಕೇರಿಯ ವಿಷಿಷ್ಠವಾದೊಂದು ಪ್ರದೇಶದಲ್ಲಿ ಉದ್ಘರ್ಷ ಚಿತ್ರದ ಕ್ಲೈಮ್ಯಾಕ್ಸ್ ಭಾಗದ ಚಿತ್ರೀಕರಣ ನಡೆಯುತ್ತಿದೆ. ಅದು ಕಾಡಿನೊಂದಿಗೆ ಬೆಸೆದುಕೊಂಡಂತಿರುವ ಕಾಫಿ ತೋಟ. ಅದರ ಮಧ್ಯದಲ್ಲೊಂದು ಬ್ರಿಟಿಷರ ಕಾಲದ ಪಳೆಯುಳಿಕೆಯಂತಿರೋ ದೊಡ್ಡ ಬಂಗಲೆ. ಅದರ ಇಕ್ಕೆಲದಲ್ಲಿಯೇ ಕಾಡೊಳಗಿಂದ ತಪ್ಪಿಸಿಕೊಂಡು ಬಂದಂತಿರೋ ಹುಡುಗಿ. ಮೈಗೆ ಗೋಣಿ ಚೀಲವನ್ನೇ ಹೊದ್ದುಕೊಂಡಿರೋ ಆಕೆಯ ಮೈತುಂಬಾ ರಕ್ತ ಒಸರುವಂಥಾ ಗಾಯ. ಆಕೆ ಈ ರಕ್ಕಸ ಗಾತ್ರದ ಬಂಗಲೆಯ ಇಕ್ಕೆಲದಲ್ಲಿ ತಪ್ಪಿಸಿಕೊಳ್ಳಲು ಹವಣಿಸುವ ದೃಷ್ಯಾವಳಿ ಇಂದು ಚಿತ್ರೀಕರಣಗೊಂಡಿದೆ.


ಒಟ್ಟಾರೆಯಾಗಿ ಈ ಚಿತ್ರೀಕರಣ ನಡೆಯುತ್ತಿರೋ ರೀತಿ ನಿಜಕ್ಕೂ ಮತ್ತೊಮ್ಮೆ ಸುನೀಲ್ ಕುಮಾರ್ ದೇಸಾಯಿ ಪರ್ವವೊಂದು ಆರಂಭವಾಗಲಿರೋ ಲಕ್ಷಣದಂತೆಯೇ ಕಾಣಿಸುತ್ತಿದೆ.

ನಮ್ಮೂರ ಮಂದಾರ ಹೂವೆ ಚಿತ್ರದಂಥಾ ಸಾರ್ವಕಾಲಿಕ ಹಿಟ್ ಚಿತ್ರಗಳನ್ನು ನಿರ್ದೇಶನ ಮಾಡಿರೋ ದೇಸಾಯಿ ಉತ್ಕರ್ಷ, ನಿಶ್ಕರ್ಷ, ಬೆಳದಿಂಗಳ ಬಾಲೆ ಮುಂತಾದ ಸಾರ್ವಕಾಲಿಕ ಹಿಟ್ ಚಿತ್ರಗಳ ಮೂಲಕ ನೆಲೆ ನಿಂತಿರೋ ದೇಸಾಯಿ, ಉದ್ಘರ್ಷ ಚಿತ್ರದ ಮೂಲಕ ಮತ್ತೊಂದು ಮಹಾ ಗೆಲುವಿಗೆ ರೂವಾರಿಯಾಗೋ ಛಾಯೆ ಮಡಿಕೇರಿಯಲ್ಲಿ ಚಿತ್ರೀಕರಣ ನಡೆಯುತ್ತಿರೋ ಪ್ರದೇಶದ ತುಂಬಾ ಕಾಣಿಸಿಕೊಂಡಿದ್ದರಲ್ಲಿ ಅಚ್ಚರಿ ಪಡುವಂಥಾದ್ದೇನೂ ಇಲ್ಲ.
ಈಗಾಗಲೇ ಈ ಚಿತ್ರ ಹೈದ್ರಾಬಾದ್ ಮುಂತಾದೆಡೆಗಳಲ್ಲಿನ ರೆಸಾರ್ಟುಗಳಲ್ಲಿ, ರಾಮೋಜಿ ಫಿಲಂ ಸಿಟಿಯಲ್ಲಿ ಅರವತೈದು ದಿನಗಳ ಚಿತ್ರೀಕರಣ ಮುಗಿಸಿಕೊಂಡಿದೆ. ಇದೀಗ ಮಡಿಕೇರಿಯಲ್ಲಿ ಕ್ಲೈಮ್ಯಾಕ್ಸ್ ಭಾಗದ ಚಿತ್ರೀಕರಣ ನಡೆಯುತ್ತಿದೆ. ಇನ್ನೊಂದು ಆರು ದಿನಗಳ ಕಾಲ ಚಿತ್ರೀಕರಣ ಸಮಾಪ್ತಿಯಾದರೆ ಉದ್ಘರ್ಷ ಚಿತ್ರ ಅಂತಿಮ ಹಂತ ತಲುಪುತ್ತದೆ. ವಿಶೇಷವೆಂದರೆ, ಈ ಚಿತ್ರದ ಮೂಲಕ ಪರಭಾಷೆಗಳಲ್ಲಿಯೂ ಬಾರೀ ಬೇಡಿಕೆ ಹೊಂದಿರುವ ನಟ ಠಾಕೂರ್ ಅನೂಪ್ ಸಿಂಗ್ ನಾಯಕನಾಗಿ ನಟಿಸಿದ್ದಾರೆ. ಕೆಲ ಜನಪ್ರಿಯ ಟಿವಿ ಶೋಗಳು ಸೇರಿದಂತೆ ಸಿಂಗಂ ಚಿತ್ರದಲ್ಲಿಯೂ ಖಳನಾಗಿ ನಟಿಸಿದ್ದವರು ಠಾಕೂರ್ ಅನೂಪ್ ಸಿಂಗ್. ಇದೀಗ ದರ್ಶನ್ ಅಭಿನಯದ ಯಜಮಾನ ಚಿತ್ರದಲ್ಲಿಯೂ ಖಳನಾಗಿ ಅಭಿನಯಿಸಿದ್ದಾರೆ. ಆದರೆ ಅವರು ನಾಯಕನಾಗಿರೋ ಮೊದಲ ಚಿತ್ರ ಉದ್ಘರ್ಷ.


ಇನ್ನುಳಿದಂತೆ ಈ ಚಿತ್ರದ ನಾಯಕಿಯಾಗಿರುವಾಕೆ ದನ್ಷಿಕಾ. ಈಕೆ ಕಬಾಲಿ ಚಿತ್ರದಲ್ಲಿ ರಜನೀಕಾಂತ್ ಮಗಳಾಗಿ ನಟಿಸಿದ್ದ ಹುಡುಗಿ. ಇದೀಗ ಮಡಿಕೇರಿಯಲ್ಲಿ ಈಕೆಯ ಭಾಗದ ಚಿತ್ರೀಕರಣವೇ ನಡೆಯುತ್ತಿದೆ. ಮೈ ತುಂಬಾ ಗಾಯ ಮಾಡಿಕೊಂಡು, ರಕ್ತ ಸೋರುತ್ತಿರುವ, ಗೋಣಿ ಚೀಲ ಹೊದ್ದುಕೊಂಡಿರೋ ಅವತಾರದಲ್ಲಿ ದಂತಿಕಾ ನಟಿಸುತ್ತಿದ್ದಾಳೆ. ದೇವರಾಜ್ ಆರ್ ನಿರ್ಮಾಣ ಮಾಡಿರುವ ಈ ಚಿತ್ರಕ್ಕೆ ಬಾಲಿವುಡ್‌ನಲ್ಲಿಯೂ ಹೆಸರು ಮಾಡಿರುವ ಸಂಜೋಯ್ ಜೋಷಿ ಹಿನ್ನೆಲೆ ಸಂಗೀತ ನೀಡಿದ್ದಾರೆ. ತಾನ್ಯಾ ಹೋಪೆ, ಕಬೀರ್ ಸಿಂಗ್ ದುಹಾನ್, ಹರ್ಷಿಕಾ ಪುಣಚ್ಚ ಮುಂತಾದವರು ನಟಿಸಿದ್ದಾರೆ.

Continue Reading

ಅಪ್‌ಡೇಟ್ಸ್

ಇದು ಕನ್ನಡಪ್ರೇಮಿ ಹುಡುಗನ ಮೊದಲ ಕನಸು!

Published

on

ಇತ್ತೀಚೆಗೆ ಬಿಡುಗಡೆಯಾಗಿದ್ದ ಹಾಡುಗಳ ಅಲೆಯಲ್ಲಿಯೇ ಪ್ರೇಕ್ಷಕರನ್ನು ತಲುಪಿಕೊಂಡಿರೋ ಚಿತ್ರ ರುದ್ರಾಕ್ಷಿಪುರ. ಹೆಸರಲ್ಲೇ ಒಂಥರಾ ರಹಸ್ಯ ಬಚ್ಚಿಟ್ಟುಕೊಂಡಿರೋ ಈ ಚಿತ್ರ ಥ್ರಿಲ್ಲರ್ ಕಥೆ ಹೊಂದಿದೆ ಎಂಬುದಷ್ಟೇ ಈವರೆಗೆ ಬಯಲಾಗಿರೋ ಅಂಶ. ಇದನ್ನು ಹೊರತಾಗಿಸಿ ಮತ್ತೆಲ್ಲವನ್ನೂ ನಿಗೂಢವಾಗಿಟ್ಟಿರೋ ನಿರ್ದೇಶಕ ಈಶ್ವರ್ ಪೋಲಂಕಿ ಪಾಲಿಗಿದು ಮೊದಲ ಕನಸು!

ಶಿಲ್ಪಿಯೂ ಆಗಿರುವ ನಾಗರಾಜ್ ಮುರುಡೇಶ್ವರ್ ನಿರ್ಮಾಣದ ಚಿತ್ರ ರುದ್ರಾಕ್ಷಿಪುರ. ದಾವಣಗೆರೆಯ ಹುಡುಗ ಅರ್ಜುನ್ ಸಹಾನ್ ಮತ್ತು ರೂಪಿಕ ಈ ಚಿತ್ರದಲ್ಲಿ ನಾಯಕ, ನಾಯಕಿಯರಾಗಿ ಅಭಿನಯಿಸಿದ್ದಾರೆ. ರವಿ ಚೇತನ್ ವಿಲನ್ ಆಗಿ ಆರ್ಭಟಿಸಿದ್ದಾರೆ. ಥ್ರಿಲ್ಲರ್ ಕಥೆಯೊಂದನ್ನು ಬೇರೆಯದ್ದೇ ವಿಧಾನದ ಕಮರ್ಷಿಯಲ್ ವೇಯಲ್ಲಿ ಹೇಳಲಾಗಿದೆ ಅಂತಷ್ಟೇ ವಿವರ ಕೊಡುವ ನಿರ್ದೇಶಕರು, ಈ ಮೂಲ ರುದ್ರಾಕ್ಷಿಪುರದತ್ತ ಕೌತುಕದ ದೃಷ್ಟಿ ನೆಡುವಂತೆಯೂ ಮಾಡುತ್ತಾರೆ.

ಈಶ್ವರ್ ಪೋಲಂಕಿ ಮೂಲತಃ ಆಂಧ್ರಪ್ರದೇಶದವರು. ಧರ್ಮಾವರಂ ಅವರ ಮೂಲ. ಆದರೆ ಅವರ ತಂದೆ ಧರ್ಮಾವರಂ ಸೀರೆಗಳ ವ್ಯಾಪಾರದ ಸಲುವಾಗಿ ವರ್ಷಾಂತರಗಳ ಹಿಂದೆ ಬೆಂಗಳೂರಿನಲ್ಲಿಯೇ ಬಂದು ನೆಲೆಯಾಗಿದ್ದಾರೆ. ಆದ್ದರಿಂದ ಈಶ್ವರ್ ಇಲ್ಲಿಯೇ ಓದಿ ಬೆಳೆದು ಪಕ್ಕಾ ಕನ್ನಡದ ಹುಡುಗನಾಗಿಯೇ ಬೆಳೆದಿದ್ದಾರೆ. ಇದಲ್ಲದೇ ಅಪಾರವಾದ ಕನ್ನಡಾಭಿಮಾನವನ್ನೂ ಹೊಂದಿದ್ದಾರೆ. ಅದು ಯಾವ ರೀತಿಯಲ್ಲಿದೆಯೆಂದರೆ, ಮುಂದ್ಯಾವತ್ತಾದರೂ ತಾನು ತೆಲುಗು ಚಿತ್ರವೊಂದನ್ನು ನಿರ್ದೇಶನ ಮಾಡಿದರೆ ಕನ್ನಡ ನಿರ್ದೇಶಕ ತೆಲುಗು ಚಿತ್ರ ನಿರ್ದೇಶನ ಮಾಡುತ್ತಿದ್ದಾರೆ ಅಂತ ಅನ್ನಿಸಿಕೊಳ್ಳೋದೇ ಅವರ ಇಂಗಿತ!

ಈಶ್ವರ್ ಪೋಲಂಕಿ ಮನೆಯವರ ಒತ್ತಾಸೆಗೆ ಮಣಿದು ಸಿಎ ಓದಲಾರಂಭಿಸಿದ್ದರಂತೆ. ಆದರೆ ಆರಂಭದಿಂದಲೂ ತಾನು ಸಿನಿಮಾ ನಿರ್ದೇಶಕನಾಗಬೇಕೆಂಬ ಇರಾದೆ ಹೊಂದಿದ್ದ ಅವರಿಗೆ ಲೆಕ್ಕಾಚಾರದ ಜಗತ್ತಿನಲ್ಲಿ ಕಳೆದು ಹೋಗೋದು ಸುತಾರಾಂ ಇಷ್ಟವಿರಲಿಲ್ಲ. ಕಡೆಗೂ ಧೈರ್ಯ ಮಾಡಿ ಮನೆ ಮಂದಿಯನ್ನು ಒಪ್ಪಿಸಿಯೇ ನಿರ್ದೇಶಕರಾಗಿರೋ ಈಶ್ವರ್ ಪಾಲಿಗೆ ರುದ್ರಾಕ್ಷಿಪುರ ಚಿತ್ರ ಮಹತ್ವಾಕಾಂಕ್ಷೆಯ ಮೊದಲ ಹೆಜ್ಜೆ.


ಪ್ರತೀ ಕ್ಷಣವೂ ಪ್ರೇಕ್ಷಕರನ್ನು ಕುತೂಹಲದ ಉತ್ತುಂಗದಲ್ಲಿಡುವ, ಭರ್ಜರಿ ಮನರಂಜನೆ ನೀಡುವ ಅಚ್ಚುಕಟ್ಟಾದ ಚಿತ್ರವೊಂದನ್ನು ನಿರ್ದೇಶನ ಮಾಡಿದ ಖುಷಿ ಈಶ್ವರ್‌ಗಿದೆ. ಮುಂದಿನ ತಿಂಗಳು ಈ ಚಿತ್ರವನ್ನು ತೆರೆಗಾಣಿಸುವ ಆಲೋಚನೆಯೂ ಅವರಲ್ಲಿದೆ.

Continue Reading

ಅಪ್‌ಡೇಟ್ಸ್

ಹೆಸರಘಟ್ಟದ ಕಾಲೇಜಿನಲ್ಲಿ ಕ್ರಿಕೆಟ್ ಸಾಹಸ!

Published

on

ಆರ್. ಚಂದ್ರು ನಿರ್ದೇಶನದ ಉಪೇಂದ್ರ ಅಭಿನಯಿಸುತ್ತಿರುವ ಐಲವ್‌ಯೂ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಎರಡನೇ ಬಾರಿ ಚಂದ್ರು ಮತ್ತು ಉಪ್ಪಿ ಕಾಂಬಿನೇಷನ್ನಿನ ಈ ಚಿತ್ರದ ಸಾಹಸ ದೃಷ್ಯಾವಳಿಗಳು ಹೆಸರಘಟ್ಟದ ಆಚಾರ್ಯ ಕಾಲೇಜಿನಲ್ಲಿ ಸೆರೆಹಿಡಿಯಲ್ಪಡುತ್ತಿವೆ.

ತಮಿಳಿನ ಖ್ಯಾತ ಸಾಹಸ ನಿರ್ದೇಶಕ ಗಣೇಶ್ ಅವರ ಸಮ್ಮುಖದಲ್ಲಿ ಐ ಲವ್ ಯೂ ಚಿತ್ರದ ಮೈ ನವಿರೇಳಿಸುವ ಸಾಹಸ ದೃಷ್ಯಾವಳಿಗಳ ಚಿತ್ರೀಕರಣ ನಡೆಯುತ್ತಿವೆ. ಉಪೇಂದ್ರ ಅವರ ಕಾಲೇಜ್ ಕ್ರಿಕೆಟ್‌ನ ರೋಚಕ ಸನ್ನಿವೇಶಗಳನ್ನು ಅವ್ಯಾಹತವಾಗಿ ಚಿತ್ರೀಕರಿಸಿಕೊಳ್ಳಲಾಗುತ್ತಿದೆ.

ಐ ಲವ್ ಯೂ ಸೆಟ್ ನಲ್ಲಿ ಉಪ್ಪಿ ಕ್ರಿಕೆಟ್ ಆಟ

Posted by R.Chandru on Monday, October 8, 2018

ಈ ಚಿತ್ರವನ್ನು ಆರ್ ಚಂದ್ರು ಅವರೇ ಸಿದ್ದೇಶ್ವರ ಎಂಟರ್‌ಪ್ರೈಸಸ್ ಅಡಿಯಲ್ಲಿ ನಿರ್ಮಾಣ ಮಾಡುತ್ತಿದ್ದಾರೆ. ಧಾರಾಳವಾಗಿಯೇ ಖರ್ಚು ಮಾಡಿ ಈ ಸಾಹಸ ದೃಷ್ಯಾವಳಿಗಳನ್ನು ಸೆರೆ ಹಿಡಿಯುತ್ತಿದ್ದಾರೆ. ಅದ್ದೂರಿ ವೆಚ್ಚದ ಈ ಸಾಹಸ ಸನ್ನಿವೇಶಗಳಲ್ಲಿ ಚಂದ್ರು ಅತ್ಯಂತ ದುಬಾರಿ ಕಾರುಗಳನ್ನು ಬಳಸಿಕೊಳ್ಳುತ್ತಿದ್ದಾರೆ. ಈ ಚಿತ್ರಕ್ಕೆ ಖ್ಯಾತ ಸಾಹಸ ನಿರ್ದೇಶಕ ಡಾ.ರವಿವರ್ಮ, ವಿನೋದ್ ಮತ್ತು ಗಣೇಶ್ ಸಾಹಸ ನಿರ್ದೇಶನ ಮಾಡಿದ್ದಾರೆ. ಈಗಾಗಲೇ ಬೇರೆ ಬೇರೆ ಭಾಷೆಗಳಲ್ಲಿಯೂ ನೃತ್ಯ ನಿರ್ದೇಶಕರಾಗಿ ಪ್ರಸಿದ್ಧಿ ಪಡೆದುಕೊಂಡಿರುವ ಚಿನ್ನಿ ಪ್ರಕಾಶ್ ಅವರು ಈ ಚಿತ್ರಕ್ಕೆ ನೃತ್ಯ ಸಂಯೋಜನೆ ಮಾಡಿದ್ದಾರೆ.

ಸಂಗೀತ, ನೃತ್ಯ, ಸಾಹಸ ಸೇರಿದಂತೆ ಈ ಚಿತ್ರವನ್ನು ಎಲ್ಲ ವಿಧದಲ್ಲಿಯೂ ರಿಚ್ ಆಗಿ ರೂಪಿಸಲು ಆರ್. ಚಂದ್ರು ಶ್ರಮಿಸುತ್ತಿದ್ದಾರೆ. ಚಿತ್ರೀಕರಣ ಆರಂಭವಾದ ಕ್ಷಣದಿಂದಲೂ ಈ ಚಿತ್ರ ಥರ ಥರದಲ್ಲಿ ಸದ್ದು ಮಾಡಿಕೊಂಡೇ ಬಂದಿದೆ. ಇದೀಗ ಮೈನವಿರೇಳಿಸೋ ಸಾಹಸ ಸನ್ನಿವೇಶಗಳ ಚಿತ್ರೀಕರಣದ ಮೂಲಕ ಮತ್ತೆ ಐ ಲವ್ ಯೂ ಚಿತ್ರದತ್ತ ಎಲ್ಲರ ಗಮನ ನೆಟ್ಟಿದೆ.a

Continue Reading

Trending

Copyright © 2018 Cinibuzz