Connect with us

ಪ್ರಚಲಿತ ವಿದ್ಯಮಾನ

ಮೀಟೂ ಅಭಿಯಾನಕ್ಕೆ ರಘು ದೀಕ್ಷಿತ್ ಮಡದಿಯ ಬೆಂಬಲ!

Published

on

ಬಾಲಿವುಡ್ ನಟಿ ತನುಶ್ರೀ ದತ್ತ ನಾನಾ ಪಾಟೇಕರ್ ವಿರುದ್ಧ ಲೈಂಗಿಕ ಕಿರುಕುಳದ ಆರೋಪ ಮಾಡಿದ್ದೇ ಮೀ ಟೂ ಎಂಬ ಅಭಿಯಾನವೊಂದಕ್ಕೆ ಚಾಲನೆ ನೀಡಿದೆ. ಇದರ ಮೂಲಕ ಚಿತ್ರರಂಗದ ನಟಿಯರು ತಾವು ಅನುಭವಿಸಿದ್ದ ಯಾತನೆಗಳನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಜಾಹೀರು ಮಾಡಲಾರಂಭಿಸಿದ್ದಾರೆ. ಈ ಮೂಲಕ ಹಲವಾರು ನಟರು ಬೆತ್ತಲಾಗುತ್ತಿದ್ದಾರೆ. ಇದೇ ಅಭಿಯಾನ ಕನ್ನಡದ ಖ್ಯಾತ ಹಾಡುಗಾರ ರಘು ದೀಕ್ಷಿತ್ ಅವರನ್ನೂ ಲುಂಗಿ ಕಳಚಿ ನಿಲ್ಲಿಸಿ ಬಿಟ್ಟಿದೆ.

ಆದರೆ, ತಮ್ಮ ಮೇಲೆ ತೆಲುಗು ಸಿಂಗರ್ ಚಿನ್ಮಯಿ ಶ್ರೀಪಾದ್ ಮಾಡಿದ್ದ ಲೈಂಗಿಕ ಕಿರುಕುಳದ ಆರೋಪವನ್ನು ರಘು ದೀಕ್ಷಿತ್ ಒಪ್ಪಿಕೊಂಡಿದ್ದಾರೆ. ಈ ಬಗ್ಗೆ ನೇರಾ ನೇರ ಅಭಿಪ್ರಾಯವನ್ನೂ ಹಂಚಿಕೊಂಡಿದ್ದಾರೆ. ಇದಾಗುತ್ತಲೇ ಈ ಬಗ್ಗೆ ರಘು ದೀಕ್ಷಿತ್ ಅವರ ಮಡದಿ ಮಯೂರಿ ಉಪಾಧ್ಯಾಯರ ಅಭಿಪ್ರಾಯವೇನಿರ ಬಹುದೆಂಬ ಬಗ್ಗೆ ಎಲ್ಲರಲ್ಲಿಯೂ ಕುತೂಹಲವಿತ್ತು. ಇದೀಗ ಮೀ ಟೂ ಅಭಿಯಾನದ ಮಯೂರಿ ನೇರವಾಗಿಯೇ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಇದುವೇ ತಮ್ಮ ಪತಿಯ ಕಿತಾಪತಿಯ ಬಗೆಗಿನ ತಮ್ಮ ಅಭಿಪ್ರಾಯ ಎಂಬುದನ್ನೂ ಕೂಡಾ ಮಯೂರಿ ಪರೋಕ್ಷವಾಗಿ ಹೇಳಿದಂತಿದೆ!

ಮೀಟೂ ಅಭಿಯಾನದ ಮೂಲಕ ಲೈಂಗಿಕ ದೌರ್ಜನ್ಯಕ್ಕೀಡಾಗಿ ನೊಂದ ಮಹಿಳೆಯರೆಲ್ಲ ಧ್ವನಿಯೆತ್ತುತ್ತಿರೋದು ಸಕಾರಾತ್ಮಕ ಬೆಳವಣಿಗೆ. ಈ ಮೂಲಕ ಎಲ್ಲರ ಮುಖವಾಡ ಕಳಚಿಕೊಳ್ಳುತ್ತಿದೆ. ಅಂಥವರಿಗೆಲ್ಲ ಶಿಕ್ಷಿಯಾಗುವಂತಾಗಲಿ. ಈ ಅಭಿಯಾನಕ್ಕೆ ನನ್ನ ಬೆಂಬಲವಿದೆ ಅಂತ ಮಯೂರಿ ಹೇಳಿಕೊಂಡಿದ್ದಾರೆ. ಅವರು ನೇರವಾಗಿ ತನ್ನ ಪತಿ ರಘು ದೀಕ್ಷಿತ್ ಬಗ್ಗೆ ಏನನ್ನೂ ಹೇಳಿಲ್ಲವಾದರೂ ತನ್ನ ಪತಿಯ ವಿರುದ್ಧ ಆರೋಪ ಮಾಡಿರೋ ಅಭಿಯಾನಕ್ಕೆ ಬೆಂಬಲ ಸೂಚಿಸುವ ಮೂಲಕ ಮಯೂರಿ ಎಲ್ಲವನ್ನೂ ಹೇಳಿಕೊಂಡಂತಾಗಿದೆ.

ರಘು ದೀಕ್ಷಿತ್ ಮತ್ತು ಮಯೂರಿ ವಿವಾಹ ವಿಚ್ಚೇದನದ ಹಂತ ತಲುಪಿಕೊಂಡಿದ್ದಾರೆ. ಒಂದು ಮೂಲದ ಪ್ರಕಾರ, ಇವರಿಬ್ಬರ ದಾಂಪತ್ಯದಲ್ಲಿ ಬಿರುಕು ಮೂಡಿಕೊಂಡು ವರ್ಷಗಳೇ ಕಳೆದಿವೆ. ಇನ್ನು ಒಟ್ಟಿಗಿರೋದರಲ್ಲಿ ಅರ್ಥವಿಲ್ಲ ಅನ್ನಿಸಿ ಈ ಹಿಂದೆಯೇ ಇಬ್ಬರೂ ಸಮ್ಮತಿಸಿ ವಿವಾಹ ವಿಚ್ಚೇದನದ ಮೊರೆ ಹೋಗಿದ್ದರು. ಆದರೆ ಅದು ಇತ್ಯರ್ಥವಾಗೋ ಕಡೇ ಘಳಿಗೆಯಲ್ಲಿ ರಘು ದೀಕ್ಷಿತ್ ಅವರ ಮತ್ತೊಂದು ಮುಖದ ಅನಾವರಣವಾಗಿದೆ. ಇಂಥಾ ಹೊತ್ತಿನಲ್ಲಿಯೂ ಗಂಡನ ಬಗ್ಗೆ ಯಾವ ಆರೋಪವನ್ನೂ ಮಾಡದ ಮಯೂರಿ ಮೀ ಟೂ ಅಭಿಯಾನಕ್ಕೆ ತಮ್ಮ ಬೆಂಬಲ ಸೂಚಿಸಿದ್ದಾರೆ.

#

ಕಲರ್ ಸ್ಟ್ರೀಟ್

ಮೆಣಸಿನಕಾಯಿಯ ಮಗ್ಗುಲಲ್ಲಿ ಸಿಕ್ಕಿಬಿದ್ದಳು ಮಳೆಹುಡುಗಿ!

Published

on


ಮುಂಗಾರು ಮಳೆ ಚಿತ್ರದ ಮೂಲಕವೇ ಚಿಗುರಿಕೊಂಡವಳು ನಟಿ ಪೂಜಾಗಾಂಧಿ. ಆ ನಂತರದಲ್ಲಿ ಈಕೆ ಸಿನಿಮಾಗಳ ಮೂಲಕ ಸದ್ದು ಮಾಡಿದ್ದಕ್ಕಿಂತಲೂ ಹೆಚ್ಚಾಗಿ ದೋಖಾ ಬಾಜಿಗಳ ಮೂಲಕ ವಿವಾದವೆಬ್ಬಿಸಿದ್ದೇ ಹೆಚ್ಚು. ಇಂಥಾ ಪೂಜಾ ಕಂಡೋರಿಗೆಲ್ಲ ಮುಂಡಾಯಿಸಿ ಮುಖ ಮುಚ್ಚಿಕೊಂಡು ಓಡಾಡುವ ಸ್ಥಿತಿ ಬಂದಿತ್ತು. ಈಕೆ ತನ್ನ ತವರಾದ ಉತ್ತರ ಭಾರತದ ಕಡೆ ವಲಸೆ ಹೋಗಿದ್ದಾಳೆಂದೂ ರೂಮರುಗಳು ಹಬ್ಬಿದ್ದವು. ಈಗೊಂದು ವರ್ಷದಿಂದ ಸಂಪೂರ್ಣ ಕಣ್ಮರೆಯಾಗಿ ಬಿಟ್ಟಿದ್ದ ಪೂಜಾ ಇದೀಗ ಮತ್ತೊಂದು ರಂಖಲಿನೊಂದಿಗೆ ಮತ್ತೆ ಸುದ್ದಿಯಾಗಿದ್ದಾಳೆ. ಈ ಮೂಲಕ ನಾಯಿಯ ಬಾಲ ಮುಂಗಾರು ಮಳೆಯಲ್ಲಿ ನೆನೆಬಿದ್ದರೂ ನೆಟ್ಟಗಾಗೋದಿಲ್ಲ ಅನ್ನೋದೂ ಸಾಬೀತಾಗಿದೆ!

ಒಂದು ವರ್ಷದಿಂದ ಈ ಪೂಜಾ ಅದೆಲ್ಲಿ ಹೋಗಿದ್ದಳು ಅನ್ನೋ ಪ್ರಶ್ನೆಗೆ ಈ ವಿವಾದದ ಮೂಲಕ ಉತ್ತರ ಸಿಕ್ಕಿದೆ. ಅದ್ಯಾರೋ ಅನಿಲ್ ಮೆಣಸಿನಕಾಯಿ ಎಂಬ ಬಿಜೆಪಿ ಮುಖಂಡನ ಜೊತೆ ಲಲಿತ್ ಅಶೋಕ್ ಹೊಟೆಲ್ಲಿನಲ್ಲಿ ಒಂದು ವರ್ಷದಿಂದ ಪೂಜಾ ಸುದೀರ್ಘವಾಗಿ ಮೀಟಿಂಗು ನಡೆಸುತ್ತಿದ್ದ ಸೋಜಿಗವೂ ಅನಾವರಣಗೊಂಡಿದೆ. ರಾಜಕಾರಣ ಮತ್ತು ಜನರ ಬಗ್ಗೆ ಅಪಾರ ಕಾಳಜಿ ಹೊಂದಿರೋ ಪೂಜಾ ವರ್ಷದಿಂದೀಚೆಗೆ ಲೋಕಸಭಾ ಚುನಾವಣೆಗೆ ತಯಾರಿ ನಡೆಸುತ್ತಿದ್ದ ಸಮಾಜಮುಖಿ ವಿಚಾರವೂ ಈಗ ಜಾಹೀರಾಗಿದೆ. ಬಹುಶಃ ಈ ಜೋಡಿ ಲೋಕೋದ್ಧಾರದ ಚರ್ಚೆಯಲ್ಲಿ ಹೊಟೆಲ್ ಬಿಲ್ಲು ಕೊಡೋದನ್ನೇ ಮರೆಯದಿದ್ದರೆ, ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಷರ್ ಸಾಧಿಕ್ ಪಾಷಾ ವರೆಗೂ ಈ ಸುದ್ದಿ ಹೋಗದಿದ್ದರೆ ಅನ್ಯಾಯವಾಗಿ ಪೂಜಾ ಗಾಂಧಿಯ ಸಮಾಜಸೇವೆ ಮರೆಯಾಗಿ ಬಿಡುತ್ತಿತ್ತು!

ಈ ಪ್ರಕರಣದ ಒಟ್ಟಾರೆ ಡೀಟೇಲುಗಳೇ ಪೂಜಾಗಾಂಧಿಯ ಅಸಲೀ ಕಸುಬಿಗೆ ಕನ್ನಡಿ ಹಿಡಿಯುವಂತಿದೆ. ಹೋಟೆಲ್ ಲಲಿತ್ ಅಶೋಕ್ ಆಡಳಿತವರ್ಗ ನೀಡಿರೋ ದೂರು ಮತ್ತು ಪೊಲೀಸ್ ಫೈಲುಗಳು ಅದನ್ನು ಖುಲ್ಲಂಖುಲ್ಲ ಬಿಚ್ಚಿಡುತ್ತವೆ. ಈ ಪ್ರಕಾರವಾಗಿ ನೋಡ ಹೋದರೆ ಬಿಜೆಪಿ ಮುಖಂಡ ಅನ್ನಿಸಿಕೊಂಡಿರೋ ಅನಿಲ್ ಮೆಣಸಿನಕಾಯಿ ಮತ್ತು ಪೂಜಾ ಗಾಂಧಿ ಈಗೊಂದು ವರ್ಷದ ಹಿಂದೆಯೇ ಅಶೋಕ್ ಹೋಟೆಲಿನಲ್ಲಿ ರೂಂ ಬುಕ್ ಮಾಡಿದ್ದರು. ಬರೋಬ್ಬರಿ ಒಂದು ವರ್ಷಗಳ ಕಾಲ ಇವರಿಬ್ಬರೂ ಅದೇನು ಮಾಡುತ್ತಿದ್ದರೋ ಭಗವಂತನೇ ಬಲ್ಲ. ಆದರೆ ಹೊಟೇಲಿನ ಸಕಲ ಸೌಕರ್ಯಗಳನ್ನೂ ಪಡೆದುಕೊಂಡಿದ್ದರು.

ಆದರೆ ಈ ಸುದೀರ್ಘಾವಧಿ ಪವಡಿಸಿದ ಒಟ್ಟು ರೂಂ ಬಿಲ್ 26.22ಲಕ್ಷ ಆಗಿ ಹೋಗಿತ್ತು. ಹೇಳಿಕೇಳಿ ಅನಿಲ್ ಮೆಣಸಿನಕಾಯಿ ಬಿಜೆಪಿ ಮುಖಂಡ. ಈ ಮುಲಾಜಿಗೆ ಬಿದ್ದು ಸುಮ್ಮನಿದ್ದ ಹೊಟೆಲ್ ಆಡಳಿತ ವರ್ಗ ಕಡೆಗೂ ಎಚ್ಚರಿಕೆ ನೀಡಿದಾಗ ಅನಿಲ್ 22.80 ಲಕ್ಷ ಪಾವತಿಸಿದ್ದ. ಅಲ್ಲಿಗೆ 3.50 ಲಕ್ಷ ಬಾಕಿ ಉಳಿದುಕೊಂಡಿತ್ತಲ್ಲಾ? ಸಿಬ್ಬಂದಿ ಒತ್ತಾಯ ಮಾಡಿದಾಗ ಅದರಲ್ಲಿ ೨.೨೫ ಲಕ್ಷವನ್ನು ಮತ್ತೆ ಕೊಸರಾಡಿ ಕಟ್ಟಿದ್ದ. ಆದರೂ 1.25ಲಕ್ಷ ಬಾಕಿ ಉಳಿದುಕೊಂಡು ಬಿಟ್ಟಿತ್ತು. ಇದೀಗ ಇನ್ಸ್ ಪೆಕ್ಟರ್ ಸಾದಿಕ್ ಪಾಷಾ ಅವಾಜು ಹಾಕುತ್ತಲೇ ಉಳಿಕೆ ಮೊತ್ತ ಪಾವತಿಸಿ ಬಚಾವಾಗಿದ್ದಾನೆ.

ಆದರೆ ಹೊಟೇಲು ಬಿಲ್ಲ ಪಾವತಿಸಿಯಾದ ಮೇಲೂ ಅನಿಲ್ ಮೆಣಸಿನಕಾಯಿ ಬೆತ್ತಲಾಗಿದ್ದಾನೆ. ಪೂಜಾ ಗಾಂಧಿ ಕೂಡಾ ಪೇಚಿಗೆ ಬಿದ್ದಿದ್ದಾಳೆ. ಆರಂಭದಲ್ಲಿ ಈ ಅನಿಲ್ ಮಾಧ್ಯಮಗಳ ಮುಂದೆ ಕೊಸರಾಡುತ್ತಾ ಏನೇನೋ ಕಥೆ ಹೇಳಿ ತಾನು ಸಾಚಾ ಅಂತ ಬಿಂಬಿಸಿಕೊಳ್ಳಲು ಪ್ರಯತ್ನಿಸಿದ್ದ. ನನಗೂ ಪೂಜಾಗೂ ಯಾವ ವ್ಯಾವಹಾರಿಕ ಸಂಬಧವೂ ಇರಲಿಲ್ಲ. ನಾನು ಹೋಟೆಲ್ ಲಲಿತ್ ಅಶೋಕದಲ್ಲಿ ಯಾವ ರೂಮನ್ನೂ ಮಾಡಿಲ್ಲ. ಆದರೂ ನನ್ನ ಹೆಸರು ಇಲ್ಯಾಕೆ ಸೇರಿಕೊಂಡಿತೋ… ಅಂತ ಮಳ್ಳನಂತಾಡಿ ಆಕಾಶ ನೋಡಿದ್ದ. ಆದರೆ ಇದರ ಹಿಂದಿರೋ ಅಸಲೀ ವಿಚಾರ ಏನನ್ನೋದು ಜನಸಾಮಾನ್ಯರಿಗೂ ಅರ್ಥವಾಗಿದೆ. ಯಾವ ಸಂಬಂಧವೂ ಇಲ್ಲದೇ ಪೂಜಾ ಗಾಂಧಿ ಮತ್ತು ಅನಿಲ್ ಮೆಣಸಿನ ಕಾಯಿ ಒಂದು ವರ್ಷಗಳ ಕಾಲ ಭಜನೆ ಮಾಡುತ್ತಿದ್ದರೆಂದು ನಂಬುವಷು ಇಲ್ಯಾರೂ ಮುಠ್ಠಾಳರಿಲ್ಲ. ಇಂಥಾ ಕಥೆ ಹೇಳಿದರೆ ಪೂಜಾ ಗಾಂಧಿಯ ಹಿಸ್ಟರಿ ಗೊತ್ತಿರೋ ಯಾರೇ ಯಾದರೂ ಎದೆಗೆ ಬಂದೂಕು ತಿವಿದರೂ ನಂಬುವುದಿಲ್ಲ!

ಈ ಪೂಜಾಗಾಂಧಿ ಎಂಬ ಸವಕಲು ನಟಿಯ ಜಾಯಮಾನವೇ ಇಂಥಾದ್ದು. ರಾಜಕೀಯ ಪುಢಾರಿಗಳು, ಹಣವಂತರನ್ನು ಹುಡುಕಿ ಬಲೆಗೆ ಕೆಡವಿಕೊಳ್ಳೋದರಲ್ಲಿ ಈಕೆ ಮಾಸ್ಟರ್ ಪೀಸು. ನಂತರ ಹೀಗೆ ರೂಮುಗಳಲ್ಲಿ ಸುದೀರ್ಘವಾಗಿ ಮೀಟಿಂಗು ನಡೆಸಿ, ಆ ಅವಧಿಯಲ್ಲಿ ಮಿಕಗಳನ್ನು ಪಳಗಿಸಿಕೊಂಡು ಕಾಸು ಗುಂಜಿಕೊಳ್ಳೋದು ಇವಳ ಜಾಯಮಾನ. ರೀಸೆಂಟಾಗಿ ಹೀಗೆಯೇ ಇವಳಿಂದ ವಂಚನೆಗೀಡಾಗಿದ್ದ ಬಿಲ್ಡರ್ ಒಬ್ಬ ತಾನೇ ಕೊಟ್ಟಿದ್ದ ಫಾರ್ಚುನರ್ ಗಾಡಿ ಕಸಿದುಕೊಂಡು ಪೂಜಾಳ ಮುಖಕ್ಕುಗಿದು ಕಳಿಸಿದ್ದನಂತೆ. ಹಾಗೆ ಖಾಲಿ ಕೈಲಿ ನಿಂತಿದ್ದ ಪೂಜಾ ಇವನ್ಯಾರೋ ಉತ್ತರಕರ್ನಾಟಕದ ಮೆಣಸಿನಕಾಯಿಯ ಮೈ ನೀವಿ ಪಳಗಿಸಿಕೊಂಡಿದ್ದಾಳೆ. ಎಲ್ಲ ಕಾಲದಲ್ಲಿಯೂ ಟೈಂ ಸರಿಯಾಗೇ ಇರೋದಿಲ್ಲವಲ್ಲಾ? ಈ ಬಾರಿ ಪೂಜಾ ಗಾಂಧಿಯ ನಸೀಬು ಕೆಟ್ಟಿದೆ. ಆದ್ದರಿಂದಲೇ ಮಗ್ಗುಲಲ್ಲಿದ್ದ ಮೆಣಸಿನಕಾಯಿಯ ಸಮೇತ ಸಿಕ್ಕಿಬಿದ್ದಿದ್ದಾಳೆ!

Continue Reading

ಕಲರ್ ಸ್ಟ್ರೀಟ್

ಇದು ಕಿರುತೆರೆ ನಟ ಅನಿಲ್ ಕುಮಾರ್ ಆಕ್ರಂದನ!

Published

on


ಅದೆಷ್ಟೋ ಧಾರಾವಾಹಿಗಳ ಥರ ಥರದ ಪಾತ್ರಗಳ ಮೂಲಕ ಕಿರುತೆರೆ ಪ್ರೇಕ್ಷಕರ ಮನೆ ಮಾತಾಗಿರುವವರು ಅನಿಲ್ ಕುಮಾರ್. ಇತ್ತೀಚಿನವರೆಗೂ ಅದೇ ಲವಲವಿಕೆಯಿಂದ ಬಣ್ಣ ಹಚ್ಚುತ್ತಿದ್ದ ಅನಿಲ್ ಇದೀಗ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ತೀರಾ ಮಾತೂ ಆಡಲಾಗದ ಸ್ಥಿತಿಯಲ್ಲಿರುವ ಅವರೀಗ ಚಿಕೆತ್ಸೆಯ ವೆಚ್ಚ ಸೇರಿದಂತೆ ಯಾವುದನ್ನು ಭರಿಸಲಾಗದ ಶೋಚನೀಯ ಸ್ಥಿತಿ ತಲುಪಿದ್ದಾರೆ.ಮುಖ್ಯವಾದ ವಿಚಾರವೆಂದರೆ ಈ ಅನಿಲ್ ಕುಮಾರ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಸಹಪಾಠಿ. ರಂಗಭೂಮಿಯ ನಟನೆಯನ್ನೇ ಕಸುವಾಗಿಸಿಕೊಂಡು, ಕಿರುತೆರೆಯಲ್ಲಿ ಬ್ಯುಸಿಯಾಗಿದ್ದಾಗಲೂ ರಂಗದ ನಂಟು ಮರೆಯದ ರಂಗಪ್ರೇಮಿ ಅನಿಲ್. ಇಂಥಾ ಅನಿಲ್ ಇದೀಗ ಏಕಾಏಕಿ ಅನಾರೋಗ್ಯಕ್ಕೀಡಾಗಿ ಆಸ್ಪತ್ರೆ ಸೇರಿಕೊಂಡಿದ್ದಾರೆ. ಯಾವುದಕ್ಕೂ ಸ್ಪಂದಿಸದಂಥಾ ಸ್ಥಿತಿ ತಲುಪಿಕೊಂಡಿದ್ದಾರೆ.

ನಟರಾಜ್ ಹೊನ್ನವಳ್ಳಿ ಸೇರಿದಂತೆ ಅನೇಕ ರಂಗತಜ್ಞರ ನಾಟಕಗಳಲ್ಲಿ ಅಭಿನಯಿಸಿದ್ದ ಅನಿಲ್ ಪೃಥ್ವಿ, ಕರಿಯ ಕಣ್ ಬಿಟ್ಟ, ಪಲ್ಲಟ ಸೇರಿದಂತೆ ಹತ್ತಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮೂಡಲಮನೆ ಧಾರಾವಾಹಿಯಿಂದ ಆರಂಭಿಸಿ ಭ್ರಹ್ಮಗಂಟು ತನಕ ಸಾಕಷ್ಟು ಧಾರಾವಾಹಿಗಳ ಲೀಡ್ ಪಾತ್ರಗಳಲ್ಲಿ ಅನಿಲ್ ಮನೋಜ್ಞವಾಗಿ ಅಭಿನಯಿಸುತ್ತಾ ಬಂದಿದ್ದಾರೆ. ಇಂಥಾ ಅನಿಲ್ ಮೊನ್ನೆ ದಿನ ಹಾಸನಕ್ಕೆ ತೆರಳಿದ್ದಾಗ ಅಲ್ಲಿ ಅನಾರೋಗ್ಯಕ್ಕೀಡಾಗಿ ಅಸ್ವಸ್ಥರಾಗಿದ್ದರು. ಈಗವರನ್ನು ಬೆಂಗಳೂರಿನ ಬ್ಯಾಪ್ಟಿಸ್ಟ್ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಐಸಿಯೂನಲ್ಲಿರುವ ಅನಿಲ್ ಅವರ ಚಿಕಿತ್ಸೆಗಾಗಿ ದಿನಕ್ಕೆ ನಲವತ್ತೈದು ಸಾವಿರಕ್ಕೂ ಅಧಿಕ ಹಣ ವ್ಯಯವಾಗುತ್ತಿದೆ. ಆದರೆ ಅವರ ಕುಟುಂಬದವರಿಗೆ ಮಾತ್ರ ಇಷ್ಟು ದೊಡ್ಡ ಮೊತ್ತವನ್ನು ಖರ್ಚು ಮಾಡುವ ಶಕ್ತಿ ಇಲ್ಲದಂತಾಗಿದೆ.

ಹಳೇಯ ದಿನಗಳನ್ನು, ಆ ಕಾಲದ ಗೆಳೆಯರನ್ನು ಸದಾ ಸ್ಮರಿಸುವ ದರ್ಶನ್ ಅವರಿಗೆ ಖಂಡಿತಾ ಅನಿಲ್ ಕುಮಾರ್ ಅವರ ಗುರುತು ಇದ್ದೇ ಇರುತ್ತದೆ. ಯಾಕೆಂದರೆ 1995ರ ಸಮಯದಲ್ಲಿ ದರ್ಶನ್ ನೀನಾಸಂಗೆ ನಟನೆ ಕಲಿಯಲು ಹೋದಾಗ ಅವರ ಸಹಪಾಠಿಯಾಗಿದ್ದವರು ಅನಿಲ್ ಕುಮಾರ್. ಆದರೆ ಅವರೀಗ ಅನಾರೋಗ್ಯಕ್ಕೀಡಾಗಿದ್ದಾರೆಂಬ ಸುದ್ದಿ ಅವರಿಗೆ ತಲುಪಬೇಕಿದೆ. ಅನಿಲ್ ಅಂದರೆ ಕಿರುತೆರೆ ಪ್ರೇಕ್ಷಕರ ಪಾಲಿನ ಫೇವರಿಟ್ ನಟ. ಕೆಲ ವಾಹಿನಿಗಳ ಬಹುತೇಕ ಧಾರಾವಾಹಿಗಳಲ್ಲಿ ಇವರದ್ದೊಂದು ಪಾತ್ರ ಇದ್ದೇ ಇರುತ್ತದೆ.

0425101039839
Canara Bank
Hebbala branch
Bengaluru-560024
IFS Code-CNRB 0000425
W/0
Anilkumar B.R

ರಂಗಭೂಮಿಯ ನಂಟಿನೊಂದಿಗೇ ಕಿರುತೆರೆಯಲ್ಲಿಯೂ ಸಕ್ರಿಯರಾಗಿದ್ದ ಅನಿಲ್ ಸ್ವಾಭಿಮಾನಿ. ಎಲ್ಲರ ಪ್ರೀತಿಪಾತ್ರರಾಗಿದ್ದ ಈ ಸ್ನೇಹಜೀವಿಗೀಗ ಒಂದು ಕಾಲದ ಸಹಪಾಠಿ ದರ್ಶನ್ ಅವರ ಸಹಾಯದ ಅಗತ್ಯವಿದೆ. ಇದೀಗ ಸುಮಲತಾ ಅಂಬರೀಶ್ ಅವರ ಪರವಾಗಿ ಮಂಡ್ಯದಲ್ಲಿ ಪ್ರಚಾರ ಕಾರ್ಯದಲ್ಲಿ ತೊಡಗಿಸಿಕೊಂಡಿರೋ ದರ್ಶನ್ ಆದಷ್ಟು ಬೇಗನೆ ಸಹಪಾಠಿ ಗೆಳೆಯನ ನೋವಿಗೆ ಕಿವಿಗೊಡಬಹುದೇ?

Continue Reading

ಕಲರ್ ಸ್ಟ್ರೀಟ್

ಪಡ್ಡೆಹುಲಿ ಹಿಟ್ ಹಾಡುಗಳ ಜ್ಯೂಕ್ ಬಾಕ್ಸ್ ಅನಾವರಣ!

Published

on


ಕೆ. ಮಂಜು ಅವರ ಪುತ್ರ ಶ್ರೇಯಸ್ ನಾಯಕನಾಗಿ ಎಂಟ್ರಿ ಕೊಡುತ್ತಿರುವ ಚಿತ್ರ ಪಡ್ಡೆಹುಲಿ. ಗುರುದೇಶಪಾಂಡೆ ನಿರ್ದೇಶನದ ಈ ಚಿತ್ರ ಈಗಾಗಲೇ ಹಾಡುಗಳ ಮೂಲಕ ಎಂಥವರೂ ಅಚ್ಚರಿಗೊಳ್ಳುವಂಥಾ ಕ್ರೇಜ್ ಸೃಷ್ಟಿಸಿದೆ. ಶ್ರೇಯಸ್ ಸಂಪೂರ್ಣ ತಯಾರಿಯೊಂದಿಗೇ ಅಡಿಯಿರಿಸಿರೋದರ ಬಗ್ಗೆ ಬೆರಗು, ಓರ್ವ ಎನರ್ಜಿಟಿಕ್ ಹೀರೋ ಕನ್ನಡಕ್ಕೆ ಪಾದಾರ್ಪಣೆ ಮಾಡಿದ ಸ್ಪಷ್ಟ ಸೂಚನೆಗಳೆಲ್ಲವೂ ಪಡ್ಡೆಹುಲಿಯ ಸುತ್ತ ಮಿರುತ್ತಿವೆ!

ಇದೆಲ್ಲವೂ ಸಾಧ್ಯವಾಗಿದ್ದು ಒಂದರ ಹಿಂದೊಂದರಂತೆ ಅನಾವರಣಗೊಂಡಿದ್ದ ಚೆಂದದ ಹಾಡುಗಳಿಂದ. ಈಗಾಗಲೇ ಭರತ್ ಬಿಜೆ ಸಂಗೀತ ಸಂಯೋಜನೆಯಲ್ಲಿ ಮೂಡಿ ಬಂದಿರೋ ಎಲ್ಲ ಹಾಡುಗಳೂ ಹಿಟ್ ಆಗಿವೆ. ಇದೀಗ ಪಿಆರ‍್ಕೆ ಸಂಸ್ಥೆಯ ಮೂಲಕ ಈ ಎಲ್ಲ ಹಾಡುಗಳ ಜ್ಯೂಕ್ ಬಾಕ್ಸ್ ಅನ್ನು ಅನಾವರಣಗೊಳಿಸಲಾಗಿದೆ. ಈ ಮೂಲಕ ಪಡ್ಡೆಹುಲಿ ಚಿತ್ರದ ಅಷ್ಟೂ ಚೆಂದದ ಹಾಡುಗಳನ್ನು ಒಟ್ಟಾಗಿ ಕೇಳಿಸಿಕೊಳ್ಳುವ ಸದಾವಕಾಶ ಪ್ರೇಕ್ಷಕರಿಗೆ ಸಿಕ್ಕಿದೆ. ಒಂದು ಚಿತ್ರದಲ್ಲಿ ಐದಾರು ಹಾಡುಗಳಿರೋದು ಸಾಮಾನ್ಯ. ಕೆಲ ಬಾರಿ ಈ ಸಂಖ್ಯೆ ಇನ್ನೂ ಇಳಿಕೆಯಾಗೋದೂ ಇದೆ. ಆದರೆ, ಪಡ್ಡೆಹುಲಿ ಚಿತ್ರದಲ್ಲಿ ಮಾತ್ರ ಹತ್ತು ಹಾಡುಗಳಿವೆ. ಒಂದಕ್ಕಿಂತ ಒಂದು ಚೆಂದವೆಂಬಂತೆ ಮೂಡಿ ಬಂದಿರೋ ಈ ಹಾಡುಗಳೆಲ್ಲವೂ ಜನಮಾನಸ ಗೆದ್ದಿವೆ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಗೂ ಒಳ್ಳೆ ಅಭಿಪ್ರಾಯಗಳೇ ಕೇಳಿ ಬರುತ್ತಿವೆ.

ಎಮ್ ರಮೇಶ್ ರೆಡ್ಡಿ ನಿರ್ಮಾಣ ಮಾಡಿರೋ ಪಡ್ಡೆಹುಲಿ ಇನ್ನೇನು ಬಿಡುಗಡೆಯ ಹೊಸ್ತಿಲಲ್ಲಿದೆ. ಚಿತ್ರೀಕರಣದ ಹಂತದಲ್ಲಿಯೇ ನಾಯಕ ಶ್ರೇಯಸ್ ಭರವಸೆ ಹುಟ್ಟಿಸಿ ಬಿಟ್ಟಿದ್ದಾರೆ. ಹಾಡುಗಳಂತೂ ಅವರ ಪೂರ್ವ ತಯಾರಿ, ಶ್ರಮಗಳನ್ನು ಪ್ರತಿಫಲಿಸುವಂತಿವೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೇ ಶ್ರೇಯಸ್ ಶ್ರಮವನ್ನು ಮೆಚ್ಚಿಕೊಂಡಿದ್ದಾರೆಂದ ಮೇಲೆ ಹೆಚ್ಚೇನು ಹೇಳೋ ಅಗತ್ಯವಿಲ್ಲ. ಇದೀಗ ಬಿಡುಗಡೆಯಾಗಿರೋ ಜ್ಯೂಕ್ ಬಾಕ್ಸ್ ಮೂಲಕ ಪಡ್ಡೆಹುಲಿಯ ಬಗೆಗಿನ ನಿರೀಕ್ಷೆ ನೂರ್ಮಡಿಸೋದಂತೂ ಖಂಡಿತ!

Continue Reading

Trending