ಕಾಡಿನ ಹಾದಿಯಲ್ಲಿ ಹೆಜ್ಜೆಯಿರಿಸುವ ಕಾಲುಗಳು, ಮರ, ಕೊಂಬೆ, ಅದರಲ್ಲಿ ಜೋತುಬಿದ್ದ ತಲೆಬುರುಡೆ, ಐದಾರು ಜನರ ನಡುವೆ ಢುಮ್ಮಂತಾ ಸ್ಪೋಟಗೊಳ್ಳುವ ಒಂದು ಟಿಫನ್ ಕ್ಯಾರಿಯರ್ರು…. ಇಷ್ಟನ್ನೇ ಟ್ರೇಲರಿನಲ್ಲಿಟ್ಟು ೬-೫=೨ ಅನ್ನೋ ಸಿನಿಮಾ ಸೃಷ್ಟಿಸಿದ್ದ ಕ್ರೇಜ಼ು, ಬಿಡುಗಡೆಯ ನಂತರ ಬಾಕ್ಸಾಫೀಸಿನಲ್ಲೂ ಎಬ್ಬಿಸಿದ ಹವಾ ಯಾರೂ ಮರೆತಿರಲಿಕ್ಕಿಲ್ಲ.

ಕೃಷ್ಣ ಚೈತನ್ಯ ನಿರ್ಮಿಸಿದ್ದ ೬-೫=೨ ಚಿತ್ರವನ್ನು ಅಶೋಕ್ ಕೆ.ಎಸ್. ನಿರ್ದೇಶನ ಮಾಡಿದ್ದರು. ಇದೇ ಜೋಡಿ ಈಗ ಮತ್ತೆ ಒಂದಾಗಿ ರೂಪಿಸಿರುವ ಸಿನಿಮಾ ದಿಯಾ!

ಈ ಬಾರಿ ಕೂಡಾ ವಿನೂತನ ಟ್ರೇಲರಿನ ಮೂಲಕ ಅಶೋಕ್ ಕುತೂಹಲ ಮೂಡಿಸಿದ್ದಾರೆ. ಇದೇ ವಾರ ದಿಯಾ ಚಿತ್ರ ತೆರೆಗೆ ಬರುತ್ತಿದೆ. ಲೈಫ್ ಇಸ್ ಫುಲ್ ಆಫ್ ಸರ್ಪ್ರೈಸ್ ಎನ್ನುವ ಅಡಿ ಬರಹವನ್ನು ಈ ಚಿತ್ರಕ್ಕೆ ನೀಡಲಾಗಿದೆ. ಮೊದಲ ಸಿನಿಮಾ ಗೆಲುವು ಕಂಡ ನಂತರ ಬೇರೆ ಯಾರೇ ನಿರ್ದೇಶಕರಾಗಿದ್ದರೂ ತಕ್ಷಣ ಇನ್ನೊಂದಷ್ಟು ಅದೇ ಬಗೆಯ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದರು. ಆದರೆ ನಿರ್ದೇಶಕ ಅಶೋಕ್ ತಾಳ್ಮೆ ವಹಿಸಿ, ಸಾಕಷ್ಟು ಸಮಯ ತೆಗೆದುಕೊಂಡು ಸಬ್ಜೆಕ್ಟು ರೆಡಿ ಮಾಡಿಕೊಂಡು ದಿಯಾ ಚಿತ್ರವನ್ನು ಕಟ್ಟಿಕೊಟ್ಟಿದ್ದಾರೆ. ಈ ಟ್ರೇಲರ್ ನೋಡಿದರೆ, ಪ್ರೀತಿ, ಸಸ್ಪೆನ್ಸ್ ಮತ್ತು ಕ್ರೈಂ ಕಥಾ ಹಂದರ ಇದೆಯೆನ್ನುವ ಸೂಚನೆ ಸಿಕ್ಕಿದೆ. ಆದರೆ ನಿರ್ದೇಶಕ ಅಶೋಕ್ ಕಳೆದ ಬಾರಿಯಂತೆ ಈ ಸಲವೂ ಬಿಡುಗಡೆಗೂ ಮುನ್ನ ಯಾವುದೇ ರೀತಿಯ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ. ಸಿನಿಮಾ ತೆರೆಗೆ ಬಂದಮೇಲೆ ಟಾಕ್ ಕ್ರಿಯೇಟ್ ಆಗಲಿ ಅನ್ನೋದು ಅವರ ಪ್ಲಾನಿರಬಹುದು.

ವಿಶಾಲ್ ವಿತ್ತರ್ ಮತ್ತು ಸೌರಭ್ ವಾಘ್ಮರೆ ಛಾಯಾಗ್ರಹಣವಿರುವ ಈ ಚಿತ್ರಕ್ಕೆ  ಅಜನೀಶ್ ಲೋಕನಾಥ್ ಹಿನ್ನೆಲೆ ಸಂಗೀತ, ನವೀನ್ ರಾಜ್ ಸಂಕಲನ, ವರದರಾಜ್ ಕಾಮತ್ ಕಲಾ ನಿರ್ದೇಶನವಿದೆ. ಖುಷಿ ಮತ್ತು ದೀಕ್ಷಿತ್ ಶೆಟ್ಟಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಪೃಥ್ವಿ ಅಂಬರ್ ಮತ್ತು ಪವಿತ್ರಾ ಲೋಕೇಶ್ ಕೂಡಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಕೊಂಡಿದ್ದಾರೆ.

ARUN KUMAR G
ARUN KUMAR G Senior Film Journalist GAURI LANKESH PATRIKE, KARMAVEERA and others

28ಕ್ಕೆ ಸಲಗ ಬರ್ತಿದೆ ಸೈಡು ಬಿಡಿ!

Previous article

ಪ್ರಜ್ವಲ್ ಬಗ್ಗೆ ನಿಶ್ವಿಕಾ ನಾಯ್ಡು ಏನಂದ್ರು ಗೊತ್ತಾ?

Next article

You may also like

Comments

Leave a reply

Your email address will not be published. Required fields are marked *