Connect with us

ಪ್ರಚಲಿತ ವಿದ್ಯಮಾನ

ಮೊದಲೇ ಕೇಳಿಸಿದ್ದರೆ ಕಥೆಯೇ ಬೇರೆಯಾಗುತ್ತಿತ್ತು!

Published

on

ಮೂರು ತಿಂಗಳ ಹಿಂದೆ ಬಿಡುಗಡೆಯಾಗಿದ್ದ ಚಿತ್ರ ಕನ್ನಡಕ್ಕಾಗಿ ಒಂದನ್ನು ಒತ್ತಿ. ತೆರೆಗೆ ಬಂದು ಹೋದ ಚಿತ್ರವನ್ನು ಮತ್ತೆ ಕನ್ನಡಿಗರ ಮನಸಿನ ಮೇಲೆ ಎತ್ತಿಟ್ಟಿರೋದು ಅದೇ ಸಿನಿಮಾ ಸುಮಧುರವಾದೊಂದು ಹಾಡು. ವಾಟ್ಸಪ್ ಸ್ಟೇಟಸ್‌ಗಳನ್ನು ಸಾರಾಸಗಟಾಗಿ ಆಕ್ರಮಿಸಿಕೊಂಡಿರೋ `ನನಗೀಗ ನನ ಮೇಲೆ ಅನುಮಾನ ಶುರುವಾಗಿದೆ’ ಎಂಬ ಹಾಡು ಯೂಟ್ಯೂಬ್‌ನಲ್ಲಿಯೂ ಟ್ರೆಂಡಿಂಗ್‌ನಲ್ಲಿದೆ!

ಹೊಸದಾಗಿ ಬಿಡುಗಡೆಯಾಗಿರೋ ಹಾಡುಗಳನ್ನೂ ಹಿಂದಿಕ್ಕಿ ಅಚ್ಚರಿದಾಯಕವಾಗಿ ಈ ಹಾಡು ಮೋಡಿ ಮಾಡಿದೆ. ಯೂಟ್ಯೂಬ್‌ನಲ್ಲಿ ಏಕಾಏಕಿ ಮೂವತ್ತು ಲಕ್ಷ ಮೀರಿದ ವೀಕ್ಷಣೆ ಪಡೆದುಕೊಂಡಿರೋ ಈ ಹಾಡು ಹುಚ್ಚು ಹಿಡಿಸಿದೆ. ನೋಡ ನೋಡುತ್ತಲೇ ಈ ಹುಚ್ಚು ಸಾಂಕ್ರಾಮಿಕವಾಗಿ ಹರಡಿಕೊಳ್ಳುತ್ತಲೇ ಇದೆ!

ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರದ ಪ್ರಚಾರಕ್ಕೆ ನಾನಾ ವಿಧಾನಗಳನ್ನು ಅನುಸರಿಸಲಾಗಿತ್ತು. ಆದರೆ ಅದ್ಯಾವುದೂ ಅಷ್ಟೊಂದು ಸದ್ದು ಮಾಡಿರಲೇ ಇಲ್ಲ. ಆದರೆ ಇದೀಗ ಈ ಹಾಡು ಸೃಷ್ಟಿಸಿರೋ ಅಲೆ ಕಂಡ ಎಲ್ಲರೂ ಇದೊಂದು ಹಾಡನ್ನು ಬಿಡುಗಡೆ ಪೂರ್ವದಲ್ಲಿ ಪ್ರಮೋಟ್ ಮಾಡಿದ್ದರೆ ಎಲ್ಲರೂ ಬೇಷರತ್ತಾಗಿ ಕನ್ನಡಕ್ಕಾಗಿ ಒಂದನ್ನು ಒತ್ತುತ್ತಿದ್ದರು. ಆ ಮೂಲಕ ಈ ಚಿತ್ರ ಗೆಲುವಿನತ್ತ ತಲುಪಿಕೊಳ್ಳುತ್ತಲೂ ಇತ್ತು. ಆದರೆ ಸಿನಿಮಾ ಬಿಡುಗಡೆಗೂ ಆಡಿಯೋ ಬಿಡುಗಡೆಗೂ ನಡುವೆ ಅಂತರ ಕಮ್ಮಿ ಇದ್ದಿದ್ದರಿಂದ ಬಹುಶಃ ಎಲ್ಲರನ್ನೂ ತಲುಪಲು ಸಾಧ್ಯವಾಗಿಲ್ಲವೇನೋ.

ಈ ಹಾಡು ಕೇಳಿ ಮುದಗೊಂಡ ಮಂದಿಯ ಮೇಲ್ಕಂಡ ಅಭಿಪ್ರಾಯದಲ್ಲಿ ನಿಜಕ್ಕೂ ಹುರುಳಿದೆ. ಈ ಸಿನಿಮಾ ಬಿಡುಗಡೆಯಾದ ದಿನ ಕನ್ನಡದ ಇತರೆ ಎಂಟು ಸಿನಿಮಾಗಳು ತೆರೆಗೆಬಂದಿತ್ತು. ಥಿಯೇಟರುಗಳ ಸಮಸ್ಯೆಯಿಂದ ಸಿನಿಮಾ ಅಂದುಕೊಂಡಷ್ಟು ಸೌಂಡು ಮಾಡಿರಲಿಲ್ಲ. ಈ ದುರಂತ ಸಂಭವಿಸಿ ಮೂರು ತಿಂಗಳು ಕಳೆದ ನಂತರ ಪವಾಡ ಸದೃಷವಾಗಿ ಕೇಳಿಸಿದ್ದು ಈ ಬೆಳುದಿಂಗಳಂಥಾ ಹಾಡು!

ಮಾಮೂಲಿಯಾಗಿ ಕೆಲ ಹಾಡುಗಳು ಮೊದಲು ಕೇಳಿದಾಗ ಹಿಡಿಸೋದಿಲ್ಲ. ಒಂದು ವೇಳೆ ಹಿಡಿಸಿದರೂ ಕೆಲ ಹಾಡುಗಳ ಆಯಸ್ಸು ಒಂದಷ್ಟು ಸಲ ಕೇಳೋವರೆಗೆ ಮಾತ್ರ. ಆದರೆ ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರದ ಹಾಡು ಅದೆಷ್ಟು ಸಲ ಕೇಳಿದರೂ ಬೇಜಾರಾಗೋದಿಲ್ಲ. ಆ ಟ್ಯೂನು, ಅದರ ಏರಿಳಿತ, ಬದುಕಿಗೆ, ಮನಸಿಗೆ ಹತ್ತಿರಾಗುವ ನವಿರು ಸಾಹಿತ್ಯ… ಇಷ್ಟೂ ಸಮ್ಮಿಳಿತಗೊಂಡಿರೋ ಈ ಹಾಡು ಅಕ್ಷರಶಃ ಹುಚ್ಚು ಹಿಡಿಸಿದೆ.

ಈ ಹಾಡಿನ ಮೂಲಕವೇ ಅರ್ಜುನ್ ಜನ್ಯಾ ಮತ್ತೆ ಹೊಸಾ ಸ್ವರೂಪದಲ್ಲಿ ಮಿರುಗಿದ್ದಾರೆ. ಈ ಹಾಡನ್ನು ಬರೆದವರು ಈ ಚಿತ್ರದ ನಿರ್ದೇಶಕ ಕುಶಾಲ್ ಗೌಡ. ಬಹುಶಃ ಅವರು ಗೀತರಚನೆಕಾರನಾಗಿಯೇ ಈ ಹಾಡಿನ ಮೂಲಕ ಎಲ್ಲರನ್ನೂ ಕಾಡಿದ್ದಾರೆ. ಈ ತೀರಾ `ಹಿಟ್’ ಲಿಸ್ಟಿಗೆ ಸೇರದಿದರೂ ಹಾಡು ಮಾತ್ರ ಜನಮನ ಗೆದ್ದಿದೆ. ಈ ಹಾಡಿನ ಮಾಟೇಂಜುಗಳೆಲ್ಲಾ ಚಿತ್ರೀಕರಣಗೊಂಡ ನಂತರ ಆ ದೃಶ್ಯಗಳನ್ನು ನೋಡಿ ಕೇವಲ ಹತಯ್ತು ನಿಮಿಷಗಳಲ್ಲಿ ಕುಷಾಲ್ ಈ ಸಾಲುಗಳನ್ನು ಬರೆದಿದ್ದರಂತೆ. ಅದೂ ಅರ್ಜುನ್ ಜನ್ಯಾ ಜೊತೆಗೆ ಇದೇ ಟ್ಯೂನು ಬೇಕು ಅಂತಾ ಹಠ ಮಾಡಿ ಒಪ್ಪಿಸಿದ್ದರಂತೆ. ಇದೆಲ್ಲ ಏನೇ ಆಗಲಿ, ಯಾರದ್ದೋ ಎದೆಯ ಕರೆಯಾಗಿ, ಯಾವ ನೋವಿಗೋ ಮದ್ದಾಗಿ, ಸುಖಾಸುಮ್ಮನೆ ಮುದ್ದಾಗಿ ಕಾಡುತ್ತಲೇ ಇರುತ್ತದೆ. ಇಷ್ಟು ಅದ್ಭುತ ಹಾಡು ಕೊಟ್ಟ ಈ ಚಿತ್ರ ತಂಡ ಮತ್ತಷ್ಟು ಅಚ್ಚರಿಗಳೊಂದಿಗೆ ಮರಳುವಂತಾಗಲಿ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಪ್ರಚಲಿತ ವಿದ್ಯಮಾನ

25 ನೇ ದಿನದತ್ತ ತಾರಕಾಸುರ ವೈಭವ! ಮೋಡಿ ಮಾಡಿತು ಚಂದ್ರಶೇಖರ ಬಂಡಿಯಪ್ಪ ಬುಡುಬುಡ್ಕೆ!

Published

on


ಫ್ರೆಶ್ ಆದ ಕಥೆಯನ್ನು, ಆಲೋಚನೆಗಳನ್ನು ಕನ್ನಡದ ಪ್ರೇಕ್ಷಕರು ಕಡೆಗಣಿಸಿದ ಉದಾಹರಣೆಗಳೇ ಇಲ್ಲ. ಅಂಥಾದ್ದರಲ್ಲಿ ಇದುವರೆಗೆ ಯಾರೂ ಮುಟ್ಟದ ಕಥೆಯೊಂದನ್ನು ಹೊಂದಿರುವ ಚೆಂದದ ಚಿತ್ರ ತಾರಕಾಸುರನ ಕೈ ಹಿಡಿಯದಿರುತ್ತಾರಾ? ಚಂದ್ರಶೇಖರ ಬಂಡಿಯಪ್ಪ ನಿರ್ದೇಶನದ ಈ ಚಿತ್ರ ಭರ್ಜರಿ ಓಪನಿಂಗ್ ಪಡೆದು ಇದೀಗ ಯಶಸ್ವಿಯಾಗಿ ಇಪ್ಪತೈದನೇ ದಿನದತ್ತ ದಾಪುಗಾಲಿಟ್ಟಿದೆ!

ತಾರಕಾಸುರನ ಡಿಫರೆಂಟಾದ ಕಥೆಗೆ ಪ್ರೇಕ್ಷಕರು ಮನ ಸೋತಿದ್ದಾರೆ. ಜೊತೆಗೆ ಚಿತ್ರರಂಗದ ಮಂದಿಯೂ ಕೂಡಾ ಬಹುವಾಗಿ ಮೆಚ್ಚಿಕೊಂಡಿದ್ದಾರೆ. ಇತ್ತೀಚೆಗೆ ಈ ಚಿತ್ರ ವೀಕ್ಷಿಸಿದ್ದ ದುನಿಯಾ ವಿಜಯ್ ಅವರಂತೂ ಈ ಚಿತ್ರದ ನಿರ್ದೇಶನ, ಕಥೆ, ವೈಭವ್ ಅವರ ಅಮೋಘ ನಟನೆಯನ್ನೆಲ್ಲ ಕೊಂಡಾಡಿದ್ದಾರೆ. ವಿಜಿ ಮಾತ್ರವಲ್ಲದೇ ಈ ಚಿತ್ರವನ್ನು ನೋಡಿದವರೆಲ್ಲ ಇದೇ ಅಭಿಪ್ರಾಯವನ್ನು ವ್ಯಕ್ತ ಪಡಿಸುತ್ತಿದ್ದಾರೆ.

ಬುಡುಬುಡ್ಕೆ ಸಮುದಾಯದ ಕಥೆಯನ್ನು ಬೇಸ್ ಆಗಿಸಿಕೊಂಡಿರೋ ತಾರಕಾಸುರ ಪಕ್ಕಾ ಕಮರ್ಶಿಯಲ್ ಚಿತ್ರ. ನಿರ್ದೇಶಕ ಚಂದ್ರ ಶೇಖರ ಬಂಡಿಯಪ್ಪ ಈ ಹಿಂದೆ ರಥಾವರ ಚಿತ್ರದಲ್ಲಿ ಮಾಡಿದ್ದ ಮೋಡಿಯನ್ನೇ ಈ ಬಾರಿಯೂ ಮುಂದುವರೆಸಿದ್ದಾರೆ. ಹೊಸಾ ಹುಡುಗ ವೈಭವ್ ಅವರನ್ನು ಸವಾಲಿನ ಪಾತ್ರದಲ್ಲಿ ಎಲ್ಲರೂ ಮೆಚ್ಚುವಂತೆ ಚಿತ್ರಿಸಿರೋದರಲ್ಲಿಯೇ ಬಂಡಿಯಪ್ಪನವರ ಅಸಲೀ ಕಸುಬುದಾರಿಕೆ ಜಾಹೀರಾಗಿದೆ. ಬಹುಶಃ ಮಾಮೂಲಿ ನೋಟಕ್ಕೆ ಒಂದು ಆರ್ಟ್ ಮೂವಿಯ ವಸ್ತುವಾಗಿಯಷ್ಟೇ ಕಾಣಿಸುವ ಕಥೆಯೊಂದನ್ನು ಕಮರ್ಶಿಯಲ್ ಚೌಕಟ್ಟಿನಲ್ಲಿ ತೆರೆದಿಟ್ಟಿದ್ದೇ ಪ್ರೇಕ್ಷಕರನ್ನು ಸೆಳೆದುಕೊಂಡಿದೆ.
ಇದೀಗ ಭರ್ಜರಿ ಪ್ರದರ್ಶನೊಂದಿಗೇ ತಾರಕಾಸುರ ವೈಭವ ಇಪ್ಪತೈದನೇ ದಿನದತ್ತ ಹೊರಳಿಕೊಂಡಿದೆ

Continue Reading

ಪ್ರಚಲಿತ ವಿದ್ಯಮಾನ

ಎಕ್ಸಲೆಂಟ್ ಡೈರೆಕ್ಟರ್ ದೇಸಾಯಿಯವರಿಗೆ ಎಕ್ಸಲೆನ್ಸ್ ಅವಾರ್ಡ್!

Published

on


ಕನ್ನಡ ಚಿತ್ರರಂಗದ ಕ್ರಿಯಾಶೀಲ, ಕನಸುಗಾರ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ. ಇದೀಗ ಉದ್ಘರ್ಷ ಎಂಬ ಥ್ರಿಲ್ಲರ್ ಸಿನಿಮಾವನ್ನು ನಿರ್ದೇಶನ ಮಾಡಿರುವ ದೇಸಾಯಿಯವರಿಗೆ ಪ್ರತಿಷ್ಠಿತ ಪ್ರಶಸ್ತಿಯೊಂದು ಲಭಿಸಿದೆ. ಇಂಡಿಯನ್ ವರ್ಚುವಲ್ ಅಕಾಡೆಮಿ ವತಿಯಿಂದ ಎಕ್ಸಲೆನ್ಸ್ ಪ್ರಶಸ್ತಿಯನ್ನು ದೇಸಾಯಿಯವರಿಗೆ ಕೊಡಲಾಗಿದೆ.

ಎಂಭತ್ತರ ದಶಕದಲ್ಲಿಯೇ ಮೂವತ್ತು ವರ್ಷದಾಚೆಯ ಆಲೋಚನೆಗಳನ್ನು ಚಿತ್ರವಾಗಿಸಿದ್ದವರು ಸುನೀಲ್ ಕುಮಾರ್ ದೇಸಾಯಿ. ತರ್ಕ ಎಂಬ ವಿಶಿಷ್ಟವಾದ ಸೂಪರ್ ಹಿಟ್ ಚಿತ್ರದ ಮೂಲಕವೇ ನಿರ್ದೇಶಕರಾಗಿ ಹೊರ ಹೊಮ್ಮಿದ್ದ ಅವರು ಭಿನ್ನ ಆಲೋಚನೆಗಳ ಮೂಲಕವೇ ನೆಲೆ ಕಂಡುಕೊಂಡವರು. ಎರಡು ತಲೆಮಾರುಗಳಾಚೆಗೂ ಇಂದಿಗೂ ಪ್ರಸ್ತುತವಾಗಿ ಚಿತ್ರ ಮಾಡೋ ಲವ ಲವಿಕೆ ಹೊಂದಿರುವ ದೇಸಾಯಿ ಕನ್ನಡ ಚಿತ್ರರಂಗದ ಹೆಮ್ಮೆ.ಅವರಿಗೆ ಈಗ ಲಭಿಸಿರುವ ಎಕ್ಸಲೆನ್ಸ್ ಪ್ರಶಸ್ತಿ ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಗರಿಮೆ ಎಂದರೂ ಅತಿಶಯೋಕ್ತಿಯಲ್ಲ.

ಅಚ್ಚುಕಟ್ಟಾದ ಕಾರ್ಯಕ್ರಮವೊಂದರಲ್ಲಿ ಪ್ರಶಸ್ತಿ ಸ್ವೀಕರಿಸಿರುವ ದೇಸಾಯಿ ಈ ಪ್ರಶಸ್ತಿಯನ್ನು ಕನ್ನಡಿಗರಿಗೆ ಅಭಿಮಾನಿಗಳಿಗೆ ಸಮರ್ಪಿಸಿದ್ದಾರೆ. ರೇಸ್ ಕೋರ್ಸ್ ರಸ್ತೆ ಭಾರತೀ ವಿದ್ಯಾ ಭವನದಲ್ಲಿ ನಡೆದ ಈ ಸಮಾರಂಭದಲ್ಲಿ ಮಾಜಿ ಕೇಂದ್ರ ಸಚಿವ ಎಂ.ವಿ.ರಾಜಶೇಖರನ್, ಡಾ. ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಆಯಂಡ್ ಪರ್ಫಾರ್ಮಿಂಗ್ ಆರ್ಟ್ಸ್ ಯೂನಿವರ್ಸಿಟಿಯ ಮಾಜಿ ವೈಸ್ ಚಾನ್ಸೆಲರ್ ಡಾ. ಸರ್ವಮಂಗಳ ಶಂಕರ್, ಕೌನ್ಸಿಲ್ ಆಫ್ ಚೈಲ್ಡ್ ಆಯಂಡ್ ಯೂತ್ ಕೇರ್‌ನ ಮಾಜಿ ಸಿಇಓ ಅರುಣ್ ಕುಮಾರ್ ಬುನ್ಯಾನ್, ಸಂಗೀತ ನಿರ್ದೇಶಕ ಬಿ.ವಿ ಶ್ರಿನಿವಾಸ್, ಖ್ಯಾತ ಗಾಯಕಿ ಡಾ.ಬಿ.ಕೆ. ಸುಮಿತ್ರಾ, ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ಕೌನ್ಸೆಲರ್ ಡಾ. ಎಲ್.ಎಸ್. ನಾರಾಯಣ ರೆಡ್ಡಿ ಭಾರ್ಗವ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

Continue Reading

ಪ್ರಚಲಿತ ವಿದ್ಯಮಾನ

ಮುಂದಿನ ಬದಲಾವಣೆ ನಾಳೆ ಉಡಾವಣೆ!

Published

on


ಥೇಟರಿಗೆ ಬಂದ ಪ್ರತೀ ಪ್ರೇಕ್ಷಕರೊಳಗೂ ಅಮೋಘವಾದ ಖುಷಿ, ಭರಪೂರ ಮನೋರಂಜನೆ ಸಿಕ್ಕ ತೃಪ್ತಿ ಮೂಡಿಸಬೇಕು… ಇಂಥಾದ್ದೊಂದು ಉದ್ದೇಶವನ್ನೇ ಆತ್ಮವಾಗಿಸಿಕೊಂಡ ಅದೆಷ್ಟೋ ಚಿತ್ರಗಳು ಗೆದ್ದಿವೆ. ನಾಳೆ ಬಿಡುಗಡೆಗೊಳ್ಳಲಿರೋ ಪ್ರವೀಣ್ ಭೂಷಣ್ ನಿರ್ದೇಶನದ, ಫಣಿ ಭೂಷಣ್ ನಿರ್ಮಾಣದ ಮುಂದಿನ ಬದಲಾವಣೆ ಚಿತ್ರ ಕೂಡಾ ಆ ಸಾಲಿನಲ್ಲಿಯೇ ಇರುವಂತಿದೆ!

ಮುಂದಿನ ಬದಲಾವಣೆ ಎಂಬುದು ಸಿನಿಮಾ ಪ್ರೇಮಿಗಳಿಗೆ ಚಿರಪರಿಚಿತವಾದ, ಚಿತ್ರಮಂದಿರಗಳಿಗೆ ಹತ್ತಿರಾದ ಪದ. ಈ ಚಿತ್ರದ ತಿರುಳೂ ಕೂಡಾ ಅದಕ್ಕೆ ತಕ್ಕುದಾಗಿರೋದರಿಂದಲೇ ನಿರ್ದೇಶಕ ಪ್ರವೀಣ್ ಈ ಶೀರ್ಷಿಕೆಯನ್ನ ಆಯ್ಕೆ ಮಾಡಿಕೊಂಡಿದ್ದಾರಂತೆ. ಹಾಗಾದರೆ ಈ ಚಿತ್ರ ಯಾವ ಜಾನರಿನದ್ದು, ಕಥೆ ಏನಿದೆ ಎಂಬಂಥಾ ಕುತೂಹಲ ಶುರುವಾಗಿ ಬಹಳಷ್ಟು ಕಾಲವೇ ಕಳೆದಿದೆ. ಬಿಡುಗಡೆಯ ಹೊಸ್ತಿಲಲ್ಲಿಯೇ ನಿರ್ದೇಶಕರು ಈ ಕುರಿತಾದ ಒಂದಷ್ಟು ಮಜವಾದ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.

ಇದೊಂದು ರೊಮ್ಯಾಂಟಿಕ್ ಕಾಮಿಡಿ ಜಾನರಿನ ಚಿತ್ರ. ತಾಜಾತನಗಳಿಂದ ಕೂಡಿದ ದೃಷ್ಯ ಕಟ್ಟ ಬೇಕೆಂಬ ಆಸೆ ಹೊಂದಿದ್ದ ಪ್ರವೀಣ್ ಅದಕ್ಕೆ ತಕ್ಕುದಾಗಿಯೇ ಇಡೀ ಚಿತ್ರವನ್ನು ರೂಪಿಸಿದ್ದಾರಂತೆ. ಇಲ್ಲಿನ ದೃಷ್ಯಗಳು ಅದೆಷ್ಟು ಸಹಜ ಮತ್ತು ಸುಂದರವಾಗಿವೆಯೆಂದರೆ, ಮರೆಯಲ್ಲೆಲ್ಲೋ ಕ್ಯಾಮರಾ ಇಟ್ಟು ಶೂಟ್ ಮಾಡಿದ್ದಾರೇನೋ ಎಂಬಂಥಾ ಆಹ್ಲಾದ ಪ್ರೇಕ್ಷಕರಿಗೆ ಸಿಗುವಂತಿದೆಯಂತೆ. ಇದು ಸ್ಕ್ರೀನ್ ಪ್ಲೇಯನ್ನೇ ಆತ್ಮವಾಗಿಸಿಕೊಂಡಿರೋ ಪ್ರಯತ್ನ. ಕಥೆಗಿಂತಲೂ ಸ್ಕ್ರೀನ್‌ಪ್ಲೇಗೆ ಹೆಚ್ಚು ಒತ್ತು ಕೊಟ್ಟಿರೋ ನಿರ್ದೇಶಕರು ಅದರಲ್ಲಿ ಹೊಸಾ ಪ್ರಯತ್ನಗಳನ್ನು ಮಾಡಿದ್ದಾರೆ. ಪ್ರತೀ ಸೀನುಗಳಲ್ಲಿಯೂ ಪ್ರೇಕ್ಷಕರನ್ನು ಅಚ್ಚರಿಗೊಳಿಸುತ್ತಾ ಭರ್ಜರಿ ಮನೋರಂಜನೆ ನೀಡೋದೇ ಈ ಚಿತ್ರದ ಪ್ರಧಾನ ಉದ್ದೇಶ.

ಒಂದಷ್ಟು ಕಲಾತ್ಮಕ ಟಚ್ ಇರೋ ಶೀರ್ಷಿಕೆಯ ಕಾರಣದಿಂದ ಇದು ಬೇರೆ ಥರದ ಚಿತ್ರ ಅಂದುಕೊಳ್ಳಬೇಕಿಲ್ಲ. ಮುಂದಿನ ಬದಲಾವಣೆ ಪಕ್ಕಾ ಕಮರ್ಶಿಯಲ್ ಅಂಶಗಳೊಂದಿಗೇ ಅಣಿಗೊಂಡಿದೆ. ಹುಡುಗ ಹುಡುಗೀರದ್ದೊಮದು ಗ್ಯಾಂಗು ಕಾಲೇಜಿಗೆ ಮಾಸ್ ಬಂಕ್ ಹಾಕಿ ಚಿತ್ರ ಮಂದಿರಕ್ಕೆ ಹೋದಾಗ ಯಾವ್ಯಾವ ಘಟನೆಗಳು ನಡೆಯುತ್ತವೆಂಬುದರ ಸುತ್ತಾ ಯುವ ಸಮೂಹಕ್ಕೆ ಹತ್ತಿರಾದ ಕಥನವನ್ನು ಈ ಚಿತ್ರ ಹೊಂದಿದೆ. ಇತ್ತೀಚೆಗಂತೂ ಥೇಟರುಗಳು ಸಾಲು ಸಾಲಾಗಿ ನೆಲಸಮ ಗೊಳ್ಳುತ್ತಿವೆ. ಈ ಮೂಲಕ ಒಂದು ಸಿನಿಮಾ ಸಂಸ್ಕೃತಿಯೇ ಸರ್ವನಾಶವಾಗುತ್ತಿವೆ. ಮಲ್ಟಿಫ್ಲೆಕ್ಸುಗಳ ಅಬ್ಬರ ಥೇಟರುಗಳ ಗಾಂಧಿ ಕ್ಲಾಸಿನ ಸಂಭ್ರಮವನ್ನೇ ನುಂಗಿ ಹಾಕುತ್ತಿದೆ. ಇಂಥಾ ಸೂಕ್ಷ್ಮ ಸಂಗತಿಗಳನ್ನೂ ಬೇರೆಯದ್ದೇ ತೆರನಾಗಿ ದಾಖಲಿಸಲಾಗಿರೋ ಈ ಚಿತ್ರದ್ದು ಪಕ್ಕಾ ಕಮರ್ಶಿಯಲ್ ಹಾದಿ.
ಇದು ಪ್ರವೀಣ್ ನಿದೇಶನದ ಮೊದಲ ಚಿತ್ರ. ಗುಬ್ಬಿಯ ನಿಟ್ಟೂರಿನವರಾದ ಪ್ರವೀಣ್ ಪಾಲಿಗೆ ಸಿನಿಮಾ ರಂಗವೆಂಬುದು ಮೊದಲ ಕನಸು. ಏನಾದರೂ ಪರವಾಗಿಲ್ಲ. ಆದರೆ ಚಿತ್ರರಂಗದ ಭಾಗವಾಗಬೇಕೆಂಬ ಹಂಬಲದಿಂದಿದ್ದ ಅವರ ಪಾಲಿಗೆ ಹಾಡೊಂದನ್ನು ಬರೆಯೋ ಅವಕಾಶ ಕೊಟ್ಟವರು ಸಂಗೀತ ನಿರ್ದೇಶಕ ಮಣಿಕಾಂತ್ ಕದ್ರಿ. ಕೋಮಲ್ ನಟಿಸಿದ್ದ ರಾಧನ ಗಂಡ ಚಿತ್ರಕ್ಕೆ ಹಾಡು ಬರೆಯೋ ಮೂಲಕ ಅಡಿಯಿರಿಸಿದ್ದ ಪ್ರವೀಣ್ ಆ ಬಳಿಕ ಮಹೇಶ್ ಸುಖಧರೆ ಮುಂತಾದ ನಿರ್ದೇಶಕರ ಗರಡಿಯಲ್ಲಿಯೂ ಕಾರ್ಯ ನಿರ್ವಹಿಸಿದ್ದರು. ಸಿಂಪಲ್ ಸುನಿ ಅವರೊಂದಿಗೂ ಕಾರ್ಯ ನಿರ್ವಹಿಸಿ ಅನುಭವ ಪಡೆದ ಅವರ ಪಾಲಿಗೆ ಮುಂದಿನ ಬದಲಾವಣೆ ಎಂಬುದು ಮೊದಲ ಕನಸು. ಅದು ನಾಳೆ ಅನಾವರಣಗೊಳ್ಳಲಿದೆ.

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz