One N Only Exclusive Cine Portal

ಹಾರರ್ ಚಿತ್ರದಲ್ಲಿ ನಟಿಸ್ತಾಳಾ ನಯನತಾರಾ?

ತನ್ನ ವೈಯಕ್ತಿಕ ಜೀವನದ ವಿವಾದ ಜಂಜಾಟಗಳ ನಡುವೆಯೂ ಪರಿಪೂರ್ಣ ನಟಿಯಾಗಿ ಗುರುತಿಸಿಕೊಂಡಿರುವಾಕೆ ನಯನತಾರಾ. ತಮಿಳು ತೆಲುಗಿನಲ್ಲಿ ನಾನಾ ಥರದ ಪಾತ್ರಗಳಲ್ಲಿ ನಟಿಸಿರುವ ನಯನತಾರಾ ಹಾರರ್ ಮೂವಿಗಳ ಮೂಲಕವೂ ಸೈ ಅನ್ನಿಸಿಕೊಂಡಿದ್ದವಳು. ಈಕೆ ಇದೀಗ ತಮಿಳು ಭಾಷೆಯ ಮತ್ತೊಂದು ಹಾರರ್ ಚಿತ್ರದಲ್ಲಿ ನಟಿಸುವ ಸೂಚನೆಗಳಿವೆ.


ಬಾಲಿವುಡ್‌ನಲ್ಲಿ ದೊಡ್ಡ ಗೆಲುವು ದಾಖಲಿಸಿದ್ದ ಹಾರರ್ ಚಿತ್ರ `ಪರಿ’. ಈ ಚಿತ್ರದಲ್ಲಿ ಅನುಷ್ಕಾ ಶರ್ಮಾ ಪ್ರಧಾನ ಪಾತ್ರದಲ್ಲಿ ನಟಿಸಿದ್ದಳು. ಬಾಕ್ಸಾಫೀಸ್‌ಲನಲ್ಲಿಯೂ ಭಾರೀ ದಾಖಲೆ ಸೃಷ್ಟಿಸಿದ್ದ ಈ ಚಿತ್ರವನ್ನು ತಮಿಳಿಗೆ ರೀಮೇಕ್ ಮಾಡಲು ಅಲ್ಲಿನ ಪ್ರಸಿದ್ಧ ನಿರ್ಮಾಪಕರೊಬ್ಬರು ಮುಂದಾಗಿದ್ದಾರಂತೆ. ಈಗಾಗಲೇ ಅನುಷ್ಕಾ ಶರ್ಮಾ ಜೊತೆ ಮಾತುಕತೆ ನಡೆಸಿರುವ ಆ ನಿರ್ಮಾಪಕರು ಆಕೆಯಿಂದ ಭಾರೀ ಮೊತ್ತಕ್ಕೆ ರೀಮೇಕ್ ಹಕ್ಕುಗಳನ್ನು ಖರೀದಿಸಿದ್ದಾರಂತೆ.


ಹೀಗೆ ರೀಮೇಕ್ ಹಕ್ಕು ಪಡೆದು ಬಂದ ನಿರ್ಮಾಪಕರು ಅನುಷ್ಕಾ ಶರ್ಮಾ ನಿರ್ವಹಿಸಿದ್ದ ಪಾತ್ರವನ್ನು ನಯನತಾರಾಳೇ ಮಾಡಬೇಕೆಂಬ ತೀರ್ಮಾನಕ್ಕೆ ಬಂದಿದ್ದಾರಂತೆ. ಸದ್ಯ ತೆಲುಗಿನಲ್ಲಿ ಬ್ಯುಸಿಯಾಗಿರೋ ನಯನತಾರಾಳನ್ನು ನಿರ್ಮಾಪಕರು ಸಂಪರ್ಕಿಸಿದ್ದೂ ಆಗಿದೆ. ಈ ಆಫರಿಗೆ ನಯನ್ ಒಪ್ಪಿಕೊಂಡಿದ್ದಾಳಂತೆ. ಇನ್ನೇನು ಈ ಚಿತ್ರಕ್ಕೆ ಚಾಲನೆ ಸಿಗಲಿದೆ.

Leave a Reply

Your email address will not be published. Required fields are marked *


CAPTCHA Image
Reload Image