ಎಮ್ ರಮೇಶ್ ರೆಡ್ಡಿ ನಿರ್ಮಾಣ ಮಾಡಿರುವ ಪಡ್ಡೆಹುಲಿ ಚಿತ್ರದ ಜ್ಯೂಕ್ ಬಾಕ್ಸ್ ಈಗ ಎಲ್ಲೆಡೆ ಹರಿದಾಡುತ್ತಿದೆ. ಕೆಲವೇ ದಿನಗಳ ಹಿಂದೆ ಬಿಡುಗಡೆಯಾದ ಈ ಜ್ಯೂಕ್ ಬಾಕ್ಸ್ ಮೂಲಕ ಹತ್ತು ಹಾಡುಗಳನ್ನು ಮತ್ತೆ ಮತ್ತೆ ಕೇಳುತ್ತಾ ಜನ ಸಂಭ್ರಮಿಸುತ್ತಿದ್ದಾರೆ. ಅದಾಗಲೇ ಐಪಿಎಲ್ ಕ್ರಿಕೆಟ್ ಪಂದ್ಯಾಟದ ಸ್ಫೂರ್ತಿಯಿಂದ ಮತ್ತೊಂದು ಹಾಡನ್ನು ನಿರ್ದೇಶಕ ಗುರು ದೇಶಪಾಂಡೆ ರೂಪಿಸಿದ್ದಾರೆ.
ಐಪಿಎಲ್ ನ ಮೊದಲ ದಿನದ ಪಂದ್ಯಾಟದಲ್ಲಿ ನೆಲ ಕಚ್ಚಿದ ಆರ್ಸಿಬಿಗೂ ಲವ್ವಿಗೂ ಕನೆಕ್ಷನ್ನು ಹೊಂದಿರುವ ಈ ವೀಡಿಯೋ ಹಾಡನ್ನು ಇದೀಗ ಬಿಡುಗಡೆಗೊಳಿಸಲಾಗಿದೆ. ಈ ಹಿಂದೆ ಹಂತ ಹಂತವಾಗಿ ಬಿಡುಗಡೆಯಾದ ಈ ಚಿತ್ರದ ಅಷ್ಟೂ ಹಾಡುಗಳು ಹಿಟ್ ಆಗಿದ್ದವು. ಇದೀಗ ಬಿಡುಗಡೆಯಾಗಿರೋ ವಿಶೇಷವಾದ ಈ ಹಾಡೂ ಕೂಡಾ ಆ ಸಾಲಿಗೆ ಸೇರಿಕೊಳ್ಳುವುದು ನಿಸ್ಸಂದೇಹ!
ಚೂರ್ ಚೂರಾಗಿದೆ ಅನ್ನೋ ಶೀರ್ಷಿಕೆ ಹೊಂದಿರುವ ಈ ಹಾಡು ಐಪಿಎಲ್ ಬರಲಿ ಆರ್ಸಿಬಿ ಬೀಳಲಿ ಈ ಸಲ ಲವ್ವಲ್ಲಿ ಕಪ್ ನಮ್ದೇ ಅನ್ನೋ ಆಕರ್ಷಕ ಸಾಲುಗಳನ್ನು ಹೊಂದಿದೆ. ಅಜಿನೀಶ್ ಲೋಕನಾಥ್ ಈ ಹಾಡಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಅಜನೀಶ್ ಮತ್ತು ಸಿ.ಆರ್ ಬಾಬ್ಬಿ ಇದನ್ನು ಹಾಡಿದ್ದಾರೆ. ಈಗ ಹೊರ ಬಂದಿರೋ ಈ ವೀಡಿಯೋ ಹಾಡಲ್ಲಿ ನಾಯಕ ಶ್ರೇಯಸ್ ಯೂಥ್ ಐಕಾನ್ ಅನ್ನಿಸುವಂಥಾ ಆಕರ್ಷಕ ಸ್ಟೆಪ್ಸ್ ಹಾಕೋ ಮೂಲಕ ಮತ್ತೊಮ್ಮೆ ಎಲ್ಲರ ಗಮನ ಸೆಳೆದಿದ್ದಾರೆ.
ಈ ವೀಡಿಯೋ ಸಾಂಗಿಗೆ ನೃತ್ಯ ಸಂಯೋಜನೆ ಮಾಡಿರುವವರು ಜಾನಿ ಮಾಸ್ಟರ್. ಈಗಾಗಲೇ ಪುನೀತ್ ರಾಜ್ ಕುಮಾರ್ ಅಭಿನಯದ ರಾಜಕುಮಾರ ಚಿತ್ರದ ಅಪ್ಪ ಡಾನ್ಸ್ ಮತ್ತು ನಟಸಾರ್ವಭೌಮದ ಓಪನ್ ದ ಬಾಟಲ್ ಹಾಡುಗಳಿಗೆ ಕೋರಿಯೋಗ್ರಫಿ ಮಾಡಿದ್ದವರು ಜಾನಿ ಮಾಸ್ಟರ್. ಪ್ರಭಾಸ್, ಅಲ್ಲು ಅರ್ಜುನ್ ಮುಂತಾದವರ ಚಿತ್ರಗಳಿಗೂ ನೃತ್ಯ ನಿರ್ದೇಶನ ಮಾಡಿರೋ ಜಾನಿ ಪಡ್ಡೆ ಹುಲಿ ಹಾಡನ್ನು ಮತ್ತಷ್ಟು ಆಕರ್ಷಕವಾಗಿದ್ದಾರೆ.
ಈ ಹಾಡೂ ಕೂಡಾ ಯುವ ಸಮುದಾಯದ ಹಾಟ್ ಫೇವರಿಟ್ ಆಗಿ ಸೂಪರ್ ಹಿಟ್ಟಾಗೋ ಎಲ್ಲ ಲಕ್ಷಣಗಳೂ ಕಾಣಿಸುತ್ತಿವೆ. ಅಂದಹಾಗೆ ಇದು ಪಡ್ಡೆ ಹುಲಿ ಚಿತ್ರದ ಹನ್ನೊಂದನೇ ಹಾಡು!
ದರ್ಶನ್ ಮನೆ ಮೇಲೆ ಬಿದ್ದ ಕಲ್ಲಿಗೆ ಮಂಡ್ಯದ ನಂಟಿದೆಯಾ?
ನಾನಿ ಜೊತೆ ಕನ್ನಡತಿ ಶ್ರದ್ಧಾ ಲಿಪ್ ಲಾಕ್!
No Comment! Be the first one.