ಆಡೈ ಬೆತ್ತಲೆ ಪೋಸಿಗೆ ಅಮಲಾ ರಿಯಾಕ್ಷನ್!

ಬಹುಭಾಷಾ ನಟಿ ಅಮಲಾ ಪೌಲ್ ಆಡೈ ಎಂಬ ತಮಿಳು ಸಿನಿಮಾದಲ್ಲಿ ಅಭಿನಯಿಸಿರೋದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಈಗಾಗಲೇ ಟೀಸರ್, ಫೋಸ್ಟರ್, ಟ್ರೇಲರ್ ಮೂಲಕ ಬಹಳಷ್ಟು ಸದ್ದು ಮಾಡುತ್ತಿರುವ ಆಡೈ ಸಾಕಷ್ಟು ವಿವಾದಕ್ಕೂ ಕಾರಣವಾಗಿತ್ತು. ಈ ಚಿತ್ರದಲ್ಲಿ ಅಮಲಾ ಪೌಲ್ ಬೋಲ್ಡ್ ಯುವತಿ ಪಾತ್ರದಲ್ಲಿ ನಟಿಸಿದ್ದು, ಟ್ರೇಲರ್ ನಲ್ಲಿ ಅಮಲಾ ಬೆತ್ತಲೆಯಾಗಿ ಕಾಣಿಸಿಕೊಂಡಿದ್ದರು. ಈ ಟ್ರೇಲರ್ ವೀಕ್ಷಿಸಿದ ಅಭಿಮಾನಿಗಳು ಫುಲ್ ಖುಷ್ ಆದರೆ, ಟ್ರೋಲಿಗರು ಅಮಲಾ ಕಾಲೆಳೆದಿದ್ದರು. ಆಗ ಅದ್ಯಾವುದಕ್ಕೂ ಕೇರ್ ಮಾಡದ ಅಮಲಾ ಸಂದರ್ಶನವೊಂದರಲ್ಲಿ ಈ ಕುರಿತು ಪ್ರತಿಕ್ರಿಯಿಸಿದ್ದಾರೆ.

“ನಾನು ಆಡೈ ನಲ್ಲಿ ವಿಭಿನ್ನ ಪಾತ್ರವೊಂದನ್ನು ಚ್ಯೂಸ್ ಮಾಡಿಕೊಂಡಿದ್ದೇನೆ. ಚಿತ್ರದಲ್ಲಿ ನಶೆಯಲ್ಲಿ ನಾಪತ್ತೆಯಾಗುವ ಮಗಳ ಪಾತ್ರ ನನ್ನದು. ಈ ಮೊದಲು ನಾನು ಅತ್ಯಾಚಾರ ಸಂತ್ರಸ್ತೆ, ಹೋರಾಟ ಮಾಡುವ ಮಹಿಳೆ, ತಂಗಿ, ತಾಯಿಯ ಪಾತ್ರಗಳಲ್ಲಿಯೇ ನಟಿಸಿ ನಟಿಸಿ ಸಾಕಾಗಿದ್ದ ನನಗೆ ಹೊಸ ಪಾತ್ರಗಳ ನಿರೀಕ್ಷೆಯಿತ್ತು. ಆ ಕಾರಣಕ್ಕಾಗಿ ವಿಶೇಷ ಪಾತ್ರ ಎಂದು ಅನ್ನಿಸಿದ್ದಕ್ಕೆ ನಾನು ಆಡೈನಲ್ಲಿ ನಟಿಸಲು ಒಪ್ಪಿದ್ದು. ಅದಕ್ಕೆ ನನ್ನ ಯಾವ ತಕರಾರು ಇಲ್ಲ. ಸಿನಿಮಾವನ್ನು ಸಿನಿಮಾವಾಗಿ ಯಾಕೆ ನೋಡಬಾರದು” ಎಂದಿದ್ಧಾರೆ. ಆಡೈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಎ ಪ್ರಮಾಣ ಪತ್ರವನ್ನು ನೀಡಿದೆ. ಸಿನಿಮಾ ಸದ್ಯದಲ್ಲಿಯೇ ಬಿಡುಗಡೆಯಾಗುವ ಸಾಧ್ಯತೆಯೂ ಇದೆ.