Connect with us

ಪೆಟ್ಟಿ ಅಂಗಡಿ

ಉದಯ ಟಿವಿಯಲ್ಲಿ ಡಬಲ್ ಧಮಾಕಾ

Published

on

ಜುಲೈ ೧೪ರಿಂದ “ಸವಾಲ್ ಗೆ ಸೈ” ೧೫ ರಿಂದ

೨೫ನೇ ವರ್ಷದಲ್ಲಿಕಾಲಿಟ್ಟ ಉದಯ ಟಿವಿ ಕರುನಾಡ ಜನತೆಯ ಹೆಮ್ಮೆಯಚಾನಲ್. ಮನಸೂರೆಗೋಂಡ ಧಾರಾವಾಹಿಗಳನ್ನು ಮತ್ತು ಮನ ಮೆಚ್ಚುವ ರಿಯಾಲಿಟಿ ಶೋಗಳನ್ನು ಅಂದಿನಿಂದ ಇಂದಿನ ವರೆಗೆ ವೀಕ್ಷಕರ ಮಡಿಲಲ್ಲಿ ಹಾಕಿ ಸೈ ಎನಿಸಿಕೊಂಡ ಏಕೈಕ ಕನ್ನಡದ ಮೊದಲ ವಾಹಿನಿ ಎಂದು ಹೇಳಬಹುದು.
ಇತ್ತಿಚಗಷ್ಟೆ “ಮಾಯಾ” ಎಂಬ ವಿಭಿನ್ನರೀತಿಯಧಾರಾವಾಹಿಯನ್ನು ಬಿತ್ತರಿಸಿದ ಬೆನ್ನ ಹಿಂದೆ ಈಗ ಅಧ್ಬುತಕಾನ್ಸೆಪ್ಟ್‌ನೊಂದಿಗೆಎರಡುರೀಯಾಲಿಟಿ ಶೋವನ್ನು ವೀಕ್ಷಕರ ಮಡಲಿಗೆ ಹಾಕಲು ನಿರ್ಧರಿಸಿದೆ. ಎರಡೂಕೂಡಾ ಸೆಲೆಬ್ರಿಟಿಗಳಿಂದ ಕೂಡಿದಕಾರ್ಯಕ್ರಮವಾದರೂಒಂದು ಶೋ ಸೆಲಬ್ರಿಟಿಗಳಿಂದ ಮನರಂಜನೆಕೊಡುವ ಶೋ ಆದರೆ ಮತ್ತೊಂದು ಸೆಲಬ್ರಿಟಿಗಳಿಂದ ಸಮಾಜ ಕಳಕಳಿಯನ್ನು ಇಟ್ಟುಕೊಂಡಕಾರ್ಯಕ್ರಮ. ಇದೇಜುಲೈ ೧೪ಕ್ಕೆ(ಶನಿವಾರ)”ಸವಾಲ್ ಗೆ ಸೈ” ಮತ್ತು ೧೫ಕ್ಕೆ(ಭಾನುವಾರ)”ಸದಾ ನಿಮ್ಮೊಂದಿಗೆರಾತ್ರಿ ೯ಕ್ಕೆ ಉದಯ ಟಿವಿಯಲ್ಲಿ ಪ್ರಸಾರವಾಗಲಿದೆ.

ಸೆಲಬ್ರಿಟಿಗಳಿಂದ ಪಕ್ಕಾ ಮನರಂಜನೆಯ ಶೋ ಸವಾಲ್‌ಗೆ ಸೈ
ಇದೇ ಶನಿವಾರದಿಂದರಾತ್ರಿ೯ಕ್ಕೆ

ಮನರಂಜನೆಯೇ ಈ ಕಾರ್ಯಕ್ರಮದಉದ್ದೇಶವಾಗಿದ್ದು, ಸವಾಲು ಜವಾಬುಗಳ ಜುಗಲ್ಬಂದಿಯಾಗಿತೆರೆಯಮೇಲೆಇದೊಂದು ಹೊಸ ರೀತಿಯ, ವಿನೂತನರಿಯಾಲಿಟಿ ಶೋ ಆಗಿ ಮೂಡಿಬರಲಿದೆ. ಸವಾಲ್ ಗೆ ಸೈ ಕಾರ್ಯಕ್ರಮದಲ್ಲಿ ಹಿರಿತೆರೆ ಮತ್ತುಕಿರುತೆರೆಯತಾರೆಯರದಂಡು ಭಾಗವಹಿಸಲಿದ್ದಾರೆ.
ಆಟದಲ್ಲಿಎರಡುತಂಡವಿದ್ದು, ಪ್ರತಿತಂಡದಿಂದ ನಾಲ್ಕು ಜನ ಸ್ಪರ್ಧಿಸುತ್ತಾರೆ. ಸವಾಲುಗಳಿಗೆ ಜವಾಬುಕೊಡಲುತಾರೆಯರ ಪರದಾಟ, ಸೆಣೆಸಾಟ, ಜೊತೆಗೆ ಒಂದಿಷ್ಟು ಹುಡುಗಾಟವನ್ನೂ ನಾವು ನೋಡಬಹುದು. ಜವಾಬು ನೀಡಲಾಗದಿದ್ದರೆಅನಿರೀಕ್ಷಿತವಾದರೂ ಮಜ ನೀಡುವಂತ ಸಜೆಗಳನ್ನು ನೀಡಲಾಗುವುದು. ಗೆಲುವು ಸೋಲಿಗಿಂತಇಲ್ಲಿಕೊಡುವ ಕ್ರಿಯಾಶೀಲ ಸವಾಲುಗಳನ್ನು ಎದುರಿಸಲುತಾರೆಯರು ಬರುತ್ತಿರುವುದುಒಂದು ವಿಶೇಷ. ಹಿರಿಯರಿಂದಕಿರಿಯರವರೆಗೂ ಮನೆಮಂದಿಯೆಲ್ಲಾಕೂತು ನೋಡುವಂತ ಶೋ ಸವಾಲ್ ಗೆ ಸೈ.
ಹಿರಿತೆರೆ ಮತ್ತುಕಿರುತೆರೆ, ಎರಡರಲ್ಲೂತನ್ನ ನಟನೆಯಿಂದ ಮನೆಮಾತಾಗಿರೋ ನಿತ್ಯರಾಂ, ಇದೇ ಮೊದಲ ಬಾರಿಗೆ ಸಾವಲ್ ಗೆ ಸೈ ಕಾರ್ಯಕ್ರಮದಿಂದ ನಿರೂಪಕಿಯಾಗಲಿದ್ದಾರೆ. ಜೊತೆಗೆತನ್ನ ಮಾತಿನಿಂದಲೇ ನಗುವಿನ ಹೊಳೆ ಹರಿಸುವ ನಿರಂಜನ್‌ದೇಶಪಾಂಡೆ ಸಹ ನಿರೂಪಕನಾಗಿಕಾರ್ಯ ವಹಿಸಲಿದ್ದಾರೆ.
ವಾರಾಂತ್ಯದಲ್ಲಿ ಪ್ರಸಾರವಾಗುವ ಈ ಶೋನಲ್ಲಿಜನಕ್ಕೆತಮ್ಮ ನೆಚ್ಚಿನತಾರೆಯರ ಪರಿಚಯ, ಮತ್ತಷ್ಟು ಹತ್ತಿರದಿಂದಆಗುವುದರಲ್ಲಿಅನುಮಾನವೇಇಲ್ಲ. ಹಾಗೆ ಮಸ್ತಿ ಮತ್ತು ಮನರಂಜನೆಅನಿಯಮಿತವಾಗಿದೊರೆಯಲಿದೆಎಂಬುದು ಉದಯ ಟಿವಿಯಆಶಯ.
ಸೆಲಬ್ರಿಟಿಗಳಿಂದ ಸಮಾಜಿಕ ಕಳಕಳಿ ಸದಾ ನಿಮ್ಮೊಂದಿಗೆ
ಮೊದಲ ಸಂಚಿಕೆಯಲ್ಲಿ ಬಹದ್ದೂರ್‌ಎಂಟ್ರಿ
ಇದೇ ಭಾನುವಾರದಿಂದರಾತ್ರಿ ೯ಕ್ಕೆ

ಕನ್ನಡಕಿರುತೆರೆಯಇತಿಹಾಸದಲ್ಲಿಯೇ ಪ್ರಪ್ರಥಮ ಬಾರಿಗೆ ಸಮಾಜ ಕಾಳಜಿ ಇಟ್ಟುಕೊಂಡು ಸಾಮಾನ್ಯಜನರಿಗೆ ಅನಕೂಲವಾಗಲು ಸೆಲಬ್ರಿಟಿಗಳು ಸಾಮನ್ಯಜನರಂತೆ ಕೆಲಸವನ್ನು ಮಾಡಿ ನೊಂದ ಮನಸ್ಸಿಗೆ ಸಹಾಯ ಮಾಡುವ ಏಕೈಕ ಶೋ “ಸದಾ ನಿಮ್ಮೊಂದಿಗೆ” ಇದೇ ಭಾನುವಾರದಿಂದರಾತ್ರಿ ೯ಕ್ಕೆ ಉದಯಟಿವಿಯಲ್ಲಿ ಪ್ರಸಾರವಾಗುತ್ತಿದೆ.

ಪ್ರತಿಒಂದು ವಾರಅಸಹಾಯಕರಿಗೆಅವರಅವಶ್ಯಕತೆಗೆಚಿತ್ರರಂಗದ ದಿಗ್ಗಜರು ಸಾಮಾನ್ಯಜನರಂತೆ ಸಾರ್ವಜನಿಕರ ಮುಂದೆ ಕೆಲಸವನ್ನು ಮಾಡಿ ಹಣವನ್ನು ಸಂಗ್ರಹಿಸುತ್ತಾರೆ. ಆ ಸಂದರ್ಭದಲ್ಲಿ ಬಂದ ಹಣಕ್ಕೆ ಉದಯ ಟಿವಿ ಆ ಒಟ್ಟು ಹಣಕ್ಕೆ ೧೦೦ರಷ್ಟು ಸೆರಿಸಿ ಅವರಜೀವನಕ್ಕೆ ಅನುಕೂಲವನ್ನು ಮಾಡಿಕೊಡುವ ಸಮಾಜ ಕಳಕಳಿಯ ಕಾರ್ಯಕ್ರಮಇದಾಗಿದೆ. ಹೂವು ಮಾರುವುದು, ಏಳೆನೀರು ಮಾರುವುದು, ಪೆಟ್ರೋಲ್ ಬಂಕಿನಲ್ಲಿ ಕೆಲಸ ಮಾಡುವುದು,ಆಟೋಓಡಿಸುವುದು, ಗೋಲಿ ಸೋಡಾ ಮಾರುವುದು,ಸೊಪ್ಪು ಮಾರುವುದು ಪಾನಿ ಪುರಿ,ಕಬ್ಬಿನ ಹಾಲು ಮಾರುವುದು ಹೀಗೆ ಇನ್ನೂ ಅನೇಕ ಕೆಲಸವನ್ನು ಸಾರ್ವಜನಿಕರ ನಡುವೆ ಮಾಡಿ ಈ ಶೋಗೆ ಕೈ ಜೋಡಿಸಿದ್ದಾರೆ ಸ್ಯಾಂಡಲ್‌ವುಡ್‌ತಾರೆಯರು.

“ಸದಾ ನಿಮ್ಮೊಂದಿಗೆ” ಯ ಮುಂಚುಣಿಯನ್ನು ಪಂಚಭಾಷಾತಾರೆ, ಕನ್ನಡದ ಹೆಸರಾಂತ ನಟಿ, ಚಿತ್ರರಂಗದಲ್ಲಿ ೫೦ ವರ್ಷವನ್ನು ಯಶಸ್ವಿಯಾಗಿ ಪೂರೈಸಿದ ಜೂಲಿಲಕ್ಮೀಯವರು ವಹಿಸಿಕೊಂಡಿದ್ದಾರೆ. ಲಕ್ಷ್ಮೀಯವರು ಈ ಕಾರ್ಯಮದಲ್ಲಿತಮ್ಮಜೀವನಾನುಭವದಲ್ಲಿ ನೋಡಿರುವ ಘಟನೆಗಳನ್ನು ಉದಾಹರಣೆಗೆತೆಗೆದುಕೊಂಡು ಬಹಳ ಘನತೆಯಿಂದ ನಡೆಸಿಕೊಡುತ್ತಿದ್ದಾರೆ.

ಎಷ್ಟೋ ಸಲ ನಮಗೆ ಅಸಹಾಯಕರಿಗೆ ಸಹಾಯ ಮಾಡಬೇಕು ಅನಿಸುತ್ತೆಆದರೆಯಾವುದೋ ಸಂದರ್ಭದಲ್ಲಿಅದನ್ನು ನಾವು ಮರೆತು ಬಿಡುತ್ತೇವೆ. ಆದರೆ ಉದಯ ಟಿವಿ ಈ ಕಾರ್ಯವನ್ನು ಕರ್ತವ್ಯ ಎಂದು ಭಾವಿಸಿ ದುರ್ಬಲರಿಗೆ ಬಲವನ್ನುಕೊಡುವಅದ್ಭುತಕಾರ್ಯವನ್ನು ಮಾಡುತ್ತಿದೆ.ಇದಕ್ಕೆ ಸ್ಯಾಂಡಲ್‌ವುಡ್‌ನ ನಟನಟಿಯರು ಕೈ ಜೋಡಿಸಿದ್ದಾರೆ ಎಂಬುದು ಸಂತಸದ ವಿಷಯ. ಕನ್ನಡಕಿರುತೆರೆಯಇತಿಹಾದಲ್ಲಿಯೇ ಮೊದಲ ಬಾರಿಗೆ ಉದಯ ಟಿವಿ ಇಂತಹಕಾರ್ಯಕ್ರಮವನ್ನು ನಡೆಸಸುತ್ತಿರುವುದುಅಭಿನಂದನಾರ್ಹ ಎಂದುಜುಲಿ ಲಕ್ಷ್ಮೀಅಭಿಪ್ರಾಯ ವ್ಯಕ್ತ ಪಡಿಸಿದ್ದಾರೆ.

ಸದಾ ನಿಮ್ಮೊಂದಿಗೆ ಕಾರ್ಯಕ್ರಮದಲ್ಲಿ ಮೊದಲ ಸಂಚಿಕೆಯಲ್ಲಿಅದ್ಧೂರಿಯಾಗಿಎಂಟ್ರಿಕೊಟ್ಟು ಬಹದ್ದೂರ್ ಆಗಿ ಮಿಂಚಿರೋ ಸರ್ಜಾ ಫ್ಯಾಮಿಲಿಯ ಭರ್ಜರಿ ಹುಡ್ಗಧ್ರುವ ಸರ್ಜಾ. ಇವರು ನರೇಂದ್ರಕುಮಾರ್ ಎಂಬ ಒಬ್ಬಆಟೋಡ್ರೈವರ್‌ಗೆ ಸಹಾಯ ಮಾಡಿದ್ದಾರೆ. ಧ್ರುವ ಸರ್ಜಾಅವರು ನರೇಂದ್ರಕುಮಾರ್‌ರ ಹಾಗೆ ಆಟೋ ಓಡಿಸಿ ಅವರಿಗೆ ಸಹಾಯವನ್ನು ಮಾಡಿದ್ದಾರೆ.

ಅಟೋಓಡಿಸುವ ಮೊದಲುಆಟೋರಾಜ ಶಂಕ್ರಣ್ಣನ ಪ್ರತಿಮೆಗೆ ಹೂವಿನಹಾರ ಹಾಕಿ ನಮಸ್ಕರಿಸಿ ಶ್ರದ್ಧೆಯಿಂದಆಟೋ ಹತ್ತಿದರು. ಇವರಿಗೆ ಸಿಕ್ಕ ಮೊಟ್ಟ ಮೊದಲ ಕಸ್ಟಮರ್‌ಗರ್ಭಿಣಿಅವರನ್ನುಕರೆದುಕೊಂಡು ಹೋಗಿ ಶ್ರೀನಗರ ಆಸ್ಪತ್ರೆಗೆ ಬಿಟ್ರು. ಆ ಗರ್ಭಿಣಿ ಹತ್ರದುಡ್ಡು ತೆಗೆದುಕೊಳ್ಳದೇ ತಾವೇ ಆ ದುಡ್ಡನ್ನತಮ್ಮಜೇಬಿನಿಂದಕೊಟ್ಟಿದ್ದಾರೆ. ನಂತರ ವಿದ್ಯಾರ್ಥಿಗಳನ್ನು ವಾಸವಿ ಕಾಲೇಜ್‌ಗೆ ಬಿಟ್ಟುಅಲ್ಲಿ ಸ್ಟೂಡೆಂಟ್ಸ್‌ಜೊತೆಕುಣಿದು ಕುಪ್ಪಳಿಸಿ, ಮೋಜು ಮಸ್ತಿ ಮಾಡಿ ಮತ್ತೆಆಟೋ ಹತ್ತಿದರು. ಹೀಗೆ ದಿನ ಪೂರ್ತಿಚಿಕ್ಕ ಮಕ್ಕಳಿಂದ ಹಿಡಿದು ವಯಸ್ಸಾದ ವೃದ್ಧ ದಂಪತಿಗಳ ವರೆಗೂ ಬೆಂಗಳೂರಿನಾದ್ಯಂತ ಎಲ್ಲಕಡೆಆಟೋ ಓಡಿಸಿದರು ಬಂದ ಹಣದಿಂದ ನರೇಂದ್ರಕುಮಾರ್‌ಅವರ ಸ್ವಂತಆಟೋ ಮಾಡಿಕೊಳ್ಳೋ ಆಸೆಯನ್ನು ಪೂರೈಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಈ ಶೋನಲ್ಲಿ ಪ್ರತಿ ವಾರವೂಒಬ್ಬೊಬ್ಬ ಸೆಲಬ್ರಿಟಿಗಳು ಬಂದಿದ್ದಾರೆ ಅವರುಗಳಲ್ಲಿ ಶ್ರೀ ಮುರಳಿ,ಲವ್ಲಿ ಸ್ಟಾರ್ ಪ್ರೇಮ್,ಪ್ರೀಯಾಂಕಉಪೇಂದ್ರ,ಪಾರೂಲ್‌ಯಾದವ್,ವಿಜಯರಾಘವೇಂದ್ರ,ಸೃಜನ್ ಲೋಕೇಶ್,ಮಾನ್ವಿತಾ ಹರೀಶ್,ಪ್ರೀಯಾಮಣಿ,ರಶ್ಮೀಕಾ ಮಂದಣ್ಣ,ರ್ಧನಂಜಯ್,ಚಿರಂಜೀವಿ ಸರ್ಜಾ, ಹೀಗೆ ಇನ್ನೂಅನೇಕರು ಭಾಗವಹಿಸಿದ್ದಾರೆ.

ಇನ್ನು ಈ ಕಾರ್ಯಕ್ರಮ ಸೃಜನ್ ಲೋಕೇಶ್ ನೇತೃತ್ವದ ಪ್ರತಿಷ್ಠಿತ”ಲೋಕೇಶ್ ಪ್ರೊಡಕ್ಷನ್” ಸಂಸ್ಥೆಯಅಡಿಯಲ್ಲಿ ನಿರ್ಮಾಣವಾಗುತ್ತಿದೆ.

ಆರ್ಥಿಕದುರ್ಭಲರಿಗೆ ಬೆಂಬಲ ನೀಡಿ, ಬಲಹೀನರಿಗೆದೈರ್ಯತುಂಬುವ ಶಕ್ತಿ ನೀಡುವ, ಕಷ್ಟದಕಗ್ಗತ್ತಲೆಯಲ್ಲಿ ಮುಳಗಿದವರಿಗೆ ಬೆಳಕಿನ್ನು ಕೊಡುವ, ನೊಂದ ಬೆಂದ ಮನಸ್ಸಿಗೆ ಸೆಲಬ್ರಿಟಿಗಳಿಂದ ಸಾಂತ್ವನ ಹೆಳುವ ಉದಯ ಟಿವಿಯರೀಯಾಲಿಟಿಅಲ್ಲ್ಲರೀಯಲ್ ಶೋ “ಸದಾ ನಿಮ್ಮೊಂದಿಗೆ” ಪ್ರತಿ ಭಾನುವಾರ(೧೫.೭.೨೦೧೮) ೯ಕ್ಕೆ ಪ್ರಸಾರವಾಗಲಿದೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಪೆಟ್ಟಿ ಅಂಗಡಿ

ಬಿಗ್ ಬಾಸ್ ಮನೆಯಲ್ಲಿ ಯಾರ್ಯಾರಿದ್ದಾರೆ ಗೊತ್ತಾ?

Published

on

ಬಿಗ್‌ಬಾಸ್ ಮನೆಯೊಳಗೆ ರ್‍ಯಾಪಿಡ್ ಫಯರ್ ಶುರು!
ಬಿಗ್ ಬಾಸ್ ರಿಯಾಲಿಟಿ ಶೋನ ಆರನೇ ಆವೃತ್ತಿಗೆ ಅದ್ದೂರಿ ಆರಂಭ ಸಿಕ್ಕಿದೆ. ತಿಂಗಳ ಹಿಂದೆಯೇ ಯಾರ್‍ಯಾರು ಬಿಗ್‌ಬಾಸ್ ಮನೆ ಸೇರಿಕೊಳ್ಳಬಹುದೆಂಬ ಬಗ್ಗೆ ಹುಟ್ಟಿಕೊಂಡಿದ್ದ ಕುತೂಹಲ, ಅಂತೆಕಂತೆಗಳಿಗೂ ತೆರೆ ಬಿದ್ದಿದೆ. ಬಿಗ್ ಎಫ್‌ಎಂ ರೇಡಿಯೋ ಜಾಕಿಯಾಗಿದ್ದುಕೊಂಡೇ ನಟಿಯಾಗಿ, ನಿರೂಪಕಿಯಾಗಿ ಮನೆ ಮಾತಾಗಿರೋ ರ್‍ಯಾಪಿಡ್ ರಶ್ಮಿ ಪ್ರಧಾನ ಆಕರ್ಷಣೆಯಾಗಿ ಬಿಗ್ ಬಾಸ್ ಮನೆ ಸೇರಿಕೊಂಡಿದ್ದಾರೆ!
ಬಿಗ್ ಎಫ್‌ಎಂ ರೇಡಿಯೋ ಜಾಕಿ ರ್‍ಯಾಪಿಡ್ ರಶ್ಮಿ ಅಂದರೆ ಕಣ್ಣರಳಿಸೋ ಅಭಿಮಾನಿ ಪಡೆ ದೊಡ್ಡದಿದೆ. ಪಟ ಪಟನೆ ಮಾತಾಡುವ ಮೂಲಕವೇ ಭಾರೀ ಜನಪ್ರಿಯತೆ ಗಳಿಸಿಕೊಂಡಿರುವ, ಅಪಾರ ಅಭಿಮಾನಿಗಳನ್ನೂ ಹೊಂದಿರುವ ರಶ್ಮಿಯ ಬೋಲ್ಡ್ ಮಾತುಗಳಿಗೆ ಕ್ಲೀನ್ ಬೌಲ್ಡ್ ಆದವರ ಸಂಖ್ಯೆಯೇನೂ ಕಡಿಮೆ ಇಲ್ಲ. ಸಾಮಾನ್ಯವಾಗಿ ರೇಡಿಯೋ ಅಂದರೆ ಅಶರೀರವಾಣಿ ಎಂಬ ವಿಚಾರವನ್ನೂ ಮರೆ ಮಾಚುವಂತೆ ರಶ್ಮಿ ಇದೀಗ ಜೆ.ಪಿನಗರದ ಸ್ಟೋರ್‍ಸ್ ಎನ್ನುವ ಸ್ಥಳದಲ್ಲಿ ಫೇಸ್ ಬುಕ್ ಮೂಲಕ ಲೈವ್ ಶೋ ಕೊಟ್ಟು ಚರ್ಚೆ ನಡೆಸುವ ವಿನೂತನ ಪ್ರಯೋಗಕ್ಕೂ ಕೈ ಹಾಕಿ ಗೆದ್ದಿದ್ದಾರೆ.
ಇದೇ ಶೋ ಮೂಲಕ ಹಲವಾರು ಚಿತ್ರಗಳಿಗೆ ವ್ಯಾಪಕ ಪ್ರಚಾರ ಕಲ್ಪಿಸೋ ಕೆಲಸಕ್ಕೂ ರ್‍ಯಾಪಿಡ್ ರಶ್ಮಿ ಕೈ ಹಾಕಿದ್ದಾರೆ. ಕಿರಿಕ್ ಪಾರ್ಟಿ ಚಿತ್ರದ ಮೂಲಕ ಆರಂಭವಾದ ಈ ಕಾರ್ಯಕ್ರಮವೀಗ ಐವತ್ತು ಶೋಗಳನ್ನು ಯಶಸ್ವಿಯಾಗಿ ಪೂರೈಸಿಕೊಂಡಿದೆ. ಹೀಗೆ ಸದಾ ಕಾಲವೂ ಅಪ್‌ಡೇಟ್ ಆಗುತ್ತಾ ಹೊಸತನಗಳ ಮೂಲಕವೇ ಚಾಲ್ತಿಯಲ್ಲಿರೋ ರಶ್ಮಿ ಡೋಂಟ್‌ಕೇರ್ ಸ್ವಭಾವದ ಹುಡುಗಿ. ಇವರೀಗ ಬಿಗ್‌ಬಾಸ್ ಸ್ಪರ್ಧಿಯಾಗಿರೋದು ಸಹಜವಾಗಿಯೇ ಸಂಚಲನ ಸೃಷ್ಟಿಸಿದೆ.
ಕೇವಲ ರೇಡಿಯೋ ವಲಯ ಮಾತ್ರವಲ್ಲದೆ ಡ್ಯಾನ್ಸು, ನಟನೆ, ನಿರೂಪಣೆ… ಹೀಗೆ ರಶ್ಮಿ ಪಾದಾರ್ಪಣೆ ಮಾಡದ ಕ್ಷೇತ್ರಗಳೇ ಕಡಿಮೆ. ಇಂಥಾ ಚಟುವಟಿಕೆ, ಚುರುಕುತನಗಳ ಮೂಲಕವೇ ಇಷ್ಟವಾಗೋ ರ್‍ಯಾಪಿಡ್ ರಶ್ಮಿ ಎತ್ತೆತ್ತ ಸುತ್ತಿದರೂ ಮತ್ತೆ ಮತ್ತೆ ಬಂದು ರೇಡಿಯೋ ಲೋಕದಲ್ಲಿಯೇ ಸಕ್ರಿಯರಾಗುತ್ತಾರೆ. ಅವರನ್ನು ಆ ವಲಯದಲ್ಲಿಯೇ ನೋಡ ಬಯಸೋ ಮನಸುಗಳೂ ಕೂಡಾ ಲೆಕ್ಕವಿಲ್ಲದಷ್ಟಿವೆ. ಇಂಡಿಯನ್ ರೇಡಿಯೋ ಫೋರಂ ನಲ್ಲಿ ರಶ್ಮಿ ಅವರ ರೇಡಿಯೋ ಶೋಗೆ ೨೦೧೭ರ ಸಿಲ್ವರ್ ಮೆಡಲ್ ಬಂದಿದೆ. ಸ್ತನ ಕ್ಯಾನ್ಸರ್ ಜಾಗೃತಿಗಾಗಿ ನಡೆಸಿದ ಪಿಂಕ್’ಥಾನ್’ನಲ್ಲಿ ಮಿಲಿಂದ್ ಸೋಮನ್ ಅವರೊಂದಿಗೆ ಕೂಡಾ ರಶ್ಮಿ ಪಾಲ್ಗೊಂಡಿದ್ದಾರೆ.
ಪಕ್ಕಾ ಬೆಂಗಳೂರು ಹುಡುಗಿಯಾದ ರ್‍ಯಾಪಿಡ್ ರಶ್ನಿ ಬೆಂಗಳೂರಿನ ಹಿಸ್ಟರಿಯ ಪಳಯುಳಿಕೆಯಂತಿರೋ, ಆತ್ಮದಂತಿರೋ ಬಸವನಗುಡಿಯಲ್ಲೇ ಹುಟ್ಟಿ ಬೆಳೆದವರು. ಬೇರೆ ಬೇರೆ ವೆರೈಟಿಯ ಪ್ರತಿಭೆ ಇರೋ ರಶ್ಮಿ ಆರಂಭದಲ್ಲಿ ಉದಯ ಟಿವಿಯಲ್ಲಿ ಆಂಕರಿಂಗ್ ಮಾಡೋ ಮೂಲಕ ವೃತ್ತಿ ಜೀವನ ಆರಂಭಿಸಿದವರು. ಆ ಕಾಲದಲ್ಲಿ ಹೊಸದಾಗಿ ಹುಟ್ಟಿಕೊಂಡಿದ್ದು ಎಫ್ಫೆಮ್ ರೇಡಿಯೋ ಟ್ರೆಂಡ್. ಅದಕ್ಕೆ ಅಚ್ಚ ಕನ್ನಡದಲ್ಲಿ ಅರಳು ಹುರಿದಂತೆ ಮಾತಾಡೋ ಜಾಕಿಗಳ ಅವಶ್ಯಕತೆ ಇತ್ತು. ಇದೇ ಸಂದರ್ಭದಲ್ಲಿ ಟೀವಿ ಲೋಕ ಬಿಟ್ಟು ರೇಡಿಯೋ ಜಗತ್ತಿಗೆ ಕಾಲಿಟ್ಟು ಸುದೀರ್ಘವಾಗಿ ಇಷ್ಟೊಂದು ವರ್ಷಗಳ ಕಾಲ ಚಾಲ್ತಿಯಲ್ಲಿರೋದು ನಿಜಕ್ಕು ರ್‍ಯಾಪಿಡ್ ರಶ್ಮಿಯವರ ಹೆಚ್ಚುಗಾರಿಕೆ.
ಇದು ನಿಜಕ್ಕೂ ಸವಾಲಿನ ಕೆಲಸ. ದಿನಾ ಗಂಟೆಗಟ್ಟಲೆ ರೂಮೊಂದರಲ್ಲಿ ಕೂತು ಮಾತಾಡೋದಂದರೆ ಸಲೀಸಿನ ಸಂಗತಿಯೇನಲ್ಲ. ಆಡಿದ್ದನ್ನೇ ಮಾತಾಡುತ್ತಾ ಹೋದರೆ ವಾರ ಕಳೆತೋವಷ್ಟರಲ್ಲಿ ಕೇಳುಗರ ಕಿವಿ ಬೋರು ಹೊಡೆಯುತ್ತೆ. ಹಾಗಾಗದಂತೆ ನೋಡಿಕೊಳ್ಳಬೇಕೆಂದರೆ ಹೊಸಾ ವಿಚಾರಗಳನ್ನು ತಿಳಿದುಕೊಳ್ಳಬೇಕು. ಹೊಸತನಕ್ಕೆ ಒಗ್ಗಿಕೊಳ್ಳಬೇಕು. ಅದಕ್ಕೆ ಸದಾ ತೆರೆದುಕೊಂಡೇ ಬಂದಿರೋ ರಶ್ಮಿ ಇದೀಗ ಚಲನಚಿತ್ರ ಸಂಬಂಧಿ ಕಾರ್ಯಕ್ರಮದ ಮೂಲಕ ಚಿತ್ರರಂಗದ ಭಾಗವೂ ಆಗಿದ್ದಾರೆ.
ಇಂಥಾ ರ್‍ಯಾಪಿಡ್ ರಶ್ಮಿ ಬಿಗ್‌ಬಾಸ್ ಸ್ಪರ್ಧಿಯಾಗಿದ್ದಾರೆಂದ ಮೇಲೆ ಅಲ್ಲಿಯೂ ರ್‍ಯಾಪಿಡ್ ಫಯರ್ ಶುವಾಗಿದೆ ಎಂದೇ ಅರ್ಥ. ಯಾವುದಕ್ಕೂ ಕೇರು ಮಾಡದ, ಅಂದುಕೊಂಡಿದ್ದರಿಂದ ಹಿಂದೆ ಸರಿಯದ ಮನಸ್ಥಿತಿಯ ರಶ್ಮಿ ಎಲ್ಲರಿಗೂ ಸವಾಲೋಡ್ಡುವ ಸ್ಪರ್ಧಿಯಾಗುತ್ತಾರೆಂಬ ನಂಬಿಕೆಯಂತೂ ಇದ್ದೇ ಇದೆ.
ಬಿಗ್‌ಬಾಸ್ ಶೋ ಎಂಬುದು ಹಲವಾರು ತಕರಾರುಗಳ ನಡುವೆಯೂ ಕನ್ನಡಿಗರನ್ನು ಆವರಿಸಿಕೊಂಡಿದೆ. ಬಿಗ್‌ಬಾಸ್‌ನ ಆಗಮನದ ನಂತರ ದೇಶದಲ್ಲಿ ಜನರು ಟೆಲಿವಿಷನ್ ನೋಡುವ ರೀತಿಯೇ ಬದಲಾಗಿದೆ. ಬಿಗ್‌ಬಾಸ್ ಕನ್ನಡವೂ ಅಷ್ಟೆ. ಆರಂಭದಿಂದಲೂ ಜನಪ್ರಿಯತೆಯಲಿ ಎಲ್ಲ ಶೋಗಳಿಗಿಂತಲೂ ಮುಂದಿದೆ. ಬಿಗ್‌ಬಾಸ್‌ಕನ್ನಡ ಸೀಸನ್ ೫ರಲ್ಲಿ ಮೊಟ್ಟಮೊದಲ ಬಾರಿಗೆ ಜನಸಾಮಾನ್ಯರಿಗೆ ಪ್ರವೇಶ ಸಿಕ್ಕಿತ್ತು. ಈ ವರ್ಷವೂ ಜನಸಾಮಾನ್ಯರು ಮತ್ತು ಸೆಲೆಬ್ರಿಟಿಗಳ ಹದವಾದ ಮಿಶ್ರಣ ನೋಡುಗರಿಗೆ ಮುದ ನೀಡಲು ತಯಾರಾಗಿದೆ.
ಬಿಗ್‌ಬಾಸ್‌ನ ಆರನೇ ಆವೃತ್ತಿ ಕಲರ್ಸ್ ಸೂಪರ್ ಚಾನೆಲ್‌ನಲ್ಲಿ ಆರಂಭವಾಗಿದೆ. ಪ್ರತೀ ರಾತ್ರಿ ೮ ಗಂಟೆಗೆ ಪ್ರಸಾರವಾಗಲಿದೆ. ಒಟ್ಟು ಹದಿನೆಂಟು ಸ್ಪರ್ಧಿಗಳು ಈ ಬಾರಿ ಮನೆಯಲ್ಲಿ ಇರಲಿದ್ದಾರೆ. ಅವರಲ್ಲಿ ಅರ್ಧದಷ್ಟು ಮಂದಿ ಸೆಮಿ ಸೆಲೆಬ್ರಿಟಿಗಳು. ವಿಶ್ವಾದ್ಯಂತ ಈ ಶೋ ಸೆಲೆಬ್ರಿಟಿಗಳಿಂದ ಆರಂಭವಾಗಿ ಜನಸಾಮಾನ್ಯರ ಶೋ ಆಗುತ್ತಾ ನಡೆದಿದೆ. `ನಾವು ಯಾವುದೇ ಕಾರ್ಯಕ್ರಮಗಳನ್ನು ರೂಪಿಸುವಾಗ ನಮ್ಮ ವೀಕ್ಷಕರ ಬೇಕು ಬೇಡ ಮತ್ತುಅವರ ಆಸಕ್ತಿಗಳನ್ನು ಗಮನದಲ್ಲಿ ಇರಿಸಿಕೊಂಡಿರುತ್ತೇವೆ. ಕೇವಲ ಮೂರೇ ವರ್ಷಗಳಲ್ಲಿ ಕಲರ್ಸ್ ಸೂಪರ್ ಚಾನೆಲ್ ರೇಟಿಂಗ್‌ನಲ್ಲಾಗಲಿ, ಕಾರ್ಯಕ್ರಮ ವೈವಿಧ್ಯದಲ್ಲಾಗಲಿ ಭಾರೀ ಎತ್ತರಕ್ಕೆ ಏರಿದೆ. ಬಿಗ್‌ಬಾಸ್ ಯಾವ ರೀತಿಯ ಶೋ ಎಂದರೆ, ಕಾರ್ಯಕ್ರಮ ನಡೆಯುವ ಅಷ್ಟೂ ದಿನ ಜನರನ್ನು ಟೆಲಿವಿಷನ್ ಸೆಟ್‌ಗೆ ಅಂಟಿಕೂರುವಂತೆ ಮಾಡುವಂಥದ್ದು. ವಯಾಕಾಮ್೧೮ ಸಂಸ್ಥೆಯ ಕನ್ನಡ ಚಾನೆಲ್‌ಗಳು ಕನ್ನಡ ಮಾರುಕಟ್ಟೆಯ ಮುಂಚೂಣಿಯಲ್ಲಿ ಇದ್ದುಕೊಂಡು, ಅತ್ಯುತ್ತಮ ಗುಣಮಟ್ಟದ ರಿಯಾಲಿಟಿ ಶೋಗಳು ಹಾಗೂ ವೈವಿಧ್ಯಮಯ ಧಾರಾವಾಹಿಗಳನ್ನು ಜನರಿಗೆ ನೀಡುತ್ತಿವೆ’ ಎನ್ನುತ್ತಾರೆ ವಯಾಕಾಮ್೧೮ನ ರೀಜನಲ್ ಚಾನೆಲ್‌ಗಳ ಹೆಡ್‌ರವೀಶ್‌ಕುಮಾರ್.
`ನಾವು ಈ ಶೋಗೆ ಸ್ಪರ್ಧಿಗಳನ್ನು ಹುಡುಕುವಾಗ ಸೆಲೆಬ್ರಿಟಿಗಳಿಗಿಂತ ಹೆಚ್ಚಾಗಿ ಕ್ಯಾರೆಕ್ಟರ್‌ಗಳನ್ನು ಹುಡುಕುತ್ತಿರುತ್ತೇವೆ. ಆ ಕ್ಯಾರೆಕ್ಟರ್‌ಗಳು ಸೆಲೆಬ್ರಿಟಿಗಳಲ್ಲಿಯೂ ಇರಬಹುದು, ಜನ ಸಾಮಾನ್ಯರಲ್ಲೂ ಇರಬಹುದು. ಈ ಬಾರಿಯ ಹದಿನೆಂಟೂ ಜನರು ಬಹಳ ಇಂಟರೆಸ್ಟಿಂಗ್ ಕ್ಯಾರೆಕ್ಟರ್‌ಗಳಾಗಿರುತ್ತಾರೆ. ಒಮ್ಮೆ ಮನೆಯೊಳಗೆ ಹೋದ ಮೇಲೆ ಅವರು ಸೆಲೆಬ್ರಿಟಿಗಳೋ ಜನ ಸಾಮಾನ್ಯರೋ ಎಂಬ ಪ್ರಶ್ನೆ ಮುಖ್ಯವಾಗುವುದಿಲ್ಲ. ಅವರು ಎಷ್ಟು ಮನರಂಜನೆ ನೀಡುತ್ತಾರೆ ಎನ್ನುವುದಷ್ಟೇ ಮುಖ್ಯ. ಈ ನಿಟ್ಟಿನಲ್ಲಿ ನಮ್ಮ ಪ್ರಯತ್ನ ಸಾಗಿದೆ’ ಎನ್ನುತ್ತಾರೆ ವಯಾಕಾಮ್ ೧೮ ಸಂಸ್ಥೆಯ ಕನ್ನಡ ಮಾರುಕಟ್ಟೆಯ ಬ್ಯುಸಿನೆಸ್ ಹೆಡ್ ಹಾಗೂ ಬಿಗ್‌ಬಾಸ್‌ನ ನಿರ್ದೇಶಕರೂ ಆಗಿರುವ ಪರಮೇಶ್ವರ ಗುಂಡ್ಕಲ್.
ಪ್ರತಿ ವರ್ಷದಂತೆ ಬಿಗ್‌ಬಾಸ್‌ನ ಬಹುದೊಡ್ಡ ಸೆಲೆಬ್ರಿಟಿ ಕಿಚ್ಚ. ಸುದೀಪ್ ಅವರ ಗತ್ತು, ಗೈರತ್ತು ಈ ಶೋನ ಬಹುದೊಡ್ಡ ಆಕರ್ಷಣೆಗಳಲ್ಲಿ ಒಂದು. ಅದು ಈ ಬಾರಿಯೂ ಮುಂದುವರಿದಿದೆ. ಕಿಚ್ಚ ಸುದೀಪ್ ಅವರ ಇಡೀ ವರ್ಷದ ಕ್ಯಾಲೆಂಡರ್‌ನಲ್ಲಿ ಬಿಗ್‌ಬಾಸ್‌ಗೆ ಬಹಳ ಮಹತ್ವದ ಪಾತ್ರವಿದೆ.
ಒಟ್ಟಿನಲ್ಲಿ ಬಿಗ್‌ಬಾಸ್ ಶುರುವಾಗುತ್ತದೆ ಎಂದರೆ ಬಿಗ್‌ಬಾಸ್ ಪ್ರಿಯರಿಗೆ ಹಬ್ಬದ ವಾತಾವರಣ. ಮುಂದಿನ ನೂರು ದಿನಗಳ ಕಾಲ ಅದರದ್ದೇ ಚರ್ಚೆ, ಅದರದ್ದೇ ಮಾತು. ಬಿಗ್‌ಬಾಸ್ ಕಲರ್ಸ್ ಸೂಪರ್‌ಚಾನೆಲ್‌ನಲ್ಲಿ ಪ್ರತೀ ರಾತ್ರಿ ೮ಗಂಟೆಗೆ ಪ್ರಸಾರವಾಗಲಿದೆ.
ಈ ಬಾರಿಯ ಬಿಗ್‌ಬಾಸ್ ಸೀಸನ್ ಕೂಡಾ ಕಳೆಗಟ್ಟಲಿದೆ ಎಂಬುದಕ್ಕೆ ಮನೆ ಪ್ರವೇಶ ಮಾಡಿರೋ ಮಂದಿಯೇ ಸಾಕ್ಷಿಯಾಗುತ್ತಾರೆ. ಒಂದು ಕಟ್ಟುಮಸ್ತಾದ ಪಡೆಯನ್ನೇ ಆಯೋಜಕರು ಆರಿಸಿದ್ದಾರೆ. ನಟಿ ಸೋನು ಪಾಟೀಲ್, ಆಂಡ್ರ್ಯೂ, ನಟಿ ಹಾಗೂ ಆಂಕರ್ ಜಯಶ್ರೀ  ರಾಜ್, ರಾಕೇಶ್, ಒಗ್ಗರಣೆ ಡಬ್ಬಿ ಖ್ಯಾತಿಯ ಮುರುಳಿ, ಅಕ್ಷತಾ, ಕ್ರಿಕೆಟರ್ ರಕ್ಷಿತಾ, ರ್ಯಾಪಿಡ್ ರಶ್ಮಿ, ಅಡಮ್, ಸಿರೀಯಲ್ ನಟಿ ಕವಿತಾ, ಅಂತಾರಾಷ್ಟ್ರೀಯ ಖ್ಯಾತಿಯ ಬಾಡಿ ಬಿಲ್ಡರ್ ಹಾಗೂ ನಟ ಜಿಮ್ ರವಿ, ಶಶಿ, ರೀಮಾ, ಖ್ಯಾತ ಸಿಂಗರ್ ನವೀನ್, ಸಜ್ಜು, ಸ್ನೇಹಾ, ಆನಂದ್, ನೈನಾ, ಧನರಾಜ್ ಸೇರಿದಂತೆ ೯ ಜನ ಮಹಿಳೆಯರು, ೮ ಜನ ಪುರುಷ ಸ್ಪರ್ಧಿಗಳಿದ್ದಾರೆ. ತೃತೀಯ ಲಿಂಗಿ ಅಡಮ್ ಕೂಡ ಸ್ಪರ್ಧಿಯಾಗಿರೋದು ಈ ಬಾರಿಯ ವಿಶೇಷತೆ.

 

Continue Reading

ಪೆಟ್ಟಿ ಅಂಗಡಿ

ಇದು ನ್ಯಾಷನಲ್ ಕ್ವಾಲಿಟಿಯ ಕನ್ನಡ ಧಾರಾವಾಹಿ!

Published

on

ಸೀರಿಯಲ್, ರಿಯಾಲಿಟಿ ಶೋಗಳು ಸೇರಿದಂತೆ ಎಲ್ಲದರಲ್ಲಿಯೂ ಹೊಸತನ ಮತ್ತು ಸ್ವಂತಿಕೆ ಕಾಯ್ದುಕೊಂಡು ಬಂದಿರೋ ವಾಹಿನಿ ಝೀ ಕನ್ನಡ. ರಾಘವೇಂದ್ರ ಹುಣಸೂರು ಎಂಬ ಕನಸುಗಾರ ಬ್ಯುಸಿನೆಸ್ ಹೆಡ್ ಆಗಿ ಬಂದ ಮೇಲಂತೂ ಈ ವಾಹಿನಿಯ ಕಾರ್ಯಕ್ರಮಗಳಿಗೆ ಬೇರೆಯದ್ದೇ ರಂಗು ಬಂದಿದೆ. ರಾಘವೇಂದ್ರ ಹುಣಸೂರರ ಕನಸು ಮತ್ತು ಒಂದಿಡೀ ತಂಡದ ಅಖಂಡ ಒಂದು ವರ್ಷಗಳ ತಪಸ್ಸಿನ ಫಲವೆಂಬಂತೆ ಈಗ ಈ ವಾಹಿನಿಯಲ್ಲಿ ವಿಷ್ಣುವಿನ ಪ್ರೇಮಕಾವ್ಯದಂಥಾ ‘ವಿಷ್ಣು ದಶಾವತಾರ’ ಧಾರಾವಾಹಿ ಶುರುವಾಗಿದೆ.

ಈ ಧಾರಾವಾಹಿಯ ಪತ್ರಿಕಾಗೋಷ್ಟಿ ನಡೆದ ರೀತಿಯೇ ಅದು ಹೇಗೆ ಭಿನ್ನವಾಗಿ ಮೂಡಿ ಬಂದಿದೆ ಎಂಬುದರ ಸುಳಿವು ನೀಡುತ್ತಿತ್ತು. ಅದೇ ರೀತಿ ಈಗಷ್ಟೇ ಶುರುವಾಗಿರುವ ಶ್ರೀ ವಿಷ್ಣು ದಶಾವತಾರವೂ ಪ್ರೇಕ್ಷಕರನ್ನು ಮೊದಲ ದಿನದಿಂದಲೇ ಹಿಡಿದಿಟ್ಟುಕೊಂಡಿದೆ. ಈ ಪತ್ರಿಕಾ ಗೋಷ್ಠಿಯಲ್ಲಿ ರಾಘವೇಂದ್ರ ಹುಣಸೂರು ಹೇಳಿರೋ ಪ್ರತಿಯೊಂದು ಮಾತುಗಳಿಗೂ ಪೂರಕವಾದ ರೀತಿಯಲ್ಲಿಯೇ ಈ ಧಾರಾವಾಹಿ ಕಿರುತೆರೆಯಲ್ಲೊಂದು ಸಂಚಲನವನ್ನೂ ಸೃಷ್ಟಿಸಿದೆ.

ಕನ್ನಡದಲ್ಲಿ ಪೌರಾಣಿಕ ಕಥಾ ಹಂದರ ಹೊಂದಿರೋ ಸೀರಿಯಲ್ಲುಗಳು ಈ ಹಿಂದೆಯೂ ಬಂದಿವೆ. ಇತ್ತೀಚೆಗೆ ಅದ್ದೂರಿತನದ ಸ್ಪರ್ಶದೊಂದಿಗೆ ಅಂಥಾದ್ದೊಂದು ಟ್ರೆಂಡ್ ಹುಟ್ಟಿಕೊಂಡಿದೆ. ಬಹುತೇಕ ಎಲ್ಲ ವಾಹಿನಿಗಳಲ್ಲಿಯೂ ಈ ಕೆಟಗರಿಯ ಧಾರಾವಾಹಿಗಳದ್ದೇ ಮೇಲುಗೈ. ಆದರೆ ಅದರಲ್ಲಿ ಬಹುತೇಕವುಗಳು ಹಿಂದಿ ಸೇರಿದಂತೆ ಬೇರೆ ಭಾಷೆಗಳಿಂದ ಡಬ್ ಆದವುಗಳು. ಅದೇ ತಂತ್ರಜ್ಞರು, ತಂತ್ರಜ್ಞಾನವನ್ನಿಟ್ಟುಕೊಂಡು ಕಲಾವಿದರನ್ನಷ್ಟೇ ಬದಲಾಯಿಸಿ ಇಂಥಾ ಅನೇಕ ಧಾರಾವಾಹಿಗಳು ಮೂಡಿ ಬರುತ್ತಿವೆ. ಆದರೆ ತಮ್ಮ ಕನಸಿನ ವಿಷ್ಣು ದಶಾವತಾರ ಧಾರಾವಾಹಿ ನೂರಕ್ಕೆ ನೂರರಷ್ಟು ಸ್ವಮೇಕ್ ಆಗಿರಬೇಕು, ಭಿನ್ನವಾಗಿರಬೇಕು ಎಂಬ ಹಂಬಲದೊಂದಿಗೇ ಈ ಪ್ರಾಜೆಕ್ಟನ್ನು ರಾಘವೇಂದ್ರ ಹುಣಸೂರು ಸಾರಥ್ಯದಲ್ಲಿ ಆರಂಭಿಸಲಾಗಿತ್ತು. ಬಹುಶಃ ಅಂಥಾದ್ದೊಂದು ಗುರಿ ಇಲ್ಲದೇ ಹೋಗಿದ್ದರೆ ಈ ಧಾರಾವಾಹಿಗಾಗಿ ಇಡೀ ತಂಡ ಒಂದು ವರ್ಷಕ್ಕೂ ಹೆಚ್ಚು ಕಾಲ ಶ್ರಮ ಪಡುವ ಸನ್ನಿವೇಶವೇ ಬರುತ್ತಿರಲಿಲ್ಲವೇನೋ…

ರಾಘವೇಂದ್ರ ಹುಣಸೂರರ ಮಾತಿನ ಪ್ರಕಾರವಾಗಿಯೇ ಹೇಳೋದಾದರೆ, ಈ ಧಾರಾವಾಹಿಯನ್ನು ಯಾರೂ ಸಲೀಸಾಗಿ ತೆಗೆದುಕೊಳ್ಳಲು ಹಿಂಜರಿಯೋವಂಥಾ ಸವಾಲು ಸ್ವೀಕರಿಸಿಯೇ ರೂಪಿಸಲಾಗಿದೆ. ಸಾಮಾನ್ಯವಾಗಿ ದೇವರ ಕಥನಗಳನ್ನು ಬರೀ ಭಕ್ತಿಯ ಚಹರೆಯನ್ನೇ ಮುಖ್ಯವಾಗಿಸಿ ಕಟ್ಟಿಕೊಡಲಾಗುತ್ತದೆ. ಆದರೆ ವಿಷ್ಣು ದಶಾವತಾರವನ್ನು ಅಪ್ಪಟ ಪ್ರೇಮಕಾವ್ಯದಂತೆ ಕಟ್ಟಿ ಕೊಡಲಾಗಿದೆ. ಹಾಗಂತ ಪ್ರೇಮಕಾವ್ಯ ಸೃಷ್ಟಿಸಲೋಸ್ಕರ ವಿಷ್ಣುವಿನ ಕಥೆಗೆ ಮಸಾಲೆ ಬೆರೆಸಿದ್ದಾರೆಂದು ತಪ್ಪು ತಿಳಿಯುವ ಅಗತ್ಯವಿಲ್ಲ. ವಿಷ್ಣುವಿನ ಪೌರಾಣಿಕ ಕಥನಗಳನ್ನು ಒಂದು ಸುಸಜ್ಜಿತವಾದ ತಂಡ ವರ್ಷಾಂತರಗಳ ಕಾಲ ರಿಸರ್ಚ್ ನಡೆಸಿದೆ. ಅದರ ಫಲವಾಗಿಯೇ ಬರೀ ದೇವರಾಗಿಯೇ ಬಿಂಬಿತನಾಗಿರೋ ವಿಷ್ಣುವಿನ ಗಾಢ ಪ್ರೇಮದ ಕಥನವೊಂದನ್ನು ಹೆಕ್ಕಿ ತೆಗೆಯಲಾಗಿದೆ!

ಸಾಮಾನ್ಯವಾಗಿ ಭಕ್ತಿ ಭಾವ ಹೊಂದಿರುವವರಿಗೂ ಕೂಡಾ ವಿಷ್ಣುವಿನ ಬಿಡಿ ಬಿಡಿ ಕಥೆಗಳು ಗೊತ್ತಿರುತ್ತವೆ. ಅಣ್ಣಾವ್ರ ಭಕ್ತ ಪ್ರಹ್ಲಾದ ನೋಡಿ, ವಿದ್ವಾಂಸರ ಪ್ರವಚನಗಳನ್ನು ಕೇಳಿ ಒಂದಷ್ಟು ಕಥನಗಳು ಪರಿಚಯವಾಗಿರುತ್ತವೆ. ಆದರೆ ದಶಾವತಾರ ಧಾರವಾಹಿಗಾಗಿ ಕೆಲಸ ನಿರ್ವಹಿಸುತ್ತಿರುವ ತಂಡ ಯಾರಿಗೂ ಹೆಚ್ಚಾಗಿ ಗೊತ್ತಿರದ ವಿಷ್ಣುವಿನ ಕಥನಗಳನ್ನು ಹೆಕ್ಕಿ ತೆಗೆದಿದ್ದಾರೆ. ಆಗ ರಾಘವೇಂದ್ರ ಹುಣಸೂರರ ಇಂಗಿತಕ್ಕೆ ಪೂರಕವಾದಂಥಾ ವಿಷ್ಣು ಪರಮಾತ್ಮನ ಪ್ರೇಮದ ಮುಖ ತೆರೆದುಕೊಂಡಿದೆ. ಇಲ್ಲಿ ನಾರಾಯಣ ಮತ್ತು ಶ್ರೀ ಲಕ್ಷ್ಮಿಯ ಪ್ರೇಮವೇ ಪ್ರಧಾನ. ಇದರಲ್ಲಿ ರಾಮಾಯಣ ಮಹಾಭಾರತಗಳ ಸಮಾಗಮವೂ ನಡೆಯುತ್ತದೆ. ಆರಂಭದಲ್ಲಿ ಮೊದಲ ನೋಟದಲ್ಲಿಯೇ ವಿಷ್ಣುವಿಗೆ ಲಕ್ಷ್ಮಿ ದೇವಿಯ ಮೇಲೆ ಹುಟ್ಟಿಕೊಳ್ಳುತ್ತೆ. ಆದರೆ ಲಕ್ಷ್ಮೀ ದೇವಿ ಅದನ್ನು ನಿರಾಕರಿಸುತ್ತಾಳೆ. ಆ ಕ್ಷಣದಲ್ಲಿ ಮಹಾ ವಿಷ್ಣು ಕೂಡಾ ನರಮನುಷ್ಯನಂತೆಯೇ ಒದ್ದಾಡುತ್ತಾನೆ. ವಿರಹಿಯಾಗುತ್ತಾನೆ. ಅಸೂಯೆಯಿಂದ ತಲ್ಲಣಿಸುತ್ತಾನೆ. ದೇವರಲ್ಲಿಯೂ ಮನುಷ್ಯಸಹಜ ಭಾವನೆಗಳಿರೋದಕ್ಕೆ ಪ್ರತೀಕವಾಗಿ ಕಂಪಿಸುತ್ತಾನೆ. ಇದರಿಂದಾಗಿಯೇ ವಿಷ್ಣುವಿನದ್ದು ಅಸಲೀ ಪ್ರೇಮ ಕಾವ್ಯ.

ಇದೇ ವಿಷ್ಣು ಮತ್ತು ಲಕ್ಷ್ಮೀ ದೇವಿ ರಾಮ ಸೀತೆಯರಾಗಿ ಅವತರಿಸುತ್ತಾರೆ. ಕೃಷ್ಣ ರುಕ್ಮಿಣಿಯರಾಗಿ ಕಂಗೊಳಿಸುತ್ತಾರೆ. ಯುಗಗಳಾಚೆಗೂ ಪ್ರೇಮಿಗಳಾಗಿಯೇ ಉಳಿದ ವಿಷ್ಣು ಮತ್ತು ಲಕ್ಷ್ಮೀ ದೇವಿಯ ಪ್ರೀತಿಗೇ ಭೂ ಮಂಡಲದ ಉಗಮಕ್ಕೂ ನಾಂದಿ ಹಾಡುತ್ತದೆ. ಹಲವಾರು ಪಲ್ಲಟಗಳಿಗೆ ಮೂಲವಾಗುತ್ತದೆ. ಅಂಥಾ ಅಚ್ಚರಿಗಳು ಪ್ರತೀ ಎಪಿಸೋಡುಗಳಲ್ಲಿಯೂ ಪ್ರೇಕ್ಷಕರನ್ನು ಚಕಿತಗೊಳಿಸಲಿವೆ.

ರಾಘವೇಂದ್ರ ಹುಣಸೂರರ ವಿಷ್ಣು ದಶಾವತಾರ ಧಾರಾವಾಹಿಗೆ ಸಾಥ್ ನೀಡಿರುವವರು ಧೀರಜ್ ಜೀ. ಹಿಂದಿ ಧಾರಾವಾಹಿಗಳ ಜನಪ್ರಿಯ ನಟರೂ ಆಗಿರುವ ಧೀರಜ್, ಕ್ರಿಯೇಟಿವ್ ಐ ಸಂಸ್ಥೆಯ ಸಂಸ್ಥಾಪಕರೂ ಹೌದು. ಆ ಸಂಸ್ಥೆಯ ಮೂಲಕವೇ ವಿಷ್ಣು ದಶಾವತಾರ ಧಾರಾವಾಹಿಯ ಗ್ರಾಫಿಕ್ಸ್‌ಗಳು ರೂಪುಗೊಂಡಿವೆ. ಈ ಧಾರಾವಾಹಿ ಆರಂಭವಾದಂದಿನಿಂದ ಸಾಕಷ್ಟು ಅಡೆತಡೆಗಳು ಎದುರಾಗಿದ್ದವು. ಆದರೆ ಭಗವಂತ ತನಗೆ ಬೇಕಾದುದನ್ನು ತೆಗೆದುಕೊಂಡ. ನಾವೂ ಕೂಡಾ ಇದನ್ನೊಂದು ದೇವರ ಸೇವೆ ಎಂದೇ ಕಾರ್ಯನಿರ್ವಹಿಸಿದೆವು ಎಂಬ ಅರ್ಪಣಾ ಭಾವ ಮತ್ತು ತೃಪ್ತಿ ರಾಘವೇಂದ್ರ ಹುಣಸೂರರದ್ದು.

ಮುನ್ನೂರ ಐವತ್ತ ಕಂತುಗಳಲ್ಲಿ ವಿಷ್ಣು ದಶಾವತಾರವನ್ನು ಪ್ರೇಮಪೂರ್ಣವಾಗಿ ತೋರಿಸೋ ಉದ್ದೇಶ ಈ ಧಾರಾವಾಹಿಯದ್ದು. ಇದರ ಹಿಂದೆ ನೂರಾರು ಜನರದ್ದೊಂದು ತಂಡದ ಶ್ರಮವಿದೆ. ಅಮಿತ್ ಕಷ್ಯಪ್ ವಿಷ್ಣುವಾಗಿ ನಟಿಸಿದ್ದರೆ, ನಿಶಾ ಲಕ್ಷ್ಮಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಧಾರಾವಾಹಿ ಝೀ ಕನ್ನಡದ ಹೊಸತನಕ್ಕೆ ಮತ್ತೊಂದು ಗರಿಯಾಗಿ, ಪೌರಾಣಿಕ ಧಾರಾವಾಹಿಗಳಲ್ಲಿಯೇ ಅತ್ಯಂತ ವಿಶಿಷ್ಟವಾಗಿ ಮೂಡಿ ಬರಲಿರೋ ಸೂಚನೆ ಮೊದಲ ಕಂತಿನಲ್ಲಿಯೇ ಸಿಕ್ಕಿದೆ.

Continue Reading

ಪೆಟ್ಟಿ ಅಂಗಡಿ

ಉದಯ ಟಿವಿಯಲ್ಲಿಹೊಸ ಧಾರಾವಾಹಿ “ಜೈ ಹನುಮಾನ”

Published

on

ಅಕ್ಟೋಬರ್ ೮ರಿಂದ ರಾತ್ರಿ ೭.೩೦ಕ್ಕೆ
ಮನರಂಜನಾಕ್ಷೇತ್ರದ ಬದಲಾದ ಸನ್ನಿವೇಶದಲ್ಲಿಕಿರುತೆರೆಯೂ ಹಿರಿತೆರೆಯಷ್ಟು ಶ್ರೀಮಂತವಾಗಿದೆ. ವಿನೂತನಕಥೆ, ನಿರೂಪಣೆಗಳ ಜತೆಗೆಅದ್ಧೂರಿ ನಿರ್ಮಾಣಕ್ಕೂ ಹೆಚ್ಚಿನಒತ್ತು ನೀಡಲಾಗುತ್ತಿದೆ. ಈ ದಿಸೆಯಲ್ಲಿಕನ್ನಡ ಮನರಂಜನಾ ವಾಹಿನಿಗಳ ಹಿರಿಯಣ್ಣ ಉದಯ ಟಿವಿ ‘ಜೈ ಹನುಮಾನ್’ ಎಂಬ ಅದ್ಧೂರಿಧಾರಾವಾಹಿಯನ್ನುಕನ್ನಡದ ವೀಕ್ಷಕರಿಗೆ ನೀಡಲು ಸಿದ್ಧತೆ ನಡೆಸಿದೆ.


ಅಕ್ಟೋಬರ್೮ ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ಪ್ರತೀ ದಿನ ರಾತ್ರಿ ೭.೩೦ಕ್ಕೆ ಜೈ ಹನುಮಾನ್‌ಉದಯ ಟಿವಿಯಲ್ಲಿಪ್ರಸಾರವಾಗಲಿದೆ. ಈಗಾಗಲೇ ಪ್ರೋಮೋಗಳು ಪ್ರೇಕ್ಷಕರ ಮನಸೂರೆಗೊಂಡಿದ್ದು, ಸೋಶಿಯಲ್ ಮೀಡಿಯಾಗಳಲ್ಲೂ ಹವಾ ಸೃಷ್ಟಿಸಿದೆ. ಎಲ್ಲ ವಯೋಮಾನದ ವೀಕ್ಷಕರಿಗೂಇಷ್ಟವಾಗುವಂಥಕಥೆ, ನಿರೂಪಣೆ ಹಾಗೂ ಕಣ್ಮನ ಸೆಳೆಯುವ ನಿರ್ಮಾಣ ಈ ಧಾರಾವಾಹಿಯ ವಿಶೇಷವಾಗಿದೆ.
ಮುಂಬೈ ಮೂಲದ ಪ್ರಸಿದ್ಧ ನಿರ್ಮಾಣ ಸಂಸ್ಥೆ ಕಾಂಟಿಲೋ ಈ ಧಾರಾವಾಹಿಯನ್ನು ನಿರ್‍ಮಾಣ ಮಾಡುತ್ತಿದೆ. ಈಗಾಗಲೇ ಐವತ್ತಕ್ಕೂ ಹೆಚ್ಚಿನ ಸಂಚಿಕೆಗಳ ಚಿತ್ರೀಕರಣ ಪೂರೈಸಿದ್ದು, ಪ್ರತೀ ಪ್ರೇಂನಲ್ಲೂ ಸಿನಿಮಾದಗುಣಮಟ್ಟವನ್ನು ಕಾಯ್ದುಕೊಳ್ಳಲಾಗಿದೆ. ರೋಚಕ ಸನ್ನಿವೇಷಗಳನ್ನು ಹೆಣೆಯಲಾಗಿದ್ದು ಬಿಗಿಯಾದಚಿತ್ರಕಥೆ ಹಾಗೂ ಸತ್ವಯುತ ಸಂಭಾಷಣೆಳು ಈ ಧಾರಾವಾಹಿಯಇನ್ನಷ್ಟು ವಿಶೇಷಗಳಾಗಿವೆ ಎನ್ನುತ್ತಾರೆ ನಿರ್ಮಾಣ ಸಂಸ್ಥೆಯವರು.
ಹದಿನಾಲ್ಕು ಲೋಕಗಳನ್ನೂ ತನ್ನತೆಕ್ಕೆಗೆತೆಗೆದುಕೊಂಡು, ಅಜರಾಮರನಾಗುವ ವರ ಪಡೆದುಕೊಂಡಿದ್ದರಾವಣತನ್ನಅಧಿಕಾರ ಲಾಲಸೆಯಿಂದಇತರ ಜೀವಿಗಳ ಮೇಲೆ ಕ್ರೌರ್ಯಎಸಗುತ್ತಿದ್ದ. ಅವನನ್ನು ಸದೆಬಡಿಯಲು ಹನುಮಂತಜನ್ಮ ತಳೆಯುತ್ತಾನೆ. ಅವನ ಹುಟ್ಟಿನ ಹಿನ್ನೆಲೆ. ಮುಂದೆ ಸಾಗುವ ದಾರಿ, ಆತ ಹೇಗೆ ರಾಮನನ್ನು ಸಂಧಿಸುತ್ತಾನೆ? ರಾವಣನ ಸಂಹಾರಕ್ಕೆ ಹೇಗೆ ಸಾಥ್ ನೀಡುತ್ತಾನೆಇತ್ಯಾದಿ ಕುತೂಹಲಗಳಿಗೆ ಉತ್ತರ ನೀಡುತ್ತದೆಜೈ ಹನುಮಾನ್.


ಅದ್ಧೂರಿ ಸೆಟ್‌ಜತೆಗೆ ಪೂರಕವಾದ ಗ್ರಾಫಿಕ್ಸ್‌ಗಳು ಗತವೈಭವವನ್ನು ಮತ್ತೆತೆರೆಯ ಮೇಲೆ ತಂದರೆ, ಕಲಾವಿದರ ಪ್ರೌಢ ನಟನೆಇಡೀಧಾರಾವಾಹಿಯನ್ನು ಮತ್ತೊಂದುಎತ್ತರಕ್ಕೇಕೊಂಡೊಯುತ್ತದೆ. ಅದರಲ್ಲೂಇಲ್ಲಿನ ವೇಷ ಭೂಷಣಗಳು, ಚಿತ್ರ ವಿಚಿತ್ರ ಹೆಸರುಗಳು ಎಲ್ಲ ವರ್ಗಗಳ ವೀಕ್ಷಕರನ್ನೂ, ಮಕ್ಕಳನ್ನೂ ಹಿಡಿದಿಟ್ಟುಕೊಳ್ಳುತ್ತವೆ ಎನ್ನುತ್ತಾರೆ ನಿರ್ದೇಶಕ ವಾಸು.
ಈ ಧಾರಾವಾಹಿಯನ್ನು ನಿರ್ದೇಶಿಸುತ್ತಿರುವವರು ಖ್ಯಾತ ನಿರ್ದೇಶಕ ಬುಕ್ಕಾಪಟ್ಟಣ ವಾಸು. ಕಿರುತೆರೆಯ ನುರಿತ ನರ್ದೇಶಕ, ಬರಹಗಾರ ಬ. ಲ. ಸುರೇಶ್ ‘ಜೈ ಹನುಮಾನ್’ ಗೆ ಸಂಭಾಷಣೆ ಬರೆಯುತ್ತಿದ್ದಾರೆ. ಚಿತ್ರಕಥೆ ನೀರಜ್ ಮತ್ತುತಂಡ ಮಾಡುತ್ತಿದ್ದರೆ, ನಿಷಿನ್ ಚಂದ್ರಡಿಓಪಿ ಆಗಿದ್ದಾರೆ. ಸಂತೋಷ್ ಸಂಕಲನದಜವಾಬ್ಧಾರಿ ಹೊತ್ತಿದ್ದಾರೆ. ಕಾಂಟಿಲೋ ಪ್ರೊಡಕ್ಷನ್ಸ್‌ನ ಮುಖ್ಯಸ್ಥಅಭಿಮನ್ಯು ಸಿಂಗ್ ಜತೆ ಯಶಸ್ವಿ ಹಿಂದಿ ಧಾರಾವಾಹಿಗಳಲ್ಲಿ ಕೆಲಸ ಮಾಡಿರುವ ಹಿಮಾನಿ, ಗೌತಮ್, ಮನಿಷ್ ಪೋಪಟ್ ಮುಂತಾದವರತಂಡಇದೆ.
ತಾರಾಗಣದಲ್ಲಿ ಬಾಲಕ ಹನುಮಾನ್ ಪಾತ್ರವನ್ನು ಪ್ರದ್ಯುಮ್ನ ನಿರ್ವಹಿಸುತ್ತಿದ್ದಾನೆ. ಅಂಜನಾ ಪಾತ್ರವನ್ನು ಪ್ರಿಯಾಂಕಾ ಚಿಂಚೋಳಿ, ಕೇಸರಿಯಾಗಿ ಪ್ರಸನ್ನ, ಶಿವನಾಗಿ ಮಧು, ರಾವಣನಾಗಿ ವಿನಯ್‌ಗೌಡ, ಕೈಕಸಿಯಾಗಿ ರಂಜಿತಾ ಸೂರ್ಯವಂಶಿ, ಪಾರ್ವತಿಯಾಗಿ ನಾಗಶ್ರಿ ವೀಕ್ಷಕರನ್ನುರಂಜಿಸಲಿದ್ದಾರೆ.
ದುಷ್ಟರ ಸಂಹಾರಕ್ಕಾಗಿಅವತರಿಸಿದ ಜೈ ಹನುಮಾನ ಇದೇಅಕ್ಟೋಬರ್ ೮ರಿಂದ ಸೋಮವಾರದಿಂದ ಶುಕ್ರವಾರರಾತ್ರಿ೭.೩೦ ಕ್ಕೆ ಉದಯ ಟಿವಿಯಲ್ಲಿ ಪ್ರಸಾರವಾಗಲಿದೆ.

Continue Reading

Trending

Copyright © 2018 Cinibuzz