Connect with us

ಫೋಕಸ್

ಚಜ್ಜಿರೊಟ್ಟಿ ಚವಳಿಕಾಯ್ ದುಡ್ಡಿಗೆ ಸೇರ್ ಬದನಿಕಾಯ್!

Published

on

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಇತ್ತೀಚಿನ ದಿನಗಳಲ್ಲಿ ಗಾಯಕರಾಗಿಯೂ ಪ್ರಸಿದ್ಧಿ ಪಡೆದುಕೊಂಡಿದ್ದಾರೆ. ಅವರು ಹಾಡಿದ ಹಾಡುಗಳು ಮಾತ್ರವಲ್ಲದೇ ಚಿತ್ರಗಳೂ ಗೆಲ್ಲುತ್ತವೆ ಎಂಬ ನಂಬಿಕೆಯೂ ಚಿತ್ರರಂಗದಲ್ಲಿ ಮನೆ ಮಾಡಿದೆ. ಇದೀಗ ಪುನೀತ್ ಅತ್ಯಂತ ಅಪರೂಪದ ಹಾಡೊಂದನ್ನು ಎಸ್.ಡಿ ಅರವಿಂದ್ ನಿರ್ದೇಶನದ ಮಟಾಶ್ ಚಿತ್ರಕ್ಕಾಗಿ ಹಾಡಿದ್ದಾರೆ. ಈ ಹಾಡು ಬಿಡುಗಡೆಯಾದ ಕೆಲವೇ ಕಾಲದಲ್ಲಿ ಸಾಮಾಜಿಕ ಜಾಲತಾಣಗಳ ತುಂಬಾ ಹರಡಿರುವ ಹವಾ ಸಣ್ಣದ್ದೇನಲ್ಲ!

ಪುನೀತ್ ರಾಜ್ ಕುಮಾರ್ ಇದುವರೆಗೂ ನಾನಾ ಹಾಡುಗಳನ್ನು ಹಾಡಿದ್ದಾರೆ. ಆದರೆ ಉತ್ತರ ಕರ್ನಾಟಕ ಸೀಮೆಯ ಜವಾರಿ ಹಾಡನ್ನು ಹಾಡಿರಲಿಲ್ಲ. ಆದರೆ ಅವರೀಗ ಉತ್ತರ ಕರ್ನಾಟಕ ಸೀಮೆಯ ಜಾನಪದ ಮಿಳಿತವಾಗುಇರುವಂಥಾ `ಚಜ್ಜಿರೊಟ್ಟಿ ಚವಳಿಕಾಯ್ ದುಡ್ಡಿಗೆ ಸೇರ್ ಬದನಿಕಾಯ್’ ಎಂಬ ಹಾಡನ್ನು ಪುನೀತ್ ಹಾಡಿದ್ದಾರೆ. ಉತ್ತರ ಕರ್ನಾಟಕದವರೇ ಆದ ಸುನೀಲ್ ಕುಮಾರ್ ಸುಧಾಕರ ಬರೆದಿರೋ ಈ ಹಾಡಿಗೆ ಜಾನಪದ ಘಮಲಿನ ಸಂಗೀತವನ್ನು ಸ್ವತಃ ಅರವಿಂದ್ ಅವರೇ ಸಂಯೋಜನೆ ಮಾಡಿದ್ದಾರೆ.

ಉತ್ತರ ಕರ್ನಾಟಕದ ವಿಜಯಪುರ ಮುಂತಾದ ಭಾಗಗಳ ಜಾನಪದ ಸ್ಪರ್ಶದೊಂದಿಗೆ ಮೂಡಿ ಬಂಣದಿರೋ ಈ ಹಾಡು ಚಿತ್ರದ ಪಾತ್ರಗಳನ್ನು ಪರಿಚಯಿಸೋ ಧಾಟಿಯಲ್ಲಿಯೂ ಇದೆ. ಈ ಹಾಡಿಗೆ ಈಗಾಗಲೇ ವ್ಯಾಪಕ ಪ್ರತಿಕ್ರಿಯೆಗಳೂ ಹರಿದು ಬರಲಾರಂಭಿಸಿವೆ. ಯೂ ಟ್ಯೂಬಿನಲ್ಲಿಯೂ ಈಗ ಈ ಹಾಡಿನ ಜವಾರಿ ಖದರು ಜೋರಾಗಿಯೇ ಇದೆ.

ಹೊಸಬರ ಚಿತ್ರಗಳಿಗೆ ಹಾಡಲು ಮನವಿ ಮಾಡಿದರೂ ಹೋಗಿ ಹಾಡೋ ಔದಾರ್ಯವನ್ನು ಪುನೀತ್ ರೂಢಿಸಿಕೊಂಡಿದ್ದಾರೆ. ಅರವಿಂದ್ ಇಂಥಾದ್ದೊಂದು ಬೇಡಿಕೆ ಇಟ್ಟಾಗಲಂತೂ ಅವರು ಮರು ಮಾತಿಲ್ಲದೆ ಒಪ್ಪಿಕೊಂಡಿದ್ದರಂತೆ. ಅದೇ ರೀತಿ ಇಡೀ ಹಾಡನ್ನು, ಸಾಹಿತ್ಯವನ್ನು ಎಂಜಾಯ್ ಮಾಡುತ್ತಲೇ ಪುನೀತ್ ಹಾಡಿದ್ದಾರೆ. ಈ ವರೆಗೂ ಪುನೀತ್ ಕುಂದಾಪುರ ಕನ್ನಡದ ಹಾಡನ್ನೂ ಹಾಡಿದ್ದಾರೆ. ಆದರೆ ಪಕ್ಕಾ ಉತ್ತರಕರ್ನಾಟಕ ಶೈಲಿಯ ಹಾಡೊಂದನ್ನು ಅವರು ಹಾಡಿರೋದು ಇದೇ ಮೊದಲು.
ಈ ಮೂಲಕ ಅರವಿಂದ್ ನಿರ್ದೇಶನದ ಮಟಾಶ್ ಚಿತ್ರ ಮತ್ತೊಂದು ಸುತ್ತಿನ ಪ್ರಚಾರ ಪಡೆದುಕೊಂಡಿದೆ. ಈ ಹಾಡಿನಿಂದಾಗಿಯೇ ಮತ್ತಷ್ಟು ಪ್ರೇಕ್ಷಕರು ಮಟಾಶ್ ಚಿತ್ರದತ್ತ ಕುತೂಹಲಗೊಂಡಿದ್ದಾರೆ.

ಕಲರ್ ಸ್ಟ್ರೀಟ್

ಪರದೇಸಿ ಕೇರಾಫ್ ಲಂಡನ್ ಇದು ಎರಡನೇ ಸಲದ ಮಹಾ ಸಂಗಮ!

Published

on


ಸಾಮಾನ್ಯವಾಗಿ ಒಂದೇ ತಂಡ, ನಾಯಕ ಮತ್ತು ನಿರ್ದೇಶಕರು ಒಂದರ ಹಿಂದೆ ಮತ್ತೊಂದು ಚಿತ್ರದಲ್ಲಿ ಜೊತೆಯಾಗೋದು ವಿರಳ. ಎಷ್ಟೋ ಸಲ ಒಂದು ಸಿನಿಮಾ ಮುಕ್ತಾಯಕ್ಕೂ ಮುನ್ನವೇ ತಂಡದೊಳಗಿನ ವಿಶ್ವಾಸವೂ ಸಮಾಪ್ತಿಗೊಂಡಿರುತ್ತದೆ. ಆದರೆ ಪರದೇಸಿ ಕೇರಾಫ್ ಲಂಡನ್ ವಿಚಾರದಲ್ಲದು ಪಕ್ಕಾ ತದ್ವಿರುದ್ಧ!

ಪರದೇಸಿ ಕೇರಾಫ್ ಲಂಡನ್ ಮೂಲಕ ನಿರ್ದೇಶಕ ರಾಜಶೇಖರ್ ಮತ್ತು ವಿಜಯ್ ರಾಘವೇಂದ್ರ ಎರಡನೇ ಸಲ ಒಂದಾಗಿದ್ದಾರೆ. ಈ ಹಿಂದೆ ಇದೇ ಜೋಡಿ ರಾಜ ಲವ್ಸ್ ರಾಧೆ ಚಿತ್ರದ ಮೂಲಕ ಗೆಲುವು ದಾಖಲಿಸಿತ್ತು. ಈಗ ಹೆಚ್ಚೂ ಕಮ್ಮಿ ಅದೇ ತಂಡವೇ ಸೇರಿಕೊಂಡು ಪರದೇಸಿ ಕೇರಾಫ್ ಲಂಡನ್ ಚಿತ್ರವನ್ನು ರೂಪಿಸಿದೆ.
ರಾಜ ಲವ್ಸ್ ರಾಧೆ ಚಿತ್ರ ಅಂತಿಮ ಹಂತ ತಲುಪೋ ಮುನ್ನವೇ ನಿರ್ದೇಶಕ ರಾಜಶೇಖರ್ ಹೊಸಾ ಕಥೆಯೊಂದಕ್ಕೆ ಕಾವು ಕೊಟ್ಟಿದ್ದರು. ಅದಕ್ಕೆ ವಿಜಯ್ ರಾಘವೇಂದ್ರ ಅವರೇ ನಾಯಕ ಎಂದೂ ಫಿಕ್ಸಾಗಿದ್ದರು. ಆ ಘಳಿಗೆಯಲ್ಲಿಯೇ ರಾಜಶೇಖರ್ ವಿಜಯ್ ರಾಘವೇಂದ್ರ ಅವರ ಜೊತೆ ಮತ್ತೊಂದು ಚಿತ್ರ ಮಾಡೋದಾಗಿಯೂ ಘೋಶಿಸಿದ್ದರು.

ಆ ಮಾತಿಗೆ ತಕ್ಕುದಾಗಿಯೇ ಪರದೇಸಿ ಕೇರಾಫ್ ಲಂಡನ್ ಅನ್ನು ರೂಪಿಸಿ ಬಿಡುಗಡೆಯ ಹೊಸ್ತಿಲಿಗೆ ತಂದು ನಿಲ್ಲಿಸಿದ್ದಾರೆ.
ವಿಜಯ್ ರಾಘವೇಂದ್ರರ ನಟನಾ ಚಾತುರ್ಯದ ಬಗ್ಗೆ ಬಿಡಿಸಿ ಹೇಳೋ ಅಗತ್ಯವೇನಿಲ್ಲ. ಈವರೆಗೂ ಅವರು ಥರ ಥರದ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಎಂಥಾ ಪಾತ್ರಗಳಿಗಾದರೂ ಒಗ್ಗಿಕೊಳ್ಳುವ ಛಾತಿಯನ್ನೂ ಜಾಹೀರು ಮಾಡಿದ್ದಾರೆ. ಆದರೆ ಈ ಚಿತ್ರದಲ್ಲಿ ವಿಜಯ್ ಈ ಹಿಂದೆಂದೂ ಕಾಣಿಸದ ರೀತಿಯಲ್ಲಿ ಅವತರಿಸಲಿದ್ದಾರೆ ಅಂತ ರಾಜಶೇಖರ್ ಆರಂಭದಲ್ಲಿಯೇ ಹೇಳಿದ್ದಾರೆ. ಪರದೇಸಿ ಕೇರಾಫ್ ಲಂಡನ್ ಬಗ್ಗೆ ಈ ಪಾಟಿ ನಿರೀಕ್ಷೆ ಮೂಡಿರೋದಕ್ಕೆ ಅದೂ ಕೂಡಾ ಪ್ರಮುಖ ಕಾರಣ. ಅಂಥಾ ವಿಶೇಷತೆ ಏನಿದೆ ಎಂಬುದು ಈ ತಿಂಗಳ ಕಡೇಯ ಹೊತ್ತಿಗೆಲ್ಲ ಅನಾವರಣಗೊಳ್ಳಲಿದೆ.

Continue Reading

ಕಲರ್ ಸ್ಟ್ರೀಟ್

ಡಾ ರಾಜ್ ಮೊಮ್ಮಗನಿಗೊಲಿದ ಕೆಂಡಸಂಪಿಗೆ!

Published

on


ಕನ್ನಡದಲ್ಲಿ ಅಪಾರ ಅವಕಾಶಗಳನ್ನು ಗಳಿಸಿಕೊಳ್ಳುತ್ತಲೇ ಪರಭಾಷೆಗೂ ಜಿಗಿದ ಖುಷಿಯಲ್ಲಿರುವವಳು ಮಾನ್ವಿತಾ ಕಾಮತ್. ಇದೀಗ ಮಾನ್ವಿತಾ ಡಾ ರಾಜ್‌ಕುಮಾರ್ ಮೊಮ್ಮಗ ಧೀರೇನ್ ನಾಯಕನಾಗಿರೋ ದಾರಿ ತಪ್ಪಿದ ಮಗ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ.

ಧೀರೇನ್ ಎಂಟ್ರಿ ಕೊಡುತ್ತಿರೋ ದಾರಿ ತಪ್ಪಿದ ಮಗನ ಬಗ್ಗೆ ಈ ಹಿಂದಿನಿಂದಲೂ ವ್ಯಾಪಕವಾಗಿ ಸುದ್ದಿಗಳು ಹರಿದಾಡುತ್ತಿದ್ದವು. ಈ ವಿಚಾರ ಅಧಿಕೃತವಾಗಿ ಜಾಹೀರಾದರೂ ನಾಯಕಿ ಯಾರಾಗಲಿದ್ದಾರೆಂಬ ಕುತೂಹಲ ಮಾತ್ರ ಹಾಗೆಯೇ ಉಳಿದುಕೊಂಡಿತ್ತು. ಇಲ್ಲಿ ನಾಯಕಿಯದ್ದು ಲವ ಲವಿಕೆಯಿಂದಿರೋ ಮುದ್ದಾದ ಪಾತ್ರ. ಅದಕ್ಕೆ ಹುಡುಕಾಟ ನಡೆಸಿದ ನಿರ್ದೇಶಕರು ಕಡೆಗೂ ಮಾನ್ವಿತಾಳನ್ನು ಆಯ್ಕೆ ಮಾಡಿದ್ದಾರೆ.

ರಾಜ್ ಮೊಮ್ಮಗ ಧೀರೇನ್ ಈಗಾಗಲೇ ಈ ಚಿತ್ರದ ಪಾತ್ರಕ್ಕಾಗಿ ಪಟ್ಟು ಹಿಡಿದು ಸಾಕಷ್ಟು ತಯಾರಿ ಮಾಡಿಕೊಂಡಿದ್ದಾರೆ. ನಟನೆಯಲ್ಲಿ ತರಬೇತಿ ಪಡೆದು ಡ್ಯಾನ್ಸ್, ಫೈಟ್‌ಗಳಲ್ಲಿಯೂ ಪಳಗಿಕೊಂಡಿದ್ದಾರೆ. ನಿರ್ದೇಶಾಕ ಅನಿಲ್ ಕುಮಾರ್ ಕೂಡಾ ಎಲ್ಲ ಸಿದ್ಧತೆಗಳನ್ನೂ ಮುಗಿಸಿಕೊಂಡು ಚಿತ್ರೀಕರಣದತ್ತ ಮುಖ ಮಾಡಿದ್ದಾರೆ.
ನಟಿ ಮಾನ್ವಿತಾ ಕೆಂಡ ಸಂಪಿಗೆ ಮೂಲಕ ಎಂಟ್ರಿ ಕೊಟ್ಟು ಆ ನಂತರ ಟಗರು ಚಿತ್ರದ ಮೂಲಕ ಹೆಚ್ಚಿನ ಅವಕಾಶಗಳನ್ನು ತನ್ನದಾಗಿಸಿಕೊಳ್ಳುತ್ತಿದ್ದಾಳೆ. ಈ ಸಮಯದಲ್ಲಿಯೇ ಮರಾಠಿ ಚಿತ್ರಕ್ಕೆ ನಾಯಕಿಯಾಗೋ ಅವಕಾಶವೂ ಒಲಿದು ಬಂದಿದೆ. ಅದನ್ನೊಪ್ಪಿಕೊಂಡು ಮರಾಠಿಯಲ್ಲಿಯೂ ಸಕ್ರಿಯವಾಗಿರೋ ಮಾನ್ವಿತಾ ದಾರಿ ತಪ್ಪಿದ ಮಗನಿಗೂ ಸಾಥ್ ಕೊಡಲು ಮುಂದಾಗಿದ್ದಾಳೆ.

Continue Reading

ಕಲರ್ ಸ್ಟ್ರೀಟ್

ಕ್ರೇಜಿಸ್ಟಾರ್ ಪುತ್ರನಿಗೆ ಸಿಕ್ಕವಳು ಹುಬ್ಬಳ್ಳಿ ಹುಡುಗಿ!

Published

on


ರವಿಚಂದ್ರನ್ ಪುತ್ರ ಮನೋರಂಜನ್ ಸಾಕಷ್ಟು ತಯಾರಿ ಮಾಡಿಕೊಂಡ ಬಳಿಕ ಹೊಸಾ ಚಿತ್ರಕ್ಕೆ ರೆಡಿಯಾಗಿದ್ದಾರೆ. ಈ ಚಿತ್ರಕ್ಕೆ ಪ್ರಾರಂಭ ಎಂಬ ಹೆಸರೂ ನಿಗಧಿಯಾಗಿದೆ. ಸಾಕಷ್ಟು ಸಮಯದಿಂದ ಪ್ರಾರಂಭಕ್ಕೆ ನಾಯಕಿಯನ್ನು ಆಯ್ಕೆ ಮಾಡೋ ಕಾರ್ಯ ಚಾಲ್ತಿಯಲ್ಲಿತ್ತು. ಇದಕ್ಕಾಗಿ ದೊಡ್ಡ ಮಟ್ಟದಲ್ಲಿಯೇ ಸರ್ಕಸ್ಸು ನಡೆಸಿ ಕಡೆಗೂ ಕೀರ್ತಿ ಕಲಕೇರಿಯನ್ನು ನಾಯಕಿ ಪಾತ್ರಕ್ಕೆ ನಿಕ್ಕಿ ಮಾಡಲಾಗಿದೆ.

ಕೀರ್ತಿ ಕಲಕೇರಿ ಮಾಡೆಲಿಂಗ್ ಕ್ಷೇತ್ರದಲ್ಲಿ ಛಾಪು ಮೂಡಿಸಿರೋ ಹುಡುಗಿ. ಈಗಾಗಲೇ ಮಿಸ್ ಗೋವಾ ಕರೀಟವನ್ನೂ ಮುಡಿಗೇರಿಸಿಕೊಂಡಿರುವ ಈಕೆ ಪಕ್ಕಾ ಕನ್ನಡತಿ. ಹುಬ್ಬಳ್ಳಿಯ ಕೀರ್ತಿ ಈಗಿನ್ನೂ ಹದಿನೆಂಟರ ಹುಡುಗಿ. ಈ ಚಿತ್ರದ ನಾಯಕಿ ಪಾತ್ರಕ್ಕೆ ಮುಗ್ಧ ಮುಖ ಭಾವ ಹೊತ್ತ ತಾಜಾ ಮುಖವೊಂದು ಬೇಕಾಗಿತ್ತಂತೆ. ಅದಕ್ಕಾಗಿ ಆಡಿಷನ್ ನಡೆಸಿದ್ದ ಚಿತ್ರತಂಡ ಎಪ್ಪತ್ತಕ್ಕೂ ಅಧಿಕ ಹುಡುಗೀರಲ್ಲಿ ಕೀರ್ತಿಯನ್ನು ಆಯ್ಕೆ ಮಾಡಿಕೊಂಡಿದೆ.

ಪ್ರಾರಂಭವನ್ನು ಮನು ಕಲ್ಯಾಡಿ ನಿರ್ದೇಶನ ಮಾಡಲಿದ್ದಾರೆ. ಜಗದೀಶ್ ಕಲ್ಯಾಡಿ ಹಣ ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ. ಕೌಟುಂಬಿಕ ಕಥಾಹಂದರ ಹೊಂದಿರೋ ಈ ಚಿತ್ರಕ್ಕೆ ತಿಂಗಳೊಪ್ಪತ್ತಿನಲ್ಲಿಯೇ ಚಿತ್ರೀಕರಣ ಆರಂಭವಾಗಲಿದೆ.

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz