ಇತ್ತೀಚಿಗಷ್ಟೇ ಬಾಲಿವುಡ್ ಫೇಮಸ್ ನಿರ್ಮಾಪಕ ಬೋನಿ ಕಪೂರ್ ತಮಿಳಿನ ತಲಾ ಅಜಿತ್ ಅವರ 60ನೇ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿರುವುದಾಗಿ ಟ್ವಿಟರ್ ಮೂಲಕ ಅನೌನ್ಸ್ ಮಾಡಿದ್ದರು. ಸದ್ಯ ಈ ಕುರಿತು ಮತ್ತೊಂದು ಸುದ್ದಿ ಹರಿದಾಡುತ್ತಿದೆ. ಧಡಕ್ ಸಿನಿಮಾ ಮೂಲಕ ಚಿತ್ರಜಗತ್ತಿಗೆ ಎಂಟ್ರಿ ಕೊಟ್ಟ ಶ್ರೀ ದೇವಿ ಪುತ್ರಿ ಜಾಹ್ನವಿ ಕಪೂರ್ ತನ್ನ ತಾಯಿಯ ಕನಸಿನಂತೆ ಅಜಿತ್ ಚಿತ್ರದ ಮೂಲಕವೇ ತಮಿಳು ಚಿತ್ರರಂಗಕ್ಕೆ ಎಂಟ್ರಿ ಪಡೆಯಲಿದ್ದಾರಂತೆ.
ಈ ಸಿನಿಮಾವನ್ನು ಎಚ್. ವಿನೋದ್ ನಿರ್ದೇಶನ ಮಾಡಲಿದ್ದು, ಸದ್ಯಕ್ಕೆ ಸಿನಿಮಾಗೆ ತಲಾ 60 ಅಂತ ಹೆಸರಿಡಲಾಗಿದೆ. ಮೂಲಗಳ ಪ್ರಕಾರ ಆಗಸ್ಟ್ ಕೊನೇ ವಾರದಲ್ಲಿ ಮುಹೂರ್ತ ನಡೆಯಲಿದ್ದು, ಸೆಪ್ಟೆಂಬರ್ ಮೊದಲ ವಾರದಲ್ಲಿ ಶೂಟಿಂಗ್ ಪ್ರಾರಂಭವಾಗಲಿದೆ. ತಲಾ 60 ಸಿನಿಮಾ ಥ್ರಿಲ್ಲಿಂಗ್ ಹಾಗೂ ಮಾಸ್ ಪ್ಯಾಕ್ಡ್ ಆಗಿರಲಿದ್ದು, ಅಜಿತ್ ಇಮೇಜ್ಗೆ ಹೊಂದುವಂಥ ಕಥೆಯನ್ನು ನಿರ್ದೇಶಕರು ರೆಡಿ ಮಾಡಿದ್ದಾರೆ. ಇಂಟ್ರೆಸ್ಟಿಂಗ್ ವಿಚಾರ ಅಂದರೆ 2012ರಲ್ಲಿ ರಿಲೀಸ್ ಆದ ಇಂಗ್ಲೀಷ್ ವಿಂಗ್ಲಿಷ್ ಸಿನಿಮಾದಲ್ಲಿ ಶ್ರೀದೇವಿ ಮೇನ್ ರೋಲ್ ಮಾಡಿದ್ದರೆ ಅಜಿತ್ ಗೆಸ್ಟ್ ರೋಲ್ನಲ್ಲಿ ಕಾಣಿಸಿಕೊಂಡಿದ್ದರು. ಅಜಿತ್ ಅವರ ಅಪ್ ಕಮಿಂಗ್ ಸಿನಿಮಾ ನೆರ್ಕೊಂಡ ಪಾರ್ವೈ ಸಿನಿಮಾ ಕೂಡ ಹಿಂದಿಯ ಪಿಂಕ್ ಸಿನಿಮಾದ ರಿಮೇಕ್ ಆಗಿದ್ದು, ಈ ಸಿನಿಮಾವನ್ನು ವಿನೋದ್ ನಿರ್ದೇಶಿಸಿದ್ದು, ಬೋನಿ ಕಪೂರ್ ಬಂಡವಾಳ ಹೂಡಿದ್ದಾರೆ.
Other Articles
ಬೆಂಗಳೂರು ನೂತನ ಪೊಲೀಸ್ ಆಯುಕ್ತರಾಗಿ ಎಡಿಜಿಪಿ ಭಾಸ್ಕರ್ ರಾವ್ ನೇಮಕ!
ಅಧ್ಯಕ್ಷ ಇನ್ ಅಮೆರಿಕಾ ಟ್ರೇಲರ್ ಬಿಡುಗಡೆ!
No Comment! Be the first one.