Connect with us

ಫೋಕಸ್

ಜ್ಯೂನಿಯರ್ ಕಿರಿಕ್ ಪಾರ್ಟಿಗೆ ಭರ್ಜರಿ ಗೆಲುವಿನ ಕಿಕ್ಕು!

Published

on

ರಿಷಬ್ ಶೆಟ್ಟಿ ಮತ್ತವರ ತಂಡದವರು ಭರ್ಜರಿ ಗೆಲುವೊಂದರ ಖುಷಿಯಲ್ಲಿದ್ದಾರೆ. ಸರ್ಕಾರಿ ಪ್ರಾಥಮಿಕ ಶಾಲೆ ಕಾಸರಗೋಡು ಕೊಡುಗೆ ರಾಮಣ್ಣ ರೈ ಚಿತ್ರ ಬೆರಗಾಗಿಸುವಂಥಾ ಯಶಸ್ಸಿನ ರೂವಾರಿಯಾಗಿದೆ. ಕಂಟೆಂಟು, ನಿರೂಪಣೆಯಲ್ಲಿ ಹೊಸತನ ಇದ್ದರೆ ಖಂಡಿತಾ ಕನ್ನಡದ ಪ್ರೇಕ್ಷಕರು ಕೈ ಬಿಡಲಾರರೆಂಬ ವಿಚಾರವೂ ಈ ಮೂಲಕವೇ ಸಾಬೀತಾಗಿದೆ.

ಈ ಚಿತ್ರ ಬಿಡುಗಡೆಯಾಗೋ ಮುನ್ನವೇ ಇದು ಪಕ್ಕಾ ಜ್ಯೂನಿಯರ್ ಕಿರಿಕ್ ಪಾರ್ಟಿ ಎಂಬ ವಿಚಾರವನ್ನು ರಿಷಬ್ ಸ್ಪಷ್ಟಪಡಿಸಿದ್ದರು. ಈ ಹಿಂದೆ ಕಿರಿಕ್ ಪಾರ್ಟಿ ಚಿತ್ರ ಕನ್ನಡದಲ್ಲಿ ಸಾರ್ವಕಾಲಿಕ ದಾಖಲೆ ಮಾಡಿತ್ತಲ್ಲಾ? ಜ್ಯೂನಿಯರ್ ಕಿರಿಕ್ ಪಾರ್ಟಿಗಳೂ ಅಂಥಾದ್ದೇ ಒಂದು ಭರಪೂರ ಯಶಸ್ಸನ್ನು ಸಂಪಾದಿಸಿಕೊಳ್ಳೋ ನಿರೀಕ್ಷೆಗಳೂ ಹುಟ್ಟಿಕೊಂಡಿದ್ದವು. ಅದೆಲ್ಲವೂ ಈಗ ನಿಜವಾಗಿದೆ.

ಇಡೀ ರಾಜ್ಯದ ತುಂಬಾ ಈ ಕ್ಷಣಕ್ಕೂ ಈ ಸಿನಿಮಾ ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಇದು ಕಾಸರಗೋಡು ಕನ್ನಡಿಗರ ತಲ್ಲಣಗಳನ್ನು ಸರ್ಕಾರಿ ಶಾಲೆಯೊಂದರ ಭೂಮಿಕೆಯಲ್ಲಿ ಅನಾವರಣಗೊಳಿಸಿರೋ ಚಿತ್ರ. ಆದರೀಗ ಈ ಸಿನಿಮಾಗೆ ಇಡೀ ಕರ್ನಾಟಕದ ಎಲ್ಲ ಭಾಗಗಳಿಂದಲೂ ಭರ್ಜರಿ ಪ್ರೋತ್ಸಾಹ ಸಿಕ್ಕಿದೆ. ಉತ್ತರ ಕರ್ನಾಟಕವೂ ಸೇರಿದಂತೆ ಪ್ರತೀ ಜಿಲ್ಲೆಗಳ ಮೂಲೆ ಮೂಲೆಯಲ್ಲಿಯೂ ಈಗ ಜ್ಯೂನಿಯರ್ ಕಿರಿಕ್ ಪಾರ್ಟಿಯದ್ದೇ ಹವಾ.

ಇದು ಸಾಧ್ಯವಾದದ್ದು ನಿರ್ದೇಶಕ ರಿಷಬ್ ಶೆಟ್ಟಿಯವರ ಸೂಕ್ಷ್ಮ ಒಳನೋಟಗಳಿಂದ. ಮಾಮೂಲಿಯಾಗಿ ಯೋಚಿಸಿದ್ದರೆ ಈ ಸಿನಿಮಾ ಗಡಿನಾಡು ಕಾಸರಗೋಡಿನ ತಲ್ಲಣಗಳ ಸಾಕ್ಷ್ಯ ಚಿತ್ರವಾಗುತ್ತಿತ್ತು. ಮುಚ್ಚಲ್ಪಡುತ್ತಿರೋ ಸರ್ಕಾರಿ ಶಾಲೆಗಳ ದುರಂತವನ್ನಷ್ಟೇ ದಾಖಲಿಸುವ ಚಿತ್ರವೂ ಆಗ ಬಹುದಿತ್ತು. ಆದರೆ ಇದನ್ನು ಈ ಎರಡು ವಿಚಾರಗಳಾಚೆಗೆ ಚೇತೋಹಾರಿಯಾಗಿ ಕಟ್ಟಿ ಕೊಟ್ಟಿರುವ ರಿಷಬ್ ಶೆಟ್ಟಿ ನಿಜವಾದ ಕಮಾಲ್ ಸೃಷ್ಟಿಸಿದ್ದಾರೆ. ಈ ಮೂಲಕವೇ ಹೊಸಾ ಪ್ರಯೋಗವನ್ನೂ ಯಶಸ್ವಿಗೊಳಿಸಿದ್ದಾರೆ. ಈ ಕಾರಣದಿಂದಲೇ ಈಗ ಸರ್ಕಾರಿ ಶಾಲೆಯ ಯಶಸ್ಸಿನ ಮೆರವಣಿಗೆ ಅಡೆತಡೆಯಿಲ್ಲದೆ ಮುನ್ನಡೆಯುತ್ತಿದೆ!

Continue Reading
Advertisement
Click to comment

Leave a Reply

Your email address will not be published. Required fields are marked *

ಫೋಕಸ್

ಕಬ್ಬಿನ ಹಾಲು ಮಾರಲು ಬಂದಳು ಬಾಲಿವುಡ್ ಚೆಲುವೆ!

Published

on

ಸಾಹಸ ನಿರ್ದೇಶಕರಾಗಿ ಬಾಲಿವುಡ್ ರೇಂಜಿಗೂ ತಲುಪಿಕೊಂಡಿದ್ದ ರವಿವರ್ಮಾ, ಮಾಸ್ತಿಗುಡಿಯಲ್ಲಿ ಮಾಡಿಕೊಂಡಿದ್ದ ಯಡವಟ್ಟಿನಿಂದ ಅನುಭವಿಸಿದ್ದ ತೊಂದರೆ ಅಷ್ಟಿಷ್ಟಲ್ಲ. ಆದರೆ ಅದಾದ ನಂತರ ರವಿವರ್ಮಾ ನಿರ್ದೇಶಕನಾಗಿ ಹೊಸಾ ಬದುಕು ಆರಂಭಿಸಿದ್ದಾರೆ. ಅವರೀಗ ಶಿವಣ್ಣ ಮುಖ್ಯ ಭೂಮಿಕೆಯಲ್ಲಿರೋ ರುಸ್ತುಂ ಚಿತ್ರ ನಿರ್ದೇಶನ ಮಾಡುತ್ತಿದ್ದಾರೆ. ಜೊತೆಗೆ ಈ ಚಿತ್ರದಲ್ಲಿ ತಾರೆಯರ ದಂಡು ನೆರೆಯುವಂತೆಯೂ ಮಾಡುತ್ತಿದ್ದಾರೆ!

ಬಾಲಿವುಡ್ ನಟ ವಿವೇಕ್ ಒಬೇರಾಯ್ ಈ ಚಿತ್ರದ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿರೋದು ಗೊತ್ತಿರೋ ವಿಚಾರವೇ. ಇದೀಗ ರುಸ್ತುಂ ಅಡ್ಡೆಗೆ ಮತ್ತೋರ್ವ ಬಾಲಿವುಡ್ ನಟಿಯ ಆಗಮನವಾಗಿದೆ. ಹಾಗೆ ಬಂದವಳು ಮಾದಕ ಚೆಲುವೆ ಸಾಕ್ಷಿ ಚೌಧರಿ!

ಸಾಕ್ಷಿ ಚೌಧರಿ ಬಂದಿರೋದು ಹಾಡೊಂದಕ್ಕೆ ಕುಣಿಯುವುದಕ್ಕಾಗಿ. ಎಪಿ ಅರ್ಜುನ್ ಬರೆದಿರೋ ‘ಕಬ್ಬಿನ ಹಾಲು ಮಾರೋಕಂತ ಮಂಡ್ಯದಿಂದ ಬಂದಿದ್ದೀನಿ’ ಎಂಬ ಹಾಡಿಗೆ ಈಕೆ ಕುಣಿಯಲಿದ್ದಾಳೆ. ಈ ಹಾಡು ಅರ್ಜುನ್ ಜನ್ಯಾ ಅವರ ಸಂಗೀತ ನಿರ್ದೇಶನದಲ್ಲಿ ಮೂಡಿ ಬಂದಿದೆ. ಇದಕ್ಕೆ ರಾಜು ಸುಂದರಂ ನೃತ್ಯ ನಿರ್ದೇಶನ ಮಾಡಲಿದ್ದಾರೆ.

ರುಸ್ತುಂ ಚಿತ್ರದಲ್ಲಿ ಶಿವಣ್ಣನ ಪಾತ್ರ, ಅವರ ಲುಕ್ಕು ಸೇರಿದಂತೆ ಎಲ್ಲವೂ ಸಂಚಲನವನ್ನೇ ಸೃಷ್ಟಿಸಿವೆ. ಇದರಲ್ಲಿ ವಿವೇಕ್ ಒಬೇರಾಯ್ ನಟಿಸೋ ಮೂಲಕ ಮೊದಲ ಸಲ ಕನ್ನಡಕ್ಕೆ ಬಂದಿದ್ದಾರೆ. ಶ್ರದ್ಧಾ ಶ್ರೀನಾಥ್, ರಚಿತಾ ರಾಮ್, ಮಯೂರಿ ಮುಂತಾದವರೂ ನಟಿಸಿದ್ದಾರೆ. ತಾರಾಗಣ ಮಾತ್ರವಲ್ಲದೇ ತಾಂತ್ರಿಕವಾಗಿಯೂ ಕೂಡಾ ರುಸ್ತುಂ ಚಿತ್ರವನ್ನು ರವಿವರ್ಮಾ ರಿಚ್ ಆಗಿಯೇ ರೂಪಿಸೋ ಪಣ ತೊಟ್ಟಿದ್ದಾರೆ.

Continue Reading

ಫೋಕಸ್

ಚಪ್ಪರಿಸುವಂತಿದೆ ಚಜ್ಜಿರೊಟ್ಟಿ, ಚವಳಿಕಾಯಿ ಹಾಡು….

Published

on

‘ಮಟಾಶ್’ ಸಿನಿಮಾದ ’ಉಡಾಳರಪ್ಪೋ ಉಡಾಳರೋ ಊರ ತುಂಬ ಉಡಾಳರೋ’ ಎಂದು ಶುರುವಾಗುವ ಬಿಜಾಪುರ ಸೀಮೆಯ ಅಪ್ಪಟ ಆಡುನುಡಿಗಳ ಈ ಹಾಡು, ಈ ಪ್ರದೇಶದಲ್ಲಿನ ಒಂದು ವರ್ಗದ ಯುವಕರ ದೈನಂದಿನ ತೊಳಲಾಟಗಳನ್ನೂ ಎತ್ತಿ ತೋರಿಸುತ್ತದೆ. ಚಿತ್ರಕತೆಗೆ ಹೊಂದಿಕೊಂಡಂತೆ ಬರೆದಿರುವ ಕಾರಣದಿಂದ, ರೊಕ್ಕ ಮಾಡಲು ಹೊರಟ ನಿರುದ್ಯೋಗಿ ಉಡಾಳರ ದೈನಿಕ ಬದುಕಿನ ವಿವರಗಳನ್ನು ಕಟ್ಟಿ ಕೊಡುವಲ್ಲಿ ಸಫಲವಾಗಿದೆ.

ಬಿಜಾಪುರ ನೆಲದ ಶೈಲಿಯ ಭಾಷೆ, ಅದರಲ್ಲಿ ಉರ್ದು, ಲಂಬಾಣಿ ಪದಗಳ ಬಳಕೆಯನ್ನು ತೂಕ ಹಾಕಿದಂತೆ ಪ್ರಯೋಗ ಮಾಡಲಾಗಿದೆ. ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಭರ್ಜರಿ ವೈರಲ್ ಆಗಿರುವೀ ಆಡಿಯೋಕ್ಕೆ ’ಚಜ್ಜಿರೊಟ್ಟಿ ಚವಳಿಕಾಯಿ’ ಸಾಂಗ್ ಎಂದೇ ಕರೆಯಲಾಗುತ್ತಿದೆ. ’ಚಜ್ಜಿರೊಟ್ಟಿ ಚವಳಿಕಾಯಿ, ರೂಪಾಯ್‌ಗೆ ಸೇರ್ ಬದನೆಕಾಯಿ’ ಎಂಬ ಸಾಲುಗಳ ಜೊತೆಗೆ ಇಲ್ಲಿನ ಪೆನಪೆಟಿಗಿ (ಹಾರ್ಮೊನಿಯಂ), ತಬಲಾ ಇತ್ಯಾದಿ ಸ್ಥಳೀಯ ಸಂಗೀತ ವಾದ್ಯಗಳ ಇಂಪೂ ಕಿವಿ ತುಂಬುತ್ತದೆ.

ಬೀರೋ ಬ್ರ್ಯಾಂಡಿ ಕುಡಿಯೋವಾಗ ಉಪ್ಪಿನಕಾಯಿ ನೆಕ್ತಾರ

ಮಾವಾ, ಗುಟ್ಕಾ ಇಲ್ಲಾರದಾಗ ಸುಣ್ಣ, ತಂಬಾಕು ತಿಕ್ತಾರ….

ಹಗಲು ಕ್ರಿಕೆಟ್ಟು ಬೆಟ್ಟಿಂಗ್, ಇಸ್ಪೀಟ್ ಆಟ

ರಾತ್ರಿಯಾದರೆ ಡಾಬಾದೊಳಗ ಊಟ…..

-ಇಂತಹ ಸಾಲುಗಳು ಪಡ್ಡೆಗಳಿಗೆ, ಉಡಾಳರಿಗೆ ಇಷ್ಟವಾದಂತಿವೆ. ವಿಜಾಯಪುರದ ಮೂಲ ಆಹಾರ ಸಂಸ್ಕೃತಿ, ಭಾಷಾ ಸೊಗಡನ್ನು ರಂಜನೆಯ ರೂಪದಲ್ಲಿ ಉಣಬಡಿಸಲಾಗಿದೆ. ’ಉಡಾಳರ’ ಈ ಹಾಡು ರಚಿಸಿದವರು, ವಿಜಯಪುರದ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯದ ಅಧ್ಯಾಪಕ ಸುನೀಲಕುಮಾರ್ ಸುಧಾಕರ್. ಪುನೀತ್ ಧ್ವನಿ ಇದಕ್ಕೆ ಇನ್ನಷ್ಟು ರಂಗು ನೀಡಿದೆ. ’ರೊಕ್ಕಕ್ಕಾಗಿ ಕೈ ಕೊಡಬ್ಯಾಡ, ರೊಕ್ಕಕ್ಕಾಗಿ ಬಾಯಿ ಬಿಡಬೇಡ’ ಎಂಬ ಉಪದೇಶವೂ ಈ ಸಾಂಗಿನಲ್ಲಿದೆ!

ನಿರ್ದೇಶಕ ಎಸ್.ಡಿ. ಅರವಿಂದ ’ಅಮಾನ್ಯೀಕರಣದ ೫೦ ದಿನಗಳ ತೊಳಲಾಟದ ಹಿನ್ನೆಲೆ ಇಟ್ಟುಕೊಂಡು, ಕಾಮಿಡಿ ಥ್ರಿಲ್ಲರ್ ರೂಪಿಸಿದ್ದೇವೆ’ ಎಂದಿರುವುದು ಇನ್ನಷ್ಟು ಕುತೂಹಲಕ್ಕೆ ಕಾರಣವಾಗಿದೆ.

Continue Reading

ಪ್ರಚಲಿತ ವಿದ್ಯಮಾನ

ಆಕ್ಷನ್ ಪ್ರಿನ್ಸ್ ವಿರುದ್ಧ ದಾಖಲಾಯ್ತು ಕೇಸ್!

Published

on

ಬೆಂಗಳೂರಿನಲ್ಲಿ ಫ್ಲೆಕ್ಸ್ ಹಾಗೂ ಬ್ಯಾನರ್ ಹಾಕುವಂತಿಲ್ಲ ಎಂಬ ಬಗ್ಗೆ ಹೈಕೋರ್ಟ್ ತಪರಾಕಿ ನೀಡಿದ್ದರಿಂದ ಬಿಬಿಎಂಪಿ ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ. ಈ ಸಂಬಂಧವಾಗಿ ಕಟೌಟ್, ಫ್ಲೆಕ್ಸ್‌ಗಳನ್ನು ಕೂಡಾ ಬಿಬಿಎಂಪಿ ಬೆಂಗಳೂರು ವ್ಯಾಪ್ತಿಯಲ್ಲಿ ಬ್ಯಾನ್ ಮಾಡಿದೆ. ಆದರೆ ಹುಟ್ಟುಹಬ್ಬದ ಸಂದರ್ಭದಲ್ಲಿ ಇದನ್ನು ಉಲ್ಲಂಘಿಸಿದ ಆರೋಪದಡಿಯಲ್ಲಿ ದ್ರುವ ಸರ್ಜಾ ವಿರುದ್ಧ ಬನಶಂಕರಿ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ!

ಬೆಂಗಳೂರು ಮಹಾನಗರ ಪಾಲಿಕೆಯ ಬನಶಂಕರಿ ಉಪ ವಿಭಾಗದಲ್ಲಿ ಎಆರ್‌ಓ ಆಗಿರುವ ತಾರಕಾನಾಥ್ ಧ್ರುವ ವಿರುದ್ಧ ದೂರು ದಾಖಲಿಸಿದ್ದಾರೆ. ಇತ್ತೀಚೆಗೆ ಮೂವತ್ತನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರಲ್ಲಾ ಧ್ರುವ? ಆ ಸಂದರ್ಭದಲ್ಲಿ ಕೆಆರ್ ರಸ್ತೆಯ ಶಾಸ್ತ್ರಿ ನಗರ ಸುತ್ತಮುತ್ತ ಅಭಿಮಾನಿಗಳು ಆಳೆತ್ತರದ ಕಟೌಟ್ ಹಾಕಿದ್ದರು. ಈ ರಸ್ತೆಯ ತುಂಬಾ ಧ್ರುವ ಸರ್ಜಾರ ಕಟೌಟ್, ಬ್ಯಾನರ್ ಹಾಕಿ ಶುಭ ಕೋರಿದ್ದರು. ಇದು ಕಾನೂನು ಉಲ್ಲಂಘನೆ ಅಂತ ಆರೋಪಿಸಿ ತಾರಕಾನಾಥ್ ಬನಶಂಕರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಸಂಬಂಧವಾಗಿ ದ್ರುವ ವಿರುದ್ಧ ಎಫ್‌ಐಆರ್ ಕೂಡಾ ದಾಖಲಾಗಿದೆ.

ಬಿಬಿಎಂಪಿ ವ್ಯಾಪ್ತಿಯಲ್ಲಿ ಯಾವುದೇ ಅನಧಿಕೃತ ಜಾಹೀರಾತು, ಹೋರ್ಡಿಂಗ್ಸ್ ಮತ್ತು ಬ್ಯಾನರ್ ಅಳವಡಿಸದಂತೆ ಆಗಸ್ಟ್ ೧೨ರಂದೇ ಕಟ್ಟುನಿಟ್ಟಿನ ಆದೇಶ ರವಾನೆ ಮಾಡಲಾಗಿತ್ತು. ಇದರ ಅರಿವಿದ್ದೋ ಇಲ್ಲದೆಯೋ ಧ್ರುವ ಅಭಿಮಾನಿಗಳು ಈ ಕಾನೂನು ಉಲ್ಲಂಘಿಸಿದ್ದಾರೆ. ಇದರ ಪರಿಣಾಮವಾಗಿ ಇದೀಗ ಧ್ರವಾ ಸರ್ಜಾಜೆ ಹೊಸಾ ತಲೆನೋವು ಶುರುವಾಗಿದೆ. ದ್ರುವ ಇದೀಗ ತಮ್ಮ ಮೇಲೆ ಕಾನೂನು ಕ್ರಮ ಜರುಗುವ ಭೀತಿ ಎದುರಿಸುತ್ತಿದ್ದಾರೆ.

Continue Reading

Trending

Copyright © 2018 Cinibuzz