Connect with us

ರಿಯಾಕ್ಷನ್

ಜಾತಿವ್ಯಾಧಿಯ ಬಗ್ಗೆ ಕಟ್ಟಪ್ಪನ ಖಡಕ್ ಮಾತು!

Published

on

ಕಾವೇರಿ ವಿವಾದ ತಾರಕಕ್ಕೇರಿದ್ದ ಸಂದರ್ಭದಲ್ಲಿ ಉಗ್ರ ತಮಿಳನಂತೆ ಕನ್ನಡಿಗರ ವಿರುದ್ಧ ಕೆಂಡ ಕಾರಿದ್ದವರು ಕಟ್ಟಪ್ಪ ಖ್ಯಾತಿಯ ನಟ ಸತ್ಯರಾಜ್. ಕನ್ನಡಿಗರ ವಿರುದ್ಧ ಈತ ಮಾತಾಡಿದ್ದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಕನ್ನಡಿಗರೆಲ್ಲ ಈತನಿಗೆ ಉಗಿದಿದ್ದರು. ಆದರೆ ಉಗ್ರ ತಮಿಳು ಭಾಷಾಭಿಮಾನ ಹೊಂದಿರೋ ಕಟ್ಟಪ್ಪ ಈಗ ಭಾರತವನ್ನು ಕೊರೆದು ತಿನ್ನುತ್ತಿರೋ ಜಾತಿವಾದದ ಬಗ್ಗೆ ಸ್ಪಷ್ಟವಾದ ಮಾತಾಡಿದ್ದಾರೆ. ಜಾತಿ ವ್ಯವಸ್ಥೆಯ ಬಗೆಗಿನ ಸೂಕ್ಷ್ಮ ಒಳನೋಟಗಳಿರೋ ಸತ್ಯರಾಜ್ ಅವರ ಮಾತಿನ ವೀಡಿಯೋ ಕೂಡಾ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ಮೂಲಕ ಕನ್ನಡ ವಿರೋಧಿಯೆಂದು ಬ್ರ್ಯಾಂಡ್ ಆಗಿದ್ದ ಸತ್ಯರಾಜ್ ಅವರ ಪ್ರೌಢಿಮೆಯ ಬಗೆಗೆ ವ್ಯಾಪಕ ಮೆಚ್ಚುಗೆಯೂ ವ್ಯಕ್ತವಾಗುತ್ತಿದೆ.

ಶೃತಿ ಟಿವಿ ಪ್ರಸಾರ ಮಾಡಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ. ಜಾತಿ ವ್ಯವಸ್ಥೆಯ ಕರಾಳತೆಯ ಬಗ್ಗೆ ಸತ್ಯರಾಜ್ ತಮ್ಮ ಮಾತುಗಳಲ್ಲಿ ಬಿಚ್ಚಿಟ್ಟಿದ್ದಾರೆ. `ಇಂಡಿಯಾ ದೇಶದಲ್ಲಿ ಜಾತಿ ಎನ್ನುವುದು ಇನ್ನೂ ಇದೆಯೇ ಎಂದು ಹಲವಾರು ಜನರು ಕೇಳುತ್ತಾರೆ. ಇವರಿಗೆ ನಾನು ಒಂದೇ ಒಂದು ಮಾತು ಹೇಳುತ್ತೇನೆ. ಲೈಲಾ-ಮಜ್ನು ಪ್ರೀತಿಯ ಕತೆ ಇದೆ, ಅದರಲ್ಲಿ ಲೈಲಾಳನ್ನು ಮಜ್ನು ಜೀವಕ್ಕಿಂತ ಪ್ರೀತಿಸುವ ದೃಶ್ಯ ಬರುತ್ತದೆ. ಅದಕ್ಕೆ ಹಲವಾರು ಬಿಲ್ಡಪ್ ಗಳನ್ನು ನೀಡಲಾಗುತ್ತದೆ. ಇದನ್ನು ನೋಡಿದವರು ಹೇಳುತ್ತಾರೆ, ಮಜ್ನು ಹೇಳಿದಷ್ಟು ಲೈಲಾ ಚೆನ್ನಾಗಿಲ್ವಲ್ಲಾ ಎಂದು. ನೀವು ಲೈಲಾಳ ಚಂದವನ್ನು ಮಜ್ನು ಕಣ್ಣಲ್ಲಿ ನೋಡಿದರೆ ಮಾತ್ರ ನಿಮಗೆ ಲೈಲಾಳ ಚಂದ ಕಾಣಿಸಲು ಸಾಧ್ಯ. ಹಾಗೆಯೇ ಇಂಡಿಯಾದಲ್ಲಿನ ಜಾತಿ ವ್ಯವಸ್ಥೆಯನ್ನು ತಿಳಿದುಕೊಳ್ಳುವುದಕ್ಕೆ, ಅನುಭವಿಸುವುದಕ್ಕೆ ನಿಮಗೆ ಅಂಬೇಡ್ಕರ್ ಅವರ ಕಣ್ಣಿನಿಂದ ನೋಡಿದರೆ ಮಾತ್ರ ಸಾಧ್ಯ. ನೀವು ನಿಮ್ಮ ಕಣ್ಣಿನಿಂದ ನೋಡಿದರೆ ನಿಮಗೆ ತಿಳಿಯಲು ಸಾಧ್ಯವಿಲ್ಲ. ಯಾಕೆಂದರೆ, ನೀವು ಆರಾಮದಲ್ಲಿರುತ್ತೀರಿ, ಇಂತಹದ್ದನ್ನು ನೀವು ಅನುಭವಿಸಿರುವುದಿಲ್ಲವಲ್ಲ’.

ನಾವು ಮಲ ಪರೀಕ್ಷೆಯನ್ನು ಮಾಡಬೇಕಾದರೆ, ಡಾಕ್ಟರ್ ಗೆ ಅದನ್ನು ಹೇಗೆ ನೀಡುವುದು ಎಂದು ಹಿಂದಿನ ದಿನವೇ ಬಹಳಷ್ಟು ಯೋಚನೆ ಮಾಡುತ್ತೇವೆ. ಹಾಗಿದ್ದರೆ, ಇನ್ನೊಬ್ಬರ ಮಲವನ್ನು ಹೊರಬೇಕಾದರೆ, ಅದು ಎಷ್ಟೊಂದು ಕಷ್ಟದ ಕೆಲಸ ಎನ್ನುವುದನ್ನು ನೀವೇ ಯೋಚಿಸಿ. ಶೌಚವನ್ನು ಕ್ಲೀನ್ ಮಾಡಲು ಮೆಶಿನ್ ಕಂಡು ಹಿಡಿಯ ಬೇಕು ಎಂದು ಹೇಳುತ್ತಲೇ ಇರುತ್ತಾರೆ. ಈ ಮೆಶಿನ್ ಸುಲಭವಾಗಿ ಕಂಡು ಹಿಡಿಯ ಬಹುದು. ಇದು ಯಾವಾಗ ಸಾಧ್ಯ ಎಂದರೆ, ಇದಕ್ಕೆ ಒಂದು ಕಾನೂನನ್ನು ತರಬೇಕು. ಒಂದೊಂದು ವಾರ, ಒಂದೊಂದು ಜಾತಿಯವರು ಮಲದ ಗುಂಡಿಗೆ ಇಳಿದು ಕ್ಲೀನ್ ಮಾಡಬೇಕು. ಇಂತಹದ್ದು ನಡೆದರೆ, ಆಗಲೇ ಸಾವಿರ ವಿಧದ ಮೆಶಿನನ್ನು ಕಂಡು ಹಿಡಿಯಬಹುದು’.

ಬೇರೆ ಗ್ರಹದಲ್ಲಿ ನೀರು ಇದೆಯೇ? ಮುಂದಿನ ದಿನಗಳಲ್ಲಿ ಅಲ್ಲಿಯೂ ಹೋಗಿ ಮನುಷ್ಯ ಬದುಕ ಬಹುದೇ? ಎನ್ನುವ ಕಾರಣಕ್ಕಾಗಿ ಅಲ್ಲಿನ ವಾತಾವರಣ ಸರಿ ಇದೆಯೇ ಎನ್ನುವುದನ್ನು ನೋಡಲು ವಿಜ್ಞಾನಿಗಳು ಹಲವು ಉಪಗ್ರಹಗಳನ್ನು ಕಳುಹಿಸಿದ್ದಾರೆ. ಆದರೆ, ಅದೇ ಸ್ಯಾಟ್ ಲೈಟ್ ಗಳನ್ನು ಭೂಮಿಯಲ್ಲಿಯೇ ಸಂಚರಿಸಲು ಬಿಟ್ಟು ಇಲ್ಲಿ ಮನುಷ್ಯ ಬದುಕುವ ವಾತಾವರಣ ಇದೆಯೇ ಎನ್ನುವುದನ್ನು ಮೊದಲು ನೋಡಿ, ಇಂಡಿಯಾದಲ್ಲಿ ಮನುಷ್ಯ ಬದುಕಲು ಸಾಧ್ಯ ಇದೆಯೇ ಎನ್ನುವುದನ್ನು ಮೊದಲು ನೋಡಿ. ಒಂದು ವೇಳೆ ಹಾಗೂ ಬೇರೆ ಗ್ರಹಕ್ಕೆ ಮನುಷ್ಯರನ್ನು ಕೊಂಡು ಹೋಗಿ ಬಿಟ್ಟರೂ, ನಮ್ಮವರನ್ನು ಮಾತ್ರ ಅಲ್ಲಿ ಬಿಡಬೇಡಿ. ಅಲ್ಲಿಯೂ ಈ ಜಾತಿಯನ್ನು ಕೊಂಡು ಹೋಗಿ ಬಿತ್ತುತ್ತಾರೆ. ಈ ಮೂಲಕ ದೇಶವನ್ನು ಕೆಡಿಸಿದ್ದೇ ಅಲ್ಲದೇ, ಯಾವೆಲ್ಲ ಗ್ರಹಗಳಿವೆಯೋ ಅವೆಲ್ಲವನ್ನೂ ಕೆಡಿಸಿಬಿಡುತ್ತಾರೆ’ ಎಂಬುದು ಸತ್ಯರಾಜ್ ಮಾತಿನ ಸಂಪೂರ್ಣ ಸಾರಾಂಶ!

ದೇಶದಲ್ಲಿ ಬಡತನವೇ ಇಲ್ಲ ಎಂಬಂಥಾ ಭ್ರಮೆ ಬಿತ್ತುವ ಡಿಜಿಟಲ್ ದೌಲಿನ ಕಣ್ಣುಗಳೇ ದೇಶದ ತುಂಬಾ ತುಂಬಿವೆ. ಇಂಥವರ ಪಾಲಿಗೆ ಜಾತಿ ವ್ಯವಸ್ಥೆ, ಆ ಅವಮಾನಗಳೆಲ್ಲ ಎಂದೋ ನಡೆದಿದ್ದವುಗಳು. ಈಗ ಜಾತಿ ವ್ಯವಸ್ಥೆ ಎಲ್ಲಿದೆ ಎಂಬ ಸಿನಿಕ ಎಲಿಮೆಂಟುಗಳಿಗೆ ಸತ್ಯರಾಜ್ ಅವರ ಸ್ಪಷ್ಟ ಮಾತುಗಳು ಸತ್ಯದರ್ಶನ ಮಾಡಿಸುವಂತಿವೆ.

 

ಅನುವಾದ ಭಾಗ : ಪಿ. ಆರಡಿಮಲ್ಲಯ್ಯ ಕಟ್ಟೇರ

 

Advertisement
Click to comment

Leave a Reply

Your email address will not be published. Required fields are marked *

ರಿಯಾಕ್ಷನ್

KGF ಎನ್ನುವ ತಂತ್ರಜ್ಞರ ಸಿನಿಮಾ.!

Published

on

  • ಹರಿಯಬ್ಬೆ ಸತ್ಯ

1995 ರ ‘ಓಂ’ ಚಿತ್ರದಲ್ಲಿ ಒಬ್ಬ ರೌಡಿಯ ಕುರಿತ ಪುಸ್ತಕ ಹಿಡಿದ ಪತ್ರಕರ್ತೆ ರೌಡಿಗಳಿಗೆ ಒಬ್ಬ ಸತ್ಯ ಎಂಬ ರೌಡಿಯ ಕತೆ ಹೇಳ ಹೊರಡುತ್ತಾಳೆ. ಕೆ.ಜಿ.ಎಫ್ ನಲ್ಲಿ ಒಬ್ಬ ಬರಹಗಾರ ಮತ್ತೊಬ್ಬ ಪತ್ರಕರ್ತೆಗೆ ರಾಕಿ ಎಂಬ ಗ್ಯಾಂಗ್ ಸ್ಟರ್ ನ ಕತೆ ಹೇಳಲು ಶುರುವಿಟ್ಟುಕೊಳ್ತಾರೆ. ಓಂ ಸಿನೆಮಾದಲ್ಲಿ ಪುಸ್ತಕದ ಕೊನೆಯ ಪೇಜು ಹರಿದು ಹೋಗಿರುತ್ತದೆ. ಕೆ.ಜಿ.ಎಫ್ ನಲ್ಲಿ ಅರೆಬರೆ ಸುಟ್ಟು ಹೋದ ಪುಸ್ತಕ. ಓಂ ಮತ್ತು ಕೆಜಿಎಫ್ ಎರಡೂ ಸಿನಿಮಾಗಳಲ್ಲೂ reverse screenplay. ಓಂ ಸಿನಿಮಾದಲ್ಲಿ warm-yellow tone ಬಳಸಿದಂತೆ ಕೆಜಿಎಫ್ ನಲ್ಲೂ green tone ಫಿಲ್ಟರ್ ಬಳಕೆಯಾಗಿದೆ. ಅಲ್ಲಿ ಕ್ಯಾಮರಾ ಕಲೆ ತೋರಿಸಿದ ಗೌರಿಶಂಕರ್, ಇಲ್ಲಿ ಭುವನ್ ಗೌಡ. ಓಂ ನಲ್ಲಿ “I love u…u must love me..” ಎನ್ನುವ ಹಂಸಲೇಖರ background score, ಇಲ್ಲಿ “ಬೆವರ ಒರೆಸೋ ಬಾರೋ ಸುಲ್ತಾನ..”ಎನ್ನುವ ರವಿ ಬಸ್ರೂರ್.!

ಹಾಗಂತ ಕೆಜಿಎಫ್, ಓಂ ಸಿನಿಮಾಗಳು comparison ಮಾಡಲು ಸಾಧ್ಯವಿಲ್ಲ. ಓಂ ನಲ್ಲಿ ತಂದೆಯ ಇಚ್ಛೆಗೆ ವಿರುದ್ಧವಾಗಿ ಪಾತಕಲೋಕಕ್ಕೆ ಇಳಿಯುವ ನಾಯಕ. ಕೆಜಿಎಫ್ ನಲ್ಲಿ ತನ್ನ ಮಗ ಯಾವುದೇ ಮಾರ್ಗದಲ್ಲಾದರೂ ಶ್ರೀಮಂತನಾಗ ಬಯಸುವ ತಾಯಿ. ಓಂ ಸಿನೆಮಾದಲ್ಲಿ ಪರಿಸ್ಥಿತಿಗೆ ಬಲಿಯಾಗುವ ಅಮಾಯಕ ಯುವಕ. ಕೆಜಿಎಫ್ ನಲ್ಲಿ ಪರಿಸ್ಥಿತಿಯನ್ನೇ ಗೆಲ್ಲಲು ಹೊರಡುವ ಹಠವಾದಿ. ಕೆಜಿಎಫ್ ನಲ್ಲಿ ಗಟ್ಟಿಮುಟ್ಟಾದ ಕತೆ ಏನಿಲ್ಲ. ಆದರೆ ಕೊನೆಯ ತನಕವೂ ಕರೆದುಕೊಂಡು ಹೋಗುವ ಬಿಗಿಯಾದ ನಿರೂಪಣೆ ಇದೆ. ನಿರ್ದೇಶಕನ ಕತೆ ಹೇಳುವ ವಿಧಾನ ಅದ್ಭುತ. ಚಿತ್ರದಲ್ಲಿನ frames ಶ್ರೀಮಂತ. ಹುಚ್ಚನನ್ನ, ಮಕ್ಕಳನ್ನು, ಗೊಂಬೆಗಳನ್ನು, ಪೆನ್ಸಿಲ್ sketches ಬಳಸಿಕೊಂಡ ರೀತಿ superb. Ration ನ ಗಾಡಿ ಎಳೆಯುವ ಸೀನು ಬಾಹುಬಲಿಯ ರಥ ಎಳೆದ ಸೀನಿಗಿಂತ natural ಇರುವುದರಿಂದ ಪರಿಣಾಮಕಾರಿಯಾಗಿ ಬಂದಿದೆ.

ತೆಲುಗಿನ ‘ಶಿವ’, ತಮಿಳಿನಲ್ಲಿ ನಾಯಗನ್, ಕನ್ನಡದ ‘ಓಂ’, ಹಿಂದಿಯ ರಾಮಗೋಪಾಲ್ ವರ್ಮರ ‘ಸತ್ಯ’ ಸಿನಿಮಾಗಳ ನಂತರ ‘ಕೆಜಿಎಫ್’ ಪಾತಕ ಲೋಕವನ್ನು classic ಶೈಲಿಯಲ್ಲಿ ತೋರಿಸಿದೆ.

ಕಮರ್ಷಿಯಲ್ ಸಿನಿಮಾ ತಂತ್ರಜ್ಞಾನ ಕಲಿಯ ಬಯಸುವ ಯುವಕರಿಗೆ ಇದೊಂದು masterpiece. ಕನ್ನಡದ ಮುಂಬರುವ ಸಿನೆಮಾಗಳು ‘ಮಾರುಕಟ್ಟೆ’ಗೆ ಹೇಗೆ ಹೋಗಬೇಕು ಅಂತಾ ತೋರಿಸಿ ಕೊಟ್ಟಿದೆ. ಕನ್ನಡಕೊಬ್ಬರು ಪ್ರಶಾಂತ್ ನೀಲ್ ದೊರೆತಿದ್ದಾರೆ. ಬೊಂಬಡ ಹೊಡಿತಿದ್ದ so called hero ಗಳಿಗೆ ‘ಯಶ್’ ಸಾಮರ್ಥ್ಯ ಏನೆಂದು ಸಾಬೀತಾಗಿದೆ.

Continue Reading

ರಿಯಾಕ್ಷನ್

ಎಂಥೋಳನ್ನು ಹಿಡ್ಕೊಂಡ್ಬಂದ್ರಿ ಭೈರೇಗೌಡ್ರೇ!

Published

on

ನಿರ್ದೇಶಕ ಪ್ರೇಮ್ ವಿಲನ್ ಚಿತ್ರಕ್ಕೆ ನಾಯಕಿಯಾಗಿ ಪರದೇಸಿ ನಟಿ ಆಮಿ ಜಾಕ್ಸನ್‌ಳನ್ನು ಕರೆತಂದಿದ್ದು, ಈ ಚಿತ್ರದ ನಾಯಕಿ ಲಂಡನ್ ಮೂಲದೋಳೆಂದು ಬೇಕಾದಷ್ಟು ಪ್ರಚಾರ ಗಿಟ್ಟಿಸಿಕೊಂಡಿದ್ದೆಲ್ಲ ಹಳೇ ವಿಚಾರ. ಆದರೆ ವಿಲನ್‌ನಂಥಾ ದೊಡ್ಡ ಚಿತ್ರದಲ್ಲಿ ನಟಿಸಿ, ಅದು ಬಿಡುಯಗಡೆಯಾದರೂ ಕೂಡಾ ಆಮಿ ಜಾಕ್ಸನ್ ಎಂಬ ಅವಿವೇಕಿಗೆ ತಾನು ಯಾವ ಭಾಷೆಯ ಚಿತ್ರದಲ್ಲಿ ನಟಿಸಿದ್ದೆಂಬುದೇ ಗೊತ್ತಿಲ್ಲ!

ವಿಲನ್ ಚಿತ್ರ ತೆರೆಕಾಣುತ್ತಿರೋ ವಿಷಯವೊಮದನ್ನು ಅರ್ಥ ಮಾಡಿಕೊಂಡಿರುವ ಲಂಡನ್ ರಾಣಿ ಆಮಿ ಟ್ವಟರ್ ಮೂಲಕ ಕಾಟಾಚಾರಕ್ಕೊಂದು ವಿಶ್ ಮಾಡಿದ್ದಾಳೆ. ತಾನೇ ನಟಿಸಿದ ಚಿತ್ರದ ಬಿಡುಗಡೆಯ ಸಂದರ್ಭದಲ್ಲಿ ಹಾಜರಿರೋ ಸೌಜನ್ಯವೂ ಇಲ್ಲದ ಈಕೆ ಲಂಡನ್‌ನಲ್ಲಿ ಕೂತೇ ವಿಶ್ ಮಾಡಿ ಅದರಲ್ಲಿಯೂ ಮಹಾ ಯಡವಟ್ಟೊಂದನನು ಮಾಡಿಕೊಂಡಿದ್ದಾಳೆ. ತನಗೆ ಕಾಲಿವುಡ್ ಚಿತ್ರದಲ್ಲಿ ನಟಿಸಲು ಅವಕಾಶ ಮಾಡಿಕೊಟ್ಟ ನಿರ್ದೇಶಕ ಪ್ರೇಮ್‌ಗೆ ಆಮಿ ಧನ್ಯವಾದ ಸಮರ್ಪಿಸಿದ್ದಾಳೆ!

`ಈವತ್ತು ವಿಲನ್ ದಿನ. ಇಡೀ ತಂಡ ಪ್ರೀತಿಯಿಂದ ನಿರ್ಮಿಸಿರೋ ದಿ ವಿಲನ್ ಚಿತ್ರ ಇಂದು ತೆರೆ ಕಾಣುತ್ತಿದೆ. ಈ ಚಿತ್ರದ ಮೂಲಕ ಕಾಲಿವುಡ್ಡಲ್ಲಿ ನಟಿಸೋ ಅವಕಾಶ ಮಾಡಿಕೊಟ್ಟ ನಿರ್ದೇಶಕ ಪ್ರೇಮ್‌ಜೀಗೆ ಧನ್ಯವಾದ!’ ಅಂತ ಆಮಿ ಬರೆದುಕೊಂಡಿದ್ದಾಳೆ. ಈಕೆಗೆ ತಾನು ನಟಿಸಿದ್ದು ಸ್ಯಾಂಡಲ್‌ವುಡ್ ಚಿತ್ರದಲ್ಲಿ, ಕಾಲಿವುಡ್ ಚಿತ್ರದಲ್ಲಲ್ಲ ಎಂಬ ಕನಿಷ್ಠ ಜ್ಞಾನವೂ ಇಲ್ಲ ಎಂದರೆ ಅದಕ್ಕೇನನ್ನಬೇಕೆಂಬುದನ್ನು ಗಿಮಿಕ್ ಪ್ರೇಮ್ ಅವರೇ ಹೇಳಬೇಕು.

ಅಷ್ಟಕ್ಕೂ ವಿಲನ್ ಚಿತ್ರದ ಈ ಪಾತ್ರಕ್ಕೆ ಲಂಡನ್ ನಟಿ ಆಮಿ ಜಾಕ್ಷನ್‌ಳನ್ನು ಕರೆತರುವ ಯಾವ ದರ್ದೂ ಇರಲಿಲ್ಲ. ತಾನು ಲಂಡನ್ ನಟಿಯನ್ನು ಹೀರೋಯಿನ್ ಮಾಡಿದ್ದೇನೆ ಅಂತ ಅಲ್ಲೊಂದಷ್ಟು ಪ್ರಚಾರ ಗಿಟ್ಟಿಸೋ ದರ್ದು ಪ್ರೇಮ್‌ಗಿತ್ತು. ಆದರೆ ಅದ್ಯಾವುದೂ ವರ್ಕೌಟ್ ಆಗಿಲ್ಲ. ಆಮಿ ನಟನೆಯೂ ಅಷ್ಟಕ್ಕಷ್ಟೇ ಎಂಬಂತಿದೆ. ಇಂಥಾ ನಟಿಯರನ್ನು ಕರೆತಂದು ಹೀಗೆಲ್ಲ ಅವಮಾನ ಅನುಭವಿಸುವ ದುರ್ಗತಿ ಕನ್ನಡದ ಕೆಲ ನಿರ್ದೇಶಕರಿಗೆ ಅದ್ಯಾಕೆ ಬಂದಿದೆಯೋ…

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood

Continue Reading

ರಿಯಾಕ್ಷನ್

ತುಪ್ಪದ ಹುಡುಗಿಗೂ ತಪ್ಪಲಿಲ್ಲವೇ ಕಿರುಕುಳದ ಕಂಟಕ?

Published

on

ಇದೀಗ ಬಾಲಿವುಡ್‌ನಲ್ಲಿ ಹುಟ್ಟಿಕೊಂಡ ಮೀ ಟೂ ಅಭಿಯಾನ ಸ್ಯಾಂಡಲ್‌ವುಡ್‌ನತ್ತಲೂ ಬಂದಿದೆ. ನಟಿಯರನೇಕರು ತಮಗಾದ ಇಂಥಾ ಕಿರುಕುಳಗಳ ಬಗ್ಗೆ ಹೇಳಿಕೊಂಡಿದ್ದಾರೆ. ಮತ್ತೆ ಕೆಲವರು ಈ ಅಭಿಯಾನಕ್ಕೆ ಬೆಂಬಲ ಸೂಚಿಸಿ ನೊಂದವರ ಬೆನ್ನಿಗೆ ನಿಂತಿದ್ದಾರೆ. ಈಗ ತುಪ್ಪದ ಬೆಡಗಿ ರಾಗಿಣಿ ದ್ವಿವೇದಿ ಕೂಡಾ ಇದರ ಬಗ್ಗೆ ಬಿಡುಬೀಸಾಗಿ ಮಾತಾಡಿದ್ದಾರೆ.

ರಾಗಿಣಿ ದ್ವಿವೇದಿ ಮೀಟೂ ಅಭಿಯಾನದ ಬಗ್ಗೆ ಮಾತಾಡಿರೋದು ಹುಬ್ಬಳ್ಳಿಯಲ್ಲಿ. ಮಾಧ್ಯಮದವರು ಈ ಬಗ್ಗೆ ಕೇಳಿದ ಪ್ರಶ್ನೆಗೆ ರಾಗಿಣಿ ನೇರವಾಗಿಯೇ ಉತ್ತರಿಸಿದ್ದಾರೆ. ಈ ಅಭಿಯಾನ ಹುಟ್ಟಿದ ಬಗೆ, ಅದರ ಉದ್ದೇಶಗಳ ಬಗ್ಗೆ ಗಂಭೀರವಾಗಿಯೇ ಅರಿತುಕೊಂಡಿರೋ ರಾಗಿಣಿ ಕೆಲವರು ಇದನ್ನು ಪ್ರಚಾರಕ್ಕಾಗಿ, ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುತ್ತಿದ್ದಾರೆಂಬ ಸಂಶಯವನ್ನೂ ವ್ಯಕ್ತಪಡಿಸಿದ್ದಾರೆ.

ಮೀಟೂ ಎಂಬುದು ಕಿರುಕುಳಕ್ಕೊಳಗಾದವರು ಅದಕ್ಕೆ ಕಾರಣರಾದವರ ವಿರುದ್ಧ ಸಮರ ಸಾರಲು ಹುಟ್ಟಿಕೊಂಡ ಅಭಿಯಾನ. ಇಂಥಾದ್ದೊಂದು ಧೈರ್ಯ ಮಾಡಿರುವುದು ನಿಜಕ್ಕೂ ಸ್ವಾಗತಾರ್ಹ. ಈ ಮೂಲಕ ಈ ಸಮಾಜದಲ್ಲಿ ಒಂದು ಬದಲಾವಣೆಯ ಗಾಳಿ ಬೀಸುವಂತಾಗಬೇಕು. ಆದರೆ ಕೆಲ ಮಂದಿ ಇದನ್ನೇ ಸ್ವಾರ್ಥಕ್ಕೆ ಮತ್ತು ಪ್ರಚಾರಕ್ಕೆ ಬಳಸಿಕೊಳ್ಳುತ್ತಿದ್ದಾರೆ ಅನ್ನಿಸುತ್ತಿದೆ. ಆದರೆ ಇಂಥಾ ಕೆಲಸದ ಮೂಲಕ ಈ ಅಭಿಯಾನವನ್ನು ದಿಕ್ಕು ತಪ್ಪಿಸಬಾರದೆಂದು ರಾಗಿಣಿ ಹೇಳಿದ್ದಾರೆ.

ಇದೆಲ್ಲ ಇರಲಿ, ರಾಗಿಣಿಯವರೇನಾದರೂ ಇಂಥಾ ಕಿರುಕುಳಕ್ಕೆ ಈಡಾಗಿದ್ದಿದೆಯಾ? ಎಂಬ ಪ್ರಶ್ನೆಗೂ ಕೂಡಾ ರಾಗಿಣಿ ಅಷ್ಟೇ ನೇರವಾದ ಉತ್ತರವನ್ನೇ ಕೊಟ್ಟಿದ್ದಾರೆ. ತಾನು ಚಿತ್ರರಂಗಕ್ಕೆ ಬಂದು ಹತ್ತು ವರ್ಷವಾಗಿದೆ. ಈ ವರೆಗೆ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದೂ ಆಗಿದೆ. ಆದರೆ ತನಗ್ಯಾರೂ ಅಂಥಾ ಕಿರುಕುಳ ಕೊಟ್ಟಿಲ್ಲ ಎಂದೂ ರಾಗಿಣಿ ಹೇಳಿದ್ದಾರೆ!

Continue Reading

Trending

Copyright © 2018 Cinibuzz