One N Only Exclusive Cine Portal

ಬನ್ಸಾಲಿ ಲವ್‌ಸ್ಟೋರಿಯಲ್ಲಿ ನಟಿಸಲಿದ್ದಾರಂತೆ ಶಾರೂಖ್ ಖಾನ್!

ಇಡೀ ದೇಶಕ್ಕೇ ಬೆಂಕಿ ಹೊತ್ತಿಕೊಳ್ಳುವಂಥಾ ವಿವಾದಾತ್ಮಕ ಪದ್ಮಾವತ್ ಚಿತ್ರ ನಿರ್ದೇಶನ ಮಾಡಿ ತೀರಾ ಸಾಧಾರಣವಾದೊಂದು ಗೆಲುವು ಕಂಡವರು ಸಂಜಯ್ ಲೀಲಾ ಬನ್ಸಾಲಿ. ಪದ್ಮಾವತ್ ಚಿತ್ರಕ್ಕೂ ಅದು ಎಬ್ಬಿಸಿದ್ದ ವಿವಾದಕ್ಕೂ ಸೂತ್ರ ಸಂಬಂಧವೇ ಇರಲಿಲ್ಲ. ಆದರೆ ಪ್ರೇಕ್ಷಕರ ಪಾಲಿಗೆ ಬನ್ಸಾಲಿ ಮುಂದೆ ಯಾವ ಚಿತ್ರ ಮಾಡುತ್ತಾರೆಂಬ ಕುತೂಹಲ ಮಾತ್ರ ಇದ್ದೇ ಇದೆ!

ಆದರೆ, ಪದ್ಮಾವತ್ ವಿವಾದ, ಒಂದು ಪಂಥದ ಮಂದಿಯಿಂದ ಉಂಟಾಗಿದ್ದ ಮಾನಸಿಕ ಕಿರಿಕಿರಿಗಳಿಂದ ಸುಧಾರಿಸಿಕೊಳ್ಳುವುದಕ್ಕಾಗಿಯೇ ಅವರು ಒಂದಷ್ಟು ಕಾಲದಿಂದ ಅಜ್ಞಾತವಾಸಿಯಾಗಿದ್ದರು. ಆದರೆ ಆ ಅವಧಿಯಲ್ಲಿಯೇ ಬನ್ಸಾಲಿ ಒಂದು ಕಥೆಯನ್ನು ರೆಡಿ ಮಾಡಿಕೊಂಡಿದ್ದಾರೆ. ಆದರೆ, ಈ ಹಿಂದಿನ ಚಿತ್ರಕ್ಕಿಂತಲೂ ಪಕ್ಕಾ ಬೇರೆಯದ್ದೇ ಕಥೆಯನ್ನು ಬನ್ಸಾಲಿ ಹೊಸೆದಿದ್ದಾರೆ.

ಅಂದಹಾಗೆ ಬನ್ಸಾಲಿ ಇದೀಗ ರೆಡಿ ಮಾಡಿರೋ ಕಥೆ ಒಂದು ಕ್ಯೂಟ್ ಲವ್‌ಸ್ಟೋರಿಯ ಬೇಸಿನದ್ದು. ಇದಕ್ಕೆ ಹೀರೋ ಆಗಿ ಶಾರುಖ್ ಖಾನ್ ನಟಿಸಬೇಕೆಂಬ ಇಂಗಿತದಿಂದಲೇ ಬನ್ಸಾಲಿ ಕಥೆ ಬರೆದಿದ್ದರಂತೆ. ಕಡೆಗೂ ಈ ಕಥೆಯನ್ನು ಬನ್ಸಾಲಿ ಶಾರೂಕ್‌ಗೆ ಹೇಳಿದ್ದಾರೆ. ಶಾರೂಕ್ ಕಡೆಯಿಂದಲೂ ಹಸಿರು ನಿಶಾನೆ ಸಿಕ್ಕಿದೆ. ಅದೇ ಖುಷಿಯಲ್ಲಿ ಬನ್ಸಾಲಿ ಸ್ಕ್ರಿಫ್ಟ್ ಪೂರ್ತಿಗೊಳಿಸಲು ಕೂತಿದ್ದಾರಂತೆ.

ಇದೀಗ ಶಾರೂಕ್ ಖಾನ್ ಅಭಿನಯಿಸುತ್ತಿರುವ ಝೀರೋ ಚಿತ್ರದ ಚಿತ್ರೀಕರಣ ಮುಗಿದಿದೆ. ಈ ಚಿತ್ರ ಈಗಾಗಲೇ ದೇಶ ವಿದೇಶಗಳಲ್ಲಿಯೂ ಕುತೂಹಲದ ಅಲೆ ಎಬ್ಬಿಸಿದೆ. ಶಾರೂಕ್ ಈ ಚಿತ್ರದಲ್ಲಿ ಚಿತ್ರ ವಿಚಿತ್ರವಾದ ಗೆಟಪ್ಪುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ತೆರೆ ಕಾಣೋ ಹಂತ ತಲುಪಿದಾಕ್ಷಣವೇ ಶಾರೂಕ್ ಬನ್ಸಾಲಿ ಚಿತ್ರದಲ್ಲಿ ಬ್ಯುಸಿಯಾಗಲಿದ್ದಾರೆ.

Leave a Reply

Your email address will not be published. Required fields are marked *


CAPTCHA Image
Reload Image