Connect with us

ಪ್ರಚಲಿತ ವಿದ್ಯಮಾನ

ಕುಣಿಯಲು ಬರುವವಳಿಗೆ ಸಾಲು ಸಾಲು ಕಂಟಕ!

Published

on

ಹಾಟ್ ಎಂಬ ಪದಕ್ಕೆ ಬಿಸಿ ಎಂಬ ಅರ್ಥವಿದೆಯಲ್ಲಾ? ಅದಕ್ಕೆ ಸನ್ನಿ ಲಿಯೋನ್ ಎಂಬ ಹೆಸರು ರಿಪ್ಲೇಸ್ ಆಗಿ ವರ್ಷಾಂತರಗಳೇ ಕಳೆದು ಹೋಗಿವೆ. ಈಕೆ ಹೋದಲ್ಲಿ ಬಂದಲ್ಲಿ ಸುದ್ದಿಯಾಗುತ್ತೆ. ಅವಳ ಹಿಂದೆ ವಿವಾದಗಳೂ ಕೂಡಾ ಗಸ್ತು ಹೊಡೆಯುತ್ತಲೇ ಇರುತ್ತವೆ. ಹಾಗಿರುವಾಗ ಬೆಂಗಳೂರಿಗೆ ಸನ್ನಿ ಕುಣಿಯಲು ಬರುತ್ತಾಳೆಂದಾಕ್ಷಣ ವಿವಾದವೇಳದೇ ಇರಬಹುದೇ?

ಅದೇಕೋ ಸನ್ನಿ ಕುಣಿತವನ್ನು ಲೈವ್ ಆಗಿ ನೋಡೋ ಪಡ್ಡೆ ಕನಸಿಗೆ ಪದೇ ಪದೆ ಕಂಟಕಗಳೇ ಎದುರಾಗುತ್ತಿವೆ. ಈ ಬಾರಿ ಮಾನ್ಯತಾ ಟೆಕ್ ಪಾರ್ಕಿನಲ್ಲಿ ನಡೆಯೋ ರಘು ಧೀಕ್ಷಿತ್ ಕಾರ್ಯಕ್ರಮಕ್ಕೆ ಸನ್ನಿ ಬರೋದು ಪಕ್ಕಾ ಆಗಿದೆ. ಪೊಲೀಸ್ ಇಲಾಖೆಯೂ ಇದಕ್ಕೆ ಒಪ್ಪಿಕೊಂಡಿದೆಯಾದರೂ ಕನ್ನಡ ಪರ ಸಂಘಟನೆಗಳು ಮಾತ್ರ ಕೆಂಡ ಕಾರಿವೆ. ಇದೀಗ ಆಕೆಯ ವೀರಮಹಾದೇವಿ ಚಿತ್ರಕ್ಕೂ ವಿರೋಧ ವ್ಯಕ್ತವಾಗಿದೆ. ಕೆಲ ಕನ್ನಡ ಪರ ಸಂಘಟನೆಗಳು ಸನ್ನಿ ಪೋಸ್ಟರುಗಳಿಗೆ ಬೆಂಕಿ ಹಚ್ಚಿ ಆಕೆಯ ಚಿತ್ರವನ್ನು ವಿರೋಧಿಸಿವೆ.

ವೀರಮಹಾದೇವಿ ಕನ್ನಡವೂ ಸೇರಿದಂತೆ ಹಲವಾರು ಭಾಷೆಗಳಲ್ಲಿ ತಯಾರಾಗಿದೆ. ಆ ಸಿನಿಮಾ ಕರ್ನಾಟಕದಲ್ಲಿಯೂ ಬಿಡುಗಡೆಯಾಗಲಿದೆ. ಇದಿಲ್ಲಿ ಬಿಡುಗಡೆಯಾಗದಂತೆ ತಡೆಯಬೇಕು, ಆಕೆಯ ಪಾತ್ರವನ್ನು ಕೈ ಬಿಡಬೇಕೆಂಬ ಬೇಡಿಕೆಯೊಂದಿಗೆ ಪ್ರತಿಭಟನೆ ನಡೆದಿದೆ. ಈ ಸಂದರ್ಭದಲ್ಲಿಯೇ ಸನ್ನಿ ಚಿತ್ರದ ಪೋಸ್ಟರುಗಳನ್ನು ಸುಟ್ಟು ಸಿಟ್ಟು ಹೊರ ಹಾಕಲಾಗಿದೆ.

ಆದರೆ ನವೆಂಬರ್ ಮೂರರಂದು ಸನ್ನಿ ಈ ಕಾರ್ಯಕ್ರಮಕ್ಕೆ ಬರೋದು ಹೆಚ್ಚೂಕಮ್ಮಿ ಪಕ್ಕಾ ಆಗಿದೆ. ಕೆಲ ಕನ್ನಡ ಪರ ಸಂಘಟನೆಗಳ ಮುಖಂಡರೂ ಈ ಕಾರ್ಯಕ್ರಮದಲ್ಲಿ ಕನ್ನಡಕ್ಕೆ ಹೆಚ್ಚು ಒತ್ತು ಕೊಟ್ಟರೆ ತಮ್ಮದೇನೂ ಅಭ್ಯಂತರವಿಲ್ಲ ಎಂಬ ಸಂದೇಶ ರವಾನಿಸಿದ್ದಾರೆ. ಆದರೆ ಮತ್ತೊಂದು ಕಡೆಯಿಂದ ಸನ್ನಿ ಬೆಂಗಳೂರಿಗೆ ಬರಲೇ ಬಾರದೆಂಬಂಥಾ ಆಕ್ರೋಶಗಳೂ ವ್ಯಕ್ತವಾಗುತ್ತಿವೆ.

ಕಳೆದ ವರ್ಷವೂ ಇದೇ ಮಾನ್ಯತಾ ಟೆಕ್ ಪಾರ್ಕಿನ ಆರ್ಕಿಡ್ ಹಾಲ್‌ನಲ್ಲಿ ಸನ್ನಿಯ ಕಾರ್ಯಕ್ರಮ ಫಿಕ್ಸಾಗಿತ್ತು. ಆಗಲೂ ಕೆಲ ಸಂಘಟನೆಗಳಿಂದ ಇಂಥಾದ್ದೇ ಪ್ರತಿರೋಧ ವ್ಯಕ್ತವಾಗಿತ್ತು. ಕಡೆಗೂ ಪೊಲೀಸ್ ಇಲಾಖೆ ಭದ್ರತೆಯ ಕಾರಣದಿಂದ ಸನ್ನಿ ಆಗಮನಕ್ಕೆ ಬ್ರೇಕ್ ಹಾಕಿತ್ತು. ಆದರೆ ಈ ಕಳೆದ ಬಾರಿಗೆ ಹೋಲಿಸಿದರೆ ಕೊಂಚ ತಿಳಿಯಾಗಿದೆ. ಆದರೆ ಸನ್ನಿ ಈ ಕಾರ್ಯಕ್ರಮಕ್ಕೆ ಬಂದು ಸೊಂಟ ಬಳುಕಿಸಿದ ನಂತರವಷ್ಟೇ ಆಕೆಯ ಆಗಮನವನ್ನು ನಂಬಬಹುದೇನೋ…

ಪ್ರಚಲಿತ ವಿದ್ಯಮಾನ

ಇದೆಲ್ಲಾ ಬೇಕಿತ್ತಾ ರಕ್ಷಿತಾ?

Published

on

ಬರೀ ಪ್ರಚಾರಕ್ಕೆ ಮಾತ್ರ ಒತ್ತುಕೊಟ್ಟು ಚಿತ್ರವನ್ನು ಖಿಚಡಿಯಂತೆ ಮಾಡಿದರೆ ಏನಾಗುತ್ತದೆಂಬುದಕ್ಕೆ ದಿ ವಿಲನ್ ಚಿತ್ರ ಸಾಕ್ಷಿಯಾಗಿ ನಿಂತಿದೆ. ಭರ್ಜರಿ ಪ್ರಚಾರ ಮತ್ತು ಶಿವಣ್ಣ, ಸುದೀಪ್ ಫೇಸ್ ವ್ಯಾಲ್ಯೂ ಕಾರಣಕ್ಕೆ ಒಂದೆರಡು ದಿನ ಕಲೆಕ್ಷನ್ನಾಗಿದ್ದು ನಿಜ. ಆದರೀಗ ಪ್ರೇಮ್ ನಿರ್ದೇಶನದ ವಿಲನ್ನು ಬಸವಳಿದಿದ್ದಾನೆ. ಇದನ್ನು ನೋಡಿ ಮಂದಿಯಲ್ಲಿ ಬಹುತೇಕರು ಪ್ರೇಮ್‌ರನ್ನು ಗೇಲಿ ಮಾಡುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳ ತುಂಬಾ ಪತಿದೇವರಿಗೆ ಈ ಪರಿ ಪೂಜೆ ಪುನಸ್ಕಾರ ನಡೆಯುತ್ತಿರೋದನ್ನು ಕಂಡು ಕಂಗಾಲಾದ ರಕ್ಷಿತಾ ಇದೇ ಭರದಲ್ಲಿ ಒಂದು ಯಡವಟ್ಟು ಮಾಡಿಕೊಂಡಿದ್ದಾರೆ. ಅವರು ಪ್ರೇಮ್‌ರನ್ನು ಸಮರ್ಥಿಸಿಕೊಳ್ಳುವ ಭರದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿಮಾನಿಗಳನ್ನು ಕೆಣಕಿದ್ದಾರೆ!

ದಿ ವಿಲನ್ ಹಾಗೂ ಪ್ರೇಮ್ ವಿರುದ್ಧ ನಡೆಯುತ್ತಿರೋ ವಿಮರ್ಶೆಗಳ ವಿರುದ್ಧ ರಕ್ಷಿತಾ ಸಾಮಾಜಿಕ ಜಾಲತಾಣಗಳಲ್ಲೊಂದು ಪತ್ರವನ್ನು ಪೋಸ್ಟ್ ಮಾಡಿದ್ದಾರೆ. ಅದರಲ್ಲಿ ಕಥೆಯೇ ಇಲ್ಲದೆ ಸಕ್ಸಸ್ ಕಂಡ ಚಿತ್ರಗಳ ಸಾಲಿನಲ್ಲಿ ರವಿಚಂದ್ರನ್ ಅಭಿನಯದ ಎವರ್‌ಗ್ರೀನ್ ಚಿತ್ರ ಪ್ರೇಮಲೋಕ ಮತ್ತು ಶಿವಣ್ಣನ ಟಗರು ಚಿತ್ರಗಳನ್ನೂ ರಕ್ಷಿತಾ ಉಲ್ಲೇಖಿಸಿದ್ದಾರೆ. ಇದುವೇ ಶಿವಣ್ಣ ಹಾಗೂ ಕನಸುಗಾರನ ಅಭಿಮಾನಿಗಳು ಸಿಟ್ಟುಗೊಂಡಿದ್ದಾರೆ.

ರವಿಚಂದ್ರನ್ ಅವರಿಗೆ ಆ ಕಾಲದಲ್ಲಿಯೇ ನಿರ್ಮಾಪಕರಾಗಿ ಖ್ಯಾತರಾಗಿದ್ದ, ಶ್ರೀಮಂತಿಕೆ ಹೊಂದಿದ್ದ ತಂದೆಯ ಸಪೋರ್ಟಿತ್ತು. ಅದಲ್ಲದೇ ಅವರಿಗೆ ನಾದಬ್ರಹ್ಮ ಹಂಸಲೇಖಾ ಅವರಂಥವರ ಸಾಥ್ ಕೂಡಾ ಸಿಕ್ಕಿತ್ತು. ಆದರೆ ಕಥೆಯಿಲ್ಲದಿದ್ದರೂ ಅವರು ಅಭಿನಯಿಸಿದ್ದ ಪ್ರೇಮಲೋಕ ಚಿತ್ರ ಗೆದ್ದಿಲ್ಲವೇ? ಇತ್ತೀಚೆಗೆ ತೆರೆ ಕಂಡಿದ್ದ ಟಗರು ಚಿತ್ರವನ್ನು ಕಥೆ ಇಲ್ಲದಿದ್ದರೂ ಕೂಡಾ ಜನ ನೋಡಿಲ್ಲವೇ? ಗೆಲ್ಲಿಸಿಲ್ಲವೇ ಎಂಬುದು ರಕ್ಷಿತಾ ಪತ್ರದಲ್ಲಿ ರವಿಚಂದ್ರನ್ ಚಿತ್ರದ ಬಗ್ಗೆ ಇರೋ ಉಲ್ಲೇಖದ ಸಾರಾಂಶ.

ಇದರ ವಿರುದ್ಧ ರವಿಚಂದ್ರನ್ ಅಭಿಮಾನಿಗಳು ಕೆಂಡಾಮಂಡಲರಾಗಿದ್ದಾರೆ. ಈ ವಿಚಾರವಾಗಿ ರಕ್ಷಿತಾ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಯಾನವೇ ಶುರುವಾಗಿದೆ. ಪ್ರೇಮಲೋಕ ಎಂಬುದು ಸಾರ್ವಕಾಲಿಕ ಹಿಟ್ ಚಿತ್ರ. ತಂತ್ರಜ್ಞಾನ ಅಭಿವೃದ್ಧಿ ಹೊಂದಿರ ದಿನಗಳಲ್ಲಿಯೇ ಇಡೀ ಭಾರತೀಯ ಚಿತ್ರರಂಗವನ್ನು ತಿರುಗಿ ನೋಡುವಂತೆ ಮಾಡಿದ್ದ ಚಿತ್ರ. ಇದನ್ನು ನೋಡಿ ಅರ್ಥ ಮಾಡಿಕೊಳ್ಳಿ, ಅರ್ಥವಾಗದೇ ಇದ್ದರೆ ಮತ್ತೊಮ್ಮೆ ನೋಡಿ’ ಅಂತ ರಕ್ಷಿತಾಗೆ ರವಿಚಂದ್ರನ್ ಅಭಿಮಾನಿಗಳು ರಕ್ಷಿತಾಗೆ ತಿರುಗೇಟು ನೀಡಿದ್ದಾರೆ.

ಅಷ್ಟಕ್ಕೂ ದಿ ವಿಲನ್ ಚಿತ್ರವನ್ನು ಟಗರು ಮತ್ತು ಪ್ರೇಮಲೋಕ ಚಿತ್ರಗಳಿಗೆ ಹೋಲಿಸೋದೇ ಹಾಸ್ಯಾಸ್ಪದ. ದುನಿಯಾ ಸೂರಿಯಂತೂ ಪ್ರೇಮ್‌ನಂತೆ ಎಲ್ಲಿಯೂ ಜಂಭ ಕೊಚ್ಚಿಕೊಂಡಿಲ್ಲ. ತಾವಾಯಿತು ಚಿತ್ರೀಕರಣವಾಯಿತು ಅಂತಿರುತ್ತಾ ಅವರು ಪ್ರೆಸ್ ಮೀಟುಗಳಲ್ಲಿ ಮಾತಾಡಿದರೇ ಹೆಚ್ಚು. ಹಾಗೆ ನೋಡಿದರೆ ಟಗರು ಚಿತ್ರದ ಫೈವ್ ಪರ್ಸೆಂಟಿನಷ್ಟು ಅಚ್ಚುಕಟ್ಟುತನವಿದ್ದಿದ್ದರೂ ವಿಲನ್ ಇಂಥಾ ನಗೆಪಾಟಲಿಗೀಡಾಗುತ್ತಿರಲಿಲ್ಲ. ಆದರೆ ಪತಿ ಪ್ರೇಮದ ಭರಾಟೆಯಲ್ಲಿ ರಕ್ಷಿತಾ ಮೇಡಮ್ಮು ಇಂಥಾ ಸೂಕ್ಷ್ಮವನ್ನೇ ಮರೆತು ಬಿಟ್ಟಂತಿದೆ!
ಈ ಕುರಿತು ನಟ, ನಿರ್ದೇಶಕ ರಘುರಾಮ್ ಕೂಡಾ ತಮ್ಮ ನೇರ ಪ್ರತಿಕ್ರಿಯೆ ನೀಡಿದ್ದಾರೆ. ಅವರದ್ದೇ ಕೈಬರಹ ಇಲ್ಲಿದೆ. ಓದಿ.

Continue Reading

ಪ್ರಚಲಿತ ವಿದ್ಯಮಾನ

ಪ್ರೇಮಬರಹದಲ್ಲಿ ಚಾನ್ಸ್ ಸಿಕ್ಕದ್ದಕ್ಕೆ ಚೇತನ್ ರಿವೇಂಜ್?

Published

on

ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾ ವಿರುದ್ಧ ಮಾಡಿರೋ ಲೈಂಗಿಕ ದೌರ್ಜನ್ಯ ಆರೋಪವೀಗ ವಿವಾದದ ಕೇಂದ್ರಬಿಂದುವಾಗಿದೆ. ಬಹುತೇಕರು ಶ್ರುತಿ ಆರೋಪದ ಸತ್ಯಾಸತ್ಯತೆಯನ್ನೇ ಪ್ರಶ್ನೆ ಮಾಡಲಾರಂಭಿಸಿದ್ದಾರೆ. ಇದೀಗ ನಟ ಚೇತನ್ ಮತ್ತು ಪ್ರಕಾಶ್ ರೈ ಶ್ರುತಿ ಹರಿಹರನ್‌ಗೆ ಬೆಂಬಲ ನೀಡಿ ಮಾತಾಡುತ್ತಲೇ ಈ ವಿವಾದಕ್ಕೆ ರಾಜಕೀಯ ಅಜೆಂಡಾ ಹಾಗೂ ಧರ್ಮದ ಬಣ್ಣ ಮೆತ್ತಿಕೊಂಡಿದೆ!

ಮೀಟೂ ಅಭಿಯಾನಕ್ಕೂ ಧರ್ಮಕ್ಕೂ ಎಲ್ಲಿಂದೆಲ್ಲಯ ಸಂಬಂಧ ಅನ್ನಿಸೋದು ಸಹಜವೇ. ಆದರೆ ಇಂಥಾದ್ದೊಂದು ಆರಂಭ ಮಾಡುತ್ತಿರುವವರು ಅದಕ್ಕೆ ಪೂರಕವಾದ ಒಂದಷ್ಟು ಸೂಕ್ಷ್ಮ ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. ಆ ನಿಟ್ಟಿನಲ್ಲಿ ನೋಡಹೋದರೆ ಒಂದಷ್ಟು ಗಮನಿಸಬೇಕಾದ ವಿಚಾರಗಳೇ ಹೊರ ಬೀಳುತ್ತವೆ.

ಅರ್ಜುನ್ ಸರ್ಜಾ ಆರಂಭದಿಂದಲೂ ಕೂಡಾ ಪ್ರಧಾನಿ ನರೇಂದ್ರ ಮೋದಿ ಪರವಾಗಿ ಒಲವು ಹೊಂದಿರೋ ನಟ. ಒಂದಷ್ಟು ಸಂದರ್ಭಗಳಲ್ಲಿ ಅವರು ಮೋದಿ ಪರವಾಗಿ ಬಹಿರಂಗವಾಗಿ ಮಾತಾಡಿದ್ದೂ ಇದೆ. ಇತ್ತೀಚೆಗೆ ಗೋಹತ್ಯೆ ವಿಚಾರವಾಗಿ ವಿವಾದವೆದ್ದಾಗಲೂ ಗೋಹತ್ಯೆಯ ವಿರುದ್ಧವೇ ನಿಲುವು ಪ್ರಕಟಿಸಿದ್ದವರು ಅರ್ಜುನ್ ಸರ್ಜಾ. ಅಷ್ಟಕ್ಕೂ ಅವರಿಗೆ ಕೌಟುಂಬಿಕವಾಗಿಯೇ ಹಿಂದೂಪರವಾದ ವಿಚಾಧಾರೆಯದ್ದೊಂದು ಹಿನ್ನೆಲೆ ಇದೆ. ಅವರ ತಂದೆ ಶಕ್ತಿಪ್ರಸಾದ್ ಕೂಡಾ ಕಟ್ಟರ್ ಆರೆಸ್ಸೆಸ್ಸಿಗರಾಗಿದ್ದವರು.

ಹೀಗೆ ಹಿಂದೂಪರವಾದ ಮಾತುಗಳ ಮೂಲಕ, ಮೋದಿ ಪರವಾದ ಅಭಿಪ್ರಾಯಗಳ ಮೂಲಕ ಆಗಾಗ ಸದ್ದು ಮಾಡುತ್ತಿದ್ದವರು ಅರ್ಜುನ್ ಸರ್ಜಾ. ಅವರನ್ನು ಮಟ್ಟ ಹಾಕಲು ಒಂದು ಬಣ ವ್ಯವಸ್ಥಿತವಾಗಿ ಕಾರ್ಯತಂತ್ರ ಸಿದ್ಧಪಡಿಸಿಕೊಂಡೇ ಶ್ರುತಿ ಹರಿಹರನ್ ಮೂಲಕ ಆರೋಪ ಮಾಡಿಸಿದ್ದಾರೆ. ಬಳಿಕ ಒಬ್ಬೊಬ್ಬರಾಗಿ ಆಕೆಗೆ ಬೆಂಬಲ ನೀಡುವ ಮೂಲಕ ಅರ್ಜುನ್ ಸರ್ಜಾರನ್ನು ಹಣಿಯಲು ಪ್ರಯತ್ನಿಸುತ್ತಿದ್ದಾರೆಂಬ ಗಂಭೀರ ಆರೋಪವೂ ಕೇಳಿ ಬರಲಾರಂಭಿಸಿದೆ. ಅಷ್ಟಕ್ಕೂ ಪ್ರಕಾಶ್ ರಾಜ್ ಅವರನ್ನು ಅವರ ಪ್ರತಿಭೆಯ ದೃಷ್ಟಿಯಿಂದ ಮೆಚ್ಚಿಕೊಳ್ಳುವವರೂ ಕೂಡಾ ಅವರ ರಸಿಕತೆಯ ಬಗ್ಗೆ ತಕರಾರು ಹೊಂದಿದ್ದಾರೆ. ಅಂಥವರು ಶ್ರುತಿ ಹರಿಹರನ್ ಪರವಾಗಿ ಮಾತಾಡಿ, ಸ್ತ್ರೀವಾದಿಯಂತೆ ಪೋಸು ಕೊಡುತ್ತಿರೋದೇ ಎಲ್ಲವನ್ನೂ ಹೇಳುತ್ತಿದೆ ಎಂಬುದು ಅರ್ಜುನ್ ಸರ್ಜಾ ಪರವಾಗಿರುವವರ ಅಭಿಪ್ರಾಯ.

ಇನ್ನು ನಟ ಚೇತನ್ ಕೂಡಾ ಪ್ರಗತಿಪರ ಸಂಘಟನೆಗಳ ಮೂಲಕವೇ ಗುರುತಿಸಿಕೊಂಡಿರುವವರು. ಸ್ವತಃ ಪ್ರಗತಿಪರ ಆಲೋಚನೆಗಳನ್ನು ಮೈಗೂಡಿಸಿಕೊಂಡಿರುವವರು. ಇಂಥಾ ಚೇತನ್ ಮೇಲೆ ಸೈಂದ್ಧಾಂತಿಕ ಆರೋಪದಾಚೆಗೆ ವ್ಯಯಕ್ತಿಕ ದ್ವೇಷದ ಆರೋಪವೂ ಕೇಳಿ ಬಂದಿದೆ. ಈ ಪ್ರಕಾರವಾಗಿ ಹೇಳೋದಾದರೆ, ಅರ್ಜುನ್ ಸರ್ಜಾ ಮಗಳು ನಾಯಕಿಯಾಗಿದ್ದ ಪ್ರೇಮಬರಹ ಚಿತ್ರಕ್ಕೆ ಆರಂಭದಲ್ಲಿ ಚೇತನ್ ನಾಯಕನಾಗಿ ಆಯ್ಕೆಯಾಗಿದ್ದರಂತೆ. ಆದರೆ ಅದೇಕೋ ನಂತರ ಅರ್ಜುನ್ ಸರ್ಜಾ ಚೇತನ್‌ರನ್ನ ಕೈ ಬಿಟ್ಟಿದ್ದರಂತೆ. ಈ ದ್ವೇಷವನ್ನು ಚೇತನ್ ಶ್ರುತಿಗೆ ಬೆಂಬಲ ನೀಡೋ ಮೂಲಕ ತೀರಿಸಿಕೊಳ್ಳುತ್ತಿದ್ದಾರೆಂಬುದು ಅರ್ಜುನ್ ಬೆಂಬಲಿಗರ ಆರೋಪ.

ಇನ್ನುಳಿದಂತೆ ಶ್ರುತಿ ಹರಿಹರನ್ ಹಿನ್ನೆಲೆ ಕೂಡಾ ಇದೇ ವಿಚಾರಧಾರೆಯದ್ದು. ಆಕೆಯ ತಂದೆ ಹರಿಹರನ್ ಕೇರಳದಲ್ಲಿ ಆರಂಭದಿಂದಲೂ ಕಮ್ಯುನಿಸ್ಟ್ ಪಕ್ಷದ ಬೆಂಬಲಿಗ. ಕಮ್ಯುನಿಸಂ ಸಿದ್ಧಾಂತವನ್ನೇ ನೆಚ್ಚಿಕೊಂಡವರು. ಇಂಥಾ ಹತ್ತಾರು ಬಣಗಳು ಸೇರಿಕೊಂಡು ಅರ್ಜುನ್ ಸರ್ಜಾ ವ್ಯಕ್ತಿತ್ವವನ್ನೇ ಹನನ ಮಾಡಲು ಅಖಾಡಕ್ಕಿಳಿದಿವೆ ಎಂಬುದು ಈಗ ಕೇಳಿ ಬರುತ್ತಿರೋ ಆರೋಪದ ತಿರುಳು. ಅಸಲೀ ಸತ್ಯ ಏನೆಂಬುದನ್ನು ಕಾಲವೇ ಹೇಳಬೇಕಿದೆ!

Continue Reading

ಪ್ರಚಲಿತ ವಿದ್ಯಮಾನ

ಆವತ್ತೇ ಮೀಟಬಹುದಿತ್ತಲ್ಲಾ ತಾಯಿ!

Published

on

ಈಗ ದೇಶಾದಂತ ಮೀಟೂ ಅಭಿಯಾನವೊಂದು ನಡೆಯುತ್ತಿದೆ. ಹೆಣ್ಣುಮಕ್ಕಳನ್ನು ಕಾಮದ ಸರಕಿನಂತೆ ನಡೆಸಿಕೊಳ್ಳೋ ದುಷ್ಟರ ವಿರುದ್ಧ ಗುರಿಯಿಟ್ಟಿರೋ ಈ ಹೋರಾಟ ಗೌರವಿಸುವಂಥಾದದ್ದೇ. ಆದರೆ ಇದೀಗ ಈ ಅಭಿಯಾನ ಕಹಳತಪ್ಪಿದ ಎಲ್ಲ ಲಕ್ಷಣಗಳೂ ಕಾಣಿಸುತ್ತಿವೆ. ಕೆಲ ನಟಿಯರು ಮೀಟೂ ಆರೋಪ ಮಾಡೋ ಮೂಲಕ ಯಾರದ್ದೋ ಮಾನ ಹರಾಜು ಹಾಕಿ ತಾವು ಪ್ರಚಾರ ಗಿಟ್ಟಿಸಿಕೊಳ್ಳುವ ಖಯಾಲಿ ಆರಂಭಿಸಿದ್ದಾರೆ. ಈ ಕಾಯಿಲೆ ಬಾಲಿವುಡ್‌ನಲ್ಲಿಯೂ ಇದೆ. ಈಗ ಸ್ಯಾಂಡಲ್‌ವುಡ್ಡಿಗೂ ಅಮರಿಕೊಂಡಿದೆ!

ಈ ಕಾಯಿಲೆ ಸ್ಯಾಂಡಲ್‌ವುಡ್ಡಿಗೂ ಕಾಲಿಟ್ಟಿದ್ದರ ಸೂಚನೆ ಎಂಬಂತೆ ನಟಿ ಶ್ರುತಿ ಹರಿಹರನ್ ಅರ್ಜುನ್ ಸರ್ಜಾ ಮೇಲೆ ಮೀಟೂ ಆರೋಪ ಮಾಡಿದ್ದಾಳೆ. ಚಿತ್ರರಂಗದಲ್ಲಿ ಘನತೆ ಗೌರವ ಹೊಂದಿರೋ ಅರ್ಜುನ್ ಸರ್ಜಾ ಮೇಲೆ ಇಂಥಾದ್ದೊಂದು ಆರೋಪ ಮಾಡಿರೋ ಶ್ರುತಿ ವಿರುದ್ಧ ಸಾಮಾಜಿಕ ಜಾಲತಾಣಗಳ ತುಂಬಾ ಆಕ್ರೋಶ ವ್ಯಕ್ತವಾಗುತ್ತಿದೆ. ಜನ ಆಕೆಯ ಅಸಲೀಯತ್ತನ್ನೇ ನೇರವಾಗಿ ಪ್ರಶ್ನೆ ಮಾಡಲಾರಂಭಿಸಿದ್ದಾರೆ. ಪ್ರಚಾರಕ್ಕಾಗಿ ಯಾಕಿಂಥಾ ಕೀಳು ಮಟ್ಟದ ಹಾದಿ ಹಿಡಿದಿದ್ದೀರಿ ಅಂತ ಶ್ರುತಿಯನ್ನು ತರಾಟೆಗೆ ತೆಗೆದುಕೊಳ್ಳಲಾರಂಭಿಸಿದ್ದಾರೆ!

ಈ ಹಿಂದೆ ರಾಷ್ಟ್ರೀಯ ವಾಹಿನಿಯೊಂದರ ಸಮಾರಂಭದಲ್ಲಿ ಕನ್ನಡದಲ್ಲಿಯೂ ಕಾಸ್ಟಿಂಗ್ ಕೌಚ್ ಕಾಟ ಇದೆ ಅಂತ ಮಾತಾಡಿದ್ದಳಲ್ಲಾ ಶ್ರುತಿ? ಆವಾಗಲೇ ಈಕೆಯ ಪ್ರಚಾರದ ಹಪಾಹಪಿ ಎಲ್ಲರಿಗೂ ಅರ್ಥವಾಗಿತ್ತು. ಇದೀಗ ಸರ್ಜಾ ವಿಚಾರದಲ್ಲದು ಮತ್ತೊಮ್ಮೆ ಸಾಬೀತಾಗಿದೆ. ವರ್ಷಾಂತರಗಳ ಹಿಂದೆ ಅರ್ಜುನ್ ಸರ್ಜಾಗೆ ವಿಸ್ಮಯ ಅಂತೊಂದು ಚಿತ್ರದಲ್ಲಿ ಶ್ರುತಿ ಹರಿಹರನ್ ನಾಯಕಿಯಾಗಿದ್ದಳು. ಆ ಚಿತ್ರದ ಚಿತ್ರೀಕರಣದ ರೊಮ್ಯಾನ್ಸ್ ಸೀನುಗಳ ರಿಹರ್ಸಲ್ ಸಮಯದಲ್ಲಿ ಸರ್ಜಾ ತನ್ನನ್ನು ತಬ್ಬಿಕೊಂಡಿದ್ದರು. ಡಿನ್ನರ್‌ಗೆ ಬರುವಂತೆ ಪದೇ ಪದೆ ಕಾಟ ಕೊಟ್ಟಿದ್ದರು. ಅದರಿಂದಾಗಿ ತಾನು ವಿಪರೀತ ಮಾನಸಿಕ ಹಿಂಸೆ ಅನುಭವಿಸಿದ್ದೆ ಎಂಬುದು ಶ್ರುತಿಯ ರೋಧನೆ.

ಒಂದು ವೇಳೆ ಅಂಥಾ ಅನುಭವ ಆಗಿದ್ದೇ ನಿಜವಾಗಿದ್ದರೆ ಸೀದಾ ಆ ಚಿತ್ರದಿಂದ ಹೊರ ಬಂದು ಆವತ್ತೇ ಮೀಟ ಬಹುದಿತ್ತಲ್ಲಾ? ಈವತ್ತು ಈ ಪಾಟಿ ಆವೇಗದಿಂದ ಅರ್ಜುನ್ ಸರ್ಜಾ ವಿರುದ್ಧ ಆರೋಪ ಮಾಡೋ ಈಕೆಗೆ ಆವತ್ತು ಯಾವ ತೊಡಕಿತ್ತು? ಅಷ್ಟಕ್ಕೂ ಈವರೆಗೆ ಕನ್ನಡವೂ ಸೇರಿದಂತೆ ಅರ್ಜುನ್ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದಾರೆ. ಎಂತೆಂಥಾ ನಟಿಯರು ಅವರಿಗೆ ನಾಯಕಿಯರಾಗಿದ್ದಾರೆ. ಆದರೆ ಯಾರೊಬ್ಬರೂ ಸರ್ಜಾ ಮೇಲೆ ಇಂಥಾದದ್ದೊಂದು ಆರೋಪ ಮಾಡಿಲ್ಲ. ಅರ್ಜುನ್ ಸರ್ಜಾ ಘನತೆಗೆ ಕುಂದುಂಟಾಗುವಂತೆ ನಡೆದುಕೊಂಡೂ ಇಲ್ಲ. ಆದರೆ ಈ ಶ್ರುತಿ ಎಂಬಾಕೆ ಯಾಕೆ ಇಂಥಾ ಕೆಲಸ ಮಾಡುತ್ತಿದ್ದಾಳೆಂಬ ಪ್ರಶ್ನೆಗೆ ಪ್ರಚಾರದ ಹಪಾಹಪಿ ಎಂಬುದನ್ನು ಬಿಟ್ಟು ಬೇರ್‍ಯಾವ ಉತ್ತರಗಳೂ ಸಿಕ್ಕೋದಿಲ್ಲ.

ಅಷ್ಟಕ್ಕೂ ಈಕೆಯನ್ನು ನಟಿಯಾಗಿ ನೆಲೆ ನಿಲ್ಲುವಂತೆ ಮಾಡಿದ್ದೇ ಕನ್ನಡ ಚಿತ್ರರಂಗ. ಆ ನಂತರ ಇಲ್ಲಿ ನಟಿಯಾಗಿ ಒಂದಷ್ಟು ಅವಕಾಶವನ್ನು ಪಡೆಯುತ್ತಲೇ ಆಕಾಶದಲ್ಲಿ ತೇಲಾಡಲಾರಂಭಿಸಿದ್ದ ಶ್ರುತಿ ನಖರಾ ಆರಂಭಿಸಿದ್ದಳೆಂಬ ಆರೋಪ ಯಾವತ್ತಿನಿಂದಲೂ ಕೇಳಿ ಬರುತ್ತಿದೆ. ಈಗ ಆಕೆಯ ಬಳಿ ಯಾವ ಅವಕಾಶಗಳೂ ಇಲ್ಲ. ಬೇರೆ ಭಾಷೆಗಳಲ್ಲಿಯೂ ಇದೇ ಕಥೆ. ಹೀಗಿರುವಾಗ ಒಂದಷ್ಟು ಪ್ರಚಾರ ಗಿಟ್ಟಿಸಿ ಅದೇ ಪ್ರಭೆಯಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳುವ ಇರಾದೆಯಿಂದಲೇ ಶ್ರುತಿ ಅರ್ಜುನ್ ಸರ್ಜಾ ವಿರುದ್ಧ ಆರೋಪ ಮಾಡಿದ್ದಾಳೆಂಬುದು ಸಾರ್ವತ್ರಿಕ ಅಭಿಪ್ರಾಯ.

ಈ ಬಗ್ಗೆ ಹಿರಿಯ ನಟ ಹಾಗೂ ಅರ್ಜುನ್ ಸರ್ಜಾ ಮಾವ ರಾಜೇಶ್ ಅವರೂ ಕೂಡಾ ಶ್ರುತಿ ಮೇಲೆ ಹರಿ ಹಾಯ್ದಿದ್ದಾರೆ. ಅದೆಷ್ಟೋ ವರ್ಷಗಳ ಹಿಂದಾಗಿದೆ ಎನ್ನಲಾದ ಕಿರುಕುಳವನ್ನು ಈಗ ಕೆದಕೋ ಮೀಟೂ ಅನ್ನೋದೊಂದು ಕಾಯಿಲೆ. ಈಗ ಅದು ಶ್ರುತಿ ಎಂಬ ನಟಿಗೂ ಅಂಟಿಕೊಂಡಿದೆ. ಅರ್ಜುನ್ ಸರ್ಜಾ ವ್ಯಕ್ತಿತ್ವ ಎಲ್ಲರಿಗೂ ಗೊತ್ತಿದೆ. ಅವರ ಮೇಲೆ ಶ್ರುತಿ ಮಾಡುತ್ತಿರೋ ಆರೋಪ ಪ್ರಚಾರದ ಉದ್ದೇಶವನ್ನು ಮಾತ್ರವೇ ಹೊಂದಿದೆ. ಶ್ರುತಿಯಂಥಾ ನಟಿಯರ ವಿರುದ್ಧವೂ ಕ್ರಮ ಕೈಗೊಳ್ಳಬೇಕೆಂಬ ಅಭಿಪ್ರಾಯವನ್ನು ರಾಜೇಶ್ ವ್ಯಕ್ತಪಡಿಸಿದ್ದಾರೆ.

ಅಸಲಿಗೆ ಶೃತಿ ತೀರಾ ಮಡಿವಂತ ಹೆಣ್ಣುಮಗಳೇನಲ್ಲ. ಸೆಕ್ಸ್ ಕುರಿತು ರೇಡಿಯೋ ಕಾರ್ಯಕ್ರಮದಲ್ಲಿ ಈಕೆಯ ಮಾತು ಕೇಳಿದವರು ನಿಜಕ್ಕೂ ಬೆಚ್ಚಿಬಿದ್ದಿದ್ದಿದೆ. ಸಿನಿಮಾ ಶೂಟಿಂಗುಗಳಿಗೆ ಹೋದಾಗ ಈಕೆ ಮತ್ತು ಈಕೆಯ ತಾಯಿ ಕಂಠಮಟ್ಟ ಕುಡಿದು ಚಿತ್ತಾಗುತ್ತಾರೆ ಅನ್ನೋ ಅರೋಪ ಕೂಡಾ ಇದೆ. ಇದೆಲ್ಲಾ ಕೆದಕುತ್ತಾ ಹೋದರೆ ನಂಬಲಸಾಧ್ಯ ಮಾಹಿತಿಗಳೇ ಹೊರಬೀಳುತ್ತವೆ. ಇಷ್ಟಕ್ಕೂ ಇಮ್ರಾನ್ ಸರ್ದಾರಿಯಾ ಡ್ಯಾನ್ಸ್ ಟ್ರೂಪಿನಲ್ಲಿ ಯಕಃಶ್ಚಿತ್ ಡ್ಯಾನ್ಸರ್ ಆಗಿದ್ದ ಶೃತಿ ಹರಿಹರನ್ ಸಿನಿಮಾ ನಟಿಯಾಗಿ ಛಾನ್ಸು ಗಿಟ್ಟಿಸಿಕೊಳ್ಳಲು ತನ್ನ ಪ್ರತಿಭೆಯ ಹೊರತಾಗಿ ಮಾಡಿದ ಸರ್ಕಸ್ಸುಗಳ ಕುರಿತು ದಂತಕತೆಗಳಿವೆ. ಅದನ್ನೆಲ್ಲಾ ಬಯಲಿಗೆಳೆಯದ ಶೃತಿ ಯಾಕೆ ಅರ್ಜುನ್ ಸರ್ಜಾ ಬಗ್ಗೆ ಮಾತ್ರ ಮಾತಾಡುತ್ತಿದ್ದಾಳೆ ಅನ್ನೋದೆಲ್ಲಾ ಸಾಕಷ್ಟು ಅನುಮಾನಗಳಿಗೆ ಕಾರಣವಾಗಿದೆ.

ಶ್ರುತಿ ಹರಿಹರನ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆಯಲ್ಲಾ ಆಕ್ರೋಶದ ಕಮೆಂಟುಗಳು? ಅದೇ ಎಲ್ಲವನ್ನೂ ಹೇಳುತ್ತಿವೆ.

cinibuzzಅನ್ನು ಇನಸ್ ಸ್ಟಾಗ್ರಾಮ್‌ನಲ್ಲಿ ಫಾಲೋ ಮಾಡಿ

https://www.instagram.com/cinibuzzsandalwood

Continue Reading

Trending

Copyright © 2018 Cinibuzz