Connect with us

ಬ್ರೇಕಿಂಗ್ ನ್ಯೂಸ್

ಇಲ್ಲಿದೆ ಅಸಲೀ ವಿವರ….

Published

on

ಯಜಮಾನ ಚಿತ್ರದ ಚಿತ್ರೀಕರಣದ ವೇಳೆಯಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಹ ನಟನಿಗೆ ಹೊಡೆದಿದ್ದಾರೆ… ಹೀಗೊಂದು ಸುದ್ದಿ ಕೊಡಿಗೇಹಳ್ಳಿಯ ಶಿವರಾಮ್ ಅವರ ಸ್ಟುಡಿಯೋದಿಂದ ಹೊರ ಬಿದ್ದೇಟಿಗೆ ಒಂದರೆಕ್ಷಣ ಅಲ್ಲೋಲಕಲ್ಲೋಲವೇ ಸೃಷ್ಟಿಯಾಗಿದೆ. ದರ್ಶನ್ ಅವರಿಗೆ ಸಿಟ್ಟು ತುಸು ಜಾಸ್ತಿ. ಅದೇ ಭರದಲ್ಲಿ ಏನೋ ಎಡವಟ್ಟು ಮಾಡಿಕೊಂಡು ಸಹನಟನಿಗೆ ಹೊಡೆದರಾ ಅಂತೊಂದು ಪ್ರಶ್ನೆಯನ್ನಿಟ್ಟುಕೊಂಡು ಹುಡುಕಾಟಕ್ಕಿಳಿದಾಗ ಈ ಬಗೆಗಿನ ಅಸಲೀ ಮ್ಯಾಟರ್ ಹೊರ ಬಿದ್ದಿದೆ! ಸತಃ ಈ ಚಿತ್ರದ ನಿರ್ಮಾಪಕ ಬಿ. ಸುರೇಶ ಸಿನಿಬಜ಼್ ಜೊತೆ ಮಾತಾಡಿ ಘಟನೆಯ ಪೂರ್ತಿ ವಿವರವನ್ನು ನೀಡಿದ್ದಾರೆ…

ಇದೀಗ ಕೊಡಿಗೇಹಳ್ಳಿಯ ಬೃಹತ್ ಸ್ಟುಡಿಯೋದಲ್ಲಿ ಯಜಮಾನ ಚಿತ್ರದ ಚಿತ್ರೀಕರಣ ನಡೆಯುತ್ತಿದೆ. ಅಲ್ಲಿ ಚಾಲೆಂಜಿಂಗ್ದ್ ಸ್ಟಾರ್ ದರ್ಶನ್ ನೂರಕ್ಕೂ ಹೆಚ್ಚು ಮಂದಿಯ ಸಹನಟರು ಮತ್ತು ಇನ್ನೂರು ಜನ ತಂಡದೊಂದಿಗೆ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ. ಆ ಪ್ರದೇಶಕ್ಕೆ ಚಿತ್ರ ತಂಡ ಬಿಟ್ಟರೆ ಸಾರ್ವಜನಿಕರ್‍ಯಾರೂ ಪ್ರವೇಶ ಮಾಡುವಂತೆಯೇ ಇರಲಿಲ್ಲ. ಇನ್ನೇನು ಊಟದ ಹೊತ್ತು ಸಮೀಪಿಸುತ್ತಿರುವಾಗಲೇ ದರ್ಶನ್ ತುಸು ಕೋಪಗೊಂಡಿದ್ದಾರೆ.

ದರ್ಶನ್ ಅವರು ಸಹಕಲಾವಿದನೊಬ್ಬ ಚಿತ್ರೀಕರಣವನ್ನು ತನ್ನ ಮೊಬೈಲಿನಲ್ಲಿ ಚಿತ್ರೀಕರಿಸಿಕೊಳ್ಳೋದನ್ನು ಗಮನಿಸಿದ್ದಾರೆ. ಯಾರೂ ಅತ್ತ ಗಮನ ಹರಿಸದಿದ್ದರೂ ಆ ಸಹ ನಟನ ಮೇಲೊಂದು ಕಣ್ಣಿಟ್ಟಿದ್ದ ದರ್ಶನ್ ಅವರು ಆ ಸಹ ಕಲಾವಿದನನ್ನು ಕರೆದಿದ್ದಾರೆ. ಸ್ವತಃ ಆತನ ಮೊಬೈಲು ಪಡೆದುಕೊಂಡು ಪರಿಶೀಲಿಸಿದ್ದಾರೆ. ಅದರಲ್ಲಿ ಚಿತ್ರೀಕರಣದ ಸಂದರ್ಭದಲ್ಲಿ ಸೆರೆ ಹಿಡಿದಿದ್ದ ದೃಷ್ಯಾವಳಿಗಳ ಸಾಕ್ಷಿ ಸಿಕ್ಕಿದೆ. ಹೀಗಾಗುತ್ತಲೇ ನಿರ್ಮಾಪಕರು ಸೇರಿದಂತೆ ಇತರೇ ತಂತ್ರಜ್ಞರನ್ನು ಹತ್ತಿರ ಕರೆದ ದರ್ಶನ್ ಆ ಸಹ ಕಲಾವಿದ ಮಾಡಿದ್ದ ಕಚಡಾ ಕೆಲಸವನ್ನು ಜಾಹೀರು ಮಾಡಿದ್ದಾರೆ.

ಇದೆಲ್ಲ ಬಯಲಾಗುತ್ತಲೇ ದರ್ಶನ್ ಆ ಸಹ ಕಲಾವಿದನಿಗೆ ಬೈದಿದ್ದಾರೆ. `ನೀನೂ ಒಬ್ಬ ಚಿತ್ರ ತಂಡದವನಾಗಿ ನಿರ್ಮಾಪಕರ ಮೇಲೆ ಕಾಳಜಿ ಇರಬೇಡವೇ? ನೀನು ಈ ಥರ ಚಿತ್ರೀಕರಣದ ದೃಷ್ಯಾವಳಿಗಳನ್ನು ಫೇಸ್‌ಬುಕ್, ಇನ್ಸ್ಟಾಗ್ರಾಮ್‌ಗಳಲ್ಲಿ ಹಾಕಿಕೊಂಡರೆ ಕುತೂಹ ಎಲ್ಲಿ ಉಳಿಯುತ್ತೆ. ನಿನ್ನಂಥವರಿಂದಲೇ ಸಿನಿಮಾಗಳ ಗುಟ್ಟು ಚಿತ್ರೀಕರಣಕ್ಕೆ ಮುನ್ನವೇ ಬಯಲಾಗುತ್ತೆ. ಇಂಥಾ ಕೆಲಸ ಮಾಡೋಕೆ ನಾಚಿಕೆ ಆಗೋದಿಲ್ವಾ’ ಅಂತೆಲ್ಲ ಬೈದಿದ್ದಾರೆ. ತಿಳಿ ಹೇಳಿದ್ದಾರೆ. ಮತ್ತು ಸ್ವತಃ ತಾವೇ ಆತನ ಮೊಬೈಲಲ್ಲಿ ರೆಕಾರ್ಡ್ ಆಗಿದ್ದ ವಿಡಿಯೋವನ್ನು ಡಿಲೀಟ್ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ದರ್ಶನ್ ಕೋಪಗೊಂಡಿದ್ದದ್ದು ಹೌದಾದರೂ ಹಲ್ಲೆಯಂಥಾದ್ದೇನೂ ನಡೆದಿಲ್ಲ ಅಂತ ಚಿತ್ರ ತಂಡವೇ ಸ್ಪಷ್ಟೀಕರಣ ನೀಡಿದೆ.

ಇದು ಯಾರಾದರೂ ಕೋಪಗೊಳ್ಳುವ ವಿಚಾರವೇ. ಯಾಕೆಂದರೆ ಓಪನ್ ಪ್ಲೇಸಿನಲ್ಲಿ ಚಿತ್ರೀಕರಣ ನಡೆಯುವ ಸಂದರ್ಭದಲ್ಲಿ ಅಭಿಮಾನಿಗಳು ಅಭಿಮಾನದ ಉದ್ವೇಗದಲ್ಲಿ ಇಂಥಾದ್ದನ್ನು ಮಾಡುತ್ತಾರೆ. ಆದರೆ ಸಂಬಳ ಪಡೆಯುವ ಓರ್ವ ಸಹ ಕಲಾವಿದನಾಗಿ ಇಂಥಾ ಕೆಲಸ ಮಾಡೋದು ಅಕ್ಷಮ್ಯವೇ. ಆದರೆ ಇಂಥಾ ಕೆಲಸ ಮಾಡಿದ ಈ ಶಿವು ತಪ್ಪೊಪ್ಪಿಕೊಂಡು ತೆಪ್ಪಗಿರೋದನ್ನು ಬಿಟ್ಟು ಇದನ್ನಿಟ್ಟುಕೊಂಡು ಬಿಟ್ಟಿ ಪ್ರಚಾರ ಪಡೆಯಲು ಮುಂದಾದಂತಿದೆ. ಯಾಕೆಂದರೆ ಆತ ಚಿತ್ರೀಕರಣದ ಸ್ಥಳದಿಂದ ಒಂದಷ್ಟು ಜನರನ್ನು ಕರೆದುಕೊಂಡು ನಾಪತ್ತೆಯಾಗಿದ್ದಾನಂತೆ. ಆದರೆ ದರ್ಶನ್ ಅವರು ಆ ಸಹ ಕಲಾವಿದ ಮಾಡಿದ ಕೆಲಸದ ವಿರುದ್ಧ ಸಿಟ್ಟಾಗಿದ್ದು ನಿಜವಾದರೂ ಹಲ್ಲೆಯಂಥಾದ್ದು ಖಂಡಿತಾ ನಡೆದಿಲ್ಲ ಅಂತ ಸ್ವತಃ ನಿರ್ಮಾಪಕ ಬಿ. ಸುರೇಶ ಸ್ಪಷ್ಟಪಡಿಸಿದ್ದಾರೆ.

Continue Reading
Advertisement
Click to comment

Leave a Reply

Your email address will not be published. Required fields are marked *

ಬ್ರೇಕಿಂಗ್ ನ್ಯೂಸ್

ಕಾಸು ಕೊಡ್ತೀನಿ ಕಮೀಟ್ ಆಗ್ತಿಯಾ ಅಂದ ಖತರ್ನಾಕ್ ನಿರ್ದೇಶಕ!

Published

on

ಫೇಸ್‌ಬುಕ್ಕಲ್ಲಿ ಹುಡುಗೀರ ಬೇಟೆಗೆ ಬಂದೂಕು ಹಿಡಿದು ಕೂತ ಕಾಮುಕರದ್ದೊಂದು ದೊಡ್ಡ ಸಂಖ್ಯೆಯೇ ಇದೆ. ಈ ಅನಿಷ್ಠ ಕಾರ್ಯಕ್ಕೆ ಹೆಚ್ಚಾಗಿ ಚಿತ್ರರಂಗದ ಹೆಸರೇ ಬಳಕೆಯಾಗುತ್ತಿದೆ ಎಂಬುದು ದುರಂತ ಸತ್ಯ. ಇದೀಗ ತನ್ನನ್ನು ತಾನು ನಿರ್ದೇಶಕ ಅಂತ ಬಿಂಬಿಸಿಕೊಂಡಿರೋ ಪ್ರಕಾಶ್ ಬಸವನಬಾಗೇವಾಡಿ ಎಂಬ ಕಂಮಗಿಯ ವಿರುದ್ಧ ನೀಮಾ ಗೌಡ (ಹೆಸರು ಬದಲಿಸಿದೆ) ಎಂಬ ನವರಂಗಿಯೊಬ್ಬಳು ತಿರುಗಿ ಬಿದ್ದಿದ್ದಾಳೆ!

ಈ ಆಸಾಮಿ ಪ್ರಕಾಶ್ ತನ್ನ ಹೆಸರಿನ ಮುಂದೆ ಪುಣ್ಯಸ್ಥಳವಾದ ಬಸವನಬಾಗೇವಾಡಿಯ ಹೆಸರನ್ನು ತಗುಲಿಸಿಕೊಂಡಿದ್ದಾನೆ. ಫೇಸ್ ಬುಕ್‌ನಲ್ಲಿ ಇವನದ್ದೊಂದು ಪ್ರೊಫೈಲ್ ಇದೆ. ಅದಕ್ಕೆ `ಸಿನಿಮಾನೇ ನನ್ನ ಉಸಿರು’ ಅನ್ನೋ ಪ್ರೊಫೈಲ್ ಪಿಕ್ಚರ್ ಬೇರೆ ಅಂಟಿಸಿಕೊಂಡಿದ್ದಾನೆ. ಅದರಲ್ಲಿ ಹುಡುಗೀರನ್ನು ಆಯ್ಕೆ ಮಾಡಿಕೊಂಡು ಲಡಾಸು ಇಂಗ್ಲಿಷಿನಲ್ಲಿ ತನ್ನನ್ನು ತಾನು ನಿರ್ದೇಶಕ ಅಂತ ಪರಿಚಯಿಸಿಕೊಳ್ಳುತ್ತಾನೆ ಪ್ರಕಾಶ.

ಆ ಬಳಿಕ ತಾನು ಗೋರಿ ಮೇಲೆ ಲಗೋರಿ ಎಂಬ ಸಿನಿಮಾ ಮಾಡುತ್ತಿದ್ದೇನೆ ಅಂತ ಮೆಸೆಂಜರಿನಲ್ಲಿಯೇ ಕಾವೇರಲು ಶುರು ಮಾಡುತ್ತಾನೆ. ಬಳಿಕ ಮುಂದುವರೆದು ನೇರಾ ನೇರ ಮಂಚಹತ್ತಿಸಿಕೊಳ್ಳುವ ಗೇಮು ಶುರುವಿಡುತ್ತಾನೆ. ಇಂಥಾ ಆಟಕ್ಕೆ ಅದ್ಯಾರ್‍ಯಾರು ಬಲಿಯಾಗಿದ್ದಾರೆಂಬ ವಿಚಾರ ಇವನ ಬುಡಕ್ಕೆ ಪೊಲೀಸರ ಬೂಟುಗಾಲಿನ ಸ್ಪರ್ಶವಾದ ನಂತರವಷ್ಟೇ ಹೊರಬೀಳಬೇಕಿದೆ. ಆದರೆ ಸದ್ಯ ಇವನ ವಿರುದ್ಧ ಒಬ್ಬಳು ತಿರುಗಿ ಬಿದ್ದಿದ್ದಾಳೆ. ಆಕೆ ನೀಮಾ ಗೌಡ!

ಈ ನೀಮಾ ಎಂಬಾಕೆಗೂ ಪ್ರಕಾಶ ಹೀಗೆಯೇ ಮೆಸೆಂಜರಿನಲ್ಲಿ ಅಟಕಾಯಿಸಿಕೊಂಡಿದ್ದಾನೆ. ತನ್ನನ್ನು ತಾನು ಗೋರಿ ಮೇಲೆ ಲಗೋರಿ ಎಂಬ ಸಿನಿಮಾ ನಿರ್ದೇಶಕ ಅಂತ ಪರಿಚಯಿಸಿಕೊಂಡಿದ್ದಾನೆ. ಆ ಬಳಿಕ ಏಕಾಏಕಿ `ಕಾಸು ಕೊಡ್ತೀನಿ ಕಮೀಟ್ ಆಗ್ತೀಯಾ’ ಅಂತ ಮೆಸೇಜು ಬಿಟ್ಟಿದ್ದಾನೆ. ಇದರ ವಿರುದ್ಧ ರೆಬೆಲ್ ಆದ ನೀಮಾ ಅತ್ತಲಿಂದ ನಿನ್ನ ವಿರುದ್ಧ ಫಿಲಂ ಚೇಂಬರ್‌ಗೆ ದೂರು ನೀಡೋದಾಗಿ ಹೇಳುತ್ತಾಳೆ. ಇಷ್ಟಾದೇಟಿಗೆ ಬಸವನಬಾಗೇವಾಡಿಯ ಈ ಕೀಟ ಹುಚ್ಚೆದ್ದು ಅರಚಿಕೊಳ್ಳುತ್ತೆ. “ನಿಂಗೊಂದು ವಿಷಯ ಹೇಳ್ತೀನಿ ಕೇಳ್ಕೊ. ನಾನು ಎಲ್ಲದಕ್ಕೂ ಸಿದ್ಧನಾಗಿಯೇ ಚಿತ್ರರಂಗಕ್ಕೆ ಬಂದಿದ್ದೇನೆ. ಪೊಲೀಸ್, ರಾಜಕಾರಣ, ರೌಡೀಸ್ ಎಲ್ಲವೂ ಇರೋದರಿಂದಲೇ ಫಿಲಂ ಫೀಲ್ಡಲ್ಲಿ ಇದೀನಿ. ನನ್ನನ್ಯಾರೂ ಏನೂ ಮಾಡಿಕೊಳ್ಳಲಾಗೋದಿಲ್ಲ” ಎಂಬರ್ಥದಲ್ಲಿ ಅವಾಜನ್ನೂ ಬಿಡುತ್ತಾನೆ!

ಇಂಥಾ ಫೇಸ್‌ಬುಕ್ ಕಾಮುಕರಿಗೆ, ಚಿತ್ರರಂಗದ ಹೆಸರನ್ನು ಖಯಾಲಿಗೆ ಬಳಸಿಕೊಳ್ಳುವ ಪ್ರಕಾಶನಂಥಾ ಕಸಗಳಿಗೆ ತಕ್ಕ ಶಿಕ್ಷೆಯಾಗಲೇಬೇಕು. ಆದರೆ ಈತನ ವಿರುದ್ಧ ತಿರುಗಿ ಬಿದ್ದಿರೋ ಪುಣ್ಯಾತಗಿತ್ತಿ ನೀಮಾಳ ಹಿಸ್ಟರಿ ಏನೆಂದು ನೋಡಹೋದರೆ ಆಕೆಯ ಬಗ್ಗೆಯೂ ಅನುಮಾನಗಳು ಕಾಡುತ್ತವೆ. ಈಕೆ ಪ್ರಕಾಶನೊಂದಿಗೆ ನಡೆಸಿರೋ ಚಾಟ್ ಹಿಸ್ಟರಿಯಲ್ಲಿ ಕೆಲ ಮೆಸೇಜುಗಳು ಡಿಲೀಟ್ ಆಗಿರೋ ಗುಮಾನಿಯೂ ಕಾಡುತ್ತದೆ. ಈಗಾಗಲೇ ಈಕೆ ಹಲವಾರು ದೇವರ ಸಿನಿಮಾಗಳಲ್ಲಿ ದೇವತೆಯಾಗಿ ನಟಿಸಿದ್ದಾಳೆಂಬ ವಿಚಾರವೂ ಜಾಹೀರಾಗುತ್ತದೆ!

ಇದೆಲ್ಲ ಏನೇ ಇದ್ದರೂ ಚಿತ್ರ ರಂಗದ ಹೆಸರು ಹೇಳಿಕೊಂಡು ಹೆಣ್ಣುಮಕ್ಕಳನ್ನು ಕಾಡುವ  ಪ್ರಕಾಶನಂಥವರಿಗೆ ತಕ್ಕ ಪಾಠ ಕಲಿಸಬೇಕಿದೆ. ಫೇಸ್‌ಬುಕ್ಕಿನಲ್ಲಿರೋ ಹೆಣ್ಣುಮಕ್ಕಳೂ ಕೂಡಾ ಪ್ರಕಾಶನಂಥಾ ಪ್ರಳಯಾಂತಕರ ಬಗ್ಗೆ ಎಚ್ಚರದಿಂದಿರಬೇಕಿದೆ.

Continue Reading

ಬ್ರೇಕಿಂಗ್ ನ್ಯೂಸ್

ವೈರಲ್ ಟ್ರೋಲಿಂಗ್ ಹಿಂದಿರೋ ರಹಸ್ಯ!

Published

on

ಭರ್ತಿ ಐದು ವರ್ಷ ಪ್ರಸಾರವಾದ ಪುಟ್‌ಗೌರಿ ಮದುವೆ ಸೀರಿಯಲ್ ಮೂಲಕವೇ ಪ್ರಸಿದ್ಧಿ ಪಡೆದುಕೊಂಡಿರುವವರು ರಂಜಿನಿ ರಾಘವನ್. ಆರಂಭದಿಂದ ಇಲ್ಲಿವರೆಗೂ ಸಾಂಪ್ರದಾಯಿಕ ಲುಕ್ಕು, ಉಡುಗೆ ತೊಟ್ಟು ಪುಟ್‌ಗೌರಿ ಎಂದೇ ಖ್ಯಾತರಾಗಿರುವ ರಂಜಿನಿ ಹೆಂಗಳೆಯರ ಪಾಲಿಗೆ ಮನೆ ಮಗಳು. ಅವರೀಗ ಟಕ್ಕರ್ ಚಿತ್ರದಲ್ಲಿ ಮನೋಜ್‌ಗೆ ನಾಯಕಿಯಾಗಿಯೂ ಅಭಿನಯಿಸುತ್ತಿದ್ದಾರೆ. ಇಂಥಾ ಪುಟ್‌ಗೌರಿಯ ಫೋಟೋ ಒಂದೀಗ ಟ್ರೋಲ್ ಪೇಜುಗಳಲ್ಲಿ ಹರಿದಾಡುತ್ತಿದೆ. ಈ ಬಗ್ಗೆ ಜನರೂ ಕೂಡಾ ಒಂಥರಾ ಶಾಕ್ ಮತ್ತು ಅಚ್ಚರಿ ಮಿಶ್ರಿತವಾದ ಗೊಂದಲದಲ್ಲಿದ್ದಾರೆ.

ಒಂದು ಕಡೆ ಮೈ ತುಂಬಾ ಸೀರೆ ಉಟ್ಟು ಲಕ್ಷಣವಾಗಿ ಪುಟ್‌ಗೌರಿಯಂತಿರೋ ರಂಜನಿ ರಾಘವನ್ ಮತ್ತು ಮತ್ತೊಂದು ಕಡೆ ರಂಜನಿ ಮಾಡ್ ಡ್ರೆಸ್ಸಿನಲ್ಲಿ ಬಿಂದಾಸಾಗಿ ಸಿಗರೇಟು ಸೇದುತ್ತಿರೋ ಫೋಟೋ… ಇದನ್ನಿಟ್ಟುಕೊಂಡೇ ಬಗೆ ಬಗೆಯಲ್ಲಿ ಟ್ರೋಲ್ ಮಾಡಲಾಗುತ್ತಿದೆ. ಸಾಮಾಜಿಕ ಜಾಲತಾಣಗಳ ತುಂಬಾ ಈಗ ಈ ಫೋಟೋಗಳದ್ದೇ ಸದ್ದು!

ಇದನ್ನು ನೋಡಿದ ಜನರನೇಕರು ಇದೇನು ಕಥೆ ಅಂತ ಹೌಹಾರಿದ್ದಾರೆ. ಇನ್ನೂ ಕೆಲ ಮಂದಿ ಪುಟ್ ಗೌರಿಗೆ ನಿಜ ಜೀವನದಲ್ಲಿ ಇಂಥಾದ್ದೂ ಒಂದು ಶೇಡ್ ಇರಬಹುದೆಂದೂ ಅಂದುಕೊಂಡಿದ್ದಾರೆ. ಆದರೆ ಅಸಲೀ ವಿಚಾರ ಬೇರೆಯದ್ದೇ ಇದೆ. ರಂಜನಿ ಸಿಗರೇಟು ಸೇದುತ್ತಿರೋ ಫೋಟೋಗಳು ಟಕ್ಕರ್ ಚಿತ್ರದ್ದು. ಚಿತ್ರೀಕರಣದ ಈ ಫೋಟೋಗಳು ಅದು ಹೇಗೆ ಲೀಕ್ ಆದವು ಅಂತ ಹುಡುಕ ಹೋದರೆ ಟಕ್ಕರ್ ಚಿತ್ರದ ಅಸೋಸಿಯೇಟ್ ಡೈರೆಕ್ಟರ್ ಧನರಾಜ್ ಕಡೆಯಿಂದ ಈ ಫೋಟೋಗಳು ಸಿಕ್ಕಿವೆ ಎಂಬ ಮಾಹಿತಿ ಟ್ರೋಲ್ ಜಗತ್ತಿನ ಕಡೆಯಿಂದ ಸಿಗುತ್ತದೆ!

ಆದರೆ ಈ ದೃಶ್ಯವನ್ನು ಕಳೆದೊಂದು ತಿಂಗಳ ಹಿಂದೆ ಶ್ರೀರಂಗಪಟ್ಟಣದಲ್ಲಿ ನಿರ್ದೇಶಕ ರಘು ಶಾಸ್ತ್ರಿ ಚಿತ್ರೀಕರಿಸಿಕೊಂಡಿದ್ದರು.  ರಂಜನಿ ರಾಘವನ್ ಹಿಂದೆಂದೂ ಸಿಗರೇಟು ಸೇದಿರಲಿಲ್ಲವಾದ್ದರಿಂದ ಬರೀ ಹೊಗೆ ಬರುವಂತೆ ಕೃತಕವಾಗಿ ತಯಾರಿಸಿ ಅವರ ಕೈಗೆ ಕೊಡಲಾಗಿತ್ತಂತೆ! ಆ ಸಮಯದಲ್ಲಿ ಯಾರಾದರೂ ಕ್ಯಾಪ್ಚರ್ ಮಾಡಿರುವ ಸಾಧ್ಯತೆಗಳೂ ಇವೆ. ಅದೆಲ್ಲ ಏನೇ ಆದರೂ ಈ ಮೂಲಕ ನಾಗೇಶ್ ಕೋಗಿಲು ಅವರು ನಿರ್ಮಿಸುತ್ತಿರುವ ಟಕ್ಕರ್ ಚಿತ್ರಕ್ಕೆ ಮತ್ತೊಂದು ಸುತ್ತಿನ ಪ್ರಚಾರವೂ ದೊರೆತಿದೆ. ಆದರೆ ಇದೀಗ ಟ್ರೋಲ್ ಮೂಲಕ ಜಾಹೀರಾಗಿರೋ ರಂಜನಿ ರಾಘವನ್ ಧೂಮಲೀಲೆಯ ಫೋಟೋಗಳು ಟಕ್ಕರ್ ಚಿತ್ರಕ್ಕೆ ಸಂಬಂಧಿಸಿದ್ದೆಂಬುದನ್ನು ಜನ ಅರ್ಥ ಮಾಡಿಕೊಂಡರೆ ಅಷ್ಟೇ ಸಾಕು!

Continue Reading

ಬ್ರೇಕಿಂಗ್ ನ್ಯೂಸ್

ನಟಿಯ ಸುತ್ತ ಮತ್ತೆ ನೆಟಿಗೆ ಮುರಿದ ವಿವಾದ!

Published

on

ನಟಿ ಕಾರುಣ್ಯಾ ರಾಮ್ ಮತ್ತೆ ಸುದ್ದಿಯಾಗಿದ್ದಾಳೆ. ಹಾಗಂತ ಆಕೆ ಯಾವ ಚಿತ್ರಕ್ಕೂ ನಾಯಕಿಯಾಗಿಲ್ಲ. ಯಾವ ಚಿತ್ರದಲ್ಲಿಯೂ ನಟಿಸುತ್ತಿರೋ ಸೂಚನೆಯೂ ಇಲ್ಲ. ಆದರೂ ಈಕೆ ಸುದ್ದಿಯಾಗಿರೋದು ವೈಯಕ್ತಿಕ ಜೀವನದ ಅಸ್ತವ್ಯಸ್ತ ಸ್ಥಿತಿಯಿಂದಲೇ. ಖುದ್ದು ಕಾರುಣ್ಯಾ ತನ್ನ ಲವರ್ ಸಚಿನ್ ಯಾದವ್ ಮೇಲೊಂದು ಕೇಸು ದಾಖಲಿಸಿದ್ದಾಳೆ. ಈ ವಿಚಾರವೀಗ ಕಮಿಷನರ್ ಕಚೇರಿವರೆಗೂ ತಲುಪಿಕೊಂಡಿದೆ.

ಈ ಸಚಿನ್ ಯಾದವ್ ಈ ಹಿಂದೆ ಕಿರುತೆರೆ ನಟಿ ಅನಿಕಾ ಜೊತೆ ಎಂಗೇಜ್‌ಮೆಂಟ್ ಮಾಡಿಕೊಂಡು ಇನ್ನೇನು ಹಸೆಮಣೆ ಏರಲು ರೆಡಿಯಾಗಿದ್ದ ಹುಡುಗ. ಕಡೇ ಕ್ಷಣದಲ್ಲಿ ಎಂಟ್ರಿ ಕೊಟ್ಟಿದ್ದ ಕಾರುಣ್ಯ ಇವನು ನನ್ನವನು ಅಂತ ಇಡೀ ಮದುವೆಯನ್ನೇ ಕ್ಯಾನ್ಸಲ್ ಮಾಡಿ ಬಿಟ್ಟಿದ್ದಳು. ಆ ನಂತರದಲ್ಲಿ ಸಚಿನ್ ಯಾದವನ ಕಥೆ ಏನಾಯ್ತೆಂಬ ಬಗ್ಗೆ ಯಾರಿಗೂ ಮಾಹಿತಿ ಇರಲಿಲ್ಲ. ಆದರೀಗ ಖುದ್ದು ಕಾರುಣ್ಯಾಳೇ ಸಚಿನ್ ಮೇಲೆ ಕಂಪ್ಲೇಂಟು ಕೊಡೋ ಮೂಲಕ ಹಳೇ ವಿವಾದ ಹೊಸಾ ರೂಪದೊಂದಿಗೆ ಮೈ ಕೊಡವಿಕೊಂಡಿದೆ.

ಈ ಸಚಿನ್ ಯಾದವ್ ಅದೇನು ಯಡವಟ್ಟು ಮಾಡಿಕೊಂಡನೋ, ಈ ಕಾರುಣ್ಯ ಅದೇಕೆ ಇಂಥಾ ನಿರ್ಧಾರ ಕೈಗೊಂಡಳೋ ಗೊತ್ತಿಲ್ಲ. ಆದರೆ ಒಂದು ಕಾಲದಲ್ಲಿ ಸಚಿನ್ ಕಾರುಣ್ಯಾ ಮೋಹಕ್ಕೆ ಬಿದ್ದು ಧಾರಾಳವಾಗಿಯೇ ಖರ್ಚು ಮಾಡಿದ್ದಾನೆಂಬ ಸುದ್ದಿಯೂ ಇದೆ. ಇಂಥಾ ಸಚಿನ್ ಈ ಹಿಂದೆ ಕಿರುತೆರೆ ನಟಿ ಅನಿಕಾ ಜೊತೆ ಮದುವೆ ಮಾಡಿಕೊಳ್ಳಲು ಮುಂದಾಗಿದ್ದನಲ್ಲಾ? ಆಗ ಸುಮ್ಮನೆ ಬದುಕು ಕಟ್ಟಿಕೊಳ್ಳಲು ಬಿಡದೆ ಕಾರುಣ್ಯಾ ಯಾಕೆ ಎಂಟ್ರಿ ಕೊಟ್ಟಿದ್ದಳು? ಈ ಸಚಿನ್ ತಾನೇ ಮತ್ತೆ ಮತ್ತೆ ಕಾರುಣ್ಯಾಳತ್ತ ಸುಳಿಯುತ್ತಾ ಯಡವಟ್ಟು ಮಾಡಿಕೊಂಡನಾ? ಅತ್ತ ಹೊಸ ಬದುಕು ಕಟ್ಟಿಕೊಳ್ಳಲೂ ಅವಕಾಶ ಕೊಡದೆ, ಇತ್ತ ತನ್ನೊಂದಿಗೆ ಬಾಳೋ ಸಾಧ್ಯತೆಯನ್ನೂ ಇಲ್ಲವಾಗಿಸುತ್ತಾ ಕಾರುಣ್ಯಾಳೇ ಕಾಡುತ್ತಿದ್ದಾಳಾ? ಇವೆಲ್ಲದಕ್ಕೆ ಪೊಲೀಸರ ಕ್ರಮವೇ ಉತ್ತರ ಹೇಳಬೇಕಿದೆ!

 

Continue Reading

Trending

Copyright © 2018 Cinibuzz