Connect with us

ಕಲರ್ ಸ್ಟ್ರೀಟ್

ಮಹಿಳಾ ದಿನ ವಿಶೇಷ; ನಾಯಕಿ ಪ್ರಧಾನ ಸಿನಿಮಾಗಳು

Published

on


ಭಾರತೀಯ ಸಿನಿಮಾಗಳಲ್ಲಿ ನಾಯಕಿ ಪ್ರಧಾನ ಚಿತ್ರಗಳಿಗೆ ವಿಶೇಷ ಸ್ಥಾನವಿದೆ. ನರ್ಗಿಸ್ ನಟಿಸಿದ್ದ ಹಿಂದಿ ಚಿತ್ರ ‘ಮದರ್ ಇಂಡಿಯಾ’ (೧೯೫೭) ಕಾಲದಿಂದಲೂ ನಾಯಕಿ ಪ್ರಧಾನ ಚಿತ್ರಗಳು ತಯಾರಾಗುತ್ತಿವೆ. ಬಾಲಿವುಡ್‌ಗೆ ಹೋಲಿಸಿದಲ್ಲಿ ದಕ್ಷಿಣ ಭಾರತದಲ್ಲಿ ನಾಯಕಿ ಕೇಂದ್ರಿತ ಚಿತ್ರಗಳಲ್ಲಿ ಹೆಚ್ಚು ಪ್ರಯೋಗಗಳಾಗಿವೆ. ಇತ್ತೀಚೆಗೆ ತೆರೆಕಂಡ ‘ನಾತಿಚರಾಮಿ’ ಕನ್ನಡ ಸಿನಿಮಾ ಸ್ತ್ರೀ ಸಂವೇದನೆಯನ್ನು ವಿಶಿಷ್ಟವಾಗಿ ನಿರೂಪಿಸಿದ ಪ್ರಯೋಗ.

ಮದರ್ ಇಂಡಿಯಾ: ಮೆಹಬೂಬ್ ಖಾನ್ ನಿರ್ದೇಶನದ ‘ಮದರ್ ಇಂಡಿಯಾ’, ಆಸ್ಕರ್‌ಗೆ ನಾಮನಿರ್ದೇಶನಗೊಂಡ ಮೊದಲ ಭಾರತೀಯ ಚಿತ್ರ. ನಾಯಕಿ ನರ್ಗಿಸ್ ದತ್ ‘ರಾಧಾ’ ಪಾತ್ರದಲ್ಲಿ ಭಾರತೀಯ ಸ್ತ್ರೀಶಕ್ತಿಯನ್ನು ಪ್ರತಿನಿಧಿಸಿದ್ದರು. ಸ್ಮಿತಾ ಪಾಟೀಲ್ ಸ್ತ್ರೀಕೇಂದ್ರಿತ ಚಿತ್ರಗಳಾದ ‘ಭೂಮಿಕಾ’, ‘ಚಕ್ರ’, ‘ಅರ್ಧ ಸತ್ಯ’ ಸೇರಿದಂತೆ ಹಲವು ಕಲಾತ್ಮಕ ಪ್ರಯೋಗಗಳಲ್ಲಿ ಅಭಿನಯಿಸಿದ್ದರು. ಶಬಾನಾ ಆಜ್ಮಿ, ರೇಖಾ ಕಲಾತ್ಮಕ ಚಿತ್ರಗಳ ಮುಂಚೂಣಿ ತಾರೆಯರು. ಹೇಮಾಮಾಲಿನಿ, ಶ್ರೀದೇವಿ ಕಮರ್ಷಿಯಲ್ ನಾಯಕಿಯರಾಗಿ ಹೆಸರು ಮಾಡಿದರು.

ರಂಗನಾಯಕಿ: ಕನ್ನಡ ಚಿತ್ರರಂಗ ಕಂಡ ಶ್ರೇಷ್ಠ ನಿರ್ದೇಶಕ ಪುಟ್ಟಣ್ಣ ಕಣಗಾಲ್‌ರ ಚಿತ್ರಗಳಲ್ಲಿ ನಾಯಕಿಯೇ ಕೇಂದ್ರಬಿಂದು. ‘ಶರಪಂಜರ’, ‘ಗೆಜ್ಜೆಪೂಜೆ’, ‘ಮಸಣದ ಹೂ’, ‘ಮಾನಸ ಸರೋವರ’, ‘ರಂಗನಾಯಕಿ’ ಸೇರಿದಂತೆ ಹಲವು ಸ್ತ್ರೀ ಕೇಂದ್ರಿತ ಚಿತ್ರಗಳ ಮೂಲಕ ಪುಟ್ಟಣ್ಣ ಭಿನ್ನ ಮಾದರಿಯ ಚಿತ್ರಗಳಿಗೆ ನಾಂದಿ ಹಾಡಿದರು. ಕಲ್ಪನಾ, ಆರತಿ, ಜಯಂತಿ, ಭಾರತಿ, ಪದ್ಮಾ ವಾಸಂತಿ ಮತ್ತಿತರ ಶ್ರೇಷ್ಠ ಕಲಾವಿದೆಯರು ಪುಟ್ಟಣ್ಣರ ಚಿತ್ರಗಳ ಮೂಲಕ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದರು. ಈ ಚಿತ್ರಗಳು ನಾಯಕರನ್ನೂ ಚಿತ್ರರಂಗದಲ್ಲಿ ನೆಲೆ ನಿಲ್ಲಿಸಿದ್ದು ವಿಶೇಷ. ಇನ್ನು ಗಿರೀಶ್ ಕಾಸರವಳ್ಳಿ ತಮ್ಮ ‘ತಾಯಿಸಾಹೇಬ’, ‘ದ್ವೀಪ’ ಚಿತ್ರಗಳಲ್ಲಿ ಪಿ.ಶೇಷಾದ್ರಿ ‘ಹಸೀನಾ’ದಲ್ಲಿ ಸ್ತ್ರೀ ಸಂವೇದನೆಯನ್ನು ಆಪ್ತವಾಗಿ ಅನಾವರಣಗೊಳಿಸಿದ್ದರು.

ಲೇಡಿ ಕಮಿಷನರ್: ೯೦ರ ದಶಕದ ಕನ್ನಡ ಚಿತ್ರರಂಗದಲ್ಲಿ ನಾಯಕರಿಗೆ ಸರಿಸಮನಾಗಿ ಮಿಂಚಿದ ತಾರೆ ಮಾಲಾಶ್ರೀ. ಕೌಟುಂಬಿಕ ಚಿತ್ರಗಳಿಗಿಂತಲೂ ಚಿತ್ರಗಳಲ್ಲಿ ಮಾಲಾಶ್ರೀ ಹೆಸರು ಮಾಡಿದರು. ಆಕೆಗೆಂದೇ ಆಗ ನಿರ್ದೇಶಕರು ಕಥೆ ಹೆಣೆಯುತ್ತಿದ್ದರು. ‘ಲೇಡಿ ಕಮಿಷನರ್’, ‘ಎಸ್‌ಪಿ ಭಾರ್ಗವಿ’ ಸೇರಿದಂತೆ ಕೆಲವು ಚಿತ್ರಗಳಲ್ಲಿ ಪೊಲೀಸ್ ಅಧಿಕಾರಿಯಾಗಿ ಅವರು ಯಶಸ್ವಿಯಾಗಿದ್ದರು. ಒಂದೆಡೆ ಮಾಲಾಶ್ರೀ ನಾಯಕಿ ಪ್ರಧಾನ ಚಿತ್ರ ಪ್ರಧಾನ ಚಿತ್ರಗಳಲ್ಲಿ ಮಿಂಚಿದರೆ, ಶ್ರುತಿ ಕಣ್ಣೀರಿನ ಚಿತ್ರಗಳಲ್ಲಿ ಹೆಸರು ಮಾಡಿದರು. ದ್ವಾರಕೀಶ್‌ರ ನಾಯಕಿ ಪ್ರಧಾನ ‘ಶ್ರುತಿ’ ಚಿತ್ರದ ಮೂಲಕ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದ ಶ್ರುತಿಗೆ ಬ್ರೇಕ್ ಕೊಟ್ಟ ಮತ್ತೊಂದು ನಾಯಕಿ ಸಿನಿಮಾ ‘ರಂಜಿತಾ’. ಮುಂದೆ ಹಲವು ನಾಯಕಿಯರಿಗೆ ಇದು ಮೇಲ್ಪಂಕ್ತಿಯಾಯ್ತು. ಇತ್ತೀಚೆಗಷ್ಟೇ ತೆರೆಕಂಡ ‘ನಾತಿಚರಾಮಿ’ ಸ್ತ್ರೀ ಸಂವೇದನೆಯ ಅಪರೂಪದ ಸಿನಿಮಾ. ಸ್ತ್ರೀಯರ ಸಮಸ್ಯೆಗಳನ್ನು ಮೇಲ್ಪದರದಲ್ಲಿ ಹೇಳದೆ ಸೂಕ್ಷ್ಮವಾಗಿ ಚಿತ್ರಿಸುವ ಕಥಾವಸ್ತುವಿನ ಸಿನಿಮಾಗೆ ಇದೊಂದು ಉತ್ತಮ ಉದಾಹರಣೆಯಾಗಿ ಕಾಣಿಸಿದ್ದು ಹೌದು.

ಸೀತಾ ರಾಮು: 80ರ ದಶಕದಲ್ಲಿ ನಾಯಕ ಪ್ರಧಾನ ಕಮರ್ಷಿಯಲ್ ಚಿತ್ರಗಳು ತಯಾರಾದವು. ‘ಸೀತಾ ರಾಮು’ ಚಿತ್ರದಲ್ಲಿ ಮಂಜುಳಾ, ‘ಧೈರ್ಯಲಕ್ಷ್ಮಿ’ಯಲ್ಲಿ ಲಕ್ಷ್ಮಿ, ‘ರಣಚಂಡಿ’ಯಲ್ಲಿ ರಾಧಿಕಾ, ‘ಭದ್ರಕಾಳಿ’ಯಲ್ಲಿ ಮಹಾಲಕ್ಷ್ಮಿ, ‘ಬೆಂಕಿಯಲ್ಲಿ ಅರಳಿದ ಹೂ’ ಚಿತ್ರದಲ್ಲಿ ಸುಹಾಸಿನಿ, ‘ಸ್ವಾತಿ’ಯಲ್ಲಿ ಸುಧಾರಾಣಿ ಗಮನ ಸೆಳೆದಿದ್ದರು. ನಟರಾದ ಶಶಿಕುಮಾರ್, ಶ್ರೀಧರ್, ಸುನೀಲ್, ರಾಮ್‌ಕುಮಾರ್, ಅಭಿಜಿತ್, ‘ನಾಯಕಿ’ಯರ ಚಿತ್ರಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡ ಹೀರೋಗಳು.

ಲೇಡಿ ಅಮಿತಾಭ್: ತೆಲುಗು ನಟಿ ವಿಜಯಶಾಂತಿ ‘ಲೇಡಿ ಅಮಿತಾಭ್’ ಎಂದೇ ಹೆಸರಾಗಿದ್ದರು. ೯೦ರ ದಶಕದಲ್ಲಿ ತೆಲುಗು, ತಮಿಳಿನಲ್ಲಿ ವಿಜಯಶಾಂತಿ ಅವರಿಗಾಗಿಯೇ ಚಿತ್ರಗಳು ತಯಾರಾಗುತ್ತಿದ್ದವು. ೬೦-೭೦ರ ದಶಕದ ಸೆಂಟಿಮೆಂಟ್ ತೆಲುಗು ಚಿತ್ರಗಳಲ್ಲಿ ನಟಿ ಜಮುನಾ, ಸಾವಿತ್ರಿ ಅವರಿಗೆ ವಿಶೇಷ ಪಾತ್ರಗಳಿರುತ್ತಿದ್ದವು. ಇದೇ ವೇಳೆ ತಮಿಳಿನಲ್ಲಿ ಸರಿತಾ, ಜಯಂತಿ, ಸರೋಜಾದೇವಿ ಮಿಂಚುತ್ತಿದ್ದರು. ಮಲಯಾಳಂನಲ್ಲಿ ಶಾರದಾ, ಶೀಲಾ ಸ್ತ್ರೀ ಪ್ರಧಾನ ಚಿತ್ರಗಳ ತಾರೆಯರು. ‘ಬ್ರಹ್ಮಗಂಟು’, ‘ಎರಡು ರೇಖೆಗಳು’ ಸೇರಿದಂತೆ ಮತ್ತೆ ಕೆಲವು ಚಿತ್ರಗಳಲ್ಲಿ ಸರಿತಾ ಕನ್ನಡಿಗರ ಮನಸೂರೆಗೊಂಡರು.

Advertisement
Click to comment

Leave a Reply

Your email address will not be published. Required fields are marked *

ಕಲರ್ ಸ್ಟ್ರೀಟ್

ನಾನಿ ಜೊತೆ ಕನ್ನಡತಿ ಶ್ರದ್ಧಾ ಲಿಪ್ ಲಾಕ್!

Published

on

ಯೂ ಟರ್ನ್ ಚಿತ್ರದಿಂದಲೇ ಪ್ರವರ್ಧಮಾನಕ್ಕೆ ಬಂದ ಅಪ್ಪಟ ಕನ್ನಡತಿ ಶ್ರದ್ಧಾ ಶ್ರೀನಾಥ್. ಈ ಸಿನಿಮಾ ಕಾರಣದಿಂದಲೇ ಒಂದಷ್ಟು ಅವಕಾಶಗಳನ್ನು ತನ್ನದಾಗಿಸಿಕೊಂಡಿರೋ ಈಕೆಯೀಗ ಕನ್ನಡಕ್ಕಿಂತಲೂ ಬೇರೆ ಭಾಷೆಗಳಲ್ಲಿಯೇ ಹೆಚ್ಚು ಅವಕಾಶಗಳನ್ನು ಹೊಂದಿದ್ದಾಳೆ. ಕನ್ನಡದಲ್ಲಿ ಈಕೆ ಡೀಸೆಂಟಾದ ಪಾತ್ರಗಳಲ್ಲಿಯೇ ಕಾಣಿಸಿಕೊಂಡಿದ್ದು ಹೆಚ್ಚು. ಆದರೆ ತೆಲುಗು ಚಿತ್ರವೊಂದಕ್ಕಾಗಿ ಶ್ರದ್ಧಾ ನಟ ನಾನಿ ಜೊತೆ ಲಿಪ್ ಲಾಕ್ ಮಾಡಿರೋ ದೃಷ್ಯಾವಳಿಗಳೀಗ ವೈರಲ್ ಆಗಿ ಬಿಟ್ಟಿವೆ!

ಶ್ರದ್ಧಾ ಶ್ರೀನಾಥ್ ತೆಲುಗಿನ ಜೆರ್ಸಿ ಎಂಬ ಚಿತ್ರದಲ್ಲಿ ನಾನಿಗೆ ನಾಯಕಿಯಾಗಿ ನಟಿಸುತ್ತಿರೋ ವಿಚಾರ ಗೊತ್ತೇ ಇದೆ. ಇತ್ತೀಚೆಗಷ್ಟೇ ಈ ಚಿತ್ರದ ಪ್ರಮೋಷನಲ್ ಸಾಂಗ್ ಒಂದು ಬಿಡುಗಡೆಯಾಗಿದೆ. ಅದರಲ್ಲಿರೋ ಒಂದು ದೃಷ್ಯ ಕಂಡು ಕನ್ನಡದ ಶ್ರದ್ಧಾ ಅಭಿಮಾನಿಗಳು ದಿಗಿಲುಗೊಂಡಿದ್ದಾರೆ!


ನಾನಿ ಜೊತೆ ಶ್ರದ್ಧಾ ಲಿಪ್ ಲಾಕ್ ಮಾಡಿರೋ ಅದೊಂದು ದೃಷ್ಯವೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಬಿಟ್ಟಿದೆ. ಈ ಮೂಲಕ ಶ್ರದ್ಧಾ ಶ್ರೀನಾಥ್ ಈ ಸಿನಿಮಾದಲ್ಲಿ ಕನ್ನಡಕ್ಕಿಂತಲೂ ಭಿನ್ನವಾದ ಗೆಟಪ್ಪಿನಲ್ಲಿಯೇ ಕಾಣಿಸಿಕೊಂಡಿದ್ದಾರೆಂಬ ಸುಳಿವೂ ಸಿಕ್ಕಿದೆ. ಈ ಸಿನಿಮಾದಲ್ಲಿ ನಾನಿ ಕ್ರಿಕೆಟಿಗನೊಬ್ಬನ ಪಾತ್ರಕ್ಕೆ ಜೀವ ತುಂಬಿದ್ದರೆ, ಶ್ರದ್ಧಾ ಕೂಡಾ ನಾಯಕಿಯಾಗಿ ಒಳ್ಳೆ ಪಾತ್ರವನ್ನೇ ತನ್ನದಾಗಿಸಿಕೊಂಡಿದ್ದಾರಂತೆ.

ಶ್ರದ್ಧಾ ಈಗ ತೆಲುಗು ಮಾತ್ರವಲ್ಲದೇ ತಮಿಳು ಚಿತ್ರರಂಗಕ್ಕೂ ಪಾದಾರ್ಪಣೆ ಮಾಡಿದ್ದಾರೆ. ಭರತ್ ನೀಲಕಂಠನ್ ನಿರ್ದೇಶನದ ತಮಿಳಿನ ಕೆ ೧೩ ಎಂಬ ಚಿತ್ರದಲ್ಲಿಯೂ ಶ್ರದ್ಧಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಇನ್ನುಳಿದಂತೆ ಈ ಲಿಪ್ ಲಾಕ್ ದೃಷ್ಯಗಳ ಜೆರ್ಸಿ ಚಿತ್ರ ಏಪ್ರಿಲ್ ಹತ್ತೊಂಬತ್ತರಂದು ತೆರೆ ಕಾಣಲಿದೆಯಂತೆ.

Continue Reading

ಕಲರ್ ಸ್ಟ್ರೀಟ್

ನಟಿ ಎಲ್.ವಿ.ಶಾರದಾ ಇನ್ನಿಲ್ಲ

Published

on

‘ಫಣಿಯಮ್ಮ’ ಸಿನಿಮಾ ಖ್ಯಾತಿಯ ನಟಿ ಎಲ್.ವಿ.ಶಾರದಾ (78 ವರ್ಷ) ಇಂದು ಬೆಳಗ್ಗೆ ಅಗಲಿದ್ದಾರೆ. ‘ವಂಶವೃಕ್ಷ’ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಿದ ಅವರು ಚೊಚ್ಚಲ ಚಿತ್ರಕ್ಕೇ ರಾಜ್ಯ ಸರ್ಕಾರದ ಶ್ರೇಷ್ಠನಟಿ ಪ್ರಶಸ್ತಿ ಪಡೆದರು. ನಂತರ ಪ್ರೇಮಾಕಾರಂತ ನಿರ್ದೇಶನದ ‘ಫಣಿಯಮ್ಮ’ ಚಿತ್ರದ ಪಾತ್ರ ಅವರಿಗೆ ಜನಪ್ರಿಯತೆ ತಂದುಕೊಟ್ಟಿತು. ಸಿದ್ದಲಿಂಗಯ್ಯ ನಿರ್ದೇಶನದ ‘ಬೂತಯ್ಯನ ಮಗ ಅಯ್ಯು’ ಅವರ ಮತ್ತೊಂದು ಪ್ರಮುಖ ಸಿನಿಮಾ. ವ್ಯಾಪಾರಿ ಚಿತ್ರಗಳ ಬಗ್ಗೆ ಆಸಕ್ತಿ ತೋರದ ಅವರು ಕಲಾತ್ಮಕ ಚಿತ್ರಗಳಿಗೆ ತಮ್ಮನ್ನು ಸೀಮಿತಗೊಳಿಸಿಕೊಂಡಿದ್ದರು. ‘ವಾತ್ಸಲ್ಯ’ ಚಿತ್ರದ ಅಭಿನಯಕ್ಕಾಗಿ ಅವರಿಗೆ ಶ್ರೇಷ್ಠ ಪೋಷಕ ನಟಿ ರಾಜ್ಯ ಪ್ರಶಸ್ತಿ ಸಂದಿದೆ. ‘ಆದಿ ಶಂಕರಾಚಾರ್ಯ’, ‘ಮಧ್ವಾಚಾರ್ಯ’, ‘ನಕ್ಕಳಾ ರಾಜಕುಮಾರಿ’, ‘ಒಂದು ಪ್ರೇಮದ ಕಥೆ’ ಅವರ ಇತರೆ ಕೆಲವು ಸಿನಿಮಾಗಳು.

ನಟನೆಯಿಂದ ವಿಮುಖರಾದ ನಂತರ ಶಾರದಾ ಸಾಕ್ಷ್ಯಚಿತ್ರ ನಿರ್ಮಾಣ, ನಿರ್ದೇಶನದಲ್ಲಿ ತೊಡಗಿಸಿಕೊಂಡಿದ್ದರು. ಬೆಂಗಳೂರು ಕೆರೆಗಳ ಬಗ್ಗೆ ಅವರು ತಯಾರಿಸಿದ ‘ಕೆರೆ ಹಾಡು’ ವಿಶೇಷ ಮನ್ನಣೆಗೆ ಪಾತ್ರವಾಗಿತ್ತು. ‘ಮೈಸೂರು ವೀಣೆ’ ಕುರಿತ ಸಾಕ್ಷ್ಯಚಿತ್ರವೂ ಸೇರಿದಂತೆ ದೂರದರ್ಶನಕ್ಕಾಗಿ ಅವರು ಕೆಲವು ಸಾಕ್ಷ್ಯಚಿತ್ರಗಳನ್ನು ತಯಾರಿಸಿದ್ದರು. ದಶಕಗಳ ಹಿಂದೆ ತ್ರಿವೆಂಡ್ರಮ್‌ನಲ್ಲಿ ನಡೆದ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ ಅವರು ಜ್ಯೂರಿ ಸದಸ್ಯೆಯಾಗಿ ಕಾರ್ಯನಿರ್ವಹಿಸಿದ್ದರು. ರಾಜ್ಯರಾಜಕಾರಣದಲ್ಲಿ ಹೆಸರು ಮಾಡಿದ್ದ ಎಲ್.ಎಸ್.ವೆಂಕಾಜಿರಾಯರ ಪುತ್ರಿ ಎಲ್.ವಿ.ಶಾರದಾ.

 

(ಫೋಟೋ: ಪ್ರಗತಿ ಅಶ್ವತ್ಥ ನಾರಾಯಣ)

Continue Reading

ಕಲರ್ ಸ್ಟ್ರೀಟ್

ಮೆಣಸಿನಕಾಯಿಯ ಮಗ್ಗುಲಲ್ಲಿ ಸಿಕ್ಕಿಬಿದ್ದಳು ಮಳೆಹುಡುಗಿ!

Published

on


ಮುಂಗಾರು ಮಳೆ ಚಿತ್ರದ ಮೂಲಕವೇ ಚಿಗುರಿಕೊಂಡವಳು ನಟಿ ಪೂಜಾಗಾಂಧಿ. ಆ ನಂತರದಲ್ಲಿ ಈಕೆ ಸಿನಿಮಾಗಳ ಮೂಲಕ ಸದ್ದು ಮಾಡಿದ್ದಕ್ಕಿಂತಲೂ ಹೆಚ್ಚಾಗಿ ದೋಖಾ ಬಾಜಿಗಳ ಮೂಲಕ ವಿವಾದವೆಬ್ಬಿಸಿದ್ದೇ ಹೆಚ್ಚು. ಇಂಥಾ ಪೂಜಾ ಕಂಡೋರಿಗೆಲ್ಲ ಮುಂಡಾಯಿಸಿ ಮುಖ ಮುಚ್ಚಿಕೊಂಡು ಓಡಾಡುವ ಸ್ಥಿತಿ ಬಂದಿತ್ತು. ಈಕೆ ತನ್ನ ತವರಾದ ಉತ್ತರ ಭಾರತದ ಕಡೆ ವಲಸೆ ಹೋಗಿದ್ದಾಳೆಂದೂ ರೂಮರುಗಳು ಹಬ್ಬಿದ್ದವು. ಈಗೊಂದು ವರ್ಷದಿಂದ ಸಂಪೂರ್ಣ ಕಣ್ಮರೆಯಾಗಿ ಬಿಟ್ಟಿದ್ದ ಪೂಜಾ ಇದೀಗ ಮತ್ತೊಂದು ರಂಖಲಿನೊಂದಿಗೆ ಮತ್ತೆ ಸುದ್ದಿಯಾಗಿದ್ದಾಳೆ. ಈ ಮೂಲಕ ನಾಯಿಯ ಬಾಲ ಮುಂಗಾರು ಮಳೆಯಲ್ಲಿ ನೆನೆಬಿದ್ದರೂ ನೆಟ್ಟಗಾಗೋದಿಲ್ಲ ಅನ್ನೋದೂ ಸಾಬೀತಾಗಿದೆ!

ಒಂದು ವರ್ಷದಿಂದ ಈ ಪೂಜಾ ಅದೆಲ್ಲಿ ಹೋಗಿದ್ದಳು ಅನ್ನೋ ಪ್ರಶ್ನೆಗೆ ಈ ವಿವಾದದ ಮೂಲಕ ಉತ್ತರ ಸಿಕ್ಕಿದೆ. ಅದ್ಯಾರೋ ಅನಿಲ್ ಮೆಣಸಿನಕಾಯಿ ಎಂಬ ಬಿಜೆಪಿ ಮುಖಂಡನ ಜೊತೆ ಲಲಿತ್ ಅಶೋಕ್ ಹೊಟೆಲ್ಲಿನಲ್ಲಿ ಒಂದು ವರ್ಷದಿಂದ ಪೂಜಾ ಸುದೀರ್ಘವಾಗಿ ಮೀಟಿಂಗು ನಡೆಸುತ್ತಿದ್ದ ಸೋಜಿಗವೂ ಅನಾವರಣಗೊಂಡಿದೆ. ರಾಜಕಾರಣ ಮತ್ತು ಜನರ ಬಗ್ಗೆ ಅಪಾರ ಕಾಳಜಿ ಹೊಂದಿರೋ ಪೂಜಾ ವರ್ಷದಿಂದೀಚೆಗೆ ಲೋಕಸಭಾ ಚುನಾವಣೆಗೆ ತಯಾರಿ ನಡೆಸುತ್ತಿದ್ದ ಸಮಾಜಮುಖಿ ವಿಚಾರವೂ ಈಗ ಜಾಹೀರಾಗಿದೆ. ಬಹುಶಃ ಈ ಜೋಡಿ ಲೋಕೋದ್ಧಾರದ ಚರ್ಚೆಯಲ್ಲಿ ಹೊಟೆಲ್ ಬಿಲ್ಲು ಕೊಡೋದನ್ನೇ ಮರೆಯದಿದ್ದರೆ, ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯ ಇನ್ಸ್ ಪೆಕ್ಷರ್ ಸಾಧಿಕ್ ಪಾಷಾ ವರೆಗೂ ಈ ಸುದ್ದಿ ಹೋಗದಿದ್ದರೆ ಅನ್ಯಾಯವಾಗಿ ಪೂಜಾ ಗಾಂಧಿಯ ಸಮಾಜಸೇವೆ ಮರೆಯಾಗಿ ಬಿಡುತ್ತಿತ್ತು!

ಈ ಪ್ರಕರಣದ ಒಟ್ಟಾರೆ ಡೀಟೇಲುಗಳೇ ಪೂಜಾಗಾಂಧಿಯ ಅಸಲೀ ಕಸುಬಿಗೆ ಕನ್ನಡಿ ಹಿಡಿಯುವಂತಿದೆ. ಹೋಟೆಲ್ ಲಲಿತ್ ಅಶೋಕ್ ಆಡಳಿತವರ್ಗ ನೀಡಿರೋ ದೂರು ಮತ್ತು ಪೊಲೀಸ್ ಫೈಲುಗಳು ಅದನ್ನು ಖುಲ್ಲಂಖುಲ್ಲ ಬಿಚ್ಚಿಡುತ್ತವೆ. ಈ ಪ್ರಕಾರವಾಗಿ ನೋಡ ಹೋದರೆ ಬಿಜೆಪಿ ಮುಖಂಡ ಅನ್ನಿಸಿಕೊಂಡಿರೋ ಅನಿಲ್ ಮೆಣಸಿನಕಾಯಿ ಮತ್ತು ಪೂಜಾ ಗಾಂಧಿ ಈಗೊಂದು ವರ್ಷದ ಹಿಂದೆಯೇ ಅಶೋಕ್ ಹೋಟೆಲಿನಲ್ಲಿ ರೂಂ ಬುಕ್ ಮಾಡಿದ್ದರು. ಬರೋಬ್ಬರಿ ಒಂದು ವರ್ಷಗಳ ಕಾಲ ಇವರಿಬ್ಬರೂ ಅದೇನು ಮಾಡುತ್ತಿದ್ದರೋ ಭಗವಂತನೇ ಬಲ್ಲ. ಆದರೆ ಹೊಟೇಲಿನ ಸಕಲ ಸೌಕರ್ಯಗಳನ್ನೂ ಪಡೆದುಕೊಂಡಿದ್ದರು.

ಆದರೆ ಈ ಸುದೀರ್ಘಾವಧಿ ಪವಡಿಸಿದ ಒಟ್ಟು ರೂಂ ಬಿಲ್ 26.22ಲಕ್ಷ ಆಗಿ ಹೋಗಿತ್ತು. ಹೇಳಿಕೇಳಿ ಅನಿಲ್ ಮೆಣಸಿನಕಾಯಿ ಬಿಜೆಪಿ ಮುಖಂಡ. ಈ ಮುಲಾಜಿಗೆ ಬಿದ್ದು ಸುಮ್ಮನಿದ್ದ ಹೊಟೆಲ್ ಆಡಳಿತ ವರ್ಗ ಕಡೆಗೂ ಎಚ್ಚರಿಕೆ ನೀಡಿದಾಗ ಅನಿಲ್ 22.80 ಲಕ್ಷ ಪಾವತಿಸಿದ್ದ. ಅಲ್ಲಿಗೆ 3.50 ಲಕ್ಷ ಬಾಕಿ ಉಳಿದುಕೊಂಡಿತ್ತಲ್ಲಾ? ಸಿಬ್ಬಂದಿ ಒತ್ತಾಯ ಮಾಡಿದಾಗ ಅದರಲ್ಲಿ ೨.೨೫ ಲಕ್ಷವನ್ನು ಮತ್ತೆ ಕೊಸರಾಡಿ ಕಟ್ಟಿದ್ದ. ಆದರೂ 1.25ಲಕ್ಷ ಬಾಕಿ ಉಳಿದುಕೊಂಡು ಬಿಟ್ಟಿತ್ತು. ಇದೀಗ ಇನ್ಸ್ ಪೆಕ್ಟರ್ ಸಾದಿಕ್ ಪಾಷಾ ಅವಾಜು ಹಾಕುತ್ತಲೇ ಉಳಿಕೆ ಮೊತ್ತ ಪಾವತಿಸಿ ಬಚಾವಾಗಿದ್ದಾನೆ.

ಆದರೆ ಹೊಟೇಲು ಬಿಲ್ಲ ಪಾವತಿಸಿಯಾದ ಮೇಲೂ ಅನಿಲ್ ಮೆಣಸಿನಕಾಯಿ ಬೆತ್ತಲಾಗಿದ್ದಾನೆ. ಪೂಜಾ ಗಾಂಧಿ ಕೂಡಾ ಪೇಚಿಗೆ ಬಿದ್ದಿದ್ದಾಳೆ. ಆರಂಭದಲ್ಲಿ ಈ ಅನಿಲ್ ಮಾಧ್ಯಮಗಳ ಮುಂದೆ ಕೊಸರಾಡುತ್ತಾ ಏನೇನೋ ಕಥೆ ಹೇಳಿ ತಾನು ಸಾಚಾ ಅಂತ ಬಿಂಬಿಸಿಕೊಳ್ಳಲು ಪ್ರಯತ್ನಿಸಿದ್ದ. ನನಗೂ ಪೂಜಾಗೂ ಯಾವ ವ್ಯಾವಹಾರಿಕ ಸಂಬಧವೂ ಇರಲಿಲ್ಲ. ನಾನು ಹೋಟೆಲ್ ಲಲಿತ್ ಅಶೋಕದಲ್ಲಿ ಯಾವ ರೂಮನ್ನೂ ಮಾಡಿಲ್ಲ. ಆದರೂ ನನ್ನ ಹೆಸರು ಇಲ್ಯಾಕೆ ಸೇರಿಕೊಂಡಿತೋ… ಅಂತ ಮಳ್ಳನಂತಾಡಿ ಆಕಾಶ ನೋಡಿದ್ದ. ಆದರೆ ಇದರ ಹಿಂದಿರೋ ಅಸಲೀ ವಿಚಾರ ಏನನ್ನೋದು ಜನಸಾಮಾನ್ಯರಿಗೂ ಅರ್ಥವಾಗಿದೆ. ಯಾವ ಸಂಬಂಧವೂ ಇಲ್ಲದೇ ಪೂಜಾ ಗಾಂಧಿ ಮತ್ತು ಅನಿಲ್ ಮೆಣಸಿನ ಕಾಯಿ ಒಂದು ವರ್ಷಗಳ ಕಾಲ ಭಜನೆ ಮಾಡುತ್ತಿದ್ದರೆಂದು ನಂಬುವಷು ಇಲ್ಯಾರೂ ಮುಠ್ಠಾಳರಿಲ್ಲ. ಇಂಥಾ ಕಥೆ ಹೇಳಿದರೆ ಪೂಜಾ ಗಾಂಧಿಯ ಹಿಸ್ಟರಿ ಗೊತ್ತಿರೋ ಯಾರೇ ಯಾದರೂ ಎದೆಗೆ ಬಂದೂಕು ತಿವಿದರೂ ನಂಬುವುದಿಲ್ಲ!

ಈ ಪೂಜಾಗಾಂಧಿ ಎಂಬ ಸವಕಲು ನಟಿಯ ಜಾಯಮಾನವೇ ಇಂಥಾದ್ದು. ರಾಜಕೀಯ ಪುಢಾರಿಗಳು, ಹಣವಂತರನ್ನು ಹುಡುಕಿ ಬಲೆಗೆ ಕೆಡವಿಕೊಳ್ಳೋದರಲ್ಲಿ ಈಕೆ ಮಾಸ್ಟರ್ ಪೀಸು. ನಂತರ ಹೀಗೆ ರೂಮುಗಳಲ್ಲಿ ಸುದೀರ್ಘವಾಗಿ ಮೀಟಿಂಗು ನಡೆಸಿ, ಆ ಅವಧಿಯಲ್ಲಿ ಮಿಕಗಳನ್ನು ಪಳಗಿಸಿಕೊಂಡು ಕಾಸು ಗುಂಜಿಕೊಳ್ಳೋದು ಇವಳ ಜಾಯಮಾನ. ರೀಸೆಂಟಾಗಿ ಹೀಗೆಯೇ ಇವಳಿಂದ ವಂಚನೆಗೀಡಾಗಿದ್ದ ಬಿಲ್ಡರ್ ಒಬ್ಬ ತಾನೇ ಕೊಟ್ಟಿದ್ದ ಫಾರ್ಚುನರ್ ಗಾಡಿ ಕಸಿದುಕೊಂಡು ಪೂಜಾಳ ಮುಖಕ್ಕುಗಿದು ಕಳಿಸಿದ್ದನಂತೆ. ಹಾಗೆ ಖಾಲಿ ಕೈಲಿ ನಿಂತಿದ್ದ ಪೂಜಾ ಇವನ್ಯಾರೋ ಉತ್ತರಕರ್ನಾಟಕದ ಮೆಣಸಿನಕಾಯಿಯ ಮೈ ನೀವಿ ಪಳಗಿಸಿಕೊಂಡಿದ್ದಾಳೆ. ಎಲ್ಲ ಕಾಲದಲ್ಲಿಯೂ ಟೈಂ ಸರಿಯಾಗೇ ಇರೋದಿಲ್ಲವಲ್ಲಾ? ಈ ಬಾರಿ ಪೂಜಾ ಗಾಂಧಿಯ ನಸೀಬು ಕೆಟ್ಟಿದೆ. ಆದ್ದರಿಂದಲೇ ಮಗ್ಗುಲಲ್ಲಿದ್ದ ಮೆಣಸಿನಕಾಯಿಯ ಸಮೇತ ಸಿಕ್ಕಿಬಿದ್ದಿದ್ದಾಳೆ!

Continue Reading

Trending