ಟೆರರಿಸ್ಟ್ ರೋಲ್ ನಲ್ಲಿ ಪೈಲ್ವಾನ್ ವಿಲನ್!

ಸ್ಯಾಂಡಲ್ ವುಡ್ ಬಾದ್ ಷಾ ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್ ಚಿತ್ರದಲ್ಲಿ ಸುದೀಪ್ ಗೆ ಎದುರಾಳಿಯಾಗಿ ತೊಡೆತಟ್ಟಿರುವ ಕಬೀರ್ ದುಹಾನ್ ಸಿಂಗ್ ಸದ್ಯ ತಮಿಳಿನ ಚಿತ್ರವೊಂದರಲ್ಲಿ ಟೆರರಿಸ್ಟ್ ರೋಲ್ ನಲ್ಲಿ ಮಿಂಚುಹರಿಸಲಿದ್ದಾರೆ. ಈ ಚಿತ್ರವನ್ನು ಸುಂದರ್ ಸಿ ನಿರ್ದೇಶನ ಮಾಡಲಿದ್ದು, ವಿಶಾಲ್ ನಾಯಕನಾಗಿ ನಟಿಸಲಿದ್ದಾರೆ.

ಕಾಲಿವುಡ್ ನ ಬಹುಬೇಡಿಕೆಯ ಸಿನಿಮಾ ಇದಾಗಿದ್ದು, ಇತ್ತೀಚಿಗಷ್ಟೇ ರಾಜಸ್ಥಾನದಲ್ಲಿ ಚಿತ್ರೀಕರಣವನ್ನು ಮುಗಿಸಿಕೊಂಡಿರುವ ಕಬೀರ್ ಸಿಂಗ್ ದುಹಾನ್ ಮಾಧ್ಯಮಗಳ ಜತೆ ಮಾತನಾಡಿ, ‘ಸುಂದರ್‌ ಸಿ ಮತ್ತು ವಿಶಾಲ್‌ ಅವರ ಜತೆ ಕೆಲಸ ಮಾಡಿದ್ದು ನನಗೆ ಖುಷಿ ಕೊಟ್ಟ ವಿಚಾರವಾಗಿದೆ. ಈ ಸಿನಿಮಾದ ಪಾತ್ರ ಬಹಳ ಚೆನ್ನಾಗಿದ್ದು ಚಿತ್ರ ಬಿಡುಗಡೆಯಾದ ಮೇಲೆ ತಮಿಳುನಾಡಿನಲ್ಲಿ ಇನ್ನಷ್ಟು ಮಂದಿ ಅಭಿಮಾನಿಗಳು ಹೆಚ್ಚಾಗುತ್ತಾರೆ’ ಎಂದು ಕಬೀರ್‌ ಹೇಳುತ್ತಾರೆ.