Connect with us

ಸೌತ್ ಬಜ್

ಬಾಲಿವುಡ್ಡಲ್ಲಿ ಕಿರಿಕ್ ಸಾನ್ವಿ ಆದಳು ಜಾಕ್ವೆಲಿನ್!

Published

on

ರಕ್ಷಿತ್ ಶೆಟ್ಟಿ ಅಭಿನಯದ ಕಿರಿಕ್ ಪಾರ್ಟಿ ಚಿತ್ರ ಕನ್ನಡ ಮಾತ್ರವಲ್ಲದೇ ಬೇರೆ ಭಾಷೆಗಳಲ್ಲಿಯೂ ಭಾರೀ ಸದ್ದು ಮಾಡಿದ್ದೀಗ ಇತಿಹಾಸ. ಈ ಚಿತ್ರ ಬಾಲಿವುಡ್‌ಗೆ ರೀಮೇಕ್ ಆಗಲು ರೆಡಿಯಾಗೋ ಮೂಲಕ ಮತ್ತೆ ಸುದ್ದಿಯಲ್ಲಿದೆ. ಇದೀಗ ಕನ್ನಡ ಕಿರಿಕ್ ಪಾರ್ಟಿಯ ಹಿಂದಿ ರೀಮೇಕ್‌ನಲ್ಲಿ ಯಾರ್‍ಯಾರು ಯಾವ ಪಾತ್ರಗಳನ್ನು ಮಾಡಲಿದ್ದಾರೆಂಬ ಬಗ್ಗೆ ಕನ್ನಡದ ಪ್ರೇಕ್ಷಕರೆಲ್ಲ ಕುತೂಹಲಗೊಂಡಿದ್ದಾರೆ. ಈಗಾಗಲೇ ರಕ್ಷಿತ್ ಶೆಟ್ಟಿ ಪಾತ್ರವನ್ನು ಯಾರು ಮಾಡುತ್ತಿದ್ದಾರೆಂಬ ವಿಚಾರ ಜಾಹೀರಾಗಿದೆ. ಕಾರ್ತಿಕ್ ಆರ್ಯನ್ ಆ ಪಾತ್ರಕ್ಕೆ ಆಯ್ಕೆಯಾಗಿದ್ದಾರೆ. ಆದರೆ ಕನ್ನಡದ ಕಿರಿಕ್ ಪಾರ್ಟಿಯಲ್ಲಿ ರಶ್ಮಿಕಾ ಮಂದಣ್ಣ ನಟಿಸಿದ್ದ ಸಾನ್ವಿ ಪಾತ್ರವನ್ನು ಯಾರು ಮಾಡಲಿದ್ದಾರೆಂಬ ವಿಚಾರ ಈ ವರೆಗೂ ಯಕ್ಷ ಪ್ರಶ್ನೆಯಾಗಿಯೇ ಉಳಿದುಕೊಂಡಿತ್ತು. ಈಗ ಅದೂ ಈಗ ಪಕ್ಕಾ ಆಗಿದೆ. ಸಲ್ಮಾನ್ ಖಾನ್ ಪ್ರೇಯಸಿ ಜಾಕ್ವೆಲಿನ್ ಫೆರ್ನಾಂಡಿಸ್ ಸಾನ್ವಿಯಾಗಿ ನಟಿಸಲು ಆಯ್ಕೆಯಾಗಿದ್ದಾಳೆ.

ಚಿತ್ರತಂಡ ಕಿರಿಕ್ ಪಾರ್ಟಿ ರೀಮೇಕ್ ಮಾಡಲು ನಿರ್ಧರಿಸಿ ಅದರಲ್ಲಿನ ಪಾತ್ರಗಳಿಗೆ ಸೂಕ್ತವಾಗ ಬಾಲಿವುಡ್ ನಟ ನಟಿಯರಿಗಾಗಿ ತಲಾಶು ನಡೆಸುತ್ತಿತ್ತು. ನಾಯಕನಾಗಿ ಕಾರ್ತಿಕ್ ಆಯ್ಕೆಯಾದರೂ ಸಾನ್ವಿ ಪಾತ್ರಕ್ಕೆ ಮಾತ್ರ ಯಾರೂ ಸೂಟ್ ಆಗುತ್ತಿರಲಿಲ್ಲ. ಕಡೆಗೂ ಒಂದಷ್ಟು ನಾಯಕಿಯರ ಹುಡುಟ ನಡೆಸಿದ ಚಿತ್ರತಂಡ ಜಾಕ್ವೆಲಿನ್‌ಳನ್ನು ಆಯ್ಕೆ ಮಾಡಿಕೊಂಡಿದೆ.

ಒಂದು ರೇಂಜಿಗೆ ಜಾಕ್ವೆಲಿನ್ ಕನ್ನಡಕದ ಪೋಸಿನಲ್ಲಿ ಕನ್ನಡದ ಸಾನ್ವಿಯನ್ನು ಹೋಲುತ್ತಾಳೆ. ಈಗಾಗಲೇ ಒಂದಷ್ಟು ಚಿತ್ರಗಳಲ್ಲಿ ನಟಿಸಿರೋ ಆಕೆಗೆ ಈ ಪಾತ್ರ ನಿರ್ವಹಿಸೋದು ಕಷ್ಟವಾಗಲಿಕ್ಕಿಲ್ಲ ಎಂಬುದು ಚಿತ್ರ ತಂಡದ ಭರವಸೆ, ಜಾಕ್ಚವೆಲಿನ್ ಫರ್ನಾಂಡಿಸ್ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟ ನಂತರ ಥರ ಥರದಲ್ಲಿ ಸುದ್ದಿಯಲ್ಲಿರುವಾಕೆ. ಆದರೆ ಅದು ನಟನೆಯ ಕಾರಣಕ್ಕಲ್ಲ. ಬದಲಾಗಿ ಸಲ್ಮಾನ್ ಖಾನ್ ಜೊತೆಗಿನ ಪ್ರೇಮ ವ್ಯವಹಾರದ ಕಾರಣಕ್ಕೆ!

ಕನ್ನಡ ಕಿರಿಕ್ ಪಾರ್ಟಿ ಚಿತ್ರದಲ್ಲಿ ಮುಖ್ಯ ಆಕರ್ಷಣೆಯಾಗಿದ್ದದ್ದು ರಶ್ಮಿಕಾ ಮಂದಣ್ಣ ನಿರ್ವಹಿಸಿದ್ದ ಸಾನ್ವಿ ಪಾತ್ರ. ಇದರಲ್ಲಿನ ರಶ್ಮಿಕಾ ಲುಕ್ಕಿಗೆ ಹೈಕಳೆಲ್ಲ ಫಿದಾ ಆಗಿದ್ದರು. ಜಾಕ್ವೆಲಿನ್ ಕೂಡಾ ಬಾಲಿವುಡ್ಡಲ್ಲಿ ಇಂಥಾದ್ದೊಂದು ಕ್ರೇಜ್ ಹುಟ್ಟು ಹಾಕಿದರೂ ಅಚ್ಚರಿಯೇನಿಲ್ಲ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಸೌತ್ ಬಜ್

ಈ ಸಿನಿಮಾದಲ್ಲಿ ನಾಯಿಯೂ ನಾಯಕ!

Published

on

ಥರ ಥರದ ಕಿರಿಕ್ಕು ಮಾಡುತ್ತಲೇ ರೈಲ್ವೇ ಹಳಿ ಮೇಲೆ ಬಿದ್ದುಕೊಂಡು ಕಾಲೆತ್ತಿ ಪೋಸು ಕೊಟ್ಟರೂ ಸಂಯುಕ್ತಾ ಹೆಗ್ಡೆಯ ನಸೀಬು ಬದಲಾಗಲಿಲ್ಲ. ಕಾಲೇಜ್ ಕುಮಾರ ಚಿತ್ರದಲ್ಲಿ ನಟಿಸಿದ್ದೇ ಕೊನೆ. ಅಲ್ಲಿಂದಾಚೆಗೆ ಈಕೆಯನ್ನು ನಾಯಕಿಯನ್ನಾಗಿಸುವ ಸಾಹಸಕ್ಕೆ ಕನ್ನಡದಲ್ಲಿ ಯಾರೂ ಕೈ ಹಾಕಲಿಲ್ಲ. ಕನ್ನಡದಲ್ಲಿ ಹುಚ್ಚಾ ವೆಂಕಟನ ಖಾಸಾ ತಂಗಿಯೆಂದೇ ಬ್ರ್ಯಾಂಡ್ ಆಗಿರೋ ಈಕೆ ಕನ್ನಡದಲ್ಲಿ ನೆಲೆಗೊಳ್ಳೋದು ಕನಸಿನ ಮಾತೆಂಬ ವಾತಾವರಣವೇ ದಟ್ಟೈಸಿದೆ!

ಒಂದೆರಡು ಸಲ ಅರೆಬರೆ ಬಟ್ಟೆ ತೊಟ್ಟು ಅಸಹ್ಯದ ಪೋಸುಗಳಲ್ಲಿ ಕಾಣಿಸಿಕೊಂಡಿದ್ದ ಸಂಯುಕ್ತಾ ಮಂಗಳಾರತಿ ಮಾಡಿಸಿಕೊಂಡಿದ್ದಳು. ಅದಾದ ನಂತರ ಕಣ್ಮರೆಯಾದಂತಿದ್ದ ಈಕೆಯೀಗ ತಮಿಳು ಚಿತ್ರರಂಗದಲ್ಲಿ ಪ್ರತ್ಯಕ್ಷಳಾಗಿದ್ದಾಳೆ!

ಈ ಚಿತ್ರ ಈವತ್ತಿನ ಮನುಷ್ಯ ಸಂಬಂಧಗಳ ಸುತ್ತಾ ಸಾಗುತ್ತದೆಯಂತೆ. ಸ್ವೇಚ್ಚೆಯಂತಾಗಿರೋ ಸಂಬಂಧಗಳು ಮತ್ತು ಡಾಗ್ ಬ್ರೀಡಿಂಗ್ ಬಗೆಗಿನ ಅಪರೂಪದ ಕಥೆಯನ್ನು ಈ ಚಿತ್ರ ಹೊಂದಿದೆಯಂತೆ. ಈ ಚಿತ್ರದಲ್ಲಿ ನಾಯಿ ಕೂಡಾ ಬಹು ಮುಖ್ಯವಾದ ಪಾತ್ರ ಹೊಂದಿದೆಯಂತೆ. ಸದ್ಯಕ್ಕೆ ಈ ಚಿತ್ರದ ನಾಯಕಿಯಾಗಿ ಸಂಯುಕ್ತಾ ಹೆಗ್ಡೆ ಆಯ್ಕೆಯಾಗಿದ್ದಾಳೆ. ಸೂಕ್ತವಾದ ಶ್ವಾನವೊಂದಕ್ಕಾಗಿ ಚಿತ್ರತಂಡ ಹುಡುಕಾಟ ನಡೆಸುತ್ತಿದೆ.

ಕನ್ನಡದ ಹುಡುಗಿಯೊಬ್ಬಳು ಬೇರೆ ಭಾಷೆಗಳಲ್ಲಿಯೂ ಸದ್ದು ಮಾಡಿದರೆ ಅದು ಸಂತೋಷದ ವಿಚಾರವೇ. ಆದರೆ ಸಂಯುಕ್ತಾ ವಿಚಾರದಲ್ಲಿ ಹಾಗೆ ಖುಷಿ ಪಡಲು ಕನ್ನಡಿಗರಿಗೆ ಧೈರ್ಯ ಸಾಲುತ್ತಿಲ್ಲ. ಯಾಕೆಂದರೆ ಈ ಮೂಲಕ ನಮ್ಮಲ್ಲಿನ ಬಾಂಬೊಂದು ಬಾರ್ಡರು ದಾಟಿ ಹೋಗಿದೆ. ಅದು ಯಾವ ಕ್ಷಣದಲ್ಲಿ, ಯಾವ ಸ್ವರೂಪದಲ್ಲಿ ಆಸ್ಫೋಟಗೊಂಡು ರಂಖಲು ಸೃಷ್ಟಿಸುತ್ತದೋ ಹೇಳಲು ಬರುವುದಿಲ್ಲ!

Continue Reading

ಸೌತ್ ಬಜ್

ನೀನಾಸಂ ಸತೀಶ್ ಚಿತ್ರ ತಮಿಳಿಗೆ ರೀಮೇಕ್!

Published

on

ನೀನಾಸಂ ಸತೀಶ್ ಅಭಿನಯದ ಅಯೋಗ್ಯ ಚಿತ್ರ ಈಗಲೂ ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಇಪ್ಪತೈದನೇ ದಿನವನ್ನು ದಾಟಿಕೊಂಡು ಗೆಲುವಿನ ನಾಗಾಲೋಟದಲ್ಲಿರೋ ಈ ಚಿತ್ರವೀಗ ತಮಿಳಿಗೆ ರೀಮೇಕ್ ಆಗೋ ತಯಾರಿಯಲ್ಲಿದೆ. ತಮಿಳಿನ ಸ್ಟಾರ್ ನಟ ವಿಜಯ್ ಸೇತುಪಥಿ ತಮಿಳಿನಲ್ಲಿ ಅಯೋಗ್ಯನಾಗಿ ಕಾಣಿಸಿಕೊಳ್ಳಲು ರೆಡಿಯಾಗಿದ್ದಾರೆ.

ಥರ ಥರದ ಪಾತ್ರಗಳ ಮೂಲಕವೇ ತಮಿಳು ನಾಡಿನ ತುಂಬಾ ಅಭಿಮಾನಿಗಳನ್ನು ಪಡೆದುಕೊಂಡವರು ವಿಜಯ್ ಸೇತುಪಥಿ. ಅವರು ಇತ್ತೀಚೆಗಷ್ಟೇ ಅಯೋಗ್ಯ ಚಿತ್ರವನ್ನು ವೀಕ್ಷಿಸಿದ್ದಾರೆ. ಇದು ತಾನು ಬಯಸೋ ಕಥಾ ಹಂದರವನ್ನೇ ಹೊಂದಿರೋ ಚಿತ್ರ ಅಂತ ಖುಷಿಗೊಂಡಿರೋ ಸೇತುಪತಿ ತಾವದರಲ್ಲಿ ನಟಿಸಬೇಕೆಂದು ಬಳಿ ಬಂದ ತಂಡಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ.

ಈ ಹಿಂದೆ ನಡುವುಳ್ ಕೊಂಜಮ್ ಪಕ್ಕತಾ ಕಾಣುಂ ಎಂಬ ಚಿತ್ರದ ರೀಮೇಕಿನಲ್ಲಿ ನೀನಾಸಂ ಸತೀಶ ನಟಿಸಿದ್ದರು. ವಿಜಯ್ ಸೇತುಪಥಿ ನಟಿಸಿದ್ದ ಈ ಚಿತ್ರ ಕನ್ನಡದಲ್ಲಿ ಕ್ವಾಟ್ಲೆ ಸತೀಶ ಚಿತ್ರವಾಗಿ ತೆರೆ ಕಂಡಿತ್ತು. ಇದೀಗ ಅದೇ ಸೇತುಪಥಿ ಸತೀಶ್ ಅಭಿನಯದ ಅಯೋಗ್ಯ ಚಿತ್ರವನ್ನು ಮೆಚ್ಚಿಕೊಂಡಿದ್ದಾರೆ. ಈ ಪಾತ್ರದಲ್ಲಿ ನಟಿಸಲೂ ಉತ್ಸುಕರಾಗಿದ್ದಾರೆ.

ರೀಮೇಕ್ ಹಕ್ಕುಗಳ ಬಗೆಗಿನ ಮಾತುಕತೆ ಇದೀಗ ನಡೆಯುತ್ತಿದೆ. ಇನ್ನೇನು ಅದೂ ಕೂಡಾ ಮುಗಿಯಲಿದೆ. ಸದ್ಯದಲ್ಲಿಯೇ ಅಯೋಗ್ಯ ಚಿತ್ರ ತಮಿಳಿನಲ್ಲಿಯೂ ಸೆಟ್ಟೇರಲಿದೆ.

Continue Reading

ಸೌತ್ ಬಜ್

ಹಿಂದಿಯಲ್ಲೂ ಚಾಲೆಂಜಿಂಗ್ ಸ್ಟಾರ್ ಚಕ್ರವರ್ತಿ ಅಬ್ಬರ!

Published

on

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ, ಎ.ವಿ. ಚಿಂತನ್ ನಿರ್ದೇಶನದ ಚಕ್ರವರ್ತಿ ಚಿತ್ರವೀಗ ಹಿಂದಿ ಭಾಷೆಗೂ ಡಬ್ ಆಗಿದೆ. ಕಳೆದ ವರ್ಷ ಬಿಡುಗಡೆಯಾಗಿದ್ದ ಚಿಂತನ್ ನಿರ್ದೇಶನದ ಈ ಚಿತ್ರದ ಹಿಂದಿ ಡಬ್ಬಿಂಗ್ ವರ್ಷನ್ ಯೂಟ್ಯೂಬ್‌ನಲ್ಲಿ ಹೊಸಾ ಅಲೆಯನ್ನೇ ಎಬ್ಬಿಸಿದೆ!

ಈ ತಿಂಗಳ ಮೂರನೇ ತಾರೀಕಿನಂದು ಚಕ್ರವರ್ತಿ ಚಿತ್ರದ ಹಿಂದಿ ಡಬ್ಬಿಂಗ್ ವರ್ಷನ್ ಯೂಟ್ಯೂಬ್‌ನಲ್ಲಿ ಬಿಡುಗಡೆಯಾಗಿತ್ತು. ಅದಾಗಿ ಎರಡು ದಿನ ಕಳೆಯೋದರೊಳಗೇ ಏಳು ಮಿಲಿಯನ್‌ಗೂ ಅಧಿಕ ಮಂದಿ ಇದನ್ನು ವೀಕ್ಷಿಸಿದ್ದಾರೆ. ಒಟಾರೆ ಚಿತ್ರದ ಬಗ್ಗೆ ಭಾರೀ ಮೆಚ್ಚುಗೆಗಲೂ ಹರಿದು ಬಂದಿವೆ. ಈ ಮೂಲಕ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಚಿತ್ರವನ್ನು ಹಿಂದಿಯ ಪ್ರೇಕ್ಷಕರೂ ಮೆಚ್ಚಿಕೊಂಡಿದ್ದಾರೆ.

ದರ್ಶನ್ ಅಭಿನಯದ ಈ ಚಿತ್ರ ಕಳೆದ ವರ್ಷದ ಅತಿ ದೊಡ್ಡ ಬಜೆಟಿನ ಚಿತ್ರವಾಗಿ ಹೊರ ಹೊಮ್ಮಿತ್ತು. ಬಾಲಿವುಡ್ ಚಿತ್ರಗಳನ್ನೇ ಸರಿಗಟ್ಟುವಂತೆ ಟ್ರೆಂಡಿಂಗ್ ಕ್ರಿಯೇಟ್ ಮಾಡಿದ್ದ ಈ ಚಿತ್ರದ ಆರಂಭಿಕ ಅಬ್ಬರ ಇಡೀ ಭಾರತೀಯ ಚಿತ್ರರಂಗವೇ ಕನ್ನಡದತ್ತ ತಿರುಗಿ ನೋಡುವಂತೆ ಮಾಡಿದ್ದದ್ದು ಸುಳ್ಳಲ್ಲ.

ಭೂಗತದ ಛಾಯೆಯೊಂದಿಗೆ ಖದರ್ ತುಂಬಿದ ಕಥೆಯೊಂದನ್ನು ಹೊಂದಿದ್ದ ಈ ಚಿತ್ರ ಕನ್ನಡದಲ್ಲಿ ತಕ್ಕಮಟ್ಟಿಗೆ ಯಶ ಕಂಡಿತ್ತು. ಇದೀಗ ಅಖಂಡ ವರ್ಷದ ನಂತರ ಚಕ್ರವರ್ತಿ ಹಿಂದಿಯಲ್ಲಿ ಅಬ್ಬರಿಸುತ್ತಿದ್ದಾನೆ!

Continue Reading

Trending

Copyright © 2018 Cinibuzz