ಕಳೆದ ತಿಂಗಳು ರಿಲೀಸ್ ಭಾಗ್ಯ ಕಂಡು ಸದ್ಯದವರೆಗೂ ಬಾಕ್ಸ್ ಆಫೀಸಿನಲ್ಲಿ ಅತ್ಯುತ್ತಮ ಕಲೆಕ್ಷನ್ ಮಾಡುತ್ತಿರುವ ಸಿನಿಮಾ ಐ ಲವ್ ಯು. ಆರ್ ಚಂದ್ರು ಉಪ್ಪಿ ಸ್ಟೈಲಿನಲ್ಲಿ ಪ್ರೀತಿ, ಪ್ರೇಮ, ಕಾಮದ ಮಂತ್ರವನ್ನು ಜನ ಮೆಚ್ಚುವ ಮಟ್ಟಿಗೆ ತಲುಪಿಸುವಲ್ಲಿ ಸಕ್ಸಸ್ ಆಗಿದ್ದು, ನಿರೀಕ್ಷೆಗೂ ಮೀರಿದ ಯಶಸ್ಸಿನ ಕಡೆಗೆ ಐ ಲವ್ ಯು ಸಾಗುತ್ತಿದೆ. ಅಂತರಾಜ್ಯಗಳಲ್ಲೂ ರಿಲೀಸ್ ಆಗಿದ್ದ ಐ ಲವ್ ಯು ಚಿತ್ರವನ್ನು ಅಂತರಾಷ್ಟ್ರೀಯ ಮಟ್ಟದಲ್ಲೂ ಬಿಡುಗಡೆಗೊಳಿಸುವ ಪ್ಲ್ಯಾನ್ ನಲ್ಲಿ ಚಿತ್ರತಂಡವಿದೆ.
ಹೌದು ಅಮೆರಿಕಾದಲ್ಲಿ 15 ಸ್ಕ್ರೀನ್ ಗಳನ್ನು ಹಾಗೂ ಯುಕೆಯಲ್ಲಿ 20 ಸ್ಕ್ರೀನ್ ಗಳಲ್ಲಿ ರಿಲೀಸ್ ಮಾಡಲು ಐ ಲವ್ ಯು ತಂಡ ನಿರ್ಧರಿಸಿದ್ದು, ಅಮೆರಿಕಾದಲ್ಲಿ ರಿಲೀಸ್ ಮಾಡುವ ಜವಾಬ್ದಾರಿಯನ್ನು ಸಂಗೀತ ನಿರ್ದೇಶಕ ಕಿರಣ್ ಅವರಿಗೆ ವಹಿಸಲಾಗಿದೆಯಂತೆ. ಅಲ್ಲದೇ ಎರಡು ರಾಷ್ಟ್ರಗಳಲ್ಲಿ ಐ ಲವ್ ಯು ಬಿಡುಗಡೆ ಮಾಡಲು ಪ್ರತ್ಯೇಕ ಡಿಸ್ಟ್ರಿಬ್ಯೂಟರ್ ಗಳಿಗೆ ತಿಳಿಸಲಾಗಿದೆ ಎನ್ನಲಾಗುತ್ತಿದೆ. ಉಪೇಂದ್ರ, ರಚಿತಾ ರಾಮ್ ಮತ್ತು ಸೋನುಗೌಡ ನಟಿಸಿರುವ ಐ ಲವ್ ಯು ಜೂನ್ 14ರಂದು ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ ರಾಜ್ಯಗಳಲ್ಲಿ ರಿಲೀಸ್ ಆಗಿತ್ತು.
No Comment! Be the first one.