Connect with us

ಪ್ರೆಸ್ ಮೀಟ್

ಮನಸಿನ ಮರೆಯಲಿ 9 ರಂದು ಬಿಡುಗಡೆ

Published

on


ಆಸ್ಕರ್, ಮಿಸ್ ಮಲ್ಲಿಗೆಯಂತಹ ವಿಭಿನ್ನ ಶೈಲಿಯ ಚಿತ್ರಗಳನ್ನು ನಿರ್ದೇಶಿಸಿದ್ದ ಆಸ್ಕರ್ ಕೃಷ್ಣರವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಮತ್ತೊಂದು ಚಲನಚಿತ್ರ ಮನಸಿನ ಮರೆಯಲಿ. ಈ ವರೆಗೆ ಥ್ರೀಲ್ಲರ್, ರೋಮ್ಯಾಂಟಿಕ್ ಸಿನಿಮಾಗಳನ್ನೇ ನಿರ್ದೇಶಿಸಿದ್ದ ಆಸ್ಕರ್ ಕೃಷ್ಣ ಇದೇ ಮೊದಲ ಬಾರಿಗೆ ಒಂದು ಅಪ್ಪಟ ಪ್ರೇಮ ಕಥೆಯನ್ನು ತೆಗೆದುಕೊಂಡು ನಿರ್ದೇಶನ ಮಾಡಿದ್ದಾರೆ. ಇದೇ ಶುಕ್ರವಾರ ರಾಜ್ಯಾದ್ಯಾಂತ ತೆರೆಕಾಣುತ್ತಿರುವ ಈ ಚಿತ್ರದಲ್ಲಿ ಕಿಶೋರ್ ಯಾದವ್ ಹಾಗೂ ದಿವ್ಯ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ಈ ಚಿತ್ರಕ್ಕೆ ಕಿಂಗ್ ಲಿಂಗರಾಜು ಬಂಡವಾಳ ಹೂಡಿ ನಿರ್ಮಾಣ ಮಾಡಿದ್ದಾರೆ.

ಶ್ರೀಮತಿ. ಶಬೀನಾ ಅರಾ ಸಹ ನಿರ್ಮಾಪಕರಾಗಿದ್ದಾರೆ. ಈ ಚಿತ್ರಕ್ಕೆ ಸಾಯಿರಾಂ ಚಿತ್ರಕತೆ. ಸಂಭಾಷಣೆ ಬರೆದಿದ್ದಾರೆ. ಮೊನ್ನೆ ನಡೆದ ಚಿತ್ರದ ಬಿಡುಗಡೆ ಪೂರ್ವ ಪತ್ರಿಕಾಗೋಷ್ಠಿ ಮಾತಾನಾಡಿದ ನಿರ್ದೇಶಕ ಕೃಷ್ಣ ಲವ್ ಸ್ಟೋರಿ ನನ್ನ ಮೊದಲ ಪ್ರಯತ್ನ ಈ ವರೆಗೆ ಥ್ರಿಲ್ಲರ್, ರೊಮ್ಯಾಂಟಿಕ್ ಸಿನಿಮಾಗಳನ್ನೆ ಮಾಡಿದ್ದ ನಾನು ಹೊಸದಾಗಿ ಟ್ರೈ ಮಾಡಿದ್ದೇನೆ. ಇಂತಹ ಸಿನಿಮಾಗಳಲ್ಲಿ ಗಿಮಿಕ್ ಮಾಡಲು ಸಾದ್ಯವಿಲ, ನೈಜತೆಗೆ ಹತ್ತಿರವಿದ್ದರೆ ಜನ ಪಾತ್ರಗಳಿಗೆ ರಿಲೇಟ್ ಮಾಡಿಕೊಳ್ಳುತ್ತಾರೆ. ಲಿಂಗರಾಜು ಕೂಡ ಒಂದೇ ಮಾತಿಗೆ ಒಪ್ಪಿಕೊಂಡರು, ಟೈಟಲ್ ಹಿಂದೆಯೇ ಅಂದುಕೊಂಡಿದ್ದೇ ಅದು ಈ ಕಥೆಗೆ ಸೂಟ್ ಆಯಿತು. ಕಿಶೋರ್ ತೆಲುಗು ಹೀರೋತರ ಇದ್ದಾನೆ, ಹೊಸಬರನ್ನು ಲಾಂಚ್ ಮಾಡಲು ಲವ್ ಸ್ಟೋರಿನೆ ಬೇಸ್ ಎಂದು ಸ್ನೇಹಿತರೆಲ್ಲಾ ಹೇಳಿದರು. ಒಂದು ಪ್ರೀತಿಯನ್ನು ಹಲವಾರು ಸಂದಂರ್ಭಗಳು ಭಾರ ಮಾಡುತ್ತವೆ ಸಣ್ಣದೊಂದು ಇಗೋ, ಕ್ಲಾಶ್‌ನಿಂದ ನಾಯಕ ನಾಯಕಿ ಇಬ್ಬರೂ ಬೇರೆಯಾಗುತ್ತಾರೆ. ನಮ್ಮ ನಮ್ಮ ಆಲೋಚನೆಗಳೆ ನಮಗೆ ವಿಲನ್ ಆಗುತ್ತವೆ ಎಂದು ಈ ಚಿತ್ರದಲ್ಲಿ ತೋರಿಸಿದ್ದೇವೆ ಎಂದು ಹೇಳಿದರು. ಬೆಂಗಳೂರು, ಮೈಸೂರು, ಮಡಿಕೇರಿ, ಕುಶಾಲನಗರ ಸುತ್ತಮುತ್ತಾ ಚಿತ್ರೀಕರಣ ನಡೆಸಲಾಗಿದ್ದು, ನವೆಂಬರ್ ೯ ರಂದು ರಿಲೀಸ್ ಆಗುತ್ತಿದೆ.

ನಾಯಕ ಕಿಶೋರ್ ಮಾತಾನಾಡಿ ಇದು ನನ್ನ ಪಸ್ಟ್ ಸಿನಿಮಾ ಕಮರ್ಷಿಯಲ್ ಎಲಿಮೆಂಟ್ಸ್ ಇರುವಂತಹ ಲವ್‌ಸ್ಟೋರಿ, ಪ್ರೀತಿ ಬಗ್ಗೆ ಯಾವುದೇ ನಂಬಿಕೆ ಇರದ ನಾಯಕ ಒಬ್ಬ ಹುಡುಗಿಯ ವಿಷಯದಲ್ಲಿ ಹೇಗೆ ನಂಬಿಕೆ ಉಳಿಸಿಕೊಳ್ಳುತ್ತಾನೆ ಎಂಬುದೇ ಈ ಚಿತ್ರದ ಎಳೆ ಎಂದು ಹೇಳಿದರು.

ನಿರ್ಮಾಪಕ ಕಿಂಗ್ ಲಿಂಗರಾಜು ಮಾತಾನಾಡಿ ಎಲ್ಲರೂ ಅವರವರ ಕೆಲಸಗಳನ್ನು ಅಚ್ಚುಕಟ್ಟಾಗಿ ನಿಭಾಯಿಸಿಕೊಂಡು ಬಂದಿದ್ದರಿಂದ ಸಿನಿಮಾ ಒಳ್ಳೆ ಸಮಯದಲ್ಲಿ ಹೊರಬರುತ್ತಿದೆ ಎಂದು ಹೇಳಿದರು. ಚಿತ್ರದಲ್ಲಿ ಕಳನಟನಾಗಿ ಕಾಣಿಸಿದ್ದ ವರ್ಧನ ಮಾತಾನಾಡಿ ತನ್ನ ಪಾತ್ರದ ಬಗ್ಗೆ ಹೇಳಿಕೊಂಡರು. ಮತ್ತೊಬ್ಬ ನಟ ನಂದಕುಮಾರ್ ಕೂಡ ಹಾಜರಿದ್ದರು.

Continue Reading
Advertisement
Click to comment

Leave a Reply

Your email address will not be published. Required fields are marked *

ಪ್ರೆಸ್ ಮೀಟ್

ಬುಡು ಬುಡುಕೆ ಬಡಿಯೋರ ಬದುಕಿನ ಬಗ್ಗೆ ನಿಮಗೆಷ್ಷು ಗೊತ್ತು?

Published

on


ಈ ಹಿಂದೆ ರಥಾವರ ಚಿತ್ರ ನಿರ್ದೇಶನ ಮಾಡಿದ್ದ ಚಂದ್ರಶೇಖರ ಬಂಡಿಯಪ್ಪರ ಹೊಸಾ ಚಿತ್ರ ತಾರಕಾಸುರ. ಈಗಾಗಲೇ ಭಿನ್ನವಾದ ಕಥೆಯೊಂದರ ಸುಳಿವಿನಿಂದ, ಎಂಥವರನ್ನೂ ಬೆರಗಾಗಿಸುವಂಥಾ ಪೋಸ್ಟರುಗಳಿಂದ ಈ ಚಿತ್ರ ಜನಮನ ಸೆಳೆದುಕೊಂಡಿದೆ. ಈ ಚಿತ್ರ ಈ ವಾರವೇ ತೆರೆ ಕಾಣಲಿದೆ.

ಈ ಚಿತ್ರದ ನಿರ್ಮಾಪಕರು. ಇವರ ಪುತ್ರ ವೈಭವ್ ನಾಯಕನಾಗಿ ಎಂಟ್ರಿ ಕೊಡುತ್ತಿದ್ದಾರೆ. ಮೊದಲ ಚಿತ್ರದಲ್ಲಿಯೇ ವೈಭವ್ ಥರ ಥರದ ಶೇಡುಗಳಿರೋ ಭಿನ್ನವಾದ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ಅದ್ಯಾವುದೋ ಲೇಖನವೊಂದನ್ನು ಓದುವಾಗ ನಶಿಸಿ ಹೋಗುತ್ತಿರೋ ವಿಶಷ್ಟ ಜಾನಪದ ಪ್ರಾಕಾರವೊಂದು ಬಂಡಿಯಪ್ಪನವರ ಕಣ್ಣಿಗೆ ಬಿದ್ದಿತ್ತು. ಎಂದಿನ ಕುತೂಹಲದಿಂದ ಅದರ ಬೆಂಬಿದ್ದವರಿಗೆ ಸಿಕ್ಕಿದ್ದು ವಿಸ್ಮಯಕರ ಮಾಹಿತಿ. ಇದರ ಮೂಲಕವೇ ತಾರಕಾಸುರ ಎಂಬ ಅಚ್ಚರಿಯ ಕಥೆಯೊಂದಕ್ಕೆ ಬಂಡಿಯಪ್ಪ ಜೀವ ತುಂಬಿದ್ದರು. ಈ ಹಿಂದೆ ರಥಾವರ ಚಿತ್ರದಲ್ಲಿ ಮಂಗಳಮುಖಿಯರ ಜಗತ್ತನ್ನು ತೆರೆದಿಟ್ಟಿದ್ದರಲ್ಲಾ? ಅಂಥದ್ದೇ ರೋಚಕತೆಯೊಂದಿಗೆ ಈ ಚಿತ್ರದಲ್ಲಿ ಬುಡುಬುಡ್ಕೆ ಸಮುದಾಯದ ಹಿನ್ನೆಲೆಯಲ್ಲಿ ಕಥೆ ಸಾಗಲಿದೆ.

ಒಂದು ಸಮುದಾಯದ ಸುತ್ತಲಿನ ಕಥಾ ಹಂದರ ಹೊಂದಿದ್ದರೂ ತಾರಕಾಸುರ ಪಕ್ಕಾ ಕಮರ್ಶಿಯಲ್ ಚಿತ್ರ. ಹಾಲಿವುಡ್‌ನ ಖ್ಯಾತ ನಟ ಡ್ಯಾನಿ ಸಫಾನಿ ಈ ಚಿತ್ರದಲ್ಲಿ ಮುಖ್ಯ ವಿಲನ್ ಆಗಿ ನಟಿಸಿದ್ದಾರೆ. ಅದೂ ಕೂಡಾ ಈ ಚಿತ್ರದ ಆಕರ್ಷಣೆಗಳಲ್ಲೊಂದಾಗಿದೆ. ಇದೂ ಸೇರಿದಂತೆ ತಾರಕಾಸುರನ ಬಗ್ಗೆ ಇಂಥಾದ್ದೊಂದು ಕೌತುಕ ಹುಟ್ಟಿಕೊಳ್ಳಲು ನಾನಾ ಕಾರಣಗಳಿವೆ.

Continue Reading

ಅಪ್‌ಡೇಟ್ಸ್

ಬೆಳದಿಂಗಳ ಬಾಲೆ ಸುಮನ್ ನಗರ್ ಕರ್ ಈಗ ಬ್ರಾಹ್ಮಿ!

Published

on

ಹೊಸ ಅಲೆಗಳನ್ನು ಮೂಡಿಸುತ್ತಿರುವ ಕನ್ನಡ ಚಿತ್ರರಂಗವು ಇತ್ತೀಚಿನ ದಿನಗಳಲ್ಲಿ ಬಹುತೇಕ ಪ್ರಯೋಗಾತ್ಮಕ ಚಿತ್ರಗಳನ್ನು ನಿರ್ಮಾಣ ಮಾಡಿ ಚಿತ್ರರಸಿಕರ ಮನಗೆದ್ದಿದೆ ಎಂದರೆ ತಪ್ಪಾಗಲಾರದು. ಇಂತಹದೊಂದು ಹೊಸ ಅಲೆಯ ಚಿತ್ರವನ್ನು ಖ್ಯಾತ ನಟಿ, ಬೆಳದಿಂಗಳ ಬಾಲೆ ಸುಮನ್ ನಗರ್ ಕರ್ ಅವರು ತಮ್ಮ ಹೊಸ ನಿರ್ಮಾಣ ಸಂಸ್ಥೆ ಸುಮನ್ ನಗರ್ ಕರ್ ಪ್ರೊಡಕ್ಷನ್ಸ್ ಅಡಿಯಲ್ಲಿ ನಿರ್ಮಾಣ ಮಾಡಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಈ ಚಿತ್ರದ ಹೆಸರು “ಬ್ರಾಹ್ಮಿ” . ಚಿತ್ರ ನಿರ್ಮಾಣದ ಜೊತೆಗೆ ಸುಮನ್ ಅವರು ಈ ಚಿತ್ರದಲ್ಲಿ ಮುಖ್ಯ ಪಾತ್ರದಲ್ಲಿಯೂ ಕಾಣಿಸಿಕೊಂಡಿದ್ದಾರೆ.

ಬ್ರಾಹ್ಮಿ ಅಂದರೆ ಸರಸ್ವತಿ, ವಿದ್ಯೆ ಮತ್ತು ಕಲೆಯ ಆರಾಧ್ಯ ದೇವತೆ. ಅದರಂತೆಯೇ ಈ ಚಿತ್ರವು ಆದ್ಯ ಎನ್ನುವ ಸಂಗೀತಗಾರ್ತಿಯ ಕಥೆ. ಸಂಗೀತವೇ ಸರ್ವಸ್ವ ಎಂದು ನಂಬಿದ್ದ ಆದ್ಯಾಳ ಬಾಳಿನಲ್ಲಿ ಬಿರುಗಾಳಿ ಬೀಸಿ ಸಂಗೀತವೇ ಅವಳಿಂದ ದೂರವಾಗುತ್ತದೆ. ಆದ್ಯಾಳ ಬಾಳಿನಲ್ಲಿ ಮತ್ತೆ ಸಂಗೀತ ವಾಪಸ್ಸಾಗುತ್ತದೆಯೇ ಎನ್ನುವುದೇ ಈ ಚಿತ್ರದ ಕಥಾವಸ್ತು. ಆದ್ಯಾಳ ಪಾತ್ರದಲ್ಲಿ ಸುಮನ್ ನಗರ್ ಕರ್ ಕಾಣಿಸಿಕೊಳ್ಳಲಿದ್ದಾರೆ. ಇನ್ನೊಂದು ಮುಖ್ಯ ಪಾತ್ರದಲ್ಲಿ, ಆದ್ಯಾಳ ಮ್ಯಾನೇಜರ್ ಅಚ್ಚಪ್ಪನಾಗಿ ಖ್ಯಾತ ನಟ ರಮೇಶ್ ಭಟ್ ಅವರು ಅಭಿನಯಿಸಿದ್ದಾರೆ. ಬಹಳ ವರ್ಷಗಳ ನಂತರ ಈ ಇಬ್ಬರು ಕಲಾವಿದರು ತೆರೆಯ ಮೇಲೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವುದು ಈ ಚಿತ್ರದ ವಿಶೇಷ. ಮತ್ತೊಂದು ಮುಖ್ಯ ಪಾತ್ರದಲ್ಲಿ ನಟಿ ಅನೂಷಾ ಕ್ರಷ್ಣ ಅಭಿನಯಿಸಿದ್ದಾರೆ. ಸತ್ಯ ಬಿ.ಜಿ ಒಂದು ವಿಭಿನ್ನ ಪಾತ್ರದಲ್ಲಿದ್ದಾರೆ.

ಈ ಚಿತ್ರದ ಕಥೆ ಪ್ರದೀಪ್ ವರ್ಮ ಅವರದ್ದು. ಚಿತ್ರಕಥೆ ಹಾಗೂ ಸಂಭಾಷಣೆ ರಂಗಭೂಮಿ ಹಿನ್ನೆಲೆಯುಳ್ಳ ಅಭಿಷೇಕ್ ಅಯ್ಯಂಗಾರ್ ಅವರದ್ದು. ಚಿತ್ರೀಕರಣ ನಿರ್ದೇಶನ ಪ್ರದೀಪ್ ವರ್ಮ ಹಾಗೂ co director ವಿಶ್ವನಾಥ್ ಪೆಡ್ನೇಕರ್ ಅವರದ್ದು . Post production ನಿರ್ವಹಿಸುತ್ತಿರುವವರು ವಿಶ್ವನಾಥ್ ಪೆಡ್ನೇಕರ್. ಛಾಯಾಗ್ರಹಣ ಗುರುಪ್ರಸಾದ್ ನಾರ್ನಾಡ್, ಸಂಕಲನ ಕೆಂಪರಾಜ್. ಚಿತ್ರದ ಸಂಗೀತ ನಿರ್ದೇಶಕರು ಬಿಂದುಮಾಲಿನಿ. ಸಾಹಿತ್ಯ – ಕಿರಣ್ ಕಾವೇರಪ್ಪ . ಚಿತ್ರದ ಕಾರ್ಯಕಾರಿ ನಿರ್ಮಾಪಕರು ಗುರುದೇವ್ ನಾಗರಾಜ.

Continue Reading

ಕಲರ್ ಸ್ಟ್ರೀಟ್

ದೀಪಾವಳಿ ಸಂಭ್ರಮಕ್ಕೆ ಸಾಥ್ ನೀಡಲಿರೋ ಎಂಎಲ್ಎ!

Published

on


ಬಿಗ್ಬಾಸ್ ವಿನ್ನರ್ ಪ್ರಥಮ್ ನಾಯಕನಾಗಿ ನಟಿಸಿರೋ ಬಹು ನಿರೀಕ್ಷಿತ ಚಿತ್ರ ಎಂಎಲ್ಎ. ಪ್ರಥಮ್ನನ್ನು ನಾಯಕ ನಟನಾಗಿ ನೆಲೆ ನಿಲ್ಲಿಸುತ್ತಲೇ, ಭಾರೀ ಗೆಲುವೊಂದರ ರೂವಾರಿಯಾಗಲಿದೆ ಎಂಬ ಭರವಸೆ ಹೊಂದಿರೋ ಈ ಚಿತ್ರ ದೀಪಾವಳಿ ವಿಶೇಷದಂತೆ ಈ ವಾರವೇ ಬಿಡುಗಡೆಗೆ ಸಜ್ಜಾಗಿದೆ!

ವೆಂಕಟೇಶ ರೆಡ್ಡಿ ನಿರ್ಮಾಣ ಮಾಡಿರುವ ಈ ಚಿತ್ರವನ್ನು ಮೌರ್ಯ ನಿರ್ದೇಶನ ಮಾಡಿದ್ದಾರೆ. ಪ್ರಥಮ್ ಬಿಗ್ಬಾಸ್ ಮನೆ ಸೇರಿಕೊಂಡಿದ್ದಾಗಲೇ ಅವರಿಗೆ ಸೂಟ್ ಆಗುವಂಥಾದ್ದೊಂದು ಕಥೆ ರೆಡಿ ಮಾಡಿಕೊಂಡಿದ್ದ ಮೌರ್ಯ ಪ್ರಯೋಗಾತ್ಮಕ ಅಂಶಗಳ ಮೂಲಕವೇ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಪ್ರಥಮ್ ಬಾಡಿ ಲ್ಯಾಂಗ್ವೇಜ್, ಹಾವಭಾವಗಳಿಗೆ ತಕ್ಕುದಾದ ಪಾತ್ರವನ್ನೇ ಸೃಷ್ಟಿಸಿ ಮೋಡಿ ಮಾಡಲು ತಯಾರಾಗಿದ್ದಾರೆ.

ಟ್ರೈಲರ್ ಮೂಲಕವೇ ಎಂಎಲ್ಎ ಹವಾ ಶುರುವಾಗಿತ್ತು. ಪ್ರಥಮ್ ನಟನೆಯಲ್ಲಿಯೂ ಸಾಕಷ್ಟು ಪಳಗಿಕೊಂಡೇ ನೆಲೆ ನಿಲ್ಲುವ ಸೂಚನೆಯೂ ಸಿಕ್ಕಿತ್ತು. ನಂತರ ಈ ಚಿತ್ರದ ಹಾಡುಗಳನ್ನು ಖುದ್ದು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ತಮ್ಮ ಪಿಆರ್ಕೆ ಸಂಸ್ಥೆಯ ಮೂಲಕ ಹೊರ ತಂದಿದ್ದರು. ಅದು ಎಂಎಲ್ಎ ಹಾಡುಗಳು ರೂಪುಗೊಂಡಿದ್ದ ಅಚ್ಚುಕಟ್ಟುತನಕ್ಕೆ ಸಾಕ್ಷಿ. ಆ ನಂತರ ಈ ಹಾಡುಗಳ ಬಗ್ಗೆ ಚಿತ್ರರಂಗದ ನಟ ನಟಿಯರೆಲ್ಲ ಮೆಚ್ಚುಗೆಯ ಮಾತಾಡಿ ಜನರೂ ಮೆಚ್ಚಿಕೊಂಡಿದ್ದರು.
ಕಣ್ಣಿಗೆ ಹಬ್ಬದಂಥಾ ಲೊಕೇಷನ್ನುಗಳಲ್ಲಿ ಮೌರ್ಯ ಎಂಎಲ್ಎ ಚಿತ್ರವನ್ನು ಚೆಂದಗಾಣಿಸಿದ ತೃಪ್ತಿ ಹೊಂದಿದ್ದಾರೆ. ನಿರ್ಮಾಪಕ ವೆಂಕಟೇಶ್ ಪ್ರತೀ ಹಂತದಲ್ಲಿಯೂ ಜೊತೆಗಿದ್ದು ಯಾವುದಕ್ಕು ಕೊರತೆಯಿಲ್ಲದಂತೆ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಎಂಎಲ್ಎಗೆ ಸೋನಲ್ ಮೊಂತೆರೋ ನಾಯಕಿಯಾಗಿ ನಟಿಸಿದ್ದಾರೆ. ಕುರಿ ಪ್ರತಾಪ್, ಸ್ಪರ್ಶ ರೇಖಾ, ರಾಜಶೇಖರ್, ಚಂದ್ರಕಲಾ, ಮೋಹನ್, ನವೀನ್ ಮುಂತಾದವರ ಭರ್ಜರಿ ತಾರಾಗಣವೂ ಈ ಚಿತ್ರದಲ್ಲಿದೆ. ಈ ದೀಪಾವಳಿಯ ಶುಭ ಸಂದರ್ಭದಲ್ಲಿ ಎಂಎಲ್ಎ ಅಬ್ಬರ ಶುರುವಾಗಲಿದೆ.

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz