Connect with us

cbn

ಆಪ್ತಮಿತ್ರರ ಜೊತೆಗೆ ಬಂದಳು ನಾಗವಲ್ಲಿ!

Published

on

ಅರುಣ್ ಶಂಕರ್ ನಿರ್ದೇಶನದ ‘ನಾಗವಲ್ಲಿ ವರ್ಸಸ್ ಆಪ್ತಮಿತ್ರರು’ ಚಿತ್ರ ಈಗ ಬಿಡುಗಡೆಗೆ ಸಿದ್ದವಾಗಿದೆ. ಮೊನ್ನೆ ನಡೆದ ಚಿತ್ರದ ಬಿಡುಗಡೆ ಪೂರ್ವ ಪತ್ರಿಕಾಗೋಷ್ಟಿಯಲ್ಲಿ ಚಿತ್ರದ ನಿರ್ಮಾಪಕ ಹಾಗೂ ನಿರ್ದೇಶಕರೂ ಆಗಿರುವ ಶಂಕರ್ ಅರುಣ್ ಮಾತನಾಡುತ್ತಾ ನಮ್ಮ ಚಿತ್ರಕ್ಕೆ ಈ ಹಿಂದೆ ಆಪ್ತಮಿತ್ರ-೨ ಎಂಬ ಶೀರ್ಷಿಕೆಯನ್ನು ಇಡಲಾಗಿತ್ತು. ಆದರೆ ನಮಗೂ ಮುಂಚೆ ಅದೇ ಹೆಸರಿನಲ್ಲಿ ಬೇರೊಬ್ಬ ನಿರ್ಮಾಪಕರು ಟೈಟಲ್ ನೋಂದಣಿ ಮಾಡಿಸಿದ್ದರಿಂದ ಅನಿವಾರ್ಯವಾಗಿ ನಮ್ಮ ಚಿತ್ರದ ಶೀರ್ಷಿಕೆಯನ್ನು ಬದಲಾಯಿಸಬೇಕಾಗಿ ಬಂತು. ಚಿತ್ರ ನೋಡುಗರಿಗೆ ಕ್ಲೈಮಾಕ್ಸ್ ಸೀನ್ ಖಂಡಿತ ಕಾಡುತ್ತದೆ. ಕೇರಳದ ಅನಂತ ಪದ್ಮನಾಭ ಅರಮನೆಯಲ್ಲಿ ಇಲ್ಲಿಯವರೆಗೂ ಯಾರು ಚಿತ್ರೀಕರಣ ನಡೆಸಿಲ್ಲ. ಕಷ್ಟಪಟ್ಟು ೭ ದಿನಗಳ ಅನುಮತಿ ಪಡೆದುಕೊಂಡು ಸಮಯ ವ್ಯರ್ಥಮಾಡದೆ ನಿರಂತರವಾಗಿ ಚಿತ್ರೀಕರಣ ಮಾಡಿದ್ದು ದೊಡ್ಡ ಸಾಹಸವೇ ಸರಿ.

ಭಾರತದಲ್ಲಿ ನಾಗವಲ್ಲಿಯ ಕುರಿತಂತೆ ಇದುವರೆಗೆ ಯಾರು ಚಲನಚಿತ್ರವನ್ನು ನಿರ್ಮಾಣ ಮಾಡಿಲ್ಲ. ನಾವು ಅಂತಹ ದೊಡ್ಡ ಸಾಹಸಕ್ಕೆ ಕೈಹಾಕಿದ್ದು ಇದೀಗ ಫಲ ನೀಡಿದೆ. ಚಿತ್ರದ ಪ್ರತೀ ದೃಶ್ಯಗಳು ಪ್ರೇಕ್ಷಕನಿಗೆ ಕುತೂಹಲ ಮೂಡಿಸುತ್ತ ಸಾಗುತ್ತವೆ. ನಾಗವಲ್ಲಿಯ ಕತೆಯು ಕಾಲ್ಪನಿಕವಾಗಿಲ್ಲ. ಅಲ್ಲಿನ ಇತಿಹಾಸ ತಜ್ಞರಿಂದ ಮಾಹಿತಿಗಳನ್ನು ಕೆಲಹಾಕಿ ಕತೆಯನ್ನು ಹೆಣೆಯಲಾಗಿದೆ. ಮುಂದೆ ಯಾರಾದರೂ ಇದರ ಬಗ್ಗೆ ತಕರಾರು ಮಾಡಬಹುದು ಎಂಬ ಉದ್ದೇಶದಿಂದ ಕೇರಳ ಸರ್ಕಾರದಿಂದ ಅನುಮತಿ ಪತ್ರವನ್ನು ಕೂಡ ಪಡೆದುಕೊಂಡಿದ್ದೇವೆ. ಕೆಂಪೆಗೌಡ ರಸ್ತೆಯ ಚಿತ್ರಮಂದಿರವೆಂಬ ಪರಿಕಲ್ಪನೆಗೆ ಒಳಗಾಗದೆ ಬೇರೆ ಉತ್ತಮ ಚಿತ್ರಮಂದಿರಗಳಲ್ಲಿ ಬರುವ ಏಪ್ರಿಲ್ ೨೦ರಂದು ಚಿತ್ರವನ್ನು ಬಿಡುಗಡೆ ಮಾಡುತ್ತಿದ್ದೇವೆ, ಮುಂದೇನು ಎಂದು ಎಲ್ಲರನ್ನೂ ಕಾಡುವಂತೆ ಚಿತ್ರದ ಕ್ಲೈಮಾಕ್ಸ್ ಮೂಡಿಬಂದಿದೆ ಎಂದು ಹೇಳಿದರು.

ಚಿತ್ರದ ನಾಯಕನಟ ವಿಕ್ರಂ ಕಾರ್ತಿಕ್ ಮಾತನಾಡಿ ಸಾಹಸಸಿಂಹ ವಿಷ್ಣುವರ್ಧನ್ ಅವರ ಒಬ್ಬ ಅಭಿಮಾನಿಯಾಗಿ ಅವರ ಸಾವಿಗೆ ಕಾರಣರಾದ ನಾಗವಲ್ಲಿಯನ್ನು ಹುಡುಕಿಕೊಂಡು ಹೋಗುವ ಪಾತ್ರ ನನ್ನದು ಎಂದು ತನ್ನ ಪಾತ್ರದ ಬಗ್ಗೆ ಹೇಳಿಕೊಂಡರು ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿರುವ ನಟಿ ವೈಷ್ಣವಿ ಚಂದ್ರನ್ ಮಾತನಾಡುತ್ತ ನಾನು ಚಿತ್ರದಲ್ಲಿ ಒಬಬ್ ಸೈಕಿಯಾಟ್ರಿಕ್ ವೈದ್ಯೆಯಾಗಿ ಕಾಣಿಸಿಕೊಂಡಿದ್ದೇನೆ ಎಂದು ಹೇಳಿದರು.

Continue Reading
Click to comment

Leave a Reply

Your email address will not be published. Required fields are marked *

cbn

ಕುಮಾರಿ 21 ಎಫ್ : ಈ ಜನರೇಷನ್ನಿನ ಪ್ರಾತಿನಿಧಿಕ ಪ್ರೇಮ ಕಥನ!

Published

on

ಡೈನಾಮಿಕ್ ಸ್ಟಾರ್ ದೇವರಾಜ್ ಪುತ್ರ ಪ್ರಣಾಮ್ ಮೊದಲ ಬಾರಿ ನಾಯಕನಾಗುತ್ತಿರೋ ಚಿತ್ರ ಕುಮಾರಿ೨೧ ಎಫ್. ಹೇಳಿಕೇಳಿ ಡೈನಾಮಿಕ್ ಸ್ಟಾರ್ ಸುಪುತ್ರ. ಹಾಗೆಂದ ಮೇಲೆ ಆಕ್ಷನ್ ಚಿತ್ರದ ಮೂಲಕವೇ ಪ್ರಣಾಮ್ ಲಾಂಚ್ ಆಗಬೇಕೆಂದು ಹಿತೈಶಿಗಳು ಬಯಸಿದ್ದರೆ ತಪ್ಪೇನಿಲ್ಲ. ಆದರೆ ಸಾದಾ ಸೀದ ಕಥೆಯೊಂದರ ಮೂಲಕ ಎಂಟ್ರಿ ಕೊಟ್ಟರೂ ಪ್ರಣಾಮ್ ಎಂಟ್ರಿ ಭರ್ಜರಿಯಾಗಿಯೇ ಸೌಂಡು ಮಾಡುತ್ತಿದೆ!
ಟೈಟಲ್ಲೇ ಕುತೂಹಲಕಾರಿಯಾದ್ದರಿಂದ ಈ ಚಿತ್ರದ ಕಥೆಯೇನೆಂದು ಕೆದಕಿದರೂ ಕೂಡಾ ಚಿತ್ರ ತಂಡ ಈ ವರೆಗೂ ಎಲ್ಲವನ್ನೂ ಗೌಪ್ಯವಾಗಿಟ್ಟಿದೆ. ಜಾಹೀರಾಗಿರೋದು ವಿದೇಶದ ಕ್ರೂಸರ್‌ನ ರೆಸ್ಟಾರಾಂಟಿನಲ್ಲಿ ಶೆಪ್ ಆಗೋ ಕನಸು ಹೊತ್ತ ಹುಡುಗ ಮತ್ತು ಆತನ ಬದುಕಿಗೆ ಪ್ರವೇಶವಾಗೋ ಬಿಂದಾಸ್ ಹುಡುಗಿಯ ಸುತ್ತಾ ಕಥೆ ನಡೆಯುತ್ತದೆ ಎಂಬುದು ಮಾತ್ರ!
ಆದರೆ ಈ ಚಿತ್ರ ಈ ಜನರೇಷನ್ನಿನ ಮನೋ ತುಮುಲಗಳನ್ನೊಳಗೊಂಡ ಯೂಥ್‌ಫುಲ್ ಕಥಾನಕ ಹೊಂದಿರೋದಂತೂ ನಿಜ. ಇದರಲ್ಲಿ ಸಾದಾ ಸೀದ ಪಾತ್ರವಾದರೂ ಕೂಡಾ ಪ್ರಣಾಮ್ ನಟನೆಗೆ ಹೆಜ್ಜೆ ಹೆಜ್ಜೆಗೂ ಸವಾಲಿತ್ತಂತೆ. ತಾನೋರ್ವ ನಟನಾಗಿ ರೂಪುಗೊಳ್ಳೋದೇ ಮುಖ್ಯ ಎಂಬ ಮನಸ್ಥಿತಿ ಹೊಂದಿರೋ ಪ್ರಣಾಮ್ ಅಚ್ಚುಕಟ್ಟಾಗಿ ನಟಿಸಿದ್ದಾರಂತೆ.
ಅಷ್ಟಕ್ಕೂ ಪ್ರಣಾಮ್‌ಗೆ ಪರ್ಫೆಕ್ಟ್ ಆದ ಎಂಟ್ರಿಯ ಕನಸಿಲ್ಲದೇ ಹೋಗಿದ್ದಿದ್ದರೆ ಅವರು ಯಾವತ್ತೋ ನಾಯಕ ನಟನಾಗುತ್ತಿದ್ದರು. ತಂದೆ ದೇವರಾಜ್ ಕೂಡಾ ಮಗ ಹೀರೋ ಆಗಲಿ ಎಂದೇ ಬಯಸಿದ್ದರಿಂದ ಅದೇನೂ ಕಷ್ಟದ ಮಾತಾಗಿರಲಿಲ್ಲ. ಈ ಹಿಂದೆ ಒಂದು ಚಿತ್ರದಲ್ಲಿ ಬಾಲ ನಟನಾಗಿ ಅಭಿನಯಿಸಿದ್ದ ಪ್ರಣಾಮ್ ನಾಯಕನಾಗಲು ಅರ್ಜೆಂಟು ಮಾಡಲಿಲ್ಲ. ಆದರೆ ಓದು ಮುಗಿಸಿದ ಘಳಿಗೆಯಲ್ಲಿಯೇ ಸಿಕ್ಕ ಈ ಅವಕಾಶವನ್ನವರು ಸಂಪೂರ್ಣವಾಗಿ ಬಳಸಿಕೊಂಡಿದ್ದಾರೆಂಬುದು ಚಿತ್ರ ತಂಡದ ಅಭಿಪ್ರಾಯ.
ಶ್ರೀಮಾನ್ ವೇಮುಲ ನಿರ್ದೇಶನದ ಈ ಚಿತ್ರ ಈಗಾಗಲೇ ಟ್ರೈಲರ್‌ನಿಂದ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಕ್ರೇಜ್ ಹರಡಿದೆ. ದೇವರಾಜ್ ಕನ್ನಡ ಚಿತ್ರರಂಗದ ಪ್ರೀತಿಯ ನಟ. ಅವರ ಮಗನ ಮೊದಲ ಚಿತ್ರದ ಮೇಲೆ ಪ್ರೇಕ್ಷಕರೂ ಕೂಡಾ ಕುತೂಹಲದ ಕಣ್ಣಿಟ್ಟು ಕಾಯುತ್ತಿದ್ದಾರೆ.

Continue Reading

cbn

ನಾಳೆ ಪತಿಬೇಕು ಡಾಟ್‌ಕಾಮ್ ಚಿತ್ರದ ಟ್ರೈಲರ್ ಬರುತ್ತೆ!

Published

on

ಶೀತಲ್ ಶಿಟ್ಟಿ ನಟಿಸಿರುವ ಪತಿ ಬೇಕು ಡಾಟ್ ಕಾಮ್ ಚಿತ್ರ ಈ ಹಿಂದೆ ಬಿಡುಗಡೆಯಾಗಿದ್ದ ಟೀಸರ್ ಕಾರಣದಿಂದಲೇ ಜ್ವರವೇರಿಸಿತ್ತು. ಡಿಫರೆಂಟಾದ ಶೀರ್ಷಿಕೆ ಮತ್ತು ಆಗಾಗ ಜಾಹೀರಾಗುತ್ತಿದ್ದ ಅಂಥಾದ್ದೇ ಪೋಸ್ಟರುಗಳಿಂದ ಪ್ರೇಕ್ಷಕರನ್ನು ಸದಾ ತನ್ನ ಮೇಲೆಯೇ ದೃಷ್ಟಿಯಿಡುವಂತೆ ಮಾಡುತ್ತಾ ಬಂದಿದ್ದ ಈ ಚಿತ್ರದ ಟ್ರೈಲರ್ ನಾಳೆ ಬಿಡುಗಡೆಯಾಗಲಿದೆ.

ಪತಿಬೇಕು ಡಾಟ್ ಕಾಮ್ ಚಿತ್ರದ ಈ ಟ್ರೈಲರ್ ಬಿಡುಗಡೆ ಮಾಡಲಿರುವವರು ಕಿಚ್ಚಾ ಸುದೀಪ್. ನಾಳೆ ಸಂಜೆ ಆರು ಘಂಟೆಯ ಹೊತ್ತಿಗೆಲ್ಲ ಸುದೀಪ್ ಈ ಟ್ರೈಲರ್ ಅನ್ನು ಅನಾವರಣಗೊಳಿಸಲಿದ್ದಾರೆ.

ರಾಕೇಶ್ ನಿರ್ದೇಶನ ಮಾಡುತ್ತಿರುವ ಈ ಚಿತ್ರ ಚಿತ್ರೀಕರಣ ಶುರುವಾದಂದಿನಿಂದಲೇ ಸದ್ದು ಮಾಡಲಾರಂಭಿಸಿತ್ತು. ಇದೊಂದು ಗಂಭೀರವಾದ ಕಥಾನಕ ಹೊಂದಿದ್ದರೂ ಹಾಸ್ಯ ಪ್ರಧಾನ ಚಿತ್ರ. ಮಧ್ಯಮವರ್ಗದ ಪಡಿಪಾಟಲುಗಳಿಗೆ ಹತ್ತಿರಾದ ಕಥೆ ಹೊಂದಿರೋ ಈ ಸಿನಿಮಾದಲ್ಲಿ ವಯಸ್ಸು ಮೂವತ್ತು ದಾಟಿದ ಮೇಲೆ ಮದುವೆಯಾಗಲು ಹುಡುಗನ ಹುಡುಕಾಟಕ್ಕಿಳಿಯೋ ಹೆಣ್ಣು ಮಗಳಾಗಿ ಶೀತಲ್ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ.

ಹೆಣ್ಣುಮಕ್ಕಳಿಗೆ ಮೂವತ್ತು ವರ್ಷ ಆದ ನಂತರ ಮದುವೆ ಮಾಡಲು ಮುಂದಾಗೋದರ ಕಷ್ಟ ಅನುಭವಿಸಿದವರಿಗೇ ಮಾತ್ರ ಗೊತ್ತಿರುತ್ತದೆ. ಅದರಲ್ಲಿಯೂ ಮಧ್ಯಮ ವರ್ಗದವರಾದರಂತೂ ಈ ಬಾಧೆ ತುಸು ಹೆಚ್ಚೇ. ಇಂಥಾ ಪಾತ್ರದ ಮೂಲಕ ಶೀತಲ್ ಪ್ರೇಕ್ಷಕರನ್ನು ಸೆಳೆಯಲು ರೆಡಿಯಾಗಿದ್ದಾರೆ.

ಇದೀಗ ಖುದ್ದು ಕಿಚ್ಚಾ ಸುದೀಪ್ ಅವರೇ ಟ್ರೈಲರ್ ಬಿಡುಗಡೆ ಮಾಡುತ್ತಿರೋದರಿಂದ ಕುತೂಹಲದ ಜ್ವರ ಮತ್ತೆ ಏರಿಕೊಂಡಿದೆ. ಅಬ್ಬರದೊಂದಿಗೇ ಈ ಚಿತ್ರವನ್ನು ಆರಂಭಿಸಿ ತಣ್ಣಗೆ ಚಿತ್ರೀಕರಣವಾಗುವಂತೆ ನೋಡಿಕೊಂಡಿರುವವರು ನಿರ್ಮಾಪಕ ರಾಕೇಶ್. ಅವರೀಗ ಚಿತ್ರಕ್ಕೆ ಸೆನ್ಸಾರ್ ಆದ ಮಾರನೇ ದಿನವೇ ಟ್ರೈಲರ್ ಬಿಡುಗಡೆಗೆ ಮುಹೂರ್ತವಿಟ್ಟಿದ್ದಾರೆ. ಅಂದಹಾಗೆ ಸೆನ್ಸಾರ್ ಮಂಡಳಿಯಿಂದ ಈ ಸಿನಿಮಾಗೆ ಯಾವುದೇ ಕತ್ತರಿ ಪ್ರಯೋಗವಾಗದೆ ಯು/ಎ ಸರ್ಟಿಫಿಕೇಟ್ ದೊರೆತಿದೆ.

Continue Reading

cbn

ಯಶಸ್ಸಿನತ್ತ ಡಬಲ್ ಇಂಜನ್ ಪಯಣ!

Published

on

ಚಂದ್ರಮೋಹನ್ ನಿರ್ದೇಶನದ ಡಬಲ್ ಇಂಜನ್ ಚಿತ್ರದ ಸವಾರಿ ರಾಜ್ಯಾಂದಂತ ಅಡೆತಡೆಯಿಲ್ಲದೆ ಮುಂದುವರೆಯುತ್ತಿದೆ. ಎಸ್ ಆರ್ ಎಸ್ ಗ್ರೂಪ್ಸ್ ಲಾಂಛನದಡಿಯಲ್ಲಿ ನಿರ್ಮಾಣಗೊಂಡಿರುವ ಈ ಚಿತ್ರ ಒಂದೇ ಒಂದು ಟ್ರೈಲರ್ ಮೂಲಕ ಸೃಷ್ಟಿಸಿದ್ದ ಸಂಚಲನ ಅಚ್ಚರಿದಾಯಕವಾದದ್ದು. ಈ ಟ್ರೈಲರಿನ ಖದರ್ ಕಂಡೇ ಅನೇಕರು ಗೆಲುವಿನ ಭವಿಷ್ಯ ನುಡಿದಿದ್ದರು. ಅದೀಗ ನಿಜವಾಗಿದೆ!

ಟ್ರೈಲರ್‌ನಲ್ಲಿನ ನವಿರಾದ ಡಬಲ್ ಮೀನಿಂಗ್ ಚಮಕ್‌ನಿಂದಲೇ ಸದ್ದು ಮಾಡಿದ್ದ ಡಬಲ್ ಇಂಜಿನ್‌ನೊಳಗೆ ಬೇರೇನೋ ಇದೆ ಎಂಬ ಸೂಚನೆಯನ್ನು ಆರಂಭದಲ್ಲಿಯೇ ನಿರ್ದೇಶಕ ಚಂದ್ರಮೋಹನ್ ಕೊಟ್ಟಿದ್ದರು. ಅಂಥಾ ಕುತೂಹಲಗಳೇ ಪ್ರೇಕ್ಷಕರನ್ನು ಚಿತ್ರಮಂದಿರದತ್ತ ಕರೆತರುತ್ತಿವೆ. ಹಾಗೆ ಬಂದು ಡಬಲ್ ಇಂಜನ್ ಚಿತ್ರ ನೋಡಿದವರಿಗೆಲ್ಲ ಒಳಗಿರೋ ಡಿಫರೆಂಟಾದ ಸರಕು ಇಷ್ಟವಾಗಿದೆ.

ಚಿತ್ರವೊಂದು ಪ್ರೇಕ್ಷಕರ ನಡುವೆ ಹರಡಿಕೊಳ್ಳುವ ಬಾಯಿ ಮಾತಿನ ಪ್ರಚಾರದಿಂದಲೇ ಗೆಲುವಿನತ್ತ ದಾಪುಗಾಲಿಡುತ್ತದೆ. ಡಬಲ್ ಇಂಜನ್ ನೋಡಿದ ಪ್ರೇಕ್ಷಕರೆಲ್ಲರ ಕಡೆಯಿಂದ ಮೊದಲ ದಿನವೇ ಒಳ್ಳೆ ಮಾತುಗಳು ಕೇಳಿ ಬಂದಿದ್ದವು. ಅದರ ಫಲವಾಗಿಯೇ ಡಬಲ್ ಇಂಜಿನ್ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಕಲೆಕ್ಷನ್ನಿನಲ್ಲಿಯೂ ಮುಂದಿರೋ ಡಬಲ್ ಇಂಜಿನ್ ನಿರ್ಮಾಪಕರಿಗೂ ತೃಪ್ತಿಯ ಕಳೆ ತುಂಬಿದೆ!

ಎಣಿಸಿದಂತೆಯೇ ಚಿಕ್ಕಣ್ಣ, ಅಶೋಕ್, ಪ್ರಭು ಮತ್ತು ಸುಮನ್ ರಂಗನಾಥ್ ಕಾಂಬಿನೇಷನ್ ಕಮಾಲ್ ಸೃಷ್ಟಿಸಿದೆ. ಗಂಭೀರವಾದ ವಿಚಾರವನ್ನೂ ಕೂಡಾ ಹಾಸ್ಯದ ಮೂಲಕವೇ ದಾಟಿಸುವ ಕಲಾತ್ಮಕ ಕುಸುರಿಯಿಂದಲೇ ಡಬಲ್ ಇಂಜಿನ್ ಪ್ರೇಕ್ಷಕರ ಮನಗೆದ್ದಿದೆ.

Continue Reading

Trending

Copyright © 2017 Zox News Theme. Theme by MVP Themes, powered by WordPress.