2019ರ ಲೋಕಸಭಾ ಚುನಾವಣೆ ಹಾಟ್ ಅಂಡ್ ಕ್ಯೂರಿಯಸ್. ಮೋದಿ ಮತ್ತೊಮ್ಮೆ ಪ್ರಧಾನಿಯಾದದ್ದು ಒಂದು ಕಡೆಯಾದರೆ, ಈ ಬಾರಿ ಸಂಸತ್ತಿಗೆ ಹಲವು ಸಿನಿಮಾ ತಾರೆಯರ ಪ್ರವೇಶವಾದದ್ದು ಮತ್ತೊಂದು ಕಡೆ. ಹೇಮಾ ಮಾಲಿನಿ, ಸ್ಮೃತಿ ಇರಾನಿ, ಸನ್ನಿ ಡಿಯೋಲ್, ರವಿ ಕಿಶನ್, ಬಾಬುಲ್ ಸುಪ್ರಿಯೋ, ಮನೋಜ್ ತಿವಾರಿ ಆಯ್ಕೆಯಾಗಿದ್ದಾರೆ. ಜತೆಗೆ ಯುವ ಚೆಲುವೆಯರಾದ ನುಸ್ರತ್ ಜಹಾನ್, ಮಿಮಿ ಚಕ್ರಬೋರ್ತಿ, ನವನೀತ್ ಕೌರ್ ಸಹ ಸಂಸತ್ತಿಗೆ ಎಂಟ್ರಿ ಪಡೆದಿದ್ದಾರೆ.
ಮಮತಾ ಬ್ಯಾನರ್ಜಿ ಸಾರಥ್ಯದ ತೃಣಮೂಲ ಕಾಂಗ್ರೆಸ್ ಪಕ್ಷದ ನೂತನ ಸಂಸದೆಯರಾಗಿ ಆಯ್ಕೆಯಾಗಿರುವ ನಟಿ ಮಿಮಿ ಚಕ್ರಬೋರ್ತಿ ಮತ್ತು ನುಸ್ರತ್ ಜಹಾನ್ ಹೊಸದೊಂದು ಅವಾಂತರದಿಂದ ಸೋಶಿಯಲ್ ಮೀಡಿಯಾದಲ್ಲಿ ಟ್ರೋಲಿಗರ ಟೀಕಾಸ್ತ್ರಕ್ಕೆ ಗುರಿಯಾಗಿದ್ದಾರೆ. ಸಂಸದರಾಗಿ ಹೆಸರು ನೊಂದಾಯಿಸಲು ಸಂಸತ್ತಿಗೆ ಬಂದ ಅವರು ಸಂಸತ್ ಭವನದ ಮುಂದೆ ನಿಂತು ಪೋಸು ಕೊಟ್ಟಿದ್ದಾರೆ. ಅಲ್ಲದೇ ಆ ಪೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿ, ‘ಇಂದು ನಾವು ಅಧಿಕೃತವಾಗಿ ಸಂಸತ್ ನಲ್ಲಿ ಸಂಸದೆಯರಾಗಿ ನಮ್ಮ ಹೆಸರನ್ನ ನಮೂಸಿದೆವು’ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ. ಈ ಪೋಸ್ಟ್ ಈಗ ಟ್ರೋಲ್ ಆಗುತ್ತಿದೆ.
https://www.instagram.com/p/Bx9sC2tAil-/?utm_source=ig_web_copy_link
‘ಇದು ಸಂಸತ್ ಭವನ. ಇಲ್ಲಿ ನಾಟಕ ಮಾಡಬೇಡಿ. ಬಂಗಾಳದ ಮಾರ್ಯದೆ ಹೋಗುತ್ತೆ’ ಎಂದು ಟೀಕಿಸಿದ್ದಾರೆ. ಇದೆಲ್ಲ ಮಾಡುವುದನ್ನ ನಿಲ್ಲಿಸಿ, ದುಡ್ಡಿನ ಹಿಂದೆ ಹೋಗುವುದು ಬಿಟ್ಟು ಸರಿಯಾಗಿ ವರ್ತಿಸಿ’ ಎಂದು ಕೂಡ ಕಾಂಮೆಂಟ್ ಮಾಡಿದ್ದಾರೆ. ಇಂತಹ ಜೋಕರ್ ಗಳನ್ನ ಸಂಸತ್ ಗೆ ಆಯ್ಕೆ ಮಾಡಿರುವುದಕ್ಕೆ ಬಂಗಾಳದ ಪ್ರಜೆಗಳು ನಾಚಿಕೆ ಪಡಬೇಕು” ಎಂದು ಕೂಡ ಕೆಲವರು ಬೈಯುತ್ತಿದ್ದಾರೆ.”ನಿಮಗೆ ಯಾವ ರೀತಿ ಡ್ರೆಸ್ ಹಾಕಬೇಕು ಎಂಬುದು ಗೊತ್ತಿಲ್ವಾ? ಇದು ಸಿನಿಮಾ ಶೂಟಿಂಗ್ ಅಥವಾ ನೀವು ಟೂರ್ ಗೆ ಹೋಗಿಲ್ಲ. ಇದು ಕೆಲಸದ ಸಮಯ” ಎಂದು ಕಿಡಿಕಾರಿದ್ದಾರೆ. ಸಿನಿಮಾ ನಟಿಯರು ಎಂಬುದನ್ನ ಮರೆತು ರಾಜಕಾರಣಿಗಳ ರೀತಿ ನಡೆದುಕೊಳ್ಳಿ ಎಂದು ಕಾಲೆಳೆಯುತ್ತಿದ್ದಾರೆ.
https://www.instagram.com/p/Bx9XPNOntgs/?utm_source=ig_web_copy_link
ಜಾಧವ್ ಪುರದ ಸಂಸದೆಯಾಗಿರುವ ಮಿಮಿ ಚಕ್ರಬೋರ್ತಿ ಜೀನ್ಸ್ ಪ್ಯಾಂಟ್ ಮತ್ತು ಬಿಳಿ ಬಣ್ಣದ ಶರ್ಟ್ ಹಾಕಿ ಸಂಸತ್ ಭವನದ ಮುಂದೆ ಪೋಸ್ ಕೊಟ್ಟಿರುವುದನ್ನ ನೆಟ್ಟಿಗರು ಖಂಡಿಸಿದ್ದಾರೆ. ಪಶ್ಚಿಮ ಬಂಗಾಳ ಮತ್ತೋರ್ವ ಟಿಎಂಸಿ ಸಂಸದೆ ನುಸ್ರತ್ ಜಹಾನ್ ವಿರುದ್ಧ ಕೂಡ ಟೀಕೆ ವ್ಯಕ್ತವಾಗಿದೆ. ‘ಇದು ನಿಮ್ಮ ಸಿನಿಮಾ ಶೂಟಿಂಗ್ ಸ್ಥಳವಲ್ಲ. ಸಂಸತ್ ಭವನ್ ಮುಂದೆ ನಿಂತು ಹೇಗೆ ಪೋಸ್ ಕೊಡ್ತಿದ್ದೀರಾ?’ ಎಂದು ಪ್ರಶ್ನಿಸಿದ್ದಾರೆ.
No Comment! Be the first one.