ಬಿಳಿ ಡ್ರೆಸ್ಸಿನಲ್ಲಿ ಕಂಗೊಳಿಸಿದ ಕಂಗನಾ!

ನರೇಂದ್ರ ಮೋದಿ ಅವರ ಪ್ರಮಾಣ ವಚನ ಕಾರ್ಯಕ್ರಮದ ನಿಮಿತ್ತ ಗಣ್ಯಾತಿಗಣ್ಯರೆಲ್ಲರೂ ಭಾಗಿಯಾಗಿದ್ದರು. ಸಿನಿ ತಾರೆಯರ ದಂಡು ಆ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿದ್ದು, ಬಾಲಿವುಡ್ ನ ಬಹುತೇಕರು ಮತ್ತೊಮ್ಮೆ ಮೋದಿ ಪ್ರಧಾನಿಯಾಗಿ ಪದಗ್ರಹಣ ಮಾಡಿದ್ದನ್ನು ನೋಡಿ ಕಣ್ತುಂಬಿಕೊಂಡರು. ಈ ಪೈಕಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಬಾಲಿವುಡ್ ನಟಿ ಕಂಗನಾ ರಣಾವತ್ ಮುಂಬೈ ಏರ್ ಫೋರ್ಟ್ ಗೆ ಬಂದಾಗ ಅವರು ಧರಿಸಿದ್ದ ಬಿಳಿ ಬಣ್ಣದ ಡ್ರೆಸ್ಸು ಕ್ಯಾಮೆರಾ ಕಣ್ಣಿಗೆ ಬಿದ್ದಿತ್ತು.

https://www.instagram.com/p/ByEr7O8F2Io/?utm_source=ig_web_copy_link

ಸೋಶಿಯಲ್ ಮೀಡಿಯಾದಲ್ಲಿ ಕಂಗನಾ ಧರಿಸಿದ್ದ ಡ್ರೆಸ್ಸಿನ ಕುರಿತಾಗಿಯೇ ಮಾತುಕತೆಗಳಾಗುತ್ತಿದ್ದು, ಕೆಲವರು ಕಂಗನಾ ಬೆಸ್ಟ್ ಡ್ರೆಸ್ ಚಾಯ್ಸ್ ಮಾಡಿದ್ದಾರೆ, ಬಿಳಿ ಬಣ್ಣದ ದಿರಿಸು ಬಿಸಿಲಿನ ಸಮಯದಲ್ಲಿ ಸೂಕ್ತ ಎಂದು ಕೊಂಡಾಡಿದ್ದಾರೆ. ಇನ್ನು ಕೆಲವರು, ಅತಿ ಎನಿಸುವ, ಒಳ ಉಡುಪು ಸಹ ಕಾಣಿಸುವಂತಹ ಈ ಪಾರದರ್ಶಕ ಉಡುಪಿನಲ್ಲಿ ಕಂಗನಾ ಕಾಣಿಸಿಕೊಳ್ಳುವುದು ಬೇಕಿತ್ತಾ? ಎಂದು ಮೂದಲಿಸಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಏರ್ ಪೋರ್ಟ್ಸ್ ಲುಕ್ಸ್ ಬಾಲಿವುಡ್ ಸೆಲೆಬ್ರಿಟಿಗಳಿಗೆ ಬಹಳ ಮುಖ್ಯವಾಗಿದ್ದು, ಅದಕ್ಕಾಗಿಯೇ ಬಹುತೇಕ ನಟ ನಟಿಯರು ಟ್ರೆಂಡಿಂಗ್ ಔಟ್ ಫಿಟ್ ನಲ್ಲಿ ಕಾಣಿಸಿಕೊಳ್ಳುವುದೇ ಟ್ರೆಂಡ್ ಆಗಿಬಿಟ್ಟಿದೆ.