Connect with us

ಫೋಕಸ್

ಪಡ್ಡೆಹುಲಿಯ ಸಿಂಹಾಭಿಮಾನಕ್ಕೆ ಪ್ರೇಕ್ಷಕರು ಫಿದಾ!

Published

on

ಸಾಹಸಸಿಂಹ ಡಾ ವಿಷ್ಣುವರ್ಧನ್ ಹುಟ್ಟುಹಬ್ಬಕ್ಕೆ ಪಡ್ಡೆಹುಲಿ ಚಿತ್ರತಂಡ ಭಿನ್ನವಾದೊಂದು ಗಿಫ್ಟ್ ನೀಡಿದೆ. ನಾಯಕ ಶ್ರೇಯಸ್ ಅಭಿನಯಿಸಿರೋ ರ್‍ಯಾಪ್ ಸಾಂಗ್ ಒಂದನ್ನು ಬಿಡುಗಡೆ ಮಾಡಿತ್ತು. ಆ ಹಾಡು ಎಲ್ಲ ವಿಷ್ಣು ಅಭಿಮಾನಿಗಳ ಮನ ಗೆದ್ದಿದೆ!

ವಿಷ್ಣು ಅಂದರೆ ಅಭಿಮಾನಿಗಳ ಮನಸಲ್ಲಿ ಮೂಡಿಕೊಳ್ಳೋದು ನಾಗರಹಾವು ಚಿತ್ರದ ಪಾತ್ರ. ಆ ಎನರ್ಜಿಟಿಕ್ ಪಾತ್ರದ ಸೀನುಗಳ ಮೂಲಕವೇ ಆರಂಭವಾಗೋ ಈ ರ್‍ಯಾಪ್ ಸಾಂಗ್‌ನಲ್ಲಿ ವಿಷ್ಣು ಅಭಿನಯದ ಹೆಸರು ಮತ್ತವರ ಬಿರುದುಗಳನ್ನಿಟ್ಟುಕೊಂಡೇ ಸಾಹಿತ್ಯ ರಚಿಸಲಾಗಿದೆ.

ಈ ಹಾಡಿನಲ್ಲಿ ನಾಯಕ ಶ್ರೇಯಸ್ ಪಕ್ಕಾ ವಿಷ್ಣುವರ್ಧನ್ ಅವರ ನಾಗರಹಾವು ಗೆಟಪ್ಪಿನಲ್ಲಿಯೇ ಕಾಣಿಸಿಕೊಂಡಿದ್ದಾರೆ. ಈ ರ್‍ಯಾಪ್ ಸಾಂಗ್ ಮೂಲಕ ತಮ್ಮೆಳಗಿನ ರಿಯಲ್ ವಿಷ್ಣು ಅಭಿಮಾನವನ್ನೂ ಕೂಡಾ ಜಾಹೀರು ಮಾಡಿದ್ದಾರೆ. ಶ್ರೇಯಸ್ ಅವರ ಅಭಿನಯ, ನಿರ್ದೇಶಕ ಗುರುದೇಶಪಾಂಡೆ ಅವರ ಶ್ರಮ ವಿಷ್ಣು ಅಭಿಮಾನಿಗಳ ವ್ಯಾಪಕ ಮೆಚ್ಚುಗೆಯ ಮೂಲಕ ಸಾರ್ಥಕವಾಗಿದೆ.

ಈ ಚಿತ್ರದಲ್ಲಿಯೂ ವಿಷ್ಣುವರ್ಧನ್ ಅವರ ಅಭಿಮಾನಿಯಾಗಿಯೇ ಕಾಣಿಸಿಕೊಂಡಿರೋ ಕೆ ಮಂಜು ಪುತ್ರ ಶ್ರೇಯಸ್ ಈ ಹಾಡಿನಲ್ಲಿಯೂ ವಿಷ್ಟು ಗೆಟಪ್ಪಿನಲ್ಲಿ ಗಮನ ಸೆಳೆದಿದ್ದಾರೆ!

ಕಲರ್ ಸ್ಟ್ರೀಟ್

ಕಾಳಿದಾಸನ ಜೋಡಿಯಾಗಿ ಬರ‍್ತಾಳೆ ಮೇಘನಾ!

Published

on


ಮೇಘನಾ ಗಾಂವ್‌ಕರ್ ಎಂಬ ನಟಿ ಎತ್ತ ಹೋದಳು ಅಂತ ಒಂದಷ್ಟು ಜನರಾದರೂ ಹುಡುಕಾಡಿದ್ದಾರೋ ಇಲ್ಲವೋ ಗೊತ್ತಿಲ್ಲ. ಆದರೆ ಒಂದಷ್ಟು ವರ್ಷಗಳ ಅಜ್ಞಾತವಾಸದ ನಂತರ ಈಕೆ ಮತ್ತೆ ಮರಳಿದ್ದಾಳೆ. ಕಾಳಿದಾಸ ಕನ್ನಡ ಮೇಸ್ಟ್ರು ಎಂಬ ಚಿತ್ರಕ್ಕೆ ಮೇಘನಾ ನಾಯಕಿಯಾಗಿ ಆಯ್ಕೆಯಾಗಿದ್ದಾಳೆ!

ಎರಡು ವರ್ಷಗಳ ಹಿಂದೆ ತೆರೆ ಕಂಡಿದ್ದ ಸಿಂಪಲ್ಲಾಗ್ ಇನ್ನೊಂದ್ ಲವ್ ಸ್ಟೋರಿ ಚಿತ್ರದಲ್ಲಿ ಮೇಘನಾ ನಾಯಕಿಯಾಗಿ ನಟಿಸಿದ್ದೇ ಕೊನೆ. ಆ ನಂತರ ಈಕೆಯ ಪತ್ತೆ ಇರಲಿಲ್ಲ. ರಶ್ಮಿಕಾ ಮಂದಣ್ಣ ಜೊತೆ ಬ್ರೇಕಪ್ ಮಾಡಿಕೊಂಡ ರಕ್ಷಿತ್ ಶೆಟ್ಟಿ ಮೇಘನಾ ಜೊತೆ ಲವ್ವಲ್ಲಿ ಬಿದ್ದಿದ್ದಾರೆ ಅಂತೊಂದು ರೂಮರ್ ಹರಡಿತ್ತಲ್ಲಾ? ಆ ಮೂಲಕವೇ ಮತ್ತೆ ಸುದ್ದಿ ಕೇಂದ್ರಕ್ಕೆ ಬಂದಿದ್ದ ಈಕೆ ಮತ್ತೆ ನಟಿಯಾಗಿ ಮರಳಿದ್ದಾಳೆ.

ಗೀತಸಾಹಿತಿ ಕವಿರಾಜ್ ಕಾಳಿದಾಸ ಕನ್ನಸ ಮೇಶ್ಟ್ರು ಚಿತ್ರವನ್ನು ನಿರ್ದೇಶನ ಮಾಡಲಿದ್ದಾರೆ. ಕವಿರಾಜ್ ಕೂಡಾ ಮದುವೆಯ ಮಮತೆಯ ಕರೆಯೋಲೆ ಚಿತ್ರದ ನಂತರ ಇದೇ ಮೊದಲ ಬಾರಿ ನಿರ್ದೇಶನ ಮಾಡುತ್ತಿದ್ದಾರೆ. ಬದುಕಿಗೆ ಹತ್ತಿರವಾದ ಕಥೆ ಹೊಂದಿರೋ ಪಕ್ಕಾ ಕಮರ್ಶಿಯಲ್ ಮೆಥೆಡ್ಡಿನ ಈ ಚಿತ್ರದಲ್ಲಿ ಜಗ್ಗೇಶ್ ನಾಯಕನಾಗಿ ನಟಿಸಲಿದ್ದಾರೆ. ಇದೇ ಮೊದಲ ಬಾರಿ ಜಗ್ಗಣ್ಣನಿಗೆ ಮೇಘನಾ ನಾಯಕಿಯಾಗಿ ನಟಿಸುತ್ತಿದ್ದಾಳೆ.

Continue Reading

ಪ್ರಚಲಿತ ವಿದ್ಯಮಾನ

25 ನೇ ದಿನದತ್ತ ತಾರಕಾಸುರ ವೈಭವ! ಮೋಡಿ ಮಾಡಿತು ಚಂದ್ರಶೇಖರ ಬಂಡಿಯಪ್ಪ ಬುಡುಬುಡ್ಕೆ!

Published

on


ಫ್ರೆಶ್ ಆದ ಕಥೆಯನ್ನು, ಆಲೋಚನೆಗಳನ್ನು ಕನ್ನಡದ ಪ್ರೇಕ್ಷಕರು ಕಡೆಗಣಿಸಿದ ಉದಾಹರಣೆಗಳೇ ಇಲ್ಲ. ಅಂಥಾದ್ದರಲ್ಲಿ ಇದುವರೆಗೆ ಯಾರೂ ಮುಟ್ಟದ ಕಥೆಯೊಂದನ್ನು ಹೊಂದಿರುವ ಚೆಂದದ ಚಿತ್ರ ತಾರಕಾಸುರನ ಕೈ ಹಿಡಿಯದಿರುತ್ತಾರಾ? ಚಂದ್ರಶೇಖರ ಬಂಡಿಯಪ್ಪ ನಿರ್ದೇಶನದ ಈ ಚಿತ್ರ ಭರ್ಜರಿ ಓಪನಿಂಗ್ ಪಡೆದು ಇದೀಗ ಯಶಸ್ವಿಯಾಗಿ ಇಪ್ಪತೈದನೇ ದಿನದತ್ತ ದಾಪುಗಾಲಿಟ್ಟಿದೆ!

ತಾರಕಾಸುರನ ಡಿಫರೆಂಟಾದ ಕಥೆಗೆ ಪ್ರೇಕ್ಷಕರು ಮನ ಸೋತಿದ್ದಾರೆ. ಜೊತೆಗೆ ಚಿತ್ರರಂಗದ ಮಂದಿಯೂ ಕೂಡಾ ಬಹುವಾಗಿ ಮೆಚ್ಚಿಕೊಂಡಿದ್ದಾರೆ. ಇತ್ತೀಚೆಗೆ ಈ ಚಿತ್ರ ವೀಕ್ಷಿಸಿದ್ದ ದುನಿಯಾ ವಿಜಯ್ ಅವರಂತೂ ಈ ಚಿತ್ರದ ನಿರ್ದೇಶನ, ಕಥೆ, ವೈಭವ್ ಅವರ ಅಮೋಘ ನಟನೆಯನ್ನೆಲ್ಲ ಕೊಂಡಾಡಿದ್ದಾರೆ. ವಿಜಿ ಮಾತ್ರವಲ್ಲದೇ ಈ ಚಿತ್ರವನ್ನು ನೋಡಿದವರೆಲ್ಲ ಇದೇ ಅಭಿಪ್ರಾಯವನ್ನು ವ್ಯಕ್ತ ಪಡಿಸುತ್ತಿದ್ದಾರೆ.

ಬುಡುಬುಡ್ಕೆ ಸಮುದಾಯದ ಕಥೆಯನ್ನು ಬೇಸ್ ಆಗಿಸಿಕೊಂಡಿರೋ ತಾರಕಾಸುರ ಪಕ್ಕಾ ಕಮರ್ಶಿಯಲ್ ಚಿತ್ರ. ನಿರ್ದೇಶಕ ಚಂದ್ರ ಶೇಖರ ಬಂಡಿಯಪ್ಪ ಈ ಹಿಂದೆ ರಥಾವರ ಚಿತ್ರದಲ್ಲಿ ಮಾಡಿದ್ದ ಮೋಡಿಯನ್ನೇ ಈ ಬಾರಿಯೂ ಮುಂದುವರೆಸಿದ್ದಾರೆ. ಹೊಸಾ ಹುಡುಗ ವೈಭವ್ ಅವರನ್ನು ಸವಾಲಿನ ಪಾತ್ರದಲ್ಲಿ ಎಲ್ಲರೂ ಮೆಚ್ಚುವಂತೆ ಚಿತ್ರಿಸಿರೋದರಲ್ಲಿಯೇ ಬಂಡಿಯಪ್ಪನವರ ಅಸಲೀ ಕಸುಬುದಾರಿಕೆ ಜಾಹೀರಾಗಿದೆ. ಬಹುಶಃ ಮಾಮೂಲಿ ನೋಟಕ್ಕೆ ಒಂದು ಆರ್ಟ್ ಮೂವಿಯ ವಸ್ತುವಾಗಿಯಷ್ಟೇ ಕಾಣಿಸುವ ಕಥೆಯೊಂದನ್ನು ಕಮರ್ಶಿಯಲ್ ಚೌಕಟ್ಟಿನಲ್ಲಿ ತೆರೆದಿಟ್ಟಿದ್ದೇ ಪ್ರೇಕ್ಷಕರನ್ನು ಸೆಳೆದುಕೊಂಡಿದೆ.
ಇದೀಗ ಭರ್ಜರಿ ಪ್ರದರ್ಶನೊಂದಿಗೇ ತಾರಕಾಸುರ ವೈಭವ ಇಪ್ಪತೈದನೇ ದಿನದತ್ತ ಹೊರಳಿಕೊಂಡಿದೆ

Continue Reading

ಪ್ರಚಲಿತ ವಿದ್ಯಮಾನ

ಎಕ್ಸಲೆಂಟ್ ಡೈರೆಕ್ಟರ್ ದೇಸಾಯಿಯವರಿಗೆ ಎಕ್ಸಲೆನ್ಸ್ ಅವಾರ್ಡ್!

Published

on


ಕನ್ನಡ ಚಿತ್ರರಂಗದ ಕ್ರಿಯಾಶೀಲ, ಕನಸುಗಾರ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ. ಇದೀಗ ಉದ್ಘರ್ಷ ಎಂಬ ಥ್ರಿಲ್ಲರ್ ಸಿನಿಮಾವನ್ನು ನಿರ್ದೇಶನ ಮಾಡಿರುವ ದೇಸಾಯಿಯವರಿಗೆ ಪ್ರತಿಷ್ಠಿತ ಪ್ರಶಸ್ತಿಯೊಂದು ಲಭಿಸಿದೆ. ಇಂಡಿಯನ್ ವರ್ಚುವಲ್ ಅಕಾಡೆಮಿ ವತಿಯಿಂದ ಎಕ್ಸಲೆನ್ಸ್ ಪ್ರಶಸ್ತಿಯನ್ನು ದೇಸಾಯಿಯವರಿಗೆ ಕೊಡಲಾಗಿದೆ.

ಎಂಭತ್ತರ ದಶಕದಲ್ಲಿಯೇ ಮೂವತ್ತು ವರ್ಷದಾಚೆಯ ಆಲೋಚನೆಗಳನ್ನು ಚಿತ್ರವಾಗಿಸಿದ್ದವರು ಸುನೀಲ್ ಕುಮಾರ್ ದೇಸಾಯಿ. ತರ್ಕ ಎಂಬ ವಿಶಿಷ್ಟವಾದ ಸೂಪರ್ ಹಿಟ್ ಚಿತ್ರದ ಮೂಲಕವೇ ನಿರ್ದೇಶಕರಾಗಿ ಹೊರ ಹೊಮ್ಮಿದ್ದ ಅವರು ಭಿನ್ನ ಆಲೋಚನೆಗಳ ಮೂಲಕವೇ ನೆಲೆ ಕಂಡುಕೊಂಡವರು. ಎರಡು ತಲೆಮಾರುಗಳಾಚೆಗೂ ಇಂದಿಗೂ ಪ್ರಸ್ತುತವಾಗಿ ಚಿತ್ರ ಮಾಡೋ ಲವ ಲವಿಕೆ ಹೊಂದಿರುವ ದೇಸಾಯಿ ಕನ್ನಡ ಚಿತ್ರರಂಗದ ಹೆಮ್ಮೆ.ಅವರಿಗೆ ಈಗ ಲಭಿಸಿರುವ ಎಕ್ಸಲೆನ್ಸ್ ಪ್ರಶಸ್ತಿ ಕನ್ನಡ ಚಿತ್ರರಂಗಕ್ಕೆ ಸಿಕ್ಕ ಗರಿಮೆ ಎಂದರೂ ಅತಿಶಯೋಕ್ತಿಯಲ್ಲ.

ಅಚ್ಚುಕಟ್ಟಾದ ಕಾರ್ಯಕ್ರಮವೊಂದರಲ್ಲಿ ಪ್ರಶಸ್ತಿ ಸ್ವೀಕರಿಸಿರುವ ದೇಸಾಯಿ ಈ ಪ್ರಶಸ್ತಿಯನ್ನು ಕನ್ನಡಿಗರಿಗೆ ಅಭಿಮಾನಿಗಳಿಗೆ ಸಮರ್ಪಿಸಿದ್ದಾರೆ. ರೇಸ್ ಕೋರ್ಸ್ ರಸ್ತೆ ಭಾರತೀ ವಿದ್ಯಾ ಭವನದಲ್ಲಿ ನಡೆದ ಈ ಸಮಾರಂಭದಲ್ಲಿ ಮಾಜಿ ಕೇಂದ್ರ ಸಚಿವ ಎಂ.ವಿ.ರಾಜಶೇಖರನ್, ಡಾ. ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಆಯಂಡ್ ಪರ್ಫಾರ್ಮಿಂಗ್ ಆರ್ಟ್ಸ್ ಯೂನಿವರ್ಸಿಟಿಯ ಮಾಜಿ ವೈಸ್ ಚಾನ್ಸೆಲರ್ ಡಾ. ಸರ್ವಮಂಗಳ ಶಂಕರ್, ಕೌನ್ಸಿಲ್ ಆಫ್ ಚೈಲ್ಡ್ ಆಯಂಡ್ ಯೂತ್ ಕೇರ್‌ನ ಮಾಜಿ ಸಿಇಓ ಅರುಣ್ ಕುಮಾರ್ ಬುನ್ಯಾನ್, ಸಂಗೀತ ನಿರ್ದೇಶಕ ಬಿ.ವಿ ಶ್ರಿನಿವಾಸ್, ಖ್ಯಾತ ಗಾಯಕಿ ಡಾ.ಬಿ.ಕೆ. ಸುಮಿತ್ರಾ, ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ಕೌನ್ಸೆಲರ್ ಡಾ. ಎಲ್.ಎಸ್. ನಾರಾಯಣ ರೆಡ್ಡಿ ಭಾರ್ಗವ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz