ಐ ಲವ್ ಯು ಚಿತ್ರಕ್ಕೆ ಕೌಂಟ್ ಡೌನ್!

ಈ ಹಿಂದೆ ಆರ್ ಚಂದ್ರು ಮತ್ತು ಉಪೇಂದ್ರ ಕಾಂಬಿನೇಷನ್ನಿನ ಬ್ರಹ್ಮ ಸಿನಿಮಾ ರಿಲೀಸ್ ಆಗಿತ್ತು. ಆದರೆ ಅಷ್ಟೇನೂ ಆ ಸಿನಿಮಾ ಯಶಸ್ಸನ್ನು ಕಂಡಿರಲಿಲ್ಲ. ಇದೀಗ ಇಂದಿನ ಪಡ್ಡೆ ಹೈಕಳು ಇಷ್ಟಪಡುವ ಸಬ್ಜೆಕ್ಟ್ ತೆಗೆದುಕೊಂಡು ಆರ್ ಚಂದ್ರು ಮತ್ತು ಉಪೇಂದ್ರ ಜೋಡಿ ಮತ್ತೆ ಹೊಸದೊಂದು ಸಿನಿಮಾವನ್ನು ಮಾಡಿ ಮುಗಿಸಿದ್ದು, ಆ ಚಿತ್ರಕ್ಕೆ ಐಲವ್ ಯು ಎಂದು ಹೆಸರಿಟ್ಟಿದ್ದಾರೆ. ಮೊದಲಿನಿಂದಲೂ ಲವ್ ಗುರುಗಳಾಗಿರುವ ಉಪೇಂದ್ರ ಮತ್ತು ಆರ್ ಚಂದ್ರು ತಮ್ಮ ಸಿನಿಮಾಗಳಲ್ಲಿ ಡಿಫರೆಂಟ್ ಡಿಫರೆಂಟ್ ಟೈಪ್ ನಲ್ಲಿ ಪ್ರೀತಿಯನ್ನು ತೋರಿಸುವ ಪ್ರಯತ್ನವನ್ನು ಮಾಡಿದ್ದಾರೆ. ಈಗ ಆ ಜೋಡಿ ಒಟ್ಟಿಗೆ ಐಲವ್ ಯು ಎನ್ನಲು ರೆಡಿಯಾಗಿರುವುದು ನೋಡುಗರಲ್ಲಿ ಸಂತಸವನ್ನು ಮೂಡಿಸಿದೆ. ಈಗಾಗಲೇ ಐ ಲವ್ ಯು ಸಿನಿಮಾದ ಟ್ರೇಲರ್ ಹಾಗೂ ಹಾಡುಗಳು ರಿಲೀಸ್ ಆಗಿದ್ದು, ಸಿನಿಮಾ ರಿಲೀಸ್ ಆಗುವುದೊಂದೇ ಬಾಕಿ ಇದೆ. ಸಾಕಷ್ಟು ಮಟ್ಟಿಗೆ ಪ್ರೇಕರಿಗೆ ಕ್ಯೂರಿಯಾಸಿಟಿ ಹುಟ್ಟಿಸಿರುವ ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ಐ ಲವ್​ ಯು ಚಿತ್ರ ತೆರೆಗೆ ಬರೋಕೆ ಸಜ್ಜಾಗುತ್ತಿದೆ.

ಐ ಲವ್ ಯು ಸಿನಿಮಾ ಕಳೆದ ವ್ಯಾಲೆಂಟೈನ್ಸ್ ಡೇಗೆ ರಿಲೀಸ್ ಆಗಬೇಕಿತ್ತು. ಆದರೆ ರಿಯಲ್ ಸ್ಟಾರ್ ಪ್ರಜಾಕೀಯದ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದ ಕಾರಣ ಸಿನಿಮಾ ರಿಲೀಸ್ ದಿನಾಂಕ ಮುಂದೆ ಹೋಗುತ್ತಲೇ ಇತ್ತು. ಇದೀಗ ಚಿತ್ರ ರಿಲೀಸ್​ಗೆ ಕೆಲವೇ ದಿನ ಬಾಕಿ ಇರುವಂತೆ ಚಿತ್ರತಂಡ ಹೊಸ ಪೊಸ್ಟರ್​ಗಳನ್ನ ಬಿಟ್ಟಿದೆ. ಈ ಮೂಲಕ ಚಿತ್ರದ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಐ ಲವ್ ಯು ಸಿನಿಮಾದಲ್ಲಿ ಉಪೇಂದ್ರ ಅವರಿಗೆ ರಚಿತಾ ರಾಮ್ ಹಾಗೂ ಸೋನು ಗೌಡ ಜೊತೆಯಾಗಿದ್ದಾರೆ. ಸದ್ಯದಲ್ಲೇ ಸಿನಿಮಾ ರಿಲೀಸ್ ಆಗಲಿದೆ.