Connect with us

ಬ್ರೇಕಿಂಗ್ ನ್ಯೂಸ್

ಯಜಮಾನ ಇಲ್ಲದ ಮನೆಯಲ್ಲಿ ಏನೇನು ನಡೆಯಿತು ಗೊತ್ತಾ?

Published

on

ಸಾಹಸ ಸಿಂಹ ಬದುಕಿ ಬಾಳಿದ ಜಯನಗರದ ಗುಹೆ ಈಗ ಕಳಾಹೀನವಾಗಿದೆ. ವಿಷ್ಣು ಇದ್ದಾಗ ಸದಾ ಜನಜಂಗುಳಿಯಿಂದ ಕಿಕ್ಕಿರಿದಿರುತ್ತಿದ್ದ ಜನ, ಮನೆಯೊಳಗೆ ಮನೆಯವರಂತೆಯೇ ಬದುಕು ಸಾಗಿಸುತ್ತಿದ್ದ ಕೆಲಸದವರೂ ಕಾಣೆಯಾಗಿದ್ದಾರೆ.

ವಿಷ್ಣು ತೀರಿಕೊಂಡಾಗ ಅವರ ಅಂತ್ಯ ಸಂಸ್ಕಾರ ಮಾಡಿದರಲ್ಲಾ? ಅವರ ಮನೆ ಅಡುಗೆ ಮಾಡುತ್ತಿದ್ದ ವ್ಯಕ್ತಿ – ಶ್ರೀಧರ್ ಅವರಿಂದ ಹಿಡಿದು ವಿಷ್ಣು ಅವರ ಮ್ಯಾನೇಜರ್ ಎನಿಸಿಕೊಂಡಿದ್ದ ರಾಧಾ ಕೂಡಾ ಈಗ ಮನೆಯಿಂದ ಹೊರಬಿದ್ದಿದ್ದಾರೆ.

ಯಜಮಾನನಿಲ್ಲದ ಮನೆಯಲ್ಲಿ…

ವಿಷ್ಣು ಅವರ ಡೇಟ್ಸ್ ಸೇರಿದಂತೆ ಸಿನಿಮಾಗೆ ಸಂಬಂಧಿಸಿದ ಎಲ್ಲ ವ್ಯವಹಾರವನ್ನೂ ನೋಡಿಕೊಳ್ಳುತ್ತಿದ್ದವರು. ರಾಧಾಕೃಷ್ಣ. ವಿಷ್ಣು ಆಪ್ತರ ನಡುವೆ ಇವರು ರಾಧಾ ಅಂತಲೇ ಪರಿಚಿತರು. ವರ್ಷಗಟ್ಟಲೆ ವಿಷ್ಣುವರ್ಧನ್ ಅವರ ಬೇಕು ಬೇಡಗಳನ್ನು ಪೂರೈಸಿದ್ದ ರಾಧಾ ಸಾಹಸಸಿಂಹನ ಬಲಗೈನಂತಿದ್ದರು. ವಿಷ್ಣು ಇದ್ದಲ್ಲಿ ರಾಧಾ ಇರಲೇಬೇಕಿತ್ತು.

ಅದೊಂದು ದಿನ ಯಜಮಾನರಿಗೆ ತಾನಿನ್ನು ಉಳಿಯುವುದಿಲ್ಲ ಎನ್ನುವ ಸೂಚನೆ ಸಿಕ್ಕಿಹೋಗಿತ್ತೋ ಏನೋ. ರಾಧಾನನ್ನು ಕರೆದು `ಇಷ್ಟು ವರ್ಷ ನನ್ನ ನೆರಳಾಗಿ ದುಡಿದಿರುವ ನಿನಗೆ, ನಿನ್ನ ಮುಂದಿನ ಬದುಕಿಗೆ ಏನಾದರೂ ವ್ಯವಸ್ಥೆ ಮಾಡಬೇಕು’ ಅಂದಿದ್ದರಂತೆ. ಅಷ್ಟರಲ್ಲಾಗಲೇ ತಮ್ಮ ಮಾನಸ ಪುತ್ರ ಶ್ರೀಧರ್ ಮತ್ತು ರಾಧಾಕೃಷ್ಣ ಇಬ್ಬರಿಗೂ ಕಗ್ಗಲೀಪುರದ ಬಳಿ ಸೈಟು ಕೊಡಿಸಿದ್ದರು. ಇನ್ನು ಇವರಿಬ್ಬರಿಗೂ ಇರಲು ಮನೆ ಕಟ್ಟಿಸಿಕೊಡಬೇಕು ಅನ್ನೋದು ವಿಷ್ಣು ಬಯಕೆಯಾಗಿತ್ತು. ವಿಷ್ಣು ಮನಸ್ಸು ಮಾಡಿದ್ದೇನೋ ಆಗಿತ್ತು ಆದರದು ಕಾರ್ಯರೂಪಕ್ಕೆ ಬರೋ ಮುಂಚೆಯೇ ಸಾಹಸಸಿಂಹ ಉಸಿರು ನಿಲ್ಲಿಸಿಬಿಟ್ಟಿದ್ದರು.

ವಿಷ್ಣು ಇಲ್ಲದ ಮನೆಯಲ್ಲಿ ರಾಧಾ ಹೆಚ್ಚು ದಿನ ಇರಲು ಸಾಧ್ಯವಾಗಲಿಲ್ಲ ಅನ್ನೋದು ಮೂಲಗಳ ಮಾತು. ವರ್ಷಾಂತರಗಳ ಕಾಲ ವಿಷ್ಣು ಅವರನ್ನೇ ಜಗತ್ತೆಂಬಂತೆ ಪರಿಭಾವಿಸಿಕೊಂಡಿದ್ದ ರಾಧಾ ಈಗೇನು ಮಾಡುತ್ತಿದ್ದಾರೆ? ಅಂತಾ ಹುಡುಕಹೊರಟರೆ ನಿಜಕ್ಕೂ ಆಶ್ಚರ್ಯವಾಗುತ್ತದೆ. ರಾಧಾ ಸದ್ಯ ಸಾಲ ಮಾಡಿ ಸ್ವಂತ ಇನೋವಾ ಕಾರೊಂದನ್ನು ಖರೀದಿಸಿ ಅದರ ಚಾಲಕನಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಹೇಗೂ ವಿಷ್ಣು ಜೊತೆಯಿದ್ದಾಗ ಇತರೆ ಭಾಷೆಯ ಸ್ಟಾರ್‌ಗಳೊಂದಿಗಿನ ಪರಿಚಯವಿತ್ತಲ್ಲಾ? ಅದೀಗ ಪ್ರಯೋಜನಕ್ಕೆ ಬಂದಿದೆಯಂತೆ. ಚಿರಂಜೀವಿ, ರಜನಿಕಾಂತ್ ರಂಥಾ ನಟರು ಬೆಂಗಳೂರಿಗೆ ಬಂದಾಗ ರಾಧಾ ಅವರ ಕಾರಿನಲ್ಲೇ ಓಡಾಡುತ್ತಾರೆ ಅನ್ನೋ ಮಾತಿದೆ.

ಇನ್ನು ವಿಷ್ಣು ಅವರ ಚಿತೆಗೆ ಬೆಂಕಿಯಿಟ್ಟ ಅವರ ಅಡುಗೆ ಭಟ್ಟ ಶ್ರೀಧರ್ ಕೂಡಾ ಮನೆ ತೊರೆದು ಹೋಗಿದ್ದಾರಂತೆ. ಅವರಿದ್ದಾಗ ದಿನಕ್ಕೆ ಬರುತ್ತಿದ್ದ ಹದಿನೆಂಟು ಲೀಟರು ಹಾಲು ಮೂರು ಲೀಟರ್‌ಗೆ ಇಳಿಯಿತಂತೆ. ಅನಿರುದ್ಧ್ ಆಳ್ವಿಕೆ ಜಾರಿಗೆ ಬಂದಮೇಲೆ ಮನೆಯ ವಾತಾವರಣ ಉಸಿರುಗಟ್ಟಿಸಲು ಶುರುವಾದ ಕಾರಣ ಶ್ರೀಧರ್ ಮನೆಯಿಂದ ಹೊರನಡೆದರು ಅನ್ನೋ ಮಾತು ಕೇಳಿಬರುತ್ತಿದೆ.

ವಿಷ್ಣು ಬದುಕಿದ್ದಷ್ಟೂ ದಿನಗಳ ಕಾಲವೂ ತಮ್ಮ ಅಡುಗೆ ಭಟ್ಟರಾಗಿದ್ದ ಶ್ರೀಧರ್ ಅವರನ್ನು ಮಗನಂತೆಯೇ ಕಂಡಿದ್ದರು. ವಿಷ್ಣು ಜೊತೆಗೆ ಹಲವಾರು ವರ್ಷಗಳಿಂದ ಕೆಲಸ ಮಾಡುತ್ತಾ ಮನೆ ಮಕ್ಕಳಂತೆಯೇ ಇದ್ದವರಲ್ಲಿ ಈ ಶ್ರೀಧರ್ ಮತ್ತು ಮ್ಯಾನೇಜರ್ ರಾಧಾ ಪ್ರಮುಖರು. ಶ್ರೀಧರ್ ವಿಷ್ಣು ಜೊತೆ ಮೂವತ್ತು ವರ್ಷ ಕೆಲಸ ಮಾಡಿದ್ದರೆ, ರಾಧಾಕೃಷ್ಣ ಮೂವತ್ತೇಳು ವರ್ಷಗಳಿಂದಲೂ ಸಾಹಸಸಿಂಹನ ದೇಖಾರೇಖಿ ನೋಡಿಕೊಳ್ಳುತ್ತಿದ್ದರು. ಆದರೆ ವಿಷ್ಣು ಮರೆಯಾದ ಬಳಿಕ ಅವರ ಮನೆಯಲ್ಲಿ ಎಲ್ಲವೂ ಅದಲು ಬದಲಾದ ಕಾರಣದಿಂದ ಶ್ರೀಧರ್ ಮತ್ತು ರಾಧಾ ಕರುಳ ಬಳ್ಳಿ ಕಡಿದುಕೊಂಡಂಥಾ ಸಂಕಟದಿಂದಲೇ ಆ ಮನೆಯಿಂದ ಹೊರ ಬಿದ್ದು ಬದುಕು ಕಟ್ಟಿಕೊಂಡಿದ್ದಾರೆ. ತಮ್ಮ ನೋವೇನೇ ಇದ್ದರೂ ವಿಷ್ಣುವರ್ಧನ್ ಅವರ ಆಶೀರ್ವಾದದಿಂದಲೇ ಆರಾಮಾಗಿದ್ದೇವೆಂಬ ನಂಬಿಕೆ ಇವರಿಬ್ಬರದ್ದು.

ಶ್ರೀಧರ್ ವಿಷ್ಣು ಮನೆಯಿಂದ ಹೊರ ಬಿದ್ದು ಈಗ ಐದಾರು ವರ್ಷ ಕಳೆದಿದೆ. ವಿಷ್ಣು ಇದ್ದಾಗಲೇ ಶ್ರೀಧರ್‌ಗೊಂದು ಸೈಟು ಕೊಟ್ಟಿದ್ದರಲ್ಲಾ? ಅದರಲ್ಲಿ ತಾವೇ ಮುಂದೆ ನಿಂತು ಚೆಂದದ್ದೊಂದು ಮನೆ ಕಟ್ಟಿಕೊಡುವ ಮನಸನ್ನೂ ಹೊಂದಿದ್ದರು. ಆದರೆ ಅದಕ್ಕೂ ಮೊದಲೇ ಅವರು ಮರೆಯಾದ ಬಳಿಕ ಅಲ್ಲಿ ಮನೆ ಮಗನಂತಿದ್ದ ಶ್ರೀಧರ್ ಪರಕೀಯರಂತಾಗಿದ್ದರು. ಕಡೆಗೂ ಅಲ್ಲಿಂದ ಹೊರ ಬಿದ್ದಿರೋ ಶ್ರೀಧರ್ ಅಡುಗೆ ಕೆಲಸವನ್ನೂ ಬಿಟ್ಟು ಖಾಸಗಿ ಕಂಪೆನಿ ಒಂದರಲ್ಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ.

ಇನ್ನು ವಿಷ್ಣುವರ್ಧನ್ ಅವರ ಸಿನಿಮಾ ಸಂಬಂಧಿತವಾದ ಎಲ್ಲ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಲೇ ಬಲಗೈ ಬಂಟ ಅಂತಲೇ ಗುರುತಿಸಿಕೊಂಡಿದ್ದವರು ರಾಧಾಕೃಷ್ಣ. ಅವರು ರಾಧಾ ಅಂತಲೇ ಕರೆಸಿಕೊಳ್ಳುತ್ತಿದ್ದರು. ಆದರೆ ವಿಷ್ಣು ಮರೆಯಾದ ನಂತರ ಅವರ ಸ್ಥಾನಮಾನವೂ ಆ ಮನೆಯಲ್ಲಿ ದಯನೀಯವಾಗಿತ್ತು. ಅಖಂಡ ಮೂರು ದಶಕಗಳ ಕಾಲ ಒಡನಾಡಿದ್ದ ಮನೆ. ವಿಷ್ಣು ಅವರೆಡೆಗಿನ ಸೆಂಟಿಮೆಂಟು ರಾಧಾರನ್ನು ಆ ಮನೆಯಲ್ಲಿಯೇ ಉಳಿಸಿತ್ತು. ಆದರೆ ವಿಷ್ಣು ಮರೆಯಾದ ನಂತರ ಬೇರ್‍ಯಾವ ಕೆಲಸವನ್ನೂ ಹೇಳದೆ ಸತಾಯಿಸುತ್ತಾ ಈ ಮನೆಯಲ್ಲಿ ಪದೇ ಪದೆ ಅವಮಾನ ಎದುರಾಗಿತ್ತು. ಇದನ್ನು ತಡಕೊಳ್ಳಲಾರದೆ ಅವರು ಎರಡು ವರ್ಷಗಳ ಹಿಂದೆ ಕೆಲಸ ಬಿಟ್ಟಿದ್ದಾರೆ.

ರಾಧಾಗೂ ವಿಷ್ಣು ಒಂದು ನಿವೇಶನ ಕೊಟ್ಟಿದ್ದರಂತೆ. ಅದರ ಹೊರತಾಗಿ ರಾಧಾಗಿರುವುದು ಡ್ರೈವಿಂಗ್ ಕಲೆ ಮಾತ್ರ. ಅವಮಾನ ತಡೆಯಲಾರದೆ ವಿಷ್ಣು ಮನೆಯಿಂದ ಹೊರ ಬಿದ್ದ ರಾಧಾ ಹೇಗೋ ಕಷ್ಟಪಟ್ಟು ಇನೋವಾ ಕಾರು ಕೊಂಡು ಅದನ್ನು ಬಾಡಿಗೆಗೆ ಓಡಿಸಿಕೊಂಡು ಬದುಕು ನಡೆಸುತ್ತಿದ್ದಾರೆ. ಇದರಿಂದಲೇ ಮಗನ ಇಂಜಿನೀರಿಂಗ್ ಓದು ಮತ್ತು ಸಂಸಾರ ನಿರ್ವಹಣೆ ಮಾಡುತ್ತಿದ್ದಾರೆ. ಆದರೆ ಭಾರತಿ ಮೇಡಂ ಮತ್ತು ಅನಿರುದ್ಧ ಮಾತ್ರ ಯಾರ್‍ಯಾರದ್ದೋ ಮಾತು ಕೇಳಿ ವಿಷ್ಣು ಆತ್ಮದಂಥಾ ಸಂಬಂಧಗಳನ್ನೇ ಬೀದಿಪಾಲು ಮಾಡುತ್ತಿದ್ದಾರೆ. ಬದುಕಿದ್ದಷ್ಟೂ ದಿನ ಇಂಥಾ ಹತ್ತಿರದ ಬಂಧಗಳನ್ನು ಗೌರವಿಸುತ್ತಿದ್ದ ವಿಷ್ಣು ಆತ್ಮ ತನ್ನ ಮನೆಯಲ್ಲೇ ಆಗುತ್ತಿರೋ ಪಲ್ಲಟಗಳನ್ನು ಕಂಡು ನಿಜಕ್ಕೂ ಒದ್ದಾಡುತ್ತಿರಬಹುದು!

ಯಾರಿವನು ನಾಯಿರಾಜ?

ವಿಷ್ಣು ಇದ್ದಾಗ ಅವರ ಮನೆಯಲ್ಲಿದ್ದ ಡ್ರೈವರುಗಳು, ಕೆಲಸದವರು, ಅಡುಗೆಯವರೆಲ್ಲಾ ಮನೆ ತೊರೆಯಲು ಮುಖ್ಯ ಕಾರಣ ರಾಜು ಎನ್ನುವ ವ್ಯಕ್ತಿ. ಆರಂಭದಲ್ಲಿ ವಿಷ್ಣು ಮನೆಯಲ್ಲಿ ಸಾಕಿದ್ದ ನಾಯಿಗಳನ್ನು ನೋಡಿಕೊಳ್ಳುತ್ತಿದ್ದ ಈತ ಕ್ರಮೇಣ ಡ್ರೈವರ್ ಪೋಸ್ಟ್ ಪಡೆದ. ನಾಯಿಗಳ ಜೊತೆ ಮನೆಯ ಹೊರಗಿದ್ದವನು ಒಳಗೆ ಬರುತ್ತಿದ್ದಂತೇ ದಿನೇ ದಿನೇ ಉಳಿದ ಕೆಲಸಗಾರರ ಮೇಲೆ ದಬ್ಬಾಳಿಗೆ ಮಾಡಿ ಒಬ್ಬೊಬ್ಬರನ್ನೇ ಮನೆಯಿಂದ ಹೊರಹಾಕಿದ ಅನ್ನೋ ಮಾತಿದೆ. ಕೆಲಸಕ್ಕಿರುವವರು ಹೆಚ್ಚು ಮಾತಾಡಿದರೆ ತನ್ನ ಹುಡುಗರನ್ನು ಅವರ ಮನೆಗೇ ಕಳಿಸಿ ಬೆದರಿಸುತ್ತಾನಂತೆ.

ಸಿಂಹ ಬಾಳಿದ ಮನೆಯಲ್ಲಿ ಈಗ ಸಿಂಗ್ರಿ ರಾಜನದ್ದೇ ದರ್ಬಾರಂತೆ. ಇದರ ಪ್ರತಿಫಲವಾಗಿ ಅಭಿನಯ ಭಾರ್ಗವನ ಮನೆಯೀಗ ಅಂಬೋ ಅನ್ನುವಂತಾಗಿದೆ. ಸಮಾಧಿಯ ವಿಚಾರದಲ್ಲಿ ನೂರೆಂಟು ರಾಜಕೀಯ, ಬದುಕಿದ್ದ ಮನೆಯಲ್ಲಿ ನಂಬಿಕಸ್ಥರೇ ಇಲ್ಲ… ವಿಷ್ಣು ಆತ್ಮ ಎಷ್ಟು ಕೊರಗುತ್ತಿದೆಯೋ…

ಬ್ರೇಕಿಂಗ್ ನ್ಯೂಸ್

ಅಂಬಿ ಇಲ್ಲದ ಚಿತ್ರರಂಗ ತಬ್ಬಲಿ ಹೆಬ್ಬುಲಿ ನಿರ್ಮಾಪಕ ರಘುನಾಥ್ ಶ್ರದ್ಧಾಂಜಲಿ

Published

on

ಸುದೀಪ್ ನಟಿಸಿದ್ದ ಹೆಬ್ಬುಲಿಯಂಥಾ ಚಿತ್ರವನ್ನು ನಿರ್ಮಾಣ ಮಾಡಿದ್ದ ಎಸ್ ಆರ್ ವಿ ಪ್ರೊಡಕ್ಷನ್ಸ್ ಮಾಲೀಕ ರಘುನಾಥ್ ಅಂಬರೀಶ್ ಗೆ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.
ಕನ್ನಡಿಗರ ಪ್ರೀತಿಯ ರೆಬೆಲ್ ಸ್ಟಾರ್ ಅಂಬರೀಶ್ ಅವರು ನಮ್ಮನ್ನೆಲ್ಲ ಅಗಲಿರುವುದು ವಿಷಾಧದ ಸಂಗತಿ. ಅವರು ನಮ್ಮ ಚಿತ್ರರಂಗದ ಯಜಮಾನನಂತಿದ್ದರು. ಅವರ ಅಗಲಿಕೆಯಿಂದ ಕನ್ನಡ ಚಿತ್ರರಂಗ ಮತ್ತು ನಾವೆಲ್ಲರೂ ತಬ್ಬಲಿಗಳಂತಾಗಿದ್ದೆವೆ. ಅವರ ಸ್ಫೂರ್ತಿಯಿಂದಲೇ ನಾನು ಚಿತ್ರರಂಗಕ್ಕೆ ನಿರ್ಮಾಪಕನಾಗಿ ಬಂದು ಹೆಬ್ಬುಲಿಯಂಥಾ ಸಿನಿಮಾ ಮೂಲಕ ನಿರ್ಮಾಪಕನಾಗಿದ್ದೇನೆ.

ಇಂದು ಆರಾಧ್ಯ ದೈವದಂತಾ ನಾಯಕನನ್ನು ಕಲೆದುಕೊಂಡು ದುಃಖಿತನಾಗಿದ್ದೇನೆ. ಭಗವಂತ ಅವರ ಆತ್ಮಕ್ಕೆ ಚಿರಶಾಂತಿಯನ್ನು ನೀಡಲಿ. ಅವರ ಕುಟುಂಬಕ್ಕೆ ಈ ದುಃಖವನ್ನು ಭರಿಸಿಕೊಳ್ಳುವ ಶಕ್ತಿ ನೀಡಲಿ ಎಂದು ಪ್ರಾರ್ಥಿಸುತ್ತೇನೆ ಅನ್ನುವ ಮೂಲಕ ರಘುನಾಥ್ ತಾವು ಬಹುವಾಗಿ ಆರಾಧಿಸುತ್ತಿದ್ದ ಅಂಬರೀಶ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

Continue Reading

ಬ್ರೇಕಿಂಗ್ ನ್ಯೂಸ್

ಅಂಬಿಗೆ ಸುಧೀಂದ್ರ ವೆಂಕಟೇಶ್ ಸಹೋದರರ ಶ್ರದ್ಧಾಂಜಲಿ, ಸುಧೀಂದ್ರರನ್ನು ನಿಮಾಪಕರನ್ನಾಗಿಸಿದ್ದ ಕರ್ಣ!

Published

on


ಕಲಿಯುಗದ ಕರ್ಣ ಎಂದೇ ಖ್ಯಾತರಾಗಿದ್ದ ಅಂಬರೀಶ್ ಅವರ ಋಣ ಒಂದಲ್ಲಾ ಒಂದು ರೀತಿಯಲ್ಲಿ ಚಿತ್ರರಂಗದ ಎಲ್ಲರ ಮೇಲೂ ಇದೆ. ಯಾರಿಗೇ ಆದರೂ ಸಹಾಯಕ್ಕಾಗಿ ಸದಾ ಮುಂದಿರುತ್ತಿದ್ದ ಅಂಬಿ ಅನೇಕರ ಗೆಲುವಿಗೆ ಪ್ರೇರಕ ಶಕ್ತಿಯಾಗಿದ್ದವರು. ಕನ್ನಡ ಚಿತ್ರರಂಗದ ಖ್ಯಾತ ಪ್ರಚಾರಕರ್ತರಾಗಿದ್ದ ಡಿ.ವಿ ಸುಧೀಂದ್ರ ಅವರನ್ನು ‘ಒಲವಿನ ಉಡುಗೊರೆ’ ಚಿತ್ರದ ಮೂಲಕ ನಿರ್ಮಾಪಕರನ್ನಾಗಿಸಿದ್ದೂ ಕೂಡಾ ಅಂಬರೀಶ್ ಅವರೇ!

ಅಂಬಿ ನಿರ್ಗಮಿಸಿದ ದುಃಖದಲ್ಲಿರುವ ಪ್ರಚಾರಕರ್ತ ಸುಧೀಂದ್ರ ವೆಂಕಟೇಶ್ ಅದನ್ನು ನೆನಪಿಸಿಕೊಂಡೇ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ. ರಾಘವೇಂದ್ರ ಚಿತ್ರವಾಣಿಯ ಜನಕ ಡಿ.ವಿ ಸುಧೀಂದ್ರ ರವರ ನಿರ್ಮಾಣದ ‘ಒಲವಿನ ಉಡುಗೊರೆ’ ಚಿತ್ರದ ಮೂಲಕ ಸುಧೀಂದ್ರ ರವರನ್ನು ನಿರ್ಮಾಪಕನ ಪಟ್ಟಕ್ಕೆ ಕೂರಿಸಿದ ಕಲಿಯುಗದ ಕರ್ಣ ಕನ್ನಡ ಚಿತ್ರರಂಗದ ಹಿರಿಯಣ್ಣ ರೆಬಲ್ ಸ್ಟಾರ್ ಅಂಬರೀಶ್ ರವರ ಅಗಲಿಕೆಯಿಂದ ನಮ್ಮ ಕುಟುಂಬದ ಹಾಗೂ ನಮ್ಮೆಲ್ಲರ ಮನಸ್ಸು ಆಘಾತದಿಂದ ದುಃಖಿತವಾಗಿದೆ ಎಂದು ರಾಘವೇಂದ್ರ ಚಿತ್ರವಾಣಿ ಸಂಸ್ಥೆಯ ಪರವಾಗಿ ಸುಧೀಂದ್ರ ವೆಂಕಟೇಶ್, ವಾಸು ಮತ್ತು ಸನೀಲ್ ಸಹೋದರರು ಅಂಬರೀಶ್ ಅವರಿಗೆ ಭಕ್ತಿ ಪೂರ್ವಕ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

ಡಿ.ವಿ ಸುಧೀಂದ್ರ ಅಂಬರೀಶ್ ಅವರಿಗೆ ಆಪ್ತರಾಗಿದ್ದವರು. ಅವರು ನಿಧನ ಹೊಂದಿದ ನಂತರ ರಾಘವೇಂದ್ರ ಚಿತ್ರವಾಣಿ ಸಂಸ್ಥೆಯ ಸಾರಥ್ಯ ವಹಿಸಿಕೊಂಡಿದ್ದವರು ಸುಧೀಂದ್ರ ವೆಂಕಟೇಶ್. ಅವರೂ ಕೂಡಾ ಅಂಬರೀಶ್‌ರೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದವರು. ಸುಧೀಂದ್ರ ಪಾಲಿಗೂ ಅಂಬಿ ಮಾರ್ಗದರ್ಶಕರಾಗಿದ್ದರು. ರಾಘವೇಂದ್ರ ಚಿತ್ರವಾಣಿಒ ಎಂಬ ಸುಧೀಮದ್ರ ಅವರ ಕನಸನ್ನು ಸಮರ್ಥವಾಗಿ ಮುಂದುವರೆಸುತ್ತಿರೋ ವೆಂಕಟೇಶ್ ಅವರ ಬಗ್ಗೆ ಅಂಬಿ ಮೆಚ್ಚುಗೆಯನ್ನೂ ಹೊಂದಿದ್ದರು.

 

Continue Reading

ಬ್ರೇಕಿಂಗ್ ನ್ಯೂಸ್

ಅಂಬಿ ಸಾವಲ್ಲೂ ದ್ವೇಷ ಸಾಧಿಸಿದಳೇ ರಮ್ಯಾ? ಅಂತಃಕರಣದ ಕರ್ಣನಿಗೆ ಇದೆಂಥಾ ಅವಮಾನ?

Published

on

ಕಲಿಯುಗದ ಕಣ್ಣ ಅಂಬರೀಶ್ ಸಾವಿಗೆ ಇಂಡಿಯಾದ ಅಷ್ಟ ದಿಕ್ಕುಗಳಿಂದಲೂ ಸಂತಾಪ ಸೂಚಿಸಲಾಗುತ್ತಿದೆ. ಯಾವ್ಯಾವುದೋ ಮೂಲೆಯಲ್ಲಿದ್ದವರೂ ಕೂಡ ಓಡೋಡಿ ಬಂದು ಅಂಬರೀಶ್ ಅವರ ಅಂತಿಮ ದರ್ಶನ ಪಡೆದಿದ್ದಾರೆ. ಅಷ್ಟು ದೂರದ ಸ್ವೀಡನ್ ದೇಶದಲ್ಲಿದ್ದ ದರ್ಶನ್ ಕೂಡಾ ತರಾತುರಿಯಿಂದ ಮರಳಿದ್ದಾರೆ. ಇದೆಲ್ಲದಕ್ಕೆ ಕಾರಣವಾಗಿರೋದು ಅಂಬಿಯ ವ್ಯಕ್ತಿತ್ವದಲ್ಲಿದ್ದ ಸ್ನೇಹಶೀಲತೆ ಮತ್ತು ಹೃದಯ ವಂತಿಕೆ.

ಆದರೆ, ಮಾಜಿ ನಟಿ ಮತ್ತು ಹಾಲಿ ರಾಜಕಾರಣಿ ರಮ್ಯಾ ಮಾತ್ರ ಇದಕ್ಕೆ ತದ್ವಿರುದ್ಧ. ಅಂಬಿ ಸಾವಿನ ಸುದ್ದಿ ತಿಳಿದು ಅದೆಷ್ಟೋ ಕಾಲವಾದ ನಂತರ ಟ್ವಿಟರ್ ಮೂಲಕವೇ ಇಂಗ್ಲಿಷಿನಲ್ಲಿ ಸಂತಾಪದಂಥಾದ್ದನ್ನು ಸೂಚಿಸಿದ ರಮ್ಯಾ ದೆಹಲಿಯಲ್ಲೋ, ಇನ್ನೆಲ್ಲೋ ಕಳೆದು ಹೋಗಿದ್ದಾಳೆ. ಇದೀಗ ಮಂಡ್ಯದ ಜನ ಈ ಜಂಭದ ಕೋಳಿಗೆ ಮಕ ಮಕ ಉಗಿದು ಆಕ್ರೋಶ ವ್ಯಕ್ತಪಡಿಸುತ್ತಿರೋದು ಈ ಕಾರಣಕ್ಕಾಗಿಯೇ!

ಸಿನಿಮಾ ನಟಿಯಾಗಿದ್ದ ಈಕೆ ರಾಠಜಕಾರಣಿಯಾಗಿ ಕಾಂಗ್ರೆಸ್‌ನ ಅಂತಃಪುರ ಸೇರಿಕೊಂಡಿದ್ದಾಳಲ್ಲಾ? ಅದಕ್ಕೆ ನಿಜವಾಗಿಯೂ ಕಾರಣವಾಗಿರೋದು ರೆಬೆಲ್ ಸ್ಟಾರ್ ಅಂಬರೀಶ್. ಈಕೆ ಮಂಡ್ಯ ಕ್ಷೇತ್ರದಿಂದ ಲೋಕಸಭಾ ಚುನಾವಣೆಗೆ ಸ್ಪರ್ಧಿಸಿದ್ದಾಗ ಜನ ಓಟು ಹಾಕಿ ಗೆಲ್ಲಿಸಿದ್ದೂ ಕೂಡಾ ಅಂಬರೀಷಣ್ಣನ ಮುಖ ನೋಡಿಯೇ. ಆದರೆ ಈಕೆ ಹಾಗೆ ಗೆದ್ದು ದೆಹಲಿ ಸೇರಿಕೊಂಡವಳೇ ಅಂಬಿಗೇ ಉಲ್ಟಾ ಹೊಡೆದದ್ದು, ಎರಡನೇ ಸಲ ಸ್ಪರ್ಧಿಸಿ ಗೋತಾ ಹೊಡೆದದ್ದೆಲ್ಲವೂ ಈಗ ಇತಿಹಾಸ.

ಈ ರಾಜಕೀಯ ಕಾರಣಗಳಿಂದಾಗಿ ಅಂಬಿಯನ್ನು ಎದುರು ಹಾಕಿಕೊಂಡಿದ್ದ ರಮ್ಯಾ ಅವರು ನಿಧನರಾದಾಗಲೂ ಹಳೇ ದ್ವೇಷವನ್ನೇ ಮುಂದುವರೆಸಿದ್ದಾಳೆ. ಆಕೆಗೇನಾದರೂ ಮನುಷ್ಯತ್ವ ಇದ್ದಿದ್ದರೆ ಮಂಡ್ಯಕ್ಕೆ ಬರುತ್ತಿದ್ದಳು. ಅಂಬರೀಶ್ ಅವರ ಪಾರ್ಥಿವ ದೇಹದ ದರ್ಶನದ ದೇಖಾರೇಖಿ ನೋಡಿಕೊಳ್ಳುತ್ತಿದ್ದಳು. ಆದರೆ ರಮ್ಯಾ ಮಾತ್ರ ಅದಕ್ಕೂ ತನಗೂ ಸಂಬಂಧವೇ ಇಲ್ಲದಂತೆ ಸುಮ್ಮನಿದ್ದರೆ ಮಂಡ್ಯ ಜನರಿಗೆ ರೋಷ ಉಕ್ಕದಿರುತ್ತದಾ?

ಅಷ್ಟಕ್ಕೂ ಅಂಬರೀಶ್ ಅವರದ್ದು ಯಾರ ವಿರುದ್ಧವೂ ಮಸಲತ್ತು ನಡೆಸೋ ಜಾಯಮಾನವಲ್ಲ. ಎಂಥಾ ಕಲಿಗಳು ರಾಜಕೀಯದ ಅಖಾಡದಲ್ಲಿ ಎದುರಾದಾಗಲೂ ಒಂಟಿಸಲಗದಂತೆಯೇ ಎದುರುಗೊಂಡವರು ಅಂಬಿ. ಷಡ್ಯಂತ್ರ, ಕುತಂತ್ರದ ಮೂಲಕ ಗೆಲ್ಲೋದು ಅವರ ವ್ಯಕ್ತಿತ್ವದಲ್ಲೇ ಇರಲಿಲ್ಲ. ಇಂಥಾ ಅಂಬರೀಶ್ ರಮ್ಯಾಳ ಊಸರವಳ್ಳಿ ಬುದ್ಧಿಯನ್ನೂ ಕೂಡಾ ಆ ನೇರವಂತಿಕೆಯಿಂದಲೇ ದಿಟ್ಟಿಸಿ ಮರೆತೂ ಬಿಟ್ಟಿದ್ದರು. ಬಹುಶಃ ಮುಂದಿನ ಚುನಾವಣೆಯಲ್ಲೇನಾದರೂ ಅವರು ಬದುಕಿದ್ದಿದ್ದರೆ, ರಮ್ಯಾ ಬಂದು ಅಂಕಲ್… ಅಂತ ನಾಕು ಒಳ್ಳೆ ಮಾತಾಡಿದ್ದರೂ ಕರಗಿ ಯಾವ ಕಿಸುರೂ ಇಲ್ಲದೆ ಬೆನ್ನಿಗೆ ನಿಲ್ಲುವ ಅಂತಃಕರಣ ಹೊಂದಿದ್ದ ಜೀವ ಅಂಬರೀಶ್ ಅವರದ್ದು. ಆದರೆ ಹೈಫೈ ಗುಂಗಿನ ಪುಟಗೋಸಿ ತಿಮಿರು ತುಂಬಿಕೊಂಡಿರೋ ರಮ್ಯಾಗೆ ಇದೆಲ್ಲ ಅದು ಹೇಗೆ ಅರ್ಥವಾದೀತು?

Continue Reading
Advertisement
Chitralahari 400 x 600
DJ ENTERTAINMENTS 300 x 600

Trending

Copyright © 2018 Cinibuzz