Connect with us

ಸೌತ್ ಬಜ್

ಟಾಲಿವುಡ್ಡಲ್ಲಿ ಪ್ರಣಾಂ ವೈರಂ!

Published

on

ಕುಮಾರಿ ೨೧ಎಫ್ ಚಿತ್ರದ ಮೂಲಕವೇ ಸ್ಯಾಂಡಲ್‌ವುಡ್ಡಿಗೆ ಎಂಟ್ರಿ ಕೊಟ್ಟಿದ್ದವರು ಪ್ರಣಾಮ್. ಡೈನಾಮಿಕ್ ಸ್ಟಾರ್ ದೇವರಾಜ್ ಪುತ್ರನ ಈ ಚಿತ್ರಕ್ಕೆ ಕನ್ನಡದ ಪ್ರೇಕ್ಷಕರು ಮನಃಪೂರ್ವಕವಾಗಿಯೇ ಬೆಂಬಲಿಸಿದ್ದರು. ಈ ಚಿತ್ರದಲ್ಲಿ ಗಮನಾರ್ಹವಾದ ನಟನೆ ನೀಡಿದ್ದ ಪ್ರಣಾಮ್ ನಾಯಕನಾಗಿ ನೆಲೆ ನಿಲ್ಲುತ್ತಾನೆಂಬ ಭರವಸೆಯೂ ಹುಟ್ಟಿಕೊಂಡಿತ್ತು.
ಇದೀಗ ಪ್ರಣಾಮನ ಹೊಸಾ ಚಿತ್ರ ಕನ್ನಡದಲ್ಲಿ ಶುರುವಾಗೋ ಮುನ್ನವೇ ಆತ ತೆಲುಗು ಚಿತ್ರವೊಂದರಲ್ಲಿ ನಟಿಸಲು ಮುಂದಾಗಿದ್ದಾನೆ. ಸಾಯಿ ಶಿವಾನಿ ಕಥೆ ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿರೋ ಈ ಚಿತ್ರದ ಮೋಷನ್ ಪೋಸ್ಟರ್ ಕೂಡಾ ಈಗಾಗಲೇ ಬಿಡುಗಡೆಯಾಗಿದೆ. ಅದರ ಬಗೆಗೂ ಸಾಮಾಜಿಕ ಜಾಲತಾಣಗಳಲ್ಲಿ ಸಕಾರಾತ್ಮಕ ಪ್ರತಿಕ್ರಿಯೆಗಳು ಬಂದಿವೆ.
ಈ ಚಿತ್ರಕ್ಕೆ ವೈರಂ ಎಂಬ ಶೀರ್ಷಿಕೆ ಇಡಲಾಗಿದೆ. ಈಗಾಗಲೇ ಅದ್ದೂರಿಯಾಗಿ ಮುಹೂರ್ತವೂ ನೆರವೇರಿದೆ. ಜೆಎಂಕೆ ನಿರ್ಮಾಣ ಮಾಡಿರೋ ಈ ಚಿತ್ರ ಕನ್ನಡದಲ್ಲಿಯೂ ತಯಾರಾಗಲಿದೆಯಂತೆ. ಈ ಹಿಂದೆ ಪ್ರಣಾಮನ ಮೊದಲ ಚಿತ್ರ ಕುಮಾರಿ ಕೂಡಾ ತೆಲುಗಿನಲ್ಲಿಯೂ ಬಿಡುಗಡೆಯಾಗಿತ್ತು. ಈ ಮೂಲಕ ಈತನಿಗೆ ತೆಲುಗಿನಲ್ಲಿಯೂ ಗ್ರ್ಯಾಂಡ್ ಓಪನಿಂಗ್ ಸಿಕ್ಕಿದೆ.  ಈಗಿರೋ ವಾತಾವರಣ ಗಮನಿಸಿದರೆ ಪ್ರಣಾಮ್ ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಏಕಕಾಲಕ್ಕೇ ನಾಯಕ ನಟನಾಗಿ ನೆಲೆ ನಿಲ್ಲೋ ಸೂಚನೆಗಳಿವೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಫೋಕಸ್

ತಮಿಳು ನಟಿಯರ ನಿದ್ದೆಗೆಡಿಸಲಿದ್ದಾಳಾ ರಶ್ಮಿಕಾ ಮಂದಣ್ಣ?

Published

on


ಕಿರಿಕ್ ಪಾರ್ಟಿ ಚಿತ್ರದ ನಂತರ ರಶ್ಮಿಕಾ ಮಂದಣ್ಣ ಶೈನಪ್ ಆದ ರೀತಿ ಕಂಡು ಈ ಕ್ಷಣಕ್ಕೂ ಕನ್ನಡದ ಪ್ರೇಕ್ಷಕರಲ್ಲೊಂದು ಅಚ್ಚರಿಯಿದೆ. ಆದರೆ ಆಕೆ ತೆಲುಗಿನಲ್ಲಿ ಗೀತಾ ಗೋವಿಂದಂ ಚಿತ್ರದ ಬಳಿಕ ಪಡೆದುಕೊಳ್ಳುತ್ತಿರೋ ಅವಕಾಶಗಳನ್ನು ಕಂಡು ದಕ್ಷಿಣಾ ಭಾರತೀಯ ಚಿತ್ರರಂಗವೇ ತಿರುಗಿ ನೋಡುವಂತಾಗಿದೆ. ವಿಜಯ್ ದೇವರಕೊಂಡನಿಗೆ ನಾಯಕಿಯಾಗಿ ನಟಿಸಿದ ಬಳಿಕ ಬೇರೆ ಬೇರೆ ಭಾಷೆಗಳಲ್ಲಿಯೂ ರಶ್ಮಿಕಾ ಸ್ಟಾರ್ ನಟರಿಗೆ ಜೋಡಿಯಾಗಿ ನಟಿಸೋ ಸದಾವಕಾಶ ಗಿಟ್ಟಿಸಿಕೊಂಡಿದ್ದಾಳೆ.

ಈಗ ಹರಿದಾಡುತ್ತಿರೋ ಸುದ್ದಿಯ ಪ್ರಕಾರವಾಗಿ ಹೇಳೋದಾದರೆ, ತೆಲುಗಿನಲ್ಲಿ ಫೇಮಸ್ಸಾಗಿರೋ ರಶ್ಮಿಕಾ ತಮಿಳು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡೋ ಕ್ಷಣಗಳು ಹತ್ತಿರಾಗಿವೆ. ರಶ್ಮಿಕಾ ಇಳೆಯದಳಪತಿ ವಿಜಯ್ ಗೆ ನಾಯಕಿಯಾಗಿ ನಟಿಸಲಿದ್ದಾಳೆ!

ವಿಜಯ್ ಅರತ್ತಮೂರನೇ ಚಿತ್ರಕ್ಕೆ ಇತ್ತೀಚೆರಗಷ್ಟೇ ಮುಹೂರ್ತ ನಡೆದಿದೆ. ಈಗಾಗಲೇ ಥೇರಿ ಮತ್ತು ಮರ್ಸಲ್‌ನಂಥಾ ಚಿತ್ರಗಳನ್ನು ವಿಜಯ್‌ಗಾಗಿ ನಿರ್ದೇಶನ ಮಾಡಿರೋ ಆಟ್ಲಿ ಕುಮಾರ್ ಈ ಚಿತ್ರವನ್ನೂ ನಿರ್ದೇಶನ ಮಾಡಲಿದ್ದಾರೆ. ಇದೀಗ ಆರಂಭಿಕವಾಗಿ ಈ ಚಿತ್ರಕ್ಕೆ ರಶ್ಮಿಕಾಳನ್ನು ನಾಯಕಿಯನ್ನಾಗಿ ಆಯ್ಕೆ ಮಾಡಲಾಗಿದೆ. ಈ ಬಗೆಗಿನ ಅಧಿಕೃತ ವಿಚಾರ ಇನ್ನಷ್ಟೇ ಹೊರ ಬೀಳಬೇಕಿದೆ.

ರಶ್ಮಿಕಾ ಈಗಾಗಲೇ ತೆಲುಗಿನಲ್ಲಿ ನಂಬರ್ ಒನ್ ನಾಯಕಿಯಂತೆ ಕಂಗೊಳಿಸುತ್ತಿದ್ದಾಳೆ. ಈಕೆ ಅಲ್ಲು ಅರ್ಜುನ್ ಮತ್ತು ಪ್ರಿನ್ಸ್ ಮಹೇಶ್ ಬಾಬು ಚಿತ್ರಗಳಲ್ಲಿಯೂ ನಾಯಕಿಯಾಗಿ ನಟಿಸಲಿದ್ದಾಳೆಂಬಂಥಾ ಸುದ್ದಿಯಿದೆ. ತೆಲುಗಿನಲ್ಲಂತೂ ಸಮಂತಾಳಂಥಾ ನಟಿಯರೇ ರಶ್ಮಿಕಾ ಮುಂದೆ ಮಂಕಾಗಿದ್ದಾರೆ. ಇದೀಗ ತಮಿಳುನಾಡಿನ ನಟಿಯರಿಗೂ ಅಂಥಾದ್ದೇ ಕಂಟಕ ಕಾದಂತಿದೆ!

Continue Reading

ಫೋಕಸ್

ತೆಲುಗಿನಲ್ಲೂ ಆರ್ಭಟ ಶುರುವಿಟ್ಟ ಭೈರವ ಡಾಲಿ!

Published

on


ರಾಮ್‌ಗೋಪಾಲ್ ವರ್ಮಾ ನಿರ್ಮಾಣ ಮಾಡಿರೋ ಭೈರವಗೀತಾ ಮುಂದಿನ ವಾರ ತೆರೆಕಾಣಲು ಮುಹೂರ್ತ ನಿಗಧಿಯಾಗಿದೆ. ರಕ್ತಸಿಕ್ತವಾದೊಂದು ರಗಡ್ ಕಥಾನಕ, ಅದರಲ್ಲಿಯೇ ಮಿಳಿತವಾಗಿರೋ ಪ್ರೇಮಕಾವ್ಯ ಹೊಂದಿರೋ ಈ ಚಿತ್ರದಲ್ಲಿ ಡಾಲಿ ಧನಂಜಯ್ ನಟನೆ ಎಂಥಾದ್ದೆಂಬುದು ಟ್ರೈಲರ್ ಮೂಲಕವೇ ಜಾಹೀರಾಗಿದೆ. ಇದೇ ಹೊತ್ತಿನಲ್ಲಿ ಡಾಲಿ ತೆಲುಗು ಭಾಷೆಗೂ ಭರ್ಜರಿಯಾಗಿಯೇ ಎಂಟ್ರಿ ಕೊಟ್ಟಿದ್ದಾರೆ. ಪಕ್ಕದ ತೆಲುಗು ಭಾಷೆಯಲ್ಲಿಯೂ ಈ ಚಿತ್ರದ ಟ್ರೈಲರ್ ಇದೀಗ ಟ್ರೆಂಡಿಂಗ್‌ನಲ್ಲಿದೆ.

ಸೂರಿ ನಿರ್ದೇಶನದ ಟಗರು ಚಿತ್ರದ ಡಾಲಿ ಪಾತ್ರ ಧನಂಜಯ್‌ಗೆ ಭಾರೀ ಹೆಸರು ತಂದು ಕೊಟ್ಟಿತ್ತಲ್ಲಾ? ಅದೇ ಖದರ್ ಹೊಂದಿರೋ ಪಾತ್ರ ಭೈರವಗೀತಾ ಚಿತ್ರದಲ್ಲಿಯೂ ಅನೂಜಚಾನವಾಗಿ ಮುಂದುವರೆದಿದೆ. ರಾಮ್‌ಗೋಪಾಲ್ ವರ್ಮಾ ಹೇಳಿಕೇಳಿ ರಿಯಲಿಸ್ಟಿಕ್ ಕಥಾನಕಗಳಿಗೇ ಸಿನಿಮಾ ಚೌಕಟ್ಟು ಹಾಕೋದರಲ್ಲಿ ಸಿದ್ಧಹಸ್ತರು. ಅಂಥಾ ವರ್ಮಾ ಈ ಚಿತ್ರದ ಒಟ್ಟಾರೆ ಕಥೆಯನ್ನು ಡಾಲಿ ಧನಂಜಯ್ ಅವರ ತಾಕತ್ತಿಗೆ ತಕ್ಕ ಹಾಗೆಯೇ ಆಯ್ಕೆ ಮಾಡಿದ್ದಾರೆ.

ಸಿದ್ಧಾರ್ಥ ತಟೋಲು ನಿರ್ದೇಶನದ ಈ ಚಿತ್ರ ಏಕಕಾಲದಲ್ಲಿಯೇ ಕನ್ನಡ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ತೆರೆ ಕಾಣಲಿದೆ. ಟಗರು ಚಿತ್ರದ ನಂತರದಲ್ಲಿ ಕನ್ನಡದಲ್ಲಿಯಂತೂ ಧನಂಜಯ್ ಅವರ ಈ ಚಿತ್ರಕ್ಕಾಗಿ ಪ್ರೇಕ್ಷಕರು ಕಾತರರಾಗಿದ್ದಾರೆ. ಇಲ್ಲಿ ಈ ಚಿತ್ರ ಗೆಲ್ಲೋದರಲ್ಲಿ ಯಾವ ಸಂಶಯಗಳೂ ಉಳಿದಿಲ್ಲ. ಆದರೀಗ ಟ್ರೈಲರ್ ಮೂಲಕ ಭೈರವಬ ಗೀತಾ ತೆಲುಗು ಭಾಷೆಯಲ್ಲಿಯೂ ಭಾರೀ ಕ್ರೇಜ್ ಹುಟ್ಟು ಹಾಕಿದೆ. ಸಿನಿಮಾ ಪ್ರೇಮಿಗಳ ಸಂಖ್ಯೆ ಹೆಚ್ಚಾಗಿರುವ ತೆಲುಗಿನಲ್ಲಿ ಭೈರವ ಡಾಲಿ ಮನೆ ಮಾತಾಗಿದ್ದಾರೆ. ಇದೆಲ್ಲವನ್ನೂ ಗಮನಿಸುತ್ತಿದ್ದರೆ ಅಲ್ಲಿಯೂ ಭೈರವ ಗೀತಾ ಚಿತ್ರ ದೊಡ್ಡ ಮಟ್ಟದಲ್ಲಿಯೇ ಗೆಲುವು ದಾಖಲಿಸೋದು ಪಕ್ಕಾ!
ಡಾಲಿ ಪಾತ್ರದ ಪ್ರಭೆಯಲ್ಲಿಯೇ ಧನಂಜಯ್ ಅವರಿಗೆ ಕನ್ನಡದಲ್ಲಿ ದಂಡಿ ದಂಡಿ ಅವಕಾಶಗಳಿವೆ. ಇದೇ ಹೊತ್ತಿನಲ್ಲಿ ಅವರು ತೆಲುಗಿನಲ್ಲಿಯೂ ಭಾರೀ ಸದ್ದು ಮಾಡುತ್ತಿದ್ದಾರೆ. ಬಹುಶಃ ಭೈರವ ಗೀತಾ ತೆರೆ ಕಂಡ ನಂತರದಲ್ಲಿ ಅವರು ತೆಲುಗಿನಲ್ಲಿಯೂ ಬೇಡಿಕೆಯ ಹೀರೋ ಆಗಿ ಹೊರ ಹೊಮ್ಮಬಹುದೇನೋ…

Continue Reading

ಸೌತ್ ಬಜ್

ಕೆಜಿಎಫ್ ಟ್ರೈಲರ್ ಕಂಡು ಭೇಷ್ ಅಂದ್ರು ಬಾಲಯ್ಯ!

Published

on


ಟ್ರೈಲರ್ ಮೂಲಕ ಯಶ್ ಅಭಿನಯದ ಚಿತ್ರ ದೇಶಾಧ್ಯಂತ ನಿರೀಕ್ಷೆಯ ತರಂಗಗಳನ್ನೆಬ್ಬಿಸಿದೆ. ಬಹು ನಿರೀಕ್ಷಿತ ಭಾರತೀಯ ಚಿತ್ರಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನ ಗಿಟ್ಟಿಸಿಕೊಂಡಿರೋ ಈ ಟ್ರೈಲರ್ ಬಗ್ಗೆ ಎಲ್ಲ ಭಾಷೆಗಳಿಂದಲೂ ಮೆಚ್ಚುಗೆಯ ಮಹಾಪೂರವೇ ಹರಿದು ಬರುತ್ತಿದೆ. ಇದೀಗ ತೆಲುಗು ಚಿತ್ರರಂಗದ ಸೂಪರ್ ಸ್ಟಾರ್ ಬಾಲಯ್ಯ ಕೂಡಾ ಕೆಜಿಎಫ್ ಟ್ರೈಲರ್ ಕಂಡು ಭೇಷ್ ಅಂದಿದ್ದಾರೆ!

ಬಾಲಯ್ಯ ಅಂದರೇನೇ ವಿಕ್ಷಿಪ್ತ ವ್ಯಕ್ತಿತ್ವಕ್ಕೆ ಹೆಸರಾದ ನಟ. ಅವರು ಬಡಪೆಟ್ಟಿಗೆ ಯಾರನ್ನೂ, ಯಾವುದನ್ನೂ ಮೆಚ್ಚಿಕೊಳ್ಳುವವರಲ್ಲ. ಚಿತ್ರಗಳ ವಿಚಾರದಲ್ಲಂತೂ ಮುಖಕ್ಕೆ ಹೊಡೆದಂತೆ ಅಭಿಪ್ರಾಯ ಹೇಳೋದರಲ್ಲಿ ಅವರು ನಿಸ್ಸೀಮರು. ಇದೆಲ್ಲದರಾಚೆಗೆ ಅವರು ಒಂದು ಚಿತ್ರವನ್ನು ಮೆಚ್ಚಿಕೊಂಡರೆಂದರೆ ಆ ಚಿತ್ರ ಗೆಲ್ಲೋದು ಗ್ಯಾರೆಂಟಿ ಎಂಬಂಥಾ ವಾತಾವರಣವೇ ಇದೆ. ಇದೀಗ ಅಂಥಾ ಬಾಲಯ್ಯನೇ ಕೆಜಿಎಫ್ ಟ್ರೈಲರ್ ಅನ್ನು ಮೆಚ್ಚಿಕೊಂಡಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿರೋ ಬಾಲಯ್ಯ ತಾವು ಸದಾ ಗೌರವಿಸೋ ಕನ್ನಡದ ಕೆಜಿಎಫ್ ಚಿತ್ರದ ಟ್ರೈಲರ್ ಅನ್ನು ಕೊಮಡಾಡಿದ್ದಾರೆ. ಈ ಚಿತ್ರ ಯಶ ಕಾಣಲೆಂದು ಶುಭ ಕೋರಿದ್ದಾರೆ. ಈ ಮೂಲಕ ಅವರು ತಮ್ಮ ಕನ್ನಡ ಪ್ರೇಮವನ್ನೂ ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಬಾಲಯ್ಯನವರ ಈ ಮೆಚ್ಚುಗೆಯ ಮಾತುಗಳು ಕೆಜಿಎಫ್ ಚಿತ್ರತಂಡಕ್ಕೆ ಮತ್ತಷ್ಟು ಹುರುಪು ತುಂಬಿರೋದಂತೂ ನಿಜ.

ಆರಂಭದಲ್ಲಿ ಶಾರೂಖ್ ಖಾನ್ ನಟನೆಯ ಝೀರೋ ಚಿತ್ರಕ್ಕೆದುರಾಗಿ ಕೆಜಿಎಫ್ ಬಿಡುಗಡೆಯಾಗೋ ಸುದ್ದಿ ಕೇಳಿ ಕುಹಕವಾಡಿದ್ದವರೇ ಹೆಚ್ಚು. ಶಾರೂಖ್ ಅಭಿಮಾನಿಗಳೆಂದು ಬಿಂಬಿಸಿಕೊಂಡವರೊಂದಷ್ಟು ಮಂದಿ ಝೋರೋ ಚಿತ್ರಕ್ಕೆದುರಾಗೋ ಹುಂಬ ಸಾಹಸ ಮಾಡಿದ ಕೆಜಿಎಫ್ ಧೂಳೀಪಟವಾಗಲಿದೆ ಅಂತಲೂ ಅಬ್ಬರಿಸಿದ್ದರು. ಆದರೀಗ ಕೆಜಿಎಫ್ ಅಬ್ಬರದ ಮುಂದೆ ಝೀರೋ ಚಿತ್ರವೇ ಕಂಗಾಲಾಗಿದೆ. ಭಾರತೀಯ ಬಹು ನಿರೀಕ್ಷಿತ ಚಿತ್ರಗಳ ಪಟ್ಟಿಯಲ್ಲಿ ಕೆಜಿಎಫ್ ಎರಡನೇ ಸ್ಥಾನದಲ್ಲಿದ್ದರೆ, ಝೀರೋ ಚಿತ್ರ ನಾಲಕ್ಕನೇ ಸ್ಥಾನಕ್ಕೆ ಗದುಮಿಸಿಕೊಂಡಿದೆ!

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz