One N Only Exclusive Cine Portal

ಹನಿಮೂನ್ ಮುಗಿಸಿ ಬಂದ ವಿರಾಟ್‌ಗೆ ಬಿಗ್ ಶಾಕ್!

ಆಟ, ಸಿನಿಮಾ ಸೇರಿದಂತೆ ಎಲ್ಲವನ್ನೂ ಅತಿಯೆನ್ನಿಸೋ ಭಾವುಕತೆಯಿಂದಲೇ ಸ್ವೀಕರಿಸೋದು ಭಾರತೀಯರ ಮೂಲ ಬುದ್ಧಿ. ಅವಳ್ಯಾರೋ ತಾರೆ ಮದುವೆಯಾದಳೆಂದು ಮೈ ಕೈ ಕುಯ್ದುಕೊಳ್ಳೋರಿಂದ ಮೊದಲ್ಗೊಂಡು, ಇಂಥಾದ್ದೇ ಸಿಲ್ಲಿ ಕಾರಣಕ್ಕೆ ಜೀವ ಬಿಡೋ ಮೂರ್ಖರ ಸಂಖ್ಯೆಯೂ ಇಲ್ಲಿ ಹೆಚ್ಚಿದೆ. ಇದೀಗ ಹನಿಮೂನ್ ಮುಗಿಸಿಕೊಂಡು ಕ್ರಿಕೆಟ್ ಕಣಕ್ಕಿಳಿದಿರೋ ವಿರಾಟ್ ಕೊಹ್ಲಿಗೆ ಆತನ ವೃದ್ಧ ಅಭಿಮಾನಿಯೊಬ್ಬ ಬಿಗ್ ಶಾಕ್ ನೀಡಿದ್ದಾನೆ!


ಅನಿಷ್ಕಾ ಶರ್ಮಾ ಮೋಹದಲ್ಲಿ ಮೈ ಮರೆತ ಘಳಿಗೆಯಲ್ಲೆಲ್ಲ ವಿರಾಟ್ ಕಳಪೆ ಪ್ರದರ್ಶನ ನೀಡುತ್ತಾನೆಂಬ ಅಸಹನೆ ಆತನ ಅಭಿಮಾನಿಗಳಲ್ಲೇ ಇದ್ದಿದ್ದು ಸುಳ್ಳಲ್ಲ. ಆದರೆ ಅದೇ ಅನುಷ್ಕಾಳನ್ನು ಕಟ್ಟಿಕೊಂಡ ನಂತರವಾದರೂ ಕೋಹ್ಲಿ ಮತ್ತೆ ಅಬ್ಬರದ ಪ್ರದರ್ಶನ ನೀಡುವಂತೆ ಟೀಂ ಇಂಡಿಯಾವನ್ನು ರೂಪಿಸುತ್ತಾನೆಂಬ ನಿರೀಕ್ಷೆಯನ್ನು ಆತನ ಅಭಿಮಾನಿಗಳು ಹೊಂದಿದ್ದರು. ಆದರೆ ಅದೂ ಸುಳ್ಳಾದ್ದರಿಂದ ಅಭಿಮಾನಿಗಳು ಕೆರಳಿದ್ದಾರೆ.


ಸೌತ್ ಆಫಿರಕಾ ವಿರುದ್ಧದ ಟೆಸ್ಟ್ ಪಂದ್ಯಾಟದಲ್ಲಿ ಟೀಮ್ ಇಂಡಿಯಾದ ಕಳಪೆ ಪ್ರದರ್ಶನ ಕಂಡ ವಿರಾಟ್‌ನ ವೀರಾಭಿಮಾನಿಯೊಬ್ಬ ಸೀಮೆಣ್ಣೆ ಸುರಿದು ಬೆಂಕಿ ಹಚ್ಚಿಕೊಂಡು ಆಸ್ಪತ್ರೆ ಸೇರಿದ್ದಾನೆ. ಮಧ್ಯಪ್ರದೇಶದ ರತ್ಲಂ ಎಂಬ ೬೫ ವರ್ಷದ ರೈಲ್ವೇ ನಿವೃತ್ತ ನೌಕರ ಇಂಥಾದ್ದೊಂದು ದುರಂತವನ್ನು ತಂದುಕೊಂಡಿದ್ದಾನೆ.
ಈ ರತ್ಲಂ ಆರಂಭ ಕಾಲದಿಂದಲೂ ಅಪ್ಪಟ ಕ್ರಿಕೆಟ್ ಪ್ರೇಮಿ. ವಿರಾಟ್ ಕೋಹ್ಲಿ ಪ್ರವರ್ಧಮಾನಕ್ಕೆ ಬಂದ ನಂತರವಂತೂ ಆತನ ವೀರಾಭಿಮಾನಿಯಾಗಿ ಬದಲಾಗಿದ್ದ. ವಿರಾಟ್ ಕಳಪೆ ಪ್ರದರ್ಶನ ನೀಡಿ ಆತನ ಬಗ್ಗೆ ಯಾರೇನೇ ಅಂದರೂ ಜಗಳಕ್ಕೆ ಬೀಳುತ್ತಿದ್ದ ಈತ ಮೊನ್ನಿನ ಪಂದ್ಯಾಟದಲ್ಲಿ ಭಾರತ ತಂಡದ ಕಳಪೆ ಪ್ರದರ್ಶನ ಕಂಡು ರೊಚ್ಚಿಗೆದ್ದಿದ್ದ. ಈ ಆಟದ ಮಧ್ಯದಲ್ಲೇ ಎಣ್ಣೆ ಸುರುವಿಕೊಂಡು ಚಿತ್ತಾಗಿದ್ದ ಈತ ಸೀದಾ ಹೋಗಿ ಸೀಮೆಣ್ಣೆಯನ್ನು ಮೈತುಂಬಾ ಸುರಿದುಕೊಂಡು ಬೆಂಕಿ ಹಚ್ಚಿಕೊಂಡಿದ್ದಾನೆ.
ಕೂಡಲೇ ಮನೆಯವರು ಆಸ್ಪತ್ರೆಗೆ ದಾಖಲಿಸಿದ್ದರಿಂದಾಗಿ ವಿರಾಟ್ ಅಭಿಮಾನಿ ಬದುಕಿಕೊಂಡಿದ್ದಾನೆ!

Leave a Reply

Your email address will not be published. Required fields are marked *


CAPTCHA Image
Reload Image