ಹೊಸದಾಗಿ ಮದುವೆಯಾದರೆ ಸಾಕು ಫಾರ್ ನೆಕ್ಸ್ಟ್ ಎಲ್ಲರೂ ಮಗು ಯಾವಾಗ ಮಾಡ್ಕೋತ್ತೀರಾ ಎಂದೇ ಸಿಕ್ಕ ಸಿಕ್ಕಲ್ಲಿ ಕೇಳಿ ಇರಿಟೇಟ್ ಮಾಡುತ್ತಿರುತ್ತಾರೆ. ಇನ್ನು ಸೆಲೆಬ್ರೆಟಿಗಳ ಪಾಡಂತೂ ಇದಕ್ಕಿಂತ ಭಿನ್ನ. ಯಾವ ಸಿನಿಮಾ ಪ್ರಮೋಷನ್ನಿಗೆ ಹೋಗಲಿ, ಈವೆಂಟಿಗೆ ಹೋಗಲಿ, ಪಾರ್ಟಿಗೆ ಹೋಗಲಿ ಈ ವೈಯಕ್ತಿಕ ವಿಚಾರವನ್ನು ಕೇಳಿ ಕೇಳಿ, ಸದ್ಯಕ್ಕೆ ಮಗು ಬೇಡ ಎಂದು ಡಿಸೈಡ್ ಮಾಡಿರುವವರು ಇವರ ಟಾರ್ಚರ್ ನಿಂದ ಹೊರ ಬರಲಾದರೂ ರೆಡಿಯಾಗಿಬಿಡುತ್ತಾರೆ.
ಈ ಹಿಂದೆಯೂ ಹಾಗೆ ಆಗಿತ್ತು. ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಮದುವೆಯ ನಂತರದ ಸಂದರ್ಶನವೊಂದರಲ್ಲಿ ಮಾಧ್ಯಮ ಮಿತ್ರರೊಬ್ಬರು ಇದೇ ಪ್ರಶ್ನೆಯನ್ನೇ ಕೇಳಿದ್ದರು. ಆಗ ದೀಪಿಕಾ ಖಡಕ್ಕಾಗಿಯೇ ಮದುವೆಯಾದ ಕೂಡಲೆ ಮಕ್ಕಳ ಬಗ್ಗೆ ಯಾಕೆ ಕೇಳುತ್ತೀರ? ಎಂದು ಮಾಧ್ಯಮಗಳನ್ನು ನೇರವಾಗಿ ಪ್ರಶ್ನಿಸಿದ್ದರು. ಅಲ್ಲದೇ “ನಾನಿನ್ನೂ ಗರ್ಭಿಣಿಯಾಗಿಲ್ಲ. ಅದು ಯಾವಾಗ ಆಗಬೇಕೋ ಆಗ ಆಗುತ್ತದೆ. ಹಾಗಂತ ಮದುವೆಯಾದವರನ್ನು ಮಕ್ಕಳ ಬಗ್ಗೆ ಕೇಳಿ ಅವರಿಗೆ ಕಿರಿಕಿರಿ ಯಾಕೆ ನೀಡುತ್ತೀರ? ಇದು ದೊಡ್ಡ ತಪ್ಪು. ಅದು ಅವರವರ ಇಷ್ಟ. ಜೋಡಿಯೊಂದರ ಬಗ್ಗೆ ಆ ರೀತಿ ಒತ್ತಡ ತರುವುದು ತರವಲ್ಲ” ಎಂದಿದ್ದರು.
ಈಗ ಮತ್ತದೇ ಗಾಳಿಸುದ್ದಿಯೊಂದು ಹಬ್ಬಿದ್ದು, ನವ ಜೋಡಿ ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಮದುವೆ ಬಳಿಕ ಮೆಟ್ ಗಾಲಾ 2019ರಲ್ಲಿ ಭಾಗಿಯಾಗಿದ್ದು, ದೀಪಿಕಾರ ವಿಶೇಷ ಉಡುಪುಗಳು ಎಲ್ಲರ ಗಮನಸೆಳೆದಿವೆ. ಮುಖ್ಯವಾಗಿ ದೀಪಿಕಾ ತೊಟ್ಟಿದ್ದ ಹೊಸ ಉಡುಗೆಯನ್ನು ನೋಡಿ ನೆಟ್ಟಿಗರು ಗರ್ಭಿಣಿ ಎಂಬ ತೀರ್ಮಾನಕ್ಕೆ ಬಂದಿದ್ದಾರೆ.
ಈ ಬಾರಿಯ ಮೆಟ್ ಗಾಲಾ 2019ರ ಪಿಂಕ್ ಕಾರ್ಪೆಟ್ ಮೇಲೆ ದೀಪಿಕಾ ಪಡುಕೋಣೆ ಬಾರ್ಬಿ ಗೊಂಬೆಯಂತೆ ಕಂಗೊಳಿಸಿದ್ದಾರೆ. ಪ್ರಿಯಾಂಕಾ ಚೋಪ್ರಾ ತೊಟ್ಟಿದ್ದ ವಿಚಿತ್ರ ಉಡುಗೆ, ಹೇರ್ ಸ್ಟೈಲ್ ಕಾರಣ ಟ್ರೋಲ್ ಆಗಿದ್ದು ಗೊತ್ತೇ ಇದೆ. ಇದೀಗ ದೀಪಿಕಾ ಬಗ್ಗೆಯೂ ಅವರು ಗರ್ಭಿಣಿ ಎಂಬ ಸುದ್ದಿ ಹಬ್ಬಿದೆ. ಇನ್ನು ಈ ವಿಚಾರ ದಿಪ್ಪಿ ಕಿವಿಗೆ ಬಿದ್ದು, ಅದೇನಾದರೂ ಸುಳ್ಳೇ ಆಗಿದ್ದರೆ ಈ ಬಾರಿಯ ರಿಯಾಕ್ಷನ್ ಊಹಿಸಲಸಾಧ್ಯವಾದುದ್ದಾಗಿರೋದ್ದಂತೂ ಗ್ಯಾರೆಂಟಿ.
No Comment! Be the first one.