One N Only Exclusive Cine Portal

ಈ ಚಿತ್ರದ ಬಗ್ಗೆ ಸುದೀಪ್ ಅಭಿಮಾನಿಗಳಿಗೂ ಕುತೂಹಲ!

ಇನ್ನೇನು ತೆರೆ ಕಾಣೋ ಸಂಭ್ರಮದಲ್ಲಿರೋ ರಾಜು ಕನ್ನಡ ಮೀಡಿಯಂ ಚಿತ್ರ ಈ ವರೆಗೂ ಹುಟ್ಟುಹಾಕಿರೋ ಕುತೂಹಲ ಸಾಮಾನ್ಯವಾದುದೇನಲ್ಲ. ದಿನದಿಂದ ದಿನಕ್ಕೆ ಇನ್ನಷ್ಟು ಕುತೂಹಲ ಸೃಷ್ಟಿಸಿಕೊಳ್ಳುತ್ತಿರೋ ಈ ಚಿತ್ರವೀಗ ಬಿಗ್‌ಬಾಸ್ ಮನೆಯೊಳಗೂ ಸದ್ದು ಮಾಡಿದೆ. ಆ ಮೂಲಕ ಮತ್ತೊಂದಷ್ಟು ಪ್ರೇಕ್ಷಕರನ್ನೂ ತನ್ನತ್ತ ಸೆಳೆದುಕೊಂಡಿದೆ.
ಭಾನುವಾರದಂದು ಬಿಗ್‌ಬಾಸ್ ವೇದಿಕೆಗೆ ಅತಿಥಿಗಳನ್ನು ಕರೆದು ಸುದೀಪ್ ಅವರು ಸ್ವತಃ ಮಾತುಕತೆ ನಡೆಸೋದು ವಾಡಿಕೆ. ಹಾಗೆ ಆ ವೇದಿಕೆಗೆ ಈ ವಾರ ಆಗಮಿಸಿದ್ದದ್ದು ರಾಜು ಕನ್ನಡ ಮೀಡಿಯಂ ನಾಯಕ ಗುರುನಂದನ್ ಮತ್ತು ನಾಯಕಿ ಆಶಿಕಾ ರಂಗನಾಥ್.


ಸಾಮಾನ್ಯವಾಗಿ ವೇದಿಕೆ ಏರೋ ಅತಿಥಿಗಳು ಅಲ್ಲಿಂದಲೇ ನಿರ್ಗಮಿಸೋದು ಮಾಮೂಲು. ಆದರೆ ಗುರುನಂದನ್ ಮತ್ತು ಆಶಿಕಾ ರಂಗನಾಥ್ ಬಿಗ್‌ಬಾಸ್ ಮನೆಯೊಳಗೇ ಪ್ರವೇಶ ಮಾಡಿ ಒಂದಷ್ಟು ಹೊತ್ತು ಸ್ಪರ್ಧಿಗಳ ಜೊತೆ ಸೇರಿ ಕಳೆದದ್ದು ವಿಶೇಷ. ಗುರುನಂದನ್ ಮತ್ತು ಅಶಿತಾರಿಗಾಗಿ ಸ್ಪರ್ಧಿಗಳು ವಿಶೇಷವಾಗಿ ಅಡುಗೆ ಮಾಡಿ ಬಡಿಸಿ ಖುಷಿ ಪಡೋದರ ಜೊತೆಗೇ ಗುರುನಂದನ್ ಕೂಡಾ ತಮ್ಮ ಚಿತ್ರದ ಪಂಚಿಂಗ್ ಡೈಲಾಗುಗಳ ಮೂಲಕ ಮುದ ನೀಡಿದ್ದಾರೆ.


ಅಂದಹಾಗೆ ರಾಜು ಕನ್ನಡ ಮೀಡಿಯಂ ಚಿತ್ರದಲ್ಲಿ ಪಂಚಿಂಗ್ ಡೈಲಾಗು, ಕಾಡುವಂಥಾ ಚೆಂದದ ಕಥೆ ಎಲ್ಲವೂ ಇದೆ ಎಂಬ ಅಂಶ ಈಗಾಗಲೇ ಜಾಹೀರಾಗಿದೆ. ಆದರೆ ಈ ಚಿತ್ರದ ಪ್ರಧಾನವಾದ ಆಕರ್ಷಣೆಯಾಗಿರೋದು ಕಿಚ್ಚಾ ಸುದೀಪ್ ಅವರ ಪಾತ್ರ. ಸುದೀಪ್ ಅವರು ಅವರ ಚಿತ್ರಗಳಿಗಿಂತೂ ಸ್ಟೈಲಿಶ್ ಆಗಿ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆಂದು ಅವರ ಅಭಿಮಾನಿಗಳೇ ಹೇಳಲಾರಂಭಿಸಿದ್ದಾರೆ. ಸುದೀಪ್ ಅಭಿಮಾನಿಗಳ ಪಾಲಿಗೂ ಈ ಚಿತ್ರ ಮುಖ್ಯವಾದ್ದರಿಂದ ಕನ್ನಡ ಮೀಡಿಯಂ ರಾಜು ಗೆಲ್ಲುವ ಲಕ್ಷಣಗಳು ಮತ್ತಷ್ಟು ದಟ್ಟವಾಗಿವೆ!

Leave a Reply

Your email address will not be published. Required fields are marked *


CAPTCHA Image
Reload Image