Connect with us

cbn

ಟಗರು ಎಫೆಕ್ಟ್!

Published

on

‘ಹೆಸರು ಬದಲಿಸಿಕೊಂಡರೆ ಅದೃಷ್ಟ ಬದಲಾಗುತ್ತೆ’ ಅನ್ನೋದು ಚಿತ್ರರಂಗದವರ ಹಳೇ ನಂಬಿಕೆ. ಕಾಕತಾಳೀಯವೆನ್ನುವಂತೆ ಒಂದುಷ್ಟು ಜನ ಅಪ್ಪಾಮ್ಮ ಇಟ್ಟ ಹೆಸರನ್ನು ಬದಲಿಸಿಕೊಳ್ಳುತ್ತಲೇ ಅವರ ನಸೀಬೂ ಬದಲಾಗಿಹೋಗುತ್ತದೆ.

ಸಿನಿಮಾಗಳಲ್ಲಂತೂ ಕೆಲವರು ನಿಭಾಯಿಸುವ ಪಾತ್ರದ ಹೆಸರೇ ಪರ್ಮನೆಂಟಾಗಿ ಅವರ ನಾಮಧೇಯವಾಗಿಬಿಡುತ್ತದೆ. ಯೋಗಿ ಅಂದರೆ ಎಷ್ಟು ಜನಕ್ಕೆ ಅರ್ಥವಾಗುತ್ತದೋ ಇಲ್ಲವೋ, ಆದರೆ ‘ಲೂಸ್ ಮಾದ’ ಅಂದಾಕ್ಷಣ ಎಂಥವರಿಗೂ ಗೊತ್ತಾಗಿಬಿಡುತ್ತದೆ! ಯಾವುದೇ ಹಿಟ್ ಸಿನಿಮಾದ ಪಾತ್ರಗಳ ಹೆಸರು ಆಯಾ ನಟರುಗಳ ಹೆಸರಿನ ಜೊತೆಗೆ ಅಂಟಿಕೊಳ್ಳೋದು ಮಾಮೂಲು.

ಇಲ್ಲೊಬ್ಬ ಹುಡುಗನಿದ್ದಾನೆ ನೋಡಿ. ಹೆಸರು ಸುಧೀ. ಮೂಲತಃ ಕಲಾವಿದ. ಜಾಕಿ ಸಿನಿಮಾದಿಂದ ಮೊದಲ್ಗೊಂಡು ಇತ್ತೀಚಿಗೆ ಬರುವ ಬಹುತೇಕ ಸ್ಟಾರ್ ಸಿನಿಮಾಗಳಲ್ಲಿ ಬರುವ ಚಿತ್ರವಿಚಿತ್ರ ಬೈಕುಗಳನ್ನು ವಿನ್ಯಾಸಗೊಳಿಸೋದು ಈತನ ಕಾಯಕ. ಸಿನಿಮಾ ಸೆಟ್‌ಗಳಲ್ಲಿ ತಾನು ರೂಪಿಸಿದ ಬೈಕು ತಂದು ನಿಲ್ಲಿಸುವ ಸೈಕಲ್ ಗ್ಯಾಪಲ್ಲೇ ಸಣ್ಣ ಪುಟ್ಟ ಪಾತ್ರಗಳಲ್ಲೋ, ದೂರದಲ್ಲೆಲ್ಲೋ ನಿಲ್ಲುವ ಕ್ಯಾರೆಕ್ಟರುಗಳಲ್ಲೋ ಕಾಣಿಸಿಕೊಳ್ಳುತ್ತಿದ್ದ ಸುಧೀಗೆ ‘ಮಾಮು ಟೀ ಅಂಗಡಿ’ ಎನ್ನುವ ಸಿನಿಮಾದಿಂದ ವಿಲನ್ ಪಾತ್ರಗಳು ಬಂದೊದಗಿದವು.

ಇಂಥ ಸುಧೀ ಸರಿಸುಮಾರು ಒಂದೂವರೆ ವರ್ಷಗಳ ಹಿಂದೆ ನಿರ್ದೇಶಕ ಎ.ಪಿ. ಅರ್ಜುನ್ ಅವರ ಆಫೀಸಿಗೆ ‘ಕಿಸ್’ ಸಿನಿಮಾದ ಮಾತುಕತೆಗೆ ಹೋಗಿದ್ದರಂತೆ. ಅಲ್ಲಿದ್ದ ಅರ್ಜುನ್ ಸ್ನೇಹಿತರೊಬ್ಬರು ‘ಒಂಚೂರ್ ನಿನ್ ಪೂರ್ತಿ ಹೆಸ್ರು, ಡೇಟಾಫ್ ಬರ್ತ್ ಹೇಳು’ ಅಂತಾ ಕೇಳಿಕೊಂಡು, ‘ನೋಡಯ್ಯಾ ನಿನಗೆ ಸಿನಿಮಾ ಫೀಲ್ಡಲ್ಲಿ ಒಳ್ಳೇಯೋಗ ಇದೆ ಟ್ರೈ ಮಾಡು. ಆದ್ರೆ ನಿನ್ ಹೆಸ್ರು ಬಲ ಸರಿ ಇಲ್ಲ. ನಿನ್ನ ಹೆಸರೊಂದನ್ನು ಬದಲಾಯಿಸಿಕೊಂಡ್ರೆ ನೀನು ಎಲ್ಲೋ ಹೊಂಟೋಯ್ತಿಯ’ ಅಂದಿದ್ರಂತೆ. ಅದನ್ನು ಕೇಳಿಸಿಕೊಂಡ ಅರ್ಜುನ್ ಸರಿ ಹೆಸರು ಚೇಂಜ್ ಮಾಡಿಕೊಂಬುಡು ಅಂದಿದ್ರಂತೆ. ಅದಕ್ಕೆ ಸುಧೀ ‘ಸೂರಿ ಅಣ್ಣ ಯಾವ್ ಹೆಸ್ರು ಇಟ್ರೂ ಇಟ್ಕಂಬುಡ್ತೀನಿ’ ಅಂತೇಳಿ ಎದ್ದುಬಂದಿದ್ದರಂತೆ. ಅದಾದ ಕೆಲವೇ ದಿನಗಳಲ್ಲಿ ಡಬ್ಬಿಂಗ್ ಸ್ಟುಡಿಯೋದಲ್ಲಿ ಎದುರುಗೊಂಡ ಸೂರಿ ಬಳಿ “ಅಣ್ಣಾ.. ಎ.ಪಿ. ಅರ್ಜುನ್ ಸರ್ ಹೆಸ್ರು ಚೇಂಜ್ ಮಾಡ್ಕೋ ಒಳ್ಳೇದಾಯ್ತದೆ ಅಂದವ್ರೆ.” ಅಂದಿದ್ದಕ್ಕೆ “ಅದಕ್ಕೇನ್ ಬಿಡೋ ರಾತ್ರಿ ಹೆಸ್ರು ಛೇಂಜ್ ಮಾಡ್ಕೊ. ಬೆಳ್ಗೆ ಹೊತ್ಗೆ ಸ್ಟಾರ್ ಆಗ್ಬುಡ್ತಿಯಾ…” ಅಂದರಂತೆ. ಅಲ್ಲಿಗೂ ಬಿಡದ ಸುಧೀ “ಅಣ್ಣಾ ನೀವೇ ಒಂದು ಹೆಸರಿಟ್ರೆ ಚೆಂದ” ಅಂದಾಗ ಸೂರಿ ನಗುತ್ತಾ ಹೊರಟುಬಿಟ್ರಂತೆ. ಸ್ವಲ್ಪ ದಿನದ ಬಳಿಕ ಕರೆಸಿಕೊಂಡ ಸೂರಿ “ಟಗರು ಸಿನಿಮಾದಲ್ಲಿ ನಿನಗೊಂದು ಪಾತ್ರ ಇದೆ. ಹೆಸ್ರು ಕಾಕ್ರೋಜ್ ಅಂತಾ.. ಓಕೆನಾ?” ಅಂದರಂತೆ. ಅದಕ್ಕೆ ಸುಧೀ “ನೀವೇನಿಟ್ರೂ ಓಕೆ ಅಣ್ಣ” ಅಂದಾಗ “ನೋಡೋ ಈ ಸಿನಿಮಾ ರಿಲೀಸಾಗ್ತಿದ್ದಂಗೇ ನಿನ್ ಹೆಸ್ರು ಸುಧೀ ಅನ್ನೋದನ್ನ ಜನ ಮರೆತುಬಿಡ್ತಾರೆ. ಕಾಕ್ರೋಜ್ ಅಂತಾನೇ ಫಿಕ್ಸ್ ಆಗ್ಬುಡತ್ತೆ..” ಅಂತಾ ಸುಧೀ ಬೆನ್ನ ಮೇಲೆ ಕೈಯಿಟ್ಟು ಸೂರಿ ಆಶೀರ್ವಾದ ಮಾಡಿ ಕಳಿಸಿದ್ದಷ್ಟೇ.

ಆನಂತರ ಟಗರು ಶುರುವಾಯ್ತು. ಸುಧೀ ನಟಿಸಿಬಂದಿದ್ದೂ ಆಯ್ತು. ಈಗ ಸಿನಿಮಾ ರಿಲೀಸೂ ಆಗಿದೆ. ಸುಧೀ ಪಾಲಿಗೆ ಯಾವ ಮಟ್ಟಿಗೆ ಯೋಗ ಬಂದಿದೆಯೆಂದರೆ, ಅಕ್ಷರಶಃ ಏರಿಯಾದಲ್ಲಿ ಮುಖಕ್ಕೆ ಬಟ್ಟೆ ಕಟ್ಟಿಕೊಂಡು ಓಡಾಡುವಂತಾ ಪರಿಸ್ಥಿತಿ ಬಂದಿದೆಯಂತೆ. ಹೋದಲ್ಲಿ ಬಂದಲ್ಲೆಲ್ಲಾ ಜನ ಕಾಕ್ರೋಜ್ ಅಂಥಾ ಕೂಗುತ್ತಿದ್ದಾರಂತೆ.

ಇದೇ ಸಿನಿಮಾದಲ್ಲಿ ‘ಡಾನ್ ಅಂಕಲ್’ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಚಿತ್ರ ಕಲಾವಿದ ಸಚ್ಚಿ ಅವರದ್ದೂ ಇದೇ ಪಾಡಂತೆ. ಇಷ್ಟು ವರ್ಷ ಕ್ಯಾನ್ವಾಸು, ಪೇಂಟಿಂಗು ಅಂತಾ ಹೆಸರು ಮಾಡಿದ್ದರೂ ಹೊರಜಗತ್ತಿನಲ್ಲಿ ಜನ ಇವರನ್ನು ಗುರುತಿಸುತ್ತಿರಲಿಲ್ಲ. ಹೀಗಾಗಿ ಸಚ್ಚಿ ಅವರು ಸ್ಕೂಟರ್ರು, ಸೈಕಲ್ಲು ಯಾವುದು ಸಿಕ್ಕರೂ ಅದರಲ್ಲಿ ಓಡಾಡುತ್ತಾ ಮೈಸೂರಿನಲ್ಲಿ ಸ್ವತಂತ್ರವಾಗಿದ್ದವರು. ಈಗ ಜನ ದೂರದಿಂದಲೇ ‘ಅಂಕಲ್… ರೀ ಅಂಕಲ್’ ಅಂತಾ ಕೂಗಲು ಶುರು ಮಾಡಿದ್ದಾರಂತೆ… ಇನ್ನು ಧನಂಜಯ ಅವರನ್ನು ಎಲ್ಲರೂ ಡಾಲಿ ಅಂತಲೇ ಬಿಗಿದಪ್ಪುತ್ತಿದ್ದಾರೆ. ಒಂದು ಸಿನಿಮಾ ಒಳ್ಳೇ ರೀತಿಯಲ್ಲಿ ರೂಪುಗೊಂಡು, ಅದು ಜನರಿಗೆ ತಲುಪಿಕೊಳ್ಳುವಂತಾದರೆ ಏನೆಲ್ಲಾ ಆಗಿಬಿಡುತ್ತದೆ ನೋಡಿ..!

 

cbn

ಜೀ ಕನ್ನಡದಲ್ಲಿ ಹಾರರ್ ಆತ್ಮಬಂಧನ

Published

on

ಕಳೆದ ಹಲವು ವರ್ಷಗಳಿಂದಲೂ ಜೀ ಕನ್ನಡ ವಾಹಿನಿ ಸದಾ ತನ್ನ ಕಾರ್ಯಕ್ರಮ ಕಟ್ಟಿಕೊಡುವಲ್ಲಿ ಹೊಸತನವನ್ನು ಮೈಗೂಡಿಸಿಕೊಳ್ಳುವ ಮೂಲಕ ವೀಕ್ಷಕರಿಗೆ ಹೆಚ್ಚು ಹೆಚ್ಚು ಹತ್ತಿರವಾಗುತ್ತಿದೆ. ಜೋಡಿ ಹಕ್ಕಿ, ಸುಬ್ಬಲಕ್ಷ್ಮಿಸಂಸಾರ, ಕಮಲಿ, ಯಾರೆ ನೀ ಮೋಹಿನಿ, ವಿಷ್ಣು ದಶಾವತಾರ, ಮಹಾದೇವಿ, ನಾಗಿಣಿ, ಪಾರು, ಬ್ರಹ್ಮಗಂಟು ಮೊದಲಾದ ಧಾರಾವಾಹಿಗಳು ಹೊಸ ಇತಿಹಾಸ ಬರೆದಿವೆ. ವಾರಾಂತ್ಯ ಧಾರಾವಾಹಿ ಉಘೇ ಉಘೇ ಮಾದೇಶ್ವರ, ಅಲ್ಲದೆ ಸರಿಗಮಪ, ಡ್ರಾಮಾದಂಥ ರಿಯಾಲಿಟಿ ಷೊಗಳು ಕನ್ನಡಿಗರ ಮನೆಮಾತಾಗಿವೆ.

ಇದೀಗ ಜೀ ಕನ್ನಡ ವಾಹಿನಿಯಲ್ಲಿ ಆತ್ಮಬಂಧನ ಎಂಬ ಮತ್ತೊಂದು ಹಾರರ್ ಧಾರಾವಾಹಿ ಮೂಡಿಬರಲಿದೆ. ಜನನ ಮತ್ತು ಮರಣದ ಸಾಕ್ಷಿ ಆತ್ಮ. ಮರಣಾ ನಂತರವೂ ಆತ್ಮ ತನ್ನ ಪ್ರೀತಿ ಮತ್ತು ದ್ವೇಷವನ್ನು ಬಿಡುವುದಿಲ್ಲ ಎಂಬುದು ಸಾಮಾನ್ಯ ನಂಬಿಕೆ. ಈ ಎಳೆಯನ್ನು ಇಟ್ಟುಕೊಂಡು ತಾಯಿ ಮತ್ತು ಪುಟ್ಟ ಮಗನ ನಡುವಿನ ಬಾಂಧವ್ಯದ ಹಿನ್ನೆಲೆಯಲ್ಲಿ ಆತ್ಮಬಂಧನ ಧಾರಾವಾಹಿಯನ್ನು ನಿರೂಪಿಸಲಾಗುತ್ತಿದೆ. ದುರಂತದಲ್ಲಿ ಮರಣವನ್ನಪ್ಪುವ ಮಗನ ಆತ್ಮ ತನ್ನ ಅಮ್ಮನ ಪ್ರೀತಿಗಾಗಿ ಹಂಬಲಿಸಿ ಬರುವ ಮತ್ತು ಆ ಪ್ರೀತಿಗೆ ಅಡ್ಡ ಬರುವವರನ್ನು ಶಿಕ್ಷಿಸುವ ಕಥಾಹಂದರ ಇದರಲ್ಲಿದೆ. ಈ ಹಿನ್ನೆಲೆಯಲ್ಲಿ ಕೌಟುಂಬಿಕ ಪ್ರೀತಿ-ದ್ವೇಷಗಳು ಹಾಗೂ ಪತಿ-ಪತ್ನಿಯರ ಸಂಬಂಧದ ನಡುವೆ ಏಳುವ ಬಿರುಗಾಳಿ ಹೊಸ ಬಗೆಯಲ್ಲಿ ನಿರೂಪಿತವಾಗಿದೆ. ಈ ಧಾರಾವಾಹಿಯನ್ನು ನಿರ್ದೇಶಕ ಜಿ.ಕೆ. ಸತೀಶ್ ಕೃಷ್ಣನ್ ನಿರ್ದೇಶಿಸುತ್ತಿದ್ದಾರೆ. ದ್ವಿಜ ಕ್ರಿಯೇಷನ್ಸ್ ಅಡಿಯಲ್ಲಿ ಮಹೇಶ್ ಗೌಡ, ಡಾ| ಸುಮಾ ಈ ಧಾರಾವಾಹಿಯನ್ನು ನಿರ್ಮಿಸುತ್ತಿದ್ದಾರೆ. ಇದರ ಕಥಾವಿಸ್ತರಣೆ, ಚಿತ್ರಕತೆಯನ್ನು ಎಸ್. ಸೆಲ್ವಂ ಮತ್ತು ಗಿರೀಶ್ ತಂಡ ನಿರ್ವಹಿಸಿದೆ. ರತ್ನಗಿರಿ ಅವರ ಸಂಭಾಷಣೆ, ವಿನಯ್ ಅವರ ಸಂಗೀತ, ಹರ್ಷಪ್ರಿಯ ಅವರ ಶೀರ್ಷಿಕೆ ಸಾಹಿತ್ಯ ಇದಕ್ಕಿದೆ. ಎದೆಯಲ್ಲಿ ಕಂಪನ ಹುಟ್ಟಿಸುವ ಗ್ರಾಫಿಕ್ಸ್ ಪ್ರತಿ ಸಂಚಿಕೆಯಲ್ಲೂ ವೀಕ್ಷಕರಿಗೆ ಹೊಸ ಅನುಭವ ನೀಡಲಿದೆ.

ಆತ್ಮಬಂಧನ ವೀಕ್ಷಕರಿಗೆ ಮನರಂಜನೆಯ ಹೊಸ ಬಾಗಿಲು ತೆರೆಯಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸುತ್ತಾರೆ ಜೀ ಕನ್ನಡ ವಾಹಿನಿಯ ಬಿಸ್ನೆಸ್ ಹೆಡ್ ರಾಘವೇಂದ್ರ ಹುಣಸೂರು. ಎಲ್ಲ ವಯೋಮಾನದವರನ್ನೂ ಗಮನದಲ್ಲಿರಿಸಿಕೊಂಡು ಕುಟುಂಬ ಸಮೇತ ನೋಡುವಂತೆ ಈ ಹಾರರ್ ಧಾರಾವಾಹಿ ರೂಪಿಸಿದ್ದೇವೆ ಎನ್ನುತ್ತಾರೆ ನಿರ್ದೇಶಕ ಜಿ.ಕೆ. ಸತೀಶ್ ಕೃಷ್ಣನ್. ತಾರಾಗಣದಲ್ಲಿ ರಜನಿ, ಪ್ರಶಾಂತ್, ಬಾಲನಟ ಆಲಾಪ್, ಶಿವಾನಿ, ಲಕ್ಷ್ಮೀಗೌಡ, ರಾಮಮೂರ್ತಿ, ರಾಜೇಶ್, ನೇತ್ರಾ ಸಿಂಧ್ಯಾ, ಸುನೇತ್ರ ಪಂಡಿತ್ ಮುಂತಾದವರಿದ್ದಾರೆ. ಜೀ ಕನ್ನಡ ವಾಹಿನಿಯಲ್ಲಿ ಡಿಸೆಂಬರ್ ೧೭ ರಿಂದ ಸೋಮ-ಶುಕ್ರವಾರ ರಾತ್ರಿ ೧೦:೩೦ಕ್ಕೆ ಆತ್ಮಬಂಧನ ಪ್ರಸಾರವಾಗಲಿದೆ.

Continue Reading

cbn

ದರ್ಶನ್ ಮ್ಯಾನೇಜರ್ ಮಹಾದ್ರೋಹಿ ಮಲ್ಲಿ ಎಲ್ಲಿದ್ದಾನೆ ಗೊತ್ತಾ?

Published

on


ನಂಬಿದರೆ ಸರ್ವಸ್ವವನ್ನೂ ಧಾರೆಯೆರೆದುಬಿಡುವ ‘ಯಜಮಾನ’, ತಮ್ಮ ಕೈಕೆಳಗೆ ಕೆಲಸ ಮಾಡುವವರನ್ನೂ ಸ್ನೇಹಿತರಂತೆ ಪೊರೆಯುವ ‘ಒಡೆಯ’ ದರ್ಶನ್ ಅವರಿಗೆ ಮಲ್ಲಿಕಾರ್ಜುನ ಎನ್ನುವ ಮ್ಯಾನೇಜರ್ ಮಹಾದ್ರೋಹವೆಸಗಿ ಗಾಯಬ್ ಆದನಲ್ಲಾ? ಆತ ಎಲ್ಲಿದ್ದಾನೆ ಅನ್ನೋದರ ಸಣ್ಣ ಸುಳಿವೊಂದು ಸಿಕ್ಕಿದೆ!
ಮ್ಯಾನೇಜರ್ ಮಲ್ಲಿ ಅನ್ನೋ ಮಹಾನುಭಾವ ದರ್ಶನ್ ಮತ್ತವರ ತಂಡಕ್ಕೆ ಕೈಕೊಟ್ಟು ಊರುಬಿಟ್ಟಿದ್ದಾನೆ ಅನ್ನೋ ಸುದ್ದಿಯನ್ನು ಮೊಟ್ಟ ಮೊದಲ ಬಾರಿಗೆ ಸ್ಫೋಟಿಸಿದ್ದು ಸಿನಿಬಜ್. ನಾವು ಸುದ್ದಿ ನೀಡಿದ ಮೇಲೂ ಎಷ್ಟೋ ಜನ ‘ಹೌದಾ? ನಿಜಾನಾ? ಅದು ಹೇಗೆ ಸಾಧ್ಯ?’ ಅಂತೆಲ್ಲಾ ಪ್ರಶ್ನಿಸಿದ್ದರು. ಯಾರೆಂದರೆ ಯಾರೂ ನಂಬಲೂ ಸಾಧ್ಯವಾಗದ ನಿಜಾಂಶವನ್ನು ಸಿನಿಬಜ಼್ ಬಯಲಿಗೆಳೆದಿತ್ತು. ನಂತರ ನಮ್ಮ ವರದಿಯ ಸತ್ಯಾಸತ್ಯತೆ ಜಗತ್ತಿಗೂ ಗೊತ್ತಾಯಿತು. ಇರಲಿ, ವಿಷಯ ಅದಲ್ಲ!

ಊರುಬಿಡುವ ಮುಂಚೆ ಪಕ್ಕಾ ಪ್ಲಾನು ಮಾಡಿಕೊಂಡು, ಬೆಂಗಳೂರಿನಲ್ಲಿದ್ದ ಮನೆಯನ್ನು ಖಾಲಿ ಮಾಡಿ ಹೆಂಡತಿ ಮಕ್ಕಳನ್ನೆಲ್ಲಾ ತನ್ನ ಹುಟ್ಟೂರಿಗೆ ಬಿಟ್ಟುಬಂದಿದ್ದ ಈತ ಒಮ್ಮೆಲೇ ಗಾಯಬ್ ಆಗಿದ್ದ. ಮಲ್ಲಿ ಓಡಿಹೋದ, ದರ್ಶನ್ ಮತ್ತವರ ಸುತ್ತಲಿನವರಿಗೆ ವಂಚಿಸಿ ಕಾಲುಕಿತ್ತಿದ್ದಾನೆ ಅನ್ನೋದು ಬಿಟ್ಟರೆ ಬೇರಾವ ಸುಳಿವೂ ಈವರೆಗೆ ಸಿಕ್ಕಿರಲಿಲ್ಲ.

ಏಕಾಏಕಿ ಯಾವ ಸೂಚನೆಯನ್ನೂ ನೀಡದೆ ಊರುಬಿಟ್ಟು ಎಸ್ಕೇಪ್ ಆದ ಮಲ್ಲಿ ಈಗೆಲ್ಲಿದ್ದಾನೆ? ಅನ್ನೋದರ ಸಣ್ಣ ಸುಳಿವೊಂದು ನಮಗೆ ದೊರೆತಿದೆ.  ಅದರ ಪ್ರಕಾರ ಹೇಳೋದಾದರೆ ಮಲ್ಲಿ ಈಗ ಕೆನಡಾದಲ್ಲಿ ಸೆಟಲ್ ಆಗಿ ಅಲ್ಲೊಂದು ಫ್ಲಾಟು ಖರೀದಿಸಿ ಕೂಲಾಗಿ ಜೀವನ ನಡೆಸುತ್ತಿದ್ದಾನಂತೆ. ಅದು ಎಷ್ಟರ ಮಟ್ಟಿಗೆ ನಿಜ ಅನ್ನೋದು ಆಧಾರ ಸಮೇತ ಸಿಕ್ಕನಂತರವಷ್ಟೇ ಪಕ್ಕಾ ಆಗಲಿದೆ. ಇಷ್ಟಕ್ಕೂ ಮಲ್ಲಿ ಯಾಮಾರಿಸಿ ತೆಗೆದುಕೊಂಡು ಹೋದ ಹಣವನ್ನು ಏನು ಮಾಡಿದ್ದಾನೆ? ನಂಬಿದವರನ್ನು ವಂಚಿಸುವ ದರ್ದಾದರೂ ಈತನಿಗೇನಿತ್ತು? ಇವೆಲ್ಲ ವಿವರಗಳು ಇಷ್ಟರಲ್ಲೇ ಬಯಲಾಗಲಿದೆ… ಕಾದು ನೋಡಿ!

 

Continue Reading

cbn

ಇದು ಅಣ್ಣಾವ್ರ ಕಡೆಯ ಸಿನಿಮಾ ಆಗಬೇಕಿತ್ತು!

Published

on

`ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ ತುಡಿವುದೆ ಜೀವನ…’ ಹಾಡಿನ ಮೊದಲ ಸಾಲು ಈಗ ಸಿನಿಮಾ ಆಗಿ ಬಿಡುಗಡೆಗೊಂಡಿದೆ. ಕಾಂತ ಕನ್ನಲ್ಲಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಸಿನಿಮಾ ನೋಡಿದ ಎಲ್ಲರನ್ನೂ ಸೆಳೆಯುತ್ತಿದೆ. ಸಿನಿಮಾ ನೋಡಿ ಹೊರಬಂದ ಪ್ರತಿಯೊಬ್ಬರ ಮುಖದಲ್ಲೂ ಮಂದಹಾಸ ಮೂಡಿಸುವ ಸಿನಿಮಾ ಇದು.

ಅಂದಹಾಗೆ ಇದೇ `ಇರುವುದೆಲ್ಲವ ಬಿಟ್ಟು’ ಶೀರ್ಷಿಕೆ ವರನಟ ಡಾ. ರಾಜ್ ಕುಮಾರ್ ಅವರ ನಟನೆಯ ಕೊನೆಯ ಸಿನಿಮಾ ಆಗಬೇಕಿತ್ತು ಅನ್ನೋ ವಿಚಾರವೊಂದು ಹೊರಬಿದ್ದಿದೆ. ಮೊನ್ನೆದಿನ ಈ ಸಿನಿಮಾವನ್ನು ನೋಡಿದ ಕೆ.ಎಂ.ಎಫ್‌ನ ಮಾಜಿ ವ್ಯವಸ್ಥಾಪಕ ನಿರ್ದೇಶಕ ಎ.ಎಸ್. ಪ್ರೇಮನಾಥ್ ಖುದ್ದು ನಿರ್ದೇಶಕರ ಬಳಿ ಈ ವಿಷಯವನ್ನು ಹೇಳಿದರಂತೆ. ಪ್ರೇಮ್‌ನಾಥ್ ಡಾ.ರಾಜ್ ಕುಟುಂಬದ ಜೊತೆ ತೀರಾ ನಿಕಟ ಸಂಪರ್ಕ ಹೊಂದಿರುವವರು. ಹೀಗಾಗಿ ಅಣ್ಣಾವ್ರ ಕುರಿತ ಸಾಕಷ್ಟು ಇಂಟರೆಸ್ಟಿಂಗ್ ವಿಚಾರಗಳು ಪ್ರೇಮನಾಥ್ ಅವರಿಗೆ ಸಹಜವಾಗೇ ಗೊತ್ತಿರುತ್ತದೆ.

ಡಾ. ರಾಜ್‌ಕುಮಾರ್ ನಟಿಸಬೇಕಿದ್ದ ಆ ಸಿನಿಮಾಗೆ ಖ್ಯಾತ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಕಥೆಯನ್ನೂ ಹೇಳಿದ್ದರಂತೆ. `ಇರುವುದೆಲ್ಲವ ಬಿಟ್ಟು’ ಅನ್ನೋ ಶೀರ್ಷಿಕೆಯನ್ನು ರಾಜಣ್ಣ ಬಹುವಾಗಿ ಇಷ್ಟಪಟ್ಟಿದ್ದರಂತೆ. ಅವರ ಅನಾರೋಗ್ಯ ಮತ್ತಿತರ ಕಾರಣಗಳಿಗೆ ಆ ಸಿನಿಮಾ ಸೆಟ್ಟೇರಿರಲಿಲ್ಲ. ಒಂದು ವೇಳೆ ಅಣ್ಣಾವ್ರು ಈಗಲೂ ಇರುವಂತಾಗಿ, ಅದೇ ಶೀರ್ಷಿಕೆಯೊಂದಿಗೆ ಇಷ್ಟು ಮುದ್ದಾದ ಸಿನಿಮಾ ಮೂಡಿಬಂದಿರೋದನ್ನು ನೋಡಿದ್ದಿದ್ದರೆ ಅದೆಷ್ಟು ಖುಷಿಪಡುತ್ತದ್ದರೋ…?

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz